Ka Nupepa Kuokoa, Volume XXXVII, Number 10, 11 Malaki 1898 — Page 3

ʻaoʻao PDF (1.48 MB)

This text was transcribed by:  Olga Woo
This work is dedicated to:  Awaiaulu

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

Mai a Mahope aku o Iulai 5, 1895

 

                                    Wili o Ewa,     Hiki i Waianae  Hiki Wili  Hiki Waianae,  Hiki i

                                    Kaa u Kona,    na la apau          o Ewa,     Poaono me     Waianea

                                    na la apau,                                na la apau  Sabati wale@  na la apau

                                    Kue Ke Sabati                                                            

                                     A M                 A M            P M        P M           P M

Haalele ia Manaua       7: 4@             8: @8               2:@@        2:28                6:@3 

Haalele Wili o Ewa     @:1@        10:19          @:49        2:19           6:@4

Hiki i Waianae              -------              10:@4         -----         @:2@         6:49

 

                                    Waianae na   Wili o Ewa     Waianae na  Wili o Ewa   Hiki i Waia-

                                    la a pau.       Kaa Ukaua     la a pau.     na la a pau    nae na Pono-

                                                            Na la a pau                                                      no me Sabati

                                                            Koe Sabati

                                     A M                 A M                  P M            P M                P M

Haalele la Waianae        6:44              -------                  1:@2         -------               4:16

Haalele Wili o Ewa       7:19                9:10                  2:07           3:51                4:31

Haalele ia Manaua         7:@0              9:48                  2:38           4:22                5:22

Hiki I Honolulu             8:28              10:30                  3:11        4:55                5:35

  E lawe ana na kaa ahi hall ukana i na kaa ohua oka papa ekahi.

            G. P. DENISON,

                        Luna.               F. C. SMITH,

                                    Luna Kuai Palapala Holo

OLELO HOOHOLO HUI HELU I.

__

  O ka Ahaeleia o ka Repubilika o Hawaii i Koakea Hoko e ke Kau Mau, ma keia. Ke Hoike ana nei ia @ @ Huipuia, i ko Lakou Manao Minameia, a Aloha K@ Mamuli o ka poino nu ana o ke Ola, mamuli o ka poina ana @ ka Mokukaua “MAINE.” ma ke Awa o Havana, Cuba, F @ Umi

kamamalima, 1838.

  E Hooholoia, E Waihoia aku kekahi Kope o keia Olelo Hooholo i ke Kuhina Noho e Amerika no ka waiho na aku imua o ka Peresidena o Amerika Huipuia.

  Feberuari 26, 1898.

  Aponoia i keia la 4 th o March, M. H. 1898.

            SANFORD B. DOLE.

  Peresidena o ka Repubalika o Hawaii

__

 

KANAWAI 1.

 

  HE KANAWAI E HOOKAAWALE AI I DALA NO KA UKU ANA I NA LILO O KE KAU AHAOLELO O KA MAKAHIKI 1898, MAILOKO AE O KA WAIHONA O KA LEHULEHU.

 

  E Hooholoia e ka Ahaolelo o ka Repubalika o Hawaii:

 

            PAUKE 1.  Ma keia ke hookaawaleia nei ka huina o Iwakalua Tausani Dala ($20,000.00) mailoko ae o ka Waihona o ka Lehulehu no ka hookaa ana i na lilo o ke Kau Ahaolelo o ka Makahiki 1898.

 

            PAUKE 2.  E mana keia Kana wai mai ka la aku o kona aponoia ana.

 

            Aponoia i keia la 4 th o March, M. H. 1898.

            SANFORD B. DOLE

            Peresidena o ka Repubalika o Hawaii.

________________________________________________________________________________

NU HOU HAWAII

  He nui loa ko makou mau manao i hoopaneeia mai ka pepa aku o keia pule.

  Ua hoopaneeia na heihei lio mai ka la 17 aku o keia mahina a ka la 19 aku.

  Ma kekahi wahi o ka makou pepa o keia pule e ikeia ai na kanawai mua a keia Kau Ahaolelo i hooholo ai.

  E kukuluia aku ana ke kaa uwile iloko nei o ke kulanakauhale o Honolulu, ma keia mua koke iho.

  Ua huli hoi hou mai nei o Dr. Kobayashi, kela kauka iapana akamai i ka oihana oki, no Honolulu nei.

  Ke ole e loaa i na kuia, alaila, e ku mai ana na mokuahi Doric ame Zealandia, ma keia Poaono ae, Feberuari 19, mai Kapalakiko mai.

  Ke hoopalauia nei i keia wa o Miss Julia Lovell, kokua kumu o ke Kula Kaikamahine o Kamehameha, me Kapena Makai W. L. Bowers.

  Ua lauaheaia ae e haalele ana ka mea hookani pahu liilii o ka Bana Hawaii (Aupuni) a e hoi aku ana la no kona home noho ma Seattle.

  Aole liuliu a hoea mai no Honolulu nei ka mokuahi Ottawa, mai Sidane mai, me 300 poe e holo ana no ke kahua eli gula ma “Klondike,” Alaska.

  Ma ka Poakahi nei hoopaila ai imua o ka Aha Apana o Honolulu nei, he wahi haole no kona hoohana wale aku no i kekahi o na lede “haipule” o ka Puali Hooia.

  Eia o Lunakanawai Whiting o ka Aha Kiekie ke waiho nei maluna o kahi moe no ka nawaliwali. He hookahi pule ka loaa lawelawe hana ole ana iaia. Ua ano maha nae.

  Mamuli o ka pilikia loa o Mr. Luther Wilcox i na hana o ka Aha Apana ma ka Poakolu nei, ua lilo ae la ia Mr. John E. bush ka maheleolelo ana no ka Hale o na Lunamakaainana.

  E haawi ana o Miss Eileen O’Moore he aha hookano vaiolina maloko o ka Hale Mele Opera, ma ke ahiahi o ka la apopo. Ua oleloia, o keia ke pookela loa o na wahine hookani vaiolina o ke ao nei.

  Ke manao nei o Mr. E. C. Winston, kekahi o na haole kuonoono o Honolulu nei, e kukulu i hale holoi lole na ka mahu e hana i na mea apau. Eia imua o ka Abaolelo, he Bila Kanawai e haawi ana ia pono ia Mr. Winston ame kona poe hoa hui.

  Me kela Poaono ae paha (la 19 o keia mahina) e loaa mai ai ia kakou na lono pili i ka hopena o kela poino ana o ka mokukaua “Maine” – ka lono no ka hui ana o Hawaii nei me Amerika Huiia – ame na lono ano nui e ae he lehulehu.

  Ma ka la Sabati, Feberuari 27 aku nei, i make ai o Rev. Alvin Ostrom, o ka Ekalesia “haole” o Kohala Akau, Hawaii, a ua kanuia ma Wainaia. Elua o kana mau keikikane, ua hala aku i ke kahua eli gula ma “Klondike,” Alaska.

  Mamuli o ka pilikia ana o kekahi o na ipuhao o ka mokuahi Kinau, i hookaluluaia ai kona hole ana aku no kona mau awa maa mau, ma keia pule iho ia, a ua lilo aku la kona wahi i ka mokuahi “Kalaudina.” E lapaauia ana paha ua Kinau nei no hookahi mahina, alaila, pau kon pilikia.

  Ua hoao kekahi aihue e komo aku iloko o ka rumi waiho dala o ka Hui Kaa “Hoki” (Horse) o Honolulu nei, mauka aw nei o Kapalama, ma ka po Poalua iho nei, ma ka wawahi ana i ke pani papa o ka puka-makani o ua ruma ia, me kekahi hamare hao nui. Aia maloko o keia rumi he mau eke dala, no lakou ka huina dala, mai ka 400 a 500. Ua opaha a nihomole kahi i polukuia, aole hoi i ko ke kuko o ka mea aihue. Ua loaa nae ka hamare hao me ke kila pao a ua “kaeaea” la.

NA MAKE O FEBERUARI, 1898.

 

  O ka huina nui o ka poe make maloko nei o Honolulu, ma ka malama aku la o Feberuari, ua hiki aku i ke 65. He 34 kane, a he 31 wahine. Na Hawaii, 39; Plae, 9; Pukiki, 2; Iapana, 6; Pelekane, 4; Amerika, 3; na lahui e ae, 2.

  He heluna kiekie loa kela o na make i ikeia no keia malama, mai ka makahiki 1893 mai, koe nae ka makahiki 1896. Ma ia makahiki (1896) he 78 ka nui o na make.

  I ka nui o na make no lakou na la i piha ole ka makana hiki hookahi, he 12; o ka poe mawaena o ke 30 ame 40 makahiki he 13 ko lakou nui. He 7 poe i make no ka ma’i “ake-pau,” a he 7 poe i make elemakule maoli. He poe keia i oi aku mamua o ke 70 makahiki. O ka nui o ka poe i make no lakou na makahiki mawaena o ke 40 ame ke 70, he 17.

NA ANOAI O HILO AKAU.

 

Mr. Lunahooponopono o ke Kilohana

Pookela o ka Lahui Hawaii:

 

  Aloha oe: - E oluolu oe e hookomo iho i keia mau wahi mea hou o Hilo Akau nei.

  Ma ka la 1 o keia mahina ua hele aku la o Pakele, Iaukea, Laika, Kalei ame Lahapa i ke kui opihi ma ke kahakai o Waipunalei, a i ko lakou hoi ana mai ua pii ae la lakou ma ka pali. O Lahapa ka mua o ka pii ana a mahope aku ka nui. I ka hiki ana i ka hapalua like o ka pali, ua hemo mai la kekahi pohaku a pa pono ma ka umauma o Lahapa a kaa mai la oia i ka pali, a mamuli o ke aloha o ke Akua ua paa oia i kekahi puhaala i a mua ia e ke ahi. He 40 kapuai ke kiekie mai kahi i kaa mai ai a paa oia. Nolaila, e o’u mau kaikuahine ame o’u mau kaikauaana ame na pokii, mai hele hou aku oukou i ka opihi a hoi mauka o ka pali o make auanei.

MAKANI IKAIKA.

  Ma ke ahiahi oia la no ua pa mai la kekahi makani Kona a puhi ae la i ke kaupoku o ka hale o Hoopii (w) ma Waipunalei no ka 100 kapuai ke kaawale mai ka hale mai. Ma ka po ana iho ua hamu pu ae ia i na hawai ko o L. S. Co. a mokaki ana ilalo.

KA UWEA HOLU O LEALEA.

  I ka pule hope o kela mahina aku nei ua paa pono ka uwea huki ukana o L. S. Co. ma kahi o ke awa kahiko o Lealea, a i hakalia wale no i ke kopaa.

HALE PAUAHI.

  Ma ke ahiahi o ka la 6 ua hamu ae la ke ahi i ka hale hana kope o E. W. Barnard a nemo.

            Owau no me ka oiaio,

            H. H. BAKER.

 

KA HOOKUUPA ANA O KA AUHAU

MALUNA O NA HALE HUI IMI

PONO KARISTIANO.

 

  Manao makou, he hana ku i ke kaulike maoli, ka hoopauia ana o na auhau Aupuni maluna o na hale hui imi pono Karistiano ame ko lakou mau waiwai, oiai, he mahele hana kela i pili i ka Oihana Karistiano, elike me na Ekalesia maoli e ka nei ma Hawaii nei.

  Ua ike pono makou i ka waiwai o na hana e lawelaweia nei maloko o ka Hale “Y.M.C.A.” o Honolulu nei. E piha mau ana ia hale i na opio Hawaii e hoohale ana i ko lakou mau manawa kaawale o ke ao ame ke ahiahi ma ka heluhelu ana i na buke, ame na nupepa i houluuluia malaila. pela nohoi ko lakou komo ana ma na paani maikai he nui i hoouluia malaila. A ke ole makou e kuhihewa he mau pomaikai keia i loaa i na opio me ka uku ole ia.

  Ua lilo maoli keia hale i home aloha no kekahi poe opio Hawaii. Nolaila, makou i manao ai he mea maikai ke hookuuia ka auhau mai ia ano hale ae ame ko lakou mau waiwai.

Hoolaha Kooko Maraki.

 

HOOLAHA A KA MEA @LILOIA

MAI AI KA MORAKI, NO KA MA-

NAO HOOKO A KUAI AKU

I KA MORAKI.

__

 

  I kulike ai me ka mana kuai ame no olelo hoopaa maloko o kekahi palapala morak i hanaia ma Sepatemaba 15, 1884, mai a Jonathan Spooner mai a ia S. C. Allen ame M. P. Robinson, na kahu o ka waiwai o James Robinson, i make, i kopeia ma ke Keena Kope Palapala, ma Honolulu, maloko o ka buke 90, ma na aoao 197 ame 198, a na ua mau kahu waiwai la hoi i hoolilo pono ae ia S. C. Allen i oleloia, ma ka palapala hoolilo la (assignment), i hanaia ma ka la 8 o Okatob, 1897, a i kopeia ma ke Keena Kakau Kope i oleloia, ma ka Buke 90, aoao 197, a na ua S. C. Allen la hoi i hoolilo mai ia Cecil Brown, ka mea nona ka inoa malalo iho nei, ma o ka palapala hoolilo (assignment) i hanaia ma Novemaba 5, 1897, a i kopeia i keia wa na ua Keena Kakau Kope la, ke hoolahaia aku nei ma keia, ke makemake nei o Cecil Brown, ka mea nona ka inoa malalo iho nei, a o ka mea i hooliloia mai ai ua moraki la, a nana e paa nei ia, e hooko aiu i ua moraki la no ka uhaki ia ana o na kumu aelike, oia hoi: ka uku ole ia ana o ke kumupaa ame ka ukupanee ma ka wa e hookaa ai.

  Ke hoolahaia aku nei nohoi ma keia e kuai kudala akea ia aku ana na aina apau, ame na pono ame na pomaikai o kela ame keia ano i paa maloko o ua moraki la a i hoakakaia ai hoi ma ke keena kudala o James F. Morgan ma Honolulu, ma ka Poalima, la 8 o Aperila, M. H. 1898, ma ka hora 12 o ke awakea o ua la ‘la.

  No na mea aku i koe e ninau ia Kinney & Ballou, Honolulu, na Loio o ka mea nona ka inoa malalo iho nei.

            CECIL BROWN.

  Mea i Hooliloia mai ai ka Moraki.

__

 

  O ka aina i paa ma ua moraki la, oia kela apana aina apau e waiho la ma Pohakalawaia, Mokupuni o Oahu, oia ka apana 3 o ka Palapala Sila Nui Helu 681, i hookoia aku ia S. M. Kamakau, maloko o laila he 11,483 Eka, a oia nohoi ka aina i hooliloia mai ia Jonathan Spooner i oleloia e James Kahai, Okatoba 11, 1870, ma o ka palapala kuai la i kopeia maloko o ua Keena Kakau Kope la o na Palapala, ma Honolulu i oleloia, ma ka Buke 31, ma na aoao 161 ame 162.

            2692-3t

 

HOOLAHA MANAO HOOKO MORAKI

A KUAI A KA MEA PAA

MORAKI.

__

 

  Ke hoolaha ia aku nei ma keia, mamuli o kekahi mana kuai i paa maloko o kekahi moraki i kakauia ma ka la 16 o Mei, M. H. 1887, i hanaia e W. A. Kiha o Waipo, Mokupuni o Hawaii ia Robert McKibbin o Honolulu, Mokupuni o Oahu, i kopeia maloko o ke Keena o ka Luna Kakau Palapala, maloko o ka Buke 106, ma na aoao 275-7, ke makemake nei o Robert McKibbin, Mea Paa Moraki, e hooko aku i ua moraki la, no ka uhakiia ana o na kumu aelike maloko o ua moraki la, oia hoi, ka uku ole ia ana i ke kumupaa ame ka uku-panee, ma ka wa e hookaa a@.

  Ke hooiahaia aku nei nohoi ma keia e kuana aku ana ma ke kudala akea, na aiaa apua, na pono ame na pomaika, i paa a i hoakaka a maloko o ua moraki la, ma ke keena kudala o James F. Morgan ma Alanui Moiwahine, ma Honolulu i oleloia, ma ka Poakahi, la 28 o Maraki, M. H. 1898, ma ka hora 12 o ke awakea o ua la @a.

  A eia iho ka waiwai i hoakakaia maloko o ua moraki la, penei: O kela mau apana aina a pau e waiho la ma Napoopoo, ma Waipio i oleloia penei:

  1. O kela mau apana aina a pau, o a hoi he mau apana ia noloko o ka Palapala Sila Nui Helu 4966. Kuleana Helu 8201 i hoopukaia aku la Hapuu a i hoikeia na palena penei: E Hoomaka ana ka mahele ana ma ka hapalua iike ma ka loihi o ka pa hale noho iloko o ka apana aina i oleloia mawaenakonu o ka pa. E hoomaka ana mai ka pa pohaku ma ke alanui Aupuni holo i kai a hiki i ka palena o ka pa hale ma ka aoao makai; a o ka hapalua ma ka aoao ma Kohala e pili ana i ko Leahi kuleana ma keia mahele ana ame Eha (4) Loi mahi kalo. A oia no hoi ka aina i hooliloia mai e Kapeta i ka Mea Moraki mai (Mortgagor) ma ka palapala kuai i hanaia ma ka la – o Novemaba, 1884, a i kopeia maloko o ka Buke 90, ma na aoao 307-8.

  2. O kela apana aina apau, oia hoi he apana no ka Palapala Sila Nui Helu 4901 Kuleana Helu 11109 i hoopukaia aku ia Leahi, a i hoikeia na palena, penei: E hoomaka ana ma ka aoao Ak, ma Hilo, o ka hale noho o J. P. Leahi (k), ka’u keiki pono, e holo ana mai ka pa pohaku mahope kanalima kapuai a hiki i ka pa pohaku ma ke alanui Aupuni; a holo kanalima kapuai a pili i ka pa pohaku o ko Kahilo pa hale ma ke alanui Aupuni holo i hope Kom. a hiki i ke kihi o ko Kahili pa i oleloia holo hou a hiki i ke kihi pa pohaku kahi i hoomaka mai ai. Ame elua hoi mau loi kalo e waiho ana ma Waipio i oleloia, oia hoi he apana no ka aina kalo i hoakakaia ma ka Palapala Sila Nui Helu 4901, Kuleana Helu 11109 e pili ana i ka aina o K. P. Kuikahi ame ke konohiki, ma ka aoao komohana, a oia nohoi na aina i kuaiia mai i ka Mea Moraki mai (Mortgagor) e Nawahine (w) ma ka palapala kuai i hanaia ma ka la 29 o Sepatemaba, 1883, a i kopeia ma ka Buke 89, ma na aoao 27-8.

  Kuike ke Dala. O na lilo palapala i ka mea e kuai mai ana.

            ROBERT M’KIBBIN,

            Mea Paa Moraki.

  No na mea i koe e ninau ia

            J.M. MONSARRAT.

            Loio no ka Mea Paa Moraki.

  Hanaia Honolulu, Maraki 1, 1898.

            2692-4ts

Hoolaha Mana Hooklokoolo

 

ILOKO O KA AHA HOOKOLOKOLO Kaapuni, Apana Kaapuni Ekahi o ko Hawaii Pae Aina. Ma ka Hana o ka Waiwai o NAHINELUA KELIIPIO (W), o Honolulu, Oahu, i make.

  Oiai, ua waihoia mai ka Palapala Kauoha a Hooilina Hope Loa a ka mea i make i oleloia ae nei i ka Aha Hookolokolo i oleloia me ka Palapala Nonoi hoi no ka hookoia ana o ua Palapala Kauoha la a Hooilina hoi, a no ka hoopuka ana i na Palapala Hookohu Malama Waiwai no ka keiki oo ole ia L. D. Keliipio (k), ma keia ke hoolahaia aku nei, o ka POALIMA, APERILA 8, 1898, ma ka hora 10 o ke kakahiaka, ma Aliiolani Hale, ma Honolulu , oia ka manawa i kohoia ai ame kahi e hooiaioia ai ua Palapala Kauoha la, a e hooleheia ai ua noi la, a ma ia wa a ma ia wahi no hoi e hele ae ai kela a me keia mea e hoike mai i kumu, a ina he kumu ka lakou e ae ole ia ai ke noi o ua palapala noi la.

  Honolulu, Maraki 7, 1898.

            Na ka Aha:

                        P.D. KELLETT, JR.,

2693-3t            Kakauolelo.

 I KA AHA HOOKOLOKOLO, APANA Hookolokolo Ekolu o ko Hawaii Pae Aina. Ma ka Hooponopono Waiwai. Ma ka Hana o ka Waiwai o KEANINA (k) o Kau, Hawaii, i make.

  Oiai, ua waihoia mai ke noi e S. B. Kaunaina, Lunahooponopono, Waiwai o ka waiwai maluna ae nei, e kukala ia na hooilina a e hookuuia oia. Ma keia, ke hoolahaia aku nei, o ka POAONO, la 9 o APERILA, A.D. 1898, ma ka hora 10 A. M. ma ka Hale Hookolokolo ma Kailua, Kona Akau, Hawaii, oia ka manawa ame kahi e hooloheia ai ua noi la, a ma ia wa a ma ia wahi e hele mai ai ka poe apau i kuleana ma ia hana, a hoike mai i kumu, ina he kumu ka lakou, no keaha la e ae ole ia ai ke noi.

  Hilo, Maraki 2, 1898.

            Na ka Aha:

            DANIEL PORTER

2693-3t            Kakauolelo,

 AHA KAIAPUNI, APANA HOOKOLOkolo Ekolu o ko Hawaii Pae Aina. Ma ka Hana o ka Waiwai, i make.

  Oiai, ua waihoia mai ke noi ame ka hoike helu waiwai a ka lunahooponopono waiwai o ka waiwai o ka mea i make i oleloia ae nei, a ua noi mai oia e nanaia kana hoike helu waiwai a e aponoia, a e hoopukaia hoi ke kauoha hope no ka mahelehele ana i ka waiwai e koe nei ma kona lima i ka poe i kuleana ia waiwai, a e hookuu ana hoi iaia mai na koikoi mai apau o ka noho lunahooponopono ana.

  Ua kauohaia, o ka POAONO, la 9 o APERILA, A. D. 1898, ma ka Hale Hookolokolo ma Kailua, Kona Akau, Hawaii, oia ka manawa ame kahi e hooloheia ai ua noi la ame ka hoike helu waiwai, a ma ia manawa a ma ia wahi e hele mai ai ka poe apau i kuleana ma la hana a hoike mai i kumu, ina he kumu ka lakou, e ae ole ia ai ua noi la.

  Hilo, Maraki 1, 1898.

            Na ka Aha:

            DANIEL PORTER,

2693-3t            Kakauolelo.

 ILOKO O KA AHA KAAPUNI APANA Hookolokolo Ekahi o ko Hawaii Pae Aina. Ma ka Hooponopono Waiwai. Ma ka Hana o ka Waiwai o C. Kaonohi. o Kalihi, Honolulu, i make kauoha ole.

  Oiai, ua walhoia mai ka Palapala Noi ame ka Hoike Waiwai a ka Luna Hooponopono Waiwai o ka waiwai o ka mea hoi i make i olelo mua la ne la, a ma ia palapala hoi i nonoi mai ai ola e nanala a e aponoia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima i na  poe i luleana ma ia waiwai, a e hookuu ana iaia mai na koikoi mai apau ma kena ano Luna Hooponopono Waiwai.

  Ua kauohaia, o ka Poakahi. la 4 o Aperila, M. H. 1898, hora 10 o kekakahiaka, ma he Keena Hookolokolo, @lolani Hale ma Honolulu, oia kahi @e ka manawa i keheia no ka hoolohe ana i na noi la ame ka hoike waiwai, a malaiia a ma ia wahi hoi e hele ae ai na kanaka apapu i kaleana ma ia waiwai a hoike mai i kumu, ina he kumu ka lakou e ae ole ia ai ua noi la.

            Na ka Aha:

            J. A. THOMPSON,

            Kakauolelo.

  Honolulu, Maraki 3, 1898.   2692-3t

 AHA KAAPUNI, APANA HOOKOLOkolo Ekolu o ka Hawaii Pae Aina. Ma ka Hooponopono Waiwai. Ma ka Waiwai o Keawe (k) o Kona Akau, Hawaii, i make.

  Oiai, ua waihoia mai ke noi a C. Akao, e nonoi ana e hoopukaia ka Palapala Lunahooponopono Waiwai ia C. Akao i oleloia ae nei, me keia ke hoolahaia aku nei o ka Poaono, la 9 o Aperila, A. D. 1898, ma ka hora 10 A. M. (kakahiaka) maloko o ka Hale Hookolokolo ma Kailua, Kona Akau, Hawaii, oia ka manawa ame kahi e hoolooheia ai u a noi la, a ma ia wahi a ma ia manawa, e hele ae ai na poe apapu, a hoike i ke kumu, ina he kumu ka lakou, no keaha la e ae ole ia ua noi la.

            Hilo, Feberuari, 14, 1898.

            Na ka Aha:

            DANIEL PORTER.

2691-3t            Kakauolelo.

 ILOKO O KA AHA KAAPUNI APANA Hookolokolo Ekahi o Ko Hawaii Pae Aina. JULIA AKE kue ia LOOK SAY AKE. (Stamped.)

Ka Repubalika o Hawaii.

  I ka Ilamuku o ke Aupuni, a i ole, i kona Hope: Me ka mahalo.

  Ke kauohaia aku nei oe e kii ia LOOK Say Ake, mea hoopiiia, ina e waiho mai ana oia i kana pana i kakauia iloko o na la he iwaka lua mahope iho o k a hookoia ana o keia, e hele mai imua o ka Aha Kaapuni i hoikeia ae nei ma ke Kau o Feberuari o ua Aha la, e malamaia ana ma Honolu, Mokupuni o Oahu, ma ka POAKAHI, la 7 o FEBERUARI ae nei, ma ka hora 10 kakahiaka, e hoike mai hoi i ke kumu e ae ole ia ai ke koi a Julia ake, ka mea hoopii, elike me ka mea i hoakakaia iloko o kana palapala hoopii oki mare i pakuiia me keia.

  A e hoi hoi mai i ka palapala kiime ka hoike piha o kau mau hana no ia mea.

            Ikea ka Mea Hanohano A. Perry,

            Lunakanawai Ekahi o ka Aha (Sila) Kaapuni Apana Hookolokolo Ekahi, Ma Honolulu, Oahu, i keia la 18 o Ianuari, 1898.

            (Inoa)  GEORGE LUCAS.

            Kakauolelo.

__

 

  Ke hoike nei au o ka mea maluna ae he kope oiaioia o ka Palapala Kii ma ia hihia, a ua kauoha ua Aha la e hoolahaia ia mea a e hoopaneeia ka hihi a ke Kau o Mei, 1898, e hiki mai ana o keia Aha.

  Honolulu, Feberuari 21, 1898.

            P. DANON KELLETT, JR.

2691-6t            Kakauolelo.

 AHA KAAPUNI, APANA HOOKOLOkolo Kaapuni Ekolu o ko Hawaii Pae Aina. Ma ka Hooponopono Waiwai. Ma ka Waiwai o Maikiikii (w) o Kona, Hawaii, i make kauoha ole.

  Ua waihoia mai ke noi a Mrs. Annie Lewis o Hilo, Hawaii, e nonoi ana e hooiaia na hooilina o Maikiiki (w) i oleloia, a e haawiia hoi ka waiwai i pili iaia i na hooilina i hooiaia e ka Aha.

  Nolaila, ke hoolahaia aku nei ma keia, o ka Poaono, la 9 o Aperila, A. D. 1898, ma ka hora 9

A. M., ma ka Hale Hookolokolo ma Kailua, Kona Akau, Hawaii, oia ka manawa ame kahi e hooloheia ai ua noi la, a ma ia wa a ma ia wahi e hele ae ai n a poe apau i pili i ua waiwai la, a hoike ae i kumu, ina he kumu ka lakou, no keaha la e ae ole ia ai ua noi la.

            Hilo, Feberuari 21, 1898.

            Na ka Aha:

            DANIEL PORTER.

2691-3t            Kakauolelo.

Hela ame Keia.

HOOLAHA I KA  POE AIE.

__

 

  Ua hookohuia na mea no laua na inoa malalo iho nei i mau Lunahooponopono Waiwai me ka Palapala Kauoha i hoopili pu ia, no ka Waiwai o J. Kamalenui o Waimea, Kauai, i make, ke hoolahaia aku nei ma keia e waiho mai ka poe apau he mau koi ka lakou i ka waiwai o ua J. Kamalenui la i make, i hooiaio pono ia, ina paha ua hoopaaia ma ka moraki a ma kekahi ano e ae, i na mea no laua na inoa malalo iho nei, ma Waimea, Kauai, iloko o eono mahina mai keia la aku, a i ole ia, e hoole mau loa ia aku no lakou, a o ka poe ho i aie mai i ua waiwai la ke kauohaia aku nei ma keia e hookaa koke mai i na mea no laua no inoa malo iho nei.

  Hanaia, Waimea, Kauai, Feb. 23, 1898.

            FRANCIS GAY.

            T. BRANDT.

Na Lunahooponopono o ka Waiwai o J. Kamalenui.

            2692-4t

Vapo-Cresolene

He Laau Hoola.

Oiai no Oe e Hia-

moe ana no ke

Kunu Kalea, ka Hano, Kunu Ho, ka Nalulu Kau, ke Anu

  Ma ka wae hoopunohuia ai ka uwahi o ke CRESOLENE maloko o ke keena o ka mea ma’i, e loaa koke no ka oluolu. He ka mahao kona ikaika hoola, a ma ia wa hookahi nohoi e kaohiia aku no ka pahola ana mai o na ma’i lele, ma o kona lilo ana he laau kiuai ma’i, a he lanu pilikia ole nohoi no na keiki. Ekuaiia ana e na poe hana laau. E haawi wale ia no ka buke hoakaka.

            HOLLISTER DRUG. CO., Honolulu, H. I. na Agena.

 

OLELO HOOLAHA I KA POE AIE.

___

  Ua hookohuia ka mea nona ka inoa malalo iho nei i Lunahooponopono Waiwai no ka manawa me ka palapala kauoha i huipauia no ka waiwai o Valdemar Knudsen, o Waiawa, Molupuni o Kauai, i make. Ma keia ke hoolaha ia aku nei na mea apau e waiho mai i ka lakou mau loi e kue ana i ka waiwai o Valdemear Knudsen, i make i hooia pono ia ina paha ua paa ma ka moraki a ano e ae paha i ka mea nona ka inoa malalo iho nei, ma kona keena ma Alanui Kalepa, ma Honolulu. Hoko o eono mahina mai keia la aku, a i ole, e hoole mau loa la aku no lakou: a o na poe apau i aie i ua waiwai la, ua kauohaia ma keia e hookaa koke mai i ka mea nona ka inoa malalo iho nei.

  Hanaia Honolulu, Feb. 19, 1898.

            H. VON HOLT,

Lunahooponopono no ka Manawa me ka Palapala Kauoha a V. Knudsen i hoopili pu ia.

            2692-4t

__________

 

OLELO HOOLAHA.

____

 

  Ke hoikeia aku nei ka lohe ma keia, ua hoohui ae ka poe no lakou na inoa malalo iho, ia lakou iho i hui no ka lawelawe ana i ka hana o ke kuai ana mai ame ke kuai ana aku i ka puaa ame ka pepehi ana ame ke kuai ana aku i ka io puaa ma Honolulu, Mokupuni o Oahu, malalo o ka inoa hui o “Kula Pork Packing Company.”

            S. AHMI,

              No Kula, Maui.

            AH CHEW,

              No Kula, Maui

            TONG HOP,

              No Kula, Maui.

            YUEN GOHONG,

              No Kula, Maui.

            HARNG SANG,

              No Kula, Maui.

            TAI TONG LUN,

              No Kula, Maui.

            G. AWANA,

              No Makawao, Maui.

            TONG MANG,

            No Kahului, Maui.

  Honolulu, Feberuari 18, 1898.

            691-3t

_______

 

HOOLAHA HOOPONOPONO WAIWAI

____

 

  O ka mea nona ka inoa malalo iho, ka mea i hookohuia i lunahooponopono waiwai no Kepola (w) i make kauoha ole, ma keia ke hoike aku nei, e waihoia mai na koi iaia iloko o na mahina eono o hoole loa ia auanei, a o ka poe i aie i ka mea i make, ke kauohaia aku nei e uku koke mai lakou i ka mea nona ka inoa malalo.

  Honolulu, Feberuari 11, 1898.

            W.I. WILCOX,

  Lunahooponopono o ka waiwai o Kepola (w).

            2690-5t

______

 

HOOLAHA HOOPONOPONO WAIWAI

  Owau o ka mea nona ka  inoa malalo iho, a ma o ka waiwai la o MISS KEA (w) i make kauoha ole, ma Kukuihaele, Hamakua, Hawaii. A ua hookohu pono ia mai au e E. G. Hitchcock, ka ka Luna kanawai Hookolokolo o ka Apana eha o ko Hawaii Pae Aina ma ka la 18 o January, A. D. 1898. Nolaila, ina he mau ale ko ka mea i make i kekahi poe, ke kahea aku nei au e waiho koke mai i na bila me na hooia kupono iloko o Eono Mahina. Ina aole, ehoole mau loa ia aku no.

            MRS. PIHANA,

  Luna Hooponopono Waiwai o Miss Kea (w) i make.

  Kukuihaele, Hamakua, Hawaii, February, 1898.  2690-5t

_______

 

KUAI O NA HOOLIMALIMA AINA

KOPE.

_____

 

  Mamuli o ke kauoha a na Kahu Waiwai o ka waiwai o B. P. Bishop, e kuai kudala aku ana o James F. Morgan i na hoolimalima no ka manawa o iwakalua-kumamakahi (21) makahiki, i kekahi mau apana aina waiwai nui no ke kana kope ame na huaai, e waiho la ma ka mahele o Keei 1 ame 2, Kona Hema, Hawaii.

  E malamaia ana ke kuai ana ma ka Poakolu, Maraki 23, 1898, ma ka hora Umikumamalua o ke awakea, ma ka hale kudala o Morgah, Alanui Moiwahine, Honolulu.

  E ikeia no na Kii o na Aina ame ke ano o ka palapala hoolimalima, ma ke Keena Aina o ka Waiwai o B. P. Bishop, Alanui, Kalepa, Honolulu, a ma kahi o Mr. J. D. Paros, ma Napoopoo, Kona, Hawaii.

            2689-td

____

 

Theo. P. Severin

(KAPOLEMA MA).

 

He Mea Pa’i Kii Hoolele-

aka.

_____

 

  E hana ana oia i na kii nani loa ma Honolulu nei no ka uku haahaa loa. E paiia ana na Kii Ahaaina, mare Hoolewa, na Hale Noho, a pela aku.

  E hoonuiia ae ana na kii mai na kii liilii mai.

  Alanui Nuuanu, ma keia aoao aku e ke Alanui Pauahi. Aia iluna.

            2664-12ms