Ka Nupepa Kuokoa, Volume XXXVII, Number 15, 15 April 1898 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

MA KE KAUOHA.

 

Kanawai 11.

 

He Kanawai e Hoololo ai ka Pauku I o ke Kanawai I kapaoa “ He Kanawai no ka Hooloihi ana i kekahi mau Alanui o ka Apana o Honolulu” I Aponola ma ka la 27 o Mei, 1896. E pili ana i na Alanui i Hooloihi mua ia.

 

E hooholoia e ka ahaulelo o ka repubalika o Hawaii;

 

Paku 1. O ka Pauku 1 o ke Kanawai i kapaia “He Kanawai no ka hooloihi ana aku i kekahi mau Alanui o ka Apana o Honolulu, i aponoia ma ka la 27 o Mei, 1896,” ma keia ke hoololiia nei i heluheluia ai elike me keia mahope iho nei:

 

“pauku 1. O na Alanui iloko o ka Apana o Honolulu, ma ka Mokupuni o Oahu i ikeia manawa ma ka inoa o Alanui Papu, Kuakini, Vineyard, Kukui, Bates, Pensicola, Mililani, Moiwahine ame Young, e hooloihiia aku no ia elike me ia i hoomaopopoia mahope iho nei, i kela ame keia manawa a ka Aha Hooko e hooholo ao, a i kūlike hoy me na ana pakahui no ia hana i kauia ma ka Papa Hoike i hoopili pu ia me keia me ka nana ole i kekahi mea ma ke Kanawai u kapaia ‘He Kanawai e hoomaopopo ai no ka wehe ana, hana hou ana ame ke pani ana i na Alanui,” i aponoia ma ka la 19 o Dekemaba, M.H, 1892

 

“A i na manawa a pau a ka aha hooko e manao ai he kūpono e hooloihiia aku na alanui i oleloia a o kekahi paha o ia mau alanui no ka ponio ame ka pomaikai o ka lehulehu e kauohaia aku no e hana pela, mahope iho o ke kauoha ana i na koi poho ame na hoopomaikai ana e ili ana maluna o na poe mea aina ma kahi a mau wahi paha e hooloihiia ai o na alanui, a e kohoia elike me na hoakaka ana a ke kanawai i oleloia.”

 

Pauku 2. E mana keia Kanawai mau kona la aku e hoolahaia ai.

 

Aponoia i keia la 5 o Aperila, M. H. 1898

 

SANFORD B. DOLE

Peresidena o ka Repubalika o Hawaii.

 

KANAWAI 12

 

 

He Kanawai e hoololo ai ka pauku 1, Mokuna LVIII, o na Kanawai o ke Kau o 1892, i kapaia “He Kanawai e Hoohoihoi ai i ka Mahi ana i ke Kope a me ka Ramia.”

 

E hooholoia e ka Ahaolelo o ka repubalika o Hawaii:

 

Pauku 1. O ka Pauku 1, Mokuna LVIII o na Kanawai o ke Kau o 1892, ma keia ke hoololiia nei, a e heluheluia penei:

 

“Pauku 1. Mai a hope aku o ka hooholoia ana o keia Kanawai, a no ka manawa o umi makahiki mai ka la ekahi aku o tualai, makahiki Hookahi Tausani Ewalu Haneri me Kanaiwa-kumamawalu, o na kumu kofe a pau, ame na kumu ramia a pau; a o na kofe a pau ame ramia a pau i hoouluia iloko o keia Aina; na wili, na hale wili, na mikini, na mea hana,, na mea e pili anna, ame na hale a pau i hoohana wale ia no ka malama ana, ka mahi ana, a hoomakaukau ana i ke kofe a ramia paha no ke kuai aku, ma keia ke hoopau loa ia nei ke kau ana i na auhau kuloko a mau auhau dute paha, no ka hookomo ana mai.”

 

Pauku 2. E mana aku no keia Kanawau mai a mahope aku o kona hoolahaia ana.

 

Apono i keia la 5 o Aperila, M. H. 1898

 

SANFORD B. DOLE

Peresidena o ka Repubalika o Hawaii.

 

 

 

HAAWINA

KULA SABATI

HAAWINA V,- MEI1.

Ke komo hauoli ana.  Maiaio 21:6-16

 

6(Hele aku ha ua mau haumana ia’ a hana aku la e like ,e ka Iesu i kauoha mai ai ia laua.

 

7 Kai mai ia laua i ua hoki ia a me ke keiki, hohola ae la lakou i na kapa o lakou maluna o laua, a hoee uku ia ia Iesu maluna iho.

 

8 Hohola iho ia ka nui o ka poe kanaka i ko lakou kapa ma ke alanui a okioki ae la kekahi poe i na lalalaau, a halilii iho la ma ke alanui,

 

9 Hookani ae la ka poe hele mamua, a me ka poe hahai mahope, i aku la, Hosana i ka memo a Davids! E hoonanila ka mea e hele mai nei ma ka inoa o ka Haku; Hosana i ka lani kiki loa

 

10 A hiki akula la i Ierusalema, pīhoihoi ae ia ko ke kūlanakauhale a pau ninau mai la lakou, owai keia?

 

11 I aku ia ka poe kanaka, O iesu keia, ke Kaula no Nazareta i Galilaia.

 

12 Komo akua, a hookuke aku la iwaho i ka poe kuai lilo aku, a me ka poe kuai lilo a pau iloko o ka luakini; hookahuli ae la ia i na papa o ka poe kuai moni, a me na noho o ka poe kuai ,anu nunu.

 

13 I aku la oia ia kākou, Ua palapala ia, E kapaia ko’u hale, he hale pule; a ua hoolilo iho nei oukou ia ia i ana no na powa.

 

14 Hele mai ia ka poe makapō a me ka poe oopa io na la ma ka luakini, a hoola aku la oia ia lakou.

 

15 Ike mai la ka poe kahuna nui a me ka poe kakauolelo i na mea kupanaha ana i hana’i, a me na kamalii e hookani ana iloko o ka luakini Hosana i ka Mamo a Davids: ukiuki mai la lakou.

 

16 I mai la ia ia, Ke lohe nei anei oe i ka lakou nei olelo? I aku la o Iesu ia lākou, Ae, aole anei oukou I heluhelu mailoko mai o na waha kamalii a me na keiki walu?

 

PAUKU GULA. Mataio 21:9. Hosana I ka Mamo a Davida! E hoonanila ka Mea e hele mai nei ma ka inoa o ka haku!

 

MANAO NUI. E pono no ke hookipa oluolu ia Iesu ma kona Oihana ke Akua Hoola.

 

OLELO HOAKAKA. Ua kamailio o Iesu me petere, mamuli o ka hoike o ka haawina hope loa, ma Galilaia, ma

 

THE INDIAN AT TARGET PRACTICE

The battleship Indiana is a busy ship these days. Her crew are drilled in war like maneuvers, and target practice with the big guns when the ship is at full speed is a daily occurrence. Her four mammoth 13-inch guns are ready for business at a moment’s notice.

 

E hoike ana kēia kii I ke kulana o ke kipoka ana a ka mokukaua Amerika “Inidiana,” ma kona wa e holo ana ma ka moana.

 

Dekemaba, M. H. 29. Ma Perea oia mai Dekemaba a hiki i Maraki. Ia wa no ua paa kona manao e pii aku i Ierusalema, oiai ua ike pono oia ua mākaukau ka poe Parisaio a me na kahuna nui e hopu iaia a make, Ma ka Poaono, Aperila 30, M.H. 30, ua malamaia ka akaaina ma Betania, ma ka hale o Lazaro. Ma ia la aku ua manao o Iesu e komo ai i Ierusalema, mamuli o ke ano hana i wananaia. Ua kii he mau haumana elua i kekahi holoholona kūpono nona, ma Betepaga, ke kauhale e pili kokoke ana i Betania.

 

6. Kauoha,-a loaa, mamuli o ko Iesu olelo, ke keiki o kekahi hoki (kekake) i hoopaaoa me ke kaula. Ua ae mai ka mea hoki, a hoohemo na haumana i ka hoki, a hoohemo na haumana i ka hoki opio, aole i hoonohoia mamua ae la, a kai mai laua iaia ia Iesu. O ke kumu o keia ano hana oia no ko Iesu manao e koikoi ae i kona kuleana ka Mesia, aole ke kumuao wale no. Ina paha ua hookipa e ka lahui Iudaio iaia, aole no lakou ke ano lawehala o ka hoole ana i kona oiahana alii, e like me ko lakou hooloe ana i kona Oihana kumuao. Aia na wānana e hooko ai, Isaia 62:11; Zekaria 9:9 he mau hoailona keia e hooiaio ai i kona kuleana alii. Ua ee oia i ke kekake, no ka mea, oia no ka holoholona no na alii Iudaio i hooholo ai, 2 Samuela 16:2. O na lio i ka wa kahiko oia no na holoholona no na pūkaua i holoholona no na pūkaua i hooholo ai, Na Sol. 21:31. Aka nae, aole o iesu he alihikaua; ke alii o ka Maluhia, oia no kona inoa a me kona ano. 7. Kapa, -he panihakahaka pinepine keia no ka noholio. 8. Hohola,-he panihaka- haka keia no na kaluhā paha, na moena paha, i waihoia ma na alanui i maemae ai lakou imua o ke alo o ka Moi me kona huakai kaahele. Nui,- makawalu na puulu a me na kaoo ia wa i malamaia ai ka ahaaina moliaoia. Ua manaoia 2,700,000 ka nui o na lehulehu ma Ierusalema ia manawa. Lalalaau,-na pama, wahi a Ioane; he mau kapuai he umi ka loihi. Ua maamau no ka poe Katolika e hoʻowehiwehi ia lākou iho me na lalalaau uliuli ma ke Sabati Pama. 9. Mamua,-mai Ierusalema mai. Hahai,-mai Betania mai. Hosana,-he olelo hooho kēia,ma ka manao, Halelu 118:25. “Ke noi mākou I ka Hooia! Hoola!” e like me ka olelo hooho, “Oia mau ka Moi!” 10. Pihoihoi,- ma ka olelo Hebera, olai ke kūlanakauhale, nui loa ke kupikipiko. 11. Kaula,-ua pane pēia kekahi poe I ka ninaur pinepine, Owai kēia kēia? Ua kaulana loa kona inioa no na hana mana: ka hana kupaianaha hope ioa, ka hoala ana ia Lazaro mai ka maka mai. 12. Hookuke,-e like me kona hana i ka makamua o kona Oihana, Ioane 2:13-17. Kuai,- ma ka lanai ma loko o ka pa o na keena hoano. Ua kuaiia aku na hipa, na manu, ka aila, a me ka waina no na mohai. Ua loaa na auhau dute he nui loa i na kahuna, a nui ka hoohaunaele a me ka hoopaapaa a me na hakaka. Mamuli o kona mana alii keia hana. 13. Palapaiaia,-Isaia 56:7; Ieremia 7:11. He hoailona, he kumu hoohalike keia o ka iesu mana e hoomaemae ai i na manao a lilo ka uhane i kahi e noho ai i na manao a lilo ka uhane i kahi e nioho ai ke akua. 14. Hoole,-oia ko Iesu lanakila maluna o ko Satana m,au holno. 15. Kamalii,-a huhu na parisaio i ko lakou hooho pua ana. Ua makemake lakou e hooki o Iesu i keia mau leo, oiai ua paa ko lakou manao aole e ike i ko Iesu ano maoli. 16. Heluhelu,-ma Halelu 8:2, ua hoapono ke Akua i ka leo o na kamalii e hoonani ana iaia. Pela no ke ano hana kūpono no keia mau la ina paha ua moakaka @ haiao a maalahi na himeni, a hiki i na lehulehu ke hoonani pu i ko kākou akua Hoola, e piha ana na anaina. E pono no i na kumukula Sabati ke hoomaopopo loa i keia moolelo, a hoomoakaka i keia imua o na kamalii, me ka olelo paipai ia lakou e ike pono ai i ko Iesu Oihana hoola, me ka pili mau ana iaia; aole like me kekahi poe hooho “Hosana” makekahi la a me “Kaulia ma ke kea” i mau la mahope aku i kona Oihana alii, i mea e ae mai ai ka poe lohe i kona mau pono.

 

I.        Ka lolii ana o na haumana, 6-8. Ihea ua hele aku na haumana elua mamuli o ko iesu kauoha? Heaha ka holoholona i loaa’i ia laua? Heaha ke kumu no ke kii ana i kekake? Pehea i hoohiwahiwaia ai ua kekake la? Heaha na kumu no keia ano hana? Heaha nahana o na lehulehu? Heaha na wānana i hookoia?

II.     Ke komo ana o ka moi, 9-11. Heaha ka olelo hooho o ka poe mākolukolu? Hwaha ke kumu no ka nui loa o keia huakau hele ia wa? Heaha ka olelo hoike o ka poe hahai? Heaha ke ano o ka huaolelo Hebera “Hosana?”

III. Ka Haku ma ka Luakini, 12-16. Heaha ka hana a Iesu ma ka luakini? I ka wa hea ua hana pela oia? Pehea i lanakila ai o Iesu ma keia hookuke ana? He hoailona keia o kona mana hea? Heaha kekahi hana lokomaikai a Iesu i hana ai? Ua aeia anei na makapō a me na oopa e komo mai i ka luakini? Heaha ka hana o na kamalii? Heaha ka hana o na kamalii? Heaha ka hana o na Parisaio? Heaha ko Iesu olelo pane? Heaha ke ano o ka pauku Baibala ana i kuhikuhi ai? Aia mahea ua pauku la?

 

MANAO PILI. 1. Ua ae mai anei oe i ko iesu kuleana, kou kumuao, kou kahuna nui, kou alii mana loa? 2. Ua hoomaemaeia anei kou naau e noho mai ai ka Uhane Hemolele? 3. Ua kokua anei oe e pili paa ai ia Iesu kou haku e ola’i? 5. Ua hauoli anei oe e hoonani pu ia Iesu?

 

MOOLELO O KA AHAHUI EUHANELIO O KA MOKUPUNI O OAHU

 

      Halawai ka Ahahui Euanelio o ka Mokupuni o Oahu ma ka luakini o kaumakapili, Aperila 6, 1898 hora 10 a.m.

      Na ka Luma Hoomalu o ka halawai i hala i wehe i na hana, E.S. Timoteo, Mahope o ka pau ana o na hana haipule, ua hoomaopopoia na hoa o ka eha i hiki mai:

      Kawaiahao, H. H. Paleka kahu, J. Nalua eleele; Kaumakapili, E. S. Timoteo kahu, S. H. Oni eleele; Kaliki ame Moanalua, O. H. Kuiika (Komite), S.K. Keawe eleele; Ewa. J.M. Ezera kahu, J. Kahoa elele; Waianae, J. Kekahuna komite, S. Mapu elele; Waialua, S.K, Olii kahu, J. Ahina elele; Hauula, S.D. Nuuhiwa kahu; Waikane, James Davis kahu, E.P. Aikue elele; Kaneohe, H.H. Paleka komie. Hoa mau: O.P. Emerson, O.H. Kulika, C.M. Hyde, D.D., Leadingham. J. Waiamau, R. Maka, J. Akela.

      Hapaiia ke koho ana I na luna nui o ka aha. Ma ka harota ua kohala o E.S. Timoteo i luna hoomalu; a ma ka o lima ua kohoia o J.M. Ezera i kakauolelo.

      Koho ka luna hoomalu i na komite mau:

      Komite Imihana-O.P. Emerson. J. Ahina ame E.P. Aikue.

      Komite Imi Haawina- O.H. Kulika, S.K. Oili ame J. Kekahuna.

Komite Halawai-E.S. Timoteo, James Davis ame J.M. Ezera

      Na O.P. Emerson I heluhelu I ka hoike a ke Komite imihana: 1. Hapalua hona haipule. 2. Hoike kīhāpai. 3. Na palapa hoopii. 4. Hoike komite a ka Aka. 5. Koho ana I na elele a kēia Aha I ka Aha nui. 6. Oihana K=kūwaho. 7. Oihana kuloko. (a) ola kahu: Ekalesiakahu ole ame kahu Ekalesia ole; (i) Luakini. Hale-ha-lawai. Hale kahu; (o) Kulahanai ame kula kahunapule (u) Na keiki a ka Ana; (h) Hooponopono Ekalesia: (k) Hoonaauao. 8. Olelo hoalohaloha. 9. Heluhelu haawina. 10. Na hana kinai i ka pono. 11. Na hana hoeueu. 12. Kahi ame ka manawa e halawai hou ai ka aha.

      Hapai ka aha i ke kumuhana 2, na hoike kihapi, Na  Nalu, S. H, Oni. S. K. Keawe, J. E. Kahoa. S. Mapu. J. Ahina, E.P. Aikue, i heluheli i na hoike pakahi o ko lakou mau Ekaesia. Ma ke noi a O.P. Emerson ua kapaeia na rula, a hoike waha mai ke kahu o Hauula i kekahi mau mea no ia Ekalesia.

      Ma ke noi a S.D. Nuuhiwa, ua aponoia, e lilo na haumana o ke kulakahunapule ame na hoa kuka. Hapai ka aha i ke kumuhana S. olelo hoaloha; ma ke noi a O.P. Emerson, ua waihola i ke komite, Revs. O.H. Kulika, J. Waiamau ame James Davis.

      Hapai ka aha i ke kumuhana 4, hoike komite. Na J. Kekahuna i heluhelu i ka hoike komie. Na J. Kekahuana i heluhelu i ka hoike komit o Waianae, a ma O.H. Kulika ame Wm. Kauhi i hoike waha mai i ka hoike o Kalihi ame Moanalua.

      Hapaiia ke kumuhana 5, na elele i ka aha nui, E.P. Aikua, J. Ahina, S.H. Oni, S. Mapu.

      Hapai ka aha i ke kumuhana 6. Oihana kuwaho. Ua paipaiia na kahu ame na elele e makaala e hoihoi mai i na haawina i haawina mamúa ae o ka la 15 o Mei i ka Puuku o ka Papa Hawaii, W. W. Hall. Ma ke noi a O. P. Emerson ua kohoia o James Davis ame J.M. Ezera i komite hoomaopopo no kei kumuhana. Ma ke noi a S.D. nuugiwa ua hoopamee ka aha a halawai hou hona 2 auina la. Pule E. P. Aikua.

Hora 2 p.m.

      Luna hoomalu E.S. Timoteo ma ka noho. Mahope o ka pau ana o na hana haipule, ua hapaiia ke kumuhana 7. Oihana kuloko, (a) Ola kahu. Ma ka hoike a ke komite, aole mau pilikia o ke ola o na kahu. € Ekalesia kahu ole ame kahu Ekalesia ole. Ua hoomauia na komite mua. H.H. Pareka no Kaneohe, O.H. Kulika no Kalihi ame Moanalua, J. Kekahuna no Waianae. Ua hooholoia e noi aku i ka Papa Hawaii e haawi ae i na kokua ia D. Kapali $50.00 a ia S.D. Nuuhiwa i $50.00 (i) Luakini, halehalawai, hale kahu. Na na kahu i hoike mai no na mea e pili ana i keia kumuhana. Na O.H. Kulika i noi mai e ae ia ke komite noi dala o ka Ekalesia o Kaumakapili e hoakea ae i knoa mana i waena o na makamaka o ke kulanakauhale nei, apomoia ke noi. (o) Na kulahanai ame kula kahunapule. Na O.H. Kulika, Leadingham ame C.H. Hydei hoike mai no na mea e pili ana i keia kumuhana. No kan ele o na keiki a ka Aha, aole i noonooia ka mahele u. (h) Hooponopono Ekalesia. Ma ke kuka ana ua hooholoia e paipaiia na Ekalesia pakahi, e malama pono ia na buke pili Oihana o na Ekalesia. (k) Na hana hoonaauao. Hhe nui na mea i hoikeia mai no keia kumuhana, eia kekahi mau mea e hoike ia aku ma ka hoike a O.P. Emerson: I1 He mea pono e hoolakoia na Ekalesia i na buke hoonaauao; 2 E hoolakoia i mau keena heluhelu ma na Ekalesia.

      Ma ke noi a O.P. Emerson ua hoopaneeia ka Aha a poaha, hora 2 auina la. Hoopaneeia me ka himeni ame ka pule a O.H. Kulika.

poaha, hora 2 p.m.

      Halawai hou ka aha elike me ka hoopanee ana. Luna hoomalu E.S. Timoteo ma ka noho.

      Malamaia ka hapalua hora haipule ma ka himeni ame ka pule a O.P. Emerson. Kahea ia na inoa, a heluheluia ka moolelo o ka aha a aponoia.

      Ma ke noi a S.K. oili ua noonoo hou ia ka hapa hope o ka mahele (o) Kulakahunapule. Ma ke noi a E.P. Aikue, ua hoopaneeia ka noonoo ana i keia a hiki mai ke kau o Iune.

      Waiho mai ka Luna Hoomalu he palaplaa hopii mai a Rev. Moses Kuikahi, e noi mai ana i ka aha e hookuu aku i kona noho hoa ana no keia Aha, a e hoohui aku iala me ka Ala Lunakahiko o na Mokupuni o Maui, Molokai ame Lanai.  Ma ka noonoo ana o ka Aha, ua aponoia ke noi, a ua hoomanala ke kakauolelo e pane aku.

      No kekahi pilikia, ua hookuuia ka Lna Hoomalu, a na J. kekahuna i malama i ke koena o na hana o ka Aha.

      Hapai hou ka Aha i na koena o na Hoike kihapai.  Na A. Ku i heluhelu i ko Kaneohe.  Na O. H. Kulika i heluhelu i na Olelolo hoalohaloha ia J. Kekahuna no Mrs. J. Kekahuna, ia Mr. Ame Mrs. S.D. Nuuhiwa no ka laua mau keiki.

      No ka makaukau ole o na mea e pili ana i ke kumuhana 9, aole i hapai ka Aha.

 

 

 

Ka Ayer Laau Hoomaemae Koko

 

      E Hoomaemae oe i kou koko me ka Ayer Laau Hoomaemae Koko (Saraaparilla), o keia ka laau pahu’a ola o kona ikaika hoola.  Kupono maoli kela laau no ka ma’i Alaala, ma’i Hehe, Puha, ma’i Aai, ma’i Kuapuhi, ma’i Puupuu oolohu, ma’i Kane pohaka, ame na ma’i no apau e ulu mai ana maikoko mai o ke koko ino.  He kupono loa nohoi keia LAAU HOOMAEMAE KOKO A AYER no ka ma’i nalulu (catarrh), rumatika ame ka rumatika pehu.

      Ma ke ano he laau hooikaka kino ia, aohe ona lua.  E koku ana ia i na mea paahana o ka opu ma ka hoowali ana i ka ai, hooikaika i ka hana ana a ke ake-paa nawaliwali, hooikaika hoy i na aa-lolo a hooikaika pu hoy i ke kino i hele a nawaliwali mamuli o ka luí ame ka hoomailo ana a ka ma’i Ua ike an kauka lapaau ma na wahi apau, he Laau makai loa keia Laau Hoomaemae Koko a Ayer.  He laau keia i loaa no loko mai o ka pa’ipa’i ame ke kawili a hoohuihui naauao ia ana o na laau hoomaemae koko a hooikaika kino ikaika loa.  Aohe laau hoomaemae koko elike me keia, a i makemake nui ia nohoi elike me keia.

 

Ka Ayer Sarsaparilla

 

Hoomakaukaula e

Dr. J.C. Ayer & Co.,

Lowell, Mass., U.S.A.

 

No Hookawelewe Le Loa Aku Ai Oe I Kela

 

Ame Anu, Kunu Puu Eha?

 

 

      Ua kaulana loa ka LAAU KUNU A AYER (Ayer’s Cherry Pectorai)  Hoke o na makahiki he aneane 60, ma ka hoola ana i na Ma’i o ka Puu ame ke Akemama, ke Anu, ke Kunu, ka Ma’i La Grippe, ame ka Ma’i Mala o ka pale Akemama.  He ono keia laau ma k ainu ana, a he oiaio ke ola.

 

AYER’S CHERRY PECTORAL

 

Na Medala Gula mai na Hoikeike Nui o ke Ae

 

Mai lawe i na Laau Emi i Hoohalikeia me keia

 

Hollister Drug Co. Lt.

 

Na Agena ma ka Paeaina Hawaii.

 

Kakela

Me Kuke.

Ka Halekuai Nuui

O Na

Waiwai Like Ole

O na Mea

 

HANA KAMANA A PAU

 

Na Lako Pili Hao Kukulu Hale,

Na Kepa hele,

Na Lei Ilio,

Na Kaulahao Ilio,

Na Pahi,

Na Upa,

Na Kope Hulu,

Na Pulupulu.

 

 

 

Na Palau Lio

 

Na

Mea Mahiai,

Na Au Ho, Na Au Koi,

Na kua hipi, Na lei hipi, Na kalahao hipi,

Na uwea pa, Na kaa palala,

Na mea piula, Na

Ipuhao.

 

 

Makau Me Aho Lawaia

 

Na Iliwai . . . . . . . .           N aPakeke . . . . .

Na Kula . . . . . . . .. .          Na Pakeke Hao . . .

Na Hulu Pena . . . . .          Na Kapu Hao . . .

Na Pulumi . . . . .               Na Panda . . . . .

Na Pena me Aila . .           Na Kukaepele . . .

Na Kopa . . . . .                  Na Uwiki, a me . . .

Na Aila Mahu . . . .           Na Ipukukui . . . . .

 

Mikini Humuhumu Kaulana a

Wilcox & Gibbs

Hookahi Lopi,

 

Ka Remington, Elua Lopi.

 

A me na ukana he nui wale a kela a me keia ano.

 

Kakela me Kuke.