Ka Nupepa Kuokoa, Volume XXXVII, Number 7, 18 February 1898 — KE KUIKAHI HOOHUI AUPUNI. [ARTICLE]

KE KUIKAHI HOOHUI AUPUNI.

Hoike mai la oia no ka wa i hoomaka mua ia mai ai ka lawelawe ia ana o keia kuikahi, oia hoi, ua hoomakaia mai no ia ma ka malama o Aperila o ka makahiki 1897, a ma ka la 16 o lune oia makahiki no, ua kakauinoaia iho la e ke Kuhina Nui o Amerika, oia hoi o John Sherman, ma ka aoao o ke Aupuni o Amerika ame na Elele Aupuni Mana Piha, oia hoi, o Kuhina Hatch, me Kakina ame Kini ma ka aoao o ke Aupuni o Hawaii nei. Oiai ua kulike loa na manao nui o loko oia kuikahi i aponoia ai e na Elele Hawaii me na mea i makemakeia no ka pono ame ka palekana o ke Aupuni o Hawaii nei, nolaila, ua kaheaia ka Ahaolelo Senate kuikawa e noho e noo-

noo no ke apono ana i na kuikahi la, a ma ka la 9 o Sepatemaba oia makahiki no, ua apono lokahi iho la ia Aha i ua kuikahi la, mahope iho o ko lakou noonoo ana me ke akahele loa. He eiua hoi la mahope mai, ua kakauinoa iho la ka Peresidena i ua kuikahi ia. 0 ke kope hoi o keia kuikahi e waiho ana ma ka lima o Peresidena MoKinley ua hoounaia aku la ia i ka Aha Senate o Amerika, ma ka la 16 o lune, 189«, me kekahi palapala kuikawa mai ka Peresidena aku, e hoakaka ana i ke Senate, he mea pono ke aponoia ke kuikahi.

Ua hoike mai ka Peresidena (no ka manawa) aia a hiki i ka wa e kukaiia a panaiia hoi no kope o na kuikahi mawaena o na Aupuni elua, ka wa ia e pau ai ka noho mana maoli ana o ke Aupuni nona iho, e like me kona kulana e ku nei i keia wa. KA BILA HAAWINA.

Ua hoakaka mai la oia he mea pono i na hoa o ka Ahaolelo ke noonoo akahele no ka mea e pili ana i ka Bila Haawina no na makahiki elua e nee aku nei, a pela nohoi me na kanawai kupono a maikal no ka pono o ka lehulehu. Aole hoi e pono ke hanaia kekahi mau hana e ka Aliaolelo i mea e hookuemi hope ai i ka holopono ana o ke kuikahi e noonooia nei i keia wa e ka Aha Senate o Amerika( a i ole ia, i kahi wa e ae paha oia kuikahi e hoalaia mai ai ma keia hope aku. HOOPAE LIMAHANA lAPANA. Ua hoike mai oia, eia i keia wa ke hoomakaukauia nei ka heie ana aku 0 ka noonooia ana o ka ninau lapana 1 noonoo nui ia iho nei mawaena o keia Aupuni ame ke Aupuni o lapana, i kahi wa i hala ae nei, ma ke ano aha hookolokolo uwao. NA LOAA 0 KE AUPUNI. Hoike mai oia i ka maikai o na loaa 0 ke Aupuni iloko o ka makahiki i hala, a o kekahi kumu nana i hooholo pono loa mai i keia ne« maikai ana o na loaa Aupuni oia no ke kanawai auhau o 1896. A ma ka mea e pili ana 1 ke ano nui o ua kanawai la, ua maikai no ka hoohanaia ana, a he uuku wale no ka mea i hookuia ia o ua kanawai la. Hoakaka mai la ola no na Bila Haawlna e waihoia mai ana e ke Kuhina Waiwai; pela hoi me ka hoohuihui hou ana i ka aie Aupuni a owiliia iloko o hookahi aie no ka ukupanee haahaa, oiai ua loaa i ke Aupuni ka hllinaiia. Hoakaka mai nohoi oia no na hana hou o loko nei o ka aina, mai Hawaii a hiki i Kauai. NA PAIPU HOOMAEMAE O HONOLULU NEI. Hoike mai oia no ka hooliloia ana o ka huina o $10,000 1 hookaawalela ai

e kela Kau Ahaolelo aku nei no ka oihana hoomaemae o Honolulu nei. Ua loaa mai he kanaka eneginia makaukau no kba hoomaopopo ana i ua hana la. A ma ke koho ana a keia kanaka, ua aneane e hiki na lilo apau no keia oihana hoomaemae i ka hapalua miliona dala. Mawaena o na mahele manao hope ana i hoakaka mai ai maloko o kana haiolelo, oia ka mea e pili ana i ke kukuluia ana o na halekula e malama ia ai na keikikane ame na kaikamahine lalau a hoolohe ole i ko lakou poe makua. He aneane hapaha hora ka loihi o ka manawa i lilo ma ka heluheluia ana o ka haiolelo. AHA SENATE. Mahope iho o ka akoakoa ana mai 0 na hoa o keia hale, ma ka hoomalu ana a ka Peresidena Waila, ua ikeia aole i hiki mai o Senatoa Horner o Maui ame Senatoa Wilcox o Kauai. Kohoia o George Manson o ka nupepa Buletina i Kakauolelo. O Carpenter i makai no ka hale. 0 Rev. G. L. Pearson, kahunapule o ka Ekalesia Metodita Epikopale o Honolulu nei 1 kahuilapule.no ka hale. A hoopanee ia a noho hou ma ka hora 10 o ka Poalima. KA HALE 0 NA. MAKAAINANA. Ua hoomaka mua na hana o keia hale malalo o ka noho lunahoomalu ana a Mr. Loebenstein o Hilo; aka, mamuli o ke noi a Lohikana, ua hoopaneeia ka noho ana o na hoa a ka hora elua.