Ka Nupepa Kuokoa, Volume XXXVII, Number 6, 11 Pepeluali 1898 — Opiuma ame Kamu. [ARTICLE]
Opiuma ame Kamu.
Mamuli o na hoike a na Makai Nui mai na Mokupuni mai o kakou iho nei, imua o ka Ilamuku, ua ikeia ko lakou lokahi like ana, ma ka olelo ana, he mea hiki ole loa ke pau ke kuai malu ia ana o ka rama ma na wahi he lehulehu loa o Hawaii nei. Ua oi aku ka pono e laikiniia ke kuai waiona ana ma na wahi kupono o na M6kupuni, no ia hana. No ka mea hoi e pili ana i ka Opiuma, ua manao ka llamuku, he mea maikai loa ke laikiniia ke kuaiia ana 0 ka Opiuma, oiai nae ka Loio Kuhina 1 kue ai i keia manao maloko o kana hoike imua o keia Kau Ahaolelo ae. He mea maikai no ka haawi ana i na noonoo akahele ana maluna o keia mau ninau, oiai he mau mea pili keia i ke ola o ka lahui, ame ke ola o ka Waihona Aupuni. Ke kaohiia ana o na hana kuai rama liilii a na Pake, īapana, Pukiki, Hawaii a poe e ae, e lawelawe mau nei ma na wahi he lehulehu loa o loko nei o ka aina.