Ka Nupepa Kuokoa, Volume XXXVII, Number 12, 25 March 1898 — Page 4
| This text was transcribed by: | Keiko Sasaki |
| This work is dedicated to: | Everybody |
Ka Nupepa Kuokoa
KE KILOHANA POOKELA NO KA LAHUI HAWAII.
HAAWINA
KULA SABATI.
HAAWINA II. --- APERILA 10.
Ke @@@@ mau ehaeha i olelo mua ia. Malalo 16:21-28.
21 Mai @a wa mai i hoomaka ai o I@@u e hoike mai i kana poe haumana, he pono nona ke hele aku i Ierusalema, a e hoomainoino nui ia e ka poe lunakahiko, a me ka poe kakauolelo, e pepehiia hoi ia a make, a po akolu ae e ala hou mai ai.
22 Lalau aku @a o Petero ia @a, hoomaka e ao aku la @a @a, i aku la, E alohaia mai oe, e ka Haku; aole loa oe e hanaia pela.
23 Haliu ae la ke@a, i mai @a @a Petero, E hele oe pela mahope o’u, e Satana: He mea hihia oe no’u; no ka mea aole oe e manao nei e like me ka ke Akua, o ka ke kanaka kau e manao nei.
24 Alaila, i mai @a o Iesu i kana poe haumana. O ka mea makemake e hele mamuli o’u, e hoole kela ia ia iho, e hapai hoi ia i kona kea, a e hahai mai ia’u.
25 No ka mea, o ka mea e manao ana e malama i kona ola, e lilo ana ia mea: aka, o ka mea e haalele i kona ola no’u, e loaa ia @a ke ola.
26 Heaha ka pomaikai no ke kanaka ke loaa ia ia keia ao a pau, a lilo aku kona uhane? Heaha hoi ka ke kanaka e haawi aku ai i uku no kona uhane?
27 E hele mai no ke Keiki a ke kanaka iloko o ka nani o kona Makua me kona poe anela; alaila, e uku aku ia i kela kanaka keia kanaka e like me kana hana ana.
28 He oiaio ka’u e olelo aku nei la oukou, O kekahi poe e ku mai nei, aole lakou e hoao e i ka make, a ike lakou i ke Keiki a ke kanaka e hele mai ana i kona aupuni.
PAUKU GULA. Isaia 53:5. Ua paopaoia oia no ko kakou hala.
MANAO NUI. E pono ke noonoo i ko Iesu mau ehaeha ma ke kaulia ana ma ka laau kea: a me kona lanakila no hoi ma kona ala hou ana.
OLELO HOAKAKA. Ua kupono loa keia haawina Baibala no keia Sabati o ke Alahou ana o Iesu. Ke ole kona make ana ma ke ke’a ma ke ano he mohai kalahala, ua maopopo ole ke ano waiwai o kona alahou ana, he hoailona o ke koikoi o kona oihana mohai. Ma keia apana Baibala ua loaa ka moolelo o ko Iesu kamailio pu ana me kona poe haumana e pili ana i ke ano o kona make ana a me na kumu kupono no kona waiho ana aku i kona ola kino. Aole nae i kaili wale ia kona ola, aka mamuli o kona noonoo ana, ma kona hoolohe ana i ka manao hooholo o kona Makua ma ka lani, ua hookuu aku oia i kona uhane.
21. Wa, --- ua kali e o Iesu a hiki i ka moakaka ana o kona oihana Mesia i kona poe haumana mamua o keia mau olelo ao e pili ana i kona make ana. Ierusalema, --- kahi a na wanana e hookoia ai e pili ana i kona make ana, Make, --- oia no ka hopena kupono o kona oihana, ka mea ano nui ma kona oihana, aole kona hana mana, aole kana olelo ao, aole kona aloha lokomaikai. Alahou, --- no ka mea, ina paha na make wale no o Iesu, he mea nawaliwali oia i noho pio malalo o ka palaho; aka ma kona ala hou ana mamuli o kona mana maoli, ua hoikeia kona lanakila maluna o na enemi a pau loa o na kanaka, o ka make ka mea hope loa. Aole nae e hiki i ko Iesu poe haumana ke hoomaopopo i keia oiaio, a uwe nui lakou i kona wa i make ai, me he mea la ua pau ko lakou manaolana holookoa, a lilo ko lakou manaoio i mea ole. 22. Lalau, --- a nee aku ma kahi kaawale. Ao aku, --- me he mea la oi aku ko Petero naauao mamua o Iesu. Mahaoi maoli o Petero, aka hoi ma ka naaupo keia hana mamuli o ke aloha pumehana, me ka manao e pale aku i na mea ino mai ia Iesu aku. Aole, --- oiai ua manaolana o Petero e lilo o Iesu i Moi hanohano. Ua manao oia i ka poino wale no i oleloia, aole ka lanakila mahope. 23. Satana, --- ua ike pono o Iesu mahope o Petero i ka luna anela ino, nona mai keia mau olelo o Petero, e like me ko Davida hoomaopopo ana ma ka olelonane o kekahi wahine kilokilo i ka maalea o Ioba, 2 Samuela 4:19. Hihia, --- he pohaku e okupe ai, aole he pohaku kihi e like me ko Iesu olelo mahalo mamua iho nei. Mataio 16:18. Kanaka, --- mamuli o ko keia ao, punilealea, kuko hewa, paonioni mau: aole mamuli o ko ke Akua ano hana me ka hoomanawanui, liuliu mau, hoomakaulii. Aole makemake na kanaka i na ehaeha, ka hoohaahaa, ka noho olalo i mea e lanakila ai. 24. Alaila, --- ano okoa ko Iesu olelo ao, like ole me ko Petero. Eia na ano ekolu o ko Iesu mau haumana kupono, ka hoole ana iaia iho, ka hoolaa ana aku iaia iho, ka hoomahui ana i ko Iesu ano hana. Hoole, --- me ka ana ana i na iini e hookiekie ai kakou iho; ka hookaawale ana aku i na mea oluolu ina paha e hiki ke hoemi ia i ka poino o hai; ka imi loa ana i na hana e holopono ai ko Iesu aupuni mamua o na mea e pomaikai ai kakou iho. Kea, --- oia no ka makaukau e koho i ka make mamua o ka hooholo ole ana i ko Iesu manao hooholo. Aole keia ke koho wale ana i na mea ino me he mea la oia no ka hana e oluolu ai o Iesu. No ko Iesu pono keia hapai ana, aole no ka hoehaeha ana ia kakou iho. Hahai, --- oia no ko kakou hoomahui ana ia Iesu, ka ae ana aku i kona mau olelo ao, hoike, paipai, ma ke ano he haumana no keia kumuao, he mea paalalo no keia alii, he koa hoolohe no keia pukaua. 25. Malama, --- me ka hoopalahee ana, me ka alo ana ae, me ka auhee ana. Lilo, --- e pau ana ke ano waiwai o ke o@a kino i ke koa uhaluia. Aole pili ka oluolu o ke ola i ka hoomau ana i ke kino, aka nae i ke ano maikai o na hana. 26. Pomaikai, --- ka mea e pono ai; ka uku hoopukapuka. Lilo, --- heaha ke ano pooke@a o na waiwai, ina paha me keia mau loaa ua lilo aku ka oluolu kino, ke kulana hanohano, ka noho hala ole? 27. Nani, --- i ka wa mahope, pau keia wa polo o ka hewa me ka pono. Mahope o ka wa pouli, na kukuna o ka la: mahope o ka makani ino, ka malie; mahope o ka awahia, ka ono. Uku, --- he kanawai paa keia o ko ke Akua aupuni. Aole na Iesu i waiho aku i keia kanawai. 28. Aupuni, --- ua kukuluia ke kahua o ko Iesu aupuni i ka wa koke mahope o kona make ana @ aole nae i lanakila loa ke@a aupuni a hiki i keia mau la; ke holopono nei nae ko Iesu aupuni. Ua makapa ka mea hoole.
I. Ko I@@u make lanakila, 21. mahope o ko Iesu hoomaopopo ana i ka ae ana mai o kona poe haumana i kona oihana no ka Makua mai, heaha kana a@ela ao i lakou? Heaha ka mea ino i olelo ao ia lakou? Heaha ka mea ino i mua ia? Ua hoolana a hooikaika anei oia i ka manaoio o kona poe haumana ma kela olelo hoike, a i ole paha ua hoopilihua anei oia i ko lakou manao? Ua kupono anei kekahi kea me Iesu he mea make loa ma ke ano he hoailona o ka hoomana Karistiano; a i ole paha ke kea hakahaka me he mea la ua pau ka eha, ua loaa ia Iesu kona nani?
II. Ko Petero manao pili@ua, 22, 23. Heaha ko Petero manao kuhihewa nui? Ua lawehala anei oia ma kona ao ana aku i ka Haku mamuli o kona ano kamailio? Pehea ko Iesu hoahewa ana aku iaia? No keaha la ko Iesu kapa ana ia Petero i Satana? Ua paa anei ko Petero manao e hooholo loa ai i ko ke Akua wanana; a i ole paha i ko Petero mau makemake e pili ana i ke kulana nani o ka lahui Iudaio? Ua like anei ko Iesu hana e ola’i na kanaka hewa me na makemake o na kanaka hewa ? Ua kuhikuhi anei ko Iesu kea ilalo i ka make, a i o@e paha iluna i kona noho ana ma ka lani?
III. Ka nani o ka kea, 24-28. He hoailona anei ko Iesu kea o ka lilo ana i mea ole, a i ole paha o ka hapai ana nona i ka noho alii o na lani? Ua hiki anei i ke kanaka ke malama i kona ola kino, a lilo keia i mea e pono ole ai? Ua hiki anei ke ana i ke ano waiwai o ka uhane o ke kanaka? Heaha na kumu o keia ano hookelakela? Heaha ka hoole ana ia kakou iho? Heaha ka hapai ana i ko kakou kea? Heaha ka uku a Iesu i haawi aku ai e ola’i ko ke kanaka uhane? Heaha ka hahai ana ia Iesu? Heaha ka mea nani i wananaia, p. 27? Owai ka poe a Iesu e hoohanohano ai i kona wa e hoi hou mai ai? Ehia mau makahiki a hiki i ua wa la? Heaha kekahi mau hana mamua iho? Ua loaa anei ia Iesu kona aupuni?
MANAO PILI. 1. Ua kanalua anei oe e pili ana i ka lanakila o ka pono? 2. Heaha kou kea e pono ai ke hapai? 3. Ua hahai anei oe ia Iesu? 4. Ua loaa anei ia oe ka waiwai pookela? 5. Ua manaolana anei oe e komo pu i ko Iesu nani lanakila?
NA MEA ANO NUI I IKEIA.
Ua apono aku la ka Ahahui Euanelio o Hawaii ia C. W. P. Kaeo o Pukaana i mea haiolelo no Kona Waena, Kealakekua, Kaohe ame Milolii no ka makahiki hookahi.
Ua waiho hou ia aku la ka hooponopono ana ia Rev. M. C. Kealoha ma ka lima o kekahi komite, a pela pu nohoi me Rev. L. K. Kalawe.
Aole i hiki mai ke kiai o ka Ekalesia o Haili, Hilo, oiai ua lonoia mai, ua eha ia kona lima, a ua kahaia e ke kauka.
He heluna nui o na malihini kai hiki ae ma Kohanaiki i keia mau la, no ka malama ana i ka Hoike Hui o na Kula Sabati o na Kona. Mai Hookena mai ka palena ma ka Hema o na malihini a hui pu hoi me na lala malihini o ka Ahahui. Laukanaka Keaukukuiula i keia mau la.
March 19, hora 7 p. m. weheia he aha mele ma ka luakini o Kameahoanoia, nana kamaaina ame na malihini maamaalea i ka puukani, e imi ana i pono no ka luakini oia Ekalesia. A ua loaa ma ka aoao o ka Ekalesia he $40.00; ehia la ma ka aoao o ka poe mele?
March 20, hora 10 a. m., ua malamaia na hana Hoike Kula Sabati o na Kona. Ua piha ka luakini i na malihini a koe aku no mawaho. Ua wehe muaia na hana hoike e ke Kula Sabati o Pukaana, a ia Kekaha ka hopena o na hana.
A i ka ike ana i na hana o keia la, nui ka nani o na himeni ame na haawina, mai Pukaana, Helani ame Kailua mai.
A i ka hiki ana i ka hapalua o na hana hoike, ua malamaia na hana lulu dala no ka pono o ka luakini, ua loaa na dala he $83.00 a oi aku, a no ke Kula Sabati hoi he $12.00. Oiai na hana Hoike Kula Sabati e malamaia ana, eia ka ua ke haluku nei, a mahope o ka hookuu ia ana o na hana, ua huli hoi aku na haumana Kula Sabati mai na wahi mamao mai maluna o na lio ame na kaa. A o ka’u e hai aku ia oe e Mr. Lunahooponopono, he huakai inea keia a na haumana Kula Sabati o na Kona. Nui ka poino ma ke alanui, aka, e hoomanawanui kakou ia mau poino apau.
A o ka mea ano hou loa, o ka maluhia loa o keia mau la, aole ulu mai na mea hoohaunaele i ka apana. Ua malamaia na malihini e na kamaaina me ka maikai ame ka oluolu mai ka hiki ana mai apau nui aku la i ka hoi, mehameha hou iho la ua Kohanaiki nei. Ua laki no oe e Kohanaiki, ua hoomamaia’e kekahi wahi ukana.
Me ka mahalo.
He mea pono i kela ame keia ohana ke loaa ona laau lapaau mama no na ma’i o ka opu. I laau lapaau puhili ole no ka “Moku ino loa o ka lepo” (Diarbea) Nahu, Umii, Kolera ame na ma’i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke hana mau la nei i ke@a ame keia la, ma na aina apau o ka honua nei. O ka Hui Kuai Laau Lapaau o Hoillster, ka Agena.
KA AHAOLELO.
SENATE.
La Hana 16, Maraki 7.
Na Senaloa Holstein i waiho mai he noi mai Kohala mai i kakauinoaia e 50 inoa, i haawina dala no ke alanui. Haawiia i ke Komite o na Aina Aupuni ame na Hana Hou.
Noonoo ka Hale i ka Bila Haawina. O ka hoike i waihoia mai e na Senatoa Walakahauki o ke Komite Waiwai, ame Hokina o ke Komite Wae i haawiia ai kekahi mau i@amu o ka bila haawina, ua lilo i mea e kamailioia ai e na hoa o ka Hale. Pela nohoi ka hoike a Senatoa Holstein o ke Komite Hookolokolo no ka Bila Helu 9 o ka Hale o na Lunamakaainana ame ka hoike a Senatoa Baraunu oia Komite hookahi no, e pili ana i ka Bila Helu 11 o ka Hale o na Lunamakaainana.
Hooholoia ka olelo hooholo a Senatoa Baraunu no ka uku o ke Kakauolelo i $10 o ka la, ka Makai o ka Hale, $4 no ka la, a o ka mea malama hale, $1 no ka la.
Waiho mai o Kuhina Kupa he hoololi no na Pauku 630 ame 631 o ke Kanawai Kivila no ka hoopaa inoa ana o na moku. Holo ma ka heluhelu ekahi, a haawiia i ke Komite Pai.
Hooholoia ka Bila Kanawai Helu 9 o ka Hale o na Lunamakaainana, e pili ana i na hoopii hoohalahala mai na Aha Kaapuni mai, ma ka heluhelu elua, mamuli o ke aponoia ana o ka hoike a ke Komite, a waihoia ka heluhelu ekolu no ka Poakolu. Ua hoike mai ke Komite, ua hoopau maoli ia no na pauku iloko o ua kanawai la mamuli o ka manao o ke kanawai o 1892 e hoonohonoho ana i ka Oihana Hookolokolo, aka, ua makemake nae ka Lunakanawai Kiekie e hoopau maoli ia i ole ai e ala mai na kuhihewa.
O ka Bila Kanawai Helu 11 o ka Hale o na Lunamakaainana, e hoololi ana i na Pauku 1480-1483 o ke Kanawai Kivila no ka uku-panee o ke dala, hooholoia ma ka heluhelu elua, a waihoia ka heluhelu ekolu no ka Poakolu.
O ka Bila Kanawai o ka Aha Senate no ka hoomahuahua ana aku ia Kapiolani Pa, mamuli o ka lawe ana mai i na apana aina e hoolimalimaia nei i keia wa ma ka wa e pau ai ia mau hoolimalima, ua haawiia i ke Komite e kohoia aku ana no ka noonoo ana i ka bila kanawai a Senatoa Baraunu no ka hoopuka ana i na palapala sila nui i ka poe noho hoolimalima o ua mau apana aina la i keia wa.
Hooholoia ka haawina o ke Kamaliiwahine Kaiulani mamuli o ka hoike a ke Komite.
Hooholoia ka uku hoomau o F. W. Fehlber no na makahiki elua, he $720. He lima lawelawe kahiko loa ia no ke Aupuni no na makahiki he 30, a i loohia hoi i ka pilikia i keia wa.
Hooholoia ka uku o na kakauolelo pokole o ka Oihana Hookolokolo i $9,600, elike me ka hoakaka a ka Lunakanawai Kiekie, mamuli o ka mahuahua loa o ka hana ma ia keena i keia wa.
O kekahi mau itamu i hooholoia, oia keia, $2,400 no ka kakauolelo o na Aha Kaapuni o na Apana 3 ame 4. Ka uku o ka mea kakau pokole o ka Aha Kaapuni 3, ua hoemiia mai ka $2,000 a ka $1,800. Hoopaneeia ka noonooia ana o ka uku o ka Hope Luna Hooia Buke Helu ame ka uku o ke Kakauolelo a ka Luna Hooia Nui. Ua kapaeia ia mau haawina mailoko aku o ka Bila Haawina no ka manawa. Hooholoia ka haawina no ka uku ame na komisina o na Hope Luna Auhau ame na Luna Helu, $60,000. No ka Oihana Dute, $166,000. Hooholoia.
Ma ka wa i noonooia ai ka haawina o ka Papa Hoonaauao, ua ulu mai la he hoopaapaa ana. Ma ka hoike a ke Komite i haawiia ai ka noonooia ana o keia haawina, he okoa loa ia mai ka mea i hoikeia ma ka Bila Haawina. Ua kue ke Komite i ka uku ana i Hope Kahukula Nui elike me ka manao i hoikeia ma ka Bila Haawina. Ua ku o Kuhina Kupa a kakoo i ka hoonohonoho i hoikeia maloko o ka Bila Haawina. Hoakaka mai oia, ua noonoo akaheleia na mea i hoikeia maloko o ka Bila Haawina. Ua manao nui ia e loaa ona mau kula hou elua noloko nei o Honolulu. Ua makemake loa ka Oihana Hoonaauao e hooneeia ma na papa ke kulana holomua o na kula. A i mea e holopono ai keia hana he mea pono ke loaa na makaala mau ia ana. A ma ia hana e lilo nui ana ka manawa o ke Kahukula Nui, eia nae aole e hiki ana ke hanaia nei hana ina e kaawale mau aku ana oia ma na mokupuni e aku elike me ka makemake o ka hoike a ke Komite. He mea pono nohoi ke makaalaia aku na kula o na mokupuni e aku, a ua lawa ia hana na kekahi kanaka okoa aku. Kokua nohoi o Senatoa Baraunu i ke Kuhina. A ua manao oia o kahi huina o $4,400 i noi ia ma ka Bila Haawina no ke kokua ana i ka Oihana Hoonaauao, aole no ia i nui, ina nae hoi e manao nui ia ana ka holomua o ka oihana hoonaauao.
O Senatoa Waterhouse kekahi kokua i keia manao. O ka loaa ana o na kokua maikai i ka Oihana Hoonaauao he mea ia e hooholomuaia ai na hana o loko o na kuia o ka Pae Aina nei. Hooholoia keia mau itamu apau me kekahi itamu o $45,000 no na kumukula
REV. S. S. PALMER.
hou he 40 paha ko lakou nui. Hooholoia ka uku o ka elele o loko oia keena, $1,000 no na makahiki elua. Ua haule nae keia itamu mai ka Bila Haawina aku. Mahope iho o ka lawelawe ana o kekahi mau hana ua hoopanee ka Hale.
HALE O NA LUNAMAKAAINANA.
La Hana 16, Maraki 7.
Na Lunamakaainana Kaeo i waiho mai he noi no $1,500 i uwapo mawaena o Makaweli ame Waimea, ma Kauai. Na Lunamakaainana Achi he noi no $2,000 no ka hoonui ana ae ame ka hana hou ana i ke awapae o Hookena. Nana mai no he noi no $2,500 i hale hookolokolo ma Hookena.
Na Lunamakaainana Wilder i waiho mai i ka hoike a ke Komite Mahia@, Kalepa, e hoopanee loa ana i na bila kanawai no ka hoohoihoi kanu kope, ramie ame waina.
Na Lunamakaainana Kaai i waiho mai he mau ninau i ke Kuhina Kala@aina, penei: 1. No ke Aupuni anei na kaa lawe wai kapipi alanui o Honolulu nei? 2. Ina aole, alaila, nowai? 3. Ina no kekahi poe okoa keia mau kaa, ehia ka nui o ka lakou mau dala e uku nei i ke Aupuni no ka wai? 4. Heaha la na loaa o na ona o keia mau kaa kapipi wai?
Waiho mai o Lunamakaainana Kahaulelio he palapala hoopii mai Molokai mai e kue loa ana i ka hoihoi ana mai ia mokupuni maloko o ka Apana Hookolokolo Kaapuni Ekahi.
Hooloha mai o Lunamakaainana Achi e lawe mai ana oia he kanawai e hoopau ana i ka Pauku 3, Mokuna 51 o na Kanawai o 1892 e pili ana i ka auhau kino.
Hapaiia ka Bila Kanawai Helu 6 o ka Hale, e pili ana i na ala loa no ka heluhelu elua, ma ka hoike a ke Komite, a mahope iho o ka hoopaapaa ana o na hoa, ua haawiia i kekahi Komite Wae.
Auwina La.
Ma keia wa i hapaiia ai ka noonooia ana o ka Olelo Hooholo a Lunamakaainana Robikana e pili ana i ka hoopukaia ana o na palapala hopu. A o ua Olelo Hooholo la, penei no ia:
Oiai, he pono no kela ame keia kanaka i hanaia aku ai kekahi ofeni, e hoopii aku no ia mea i kekahi Lunakanawai Apana, a e koi aku e hoopukaia ona palapala hopu no ka hopuia ana o ka mea hana hewa; a,
Oiai, he hana na kela ame keia Lunakanawai Apana i waihoia aku ai ia hoopii, ina hoi ua maopopo iaia ua hana io ia he ofeni, e hoopuka aku i palapala hopu e kauoha ana i ka Ilamuku a i kekahi makai e ae paha e hopu i ka mea i hoopiiia aku, a e lawe mai iaia imua o ua lunakanawai la no ka hanaia ana elike me ke kanawai; a
Oii, ua ikeia he hana maa mau loa na na Lunakanawai Apana ka hoole ana, aole e hoopuka i na palapala hopu ke ole e ae mua ia e ka Ilamuku a e kekahi makai paha nana e lawelawe ana ka hoopiiia me ka nana ole ia hoi o ko lakou mau manaoio ana no ka hanaia ana o ka hewa i hoopiiia mai; a
Oiai, ua ikeia ua omuaia aku keia ano hana maluna o na lunakanawai e na luna aupuni e lawelawe ana maloko o ke keena o ka Loio Kuhina; a,
Oiai, oia ano hana he hao ana ia o na luna o ka Oihana Hooko o ke Aupuni i na hana a ka Oihana Hookolokolo, me ka mana ole ma ke kanawai a i kauoha ole ia hoi e kekahi kanawai o ka aina;
E hooholoia; O ka manao o ka Hale o na Lunamakaainana e hooki ia ua hana la, a e kauoha aku ka Loio Kuhina i ka poe apau malalo mai ona a puni ka aina e hooki loa i ka hana ana i na hana apono i na palapala hopu mamua ae o ko lakou hoopukaia ana aku e na lunakanawai.
E hooholoia nohoi, e hoouna aku ke kakauolelo o ka Hale me ka hooka@ulua ole i kope o keia olelo hooholo i ka Loio Kuhina.
Ua haiolelo loihi o Lunamakaainana Kahaulelio ma ka aoao kue i ka olelo hooholo. Ua olelo ae oia ua hoea mai keia mau kuhalahala ana mai kekahi mau loio malihini kakaikahi, ka poe hoi akahi no a hoea mai nei ia nei. O na loo i noho a loihi ka manawa ia nei, aole o lakou hoohalahala mai.
Kamailio o Lunamakaainana Kaai ma ka aoao kokua i ka olelo hooholo. Ua ike oia, aole keia he olelo hooholo ahewa maoli i ka Loio Kuhina, nolaila, e kokua ana oia, aka, ina oia i ike he olelo hooholo keia oia ano, aole loa oia e ae e kokua, a ua manao nohoi oia ua hala iki ka Loio kuhina mawaho o ke kanawai.
Ua ku nohoi na Loio Kuhina e hoakaka ma kona aoao, a ua like no ke ano nui o kana mau olelo haokaka me na mea i hoike mua ia aku. Ua ku o Lunamakaainana Isenberg e kakoo i ka olelo hooholo. Ua olelo ae oia, ua like loa na Makai Nui ame ko lakou poe hope me na wahi akua liilii e holo ana ma o a maanei o ka aina elike me ko lakou makemake, a e hana ana hoi elike me ko lakou manao.
Mahope iho o ka hoopaapaa ana o na hoa, ua haawi lakou i ke koho ana no ua olelo hooholo la. Ma ia koho ana ua aponoia ka olelo hooholo, he 9 poe ma ka aoao kokua, a he 4 wale no ma ka aoao kue.
Hapaiia ka noonooia ana o ka hoololi o ka Pauku 101 o ke Kumukanawai. Kamailio o Lunamakaainana Lobenstein, ka mea nana ua hoololi Kumukanawai la, a i kona kakahele ana a loihi, ia wa i hoike mai ai ka Luna Hoomalu o ka Hale aole i lawa ke koramu o na hoa iloko o ka Hale ia wa, oiai, ua naholo iho la he elima mau hoa iwaho a waiho wale iho la ko lakou mau noho? Elima minute mahope iho, hoi mai la he elua mau hoa iloko. Mamuli o keia kahea a ka Luna Hoomalu, ua hooki pu iho la o Lunamakaainana Lobenstein i kana haiolelo. Ua aa hoi oia e ku mai ka Mana Hooko a kue mai i keia hoololi ana i lawe mai ai, mahope iho o kona hoomaka hou ana e haiolelo. Ua hoike ae oia aia ka Hui Amerika mahope ana.
Mahope iho o kana mau olelo, ua ku mai ke Kuhina Kupa a kamailio mai ma ka aoao kue i ka hoololi. No ka haiki loa o kahi pepa ua hiki ole ia makou ke hoopuka aku i keia haiolelo.
Ua ku ae o Robikana a nonoi e hoopaneeia ka noonooia ana o keia hoololi a ka Poakolu, oiai, ua makemake oia e kuka pu me kona poe haku makaainana. Hoololi mai hoi o Richards ma ka olelo ana i hookahi pule mai ka Poakolu aku, oiai, ua makemake nohoi kekahi poe e ae e lohe mai ko lakou mau haku makaainana mai. Hooholoia ke noi ame ka hoololi.
(Aole i pau.)
E nana ae i na olelo hoolaha e puka aku nei ma k@ makou pepa o keia la.
Ma ka hora 12 o ke awakea Poaha nei, i haalele mai ai ka mokuahi Zealandia ia Honolulu nei, a huli hoi aku la no Kapalakiko iloko o ka ehuehu.
E holo hoomaha aku ana paha o Mr. Wray Taylor, kekahi limahana eleu loa o ke Aupuni, no na aina e, i loaa ai ka ikaika hou o kona kino.
Ma ke kakahiaka Poalua nei i lehau ae ai na kanaka he nui ma ke alo iho o ka Halewai, no ka nana ana i kekahi hana hoomainoino holoholona, oia hoi, ka pepehiia ana o kekahi @ole “mongoose” e kekahi ilio
Ke kuko nei kekahi poe Hawaii maoli e holo aku no Amerika ame Cuba, ina e kukalaia mai ana ke kaua mawaena o na Aupuni elua.
@oolaha @umau.
Ka Ayer Laau
Hoomaemae Koko.
(SARSAPARILLA.)
E hoomaemae oe i kou koko me ka Ayer Laau Hoomaemae Koko Sar@aparilla). o keia ka laau pahu’a ole o kona ikaika hoola. Kupono maoli ke@a laau no ka ma’i Alaala, ma’i He@e, Puha, ma’i Aai, ma’i Kuapuhi, ma’i Puupuu oolohu, ma’i Kane pohaka, ame na ma’i no apau e ulu mai ana mailoko mai o ke koko ino. He kupono loa nohoi keia LAAU HOOMAEMAE KOKO A AYER no ka ma’i nalu@u (catarrh), rumatika ame ka rumatika pehu.
Ma ke ano he laau hooikaika kino ia, aohe ona lua. E kokua ana ia i na mea paahana o ka opu ma ka hoowali ana i ka ai, hooikaika i ka hana ana a ke ake-paa nawaliwali, hooikaika hoi i na aa-lolo a hooikaika pu hoi i ke kino i hele a nawaliwali mamuli o ka luhi ame ka hoomailo ana a ka ma’i Ua ike na kauka lapaau ma na wahi apau, he Laau maikai loa keia Laau Hoomaemae Koko a Ayer. He laau keia i loaa no loko mai o ka pa’ipa’i ame ke kawili a hoohuihui naauao ia ana o na laau hoomaemae koko a hooikaika kino ikaika loa. Aohe laau hoomaemae koko elike me keia, a i makemake nui ia nohoi elike me keia.
Ka Ayer
Sarsaparilla
Hoomakaukauia e
DR. J. C. AYER & CO.,
Lowell. Mass., U. S. A.
Ola ka Ma’i Awaawahia o ka Opu i ua
Huaale a Ayer
No Keaha
I HOOKAWELEWELE LOA AKU AI OE I KELA
AME
ANU, KUNU PUU EHA?
Ua kaulana loa ka LAAU KUNU A’AYER (Ayer’s Cherry Pectoral) ilok@ o na makahiki he aneane 60, ma ka hoola ana i na Ma’i o ka Puu ame ke Akemama, ke Anu, ke Kunu, ka Ma’i La Grippe, ame ka Ma’i Mala o ka pale Akemama. He ono keia laau ma ka inu ana, a he oiaio ke ola.
AYER’S CHERRY PECTORAL
Na Medala Gula mai na Hoikeike Nui o ke Ae
Mai lawe i na Laau Emi i Hoohalikeia me keia
Hollister Drug Co. Lt.
Na Agena ma ka Paeaina Hawaii.
Kakela ME Kuke.
Ka Halekuai Nui
O NA
Waiwai Like Ole
O na Mea
HANA KAMANA A PAU.
Na Lako Pili Hao Kukulu Hale,
Na Kepa bela,
Na Lei Ilio,
Na Kaulahao Ilio,
Na Pahi,
Na Upa,
Na Kope Hulu,
Na Pulupulu.
Na Palau Lio
Na
Mea Mahiai,
Na Au Ho, Na Au Koi,
Na kua bipi, Nalei bipi, Na kalahao bipi,
Na @wea pa, Na kaa palala,
Na mea piula, Na
Ipuhao.
Makau ME Aho Lawaia
Na Iliwai Na Pakeke
Na Kula Na Pakeke Hao
Na Hulu Pena Na Kapu Hao
Na Pulumi Na Pauda
Na Pena me Aila Na Kukaepele
Na Kopa Na Uwiki, a me
Na Aila Mahu Na Ipukukui
Mikini Humuhumu Kaulana a
Wilcox & Gibbs
Hookahi Lopi,
KA REMINGTON, Elua Lopi.
A me na ukana he nui wale @ kela a me keia ano.
Kakela me Kuke.