Ka Nupepa Kuokoa, Volume XXXVII, Number 12, 25 March 1898 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

Mai a Mahope aku o Iulai 5, 1895

 

Wili o Ewa, kaa ukana, na la apau, koe ke Sabati.

 

Hiki i Waianae, na la apau.

 

Hiki Wili o Ewa, na la apau.

 

Hiki Waianae, Poaono me Sabati wale no.

 

Hiki i Waianae, na la apau.

 

                                                A.M     A.M.    P.M.    P.M.    P.M.

Haalele ia Manana                   7:43     9:56     2:28     2:28     5:53

Haalele Wili o Ewa     8:10     10:19   2:49     2:49     6:14

Hiki i Waianae                        -           10:54   -           3:24     6:49

 

Waianae na la a pau.

Wili o Ewa Kaa Ukana Na la a pau Koe Sabati.

Waianae na la a pau.

Wili o Ewa na la a pau.

Hiki i Waianae na Poaono me Sabati.

 

                                                A.M.    A.M.    P.M.    P.M.    P.M

Haalele ia Waianae      6:14     -           1:32     -           4:16

Haalele Wili o Ewa     7:19     9:10     2:07     3:51     4:51

Haalele ia Manana                   7:50     9:48     2:38     4:22     5:22

Hiki i Honolulu                       8:23     10:30   3:11     4:55     5:55

 

E lawe ana na kaa ahi hali ukana i na kaa ohua o ka papa ekahi.

G.P. DENISON,

Luna, F.C. SMITH

Luna Kuai Palapala Holo

 

NU HOU HAWAII

            A keia pule ae o Lubiana. Ua hoololohe i kauhale i ka nui o ka ua i keia mau la.

 

            He mau la ua nui loa keia o kekou e nee nei. Aole i kana mai ka nui hewahewa o ka ua. E kui ana ka hekili, e olapa ana ka uwila, a e hiolo ana na paka-ua.

 

            O ka hohonu o na haule ku-a-ua ma Hilea, Kau, Hawaii, mai ka la 12 o keia mahina a ka la 20, he 18.50 iniha. Ma Pahala hoi, ma ka la 1, he 17.25 iniha ka hohonu.

 

            E ike ana ko makou poe heluhelu i ka haiolelo a Hon. W.C. Achi no ka hoololi o ka Mahele 5, Pauku 57 o ke Kumukanawai, ma kekahi wahi o ko makou pepa o keia la.

 

            Ua loohia au i ka rumatika no 14 makahiki, a aohe mea i maopopo ka mea e loaa ai iaʻu ke ola. Ua hiki no iaʻu ke hele ma o a maanei, aka, e eha mau ana no nae au. Ua hoao au i na laau apau ʻu i i lohe ai, a mahope haiia mai la iaʻu e hoao au i ka Laau Hamo a Kamalena. Ua hoao io iho la au, a ua loaa koke iaʻu ke ola, a iloko o ka wa pokole, ua ola loa au. Ua hauoli loa au i ka hoike ana aku, aole loa ia i hoi hou mai maluna oʻu.-Josh Edgar, Germantown, Cal. E kuaiia ana e na poe kuai laau lapaau apau. Benson, Smith & Co., na Agena ma ko Hawaii Pae Aina.

 

MOOLELO O KA AHAHUI KULA SABATI O KA MOKUPUNI O HAWAII

            Ua malamaia keia Ahahui maluna ae ma ka luakini o Kameahoanoia, ma Kohanaiki, Kona Akau, Hawaii, i Maraki 19, 1898, hora 2 p.m. a i noho Peresidena ia e Rev. W.M. Kalaiwaa, a o D. Alawa ke Kakauolelo, e like me ka hoopaneeia ana mai ke kau mai o Sepatemaba, 1897, ma Hilo.

            Hoomakaia na hana me ka himeni aoao 282 o ka Hoku Ao Nani ame ka pule ana a ka Peresidena.

            Hoomaopopoia na lala o ka Aha.

            Na Kahu Kula Sabati Nui: E.K. Kaiwa no na Hilo; D. Alawa no Hawaii Komohana.

            Na Kahu Kula Sabati Apana: W.N. Purdy no Hamakua Hikina; S.W. Kaumuloa no Kekaha; J.H.M. Kekahuna no Kailua; T.K.R. Amalu no Pukaana; John Kama no Kalapana.

            Na Elele: J.W. Kaumelelau no Hamakua Huiia; J.M. Kawelo no Kohala Akau; C.K. Kapa no Kekaha; J. Kaaeamoku no Kailua; S.W. Kawewehi no Helani; s. Kuhia no Kona-Waena; M. Moku no Kealakekua; G. Waiau no Pukaana.

            Na ka Peresidena i koho ia S.W. Kekuewa, E.K. Kaiwa ame G. Waiau i Komite no na Hookohu.

            Hoike a ke Komite o na Hookohu: "Ma ka nana ana a kou Komite, ua loaa i kou Komite na Hookohu he 10; ua apono kou Komite i na Hookohu 8, a ua kanalua kou Komite i na Hookou elua, oia ko Kalapana ame Opihikao; ko Hamakua Hikina, ua kue i ke Kumukanawai o keia Aha." Aponoia.

            Ma ke noi a Kaumuloa, e lilo na hoa maikai e ae apau i hui pu mai nei me keia Aha i mau hoa kuka. Hooholoia.

            Koho ana i na Luna Nui: Na Kamukuloa i noi mai, e kakau iho ke Kakauolelo i hookahi balota no W.M. Kalaiwaa i Peresidena. Hooholoia, a ua hookoia hoi ke noi. Na Kaumuloa no, e kapaeia na rula, a e kohoia ke Kakauolelo ma ka o lima, oia hoi o D. Alawa. Hooholoia.

            Hoomauia o S.W. Kekuewa i Hope Peresidena, o C.M. Kamakawiwoole i Puuku, a ia D. Kahooio ame J.W. Kaumelelau, na hoa elua no ka Papa Hooko.

            Na ka Peresidena i koho ia S.W. Kaumuloa, Z.M. Naahumakua ame S.W. Kawewehi i Komite no na Palapala. Ia D. Alawa i Komite Paʻi.

            Hoike a na Kahu Kula Sabati Nui: Na E.K. Kaiwa i kana; na ke Kakauolelo i ko Puna, ko Hawaii Akau ame ko Hawaii Komohana.

            Hoike a na Kahu Kula Sabati Apana: Na ke Kakauolelo i ko Haili, na W.N. Purdy i kana, na ke Kakauolelo i ko Kohala Akau ame Kohala Hema, na S.W. Kaumuloa i kana, na J.H.M. Kekahuna i kana, na ke Kakauolelo i ko Kealakekua, na T.K.R. Amalu i kana. Ma ke noi a ka Peresidena, e kapae i ka rula 22 no ka manawa, i hiki ai hoi ke heuheluia mai ka hoike mai Kona-Waena mai. Hooholoia. Na ke Kakauolelo i ko Kona-Waena ame ko Waiohinu, na John Kama i kana, na ke Kakauolelo i ko Puula.

            Hoike a na Elele: Na W.N. Purdy, J.W. Kaumelelau i ka laua. Noi mai o J. Kaaeamoku e lawe i ka hoike a Kaumelelau a e noonooia. Hooholoia. Ma ka noonooia ana, aohe mea i hana ia. Na J.M. Kawelo, J. Kaaemoku, S.W. Kawewehi, S. Kuhia, M. Moku ame G. Waiau i ka lakou mau hoike pakahi.

            Hoike a ka Puuku: O na dala ma ka waihona no kia hapalua makahiki i pau $16.90; hooliloia i keia la he 25 keneta, koena ma kuu lima he $16.65. Aponoia. Ma ke noi a S.W. Kekuewa, e hoopanee i keia Aha a makaukau ka Hoike a ke Komite o na Hana Hou. Hooholoia. Pule o J.M. Kawelo.

 

            Hora 5 p.m. noho hou ka Aha a mele mai la i ka himeni aoao 131 o ka Hoku Ao Nani ame ka pule ana a S. Kuhia. Hapaiia ke koena o na hana. Hoike a ke Komite o na Hana Hou:

            1. Na Elele i ka Ahahui Nui o ka Pae Aina.

            2. Hoike o na Kula Sabati o Hawaii Komohana.

            3. Lulu dala o na Kula Sabati.

            4. Koho ana i na Kahukula Sabati Nui o keia Aha.

            5. Ke ola o na Elele e hele ai i ka Aha Nui o ka Pae Aina.

            6. Kahi ame ka manawa e noho hou ai keia Aha.

            Aponoia ka hoike a ke Komite. Hapaiia ke kumuhana mua. Hooholoia o E.K. Kaiwa, W.N. Purdy, C.K. Kapa, D. Alawa, S.W. Kawewehi ame J. Kama na Elele. Kumuhana elua, hooholoia na ka Peresidena ame ke Kahukula Sabati Nui o Hawaii Komohana e malama i na hana hoike ame na hana lulu dala o na Kula Sabati i hoikeia ma ke kumuhana 3. Kumuhana 4, hooholoia e hoomauia no na Kahukula Sabati Nui mua. Kumuhana 5, hooholoia e hoomauia keia Olelo Hooholo mua; "Palua dala i ke Kula Sabati hookahi no ka Elele e holo ai i Honolulu." Kumuhana 6, hooholoia: Ma Laupahoehoe, Hilo, e noho hou ai keia Aha.

            Hoike a ke Komite o na Palapala: "Ma ka ike ana a kou Komite i na palapala apau, ua apono kou Komite i na palapala a pau, a ua hoole i ka palapala mai ka Elele mai o Hamakua Hikina, oiai ua kue i na rula o keia Aha." Aponoia.

            Na D. Kahooio he Olelo Hooholo. Olelo Hooholo, Hoohloia: Ke haawi aku nei na lala o keia Aha i ka mahalo ame ka hoomaikai nui i na kamaaina o ka Ekalesia o Kekaha ame na makamaka e ae i haawi mai i ko lakou kokua aloha ana i na lala o keia Aha i na mea e pono ai ko lakou ola kino. Aponoia.

            Na S. W. Kaumuloa i noi mai e heluheluia ka moolelo o keia Aha. Hooholoia. Ua heluheluia a aponoia.

            Ma ke noi a S.W. Kekuewa e hoouna ia ka moolelo o keia Aha i ka Nupepa Kuokoa. Hooholoia. Nana no e hoopanee i keia Aha a noho hou ma Laupahoehoe, Hilo. Hooholoia.

            Hoopaneeia keia Ahahui me ka himeni ame ka pule ana a S.W. Kekuewa. DAVID ALAWA,

            Kakauoleo.

            Holualoa, N. Kona, H., Mar. 21, 1898.

 

LAAU KUNU A KAMALENA.

            Ua hana maoli ia keia laau no ke kunu, anu, kunu kalea, kunu ho, ame ke anu. Kaulana loa ia no ke ola o keia poe maʻi ma ka hapanui o ke ao nei i noho ia e ka naauao. Ua loaa mai na palapala hoomaikai lehulehu no ka holopono o kana mau hana; ke ola ana o ke kunu oolea loa; pela me ke anu ikaika i hoopauia mamuli o kona ikaika hoola, ame ke ola ana o ke kunu kalea, a e pakele mau ana nohoi ke ola o ke keiki liilii. O ka inu laulaha ia ana o keia laau, he mea hoike ia no ka hoopahuʻaia ana o ke kunu ho, ame kona mau hopena awahia. E kuaiia ana e na poe kuai laau lapaau apau. Benson, Smith & Co., na Agena ma ko Hawaii Pae Aina.

 

Hoolaha Hooko Moraki.

 

HOOLAHA HOOKO MANAO HOOKO MORAKI AME KE KUAI AKU.

            Ke hoolahaia aku nei ma keia, mamuli o kekahi mana kuai i paa maloko o kekahi moraki i hanaia ma ka la 10 o Okatoba, A.D. 1896, mawaena o Josiah K. Pahee, Hattie Puhi ame D.K. Puhi, kana kane, no Honolulu lakou apau. Mokupuni o Oahu, ia Frederick L. Leslie o Honolulu i oleloia, i kopeia ma ke Keena Kakau Kope, ma ka Buke 163, am na aoao 452-454, ke makemake nei o Frederick F. Leslie, Mea Morakiia mai (Mortgagee) e hooko aku i ua moraki la, no ka uhakiia ana o na kumu maloko o ua moraki la, oia hoi ka uku ole ia ana o ka ukupanee ma ka wa e hookaa ai.

            Ke hoolahaia aku nei ma keia, e kuai kudala ia aku no na pono ame na pomaikai i hoopaaia a i hoikeia maloko o ua moraki nei, ma ke kuai kudala akea, ma ke Keena Kudala o Jas. F. Morgan, Alanui Moiwahine, ma Honolulu, ma ka Poakahi la 18 o Aperila, A.D. 1898, ma ka hora 12 o ke awakea o ua la ʻla.

            A penei i hoakakaia ai ka waiwai i hoikeia maloko o ua moraki la, oia hoi: O kela apana aina apau maloko o Kapalama, Honolulu i oleloia, i hoakakaia penei:

            E hoomaka ana ma ke kihi hema o keia apana aina ame ke kihi komohana o ka apana i hoikeia maloko o ka aelike i hanaia mawaena o Wm. Hammond a me D.P. Kalena a me Kaui, i hanaia Aug. 12, 1891, e holo ana Ak. 51 deg. 30 min. Hik. 110 kapuai, ma ua apana la a i ke alanui; alaila, Ak. 42 deg. 30 min. Kom. 45 kapuai, ma ua alanui la; alaila, Komohana Hema aku 110 kapuai a i kahi he 48 kapuai mai kahi i hoomaka mua mai ai, alaila, holo aku a kahi i hoomaka ai; a he hapa ia no ka Palapala Sila Helu 401 ia P. Kanoa, a oia nohoi ka aina i kuaiia mai i ua o D.K. Puhi ame Hattie Puhi e William Fries ame M.H. Hecht ma ka palapala kuai i hanaia ma Augate 26, 1896, a i kopeia ma ke Keena Kakau Kope, ma Honolulu i oleloia ae nei, ma ka Buke 165, ma na aoao 198-9; a o ke kuleana akahi hapalua i mahele ole ia o D.K. Puhi, maloko o ua aina ia, ua kuaiia aku ia ia Isaiah K. Pahee, ma ka palapala kuai i hanaia Augate 26, 1896, a i kopeia ma ke Keena o ka Luna Kakau Kope i oleloia, ma ka Buke 165, ma na aoao 197-8.

            Kuike ke dala. O na lilo o na palapala kuai i ka mea e lilo ai. No na mea i koe e ninau ia J.M. Monsarrat. Loio no ka Mea i Morakiia mai ai.

FREDERICK L. LESLIE.

            (Mea i Morakiia mai ai (Mortgagee).

            Haania Maraki 25, 1898.

2695-4t.

 

HOOLAHA A KA MEA I HOOLILOIA MAI AI KA MORAKI, NO KA MANAO HOOKO A KUAI AKU I KA MORAKI.

            I kulike ai me ka mana kuai ame na olelo hoopaa maloko o kekahi palapala moraki i hanaia ma Sepatemaba 15, 1884, mai a Jonathan Spooner mai a ia S.C. Allen ame M.P. Robinson, na kahu o ka waiwai o James Robinson, i make, i kopeia ma ke Keena Kope Palapala, ma Honolulu, maloko o ka Buke 90, ma na aoao 197 ame 198, a na ua mau kahu waiwai la hoi i hoolilo pono ae ia S.C. Allen i oleloia, ma ka palapala hoolilo la (assignment), i hanaia ma ka la 8 o Okatoba, 1897, a i kopeia ma ke Keena Kakau Kope i oleloia, ma ka Buke 90, aoao 197, a na ua S.C. Allen la hoi i hoolilo mai ia Cecil Brown, ka mea nona ka inoa malalo iho nei, ma o ka palapala hoolilo (assignment) i hanaia ma Novemaba 5, 1897, a i kopeia i keia wa ma ua Keena Kakau Kope la, ke hoolahaia aku nei ma keia, ke makemake nei o Cecil Brown, ka mea nona ka inoa malalo iho nei, a o ka mea i hooliloia mai ai ua moraki la, a nana e paa nei ia, e hooko aku i ua moraki la no ka uhaki ia ana o a kumu aelike, oia hoi; ka uku ole ia ana o ke kumupaa ame ka ukupanee ma ka wa e hookaa ai.

            Ke hoolahaia aku nei nohoi ma keia e kuai kudala akea ia aku ana na aina apua, ame na pono ame na pomaikai o kela ame keia ano i paa maloko o ua moraki la a i hoakakaia ai hoi ma ke keena kudala o James F. Morgan ma Honolulu, ma ka Poalima, la 8 o Aperila, M.H. 1898, ma ka hora 12 o ke awakea o ua la ʻla.

            No na mea aku i koe e ninau ia Kinney & Ballou, Honolulu, na Loio o ka mea nona ka inoa malalo iho nei.

            CECIL BROWN,

            Mea i Hooliloia mei ai ka Moraki.

 

            O ka aina i paa ma ua moraki la, oia kela apana aina apau e waiho la ma Pohakalawaia, Mokupuni o Oahu, oia ka Apana 3 o ka Palapala Sila Nui Helu 681, i hookoia aku ia S.M. Kamakau, maloko o laila he 11,483 Eka, a oia nohoi ka aina i hooliloia mai ia Jonathan Spooner i oleloia e James Kahai, Okatoba 11, 1870, ma o ka palapala kuai la i kopeia maloko o ua Keena Kakau Kope la o na Palapala, ma Honolulu i oleloia, ma ka Buke 31, ma na aoao 161 ame 162.

2692-5t

 

HOOLAHA MANAO HOOKO MORAKI A KUAI A KA MEA PAA MORAKI.

            Ke hoolaha ia aku nei ma keia, mamuli o kekahi mana kuai i paa maloko o kekahi moraki i kakauia ma ka la 16 o Mei, M.H. 1887, i hanaia e W.A. Kiha o Waipio, Mokupuni o Hawaii ia Robert McKibbin o Honolulu, Mokupuni o Oahu, i kopeia maloko o ke Keena o ka Luna Kakau Palapala, maloko o ka Buke 106, ma na aoao 275-7, ke makemake nei o Robert McKibbin, Mea Paa Moraki, e hooko aku i ua moraki la, no ka uhakiia ana o na kumu aelike maloko o ua moraki la, oia hoi, ka uku ole ia ana o ke kumupaa ame ka uku-panee, ma ka wa e hookaa ai.

            Ke hoolahaia aku nei nohoi ma keia e kuaiia aku ana ma ke kudala akea, na aina apau, na pono ame na pomaikai i paa a i hoakakaia maloko o ua moraki la, ma ke keena kudala o James F. Morgan ma Alanui Moiwahine, ma Honolulu i oleloia, ma ka Poakahi, la 28 o Maraki, M.H. 1898, ma ka hora 12 o ke awakea o ua la ʻla.

            A eia iho ka waiwai i hoakakaia maloko o ua moraki la, penei: O kela mau apana aina a pau e waiho la ma Napoopoo, ma Waipio i oleloia, penei:

            1. O keia mau apana aina a pau, oia hoi he mau apana ia noloko o ka Palapala Sila Nui Helu 4906, Kuleana Helu 8201 i hoopukaia aku ia Hapuu, a i hoikeia na palena penei: E hoomaka ana ka mahele ana ma ka hapalua like ma ka loihi o ka pa hale noho iloko o ka apana aina i oleloia mawaenakonu o ka pa. E hoomaka ana mai ka pa pohaku ma ke alanui Aupuni holo i kai a hiki i ka palena o ka pa hale ma ka aoao makai; a o ka hapalua ma ka aoao ma Kohala e pili ana i ko Leahi kuleana ma keia mahele ana ame Eha (4) Loi mahi kalo. A oia nohoi ka aina i hooliloia mai e Kapeta i ka Mea Moraki mai (Mortgagor) ma ka palapala kuai i hanaia ma ka la-o Novemaba, 1884, a, i kopeia maloko o ka Buke 90, ma na aoao 307-8.

           

            2. O kela apana aina apau, oia hoi he apana no ka Palapala Sila Nui Helu 4901 Kuleana Helu 11109 i hoopukaia aku ia Leahi, a i hoikeia na palena, penei: E hoomaka ana ma ka aoao Ak. ma Hilo, o ka hale noho o J.P. Leahi (k), kaʻu keiki ponoi, e holo ana mai ka pa pohaku mahope kanalima kapuai a hiki i ka pa pohaku ma ke alanui Aupuni; a holo kanalima kapuai a pili i ka pa pohaku o ko Kahili pa hale ma ke alanui Aupuni holo i hope Kom. a hiki i ke kihi o ko Kahili pa i oleloia holo hou a hiki i ke kihi pa pohaku kahi i hoomaka mai ai. Ame elua hoi mau loi kalo e waiho ana ma Waipio o oleloia, oia hoi he apana no ka aina kalo i hoakakaia ma ka Palapala Sila Nui Helu 4901, Kuleana Helu 11109 e pili ana i ka aina o K.P. Kuikahi ame ke konohiki, ma ka aoao komohana, a oia nohoi na aina i kuaiia mai i ka Mea Moraki mai (Mortgagor) e Nawahine (w) ma ka palapala kuai i hanaia ma ka la 29 o Sepatemaba, 1883, a i kopeia ma ka Buke 89, ma na aoao 27-8.

            Kuike ke Dala. O na lilo palapala i ka mea e kuai mai ana.

            ROBERT MʻKIBBIN,

            Mea Paa Moraki.

            No na mea i koe e ninau ia

            J.M. MONSARRAT,

            Loio no ka Mea Paa Moraki.

            Hanaia Honolulu, Maraki 1, 1898.

2692-4ts

 

Hoolaha Mana Hookiokoolo.

ILOKO O KA AHA KAAPUNI, APANA Hookolokolo Ekahi o Ko Hawaii Pae Aina. Ma ka Hooponopono Waiwai. Ma ka Hana o ka Waiwai o HANA KUKONA (w), o Honolulu, i make.

            Oiai ua waihoia mai ka Palapala Noi ame ka Hoike Waiwai a ka Lunahooponopono Waiwai o ka waiwai o ka mea i make i oleloia ae la, a ma ia palapala i nonoi mai ai oia e nanaia a e aponoia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima i na poe i kuleana ma ia waiwai, a e hookuu ana iaia mai na koikoi mai a pau ma kona ano Lunahooponopono Waiwai.

            Ua kauohaia, o ka POAKAHI, la 25 o APERILA, M.H. 1898, hora 10 o ke kakahiaka, ma ke Keena Hookolokolo, Aliiolani Hale, ma Honolulu, oia kahi ame ka manawa i kohoia no ka hoolohe ana i ua noi la ame ka Hoike Waiwai, a malaila a ma ia wa hoi e hele ae ai na kanaka apau i kuleana ma ia waiwai a e hoike mai i kumu, ina he kumu ka lakou e ae ole ia ai ua noi la.

            Honolulu, Maraki 19, 1898.

            Na ka Aha:

            P.D. KELLETT, JR.,

2695-3t Kakauolelo.

 

AHA KAAPUNI, APANA HOOKOLOkolo Kaapuni elima, Ko Hawaii Pae Aina. Ma ka Hana o ka Waiwai o Mileka Kealahula (w) o Waimea, Kauai, i make.

            Ma ka heluheluia ana ame ka waiho ia ana mai o ke Noi ame ka helu waiwai a ka Lunahooponopono Waiwai o ua Waiwai la, maloko o laila i nonoi mai ai oia, e nanaia a e aponoia kana hoike waiwai, a e hoopukaia i kauoha hope loa no ka mahelehele ana i ka waiwai i ka poe i kuleana ia waiwai, a e hookuu ana hoi iaia mai na koikoi mai apau, ma ke ano Lunahooponopono Waiwai. Ua kauohaia, o ka Poakahi, la 18 o Aperila, A.D. 1898, ma ka hora 10 a.m. ma ke Keena, maloko o ka Hale Hookolokolo ma Lihue, oia ka manawa ame kahi e hooloheia ai ua noi la ame ka hoike waiwai; a ma ia wa a ma ia wahi e hele mai ai ka poe apau i kuleana ma ia hana, a hoke mai i kumu, nokeaha la e ae ole ia ai ua noi la.

            Lihue, Maraki 8, 1898.

            Na ka Aha:

            R.W.T. PURVIS,

2694-3t Kakauolelo.

 

AHA KAAPUNI, APANA HOOKOLOkolo Kaapuni Eha o Ko Hawaii Pae Aina. Ma ka Hooponopono Waiwai. Ma ka Hana o ka Waiwai o Ohumukini (k) o Hilo, Hawaii, i make.

            Ua waihoia mai ke Noi e John Viera, e nonoi ana e kukalaia na hooilina o ka waiwai i hoikeia ae la, ma keia, ke hoolahaia aku nei, o ka Poalua, la 26 o Aperila, A.D. 1898, ma ka hora 9 a.m. ma ke Keena, maloko o ka Hale Hookolokolo ma Hilo, Hawaii, oia ka manawa ame kahi no ka hoolohe ana i ua noi la, a ma ia wa hoi a ma ia wahi e hele mai ai na poe apau a hoike mai i kumu, ina he kumu ka lakou, nokeaha ia e ae ole, ia ai ia noi.

            Hilo, Maraki 4, A.D. 1898.

            Na ka Aha:

            DANIEL PORTER,

2694-3t Kakauolelo.

 

AHA KAAPUNI, APANA HOOKOLOkolo Ekolu o Ko Hawaii Pae Aina. Ma ka hana o ka waiwai ame ke Kahu Malama Waiwai o Mele (w), he keiki oo ole na Nakaila (k) i make, o Kohala Akau, Hawaii.

            Ma ka heluhelu ana ame ka waihoia ana mai o ke Noi a Samuel Kanakaheleia, Kahu o Mele Nakaia, he keiki oo ole, e nonoi ana i kauoha no ke kuai ana aku i ka waiwai paa e pili ana i ua waiwai la, me ka hoakaka pu ana mai hoi i kekahi mau kumu ma ke kanawai e hiki ai ua waiwai la ke kuai ia aku.

            Ua kauohaia ma keia, e hele ae na poe apau i kuleana ma ua waiwai la imua o keia Aha, ma ka Poakolu, la 13 o Aperila, A.D. 1898, ma ka hora 10 a.m., ma ke Keena Hookolokolo o keia Aha, ma Kailua, Kona Akau, Hawaii, a ma ia wa a malaila hoi e hoike mai ai i kumu, nokeaha la e ae ole ia ai ke noi e kuai aku ia waiwai.

            Hilo, Maraki 10, 1898.

            Na ka Aha:

            DANIEL PORTER,

2694-3t Kakauolelo.

 

ILOKO O KA AHA HOOKOLOKOLO Kaapuni, Apana Kaapuni Ekahi o ko Hawaii Pae Aina. Ma ka Hana o ka Waiwai o NAHINELUA KELIIPIO (w), o Honolulu, Oahu, i make.

            Oiai, ua waihoia mai ka Palapala Kauoha a Hooilina Hope Loa a ka mea i make i oleloia ae nei i ka Aha Hookolokolo i oleloia me ka Palapala Nonoi hoi no ka hookoia ana o ua Palapala Kauoha la a Hooilina hoi, a no ka hoopuka ana i na Palapala Hooko Hooilina a me ka Palapala Hookohu Malama Waiwai no na keiki oo ole ia L.D. Keliipio (k), ma keia ke hoolahaia aku nei, o ka POALIMA, APERILA 8, 1898, ma ka hora 10 o ke kakahiaka, ma Aliiolani Hale, ma Honolulu, oia ka manawa i kohoia ai ame kahi e hooiaioia ai ua Palapala Kauoha la, a e hooloheia ai ua noi la, a ma ia wa a ma ia wahi no hoi e hele ae ai kela a me keia mea e hoike mai i kumu, a ina he kumu ka lakou e ae ole ia ai ke noi o ua palapala noi la.

            Honolulu, Maraki 7, 1898.

            Na ka Aha:

            P.D. KELLETT, JR.,

2693-3t Kakauolelo.

 

I KA AHA HOOKOLOKOLO, APANA Hookolokolo Ekolu o ko Hawaii Pae Aina. Ma ka Hooponopono Waiwai. Ma ka Hana o ka Waiwai o KEANINA (k) o Kau, Hawaii, i make.

            Oiai, ua waihoia mai ke noi e S.B. Kaunaina, Lunahooponopono Waiwai o ka waiwai maluna ae nei, e kukala ia na hooilina a e hookuuia oia. Ma keia, ke hoolahaia aku nei, o ka POAONO, la 9 o APERILA, A.D. 1898, ma ka hora 10 A.M. ma ka Hale Hookolokolo ma Kailua, Kona Akau, Hawaii, oia ka manawa ame kahi e hooloheia ai ua noi la, a ma ia wa a ma ia wahi e hele mai ai ka poe apau i kuleana ma ia hana, a hoike mai i kumu, ina he kumu ka lakou, no keaha la e ae ole ia ai ke noi.

            Hilo, Maraki 2, 1898.

            Na ka Aha:

            DANIEL PORTER,

2693-3t Kakauolelo.

 

AHA KAAPUNI, APANA HOOKOLOkolo Ekolu o ko Hawaii Pae Aina. Ma ka Hana o ka Waiwai o D.N. Heleloa, o Kau, Hawaii, i make.

            Oiai, ua waihoia mai ke noi ame ka hoike helu waiwai a ka lunahooponopono waiwai o ka waiwai o ka mea i make i oleloia ae nei, a ua noi mai oia e nanaia kana hoike helu waiwai a e aponoia, a e hoopukaia hoi ke kauoha hope no ka mahelehele ana i ka waiwai e koe nei ma kona lima i ka poe i kuleana ia waiwai, a e hookuu ana hoi iaia mai na koikoi mai apau o ka noho lunahooponopono ana.

            Ua kauohaia, o ka POAONO, la 9 o APERILA, A.D. 1898, ma ka hora 10 A.M., ma ke Keena, ma ka Hale Hookolokolo ma Kailua, Kona Akau, Hawaii, oia ka manawa ame kahi e hooloheia ai ua noi la ame ka hoike helu waiwai, a ma ia manawa a ma ia wahi e hele mai ai ka poe apau i kuleana ma ia hana a hoike mai i kumu ina he kumu ka lakou, e ae ole ia ai ua noi la.

            Hilo, Maraki 1, 1898.

            Na ka Aha:

            DANIEL PORTER,

2693-3t Kakauolelo.

 

ILOKO O KA AHA KAAPUNI APANA Hookolokolo Ekahi o Ko Hawaii Pae Aina, JULIA AKE  kue ia LOOK SAY AKE. (Stamped.)

Ka Repubalika o Hawaii.

            I ka Ilamuku o ke Aupuni, a i ole, i kona Hope: Me ka mahalo.

            Ke kauohaia aku nei oe e kii ia Look Say Ake, mea hoopiiia, ina e waiho mai ana oia i kana pane i kakauia iloko o na la he iwakalua mahope iho o k a hookoia ana o keia, e hele mai imua o ka Aha Kaapuni i hoikeia ae nei ma ke Kau o Feberuari o ua Aha la, e malamaia ana ma Honolulu, Mokupuni o Oahu, ma ka POAKAHI, la 7 o FEBERUARI ae nei, ma ka hora 10 kakahiaka, e hoike mai hoi i ke kumu e ae ole ia ai ke koi a Julia Ake, ka mea hoopii, elike me ka mea i hoakakaia iloko o kana palapala hoopii oki mare i pakuiia me keia.

            A e hoihoi mai i ka palapala kii me ka hoike piha o kau mau hana no ia mea.

            Ikea ka Mea Hanohano A. Perry, Lunakanawai Ekahi o ka Aha

(Sila)    Kaapuni Apana Hookolokolo Ekahi, Ma Honolulu, Oahu, i keia la 18 o Ianuari, 1898.

(Inoa) GEORGE LUCAS,

            Kakauolelo.

 

            Ke hoike nei au o ka mea maluna ae he kope oiaio ia o ka Palapala Kii ma ia hihia, a ua kauoha ua Aha la e hoolahaia ia mea a e hoopaneeia ka hihi a ke Kau o Mei, 1898, e hiki mai ana o keia Aha.

            Honolulu, Feberuari 21, 1898.

            P. DANSON KELLETT, JR.

2691-6t Kakauolelo.

 

Kela ame Keia.

 

AUWANA.

            Mai kahi noho aku o Mrs. Garstin, ma ka hale noho o von Holt, Kapiolani Paka, he lio wahine hauliuli, i kuniia V. ma ka uha hema. E loaa no ka uku makana ke hoihoi mai ia.

            H.M. VON HOLT.    

 

HOOLAHA HUI, A I KA POE AIE.

            Ke hoolahia aku nei ma keia, i keia la, ua hoohui ae nei na poe no lakou na inoa malalo iho nei ma kekahi Hui nona ka inoa o Chong Fat Company, e lawelawe hana ana ma ke ano he Poe Hana Aelike, Kukulu Hale ame Kuai Lako Hale, ma Alanui Nuuanu, Helu 137 ma Honolulu, Ko Hawaii Pae Aina, a o Jan Chong, oia ka Luna Hoohana Nui o ka hui, a he mana kona e kakau ai i ka inoa o ka hui ma na hana apau. A ke haiia aku nei nohoi ka lohe i na kanaka apau, o na ale apau ame na koikoi apau i hanaia a i hoopaaia mamua aku nei e Jan Chong e laweia ae ana no ia, a e hookaaia e ia, mamua o ka la 17 o Aperila, 1898, a i ole e hoole mau loa ia aku no. A o ka poe apau i aie mai ia Jan Chong e uku mai no iaia.

            Hanaia Maraki 17, 1898.

            JAN CHONG.

            LUM NEE.

            KAM YAN TIM.

2695-2t

 

HOOLAHA A KA LUNAHOOPONOPONO WAIWAI.

            Ke hoolaha aku nei ka mea nona ka inoa malalo iho nei, ka lunahooponopono waiwai me ka palapala kauoha i pakui pu ia, no ka waiwai o Heinrich Riemenschneider o Honolulu nei, i make, i ka poe apau he mau koi ka lakou i ua waiwai la, e waiho mai i ua mau koi la i ka mea nona ka inoa malalo iho nei, iloko o eono mahina mai ka la aku i hoolahaia ai keia hoolaha, a i ole ia, e hoole mau loa ia aku no lakou.

WILLIAM O SMITH,

Lunahooponopono me ka Palapala Kauoha i hoopili pu ia.

Honolulu, Maraki 11, 1898.

2694-4t

 

HOOLAHA A KA LUNAHOOPONOPONO WAIWAI.

            Ua koho pono ia ka mea nona ka inoa malalo iho i Lunahooponopono Waiwai no ka waiwai o PELEKINI (w) o Waimanalo, Koolaupoko, Oahu, i make. Ma keia ke hoikeia aku nei ka lohe i na mea apau he mau koi ka lakou ma ka moraki a palapala e ae paha, e hoike koke mai i ka mea nona ka inoa malalo iho nei iloko o eono mahina mai keia la aku, a i ole e hoole loa ia mahope o ia manawa. A o na poe apau he mau aie ko lakou i ka mea i make, e awiwi lakou i ka hookaa koke mai ma ke keena o S.K. Ka-ne, ma ke Alanui Papu, maluna o ka Halekuai Golden Rule Bazaar.

KAAIAWAHIA.

Lunahooponopono Waiwai o ka Waiwai o Pelekini (w) i make, malalo o ka Palapala Kauoha.

Honolulu, Maraki 14, 1898.

2694-5t

 

HOOLAHA I KA POE AIE.

            Ua hookohuia na mea no laua na inoa malalo iho nei i mau Lunahooponopono Waiwai me ka Palapala Kauoha i hoopili pu ia, no ka Waiwai o J. Kamalenuio Waimea, Kauai, i make, ke hoolahaia aku nei ma keia e waiho mai ka poe apau he mau koi ka lakou i ka waiwai o ua J. Kamalenui la i make, i hooiaio pono ia, ina paha ua hoopaaia ma ka moraki a ma kekahi ano e ae, i na mea no laua na inoa malalo iho nei, ma Waimea, Kauai, iloko o eono mahina mai keia la aku, a i ole ia, e hoole mau loa ia aku no lakou, a o ka poe hoi i aie mai i ua waiwai la ke kauohaia aku nei ma keia e hookaa koke mai i na mea no laua na inoa malalo iho nei.

            Hanaia Waimea, Kauai, Feb. 23, 1898.         

            FRANCIS GAY,

            T. BRANDT.

Na Lunahooponopono o ka Waiwai o J. Kamalenui. 2692-4t

 

KUAI O NA HOOLIMALIMA AINA KOPE.

            Mamuli o ke kauoha o na Kahu Waiwai o ka waiwai o B.P. Bishop, e kuai kudala aku ana o James F. Morgan i na hoolimalima no ka manawa o iwakalua-kumamakahi (21) makahiki, i kekahi mau apana aina waiwai nui no ke kanu kope ame na huaai, e waiho la ma ka mahele o Keei 1 ame 2, Kona Hema, Hawaii.

            E malamaia ana ke kuai ana ma ka Poakolu, Maraki 23, 1898, ma ka hora Umikumamalua o ke awakea, ma ka hale kudala o Morgan, Alanui Moiwahine, Honolulu.

            E ikeia no na Kii o na Aina ame ka ano o ka palapala hoolimalima, ma ke Keena Aina o ka Waiwai o B.P. Bishop, Alanui Kalepa, Honolulu, a ma kahi o Mr. J.D. Paris, ma Napoopoo, Kona, Hawaii.

2689-td

 

Theo. P. Severin

(KAPOLEMA MA).

He Mea Paʻi Kii Hooleleaka.

            E hana ana oia i na kii nani loa ma Honolulu nei no ka uku haahaa loa. E paiia ana na Kii Ahaaina, Mare, Hoolewa, na Hale Noho, a pela aku.

            E hoonuiia ae ana na kii mai na kii liilii mai.

            Alanui Nuuanu, ma keia aoao aku o ke Alanui Pauahi. Aia iluna.

2664-12ms

 

Vapo-Cresolene

He Laau Hoola. Oiai no Oe e Hiamoe ana no ke

Kunu Kalea, ka Hano, Kunu Ho, ka Nalulu Kau, ke Ano

            Ma ka wa e hoopunohuia ai ka uwahi o ke CRESOLENE ma loko o ke keena o ka mea maʻi, e loaa koke no ka oluolu. He ka mahao kona ikaika hoola, a me ia wa hookahi nohoi e kaohiia aku no ka pahoia ana mai o na maʻi lele, ma o kona ilio ana he laau kinai maʻi, a he laau pilikia ole nohoi no na keiki. Ekuaiia ana e na poe hana laau. E haawi wale ia no ka buke hoakaka.

            HOLLISTER DRUG CO., Honolulu, H.I. na Agena.