Ka Nupepa Kuokoa, Volume XXXVII, Number 15, 15 April 1898 — Page 3
| This text was transcribed by: | Shanasty Mahi-lyons |
| This work is dedicated to: | Llayne Richards |
Ka Nupepa Kuokoa
KE KILOHANA POOKELA NO KA LAHUI HAWAII..
KA HUI ALAHAO ME AINA O OAHU
MANAWA HOLO
Mai a MAho@e aku o lulai 5. 1895
NU HOU HAWAII
Ua holopono na heihei lio I malama ia ma kela Poaono aku nei, ma Kapi`olani Paka.
Ua loheia mai e hoi hou mai ana ka mokuahi Zealandia no Honolulu nei ma kēia mua kokoke iho
Ua mahalo nui I ka hīmeni pālua mawaena o John Edwards a me James Shaw ma ka Emma Kuea ma ka Poakahi nei.
Ma ka la 19 ae nei, oia ka Poalua, e hoi aku ai ka mokuahi Zealandia no Kaleponi. Ua ku mai ola no Honolulu nei ma ka Poakolu nei.
Ma ka Home Hoohanau Kapiolani, Aperila 14, ua hānau mai he kaikamahine na ka wahine a John K. Kamanoulu.
Ua make mai nei ma Hanalei, Kauai, ma ka la 11 iho nei, o J.W. @ota, he lunakānāwai apana no Hanalei. Pela ka hoike a kekahi nūpepa o loko o kēia kūlanakauhale.
Ua piha pono ka Hale Mele Hou ma kela po Poaono aku nei I na poe makaikai, a ua nui ka mahalola oh na hana oia po. Ua olelola he $800 a oi na loaa oia po.
He aha Mele waiwai nui ke haawiia ana maloko o ka hale pōhaku e ku nei ma ke kihi o na alanui Betela ame Hotele, ma ka po o kēia Poakolu ae, Aperila 19. He hookahi dala ka uku komo.
Ua loaa mai ka lono hauoli la mākou, ua ano kanahai mai na umi@ ana a ka ma`I @iva ia Hon. John L. Kaulukou, Lunahoomalu o ka hale na Lunamakaainana. Ua manaoia, he mau la wale no koe a puka molaelae loa ia.
Ma ka Poakahi o kēia pule iho nei I li ia ai o Kapea maluna o ka amana li kanaka, maloko o ka halepaahao o Kawa. Ua hoololiia, hoi ka hoopai o Kalo, ka makuakāne, mai ka li la maluna o ka amana a ka hoopaahao a pau ke ola.
Ma ka Poalua nei, mauka ae nei o Maemae, I malamaia ai kekahi ahaaloa nui I piha I na olo a ka Hawaii, o kela ame kēia ano. He ahaina hoomanao kēia no ka piha ana o na makahiki I he 50 da Mrs.Lulia Waianuhea, oia hoi o Mrs.Lulia Kalaukoa. Ua nui na mea @i I hoomakaukauia.
Ma ka Poakolu nei I hoolewaia aku ai ke kinowailua o Rev. Makua A@oy@ius, Kahuna Katolika o Kona, Hawaii, mai ka Pa Misiona Katolika mai o Malie-ka-Malu no ka pa ilina o Koula. Ua hookaukoola aku kona huakai e na hoahānau o ka Ekalesia o Honolulu nei, ke Epikopo Kukeana ame na Kahuna.
`Elua makahiki I haia ae nei, ua kuai mai la o R.J. Warren, he kanaka kāwili la@n lapaau ma Pleasant Brook, No loka, he wahi lākou uuku o ka Laau Kunu a kamalena. A penei kana hoike ana: ‘Ma ia wa, aole I kela kēia laau ma kēia wahi; I kēia la, ua @io ka Laau Kunu a kamalena I laau ohana no kela ame kēia hale.” O ke ano no kela maloko o na anaina āpau he nui. Ma kahi i maopopo ai ke ano maoli o ka Laau Kunu a Kamalena, ua lilo ia i mea oho@la nui ia e na kanaka. E kuaila ana kela laau e ka poe kāwili a kuai laau lapaau apau. O ka Hui o Benson, Smith, i Kaupa@enaia, na Agena no ko Hawaii Pae Aina.
KOKUA O MEKIKO IA SEPANIA
Havana, Aperila 2. O ka huli hoy ana mai nei no ia o ke Kanikela Kene@aia mai Mekiko mai, a ua hoola mai ola ia Kene@ala Blanco, e loaa ana ia Sepania ke Mekiko mau kokua ana. A ua @io kela lono i mea e ukiuki loa ai na poe Mekiko ma@nei, a ua hoouna aku nei lakou i paiapala kue ia Pere@idena Diaz.
(Mai ka ao@o eha mai.)
Ma ke noi a O.P. Emerson e hoʻomākaukau ke Komi@e Imi Haawina I ekolu mau haawina heluhelu no kēia Aha, a hoolaha @e ma ka nūpepa. Aponoia.
Ka hoohui ana I na lāhui e, @loko o na anaina Hawaii: ame ka wehe ana o na luakini no na anaina e, no ko lakou mau haiawai Karistiano. – E. S. Timo@eo.
Ka mea e lanakila ai @a kaumana o ke kula kahunapula, a puka mai lakou me ka mākaukau. – O. P. Emerson.
Ke ala e loaa ai ke ola kūpono no na paahana ma na Ekalesia. – J. M. Ezera.
Komite Imi Haawina: O. H. Kulika S. K. Oili, J. Kekahuna.
Ma ka noonoo ana o ka Aha i ke kumuhana 10, Na hana kinai pono. Ke paipai nei ke Aha e hoy kela amekeia kahu ame na elele o na Ekalesia e maiama pono i ko lakou mau Ekalesia.
Noonooia ke kumuhana 11. Na hana hoeueu. Ua waihoia mai ka inoa o ke Kumu Poo o ke Kuia o Kamehameha i komite no ia haua. Ma ke noi a James Davis, e waihoia keia inoa a me ka noonooia ana o keia kumuhana a ke kau o Iune e hiki mai ana. Aponoia.
Ma ka noonoo ana i ke kumuhana 12, Kahi ame ka manawa e halawai hou ai keia Aha. Ma ke noi a S. H. Oni ua hooholoia aia e hoopan@eia keia Aha, e haiawai hou ma Kaumakaoili nei ma ka Poakolu mua o Okatoba o keia makahiki ma ka hora 10 a. m.
Na ke kakauolelo he olelo hoomaikai I ka Ekalesia o Kaumakapili no na hana aloha i na hoa o keia Aha.
Hoopaneeia na hana o ka Aha meka himeni ame ka pule a O. P. Emerson. J.M. EZERA.
MOOLELO O KA AHAHUI HULA S BATI O KA MOKUPUNI O OAH KAU O APERILA, 1898.
Halawa ika Ahahui Kula Sabati o ka Mokupuni o Oahu ma ka luakini o Kaumakapilli, Honolulu, ma ka hora 9 a. m. o ka Poaha, Aperila 7, 1898.
Mr. E. P. Aikue. Lunahoomalu mua ma ka noho. Hoomakaia na hana me ka hīmeni ame ka pule a J. Kekahuna.
Hoomaopopoia na lala o ka Aha: Kawaiahao. D. L. Naone, hope, S. K. Nawaa elele: Kaumakapili, W. H. Kailimai hope, O. Z. W. Kawaikalai elele; Kalihi ame Moanalua, aohe kahu, S. W. S. Kawelohalii elele; Ewa. H. K. Meemano, kahu a elele; Waianae, S. Mapu, kahu, A. Kaleikau elele; Waialua S. K. Mahoe kahu, aohe kahu aohe elele; Waikane, James Dais hope; J. K. paele elele; Kaneohe, A. Ku hope, a elele. D. L. naone Kahukula Sabati Nui no na Kona, E. P. Aikue Kahukula, Sabati nui no na Koolau.
Hapaiia ka noonoo no ke koho ana i na luna o ka Aha. Waiho muaia mai ka inoa o D. L. Naone i Luna Hoomalu a mahope ua waiho pu ia mai ka inoa o E. P. Aikue, a ma ka balota ana, ua kohoia o D. L. naone i Luna Hoomalu. Ma ke noi a H. K. Meemano, ua koho houia o S. K. Mahoe i kakauolelo. Koho ka Lunahoomalu is E. S. Timoteo, E. P. aikua ame Jambes Davis i Komite Imi Kumuhana.
No imai o S. K. Oili e lilo na hoa kuoono e ae i mau hoa kuka no keia aha, hooholoia.
Hoike a ke Komite Imi Kumuhana: 1. Hapaha hora haipule. 2. Hoike papa helu a na kahukula Sabati apana. 3. Hoike a na elele. 4. Hoike a na Kahukula Sabati Nui. 5. Na hana hoeueu i na Kula Sabati. 6. Na lulu no ka buke “Hoahana.” 7. Komite Hoalohaloha. 8. Koho ana i na Kahukula Sabati Nui. 9. Hoike hui o na Kula Sabti o Oahu, ma Iune, 1898. 10. I waihona no keia Aha. 11. Kahi ame ka manawa e halawai hou ai keia Aha. Aponoia ka hoike a ke Komite Imi Kumuhana.
Hapaiia ka noonoo ana i na kumuhana pakahi.
1. Hapaha hora haipule, ua hookoia. 2. Hoike papa helu a na Kahukula Sabati Apana. Na ke Kakauolelo i ko Kawaiahao, aponoia. Na ke Kakauolelo i ko Kalihi ame Moanalua, na W. H. Kailimai i ko Kaumakapili, na H. K. Meemano i ko Ewa. Ma ke noi a James Davis, ua waihoia na hoike ekolu maluna ae ma ka papa a noonoo pu me ke kumuhana. 6. Na S. Mapu i ko Waianae, aponoia. Na ke kakauolelo i ko Makua, na kek Kaukauolelo no i ko Waialua. Ma ke noi a S. K. Oili ame James Davis ua waihoia na hoike elua maluna ae ma ka papa. Aole hoike papa helu o ka@ula, na James Davis i ko Waikane, aponoia, na A. Ku i ko Kaneohe, noi mai o James Davis e waiho ma ka papa, hooholoia. 3. Hoike a na Elele. Na S. K. Naw@a i ko Kawaiahao. Ma ke noi a E. S. Timoteo, ua aponoia me na hooponopono. Ma ke kapa@ia ana o na rula ua heluheluia mai na hoike elele malalo iho nei, penei: na A. Z. D. Kawaikalai i ko Kaumakapili, na S. W. S. Kawelohelii i ko Kalihi ame Monalua, na H. K. Meemano i ko Ewa. Aponoia keia mau hoike maluna ae. Na A. Kaleikau i ko Waianae, na D. Kaumai ko Makua, na ke Kakauolelo i ko Waialua, na J. K. Palele i ko Waikane, aponoia keia mau hoike eha. Aole hoike elele o Hauula. Na A. Ku i ko Kaneohe, aponoia, me na hooponopono. 4. Hoike a na Kahukula Sabati Nui. Na D. L. naone no na Kula Sabati o na Kona, a na E. P. Aikue no na Kula Sabati o na Koolau, aponoia keia mau hoike elua. 5. Na hana hoeueu i na Kula Sabati. Ua nui ke kuka ana o na o ka Aha no keia kumuhana, a mahope o na kuka ana, ua noi mai o James Davis, e waihoia keia kumuhana i kela ame keia Kula Sabati pakahi, hooholoia. 6. Na lulu no ka “Hoahana.” Ma ka noonooia ana o keia kumuhana a ma ke noi a H. K. meemano ua hapaiia ka noonoo ana i na hoike papa helu i waihoia ma ka papa, a ma ke noi a E. S. Timoteo ua kauohaia na kula Sabati i uku ole i ka lakou mau dala, e hoihoi koke mai mamua ae o ka la 15 o May, 1898. 7. Koho ana i Komite Hoalohaloha. Koho ka Lunahoomalu ia E. S. Timoteo. J. M. Ezera ame James Davis i Komite Hoalohaloha. Mamuli o ke ola o ko ke ao nei ame ka hoea mau ana, mai o ka hope@aw o na mea apau i hanaia. Ua oluolu i ke akoa, ka Makua Mana Loa, e ku mai maluna o ke kiekiena o ka mauna o Ziona, a kahea mai i kona poe i alohaia, e haalele iho i na luhi o nei, a e hooko i ka mea i hai kahikoia mai, “Aohe o kākou Home e mau ana maanei.” O ko kākou makuahine, Mrs. Miliama Kekahuna, i ka wehena kai ao o ka la. 9. O Dekemaba o ka makahiki i hala ua kaheaia mai la oia e hele i kela Home mau loa, nolaila: E hooholoia, O makou o na hoa o ka Ahahui Kula sbati o Oahu. 1 – Ke ae nei makou e auamo pu me ko makou kaikuaana, Rev. J. Kekahuna, ame na haumana Kula Sabati o Waianae i na haawe kaumaha maluna o makou. 2 – A ka makou pule, e hoomama mai i na kaumaha o ko makou kaikuaana i alohaia a e noho pu mai ka Uhane Hemolele me ia i na hora o keia noho mehameha an. 3 – ma na mea apau “E lehe aku na maka i na mauna a mai laila mai ke kokua e hiki mai ai.” E. S. Timoteo, James Davis, J. M. Ezera, Komite.
8 – Koho ana i na Kahukula Sabati Nui. Waiho mua ia mai ka inoa o D. L. Naone i Kahukula Sabati Nui no na Kona a na S. K. Oili i waiho mai i ka inoa o W. H. Kailimai no ia kulana hookahi, a ma ka balota ana, ua kohoia o D. L. Naone i Kahukula Sabati Nui no na Kona a ma ke noi a S. K. Oili ua koho kouia o E. P. Aikue i Kahukula Sabati Nui no na Koolau.
9 – Hoike hui o na Kula Sabati o ka Mokupuni o Oahu, ma Iune, 1898. Ma ke noi a S. K. Oili ua aponoia keia kumuhana. A penei na haawina o na Kula Sabati pakahi: Haawina o Iune. Iulai ame Augate, 1897. Kula Sabati o Kawaiahao: haawina o Sepatemaha ame Okatoba, 1897. Kula Sabati o Kaumakapili; haawina o Novemaba. 1897. Kula Sabati o Kaneohe; haawina o Dekemaba, 1897. Kula Sabati o Waikane; haawina o Ianuari, 1898. Kula Sabati o Hauula; haawina o Feberuari, 1898. Kula Sabati o Waialua; haawina o Maraki, 1898. Kula Sabati o waianae; haawina o Aperila, 1898. Kula Sabati o Ewa; haawina o Mei, 1898. Kula Sabati o Kalihi ame Moanalua. D. L. Naone, E. P. Aikue, na Kahu Kula Sabati Nui.
10 – I waiho no keia Aha. Ua hoakaka mai ka Luna Hoomalu o ke Komite Imi Kumuhana, ola hoy i elua dala i kela ame keia Kula Sabati pakahi a mahope o ka noonoo ana, ua aponoia keia kumuhana, a ua kauohaia na Kahukula Sabati Nui e paipai aku i keia kumuhana iwaena o na Kula Sabati pakahi.
11 – Kai ame ka manawa e halawai hou ai keia Aha. Noi mai o Jame Davis, aia a hoopanee keia Aha, alila, e noho hou keia aha ma ka hora 9 a. m. o ka Poaha mua o Okatoba, 1898, me kahi e noho ai ka Ahahui Euanelio hooholoia. Noi mai o E. S. Timoteo e hookomoia ka moolelo o keia Aha iloko o kekahi mau nūpepa Hawaii, hooholoia.
Olelo Hoalohaloha: Hooholoia, Ke haawi aku nei na hoa apau o keia Aha i ka mahalo ame na hoomaikai he nui, i ka Ekalesia ame ke Kula Sabati o Kaumakapili, ma ke kokua ana mai ma na mea apau e oluolu ai ke kino, a na ka Haku nona ke Kula Sabati, e malama a e kiai mai ia kākou apau.
Hoopanee ka Aha me ka himeni ame ka pula a ka Lunahoomalu.
S.K. MAHOE,
Kakauolelo.
Ma ka Poakolu nei paha o keia pule iho la make ai o Herman Kaouli ma Kamoiliili ae nei. He hoa oia no ka Oihana makai kiu o Honolulu nei mamua, a he limahana oia o na ka Haie Dute. Oia nei ka hoa i poino pu ai me Kauhane mamua i ka hopu ana i kekahi haole hoopae opiuma. Ua haalele iho oia he wahine a he keiki.
Ua halele mai o Mr.Savidge i kona noho kaukauolelo ana no ko makou nei keena. A mamua o kona waiho ana mai i ka oihana, ua haawi makana aku la o Mr. C. G. Ballentyne laia, @a ka aoao o na limahana o kela Keena Pai, he medala gula i kakauia me na huaolelo: “Haawiia aku ia W. Savidge e na Limahana o ka Hui Hawaiian Gaze@@e, Aperila 13, 1898.” Aloha nui Savidge.
O na kanaka Amerika o lakou ka pue huili nui wale o na kanaka o ke ao nei. Ua loaa ia lakou na palapala sila 600,000, a ua oi ako oia mamua o ka akahi hapakolu o na palapala sila ia hoopukaia ma ke ao nei apau. Aohe hoi me i huliia e ke kanaka iloko o keia au hou e nee nei i hoopomakai nui mai i na kanaka elike me ka Laau Ola a Kamalena no ke Nahu, Kolera ame ka Hi, a i oi aku hoi ka hooluolu ana i na eha ame na hu`i elike me ia. Penei na olelo a J. W. Vaugn o Oakton, Ky.: “Ua hoohana iho nei au i ka Laau Ola o a Kamalena no ke Nahu, Kolera ame ka Hi, mawaena o ko`u ohana no na makahiki he lehulehu, a ua like au oia ka laau lapaau maikai loa a`u i lawelawe ai no na umii a nahu iloko o ka opu.” E kuaiia ana e na poe kāwili laau lapaau a poe kuai laau nohoi. O ka Hui o Benson Smith, i Kaupalenaia, na Agena ma ko Hawaii Pae Aina.
HOLAHA A KA MEA I HOOLILOIA MAI AI KA MORAKI, NO KA MANAO HOOKO A KUAI AKU I KA MORAKI
I kūlike ai me ka mana kuai ame na olelo hoopaa maloko o kekahi pahapaia moraki ihanaia ma Septemaba 14, 1884, mai a Jonathan Spooner mai a ia S. C. Allen ame M. P. Robinson na kahu o ka waiwai o James Robinson, i make ikopeia ma ke Keena Kope Palapala ma Honolulu, maloko o ka Buke 90, ma na aoao 197 ame 19@ a na ua mau kahu waiwai ia hoy i hoolilo pono ae ia S. C. Allen i oleloia, ma ka palapala hoolilo la (assignment), I hanaia ma ka la 8 o Okatoba, 1897, a i kopela ma ke Keena Kakau Kope i oleloia, ma ka Buke 90, aoao 197, a n@ ua S. C. Allen ia hoy i hoolilo mai ia Cecil Brown, ka mea non ka inoa malalo iho nei. Ma o ka paiapaia hoolilo (assignment) i hanaia ma Novemba 5, 1897. A i kopeia i keia wa ma ua Keena Kukau Kope ia. Ke hoo@haia aku nei ma keia, ke makemake nei o Cecil Brown. Ka mea nona ka inoa malalo iho nei, a o ka mea i hooliloia mai ai ua moraki ia no ka @@aki ia ana o na kumu selike. Oia hoy: ka uku ole ia ana o ke kumupaa ame ka ukupanee ma ka wa e hookaa ai.
Ke hooia@@ia aku nei no@oi ma keia e kuni kudala akea ia aku ana na aina apau, ame na pono ame na pomaikai o kela ame keia ano i paa maloko o ua moraki ia a i hoakakaia ai hoy ma ke keena kudala o James F. Morgan ma Honolulu. Ma ka Poalima, la 5 o Aperila. M. H. 1898, ma ka hora 12 o ke awakea o ua la @a.
No na mea aku i koe e ninau ia Kinney & Ballou, Honolulu. Na Loio o ka mea nono ka inoa malalo iho nei.
Cecil Brown,
Mea i Hooliloia mai ai ka Moraki.
O ka aina i paa ma ua moraki la. Ola kela apana aina apau e waiho la ma Pohakalawaia, Mokupuni o Oahu, ola ka Apana 3 o ka Palapala Sila Nui kelu 651, i hookoia aku ia S. M. Kamakau. Maloko o laila he 11.@@3 Eka, a oia nohoi ka aina i hooliloia mai la Jonathan spooner i oleloia e James kahai. Okatoba 11, 1870, ma o ka palapala kuai la i kopeia maloko o ua keena Kakau Kope la o na Palapala, ma Honolulu i oleloia. Ma ka Buke 31, ma na aoao 161 ame 162.
2698-4t
HOOLAHA HOOKO MANAO HOOKO MORAKI AME KE KUAI AKU.
Ke hoolahaia aku nei ma keia, mamuli o kekahi mana kuai i paa maloko o kekahi moraki i hanaia ma ka la 10 o Okatoba, A. D. 1896, mawaena o Josiah K pahee, Hattie Puhi ame D. K. Puhi, kana kane, no Honolulu lakou apau, Mokupuni o Oahu, ia Frederick L. Leslie o Honolulu i oleloia, i kopeia ma ke Keena kakau Kope, ma ka Buke 163, ma na aoao 452-454, ke makemake nei o Frederick F Leslie, Mea Morakiia mai (Mortgagee) e hooko aku i ua moraki la, no ka uhakiia ana o na kumu maloko o ua moraki la, ola hoi ka uku ole ia ana o ka ukupanee ma ka wa e hookaa ai.
Ke hoolahaia aku nei ma keia, e kuai kudala ia aku no na pono ame na pomaikai i hoopaaia a i hoikeia maloko o ua moraki nei, ma ke kuai kudala akea, ma ke Keena Kudala o Jas. F. Morgan, Alanui Moiwahine, ma Honolulu, ma ka Poakahi ia 18 o Aperila, a. d. 1898, ma ka hora 12 o ke awakea o ua la `ia.
A penei i hoakakaia ai ka waiwai i hoikeia maloko o ua moraki la, oia hoi: O kela apana aina apau maloko o Kapalama, Honolulu i oleoia, i hoakakaia penei:
E hoomaka ana ma ke kihi hema o keia apana aina ame ke kihi komohana o ka apana i hoikeia maloko o @a aelike i hanaia mawaena o Wm. Hammond a me D. P. Ka@ena ame kaui, i hanaia aug. 12, 1891, e holo ana Ak. 51 deg. 30 min. Hik. 110 kapuai, ma ua apana la a i ke alanui; alaila, Ak. 42 deg. 30 min. Kom. 45 kapuai, ma ua alanui la; alaila, Komohana Hema aku 110 kapuai a i kahi he 48 kapuai mai kahi i hoomaka mua mai ai, alaila, holo aku a kahi i hoomaka ai; a he hapa ia no ka Palapala Sila Helu 401 ia P. Kanoa, a oia nohoi ka aina i kuaiia mai i ua o D. K. Puhi ame Hattie Puhi e William Fries ame M. H. Hecht ma ka palapala kuai i hanaia ma Augate 26, 1896, a i kopeia am ke Keena Kakau Kope, ma Honolulu i oleloia ae nei, ma ka Buke 165, ma na aoao 198-9; a o ke kuleana akahi hapalua i mahele ole ia o D. K. Puhi, maloko o ua aina la, ua kuaiia aku ia ia Isaiah K. Pahee, ma ka palapala kuai i hanaia Augate 26, 1896, a i kopeia ma ke Keena o ka Luna Kakau Kope i oleloia, ma ka Buke 165, ma na aoao 197-8.
Kuike ke dala. O na lilo o na palapala kuai i ka mea e lilo ai. No na mea i koe e ninau ia J. M. Monsarrat, Loio no ka mea i Morakiia mai ai.
Frederick L. Leslie,
Mea i Moakiia mai ai (Mortgagee). Hanaia Maraki 25, 1898.
2695-4t
HOOLAHA MANA HOO@LO@OOLO.
ILOKO O KA AHA KAAPUNI APANA
Hookolokolo ekahi o ko Hawaii Pae Aina. Ma ka hana o ka waiwai o KAHOA VIRGINA TALMAN, o Honolulu, Oahu, i make.
Ma ka heluhelu ame ka waihoia ana mai o ka palapaia noi a me ka hoike moowaiwai a Mrs. Elizabeth Kekaaniau Pratt, lunahooko o ka palapaia kauoha hope loa o ka mea i make, e nonoi ana e nana @ e aponoia ia mau mea, a e kauoha ia oia e mahelehele i ua waiwai ia i ka poe i kuleana malaila, a e hookuuia oia a me kona mau hope mai ia oihana aku.
Nolaila, ua kauohaia, o ka POAKAHI, la 16 o MEI, 1898, imua o ua Aha la, ma ke keena, ma ka Halehookolokolo ma Aliiolani Hale, Honolulu, ola kahi a me ka manawa e hooloheia ai ua nonoi la a me ua moowaiwai la, a o ka poe apau i kuleana, ina he kuleana ko lakou, e he@e ae ahoike mai, no keaha ia e ae ole ia ai ua nonoi la.
Kakauia ma Honolulu, Aperila 12, 1898.
Na ka Aha:
Henry Smith.
2698-3t Kakauolelo.
ILOKO O KA AHA KAAPUNI APANA
Hookolokolo Elua o ko Hawaiii Pa@ Aina. Ma ka hana o ka waiwai o Ni@a, o Wailuku, Maui. I make kauoha ole.
He palapaia e nonoi ana e hooholo ka aha owai la na hooilina o ka me@ i make a e mahelela ka waiwai e like i me ke k@ieana o kela ame keia hooilina.
No ka mea ua waihoia mai e Mei@ Kinilau he palapala e nonoi ana e hooholo ka Aha owai la na hooilina o ka mea i make, a e mahelela ka waiwai o ka mea i make e like me ke kuleana o keia a me keia.
Nolaila, ke haiia aku nei ka lono i ka poe apau i pili e hele mai lakou imua o ka Aha Kaapuni Apana Hookolokolo Elua ma Wailuku, maui. 1895, hora 10 kahahiaka, a ma la wahi a ma la manawa e hoike mai no ke aha i e @@ ole ia ai ke noi e elike me ia i hoikeia ae ia maluna.
Na ka Aha:
A. F. Tavares
K@kauolelo
Wailuku, Maui. April 4, 1@98
2697-3t
ILOKO KA AHA KAAPUNI APANA
Hookolokolo Ekahi o Ko Hawaii P@e Aina. Ma ka Hooponopono Waiwai. Ma ka hana o ka waiwai o Pilipo Kakimiia, o Honolulu, i make.
Oiai ua waihola mai ka Palapala Noi ame ka Hoike Wqaiwai a ka Luna Hooponopono o ka waiwai o ka mea i make i oleloia ae la, a ma ia palapala i nonoi mai ai oia e nanaia a e aponoia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima i na poe i kuleana ma ia waiwai, a e hookuu ana iala mai na koikoi mai a pau ma kona ano Luna Hooponopono.
Ua kauohala, o ka POAKAHI, la @ o Mei, M. H. 1898, hora 10 o ke kakahiaka, ma ka Keena Hookolokolo, Aliiolani Hale, ma Honolulu, oia kahi ame ka manawa i kohola no ka hoolohe ana i ua noi la ame ka Hoike Waiwai, a malaila a ma ia wa hoy e hele ae ai na kanaka a pau i kuleana ma ia waiwai a hoike mai i kumu, ina he kumu ka lakou e ae oie ia ai ua noi la.
Honolulu, Maraki 30, 1898.
Na ka Aha:
J . A. THOMPSON
2696-3t Kaukauolelo.
Kela ame Keia
HOOLAHA HOOPONOPONO WAIWAI
O ka mea non ka inoa malalo iho, ka mea I hookohuia I Lunahooponopono Waiwai no G. B. Meheuia o Anahola, Mokupuni o Kauai, ma kēia ke hoike aku nei, e waihoia mai na koi iaia iloko o na mahina eono, o hool@ ka mea I make, ke kauohaia aku nei e uku koke mai lākou I ka mea nona ka inoa malalo.
Anahola, April 2, 1898.
W. H. WILLIAMS,
Luna hoʻoponopono o ka Waiwai o G. B.
Meheuia, me ka Palapala Kauoha I hoopili pu ia
2698-4t
HOOLAHA A KA LUNAHOOPONOPONO WAIWAI.
Ua koho pono ia ka mea nona ka inoa malalo iho i Lunahooponopono waiwai no ka waiwai o PELEKINI (w) o Waimanalo, Koolaupoko, Oahu, i make. Ma keia ke hoikeia aku nei ka lohe i na mea apau he mau koi ka lakou ma ka moraki a palapala e ae paha, e hoike koke mai i ka mea nona ka inoa malalo iho nei iloko o eono mahina mai keia la aku, a i ole e hoole loa ia mahope o ia manawa. A o na poe apau he mau aie ko lakou i ka mea i make, e awiwi lakou i ka hookaa koke mai ma ke keena o S. K. Ka-ne, ma ke Alanui Papu, maluna o ka Halekuai Golden Rule Bazaar.
KAAIAWAHIA.
Lunahooponopono Waiwai o ka Waiwai o Pelekini (w) i make, malalo o ka Palapala Kauoha.
Honolulu, Maraki 14, 1898
2694-5t
Theo. P. Severin
(KAPOLEMA MA)
He Mea Pa`i Kii Hooleleaka.
E hana ana oia I na kii nani i@@ ma Honolulu nei no ka uku haahaa loa. E paiia ana na Kii Ahaaina, M@@e, Hoolewa, na Hale Noho, a pela aku.
E hoonuiia ae ana na kii mai @@ kii liilii mai.
Alanui Nuuanu, ma keia a@ao aku o ke Aianui Pauahi. Aia Iluna.
2@@4-12m@