Ka Nupepa Kuokoa, Volume XXXVII, Number 6, 11 Pepeluali 1898 — KAHI HOOLULU KAA MA WAIKELE. [ARTICLE]
KAHI HOOLULU KAA MA WAIKELE.
Mawaena o na wahi hoolulu kaa lehulehu loa o na ohua e kau ana i kaa ahi o ke alanuihao o Oahu nel, oia no kahi hoolulu kaa ma Waikele; aka, o ka pilikia nae, aohe hale hoolulu kaa maoli o ke alahao malaila, oiai nae na wahi hoolulu e ae o ua Hui , kaa ahi la, ma Ewa, ua loaa na hale hoolulu, na wahi e hiki ai i na ohua ! ke noho me ka oluolu, oiai e kali ana o ka hoea mai o ke kaa. Manao makou, he hana pono loa i ka Hui Alahao o Oahu ke kukulu i hale 0 keia ano ma kela wahi, oiai he lehulehu maoli na ohua e kau ana ma kela wahi iluna o ke kaa. I ahona na kanaka 6 kela wahi i kahi halekuai Pake, e ku la maiaila; aka, aole no ia 1 lawa no ka hooholo pono ana i na hana ma ka aoao o ka Hui. O ko ka Hui hoolawa ana i hale maikai a kupono oia ano malaila, he haawi ana ia i ka maalahi ma ka aoao o na ohua e iho ana mai uka mai o Waipahu.