Ka Nupepa Kuokoa, Volume XXXVII, Number 19, 13 May 1898 — He Makamaka Io Anei o Hawaii no Amerika Huiia! [ARTICLE]

He Makamaka Io Anei o Hawaii no Amerika Huiia!

He mau miliona dala i loaa ia Hawaii nei mailoko mai o ke Kuikahi Panailike i paa mawaena o Hawaii nei ame Amerika Huiia, mai o lilo loa mai a hoea' mai hoi i keia wa. He mea oiaio, ua hoopomaikai nui ia ko Hawaii nei oihana kalepa kuloko a kuwaho e ia auwaha hooulu waiwai a Amerika i haawi mai ai ia Hawaii. Aka, ma ka hora o ko Amerika pilikia, elike me ia e komo kino nei i ke kaua me Sepania i keia wa, oia anei ka wa a ka mea i hoopomaikai nui ia e Amerika, elike la hoi me Hawaii nei, e paniku ai i kona umauma aloha, aole e kokua aku ia Amerika, ka mea ana i aie.nui ai i kona lokomaikai? Ina he hoaloha o Hawaii nei no Amerika Huiia, aole anei he mea pono ia Hawaii nēi ke haawi aku i ka hoike ana o kona aloha io ia Amerika ma ke kokua ana ia Amerika, ma ka ae ana aku i kona mau mokukaua e kipa mai maanei j*o ka hoopiha ana • i na lanahu ame na lako e ae e pono ai lakou? E hoik« o Hawaii i kona «īoha oiaio ia Amerika; a ina aole pela, alaila, aole o Hawaii nei he hoaloha io no Amerika.