Ka Nupepa Kuokoa, Volume XXXVII, Number 15, 15 April 1898 — Page 2
| This text was transcribed by: | Micki |
| This work is dedicated to: | mom |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaha Mana Hooko
HOOLAHA AINA AUPUNI.
Ma ka P@ono, Mai 14 @ ka hora 12 awakea ma ke alo iho o ka Hale Hookolokolo e kaui k@laloia aku ai ma ke akea:
Ka hoolimalima o na Aina Aupuni o Kamiloloa ame Makakupaia. Molokai. nona na Eka he 4056. oi aku a emi mai paha. Manawa hoolimalima he 21 mahahiki. e hookaa mua la ana i kela ame keia eono mahina.
E paa ana maloko o ka hoolimalima na olelo hoopaa no ka malama ana i ka ululaau. ame ke oki a hoopau ana i ka lanalana. ame ke oki a hoopau ana i na aina no na home hookuonoono.
No na hakaka piha. na kil a pela aku. e ninau aku i ke keena Aina Aupuni. ma Honolulu.
J.F. Brown.
269813@s Agena Aina Aupuni.
HOOLAHA HUI.
Ma ka Hana o ka Hoopau ana i ka Hui "Hawaiian Construction Company."
Oiai, ua waiho mai ka Hawaiian Consaruction Company, he Hui i kukuluia a e ku ana malalo a ma o ka mana la o na Kanawai o ko Hawaii Pae Aina. elike me ke kanawai ma ia hana a i hoakakaia hoi. ma ke Keena o ke Kuhina Kalaiaina. he noi no ka hoopau ana i ua Hui la, me ka Palapala Hooia i hoopili pu ia. elike me ke hauoha a ke Kanawai.
Nolaila, ke hoolahaia aku nei ma keia imua o ka poe apau i kuleana, ma keia ame keia ano, iloko o ua Hui la, e pono no e waiho mai i na kumu kue no ka aeia ana o ua noi la, ma ke Keena o ke Kuhina Kalaiaina, ma ka Poalima, Mei 6, 1898, a mamua ae paha, a o keia ame keia mea e makemake ana e loheia kana hoohalahala, e hele kino ae ma ke keena o ka mea nona ka inoa malalo iho nei, ma ka Hale Oihana Hooko, Honolulu, ma ka hora 10 a.m. o ua la 'la, a e hoike mai i kumu e ae ole ia ai ua noi la.
J.A. KING,
Kuhina Kalaiaina.
Keena Kalaiaina, Maraki 1, 1898.
2692-9t
OLELO HOOLAHA HOOPAU HUI.
No ka hoopau ana i ka Hui i ikeia o Waihee Sugar Compay:
No ka mea, o ka Waihee Sugar Company, he hui i kukuluia a i hoohanaia i kulike me ke Kanawai o ko Hawaii Paeaina, a oiai, ua waihoia mai he palapala noi ma ke Keena o ke Kuhina Kalaiaina, no ka hoopau ana i ua Hui la, ame kekehai palapala hooia kupono elike me ke kuhikuhi a ke Kanawai.
A nolaila, ke hoolahaia aku nei i na poe apau i kuleana ma na ano apau iloko o ua hui la, in a he mau kumu hoohalahala kupono kekahi no ka palapala noi e hoopau, e waiho mai ma ke Keena o ke Kuhina Kalaiaina, ma a mamua ae o ka Poalima, Aperila 29, 1898, a o keia ame keia e makemake ana e hoolohe, e pono e hiki mai ma ke keena o ka mea nona inoa malalo iho ma ka Hale Mana Hooko, ma ka hora 10, o ua ia 'ia i oleloia, e hoike mai in a he mau kumu kekahi e hoole ana i ua palapaia noi 'la.
J.A.KING,
Kuhina Kalaiaina.
Keena Kalaiaina, Feberuari 24, 1898.
2681-9t
HAALELE NA MOKUKAUA SEPANIA IA FARANI
Wasinetona, Aperlia 2. -- Ma keia aauina la i loaa mai ai ka lono i ke Keena Kaua Moana. e hoike ana i ka haalele ana aku a na mokukaua Sepania Pelayo ame Calos V. i ke awa o Havre ame Toulon, Farani. no Caretagena, Sepania. Ua laweia keia mau moku ma kea mau awa ne la o Farani no ka hana a hoomaemae hou ia ana. O ka nui o ka mokukaua Pelayo, he 9,900 tona, kona ikaika holo he 8,000 lio, a he 16 mile i ka hora.
HALAWAI KA AHAHUI KULA SABATI O MAUI, MOLOKAI AME LANAI
E halawai ana keia aha ma ka luakini o Halawa. ma Molokai, ma ka Poalima hope (la 29) o Aperila, 1898, hora 10 a.m. Ke kauoha ia nei na lala o keia aha e akoakoa ae ma ka manawa i hoike ia maluna.
M.P. WAIWAIOLE,
Kakauolelo.
Wailuku, Aperila 12, 1898.
He mea pono i keia ame keia ohana ke loaa on a laau lapaau mama noo na ma'i o ka opu. I laau lapaau puhili ole no ka "moku ino loa o ka lepo" (Diarhea) Nahu, Umii, Kolera ame na ma'i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia lauu no na makahiki he kanalima a ke hana mau ia nei i keia ame keia ia. ma na aina apau o ka honua nei. O ka Hui Kuai Laau Lapaau o Holieier, ka Agena.
KA
Nupepa Kuekea
No ka Makaiki… $2.00
No Eono Mahina… 1.00
Kuike ka Rula.
P@kai 1 2 3 4 5 6
Ana. Pule Pule Pule Pule Pule Pule
Iniha.. $1.50 $2.00 $2.50 $3.00 $3.50 $4.00
2 Iniha.. 2.50 2.75 3.50 4.00 4.50 5.00
3 Iniha.. 2.50 3.50 4.50 5.00 5.50 6.00
4 Iniha.. 3.00 4.00 5.00 6.00 6.75 7.50
5 Iniha… 3.50 4.75 6.00 7.00 8.00 @.00
Iniha. 4.00 5.50 7.00 8.00 9.00 10.00
O na Olelo Hoolaha a pau e hoouna ia mai ana no ka Hoolaha maioko o keia Nupepa, e hoouna pu mai me ka auhau, a in a aole, aohe hookomo ia.
HOOPJKAIA E KA
HAWAIIAN GAZETTE CO.
C.G. BALLENTYNE, Luna Nui.
JOSEPH M. POEPOE, Lunahooponopono.
Honolulu, Oahu
POALIMA… APERILA 15, 1898
Ma ka Mana Kaua anei e Lilo ai o Hawaii?
He mea analua ole ia, eia o Hawaii nei, ma ka ano o kona Kumukanawai, ame ka makemake o ke Aupuni i hoike maopopoia ma o kona Hale Ahaolelo la, ma ke alahele hoohui aku iaia iho me Amerika Huiia. No keia kumu i ala mai ai na kukakuka pili Aupuni ana mawaena o na Aupuni elua no kahi wa i hala ae nei; a no keia kumu i hoea aku ai imua o ka Ahaolelo o Amerika ke kino o ka Hoohu Aupuni ma o ke Kuikahi la, a i hoololiia hoi i keia wa kokoke mai nei ma ke ano olelo hui.
Aka, a hoea mai i keia wa, aole loa i loaa mai ia kakou he lono hou e pili ana i keia kulana hou i ku ai ua kumuhana la; a o ke kumu o keia loaa ole ana mai oia lohe, oia ka lilo loa ana o ka Ahailelo ame ka Mana Hooko o Amerika ma ka hana e pili ana ia Cuba.
Aka, oiai nae e hoomalolo ana ka Ahaolelo o Amerika i kanay noonoo ana no ka mea e pili ana ia Hawaii nei, aole no i nele loa ka pu-a ana mai o kekahi mea hoike io kakou nei, e hoike ana i kekahi helehelena o ka hana i manaoia, oia ka Amerika keehina hana e lawelawe ai ma ka mea e pili ana ia Hawaii nei, na ka wa e ulu io mai ai ke kaua, mawaena o Amerika ame Sepania, oia hoi, ua manaolo loa ia, ma ka wa e ulu mai ai ke kaua mawaena o keia mau Aupuni elua, oia ka wa e hukiia ai ka Have Amerika ma Hawaii nei, a ma ia ano e kaa ai o Hawaii nei malalo o ka mana o Amerika.
Ua loaa mai ka lono mai Wasinetona mai, e hoike ana, ua olelo ae kekahi hoa koikoi o ke Komite o ko na Aina E o loko o ka Aha Senate ua hiki loa i ka Peresidena o Amerika ke lawe mai i ka okana aina ana e makemake ai, ma ka wa kaua. Ua olelo ae ia, o na wahi hoahu la-
"WELO KIHEI A KE AE LOA."
Ua manao wale ia e huki ia ana ka Have Amerika ma keia la, a i ole, ma kahi wa ma keia mua kokoke iho.
nahu no na mokukaua, he mau mea ano o Peresidena MaKinele elua mau olelo kuahaua no keia hana. O ka mua, no ka hoohui ana mai ia Hawaii, mamuli o ke kumu he awa kupono loa ke awaw o Honolulu i wahi hooili lanahu. A o ka lua, oia ka mokupuni o Sana Toma, Hayti.
Ina e hooko io ia ana keia alahele "hoohui aina" i hoikeia ae la, alaila, ua hooilioia o Hawaii nei i iihi no Amerika Huiia mamuli o ka "Mana kaua" o Amerika. A oia ke kumu o ko makou ninau ana ae nei: Ma ka Mana Kaua anei e lilo ai o Hawaii ia Amerika?
No makou iho, oiai paha ua hookoia ka manao nui i makemakeia e ke kumuhana hoohui Aupuni, oia hoi, ua hui o Hawaii nei me Amerika, malalo o ke alahele i hoikeia ae la, aka nae, o ke keehina hana i hookoia ai keia manao, aole ia mamuli o ke alahele kuikahi maoli a olelo hooholo hui paha, aka malalo no ia o ka lima ikaika.
Pehea ia ka manao o ko kakou Ahaolelo e noho nei i keia wa no ko Hawaii nei kulana e ku nei i keia wa, oiai hoi e pioo ana o Amerika ame Sepania mawaena o laua iho, aole makou i ike ike?
Nokeaha la i noonoo ole ai ko kakou Ahaolelo e kukala i olelo hooholo hui, e hookukaokoa ana ia Hawaii nei mai kona lilo ana i puu oioia no na mokukaua o na aoao pai elua, ke hiki mai la wa, aole no makou i ike?
KAUOAAIA NA AMERIKA E HAALELE IA HAVANA
UWAO PAHA AUANEI NA MANA O EUROPA.
KELA AME KEIA LONO.
Wasinetona, Aperila 6. -- Mahope iho o ke kukakuka ana o ka Peresidena me na hoa o na Komite o ko na Aina E o loko o na hale elua o ka Ahaolelo, ua hooholo iho la ka Peresidenk aole oia e hoouna aku i kana palapala hoike imua o ka Ahaolelo a hiki i ka Poakahi o keia pule ae. I ka hoi ana mai o Senatoa Davis mau ke kuka pu ana me ka Peresidena iloko o ka Aha Senate, ua nonoi ae la ia e noho ka hale ma ke ano hooko. Mahope iho o ka hemo ana aku o na poe makaikai mai loko aku o ka hale, ua hoakaka mai la o Senatoa Davis i ke kumu i ka'ulua ai ko ka Peresidena hoouna ana mai i kana palapala. O ke kumu nui, oia ka haawi ana i manawa e haalele aku ai o Kanikela Kenerala Li (Lee) ame na kanaka Amerika ia Havana. Ua manao ka Peresidena, he keehina hana naauao ole a ku hoi i ke aloha hoa kanaka ka hoouna ana i kana hoike imua o ka Ahaolelo, malia he mea ia e ulu koke mai ai ke kaua, a lilo hoi ia i mea e poino ai ke ola ame ka waiwai o kela poe kanaka. Ua hoike mai nohoi o Mr. Davis, ua kauoha mai ka Peresidena iaia e hele aku ia e hui pu me ia a e kuka pu hoi no keia mea, i hiki ai iaia ke hoakaka mai i ke kumu o kona hookaulua ana i kona hoouna ana mai i kana palapala, oiai hoi ua loaa i ka Peresidena he telegarama mai a Kanikela Li mai o Havana, e olelo ana in a e hoounaia ka palapala hoike a ka Peresidena mamua ae o ka Poakahi, alaila, aole e ili maluna o kona (ko Kanikela Li) hokua na kaumaha ke pilikia a poino ka waiwai ame ke ola o na kanaka Aerika ma Cuba. Mahope iho o na hoakaka ana a Senatoa Davis, aohe mea i pane, a ua hoi hou ka hale ma kona nohona mau.
HOOUNAIA EONO MOKU LAWE OHUA I HAVANA.
Havana. Aperila 5. -- I keia kakahiaka i hoea mai nei no onei na moku "Bache" ame "Blake," mai Ki Komohana (Key West) mai, no ka lawe ana aku i na kupa Amerika mai ia nei aku nei a i Amerika Huiia, oia hoi ka poe i makemake ole e noho ma Cuba nei.
Ua manao loa ia nohoi, e hoea mai ana no onei ka moku Olivette ame ka mokuahi e holo nei mawaena o Tampa ame Mobile, ma ka la apopo, a ua hiki i keia mau moku ke lawe aku i 2000 kanaka.
O Kanikela Kenerala Li hoi he oia ae ia, aole i loaa mai iaia he kauoha ae ia, aole iloaa mai iaia he kauoha mai ke keena poo mai o ke Aupuni e kauoha ana iaia e haalele ia Cuba.
O ka hoopauia ana o na rula hoomalu, ua lilo ia i mea e oluolu ai na kanaka ano pioo a pihoihoi wale o na noonoo. A hoea mai i keia wa, aole loa i hoomaopopo iki ia, ua loaa mai na kauoha mai ke Aupuni mai no ka mea e pili ana i na Kanikeia Amerika Brice ame Barker, ame kekahi o na poe Kanikeia e ae ma na wahi e ae o Cuba nei.
Rikemona. Va., Aperila 5. -- ua hoouna telegarapa aku o Kanikeia Li ma keia la, i kana wahine e hoike aku ana iaia, aole ia e pihoihoi a hopohopo nona. Ua hoike aku hoi oia iaia, he maikai no kona oia kino, a, aole nohoi on a hopohopo no kona palekana. Eia nae, ma kekahi mau palapala mua ana i kakau aku ai iaia, ua hoike aku oia i kona hopohopo no ka palekana o na poe kaahele mai Amerika mai a Cuba ame kekahi poe Amerika e ae malaila.
E HAALELE ANA KE KANIKELA KEINERALA LI IA HAVANA
Havana, Aperila 6. -- E haalelel iho ana o Kanikela Kenerala Li ia Havana nei i keia la. Ua lilo keia i mea e poloke nui loa ai ko ke kuianakauhale nei. Ua manaoia, he hoike moakaka lea keia haalele ana o Li ia Havana nei, no ke kukala koke ia o ke kana. Ua hele na moku Amerika a [new column] piha u i na poe Amerika e halele ana ia Cuba nei i keia la.
Key West, Aperila 5. -- Ke manao loa ia nei e hoea mai ana no onei nei o Kenerala Li ma ka la apopo, a ua hookaawaieia kekahi mau rumi nona maloko o ka Hotele Key West.
HE PUU DALA NUI HEWAHEWA NO KE KAUA.
Wasinetoan, Aperila 5. -- Ua hoomau no o Peresidena Makinile i kana kukakuka pu ana me na alakai o ka Hale o na Lunamakaainana ame ke Hale o n Senate, a o ka mea ano nui o keia mau kukakuka ana, oia ka mea e pili ana i ke dala e hoanaokoaia ai no na lilo kaua. Ua ikeia i keia wa, mailoko mai o $50,000.00 i hookaawale mua ia ai no keia hana, he $15,000.00 wale no dala e waiho nei i keia wa.
Ua oleloia ae hoi, e waiho aku ana o Lunamakaainana Cannon o ke Komite Biia Haawina iloko o ka Hale o na Lunamakaainana, he hoololi no ka haawina dala no na lilo no ke kaua, oia hoi, e hoomahuahuaia ia haawina a hoea i ka $100,000,000.
Ua manaoia hoi e lawe mai ana o Lunahoomalu Dingley o ke Komite o na Loaa Kuloko he hooloii kanawai, no ka hoopukaia ana aku o na bona Aupuni i hiki ka huina i ka hookahi a elua haneri miliona dala, ma ka wa e ulu io mai ai he kaua mawaena o Amerika ame Sepania.
Ua hoike ae keia hoa elua o ka Ahaolelo, ua apono na hoa apau o ko laua mau Komite i keia mau kumuhana.
KA MANAO ANO NUI O KA PALAPALA A KA PERESIDENA.
Wasinetona, Aperila 5. -- I keia la i hoike ae ai kekahi hoa koikoi o ka Aha Kuhina i ka mea kakau o ka nupepa "Examiner," no ka mea ano nui e pili ana i ka palapala a ka Peresidena i manao ai e hoouna aku i ka Ahaolelo, a penei no ia:
E ike aku ana o Amerika ia Cuba ma ke ano Aupuni kuokoa ia, a e loaa hoi malaila he Aupuni maluhia. O ka manao nui nae o keia hookuokoa ana ia Cuba, oia no ke kaiehu loa ana aku i ka have Sepania mai Amerika aku nei. E hooko aku ana ka Peresidena i keia manao, ma o ka ikaika la o ka oihana kaua aina ame ka oihana kana moana in a e koiia ana oia e hana pela.. E haawila aku ana la Sepania he manawa nona e haalelele iho ai ia Cuba me kona kaukai ole a ma ka lima ikaika oia e hele ai mai ia wahi aku. Mano new au, e hala ana he elua pule okoa e noonoo ai ka Ahaolelo no ka palapala a ka Peresidena, a malia paha e loaa ana ka lakou olelo hooholo mamua ae o ka pau ana oia mau pule elua, aka, e loaa ana nae ia Sepania he wa nona e noonoo pono ai i kana hana e hana ai.
Aole loa he mea e kaohi ai i ka Amerika koi ana o ko Sepania ae wale no e kuokoa o Cuba. Aole i lilo na mokukaua mama holo liilii o Sepania i mea na Amerika nei e kuemi hope ai. Eia ka hapanui o kela poe moku ma na mokupuni Lae Verede, he 2,400 mile mai a nei aku. O ka mea nui a kakou e nana ai, oia ka loaa ana he manawa maikai e haalelele aku ai na kanaka Aerika ia Cuba.
HOOLIULIU NA KANIKELA SEPANIA E HAALELE IHO IA AMERIKA.
E hoike ana ka nupepa Examiner o Kapalakaiko, Aperila 6, penei:
Ma ka i aSabati aku nei ih aalele iho ai o Felipe de Castro, ko Sepania Kanikela maloko nei o keia kulanakauhale, a eia oia ma kona alahele e hoea aku ai i Wasinetona, a mai laila aku paha, holo pololei oia no Havana. Eia nohoi kana wahine ke hoomakaukau nei i kona mau wahi puolo.
NO KOA SEPANIA NO NA MOKUPUNI CANARY.
Maderida, Aperila 5. -- he elua mahele koa pu-kaa ame elua bataliona o na koa kaua lio i haalele iho ia nei a holo aku no na mokupuni Canary i keia ia. Ua haawi mai la hoi na luina o ka mokukaua hoomaamaa o Farani nona ka inoa Iphigen, i na huro hauoli ana ma ka wa a na kea Sepania i holo aku ai, a ua puia pu nohoi ka lewa i na leo huro o na kanaka mai uka aku nei o ka aina. A ma ka nana aku, ua hookahi wai a ka like mawaena o na Sepania ame na Farani.
KE KU MAKAUKAU LA NA MOKUKAUA HOLO MAMA O SEPANIA.
St. Vincent (Na Mokupuni Lae Verede). Aperila 5. -- Eia no ia nei ka aumokukaua flotilia o Sepania i noho alii nui ia e Komodoa Villamii. Hookahi ia iku ai ai he ekoiu mau moku topido, a ekolu mahope mai, alaila hoea mai la ka moku lawe ai. Aole i manaole e hoea hou mai ana he mau moku hou. Ua makaukau loa keia mau moku ma na ano apau. He ehiku ka nei o na moku. Ekolu mau moku topido, ekolu mau moku wawahi topido a hookahi moku kalepa i hooliloia i mokukaua kokua, nona ka inoa o ke Kaulanakauhale o Cadiz.
KAUOHAIA O KENERALA LI E HAALELE AKU IA HAVANA.
Nu Ioka, Aperila 6-- E hoike ana kekahi lono kuikawa mai WAsinetona mai a i ka nupepa Herald, penei:
Ua hoounaia aku kekahi palapala ano nui loa ia Kanikeia Kereala Li ma Havana, mai ke Keena Kuhina Nui aku, ma ka po nei. Me he mea la, aia maialia ke kauoha iaia e haalele aku oia ia Havana ma ka wa maikai mua loa e loaa apa iaia.
[Columns 5 & 6] THE MEN WHO MAY COMMAND
In the event of war, General Miles, General Merritt, Rear Admirals Bunee and Sicard and Commodore Schley will be conspicuous leaders on land and sea.
NA KANAKA I MANOIA E ALAKA I I NA PUALIKOA AINA ME MOANA.
NEE NA PUALIKOA AMERIKA NO KA HEMA.
Papu Crook (Nebereseka), Aperila 5. -- O ka pualikoa hele wawae helu 22, ma Papu Crook. ma keia po e hoomakaukau ai no ka nee ana aku i ka hema, ma ka la apopo. Ma ka hora 3 o keia auina la i loaa mai ai he kauoha ia Kenerala Copinger mi ke Keena Kaua mai, a iloko hoi o hookahi wale no hora, ua hoomaka aku la na koa no ka hoomakaukau no ka hele koke ana aku. Ua kauohala mai lakou e kau aku maluna o ke kaa ahi o ka Poakolu. Aole nae i maopopo kahi e nee aku ai lakou.
Columbus (Ohio), Aperila 5. -- Ua loaa mai he kauoha i keia la ma ka Hale Hoolulu Kaa o Columbus, i ka Regimena 17, o na koa hele wawae o Amerika, e hoomakaukau koke la lakou, ma ka wa e hauohaia aku ai. Ua wawa-ia ae, e nee pololei aku ana lakou no Cattanooga a malaila i manaoia ai e akoakoa ana he 20,000 poe koa kumau.
Wasinetona, Aperila 5.-- Ua hoike ae o Kenerala Miles i keia la, hookahi wale no regimena woa i kauohaia e nee aku no Chattanooga, oia ka puali Helu 25, a he pualikoa keia o na "Paele." E hele aku ana lakou a hoea ia wahi, a malaila lakou e noho iki ai a hele loa aku no Key West ame Dry Tortugas, oia hoi ko lakou wahi i kauohaia ai e nee aku.
Leavenworth (Kanesesa), Aperila 5. -- Ua loaa mai la i keia auina la ia H.S. Hawkins, aliikoa kiekie o ka Pualikoa Helewawae Helu 20, he kauoha e hoomakaukau kona mau pualikoa no ka nee ana aku i ka Hema. Ewalu ka nui o na mahele koa o keia regimena maanei. He aneane 512 ka nui o keia poe koa i lako pono i na mea kaua.
KO EUROPA KULANA
Wasinetona, Aperila 5. -- Ua laulaha pioo ae na lono malako nei o ke kulanakauhale no ko Europa komo mai e uwao mawaena o Amerika ame Sepania aka, ua loheia ae nae, aole loa o Amerika e ae ana ia mea.
Aka, i keia la holookoa, ua ikeia ka holo-ke awiwi o na luna Aupuni o Europa. I ke awakea nae, ua holo aku la ke Kuhina Beritania i kahi o ke Kuhina Farani, a kamailio iho la laua no kekahi wa. Mahope iho hoi, hoea aku la ke Kanikela Italia, oia o Kauna Vieini, i ke keena Kuhina Beitania. Ma ka hora 5, ua loheia ae la, ua halawai iho la ke Kuhina Farani me ke Kuhina Auseturia me ke Kuhina Beritania ma ke Keena Kuhina o Enelani. Aole nae i maopopo ka hopena o keia mau kukakuka ana.
Hookahi wale no Kuhina i ike ole ia kona launa ana me na Kuhina Geremania.
Ua manaoia nae, ua pili keia mau kukakuka ana a na Kuhina Europa no ke noi ana la Sepania, me ke kakoo pu la ana hoi e ke noi a ka Pope o Roma, ia Sepania, e loaa ka pono luikala piha mai a Sepania aku i na poe kipi o Cuba. Eia nae, ua mano kekahi poe, ua hala ka wa kupono no keia keehina hana.
Aole nohoi ke Kuhina Sepania i komo aku iloko o keia mau halawai ana a na Kuhina Europa e ae, aole nohoi oia i ikeia aku ma ke Keena o ke Kuhina Nui o ke Aupuni. A in a ua @oli ae ke ko ana a ke au o na hana mawaena o Amerika nei ame Sepania, aiaila, aia keia loli ana mawaena o Kuhina Woodford ame na poo Aupuni o Mederida.
KA LEO UWAO.
Wasinetona, Aperila 6. -- Ua loheia ma kekahi luna Aupuni mai o Europa ma keia la iho la, ua aelike ae la na Elele Kuhina Nui o Europa, oia hoi ko Feremania, Auseturia, Beritania, Nui, Farani ame Italia, ma kekahi haiawai i maiamaia e iakou ma ke Keena Kuhina Beritania ma ka hora 4 o ka auina la o nehinei, e waiho aku lakou i kekahi palapala i kakauinoaia e lakou apau imua o na Aupuni o Amerika. [New Column] Huiia ame Sepania, no kekahi mau kumu hoakaka e kapaeia ai ke kaua.
KOMO KINO KA POPE O ROMA E UWAO.
Wasinetona, Aperila 4. -- O ka lono ano nui loa i ikeia ma keia la, oia ka laulaha ana ae o ka lono mai Maderida mai, ua ae ka Pope o Roma, e lilo imea uwao mawaena o ke Aupuni o Sepania ame ka poe kipi o Cuba, a ua loaa mai hoi iaia ka ae ana a ka Moiwahine Kahu Aupuni o Sepania e kukala aku i olelo kuahaua hukala kaua ma Cuba, iloaa ai he keehina no na lawelawe ana i mea e loaa ai ka maluhia ma Cuba.
Ladana, Aperila 6. -- E hoike ana ka mea kakau o ka nupepa Daily News mai Roma mai: Aole manaoiana iki o ka Pope ame Kadineia Rampoila, ke kakauolelo o ka Pope, e hoole ana o Amerika Huiia i ka pono o kana (ka ka Pope), lawelawe ana, a he mea keia e hooulu ia mai ai ke kuee mokuahana mawaena o ka poe Katolika ame ka poe Hoolepope.
MA'I MA KA PUUWAI.
He Hoakaka Maopopo mai Kekahi Wahine Opio mai e Noho an ma Enelani.
Miss A Pitt, aia oia ma Cocking wahi i noho ai, a oia kekahi o na kulanakauhale maikai o Sussex. He wahine oia i puni loa i na ouli ame na hiohiona nani o na ululaau, a no kekahi wa ua hooneleia oia i ka pomaikai o kona hele ana aku mawaena o na puu, oiai, ua loaa ole iaia ka ikaika kupono e hiki ai iaia ke pii ma na wahi hopiina, no ka nawaliwali o kona puuwai. Ua hoikeia i na mea apau e pili ana i ka mea kakau nupepa o ka Midhurst Times, penei:
"Ua nawaliwali au, a hiki ole ke hanal in a au o hoao e pii aku i ka pali aole loa e hiki ana la'u ke hana pela oiai aole loaa ka ikaika kuponno ia'u e hapi a e kaukai i ko'u mau wawae, a ke heie au i ka pule ma ka la Sabati e hoomaha pinepine ana au ma ke alahele, mamuli o ke kapalili o ka houpo. No kekahi manawa, ua kaa au malalo o ka lawelawe ana a ke kauka, a ua manaoia o ka ea mai ke kai mai, he mea ia no'u e pono ai, nolaila, ua holo aku ia au i Bognor, aka ua oi aku nae ko'u pono oie i ko ka wa mua He ekoiu a eha mahina o'u i ma'i ai elike me keia ke ano, a he mau mahina i hala ae nei, ua heluhelu iho la au maloko o na nupepa no na olelo hoike a kekahi poe no na Huaaie Ulaula a Dr. Williams, no ke oia o na ma'i ma ka puuwai, a ike pu iho la nohoi au ua like loa na helehelena o ko lakou mau ma'i me ko'u, noiaila, manao iho la au, aohe hewa ke hoao wale e ai i ua mau huaale ia nolaila, kauoha aku la au i poho huaale. I ka pau ana o ke poho mua, aohe au i ike i ka pono i loaa ia'u eia nae aole au i hooki i ka ai ana, nolaila, kanoha hou aku la no au. I keia poho, ike iho la au ua loaa la'u he pono mamua o ka pau loa ana o na kua@ie o ua poho a'u i kuai ai, aia hoi, ua loaa ka'u ka oluolu ame ke oia maikai. Aka, no ko'u manao aohe he mae maikai no'u ka hooki koke ana i ka ai ana ia mau huaale, nolaila, ua kuai hou aku la au i poho. A i keia wa, ua hiki au ke olelo ae, ua oia loa au i na Huaale Ulaula a Dr. Williams. Ua oi aku ka pomaikai i loaa la'u mai keia laau mai mamua o kahi laau e ae.
"I mea hoike no ka loli ana o ko'u kulana mai ka wa mai i ai ai au i na Huaale Ulaula a Dr. Williams, e olelo ae au i keia Poaha aku nei ua poii aku ia au iluna o Bow Hill (Smith Downs) kekahi o na puu kiekie loa ma Sueez, mes ka pilikia ole. Manao au he pii kamahao ana keia i loaa la'u oiai no na mahina he lehulehu loa i hala ae nei, aole loa e hiki ia'u ke kana elike iho la me keia. Ma kela wa ame keia wa e hana nui loa ai au e ike ana au i ka eha, a o ke oki pu iho ia no ia o ka'u hana ana."
Oka mea i kamaaina mau ia i na makahiki he nui, aole he ma'i koko ino i hiki ole ke hooiaia e na Huaale a Dr. Williams, a peia nohoi na aa lolo nawaliwali. A o ka poe apau i loohia i keia mau ano ma'i, e loaa ana ia lakou ka pomaikai o ke ola, ma ka ai ana i ua mau huaale ia. E imi a loaa na Huaale Ulaula mau, mai noho a kii i na huaale hoopilipili a laau lapaau e ae, oiai ei mai ana no ka mea kuai laau, ua like no a like kana laau me na Huaale Ulaula a Dr. Williams. He ola ka keia mau huaale ma kahi i puhili ai na laau lapaau e ae. E kuaiia ana e na poe kuai laau apau.