Ka Nupepa Kuokoa, Volume XXXVII, Number 19, 13 Mei 1898 — Ka Anela o ka Make ma Honolulu nei ma ka Malama aku nei o Aperila. [ARTICLE]

Ka Anela o ka Make ma Honolulu nei ma ka Malama aku nei o Aperila.

Ma ka papa hoike no na make o Honolulu nei iloko o ka malama o Aperila i hala aku la, ua ikeia he 108, ka nui o ka poe make. He 28 na keiki malalo o ka hookahi makahiki, he 24 poe keiki mawaena o ka makahiki hookahi a ka 5 makahiki; he 3 mawaena o ka 10 ame 20 makaliiki; he 11 mai ka 20 a ke 30; he 10 mawaena o ke 30 ame 40; he 8 mawaena o ke 40 ame 50; he 6 mawaena o ke 50 a ke 60; he 11 mai ke 60 a ke 70; a he 7 maluna o 70 makahiki. He 72 kane a he 36 wahine, ua like me 108. Mailoko ae o keia heluna he 63 poe Hawaii.

He huina nui keia o na poe make i ikeia ma Honolulu nei, iloko o ka malama o Aperila, ma keia makahiki, ke hoohalikelikeia me na make i ikeia maloko oia malama, iloko o na makahiki elima i kaa hope ae nei. Oia hoi, ma ka malama o Aperila, 1893, he 40 wale no poe make; ma Aperila, 1894, he 60 poe make; Aperila, 1895, he 62; Aperilafl 1896, he 69; Aperila, 1897, he 56. He hoike maopopo keia, ua oolea loa ka*paahana ana a ka pahi kakiwi o ka anela luku ma ia malama, a ua awiwi launa ole mai hoi ka huli ana o ka ipuone ana manawa o ke ola ana o na mea kino kanaka i aeia e ke Kolukahi e oioina maluna o ka honua. ma ia malama.

Maloko o ka malama aku nei o Maraki i ikela ai ka haule ku-a-ua ikaika a oolea loa ma Honolulu nei,. a oia nohol ke ku-a-ua i holapu ae ai me ka ikaika a puni ka Mokupuni o Oahu nei, ao ka hopena i ikeia ma ka malama mai o Aperila, oia ka make ano "ahulau" maoli ana he 63 poe Hawaii.

0 ka anai ikaika ana a ka make, aia no ia mawaena o na; keiki, malalo iho o ka makahiki hookahi a hoea i ka elima makahiki, o ko lakou nui he 52, o ka aneane o ka hapalua okoa o ka huina o na make apau o lokp oia mahina.