Ka Nupepa Kuokoa, Volume XXXVII, Number 7, 18 February 1898 — HAAWINA KOLA SABATI. [ARTICLE]
HAAWINA KOLA SABATI.
HAAWINA X.-MAEAKI 6. Ko leHU hoino an» Jk» 1» Sab»tt. Mat«to 3:1-12. Ia wa la, hele aku la o lesu i ka la Sabati mawaena o na mahina ai, pololi iho la na haumana ana, a hoomaka aku la lakou e lalau i na huihui palaoa a ai iho la. 2 Ike aku la ka poe Parisaio, i aku la lakou iaia., Aia ke hana nei kau poe haumana i ka mea ku ole i ke kanawai ke hana i ka la Sabati. 3 I mai la oia ia lakou. Aole anei oukou i heluhelu i ka mea a Davida i hana'i, ame ka poe me ia, i ka wa i piloli ai lakou? 4 Ia ia i komō aku ai iloko o ka hale o ke Akua, a ai iho la i ka berena hoike, ka mea kupono ole ia ia ke ai, aole hoi i ka poe me ia, na ka poe kahuna wale no. 5 Aole anei oukou i heluhelu ma ke kanawai, o ka poe kahuna iloko o ka luakini i na la Sabati, ua hana lakou i ka la Sabati, aole hoi a lakou hala? 6 Ke olelo aku nei au ia oukou, Eia maanei kekahi, ua oi aku ia mamua o ka luakini. 7 Ina paha i ike oukou i ke ano o keia, 0 ke aloha ko'u makemake, aole ka mohāi, ina ua hoohewa ole mai oukou i ka poe hala ole. 8 No ka mea, o ke Keiki a ke kanaka, oia ka Haku no ka la Sabati. 9 Hele aku la ia mai ia wahi aku, a komo aku la iloko o ko lakou halehalawai. 10 Aia ilaila he kanaka, ua maloo kona lima: ninau mai la lakou ia ia, i mea e hoopii aku ai lakou iaia, i mai la, He mea pono anei ke hoola aku i ka la Sabati? 11 I aku la oia ia lakou, Owai la ke kanaka o oukou, hookahi hipa kana, a i hauie iho i ka lua i ka la Sabati, aole anei ia e lalau aku ia ia, a e huki mai iluna?
12 Aole anei e oi aku ke kanaka ma mua o ka hipa? He mea pono no ke hana maikai i ka la Sabati. 13 Alaiia, olelo aku la ia i ua kanaka la, E o mai kou lima: o mai la ia, a ola ae la ia e like me kela lima. PAIIKU GULA. Mataio 12:8. 0 ke Keiki a ke kanaka, oia ka Haku no ka la Sabati. MANAO NUI. E pono ke malama i ka La Hoano mamuli o # ko lesu kumuhoohalike. OLELO HOAKAKA. Ua nui ka poe kue ia lesu no na kumu okoa. Eia ka moolelo o kekahi poe, e hoahewa aku laia no kona malama ole ana i ke Sabati mamuli o ko lakou ano hana? 1. Wa,—ma ko lesu kaapuni ana ia Galilaia, i ke kau ohi hua i kona hele-
wawae ana me kona poe haumana maloko o na mahinaai, mahina huita paha, ma ke alahele i ka halepule. Pololi,—aia hoi, ua papa loa ka poe Parisaio i ka- ai ana ma ka la Sabati mamua o ka halawai kakahiaka. Lalau, — aia na huihui palaoa ma kela ame keia aoao o ke alahele. 2. Parisaio, —e- kaahele pu ana, aole no ko lesu hoonaauao ana ia lakou, aka nae i mea e huli ai i wahi kumu no ke kue ana, hoopau ana paha ia lesu. Ua pili paa lakou i ko lakou hoomalu ana i na kanaka ma ko lakou ano pololei kuihe ole. Ua pepehiia he mau haneri no ka hoole ana i ke kaua ma ka la Sabati. Ua manao ia na hana a pau loa ua papaia e ka ha o na kanawai he umi, a ua papaia ka hopu ana i ka uku ma ka la hoano, no ka mea o keia he alualu holoholona, a pela'ku. 3. Heluhelu, —1 Sam. 21:26. Ua kuhikuhi o lesu i keia apana o ka moolelo o Davida, ko lakou alii kaulana, ke kanaka a ke Akua i hoapono ai, ko lehova punahele. Pololi,—aole hiki ke pale aku i keia pilikia kino, ke ole ma kā ai ana. 4. Hale,—halelewa o Mos©, ia wa ma Noba, kekahi ahuahua kokoke i lerusalema, 1 Samuela 21:1. Berena, —i hoolaaia ia lehova, Pukaana 25:23-30. Ma ka la Sahati ua iaweia'ku ka berena kahiko, a hookauiā ka berena hou, Oihanakahuna 24:8. Kahuna,—no lakou wale no ka ai ana i keia berena, Oihanakahuna 24:5-9. Ina hala ole o Davida ma ka! ai ana i keia berena kapu ma ka la I Sabati, he la kapu ia; ua lawehala I anei ko lesu mau haumana ma ka e hoopau koke ai i ko lakou ano pololi i mea e hoomana pono ai ia lehova, me ka pihoihoi ole no ka pololi. 5. Heluhelu, —Nahelu 28:9. Ua kauohaia a paipaiia na kahuna e hana lima ma ka la Sabati: ina pela ua kapae ia ke kanawai o ke Sabati i mea e hoomau ai i ke Sabati. Ua ku keia hana i ke kanawai nui o ke Sabati; aole i manaoia ka hoopau loa ana i na hana ma ke Sabati, aka nae na hana wale no e kue ana i ka manao hooko. 6. ,Oi, —oia no o lesu, ke Akua Hoola, nana i kukulu i ka luakini a me ke Sabati. Nona ka mana, ka naauao, ke afii ana, e hoike aku ai i kona manao y hooholo ai ma ka malama pono ana i ke Sabati, aole no ka hoopau loa ana i ke Sabatl. 8. Haku,—nona ka mana hooponopono. Ua hoomaemae oia i ka la hoano, a lilo i wa hana kupono: aole wawahi a lilo i mea ole. 7. Mohai,—Hosea 6:6; Miea 6:6-8. Aole i mahalo o lesu i na hana hoomeamea; aka, i na hana aloha ma ke kokua ana ia hai. Nui ke kuhihewa o kekahi poe e hoole ana i ka pono o ka la o ka
Haku, me he mea la o ka la Poaono oia no ka *iiku o ka la mamuli o ke kanawai o Mose. Aole hookahi la i kauohaia no ko ke ao holookoa. He mea hiki ole kela," aka nae e pono ke hookaawale i mau la eono no na hana no ke ola kino, a hoano i ka hiku o ka la no na hana imi pono. O ka malama pono ana i ka la Sabati no na liana haipule, oia no ka manao e hooko ai. Ka wawahi ana i ke ano haipule o ke Sabati, oia no ka wawahi ana i na palena e pale aku ai i ka alunu, ka hoi i hope, ka poho kumau. No na kanaka a pau loa keia kuleana ma na pomaikai uhane. 9. Haleha'awai, —ua maa mau ia lesū ka malama ana i na hana hopmana ma ka luakini, a me na halepule. Nawaliwali a emi loa ke kanaka e hoowahawaha ana i ke ano laa o na Sabati. 10. Hoole, —lapaau, oia no kek&hi hana lij»a, a papaia mamuli o ka manao o ka poe Parisaio. 11. Hipa,— na ka hoopakele ana i kekahi mau poino i ko lakou mau waiwai, ua kanalua ole lakou e pili ana i ka hana lima. 12. Kanaka, —ua aeia ke kokua ana i wahi hipa pilikia: no keaha la ua papa ia ke kokua ana i ke kanaka poino? Mamuli o ko lakou mau &ana, aole i hooleia kekahi mau hana: nolaila, ua aeia na hana lima o ke ano maikai, ku i ka manao hooholo o ka la hoano. 13. Olelo,—aole i hana lima o lesu: ua olelo wale no oia. Aka hoi, ua kokua oia i ka mea popilikia, a loaa hou ka ikaika i ka lima maloo.
I.' Ka liana c pau ai kekaīii pilikia, 1-5. Ua hele o lesu ma i hea? Heaha ka hana o na haumana ma ke alahele? Ua kue anei keia i ka maluhia o ke Sabati? Heaha ka manao o ka poe Parisaio e pili ana i na hana lima o kela ame keia ano ma ka la Sabati? Ua papa loa anei ke kanawai aha i na hana iima a pau loa Heaha na hana i aeia? Ua aihue anei ko lesu mau haumana, Kanawailua 23-25? Pehea i hookaumaha ai ka poe Parisaio i ka auamo o ke kanawai? Ua manaoio anei lakou e hoomama i ka pono i na kanaka? Ua kue anei ko Davida hana ma ka halelewa i na kanawai hoomana? Heaha ko lesu oleloao ma keia mau pauku kuhikuhi? 11. Ka Haku e malama ai ikc Sabati, 6-8. Owai ka mea oi aku o ka hanohano o ka luakini o Solomona? Pehea ka like o lesu me ka luakini? Ua kukuluia ka luakini i aha? No ka malama ana i ke ola kino, e pono anei ke oki aku i ke poo? Ina na lesu ka mana hooponopono, pehea na hana hooponopono o ka poe Parisaio? Ua hoopau anei o lesu i na mohai me he mea ole; a i ole paha ua hooholo anei oia i na mohai e loaa'i ma ona la ko lakou pomaikai maoli? He mea ole anei na hana hoomana, a i ole paha, he mea ino anei na hoomana hoomeamea waie? Ua kukuluia anei ke aupuni no ka pono o na luna aupuni; a i ole paha no ka pono o na lehulehu? Ua. kani ka bele, aole nae i komo oia i ka luakini: heaha ke ano waiwai o na hana hoomana, ke ole ko lakou hoolauna ana i na kanaka i ke Akua Hemolele?
111. Na luina l'u i ka manao haoholo ma ke kukulu ana i ke Sabati, 9-13. Heaha ke kumu no ke kukulu ana i ke Sabati? Ua lilo anei ua kumu la i mea ole? Ua lilo anei ke Sabati i mea ole? Eia kekahi hana aloha. aku ia hai, e kue anei ia i- ke ano laa o ke Sabati? Heaha ko lesu olelo hoohalike ma ka ninau ana i ka poe kue iaia? Heaha na ano okoa ekolu o na hana lima ma keia haawjna Baibala., i aeia no ke ano ku i ka manao kumu o ke Sabati? He mau lima maloo qjiei ma ko kakou mau Ekalesia?
MANAO PILI. 1. Ua kupono anei e hoonui ae i ko ke Akua. mau olelo ao, a pakui i mau manao~kanaka elike me ka poe Katolika i keia wa? 2. Ua kupono anei ka hanai ana i na holoholona ma ka la Sabati, ka malama ana i na auwai ma na mahiko, ka hooholo ana i na kaa kinikini ma ka la Sabati? 3. Ua hoohanohano anei kakou ia lesu ma ka hooholo ana i ka huila baikikala paha, ma ka malama ana i ka halawai haipule? 4. Ua ku anei i ke ano haipule na olelo akiaki paha, a i ole paha na kokua aloha? 5. Ua hookuu wale ia anei na haumana o lesu e hooholo wale i ko lakou mau manao; a i ole paha ua paa anei lakou e malama pono i na kauoha a ke Akua?