Ka Nupepa Kuokoa, Volume XXXVII, Number 11, 18 Malaki 1898 — HE HOALOHALOHA NO MRS. KANUI KOPA. [ARTICLE]

HE HOALOHALOHA NO MRS. KANUI KOPA.

(Mamuli o ka loaa ole ia makou he wahi kaawale o ka makou pepa i na helu i hala hope ae nei. ua hiki ole keia manao hoalohaloha ke hoopukaia aku i ka wa o kona loaa makamaka ana ia makou, akahi no a loaa he wa pono.) Me ka walohia nui:—O makou ona haumana o ke Kula Sabati o Waimea, Kauai, ma o ko makou komile 'la; a ia Rev. G. L. Kopa. Luuluu wale; Oiai ua lalau mai la na lima menemene ole o ka make i ka hanu ola o Mrs. Kanui Kopa, ko makou inakuahine a hoapaana iloko o ka Haku lesu Karisto, ma ka hora 5 a oi o ke kakahiaka Poaono, Feberuari la 5, IS9S, ma ko laua home ma Waimea, Kauai nei. XMai oia e ola ana ua pili ia e makou me la ma na hana o ke Kula Sabati, ua alo pu ia e makou me Mrs. Kanui Kopa ka loa o na kula, mai Waimea a Koloa i kahi manawa, a mai Waimea a hiki i Hanalei i ka malama o Apenla 1897, i ka hoike hui o na Kula Sabatl o ka Mokupuni o Kauai nei. E ka ua noe o Koloa ua pau kou hoopulu ana ma kona mau papalina; e ke kula o Leponui ame na alanui ou e Lihue ua pau kou eha ana i na kapuai 0 kona lio; e ka puu kaulana o Kaialea i Anahola ua pau kou kiei ana mai maluna ona; e ka ua loku o Hanalei ua pau ko Mrs. Kanui Kopa ike ana i kou anuanu me ke koekoe; "a ua hol aku oia i ka poli o ka Makua Mana Loa; Nana no i haawi mai a Nana no e lawe aku. E hooholoia, Ke komo puaku nei makou apau me oe, ko makou kahu 1 hoonele ia i ka wahine ole ame na keiki i hoonele ia i ko lakou mama aloha nui ia; e ae mai ia makou e auamo pu me oukou. ame ka ohana no apau, i na luuiuu ame na ehaeha o ke kaumaha no ka hoomanao walohia ana no ka mea i hala. E hooholo hou ia, Ke pule nui nei makou i ko na laai lokomaikai, e hoomaha mai i ko kakou mau kaumaha iloko o kona mana kamahao; E hoomaikaiia ke Akua ma na lani kiekie loa, he malu ma ka honua, he aloha i kanaka. E hooholo hou ia, E hoounaia i hoo» kahi kope i ke kane wahine make ame na keiki, a i hookahi kope i ka Nupepa Kuokoa, a i hookahi kope i ka Nupepa Kamakaainana. O makou iho no me ka haahaa ka oukou mau kauwa iloko o ka Haku 196U. Komiie: J. K. KAPUNIAI, MRS. ANA KAPUNIAI. MRS. HANA OOOKE. SLRS. KAONOHI KAIALAU, MISS JULIA PAEAHU. MR. SAM. a KAULA. Waimea, Kauai, Feb. 21, 189S.