Ka Nupepa Kuokoa, Volume XXXVII, Number 17, 29 April 1898 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXVIL HELU 17. HONOLULU, POALIMA, APERILA 29, 1898.  NA HELU APAU 2700

 

Hoolaha Loto.

W. R. KAKELA.

Lio a he Kokua ma ke Kanawai

HE LUNA HOOIAIO PALAAPLA.

@@70

LYLE A. DICKEY.

Loio a Kokua ma ke

Kanawai.

Alanui Kaahumanu, Helu 14. Tel. 682.

            Iloko o ke Keena o ka Loio Kuhina mamua, a he Loio Hoopii ma ka Aha Apana o Honolulu.

            E hookoia na hana pili kanawai apau mai na Mokupuni mai.

            O A. F. Tavares, Kakauolelo, Maheleolelo a Notere no ka Lehulehu.  1yr.

 

Hoolaha Kumau.

 

Papa! Papa!

Aia ma kahi o

LEWERS & COOKE

(Lui Ma.)

Ma ke Kahua Hema o na Alanui

Papu me Moi.

 

E LOAA NO NA

Papa Nouaiki

O kela a me keia ano.

N Pani Puka… --

Na Puka Aniani… --

Na Olepelepe… --

No Pou………. --

___ Na O’a…

___ Na Papa Hele…

___ Na Papa Ku…

___ Na Papa Moe…

 

Na Pili Hale

O na Ano apau.

A me na

Wai Hoohinuhinu Nani

C N Amo Apau.

 

Na Palakio na Ano he Nei Wale.

Ke haiia aku nei oukou e na makamaka a pau, ua makaukau keia mau makamaka o oukou e hoolawa aku ma no @@@ a pau e pili ana ma ka laua Oihana no ka.

 

Oku Haahaa Loa

@ @@@ @@ ka @@@ @ holo ana maw@@@@ @

Lono @ m@ ka Mea K@@i.

 

E Hale @ai o Wa@ no Oukou Ihe.

 

            Elua makahiki i haia ae nei, ua kuai mai la o R. J. Warren, he kanaka kawili laau lapaau ma Pleasant Brook, Nu Ioka, he wahi lakou uuku o ka Laau Kunu a Kamalena. A penei kana hoike ana: “Ma ia wa, aole i ikeia keia laau ma keia wahi; i keia ia, ua ilio ka Laau Kunu a Kamalena i laau ohana no kela ame keia hale.”  O ke ano no keia maloko o na anaina apau he nui.  Ma kahi i maopopo ai ke ano maoli o ka Laau Kunu a Kamalena, ua lilo ia i mea ohohia nui ia e na kanaka, E kuaila ana keia laau e ka poe kawili a kuai laau lapaau apau.  O ka Hui o Benson, Smith, i Kaupaienaia, na Agena no ko Hawaii Pae Aina.

 

KA MEA HUNA POHIHIHI

Unuhiia e Hooulumahiehie no “Ke Kilohaua Poo-

kela o ka Lahui Hawaii.”

MOKUNA XXXVII.

He Hauoli Nui.

            He oiaio, o Jose io no keia wahi keiki i puka mai nei.

            Ua hele hoi kona nanaina ame kona helehelena a na-nanakea, a e kiheahea mai ana maluna o kona mau maka na hoailona o ke kaumaha.

            Oiaia ua wahi keiki nei e noho ana iloko o ka rumi ana i puka mai ai, me ka hooko pono ana hoi i na kauoha hookikina a Pegi i haawi aku ai iaia, aole ia e puka iki mailoko mai oia rumi a hiki i ka haalele ana iho a na wahine i kipa aku ai ilaila, aia hoi, ua lohe mai ia oia i ka leo o kona kaikuahine, oia hoi o Alamira; nolaila, aole hiki iaia ke hookaulua hou iho i ka noho ana iloko o ke keena ona i kauohaia ai e noho mailie.

            Nolaila, i kona wehe ana mai i ka puka, a ike aku ia hoi kona kaikuahine iaia, elike me kau e ka mea heluhelu i ike ai ma ka hapa hope o ka mokuna i hala ae nei.

            Ma ka wa i paa ai o Jose ia Alamira, ua noho iho ia laua maluna o ka punee, oiai hoi ua wahi keiki ia i puliki ae ai i ka a-i o kona kaikuahine, me kona olelo ana ae, e hoihoiia aku oia i kona mama, a ua pane iho ia hoi kona kaikuahine iaia:

            “Aie; e kuu darling!  E hoihoi aku ana no au ia oe i kou mama.  No keia wa nae, e pono oe ame a’u e hoomanawanui a loaa ka wa pono.  I keia wa, ua palekana oe me a’u nei.  Aole loa au e ae ana, e kaawale aku oe mai a’u aku a hiki i ko’u hoihoi ana aku ia oe i ka makuahine o kakou.  O!  Poor darling!”

            I keia wa hoi, huli ae ia o Alamira a pane aku ia ia Pegi:

            “He wahi kaikunane keia no’u.  Ua maopopo loa ia’u, ua aihueia oia e ka Haku Adelo, mai ko makou hale mai  a ua @@@@@@@@@@@@@@@ eleele i mea e ko ai kana mau hana lokoino maluna o makou.  Nolaila, e Pegi, e aloha mai oe ia maua; a e hai aku hoi au ia oe, aole loa e hiki iaia nei ke hoi hou aku malalo o kau malama ana.”

            I keia manawa hoi i huli ae ai o Pumetona, me ka nanaina wiwo ole, pane aku la ia imua o Pegi:

            “Nani wale ko ke Akua aloha!  He keiki keia na Geofere Tereveliana!  Nolaila e Pegi maikai, aole au i ike, ma ke kuleana hea la oe e hiki ai ke paa a ke aua paha i keia keiki?”

            Me na helehelena i haliia iho e na hiohiona o ke aloha, pane mai la o Pegi:

            “Auwe!  He keiki io ka hoi keia na Geofere!  Aloha ino no ka hoi.  Mai pono loa hoi paha, ina i ike mua au i keia mea; aka, aole nohoi i hala ka wa pono.”

            Alaila, huli mai la oia a kamailio mai la ia Alamira:

            “E Miss Tereveliana, ua pomaikai oe i ka laweia ana mai o kou pokii kaikunane na’u e malama—“

            Aole hoi i pau hololea aku na olelo a ua wahine kahuhipa nei i ke kamailio mai, ia wa i pane ae o Jose ia Alamira:

            “Ea: ua malama maikai loa keia le@e ia’u.  Ua hana mai oia i na hana maikai apau e oluolu a e hauoli ai ko’u naau; aka, aole nae oia o kekahi o ko kaua ohana.  Nolaila, makemake au ia papa ame mama ame Rupereto.”

            “Aia”—wahi a Pegi i pane mai ai, me ka hoomau ana i ke kamailio ana mai.  “Ke hoike mai la oia i ka mea oiaio.  No@aila, e Miss Tereveliana, manao au, aole oe e hoahewa mai ana ai’u, no ka hana a’u i hana ai me ka ike ole i ka oiaio.”

            “Aka; e Pegi, aole anei i hai aku o Jose nei ia oe no kona mau makua?” wahi a Alamira i ninau aku ai iaia.

            “Ae, e Miss Tereveliana.  Ua hai mai no oia ia’u.  he Kauna Sepania kona luaui makuakane; a o kona home.  he wahi ka ia i kapai@ o Home Mau Loa. Eia nae.  aole au i hoomaopopo aku i kana mau olelo apau, no ko’u manao ana, ual oaa iaia ka pihoihoi nui.  a nolaila, ua ano e paha kona noonoo.  A o kekahi mea a’u e hai aku ia oe, na Mr. Wigebi keia haku opio i lawe mai ia nei.  A o ka’u e nonoi aku nei ia oe, oia keia, e kaia mai oe ia’u.”

            “Aobe ou hewa a’u e kala aku ai ia oe.  O ka Haku Adelo no ka’u e kau aku ai i ke ahewa ana.  Aka, e haawi aku nae au ia oe i ka’u mau hoomaikai ana no kau mau hana maikai ana iaia. O ka’u hana wa@e no e hana aku ai, e hoike aku au i ko maua makuahine, ua loaa iho nei o Jose nei ia’u.  Manao au ma ke telegarapa au e hoike aku ai iaia.  Ehia la mile mai keia wahi aku a ka hale telegarapa kokoke loa?”

            Ua hoike mai la hoi o Pegi, he 10 mile, a o Dalton ka inoa oia wahi.

(Aole i pau.)

 

HOIKE HUI O NA KULA SABATI

O KA MOKUPUNI O KAUAI.

           

            Ma ka la 17 o Aperila, 1898, ma ka luakini o Lihue, ua malama ia nei hana maikai i oi aku i ka momi, oia na hana hoike Kul aSabati, ka waiwai hoi i uhao ia aku iloko o ka puuwai o na pokii me na opio ame na makua nohoi, e ko lakou mau alakai ahonui i ka hana a ko kakou Haku Iesu Karisto.

            Ua hoomakaia na hana me ka hoomalu ana a ke Kahu Kula Sabati nui o Kauai Komohana, Rev. Kanoho.  I ka aneane ana ae e koele ka hora 10 ua hoomaka ka himeni ana ma ka aoao 17 o ka Hoku Ao, i ke kuu ana iho o ka leo hoonani i ke Akua ua poha mai la ka leo kalokalo ike Akua mai ka makua Rev. S. Kaili, i ka amama ana ae, ua hoolaha mai la ke kenerala o ka la he 11 kula i hiki mai i keia la.

            Ua kahea ia mai ia ke kula o ka waiulailiahi o Waimea.  Me ka eleu o ko lakou alakai, ka Lunakanawai Kapuniai, ua nee malie ae la keia papa me ka hiehie nui a he mau koa oiaio no Karisto, i ke kuene pono ana iho ua mele ia mai la na himeni me he kolohala ‘la i ka po lai, a ua hana ia mai na haawina me ka noeau o ka lakou manawa, 25 minute; huina haumana 24.  Ia lakou i hookaawale ae ai i ke kahua, ua nee ae la ka mahele ekahi o Lihue me ka malie e alakai ia ana e Rev. Kanoho, he nani no na mea i hana ia mai e lakou, manawa i hana ia e lakou he 9 minute, huina haumana 15.  I ka hoi ana ae o keia papa i ko lakou mau noho, ua malama ia ka lulu dala, mahope iho o ka pau ana o ka nakeke ana o na kenikeni, ua mele ia ka himeai hui aoao 251 Hoku Ao.  I ke kuu ana iho o ke oe o Anehola o ke ahi kaulana hoi o Kalalea e alakai ia ana e Pilipo Megill, he mau koa no keia i maa i ke kahua, he maikai a nani na himeni me na haawina.  Ka manawa i hana ia e lakou he 16 minute; haumana 15.  Ia lakou e maki ana no ko lakou mau noho. ua lohe ia aku la ka owe me ka nehe malie ana, eia ka o ke Koahihi o Kahilikolo, oia ke Kula o Kilauea, e nee ae ana no ke kahua o ka hana.

            Ma keia Kula he pokii me na opio wale no.  E alakai ia ana e Geo. W. Mahikoa, a ma keia papa ua ike ia ka nui o ka hana i hana ia e lakou, ua hoopaa pu ia me na pauku mahele manao, oia ka haawina o Ianuari, 1898, a pela nohoi na himeni, he mau himeni haku a ua panai ia mai e na himeni huke Hoku Ao, e hoike ana mai laila aku ka leo o ka himeni haku i mele mua ia iho.  He oi aku ka nani me ka maemae o na mea i hana ia mai e lakiou he kupaianaha ka ikaika o ko iakou mau puniu ame @@ lakou waihona noonoo i ka hoopaa ana i nei mau haawina.

            A ua ike ia ka ikaika pauaho ole o ko lakou alakai i ka uhao ana i ka olelo a ke Akua iloko o lakou, manawa i hanaia e lakou he 24 minute; huina haumana 14.

            Ma ka pau ana o keia papa, ua nee ae la ka papa helu elua o Lihue, e alakai ia ana e Wili Eleki, ua eleu no keia papa, mikioi na haawina me na himeni i hana ia mai e lakou.  Ko lakou manawa he 9 minute; huina haumana 10.  I ka pau ana ae o keia papa.  Ua ike ia aku la ke kukui lau nui o Koolau e @aue malie ae ana i ke kahua hana, lulu ka makani i nei kula, e alakai ia ana e J. Koani, ua nani no na himeni me na haawina i hana ia mai e lakou aole hoohalahala ana, ko lakou manawa he 13 minute; huina haumana 31.  I ka hookuu ana o keia papa ua mele ia mai ia ka himeni hui aoao 150 Hoku Ao, ma ke kuu ana iho o keia mele, ua eleu mai la ka papa opio o Nawiliwili, e alakai ia ana na haawina me na himeni e lakou no, eleu nohoi keia papa, maemae i ke kai kapu a o ka hala.  Ko lakou manawa 9 minute; huina haumana 14.

            I keia wa i ike ia aku ai ke Kalukalu o Kapaa i ka lulu o Moikeha e alakaiia ana e Iona Coming, ma keia kula aole loi ana a ka manao i na hana a ka Haku i hana ia mai e lakou, nani maoli no.  Ko lakou manawa he 13 minute; huina haumana 16.  Ma ka hookuu ana o keia pap, ua lohe ia aku la e ke anaina ka nehe ana ae o ka papa-hele, ka o na anela o Koloa, he nani okoa nohoi keia e alakaiia ana e

 

Charles Blake, Lunakanawai o Koloa, ke kahi mau himeni e alakaiia ana e ka okana, auwe, he oi aku o ka nani o na mele i mele ia mai e lakou, pela nohoi na haawina.  Ko lakou manawa he 16 minute; huina haumana 13.  Mahope o keia kula, ua maki ae la ka mahele ekolu o na Kula o Lihue, e alakaiia ana e ka Hon. Kaeo, na keia kula i himeni mai na mele me he manu ala e kikiko’u ana i ka pua lehua, ua maikai @ohoi na haawina.  Ko lakou manawa he 11 minute; huina haumana 12.

            Ma ka pau ana mai o keia papa, ua lohe ia aku la ka leo o ka makua, Rev. S. Kaili, e alakai mai ana i kana papa keia ko Hanalei kula i ka wai uina o Namolokama, ma keia Kula Sabati ua like no me ka wai o kona aina ka uuina mai i na pali, nani no, manawa 18 minute; haumana 15.  Keia ka panina o na kula i hana i ka hana i keia la.

            A ua kahea mai la ke kenerala o ka la i ka Lunakanawai Hoomaiu, Mr. Kahoolealii Kahele, e haawi aku i mau olelo hoolana i na haumana Kula Sabati, ua hooko mai oia ia kono, nolaila ua hookuu mai oia i na olelo wai meli me he makua ‘la i ke keiki.

            I ke kuu ana iho o kana, ua uwalo ia mai la ka Rev. I. K. Kaauwai, ua haawi mai la nohoi ia i na olelo hoolana me ke ohohia nui ia, a ua makana ae la ia i kekahi inoa hoohanohano i ke Kula o Kilauea, Kauwilaeholoanaikalewa, o keia ke kula nana i kaihi ae ka lanakila o ka la wahi ana, pela oia i hoolei mai ai i kela inoa ae la maluna, ua hiki no, nani io no.  Nolaila, e Kilauea, paa ia ka inoa i loaa aku ia oe me ka hanohano, imua i ka hana a ka Haku a loaa ka lei o ke ola mau lo.

            Ua ike ia aku la ka Rev. S. Kaulili @@@@@@@@@@ hoolana i na Kula Sabati, e @@@@@ ana, e paipai ana e nee imua no ka hana a ko kakou Haku Iesu Karisto.  Keia ka hope o na hana o ka la.

            Ma ka hoike a ke Kakauolelo o ka la ua hiki aku ka huina i akoakoa mai i keia la mai na haumana ame ka poe mkaikai i ka 500.

            Ua hookuu ia na hana me ka mele ana ma ka aoao, 180, me ka pule a Rev. S. K. Kaulili.

            Ua hoi aku ke anaina ma ka home o Rev. J. Kanoho e hoopiha i ka haupo lewalewa, ua ai a lawa i ka lokomaikai o na Kula Sabati o Lihue, ua hoi kela ame keia me ka hauoli i na hana nani i hana ia no ka holomua o ka hana a ko kakou Haku Iesu Karisto.

            He maluhia loa na hana o ka la i hanaia e na puuwai makee pono Karistiano.

WILLIAM HUDDY.

 

HE KANIKAU ALOHA NO ELIZA

KEOHI KAUMUALII.

He kanikau, he aloha nou no e Eliza

            Keohi Kaumualii;

Kuu kaikamahine mai ka bele kani

            hone o Lanakila;

Oia hale imi pono o ka uhane.

Ua hala ka uhane, ua nalo;

Ua pau ka ikeia ana o ke kino.

O Ka’u ia e hapapa hewa ae nei, aole

nae he loaa.

Auwe kuu lei aloha!

Kuu kaikamahine mai ka malu hale o

            Honipua.

Auwe kuu lei e!

Kuu kaikamahine mai ka wai huihui

            o ka Pukaiki,

He iki ko leo ke pane mai.

Auwe kuu lei e!

Kuu minamina pau ole ia oe,

Kuu kaikamahine hoomanawanui o ka

            noho ana o ka hale makua ole.

Auwe kuu lei e!

Kuu kaikamahine mai ke kula wela-

            `wela o Kainaliu,

Mai ka wai auau o Poopookumu,

Mai ke kawa lele opu o Paaoao;

Kuu kaikamahine mai ka iliili nehe o

            keauhou;

Aloha ia wahi a kakou e holoholo ai.

Auwe kuu lei e!

Kuu kaikamahine mai ka ihu o ka

            moku o Maunaloa;

Mai na ale huli lua o ka moana.

Auwe kuu minamina pau ole ia oe!

--Mr. J. K. Keohi Kaumualii.

 

He kanikau walohia keia,

No kuu pokii Eliza;

Ke-ao-nihi-lani-Kaumualii,

Ua hala ia me kuu ike ole.

 

Eia i kuu manawa kahi i loioku ai.

Me he ao opua la ka pipii opiopio i ka

            lewa nuu;

Auwe ko aka kau e hoaniani mai.

I ike aku ai au ia oe.  Aloha wale!

Kuu pokii mai ke kai malino a Ehu.

Ehuehu ka wahine, i kololio pulelo

            aku la, me ke kai maokioki o

            kona e;

A oki mai la oe, pau ka ike’na—a.

O ke ani peahi a Hualaiai:

Hoona ae ana ke aloha i Maunaloa:

Loa ke ala a ka wahine,

Huli hou ole mai i hope nei;

Nele iho la au.

He alamihi ko ka lima.

Auwe no ka hoi e!

Kuu lei pokii o ka wa keiki ole.

A lei pokii hoi a o ke kaona;

Hoolauna i ka home kipa ao;

Hauhaukoi, koikoi iho la au,

I na omaka wai a Kulanihakoi;

A hanini a hu mawaho a o ka palena.

Aloha no!

--M. A.

 

He kanikau, he aloha,

Nou no e Miss Eliza Keohi Kaumualii.

Auwe! kuu kaikaina hoolaukanaka. o

            ua home nei;

Kuu hoa aukai o ka moana la o Alenuihaha;

Oia ale poipu ae i ka ihu o ka moku

            Maunaloa;

He loa ia kai a kaua i pili ai;

Kuu kaikaina mai na ale hulilua la o

            Pailolo;

Aloha kuu pokii, kuu hoa pili hoi e!

Nana aku kaua o ka waiho mai a ka

            Lae-o-ka-Laau,

Au ae hoi au, aole oe—

Auwe kuu minamina pau ole i kuu pokii!

E kuu pokii i ka ua Kukalahale o

            Honolulu:

Luhi au, ehaeha loko o’u e noho nei.

Ua hala aku la oe i ke alanui Lani ma

            kela ao,

Ke alanui hoi a ko kaua mau papa e

            a’o mai ai ia kakou i k@ @@@.

Aloha Lanakila ka halepule a kaua

            e imi ai i ka pomaikai uhane ma o.

Ma kela Kanaana Hou.

Ke puana ae nei au i ko’u aloha nui

            ia oe e ko’u pokii aloha.

Ma ka inoa o ko kakou Haku Iesu

            Kristo.

Maha no ma ka aina maikai e—

            Ma o ae

Ma o ae ma ke kahakai lai—kahakai

            lai

A me—mele ae la me lakou ma o ae

A noho mau la me Iesu.

--Miss Fanny Kelii.

 

He kanikau, he aloha keia,

Nou e kuu pokii aloha,

Eliza Keohi Kaumualii.

Kuu pokii leo ole mai i ka kaua lei he

            keiki,

Auwe kuu minamina pau ole ia oe e!

Auwe kuu pokii aloha e!

E kuu hoa pupuu anu, a hoa alo i ka

            wela a ka la o Paaoao,

Oia wahi mehameha kanaka ole a

            kaua e nohoi ai.

Auwe kuu aloha pau ole ia oe e!

Ua pili ia hoi e kaua mai ka uka a ke

            kai,

Aloha ia wahi a kaua e lewa hele ai

            me ka kaua lei, he keiki—

A haalele mai la hoi oe ia maua;

Auwe kuu pokii e!

Kuu pokii mai ke kai malino o Kona,

Oiai hoi ua lei keiki ia oe e a’u,

A haalele mai la oe ia’u me ko kaua

            papa aloha.

Auwe kuu aloha pau ole la oe e!

A hiki mai ko aloha e uwe no au:

Kuu pokii mai na hau anu o Maihi,

Kuu hoa ohumu o ka pono o ke Akua,

A hala aku la hoi oe i ke ala hoi ole

            mai.

Auwe kuu aloha pau ole ia oe!

--Miss Lula H. H.

 

Kanikau, he aloha,

Nou no e Eliza Keohi Kaumualii;

Kuu pokii mai ka ulu ohia o Mokuaikaua,

Ia ulunahele kanaka ole:

I ahona i ka leo o na manu:

Aloha ia wahi a kaua e hele ai:

Kuu pokii mai ka lau vabine haihai

            lima o Kahaluu.

Ame na papahi lei rose oia home:

Aloha au i ko leo i ka i mai,

Ka’u lau poina ole keia he vabine:

Auwe kuu poina ole ia oe!

Kuu pokii i ke ahe a ka makani, he

            E-ka,

Mai na kilihune ua liilii o ua aina nei:

Aina hau kololio o Maihi,

Ua pili wale ia no e kaua ia wahi;

Eia au ke huli nei ia oe,

Pehea la au e ike ai i ko kinewailua?

Aloha, aloha kuu pokii!

I hele hookahi aku nei.

Hoomanao ae la au i kei’a wahi himeni:

            Aloha e na hoa e,

            Na hoa kula nei:

            Kuu wa no nei e hele ai,

                        Aloha nui e.

            E hele mele aku au

            Kaawale ae ke kanikau

                        Aloha nui nae

--Miss M. Hoomanawanui.

 

OLA KA MA’I O KA PUUPAA.

Hoike kekahi mea malama hale hotele

i kana mea i ike ai—Loohiaia oia

i ka ma’i o ka puupaa ame

ka opu hoowali o ka ai.

            Mai ka Nupepa Standard mai. Cornwall, Canada.

            Ua lawelawe hana o James Macpherson.  he mea malama hotele ma kahi kauhale o Lancaster.  Mahele aina o Glengany, a ua lawelawe oia me ka holo lea, ma ka hoomakaukau ana i na mea ai no ka lehulehu kaahele, nolaila, ua kamaaina loa oi ia loko iho nei o ka aina a ma na aina e ae no hoi.  Ma kona kamailio ana me kekahi mea kakau nupepa, ua hoike mai ia oia i kona piiikia ame ke ano o kona ola ana: “Aneane elua makahiki i ha la ae nei,” wahi ana i olelo mai ai, “ua ike iho la au i ke ano e o na mea paahana hoowali ai.  I kekahi mau la, e hiki ana ia’u ke hele ma o a maanei, a i kekahi wa e koiia ana au e hoi e hiamoe.  Ua hoao nohoi au i na laau lapaau he nui, aole nae loaa iki o ke oia pono. I kekahi wa, ike iho la au ua oia ia au, aka, iloko o hookahi a elua la, hoi hou mai la no na hoiiiona o ka ma’i, a oi loa aku ka ikaika.  Ua mau ka nee ana o ka ma’i ma keia ano, i hiki i ko’u loohia ana i ka eha ma kuu mau puupaa, a ua lilo keia i mea hoomahuahua loa mai i kuu eha mua.  Ua loaa ole la’u ka hoomalu maikai ana, e hoopa-pai-lua ana ko’u opu, me ka eha akiaki ma kuu kua.  Ma ka wa a’u i kii ai i kauka, ua hele au a luuluu i ka ehaeha, a ua loaa iki nohoi ia’u he wahi maha mai iaia mai.  Ua inu hoi a ua ai au i ka laau a ke kauka elike me kona mau kuhikuhi, eia nae, aole au i ola.  Ua lohe mai ia @@@@@@@@@.  Ua @@@@@@@@@ ka’u wahine i kela mau huaale, a koi mai la oia ia’u e ai au i ua mau huaale la.  Ua hauoli nae au no ko’u ai ana i ua mau huaale la, oiai i ka pae ana no o ke poho hookahi ia’u, ike iho la au i ko’u maikai, a hoomau aku la nohoi au i ka ai ana a hiki i ko’u ola loa ana.  I keia kau makalii, loaa hou iho la no au i ua ma’i la, a i kuu ai ana no i na Huaale Ulaula a Dr. Williams, ua ola hou au.  Ua loaa ia’u keia pomaikai mamuii o ko’u kamaaina mua ana i keia mau huaale, a pakele pu hoi au mai ka lilo nui hewahewa mai, elike me ka’u i ike ai mamua.  A e olelo hou aku nohoi au, ua loaa ia’u ame Mrs. Macpherson ka pomaikai o ka ai ana i na Huaale Ulaula a Dr. Williams, ame ka naau hauoli nohoi au e hoike aku nei i na poe popiiikia e ae.”

            E oia ana na ma’i rumatica, sciatica, nuralagia, lolo hapa, loiomotor ataxia, nalulu o ke poo ame na ma’i e ae apau noloko mai’o ke koko inoino, elike me ka alaala, pehu panee, a pela aku, ke ai i na Huaale Ulaula a Dr. Williams.  E kualia ana e na poe kuai laau lapaau apau.

 

E HAALELE ANA O ADEMARALA

MILA IA HAWAII NEI.

            Ua loaa mai nei ia Adimarala Miller, ma ke kakahiaka Poaha nei, maluna mai o ka mokuahi Alameda, e haalele koke iho oia ia Honolulu nei, a e huli hoi aku no Kapaiakiko.  Pela nohoi ka mokukaua Mohikana.  Ma ke ku ana mai o ka mokua@i “Kulanakauhale o Pekina,” ma ka Poaono.  e hoi aku ai o Adimarala Miller, kana mau kakauolelo ame na Lutanela Rodgers ame Andrews.

 

            He ewolu a oi aku na malama i loohia ai o Mrs. A. Inveen, e noho ana ma Alanui Heneri Helu 720, Alton, Ilinoi, i ka ma’i rumatikas sciatica.  Ua noke ia oia i ka lapaauia e na kauka @oko o keia mau malama ewalu, me ka inu ana a hamo ana nohoi i ina iaau he nui i hoikeia aku e kona poe hoaloha, aole nae loaa o ke oia.  Alaila, hamo iho la ia i hookahi omole Laau Hamo a Kamalena, a o kona ola loa no ia.  Ua hoo@ahaia keia mamuli o kana kauoha, oiai @a makemake loa ia e ike ka poe e ae i ioaa ia ano ma’i hookahi i kona leau i ola ai.  Ekuaila ana e ka poe kawili a kuai laau lapaau apau.  O ka Hui o Benson, Smith, Kaupalenaia, na Agena no ko Hawaii Pae Aina.