Ka Nupepa Kuokoa, Volume XXXVII, Number 17, 29 April 1898 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoolaha Mana Looko

HOOLAHA AINA AUPUNI

            Ma ka Poaono, Mei 14, ma ka hora 12 awakea, ma ka alo iho o ka Hale Hookolokolo, e kuai ku-ialaia aku ai ma ke akea:

            Ka hoolimalima o na Aina Aupuni o Kamiloloa ame Makakupaia, Molokai, nona na Eka he 4956, oi aku a emi mai paha.  Manawa hoolimalima he 21 makahiki.

            Uku hoolimalima oi aku maluna o $200 no ka makahiki, e hookaa mua ia ana i kela ame keia eono mahina.

            E paa ana maloko o ka hoolimalima na olelo hoopaa no ka malama ana i ka ululaau, ame ke oki a hoopau ana i ka lanatana, ame ka malama ana i na aina no na home hookuonoono.

            No na hoakaka piha, na kii a pela aku, e ninau aku i ke keena Aina Aupuni, ma Honolulu.          J. F. BROWN, Agena Aina Aupuni          269813ts

 

HOOLAHA HUI.

            Ma ka Hana o ka Hoopau ana i ka Hui  "Hawaiian Construction Company."

            Oiai, ua waiho mai ka Hawaiian Construction Company, he Hui i kukuluia a e ke ana malalo a ma o ka mana la o na Kanawai o ko Hawaii Pae Aina, elike me ke kanawai ma ia hana a i hoakakaia hoi, ma ke Keena o ke Kuhina Kalaiaina, he noi no ka hoopau ana i ua Hui la, me ka Palapala Hooia i hoopili pu ia, elike me ke kauoha a ke Kanawai.

            Nolaila, ke hoolahaia aku nei ma kela ame keia ano, iloko o ua Hui la, e pono no e waiho mai i na kumu kue no ka aeia ana o ua noi la, ma ke Keena o ke Kuhina Kalaiaina, ma ka Poalima, Mei 6, 1898, a mamua ae paha, a o kela ame keia mea e makemake ana e loheia kana hoohalahala, e hele kino ae ma ke keena o ka mea nonoa ka inoa malalo iho nei, ma ka Hale Oihana Hooko, Honolulu, ma ka hora 10 a. m. o ua 'ia, a e hoike mai i kumu e ae ole ia ai noi la.

J. A. KING, Kuhina Kalaiaina.  Keena Kalaiaina, Maraki 1, 1898.                                                                             2692-9t

 

KA

Nupepa Kuokoa

No Ka Makahiki                     $2.00

No Eono Mahina                     1.00

Kuike ka Rula

 

PUKA                         1                      2                      3                      4                      5                      6

ANA.                          Pule                 Pule                 Pule                 Pule                 Pule                 Pule

1  iniha                                   $1.50               $2.00               $2.50               $3.00               $3.50               $4.00

2  iniha                                     2.00                2.75                3.50                4.00                4.50                           5.00

3  iniha                                     2.50                3.50                4.50                5.00                5.50                6.00

4  iniha                                     3.00                4.00                5.00                6.00                6.75                7.50

5  iniha                                     3.50                4.75                6.00                7.00                8.00                @.00

6  iniha                                     4.00                5.50                7.00                8.00                9.00                10.00

 

            O na Olelo Hoolaha a pau e hoouna ia anai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.

 

HOOPUKAIA E KA

HAWAIIAN GAZETTE CO.

C. G. BALLENTYNE, Luna Nui.

JOSEPH M. POEPOE, Lunahooponopono.

Honolulu, Oahu.

POALIMA                                                     APERILA 29, 1898

 

KA AHA KUKA O KE AUPUNI.

            Aia ma ka Pauka 81 o ke Kumukanawai e ku nei i keia wa, ua hoikeia maliala he umikumamalima ka nui o na hoa oloko o ka Aha Kuka o ke Aupuni.  He elima oia poe na ka Aha Senate e koho;  he elima no ka Hale o na Lunamakaainana, a he elima na ka Peresidena.

            Ma ka Poakolu nei, Aperila 27, i koho ai na hoa o ka Hale o na Makaainana i na hoa elima o ka Aha Kuka, elike me ke kuhikuhi ana a ke Kemukanawai.  Ma ka waihoia ana o na inoa imua o ka Hale ua ikeia keia mau papa-inoa:

            Na Kahaulelio--O A. G. M. Robertson, W. C. Achi, A. V. Gear, P. R. Isenberg ame J. L. Kaulukou.

            Na Pogue--O G. R. Carter, W. J. Lowrie, A. V. Gear, J. L. Kaulukou ame T. F. Lansing.

            Na McCandless--O E. C. Winston, W. J. Lowrie, G. R. Carter, A. G. M. Robertson ame J. L. Kaulukou.

            Ua waiho mai nohoi o Robikana i ka inoa o E. C. Winston, a ua hoike pu mai oia i kona manao kokua no keia keonimana.

            Ua waiho mai hoi ke Kuhina Waiwai Damon i ka inoa o S. K. Ka-ne, a ua hoike mai oia i kona manao, ma ke ano nui, penei:

            He mea pono ke kohoia na hoa o ka Aha Kuka o ke Aupuni i poe kanaka aloha io maoli ia Hawaii ame kona mau pomaikai, ina paha he poe lakou i hanauia ma Hawaii nei, a i ole, mai na aina  e mai paha lakou.  Eia ke ku nui ke Aupuni i keia wa ma ke kulana ano nui loa a koikoi hoi, oia kona hiki ana e ku aku i Aupuni Kuokoa nona iho.  Aka, aole nae ola i manao o ka wa kupono keia e noonooia ai ko Hawaii nei kuiana no keia mua aku, a hiki i ka wa e loaa ai he haina maopopo no ka ninau Hoohui Aupuni.  Aka, he mea pono nae ke waeia na kanaka he poe Hawaii oiaio lakou ma na ano apau.  He poe i aloha io i ka hae o Hawaii.  He poe kanaka hoi e haawi ana ia lakou iho e noho malalo o ka malu oia hae.

            Ma ke koho mua ana a na hoa o ka Hale, ua ikeia keia mau heluna balota:

            A. V. Gear 10;  A. G. M. Robertson 9;  J. L. Kaulukou 8;  P. R. Isenberg 7;  W. C. Achi 7;  G. R. Carter 6;  W. J. Lowie 5;  S. K. Ka-ne 5;  E. C. Winston 3;  T. F. Lansing 3.

            Mahope iho nae o ka hoomaopopo hou ia ana o na balota, ua ikeia ua like ka heluna balota o W. C. Achi ame Carter, oia hoi, he 6 o kela ame keia o laua.  Nolaila, ua koho hou ia.  A ma ia koho ana, ua loaa ia W. C. Achi he 5, a ia Carter ame S. K. Ka-ne he 4, pakahi.  Ua lilo ka noho helu 5 o loko o ka Aha Kuka, i kuleana ai ka Hale o na Makaainana e koho ia W. C. Achi.  Lunamakaainana o na Kohaia, Kona ame Kau, Mokupuni o Hawaii.

 

I MAU LUA WAI ELI LEHULEHU.

            Ua manao makou o ka loaa ana ke mau luawai eli lehulehu ma ko ke Aupuni aoao, no ka hoolako ana i ka wai i ke kulanakauhale o Honolulu nei,oia kekahi hana maikai loa e hanaia ai e ke Aupuni.

            Ua maopopo loa o na kahawai e loaa mai nei ka wai i ke kulanakauhale nei aole ia i palekana mai ka awiliia me na koana maemae ole o na holoholona make o keia ame keia ano, maloko o na oawa kahawai a ma na wahi e ae e kokoke ana i na kiowai.  O ka huikau ana o keia mau hunahuna maemae ole o na mea kino make a heana hoi o na holoholona, he mea no ia e hoouluia mai ai ka maemae ole o ka wai e inu.

            Ma ka wa e muu mokaki ana na heana make o na holoholona ma na wahi he lehulehu e kokoke ana i na kahawai e hoolue nei i ka wai i na ha-loko wai Aupuni o Nuuanu ae nei, a i ka loaa ana i kekahi ku-a-ua nui a koikoi elike me ka mea i ikeia i kekahi wa kokoke i hala ae nei, e huluiia ana ia mau hunahuna o na mea kino make a komo iloko o na kiowai e hoolako mai nei ia Honolulu nei.  A o ka pilikia hoi a ka wai maemae ole e hoonee mai ai i ke kulanakauhale nei, he mea hiki ole ia ke paleia ae.

            Hookahi alahele palekana a makou i hoomaopopo ai, ma keia mea e pili @@@ @@ @@ @ @@u oia ka loaa ana hoopau loa ia ka inu ia ana o na wai kahawai, elike me ko keia wa.

 

KE KULANA MAWAENA O AMERIKA HUIIA AME SEPANIA.

            Mamuli o ka haalele ana iho o ko Sepania Kuhina Noho ia Wasinetona, a pela hoi ka loaa ana i ka Kuhina Amerika Woodford ma ke kulanakauhale o Makerida, Sepania, kona palapala ae e haalele iho ia Sepania, ua weheia na piko kaula hope loa o na noho launa Aupuni ana mawaena o Amerika ame Sepania.  Ua hemo ko Sepania a ua hoi hou aku ilaila;  a ua hemo hoi ko Amerika, a ua hoi hou ae no ilaila.  Nolaila, ua ko iho la ka olelo a kekahi o na pukaua kaeaea o Hawaii nei i na la i ua wale aku la, "Ua hemo ka piko o na hoahanau."

            Mamuli o keia hoohemoia ana o keia mau kui omau o na launa pili Aupuni ana mawaena o keia mau Aupuni Karistiano elua, ua paa ae la kela ame keia o laua i na kiaha o ko laua mau inaina, i kahi ame kekahi, a ke makaukau la ninini aku maluna o kela ame keia o laua, a i ole, ua hanini no ua mau kiaha la o ko laua mau inaina, a aia laua ke hakoko ia, me ka weliweli nui maluna o ka moana a ma ka aina.

            Ua maopopo ia kakou, he Aupuni nui a waiwai o Amerika, i oi aku ia Sepania;  aka, ma ia wa hookahi no, he Aupuni o Sepania i heluia mawaena o na Aupuni o ka honua nei, i lako pono me na mokukaua ikaika i like aku me ko na mana e ae o Europa.  He Aupuni nohoi ia i lako pono i na mea kaua o keia au naauao e nee nei.  Aole oia wale no, aka, ua lako pu no oia me na kanaka puuwai wiwo ole e aa ana, e alana i ko lakou mau oia iho, no ka hanohano o ke one hanau.

            Owai la ka mea mua loa o keia mau Aupuni e ki e ana i ka pu o ke kukala kaua?  He ninau ia e kaliia aku nei e kakou apau.  A ia wai hoi ka lanakila?  He ninau hou no ia i pono ke kaliia na keia mua aku e hoike mai ia kakou.

 

            O na kanaka Amerika  o lakou ka poe huli nui wale o na kanaka o ke ao nei.  Ua loaa ia lakou na palapala sila 600,000, a ua oi aku oia mamua o ka akahi hapakolu o na palapala sila i hoopukaia ma ke ao nei apau.  Aohe hoi mea i hulila e ke kanaka iloko o keia au hou e nee nei i hoopomaikai nui mai i na kanaka elike me ka Laau Ola a Kamalena no ke Nahu, Kolera ame ka Hi, a i oi aku hoi ka hooluolu ana i na eha ame na hu'i elike me ia. Penei na olelo a J. W. Vaugn o Oakton,  Ky.   "Ua hoohana iho nei au i ka Laau Ola a Kamalena no ke Nahu, Kolera ame ka Hi, mawaena o ko'u ohana no na makahiki he lehulehu, a ua ike au oia ka laau lapaau maikai loa a'u i laweiawe ai no na umii a nahu iloko o ka opu."  E kuaiia ana e na poe kawili laau lapaau a poe kuai laau nohoi.  O ka Hui o Benson Smith, i Kaupalenaia, na Agena ma ko Hawaii Pae Aina.

 

Nuhou no ke Kaua!

KE KAUA MAWAENA O AMERIKA ME SEPANIA.

Mo-ku ke Kaula Gula o ka Noho Aloha mawaena o na Aupuni Elua.

 

HAALELE KE KUHINA SEPANIA IA WASINETONA.

 

Huli-hoi ke Kuhina Amerika no ka Aina Hanau.

 

O-WELA ME KA IKAIKA NA HANA O KE KAUA.

 

Oni o Italia no ka Moana.

 

KA PANE UAHOA A PERESIDENA MAKINILE IA SEPANIA.

            Eia iho ka pane piha a ke Aupuni o Amerika Huiia i waiho aku ai imua o ke Aupuni o Sepania.

            Ina e hoa aku i ka hora awaea o keia Poaono ae, la 23 o Aperila nei, aole i waihoia mai i keia Aupuni, e ke Aupuni o Sepania, he pane piha a kupono hoi no keia koi ame keia olelo hooholo, e pili ana i ka loaa ana he hopena maluhia, ma Cuba, e lawelawe koke aku ana ke Peresidena, me ka hooka'ulua ole aku, e hoohana aku i ka mana i hookauia mai maluna ona e ua olelo hooholo hui la, elike ka nui me ka mea pono e hiki ai ke hoo@@@@ @@@ @ @@@@@ao o ua olelo.

            Aperila 20, 1898.  Woodford, Kuhina ma Maderida:--Ua hoolakoia aku oe, me ke kope o ka olelo hooholo hui i kohoia ai e ka Ahaolelo Nui o Amerika Huiia, ma ka la 19 aku nei, a i aponoia hoi ma keia la, ma ka mea e pili ana i ka hoomaluhia ana i ka Mokupuni o Cuba  No ka hoolohe ana ia kanawai, ke kauoha aku nei ka Peresidena ia oe, e hoike koke aku oe i ke Aupuni o Sepania i ua olelo hooholo la, me ke koi pili Aupuni ana aku i ke Aupuni o Sepania, e hookuu koke oia i kona mana ame kona noho Aupuni ana ma ka Molupuni o Cuba, a e unuhi aku hoi oia i kona mau pualikaua aina ame moana mai Cuba aku, a mai no koi aku hoi o Cuba.  I ka lawe ana i keia keehina, ma keia, ke hoole nei o Amerika Huiia, aole loa ona manao iki e noho mana maluna o ka Mokupuni o Cuba, koe wale no ka mea e pili ana i ka loaa ana he maluhia malaila, a e hooia aku ana ia i ua manao la, ma ka wa e hookoia ai ka maluhia, ma ka waiho ana aku i ke kulana hooponopono Aupuni ame ka manao alakai ma ua mokupuni la, iloko o kona lahuikanaka, malalo hoi o ke kulana Aupuni kuokoa e kukulu ia ana e lakou.

 

KE AUMOKUKAUA TOPIDO O PANIA.

            Nu Ioka, Aperila 20.--Ua haalele aku nei ka aumokukaua Sepania i houluulu iho nei ma na mokupuni o Lae Verede, a ua holo mai la lakou no kahi maopopo ole.  Ua loaa mai keia @ono i na kauwa lawelawe o ka oihana kanikela maanei.  Ua manao wale ia nae, ua holo mai keia mau moku no Cuba, kahi e haawi ai lakou i na kokua ana i na koa aina ame na koa moana o Sepania, ma ka wa e hooiliia ana ke kaua kalehu a na pualikaua Amerika i hoea aku Haila.

            I mea nae e maopopo ai ke alahele o keia poe moku i hele mai ai, e hoounaia ana kekahi mokukaua holo mama e hakilo pono ia lakou, a ma ka wa e ikeia ai ko lakou alahele, oia ka manawa e huli hoi koke mai ai ia, a hoike ae i ka lohe i ke Aupuni, a ma ia wa e hoouna koke ia ai no aumokukaua malalo o Komodoa Schley ame Kapena Samesona e kue aku i na mokukana Sepania.

            O kekahi manao, ua oleloia ae, me he mea la o ke alahele o keia poe moku Sepania e nee mai nei, oia no o Uu Ioka nei, a i ole, o kekahi awa ma ka akau nei.  A ina pela, alaila, e unuhiia ana na mokukaua e ku nei ma ke kaikuono e halawai pu aku me keia poe moku.

 

NA NUHOU I LOAA MAI MA O MR. J. O. CARTER 'LA.

            Ma ke ku ana mai o ka mokuahi Alameda ma ke kakahiaka Poaha nei, Aperila 28, no Honolulu nei, mai Kapalakiko mai, i huli hoi mai ai o Mr. J. O. Carter, a ma ona la i loaa mai ai kekahi mau mea hou e pili ana i ka uluku kaua mawaena o Amerika ame Sepania.

            Ua hoike mai ia, ma ka hora 1 me 45 minute o ka auina la i haalele aku ai ka makuahi ia Kapalakiko, oia ka Poaha.  Aperila 21, ua ikeia kekahi mau lono telegarama ma ka papa hoike mea hou o ka nupepa Bulletina o Kapalakiko.

            Wasinetona, Aperila 21,--Ua haawiia ke kauoha i ka aumokukaua holo mama o Amerika e holo aku no Havana.

 

KAUOHAIA KE KUHINA AMERIKA MA MADERIDA E HAALELE IHO IA SEPANIA.

            Wasinetona, Aperila 21.--E hoike ana kekahi lono telegarama mai Maderida mai, ua haawiia aku la ia Kuhina Woodford, ko Amerika Kuhina Noho ma Maderida, Sepania, kona palapala ae no ka haalele ana iho ia Sepania, me kona kauoha pu ia ana aku e haalele koke iho ia Sepania.

            Ua hoike mai nohoi o Mr. Carter, ma ka wa i haalele aku ai ka mokuahi i ka uwapo, ua holo paukiki mai la kekahi kanaka mai uka mai, me ka nuhou e olelo ana, ua haawi ae la ka Peresidena he kauoha i hookahi haneri tausani poe koa pualu, a ua ikeia hoi he mokukaua Sepania ma ke kapakai lomohana akau.  Eia nae, aole i manaoioia keia lono hope, aka, ua lawa nae ia e hooulu ae i kekahi manao pioo nui mawaena o ko Kapalakiko poe, oiai e kali mau ana no lakou me ke pihoihoi nui, no ka wa e hoea aku ai kekahi mokukaua Sepania e hooluai aku i na elele a na pukuniahi maluna o lakou.

            Ua manao loa o Mr. Carter aia na mokukaua holo mama o Amerika ke kipoka la ia i ka Papu o Morro ma Havana, oiai ka mokuahi Alameda i ka waena moana mai nei.

KAUOHAIA KE KUHINA SEPANIA E HAALELE IA AMERIKA.

            @@@ hoike ana kekahi lono mai Kii ku mai ai no Honolulu nei, ma ka Poakolu nei, Aperila 27, no ka mea e pili ana i ke Kuhina Noho o Sepania ma Wasinetona, a penei ia lono:

            Maderida, Aperila 15.--Ua kauohaia aku o Senor Bernabe, ko Sepania Kuhina Noho ma Wasinetona, e haalele koke aku ia Wasinetona.

 

KA MANAO O ADIMARALA BUNCE O KE AUMOKAUA AMERIKA.

            Nu Ioka, Aperila, 21.--Ua hoike ae kekahi aliikoa moku, he hoaloha hoi no Admarala Bunce, ke aliikoa nana e kiai ana i ke kahua o na aumokukaua ma Brooklyn, ma ka po nei, i ka manao o ua Adimarala la, penei:

            "Ua manao au, aole na mokukaua Sepania e kipoka ana ma na kai o Cuba, a i ole ia, e nee ae ana paha lakou ma na kapakai o ka Atelanika, oiai, aole hiki ia lakou ke halawai a paio pu me na mokukaua eha ame ekolu monito, malalo o Kapena Sampson.  Ma ko'u manao, e lohea ia ana ka uina nakolokolo o na pu a na Sepania, ma kekahi wahi okoa loa o Amerika, a he wahi hoi ia i hoomaopopo ole ia i keia wa.

            "E hoomanao oe i ka'u mau olelo, e au 'ana i ka moana ko Sepania mau mokukaua kila, a e lilo ana kahi a lakou i nee aku ai i mea nune nui ia e ko ke ao nei.  Aole paha e lohe koke ia aku ana na mea e pili ana i keia aumokukaua o Sepania a hala kekahi wa loihi.  Me he mea la e halawai ana lakou me ko kakou mau mokukaua ma Asia, a me he mea la, eia paha lakou ke nee ae la i na Mokupuni o Pilepine.

            "O na mokukaua Vizcaya, Oquendo ame Kadinela Cisneros, a i ole, o kekahi mau mokukaua ekolu o na mokakaua ewalu o Sepania i heluia ma ka papa ekahi, ua oi loa eku ko lakou oolea i ko na mokukaua Olimepia, Balatimoa, Raleigh, Bosetona ame Concord ame Petrel.  O ka hemahema paha o ke alakai kaua ana maluna o o na mokukaua Sepania, ke kumu e lanakila ai ko kakou mau moku, mamuli o ka maikai o ka lakou mau hoonee kaua ana."

 

MOKUHIA KA NOHO ALOHA MAWAENA O AMERIKA AME SEPANIA.

            Maderida, Aperila 21.--Sherman, Wasinetona:  I ke kakahiaka nui loa o keia la (Poaha), mahope koke iho o ka loaa ana mai o kau telegarama, a mamua ae hoi o ko'u waiho ana aku ia mea imua o ke Aupuni o Sepania, ua hoike mai la ke Kuhina Sepania o ko na Aina E ia'u, ua mokuhia na launa aloha pili Aupuni mawaena o na Aupuni elua, a ua hookiia hoi na launa pili Aupuni ana mawaena o ko @aua mau luna Aupuni.  Nolaila, ua nonoi aku nei au i palapala ae hoomalu ola no ka haalele ana iho ia nei.  E waiho aku ana au i ka oihana Kuhina Amerika i ka Elele Kuhina Beritania, a e haalele iho ana ia nei no Parisa i keia auina la.  Ua hoike aku nei au i ka lohe i na kanikela.                                      "WOODFORD."

 

KE ANO NUI O KA PALAPALA AE I HAAWIIA AKU I KE KUHINA SEPANIA MA WASINETONA.

            Nu Ioka, Aperila 20.--E hoike ana ka mea kakau o ka nupepa Herald, mai Wasinetona mai.  No ka palapala ae i haawiia aku i ke Kuhina Sepania, penei:

"Amerika Huiia, Keena.  I ka poe apau e hoea aku ai keia.  Aloha."

            "E ike oukou, o ka mea e paa nei i keia oia no o Don Luis Polo y Bernabe.  Elele Kuhina Nui a Kuhina Mana Piha hoi o Sepania i Amerika Huiia nei, e ukaiiia ana e kona ohana ame kona mau ukali, e hele aku ana ia i ko na aina e.

            "Nolaila, ke kauohaia aku nei ma keia, na luna Aupuni apau o Amerika Huiia, a o kekahi paha o kona mau mokuaina, e ae aku iaia e hele laelae, me ka hoopilikia ole ia, a e pahoia aku hoi imua ona i na kokua aloha ana ame na hoomalu ana, ma ka wa i makemakeia.

            "I hoike no keia, owau o John Sherman, ke Kuhina Nui o Amerika Huiia, ua kau iho i ko'u lima a hoo@ili hoi i ke sila o ke Kuhina Nui o ke Aupuni, ma Wasinetona.  Ikeia la 20 o Aperila, A. D. 1898, a o ka makahiki hookahi haneri ame iwakaluakumamalua o ke kuokoa ana o Amerika Huiia."

 

KU O GEREMANIA I KA WA

            Berelina, Aperila 21.--Ua hooia mai na luna Aupuni o ke Keena o ko na Aina E, no ka oiaio o ka lono e olelo ana, ua hoole o Geremania i ke noi a ke Aupuni o Sepania e kuaiia aku kekahi mau lako kaua iaia.  Ua hoike ae lakou, ua hoole io no ke Aupuni i keia noi.

 

KAUOHAIA KEKAHI MAU MOKUKAUA ITALIA.

            Landana, Aperila 20.--E hoike ana kekahi lono mai Roma mai, ua kauoha aku nei ka Oihana Kaua Moana o Italia nei i na kanaka o na mokukaua hao ame eono mau moku topido ma La Spezia, malalo o Adimarala Accini.  E hoomakaukau koke no ka loaa ana aku o na kauoha e holo ma kahi e kauohaia aku ai.

 

KA PANE HOONAUKIUKI A KEKAHI NUPEPA O HAVANA.

            Havana, Aperila 20.--Penei ka olelo hoonaukiuke a ka nupepa La Lucha o keia la:  "O ka lono telegarama hope loa i loaa mai nei ia makou, ua hoopaa iho la o Peresidena Makinile i ka manawa e unuhi aku ai o Sepania i kona mau pualikoa mai Cuba aku nei, oia, hoi iloko o na hora he 48.  He mea pono ke koiia aku o Peresidena Makinile e hoopanee iki aku oia i ka manawa, oiai aole paha e hiki ke unuhiia aku na koa he 20,000 ame ka poe guerila, ame 300,000 poe koa pualu mailoko aku nei o ka aina iloko o ka manawa i hoikeia mai ma ke telegarama a ka Peresidena.  Ina aole ia  e hoopanee aku ana i ka manawa, alaila, e kue aku no kakou i keia kauoha a ua Peresidena la, no ke kumu, he hana pohihihi loa kana o ke kauoha ana mai nei.  O ke kipaku ana i ka haku hale mailoko aku o kona hale ponoi iho, ma ka wa i hoopaa maopopo ia, @@@@@@@@@@@@i ia ana.  Aole anei hoi pela?

 

HOOKAHI NO LEO MA SEPANIA KE KAUA.

            Ladana, Aperila 21.--Ma kekahi lono kuikawa i loaa mai Maderida mai, ma ka wa i ninaninauia aku ai o Senor Sagasta no ka manao o na hoa o kona Aha Kuhina, ia wa ua pane koke mai ia oia:  "Kaua!  Kaua!  Kaua!"

 

ONI O DON CARLOS

            Maderida.  Aperila 14.--Ua hoopuka ae nei o Don Corlos, ka mea e hoi hoomanao nei ika nohoalii o Sepania, he palapala kuahaua, e hoike ana, e lilono ka Aha Kuhina o Sepania i poe kipi, ina e lilo aku o Cuba, mamuli o ko lakou maka'u a hohe wale.  Ua hoike ae nohoi oia i kona manao e hoi hou mai ana oia i Sepania nei a e hoaia ae ana oia i mau puallikoa puaiu.

 

IKE PILI AUPUNI IA KE AUPUNI REPUBALIKA O CUBA.

            Wasinetona, Aperila 20--Ma keia la i ike pili Aupuni maoli ia aku ai ka lahui o Cuba e ke Aupuni o Amerika Huiia.  Ma keia kakahiaka, ua hookipaia ae la o Tomas Estrada Palma ma Wasinetona nei;  o Birigadia Keneraia E. Nuneza o ka pualikoa o Cuba ame Dr. Castilo, he elele no ka Hui Aloha Aina o Cuba, maloko o ke Keena Kaua, me ke Kuhina Kaua ame Kenerala Miles.

            Ua maopopo ioa, e hui ana na koa o Cuba me na koa Amerika ma ke kue ana aku i na hoonee kaua ana apau a no koa Sepania ma Cuba.  Ua hooholo ia nohoi e launa palapala aku ana ke Keena Kaua me Keneraia Gomeza o na Cuba, i makaukau ai oia ma ka wa e lele aku ai na koa Amerika ma Cuba.  E halawai hou ana keia poe ma ka la apopo.

            Wasinetona, Aperila 20.--Ua nui ka pihoiholia maanei no ka mea e pili ana i ka mokukaua Oregona, i kauohaia aku ai e haalele aku i na mokukaua o ka Pakipika a e holo mai a hui pu me na mokukaua ma ka Atelanika Akau.  Ua manao loa ia, o kona wa keia e hoea aku ai i ke kowa o Magalena.  Ua maopopo loa o kona aiahele ma keia huli o ka Atelanika, aia no ia ma kahi e halawai ai me na mokukaua Sepania.  Aka, malia nae paha ua loaa aku kekahi kauoha iaia, a ua kipa ae oia ma Rio, a malaila oia e kali ai i na kauoha hou.

            Ua ike o Rev. W. H. Weaver, ke Kahu Ekaiesia o ka Ekalesia Bapetito Huiia, Dielsburg, Pa., i ka waiwai o ka Laau Kunu a Kamalena, aole nohoi ona kanalua i ka hoike ana'ku ia mea imua o kona mau hoaloha.  "Ua inu a ua ike au he laau maikai loa ia no ke anu, ke kumu ame ka ha o ka leo."  Pela na olelo a ka poe apau i hoao i ua laau la.  E kuaiia ana e ka poe kawili a kuai laau lapaau apau.  O ka Hui o Benson, Smith, na Agena ma ko Hawaii Pae Aina.

 

KA HUI ALAHAO ME AINA O OAHU

MANAWA HOLO

Mai a Mahope aku o lulai 5, 1895.

Wili o Ewa, kaa ukana, na la apau, koa ko Sabati.

Hiki waianao, ua la apau.

Hiki Wili o Ewa, na la apau.

Hiki Waianae, Poaona me Sabati waleno.

Hiki i Waianae, na la apau.

 

                                                A.M.                A.M.                P.M.                P.M.                P.M.

Haalele ia Manana                   7:40                 9:38                 2:28                 2:28                 5:33

Haalele Wili o Ewa                 8:10                 10:19               2:49                 2:49                 6:14

Hiki i Waianae                                    -----                  10:54               -----                  3:24                 6:49

 

Waianae ua la a pau.

Wili o Ewa

Kaa Ukana

Na la a pau Koe Sabati

Waianae ua la a pau.

Wili o Ewa na la a pau.

Hiki i Waianae na Poaono me Sabati.

 

                                                A.M.                A.M.                P.M.                P.M.                P.M.

Haalele ia Waianae                  6:44                 ------                 1:32                 -----                  4:16

Haalele Wili o Ewa                 7:19                 9:10                 2:07                 3:51                 4:51

Haalele ia Manana                   7:30                 9:48                 2:38                 4:22                 5:22

Hiki i Honolulu                                   8:23                 10:30               3:11                 4:55                 5:55

 

            E lawe ana na kaa ahi hali ukana i na kaa ohua o ka papa ekahi.        G. P. DENISON, Luna          F. C. SMITH,          Luna Kuai Palapala Holo

 

NU HOU HAWAII

E nana ae i na Kanawai e puka aku nei ma ko makou pepa o keia la.

 

Ma keia Poakahi ae, e noho ai ke Kau Kiure o Honolulu nei, no ke Kau o Mei ae nei.

 

I Honolulu iho nei o Mr. J. W. Moanauli o Hamakua,  Hawaii, a huli hoi hou aku la no kona home.

 

He nui ka ma'i e pahola mai nei i keia ma ula mawaena o na haumana o loko nei o ke kulanakauhale.

 

Ma ka hapa waena paha o ka malama ae nei o Iune e holo hou aku ia ka moku Hokuao no na Pae Moku o ka Hema.

 

Ua hoopioo nui ia ko ke kulanakauhale nei i keia mau la no na lono kaua i loaa mai ia nei, mawaena o Amerika ame Sepania.

 

E malamaia ana he mau heihei kaa baisikala makai ae nei o ke kahua heihei Cyclomere, ma ke ahiahi o ka la apopo ke ole e loaa na kuia.

 

Ma ka Poakahi nei, Aperila 25, i hoohikiia ai o Senatoa A. N. Kepoikai @@@ Luna@@@@@@@ @@@@@ Kauka, ma kana oihana kau kanawai no ka aina.

 

He nui loa ko makou mau manao i hoopaneeia mai ko makou pepa aku o keia la, no ka piha loa i na manao waiwai nui o ka aina, elike me na Kanawai.

 

He ewalu wale no mile i koe, mai kahi i hoomoeia ai ke alahao hope o ke alanui hao e moe ana mai Waianae aku, a hoea pono aku i Waialua ka moe ana a ua alahao la.

 

Ma ka po o ka la 21 iho nei o keia mahina i haalele mai ai o W. B. Oopa i keia ola ana, ma kona wahi noho ma Halawa, Molokai, i ke 40 o kona mau makahiki.  He kaikaina pokii oia no Mr. A. P. Paehaole, a he hoaloha hoi no na malihini kipa aku ilaila.

 

KUHINA KALAIAINA KING

            Ma ke ku ana mai o ka mokuahi Mariposa, ma Honolulu nei, ma ke kakahiaka Poakolu iho nei, mai Australia mai, i huii hoi mai ai ke Kuhina Kalaiaina King.  He ola kino maikai kona.  He ekolu ona mai pule i ka'ulua ai ma Sidane.

 

MAUI KUE IA HAWAII.

            Ma ka noho ana mai nei a ka Aha Kaapuni o Hawaii ma Kailua, Kona Akau, i noho kahu ia e Lunakanawai Kalua o Maui, ua hoea mai la imua ona ka hihia oki mare o Christina N. Spencer kue ia Frank M. Spencer.  O ke ano nui o keia hihia, ua nonoi ka loio o ka mea hoopii imua o ka Aha, e hoopauia ka olelo kauoha a Lunakanawai Hikikoki, e kauoha ana i ka mea hoopii e uku i ka huina o $250 no ka uku loio, ma ka aoao o ka mea hoopli, me ka uku pu ana hoi he $100 no ke ola o ka mea hoopii.  No keia noi, ua hoike ka Lunakanawai o Maui i kona manao, ma ke ano oia nohoi ka Aha, aole i kupono keia kauoha a Lunakanawai Hikikoki i ke kanawai.  Nolaila, ua kapaeia ke kanoha a Lunakanawai Hikikoki, a ua aeia ke noi a ka mea hoopilia.

 

            He mea pono i kela ame keia ohana ke loaa ona laau lapaau mama no na ma'i o ka opu.  I laau lapaau puhili ole no ka "Moku ino loa o ka lepo" (Diarhea) Nahu, Umii, Kolera ame no ma'i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKELA (Pain Killer).  Ua lawelaweia keia laau no na makahiki he kanaiima, a ke hana mau ia nei i kela ame keia la, ma na aina apau o ka honua nei.  O ka Hui Kuai Laau Lapaau o Hollister ka Agena.