Ka Nupepa Kuokoa, Volume XXXVII, Number 11, 18 Malaki 1898 — Page 3
| This text was transcribed by: | Arnold Hori |
| This work is dedicated to: | Hawaiian Historical Society |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
Manawa Holo
Mai a Mahope aku o Iulai 5, 1895
Wili o Ewa, kaaukana na la apau, koe ko Sabati.
Hiki I waianao. na la apau.
Hiki Wili o Ewa na la apau.
Hiki Waianae, Ponono me Sabati wale no.
Hiku i Waiauae, na a apau.
A.M. A.M. P.M. P.M. P.M.
Haalele ia Manana 7:40 9:58 2:28 2:28 5:53
Haalele Wili o Ewa 8:10 10:19 2:49 2:49 6:14
Hiki i Waianae ----------- 10:54 ------3:24 6:49
Waianae na la a pau.
Wili o Ewa Kaa Ukana Na la a pau Koe Sabati
Waianae na la a pau.
Wili o Ewa na la a pau.
Hiki i Waianae na Ponono me Sabati
A.M. A.M. P.M. P.M. P.M.
Haalele la Waianae 6:44 --------1:32 ----- 4:16
Haalele Wili o Ewa 7:19 9:10 2:07 3:51 4:51
Haalele la Manana 7:50 9:48 2:38 4:22 5:22
Hiki i donolulu 8:23 10:30 3:11 4:55 5:55
E lawe ana na kaa ahi hali ukana i na kaa ohua o ka papa ekahi.
G. P. DENISON
Luna. F. C. SMITH
Luna Kuai Palapala Holo.
NU HOU HAWAII
E nana ae ma ka aoao 4, no na Kanawai o ka Ahaolelo.
E loaa no na kaa hehihehi wawae maikai loa ma ka halekuai o Kakela ame Kuke.
He 11,000 ka nui o na buke banako Hale Leta e paaia nei e ka poe i hoahu dala ae malalia.
Ma keia Poakahi ae, Maraki 21, e heluhelu ekolu ia ai ka Bila Haawina no na lilo Aupuni no elua makahiki.
E haawi hou ana o Miss Eileen O'Moore he anaina hookani vaiolina, maloko o ka "Hale Mele," ma ka po o ka la apopo.
Ke maumaua loa mai nei ka hoomaamaaia ana o ko kakou mau kaikamahine Hawaii ma ka himeni ana ma na wa puhi ohe a ka Bana Aupuni.
Ua hoopii aku o C. S. Bradford o Hilo imua o ka Aha Kaapuni, ia Makai Nui L. A. Andrews o Hawaii, no ka huina poho o $10,000.
O ka la apopo ka la i manaoia ai e ku mai ana, no Honolulu nei, mai Kapalakiko mai, na mokuahi Kulanakauhale o Rio de Janeiro ame Zealandia.
O Mr. A. N. Kepoikai ka moho Senatoa a ko Maui poe e hooikaika mai nei i mea nana e pani i ka hakahaka o Senatoa Horner i make.
Ma ka la Sabati nei, ua luluia e na hoahanau o ka Ekalesia Pukiki o Honolulu nei he $37.05 no ka poe poino o Cuba.
Aole paha e malamala ana na heihei lio ma ka la apopo, mamuli o ka hakukele loa o ke alanui heihei? E hoopaneeia ana a loaa ka wa pono.
He uwahi wale no ka lono e pili ana no ka a hou o ka "Pele" ma Mokuaweoweo. O keia punohu uwahi i ikeia ai, aia ma Kahalepohaha, kahi i hoomaka ai ka aleale Pele o 1887.
Ua manaoia, e ku mai ana na Elele Roialiti no ka home oiwi nei, ma ka la apopo ke ku mai na mokuahi Kaleponi. A ma ka mahina ae nei o Aperila e huli hoi mai ai o "Keo Kaaka."
He 21 ka nui o ka poe makaikai lua-o-Pele i huli hoi mai nei, maluna o ka mokuahi Kalaudina, mai Hawaii mai, no Honolulu nei, ma ka Poalua aku nei.
Ua haalele aku o Mr. F. W. Carter i ka noho Hope Makai Nui ana no Kauai a ua huli hoi mai oia no Honolulu nei. E hoi aku ana paha oia no Molokai e noho luna nui ai no ka aina hanai holoholona ma Kaunakakai.
Ua loohiaia kekahi wahine Hawaii maoli o Waikiki-kai ae nei i ka ma'i pupule. Ua olelo ae oia, ma ke awakea Sabati. inu iho la oia he wahi kiaha rama, a o ka hoomaka mai la no ia o kona ano e hele loa e ka nui. Ua hoihoi loa ia oia i ka halemai pupule.
Ua hala aku nei o Ilamuku Brown no ka mokupuni o Kauai no ka hoonoho ana ia Hope Maikai Nui John H. Coney i Makai Nui no ia mokupuni. Aole i maopopo ka mea e pani ana ma kona wahi.
He mai'i oolea ko Lunakanawai Kaapuni Hikikoki o Hawaii, a ua laulaha ae ka lono, ua loaa mai he palapala noi mai Hawaii mai, e pono e hookohuia i lunakanawai nana e malama ke kau kiure kaapuni o Hawaii, e noho ana ma ka malama ae nei o Aperila.
O na Iapana e liia aku ana ma ka la 25 ae nei. oia ka Poalima o keia pule ae. ua bapetizoia iho nei laua ma ka aoao Karistiano. e Rev. H. Kihara, ke kahunapule o ka Ekalesia Metodita lapana.
Ma na la 4 ame 5 o Aperila ae nei a malamala ai na hoike o na kumukula no na "laikini" a'o kula. ma Hawaii, Maui, Oahu ame Kauai. No ka papa kumumua nae keia. A no ka poe holomua loa hoi, e hoomaka ana no mai ka la 4 aku a pau i ka la 6.
Ma ka hoopii a Chas. Notley ma o Hamakua, Hawaii. kue i ka Hui Mahiko o Kukaiau, imua o ka Aha Hookolokoo. ua haawi ka Aha Kaapuni o Oahu nei ia laua, ma o Lunakanawai Pere la. he olelo hooholo no $4,405 me $300 ukupanee.
Ua malama ae ka Hui Amerika he halawai akea ma ka po Poalua nei maloko o ko lakou hale halawai mau. a ua piha ia halawai i na hea oia hui ame ka poe makaikai. Malaila ae o Mr. John L. Kaulukou. Lunahoomalu o ka Hale o na Lunamakaainana; pela hoi me na Lunamakaainana Loebenstein o Hilo, Aki ame Kaeo.
O keia haole nona ka inoa o J. Viereke, he paahana no ka Hui Mahiko o Lihue, Kauai, i hoopaaia iho nei ma Kawa ae nei, ua ae ka Aha Kiekie e hoolohe i kana noi no ka palapala kuu kino. O ke kumu i manaoia aia ia mamuli o ka hemahema o ka palapala hoopaahao. Ma keia Poakahi ae e hooloheia ai kana noi.
Ma ka Poakahi nei i hoea mai ai no Honolulu nei o Andrade ame Armstrong mai Wailuku mai, no ka hoike ana ae i ka Hui Kaa Mahu o Oahu nei ua pau ka laua hoiliwai ana i ke alanui e moe aku ai ke alahao ponoi, he ka lae mai o Kaena a Waialua ponoi, he ka-wa hoi ia o 12 mile. O kahi wale no i koe, oia ke alahele ma ka huli Waianae a hoea i Kaena.
Ua loaa mai nei ka lohe ia nei ua make mai nei o Theo. C. Porter, i noho Kuhina Waiwai ai no Hawaii nei i kahi wa i hala ae nei. Ua make oia mamuli o kona lele pupule ana a waiho kona kino ma kahi a kekahi kaa ahi lawe ukana e holo mai ana a make loa iho la ia, mamuli o ka holoia ana e ke kaa. Ma ke kakahiaka keia o ka la 28 o Feberuari ma Livermore.
Ma ka wa e loohia ai o Rev. E. Edwards, ke kahu o ka Ekalesia Baptist ma Minersville, Pa., i ka ma'i rumatika, ua oleloia aku oia e hoao i ka Laau Hamo a Kamalena. Penei kana olelo: "O ka hamo ana i keia laau no kekahi mau manawa, e ikeia ana ka waiwai. Pau ka pehu a pau ka eha. E hauoli auanei au ke ike aku e hoao ana kekahi mea i loohia i ka ma'i rumatika i ka Laau Hamo a Kamalena," E kuaiia ana e ka poe kuai laau lapaau apau. O Besnon, Smith & Co., na Agena ma ko Hawaii Pae Aina.
He anaina nui o na kanaka kai koakoa ae ma ka aha puhi ohe Aupuni i malamaia ai ma ka po Poakahi nei. A ua nui ka mahaloia o ka himeni leo palua i himeniia ai e kekahi mau kaikamahine Hawaii, oia o Misses Keliaa ame Kalama.
Mamuli paha o ka nui loa o ka ua o keia mau la, ua ikaika loa ka holokiki ana o ka wai iloko o na paipu wai Aupuni, a ma ka la Sabati ku nei, ua ikea ia he elua mau wahi i haulani ai ka wai mailoko mai o na paipu. Ka mua ma ka Palama, a o ka lua ma ke alanu Emma. Ua paa no nae i ka hanaia.
Ma ka la 1 iho nei o keia mahina i make ai kekahi Iapana o Yamakashi kona inoa, ma Hakalau, Hilo, Hawaii, i houia e kekkahi bipi bulu o ka Mahiko o Hakalau. A wahi a ka mea nana i hoouna mai i keia lono i o makou nei, aole oia i like ua noho kekahi ana korenero no ka noonoo ana i keia make ulia wale.
Ua loaa mai nei ka lohe mai Kohala mai, ua loaa ka wai ma ka Hui Mahiko o Kohala, ma Halaula, mamuli o ka eliia ana e na Hoahanau McCandless. Aole nae hiki i ka wai ke pii ae iluna. Me he mea la nae, na ka pauma e hana aku ana. He 200 kapuai ka hohonu i eliia ai a loaa ka wai.
Ma ka hookuku kipu ana mai mei mawaena o 10 poe kanaka kipu pololei mai Wailuku ae, ame 10 kanaka nohoi o Lahaina, ma ke kakahiaka Sabati aku nei, ua lilo ka eo i na keiki o ka "Malu Ulu o Lele, i ka nalu hai o Uo." He 371 na helu a ko Lahaina poe i ka 306 a ko Wailuku poe.
Ma ka la 25 o keia mahina, oia ka la e lila ai ma ka amana o Yoshida ame Sagata, no ka hewa pepehikanaka. O ka mua no ka pepehi ana i kana wahine; a o ka lua no ka pepehi ana i kana wahine ame ke keiki. Ua hoao hoi keia Sagata e kuai i kana wahine no $75, eia nae ua holo mahuka kela wahine, a o ka hopena oia ka limakoko ana o kana kane iaia.
Ua laulaha hou ae nei no ka lono, e hoopii hou aku ana no o Mrs. Emma Spreckels Watson, kaikamahine a ka Ona Miliona Claus Spreckels, i ua makuakane la ona, no ka huina o $500,000 oia hoi ka huina puka o na mahele kuleana a Claus Spreckels i haawi mua ai i kana kaikamahine a i hoihoi hou ia aku ai hoi e ua kaikamahine la. O ke kumupaa nae kai hoihoiia aku a koe ka puka oia mau dala i ohiia ai e Spreckels no na makahiki he nui i hala ae nei.
Pakele ka mokukaua "Beninetona" mai i-kaia i kula nei, ma ka po Poalua nei, ma ka wa a ka ino e haulani ana. Ua moku mai la na kauiahao (?) hoopaa o hope o ua moku ia, a kaka-kii ana ke kikala i uka nei, a ina aole i paa pono na kaulahao hoopaa o mua nei, o kona upaipa@a ae no ia e ka naiu ame ka makani ma ka pi-pa uwapo o ka Hui Mokuahi o Poka ma, elike ia me ka anaiia ana o ka mokukaua Amerika "Omaha." ma ia pi-pa uwapo no. ewalu makahiki i hala ae nei.
He mea pono i kela ame keia ohana ke loaa ona laau lapaau mama no na ma'i o ka opu. I laau lapaau puhili ole no ka "Moku ino loa o ka lepo" (Diarhea) Nahu, Umii, Kolera ame na ma'i apau o ka opu, aole he laau lapaau o aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke hana mau ia nei i kela ame keia la, ma na aina apau o ka honua nei. O ka Hui Kuai Laau Lapaau o Hollister, ka Agena.
Hoolha Hooko Moraki.
HOOLAHA A KA MEA I @ILOIA
MAI AI KA MORAKI, NO KA
MANAO HOOKO A KUAI AKU
I KA MORAKI.
I kulike ai me ka mana kuai ame na olelo hoopaa maloko o kekahi palapala moraki i hanaia ma Sepatemaba 15, 1884, mai a Jonathan Spooner mai a ia S. C. Allen ame M. P. Robinson, na kahu o ka waiwai o James Robinson. i make, i kopeia ma ke Keena Kope Palapala. ma Honolulu, maloko o ka Buke 90, ma na aoao 197 ame 198, a na ua mau kahu waiwai la hoi i hoolilo pono ae ia S. C. Allen i oleloia, ma ka palapala hoolilo la (assignment), i hanaia ma ka la 8 o Okatoba, 1897, a i kopeia ma ke Keena Kakau Kope i oleloia, ma ka Buke 90, aoao 197, a na ua S. C. Allen la hoi i hoolilo mai ia Cecil Brown, ka mea nona ka inoa malalo iho nei, ma o ka palapala hoolilo (assignment) i hanaia ma Novemaba 5, 1897, a i kopeia i keia wa ma ua Keena Kakau Kope ia, ke hoolahaia aku nei ma keia, ke makemake nei o Cecil Brown, ka mea nona ka inoa malalo iho nei, a o ka mea i hooliloia mai ai ua moraki la, a nana e paa nei ia, e hooko aku i ua moraki la no ka uhaki la ana o na kumu aelike, oia hoi; ka uku ole ia ana o ke kumupaa ame ka ukupanee ma ka wa e hookaa ai.
Ke hoolahaia aku nei nohoi ma keia e kuai kudala akea ia aku ana na aina apau, ame na pono ame na pomaikai o kela name keia ano i paa maloko o ua moraki la a i hoakakaia ai hoi ma ke keena kudala o James F. Morgan ma Honolulu, ma ka Poalima, la 8 o Aperila, M. H. 1898, ma ka hora 12 o ke awakea o ua la 'la.
No na mea aku i koe e ninau ia Kinney & Ballou, Honolulu, na Loio o ka mea nona ka inoa malalo iho nei.
CECIL BROWN,
Mea i Hooliloia mai ai ka Moraki.
O ka aina paa ma ua moraki la, oia kela apana aina apau e waiho la ma Pohakalawaia, Mokupuni o Oahu, oia ka Apana 3 o ka Palapala Sila Nui Helu 681, i hookoia aku ia S. M. Kamakau, maloko o laila he 11, 483 Eka, a oia nohoi ka aina i hooliloia mai ia Johnathan Spooner i oleloia e James Kahai, Okatoba 11, 1870, ma o ka palapala kuai la i kopeia maloko o ua Keena Kakau Kope la o na Palapala, ma Honolulu i oleloia, ma ka Buke 31, ma na aoao 161 ame 162.
2692-5t
HOOLAHA MANAO HOOKO MORAKI
A KUAI A KA MEA PAA
MORAKI.
Ke hoolaha ia aku nei ma keia, mamuli o kekahi mana kuai i paa maloko o kekahi moraki i kakauia ma ka la 16 o Mei, M. H. 1887, i hanaia e W. A. Kiha o Waipio, Mokupuni o Hawaii ia Robert McKibbin o Honolulu, Mokupuni o Oahu, i kopeia maloko o ke Keena o ka Luna Kakau Palapala maloko o ka Buke 106, ma na aoao 275-7, ke makemake nei o Robert McKibbin, Mea Paa Moraki, e hooko aku i ua moraki la, no ka uhakiia ana o na kumu aelike maloko o ua moraki la, oia hoi, ka uku ole ia ana o ke kumupaa ame ka uku-panee, ma ka wa e hookaa ai.
Ke hoolahaia aku nei nohoi ma keia e kuaiia aku ana ma ke kudala akea, na aina apau, na pono ame na pomaikai i paa a i hoakakaia maloko o ua moraki la, ma ke keena kudala o James F. Morgan ma Alanui Moiwahine, ma Honolulu i oleloia, ma ka Poakahi,. la 28 o Maraki, M. H. 1898, ma ka hora 12 o ke awakea o ua la 'la.
A eia iho ka waiwai i hoakakaia maloko o ua moraki la, penei: O kela mau apana aina a pau e waiho la ma Napoopoo, ma Waipio i oleloia, penei:
1. O kela mau apana aina a pau, oia hoi he mau apana ia noloko o ka Palapala Sila Nui Helu 4906, Kuleana Helu 8201 i hoopukaia aku ia Hapuu, a i hoikeia na palena penei: E hoomaka ana ka mahele ana ma ka hapalua like ma ka loihi o ka pa hale noho iloko o ka apana aina i oleloia mawaenakonu o ka pa. E hoomaka ana mai ka pa pohaku ma ke alanui Aupuni holo i kai a hiki i ka palena o ka pa hale ma ka aoao makai; a o ka hapalua ma ka aoao ma Kohala e pili ana i ko Leahi kuleana ma keia mahele ana ame Eha (4) Loi mahi kalo. A oia nohoi ka aina i hooliloia mai e Kapeta i ka Mea Moraki mai (Mortgagor) ma ka palapala kuai i hanaia ma ka la--- o Novemaba, 1884, a i kopeia maloko o ka Buke 90, ma na aoao 307-8.
2. O kela apana aina apau, oia hoi he apana no ka Palapala Sila Nui Helu 4901 Kuleana Helu 11109 i hoopukaia aku ia Leahi, a i hoikeia na palena, penei: E hoomaka ana ma ka aoao Ak. ma Hilo, o ka hale noho o J. P. Leahi (k), ka'u keiki ponoi, e holo ana mai ka pa pohaku mahope kamalima kapuai a hiki i ka pa pohaku ma ke alanui Aupuni; a holo kanalima kapuai a pili i ka pa pohaku o ko Kahili pa hale ma ke alanui Aupuni holo i hope Kom. a hiki i ke kihi o ko Kahili pa i oleloia holo hou a hiki i ke kihi pa pohaku kahi i hoomaka mai ai. Ame elua hoi mau loi kalo e waiho ana ma Waipio i oleloia, oia hoi he apana no ka aina kalo i hoakakaia ma ka Palapala Sila Nui Helu 4901, Kuleana Helu 11109 e pili ana i ka aina o K. P. Kuikahi ami ke konohiki, ma ka aoao komohana, a oia nohoi na aina i kualia mai i ka Mea Moraki mai (Mortgagor) e Nawahine (w) ma ka palapala kuai i hanaia ma ka la 29 o Sepatemaba, 1883, a i kopeia ma ka Buke 89, ma na aoao 27-8.
Kuike ke Dala. O na lilo palapala i ka mea e kuai mai ana.
ROBERT M'KIBBIN,
Mea Paa Moraki.
No na mea i koe e ninau ia
J. M. MONSARRAT.
Loio no ka Mea Paa Moraki.
Hanaia Honolulu, Maraki 1, 1898.
2692-4ts
Hoolaha Mana Hooklokoolo.
AHA KAAPUNI APANA HOOKOLOkolo Kaapuni Elima, Ko Hawaii Pae Aina. Ma ka Hana o ka Waiwai o Mileka Kealahula (w) o Waimea, Kauai, i make.
Ma ka heluheluia ana ame ka waiho ia ana mai o ke Noi ame ka helu waiwai a ka Lunahooponopono Waiwai o ua Waiwai la. maloko o laila i nonoi mai ai oia, e nanaia a e aponoia kana hoike waiwai, a e hoopukaia i kauoha hope loa no ka mahelehele ana i ka waiwai i ka poe i kuleana ia waiwai, a e hookuu ana hoi iaia mai na koikoi mai apau. ma ke ano Lunahooponopono Waiwai. Ua kauohaia. o ka Poakahi, la 18 o Aperila, A. D. 1898, ma ka hora 10 a. m., ma ke Keena, maloko o ka Hale Hookolokolo ma Lihue, oia ka manawa ame kahi e hooloheia ai ua noi la ame ka hoike waiwai; a ma ia wa a ma ia wahi e hele mai ai ka poe apau i kuleana ma ia hana, a hoike mai i kumu, nokeaha la e ae ole ia ai ua noi la.
Lihue, Maraki 8, 1898
Na ka Aha:
P. W. T. PRUVIS,
2694-3t Kakauolelo.
AHA KAAPUNI, APANA HOOKOLOkolo Kaapuni Eha o Ko Hawaii Pae Aina. Ma ka Hooponopono Waiwai. Ma ka Hana o ka Waiwai o Ohumukini (k) o Hilo, Hawaii, i make.
Ua waihoia mai ke Noi e John Viera, e nonoi ana e kukalaia na hooilina o ka waiwai i hoikeia ae la, ma keia, ke hoolahaia aku nei, o ka Poalua, la 26 o Aperila, A. D. 1898, ma ka hora 9 a. m., ma ke Keena, maloko o ka Hale Hookolokolo ma Hilo, Hawaii, oia ka manawa ame kahi no ka hoolohe ana i ua noi la, a ma ia wa hoi a ma ia wahi e hele mai ai na poe apau a hoike mau i kumu ina he kumu ka lakou, nokeaha la e ae ole ia ai ia noi.
Hilo, Maraki 4, A. D. 1898.
Na ka Aha:
DANIEL PORTER,
2694-3t Kakauolelo
AHA KAAPUNI, APANA HOOKOLOkolo Ekolu o Ko Hawaii Pae Aina.
Ma ka hana o ka waiwai ame ke Kahu Malama Waiwai o Mele (w), he keiki oo ole na Nakaila (k) i make, o Kohala Akau, Hawaii.
Ma ka heluhelu ana ame ka waihoia ana mai o ke Noi a Samuel Kanakahelela, Kahu o Mele Nakaia, he keiki oo ole, e nonoi ana i kauoha no ke kuai ana aku i ka waiwai paa e pili ana i ua waiwai la, me ka hoakaka pu ana mai hoi i kekahi mau kumu ma ke kanawai e hiki ai ua waiwai la ke kuai ia aku.
Ua kauohaia ma keia, e hele ae na poe apau i kuleana ma ua waiwai la imua o keia Aha, ma ka Poakolu, la 13 o Aperila, A. D. 1898, ma ka hora 10 a. m., ma ke Keena Hookolokolo o keia Aha, ma Kailua, Kona Akau, Hawaii, a ma ia wa a malaila hoi e hoike mai ai i kumu, nokeaha la e ae ole ia ai ke noi e kuai aku la waiwai.
Hilo, Maraki 10, 1898.
Na ka Aha:
DANIEL PORTER.
2694-3t Kakauolelo.
ILOKO O KA AHA HOOKOLOKOLO Kaapuni, Apana Kaapuni Ekahi o ko Hawaii Pae Aina. Ma ka Hana o ka Waiwai o NAHINELUA KELIIPIO (w), o Honolulu, Oahu i make.
Oiai, ua waihoia mai ka Palapala Kauoha a Hooilina Hope Loa a ka mea i make i oleloia ae nei i ka Aha Hookolokolo i oleloia me ka Palapala Nonoi hoi no ka hookoia ana o ua Palapala Kauoha la a Hooilina hoi, no ka hoopuka ana i na Palapala Hooko Hooilina a me ka Palapala Hookohu Malama Waiwai no na keiki oo ia L. D. Keliipio (k). ma keia ke hoolahaia aku nei, o ka POALIMA, APERILA 8, 1898, ma ka hora 10 o ke kakahiaka, ma Aliiolani Hale, ma Honolulu, oia ka manawa i kohoia ai ame kahi e hooiaioia ai ua Palapala Kauoha la, a e hoolohela ai ua noi la, a ma ia wa a ma ia wahi no hoi e hele ae ai kela a me keia mea e hoike mai i kumu, a ina he kumu ka lakou e ae ole ia ai ke noi o ua palapala noi la.
Honolulu, Maraki 7, 1898.
No ka Aha:
P. D. KELLETT, JR.,
2693-3t Kakauolelo.
I KA AHA HOOKOLOKOLO, APANA Hookolokolo Ekolu o ko Hawaii Pae Aina. Ma ka Hooponopono Waiwai. Ma ka Hana o ka Waiwai o KEANINA (k) o Kau, Hawaii, i make.
Oiai, ua waihoia mai ke noi e S. B. Kaunaina, Lunahooponopono Waiwai o ka waiwai maluna ae nei, e kukala ia na hooilina a e hookuuia oia. Ma keia, ke hoolahaia aku nei, o ka POAONO, la 9 o APERILA, A. D. 1898, ma ka hora 10 A. M., ma ka Hale Hookolokolo ma Kailua, Kona Akau, Hawaii, oia ka manawa ame kahi e hooloheia ai ua noi la, a ma ia wa a ma ia wahi e hele mai ai ka poe apau i kuleana ma ia hana. a hoike mai i kumu ina he kumu ka lakou, no keaha ia e ae ole ia ai ke noi.
Hilo, Maraki 2, 1898.
Na ka Aha:
DANIEL PORTER.
2693-3t Kakauolelo.
AHA KAAPUNI, APANA HOOKOLOkolo Ekolu o ko Hawaii Pae Aina. Ma ka Hana o ka Waiwai o D. N. Heleloa, o Kau, Hawaii, i make.
Oiai, ua waihoia mai ke noi ame ka hoike helu waiwai a ka lunahooponopono waiwai o ka waiwai o ka mea i make i oieloia ae nei, a ua noi mai oia e nanaia kana hoike helu waiwai a e aponoia, a e hoopukaia hoi ke kauoha hope no ka mahelehele ana i ka waiwai e koe nei ma kona lima i ka poe i kuleana ia waiwai. a e hookuu ana hoi iaia mai na koikoi mai apau o ka noho lunahooponopono ana.
Ua kauohaia, o ka POAONO, la 9 o APERILA, A. D. 1898, ma ka hora 10 A. M., ma ke Keena, ma ka Hale Hookolokolo ma Kailua, Kona Akau, Hawaii. oia ka manawa ame kahi e hoolohela ai ua noi ia ame ka hoike helu waiwai, a ma ia manawa a ma ia wahi e hele mai ai ka poe apau i kuleana ma ia hana a hoike mai i kumu ina he kumu ka lakou, e ae ole ia ai ua noi la.
Hilo, Maraki 1, 1898.
Na ka Aha:
DANIEL PORTER.
2693-3t Kakauolelo.
ILOKO O KA AHA KAAPUNI APANA Hookolokolo Ekahi o ko Hawaii Pae Aina. Ma ka Hooponopono Waiwai. Ma ka Hana o ka Waiwai o C. Kaonohi. o Kalihi. Honolulu, i make kauoha ole.
Oiai. ua waihola mai ka Palapala Noi ame ka Hoike Waiwai a ka Luna Hooponopono Waiwai o ka waiwai o ka mea hoi i make i olelo mua ia ae la, a ma ia palapala hoi i nonoi mai ai oia e nanaia a e aponoia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima i na poe i kuleana ma ia waiwai, a e hookuu ana iaia mai na koikoi mai apau ma kona ano Luna Hooponopono Waiwai.
Ua kauohaia, o ka Poakahi, la 4 o Aperila, M. H. 1898, hora 10 o ke kakahiaka, ma ke Keena Hookolokolo, Aliiolani Hale, ma Honolulu, oia kahi ame ka manawa i kohoia no ka hoolohe ana i ua noi la ame ka hoike waiwai, a malaila a ma ia wahi hoi e hele ae ai na kanaka apau i kuleana me ia wawwai a hoike mai i kumu, ina he kumu ka lakou e ae ole ia ai ua noi la.
Na ka Aha:
J. A. THOMPSON.
Kakauolelo.
Honolulu, Maraki 3, 1898. 2692-3t
ILOKO O KA AHA KAAPUNI APANA Hookolokolo Ekahi o Ko Hawai Pae Aina. JULIA AKE kue ia LOOK SAY AKE. (Stamped.)
Ka Republaika o Hawaii.
I ka Ilamuku o ke Aupuni, a i ole, i kona Hope; Me ka mahalo.
Ke kauohaia aku nei oe e kii ia Look Say Ake, mea hoopilia, ina e waiho mai ana oia i kana pane i kakauia iloko o na la he iwakalua mahope iho o k a hookoia ana o keia, e hele mai imua o ka Aha Kaapuni i hoikeia ae nei ma ke Kau o Feberuari o ua Aha la, e malamaia ana ma Honolulu, Mokupuni o Oahu, ma ka POAKAHI, la 7 o FEBERUARI ae nei, ma ka hora 10 kakahiaka, e hoike mai hoi i ke kumu e ae ole ia ai ke koi a Julia Ake, ka mea hoopii, elike me ka mea i hoakakaia iloko o kana palapala hoopii oki mare i pakulia me keia.
A e hoihoi mai i ka palapala kii me ka hoike piha o kau mau hana no ia mea.
Ikea ka Mea Hanohano A. Perry,
Lunakanawai Ekahi o ka Aha
(Sila) Kaapuni Apana Hookolokolo
Ekahi, Ma Honolulu, Oahu, i
keia la 18 o Ianuari, 1898.
(Inoa) GEORGE LUCAS,
Kakauolelo.
Ke hoike nei au o ka mea maluna ae he kope oialo ia o ka Palapala Kii ma ia hihia, a ua kauoha ua Aha la e hoolahaia ia mea a e hoopaneeia ka hihi a ke Kau o Mei, 1898, e hiki mai ana o keia Aha.
Honolulu, Feberuari 21, 1898.
P. DANSON KELLETT, JR.
2691-6t Kakauolelo.
Kela ame Keia.
HOOLAHA A KA LUNAHOOPONOPONO
WAIWAI.
Ke hoolaha aku nei ka mea nona ka inoa malalo iho nei, ka lunahooponopono waiwai me ka palapala kauoha i pakui pu ia, no ka waiwai o Heinrich Riemenschneider o Honolulu nei, i make, i ka poe apau he mau koi ka lakou i ua waiwai la, e waiho mai i ua mau koi la i ka mea nona ka inoa malalo iho nei, iloko o eono mahina mai ka la aku i hoolahala ai keia hoolaha, a i ole ia, e hoole mau loa ia aku no lakou.
WILLIAM O. SMITH,
Lunahooponpono me ka Palapala Kauoha i hoopili pu ia.
Honolulu, Maraki 11, 1898.
2694-4t
HOOLAHA A KA LUNAHOOPONOPONO
WAIWAI
Ua koho pono ia ka mea nona ka inoa malalo iho i Lunahooponopono Waiwai no ka waiwai o PELEKINI (w) o Waimanalo, Koolaupoko, Oahu. i make. Ma keia ke hoikeia aku nei ka lohe i na mea apau he mau koi ka lakou ma ka moraki a palapala e ae paha, e hoike koke mai i ka mea nona ka inoa, malalo iho nei iloko o eono mahina mai keia la aku, a i ole e hoole loa ia mahope o ia manawa. A o na poe apau he mau aie ko lakou i ka mea i make, e awiwi lakou i ka hookaa koke mai ma ke keena o S. K. Ka-ne, ma ke Alani Papu, maluna o ka Halekuai Golden Rule Bazaar.
KAAIAWAHIA,
Lunahooponopono Waiwai o ka Waiwai o Pelekini (w) imake, malalo o ka Palapala Kauoha.
Honolulu, Maraki 14, 1898.
2694-5t
HOOLAHA I KA POE AIE.
Ua hookohuia na mea no laua na inoa malalo iho nei i mau Lunahooponopono Waiwai me ka Palapala Kauoha i hoopili pu ia, no ka Waiwai o J. Kamalenui o Waimea, Kauai. i make, ke hoolahaia aku nei.ma keia e waiho mai ka poe apau he mau koi ka lakou i ka waiwai o ua J. Kamalenui la i make. i hooiaio pono ia, ina paha ua hoopaaia ma ka moraki a ma kekahi ano e ae. i na mea no laua na inoa malalo iho nei. ma Waimea, Kauai, iloko o eono mahina mai keia ia aku, a i ole ia. e hoole mau loa ia aku no lakou. a o ka poe hoi i aie mai i ua waiwai la ke kanohaia aku nei ma keia e hookaa koke mai i na mea no laua no inoa malalo iho nei.
Hanaia Waimea, Kauai, Feb. 23, 1898.
FRANCIS GAY,
T. BRANDT.
Na Lunahooponopono o ka Waiwai o J. Kamalenui.
2692-4t
OLELO HOOLAHA I KA POE AIE.
Ua hookohuia ka mea nona ka inoa malalo iho nei i Lunahooponopono Waiwai no ka manawa. me ka palapala kauoha i huipula, no ka waiwai o Valdemar Knudsen, o Waiawa, Mokupuni o Kauai, i make. Ma keia ke hoolaha ia aku nei na mea apau e waiho mai i ka lakou mau koi e kue ana i ka waiwai o Vademar Knudsen, i make, i hooia pono ia, ina paha ua paa ma ka moraki a ano e ae paha i ka mea nona ka inoa malalo iho nei, ma kona keena ma Alanui Kalepa. ma Honolulu, iloko o eono mahina mai keia la aku, a i ole, e hoole mau loa la aku no lakou: a o na poe apau i aie i ua waiwai la, ua kauohaia ma keia e hookaa koke mai i ka mea nona ka inoa malalo iho nei.
Hanaia Honolulu, Feb. 19, 1898.
H. VON HOLT,
Lunahooponopono no ka Manawa me ka Palapala
Kauoha a V. Knudsen i hoopili pu ia.
2691-4t
HOOLAHA HOOPONOPONO WAIWAI
O ka mea nona ka inoa malalo iho, ka mea i hookohuia i lunahooponopono waiwai no Kepola (w) i make kauoha ole, ma keia ke hoike aku nei, e waihoia mai na koi iaia iloko o na mahina eono o hoole loa ia auanei, a o ka poe i aie i ka mea i make, ke kauohaia aku nei e uku koke mai lakou i ka mea nona ka inoa malalo.
Honolulu, Feberuari 11, 1898.
W. L. WILCOX,
Lunahooponopono o ka waiwai o Kepola (w). 2690-5t
HOOLAHA HOOPONOPONO WAIWAI
Owau o ka mea nona ka inoa malalo iho, a ma o ka waiwai la o MISS KEA (w) i make kauoha ole, ma Kukuihaele, Hamakua, Hawaii. A ua hookohu pono ia mai au e E. G. Hitchcock, ka ka Lunakanawai Hookolokolo o ka Apana Eha o ko Hawaii Pae Aina ma ka la 18 o January, A. D. 1898. Nolaila, ina he mau aie ko ka mea i make i kekahi poe, ke kahea aku nei au e waiho koke mai i na bila me na hooia kupono iloko o Eono Mahina. Ina aole, e hoole mau ioa ia aku no.
MRS. PIHANA,
Luna Hooponopono Waiwai o Miss Kea (w) i make.
Kukuihaele, Hamakua, Hawaii, February, 1898. 2690-5t
KUAI O NA HOOLIMALIMA AINA
KOPE.
Mamuli o ke kauoha a na Kahu Waiwai o ka waiwai o B. P. Bishop, a kuai kudala aku ana o James F. Morgan i na hoolimalima no ka manawa o iwakalua-kumamakahi (21) makahiki. i kekahi mau apana aina waiwai nui no ke kanu kope ame na huaai, e waiho la ma ka mahele o Keei 1 ame 2. Kona Hema, Hawaii.
E malamala ana ke kuai ana ma ka Poakolu, Maraki 23, 1898. ma ka hora Umikumamalua o ke awakea, ma ka hale kudala o Morgan, Alanui Moiwahine, Honolulu.
E ikeia no ka Kii o na Aina ame ke ano o ka palapala hoolimalima, ma ke Keena Aina o ka Waiwai o B. P. Bishop, Alanui Kalepa, Honolulu, a ma kahi o Mr. J. D. Paris, ma Napoopoo, Kona, Hawaii.
2689-td
Theo. P. Severin
(KAPOLEMA MA).
He Mea Pa'i Kii Hooleleaka.
E hana ana oia i na kii nani loa ma Honolulu nei no ka uku haahaa loa. E paiia ana na Kii Ahaaina, Mare, Hoolawa, na Hale Noho, a pela aku.
E hoonuiia ae ana na kii mai na kii liilii mai.
Alanui Nuuanu, me keia aoao aku o ke Alanui Pauahi. Aia iluna.
2664-12ms
CURES
WHILE
YOU
SLEEP
Vapo-Cresolene,
MAMUILI o ka haawiia ana o ka laau CRESOLENE ma ka hanu ana. oia ke keehina hana palekana loa no ka lawelawe ana i na Ohe Makani o ka puu. He kamahao @auna ole ka holo pono o kana hoola ana i ke Kunu-Kalea ame ke Kunu Ho. He laau maikai loa ia no ke pale ana aku i na ma'i lele, a pela aku. E loaa no na buke hoakaka ue ke kumukuai ole. i huipu me na palapala hoomaikai. Kuaiia e na poe kuai laau a pau.
HOLLISTER DRUB CO.,
Honolulu, H I., Agents.