Ka Nupepa Kuokoa, Volume XXXVII, Number 8, 25 February 1898 — HE LEO POLOAI. [ARTICLE]

HE LEO POLOAI.

E ka Lunahooponopono o ka Nupepa Kuokoa ame kau.mau keiki oniu hua kepau, aloha nui:—E oluolu mai i kekahi wahi kaawale o ka kakou Kilohana no ka'u leo poloai —he leo poloai keia i o'u mau hoa lawehana no ke aupuni o ko kakou Haku aloha. E eu, e ku, e ka aina nona kela mele kaulana. Kuu hoa i Kauahaao, Ke lele ae la mauka o Auaulele lele pu no ka halia me ke aloha." Nolaila, e Kau —e lawe ia mai ke aloha no ka pono o ka hale o ke Akua. E Puna paia a\a i Kohala ame ka hinano—e eu, e ku a hele mai. E Hilo i ka ua lulejj Ua _e lu ia iho ke pi a hoopaa ia aku ke aloha a hele mai. E Hamakua —e ike ia kaua hoa kanaka. e kipa e ai a moe iho i ka hana a ko kaua Haku. Mai kihiloa ka helena. E Waimea i ka ua apuupuu hookuu ia mai ke aloha a loaa mai ka hana a ko kakou Haku ma Kohanaiki, Kekaha, Kona Akau. E Kohala i ka ua apaapaa— e eu, e ku a loaa mai o Kawaihae i ke kai hawanawana neeilee like mai e ike i ka hana o ko kakou Haku ma Kekaha. E Kona kaiopua i ka la'i opuahinano la ua malie. Laweia mai na lau oliva a ke aloha no ka Pekela o ko kakou Haku aloha. Ua aneane loa e pau na hana o ka maiau ana ame ka hoolaupai ana i ka nani e haianuu ana mawaho a maloko o ka luakini Kameahoanoia Hou, ma Kohanaiki. Kekaha, Kona Akau, Hawaii, i kukuluia no ka pono o na hoahanau ame ka hanauna hou e nee aku nei. E hoolaa ia ana o Kameahoanoia Hou ma Kohanaiki, Kekaha, Kona Akau, Hawali, ma ka la 13 o Maraki, o keia makahiki. Nolaila, ke kono nel au i na kahu ekalesia apau ame na makamaka, na hoaloha. mai Hawaii a Kauai, e naue mai, mai hopohopo no na mea kino ua nui a ua \awa ia i na kamaaina ame' ka lokomaikai mai luna mai. Me ka haahaa, C. A. LAZARO. Kekaha. Kona Akau. Peb. 17, 1898.