Ka Nupepa Kuokoa, Volume XXXVII, Number 6, 11 Pepeluali 1898 — Page 3

Ka Nupepa Kuokoa

KE KILOHANA POOKELA NO KA LAHUI HAWAII

 

 

 

KA HUI ALAHAO ME AINA O OAHU

 

MANAWA HOLO.

@@ a Mahope aku o Iulai 5, 1895

@ ealele ia Manana

@@aelel Wili o Ewa

E @@ Waianae

 

 

 

 

	Waiane, kaa huiha@, @na la apau koe ke Sabati.	Waialua, kaa ohua, na la apau.	Waianae, kaa ohua, na la apau.	Wili o Ewa, kaa ohua na la apau.
	A.M.	A.M.	P.M.	P.M.
Manana	7:40	9:58	2:28	5:58
Wili o Ewa	8:10	10:19	2:49	6:14
Waianae		10:54	3:24	6:49
Waialua	…..	12:00	5:38	…..

 

 

 

	Wili o Ewa, kaa olua, koe ke Sabati.	Waialua, kaa olua, na la apau.	Waianae, kaa huikau, na la apau, koe ke Sabati	Waialua, kaa ohua, na la apau.	Wili o Ewa, kaa ohua, Sabati wale no.
	A.M.	A.M.	A.M.	P.M.	P.M.
Waianae	6:14			1:32	4:16
Wili o Ewa	7:19	9:10	2:07	3:51	4:51
Manana	7:50	9:48	2:38	4:22	5:22
Honolulu	8:23	10:30	3:11	4:55	5:55

 

E lawe ana na kaa ahi hali ukana i na kaa

@@@ o ka papa ekahi.

  G. P. DENISON,

         Luna.              F. C. SMITH,

                       Luna Kuai Palapala Holo

 

NU HOU HAWAII

 

Ua pau i ka a ia e ke ahi ke hale moho o Mr. C.W. Macfarlane, ma Manana ae nei, ma ka po Poakahi nei, Iuanuari 1, a ae ae Poalua.

He luina o Kimokeo, kela Hawaii i @@ai ka heihei au ma ka la heihei moku aku nei, no luna o ka mokuahi Kimo Maki.

Ua lilo ae nei ka aina o Kalae, Molokai, ma ke kuai kudala, ma ka Poalua nei, ia A.D. McClellan o Bosetona, no ka huina o @250,000.

 

Ua waiho aku nei nohoi o Rev. D.P. Binie i kona noho kahu ana no ka Ekalesia O Kaukeano.  O ka la 25 o iulai ae nei, kona wa e waiho ai i ka hana.

Ma ka Poakahi nei i noho ai ka Aha Jure o ka Aha Kaapuni o Oahu nei, no ke Kau Kiure o Feberuari nei.  He nuku loa na wahi hihia hewa imua o na Kiure Hawaii.

Aia ke pai ana o ka Nupepa "Ka Ahailono o Hawaii" ma ka helpai o ka Nupepa "Ka Loea Kalaiaina," mauka ae nei o Kapalama, ma ka huina o na Alanui Moi ame Liliha.

 

E puka mai ana he nupepa puka mahina o umi-kumamaha aoao ka nui, nona ka inoa "Ka Lei Rose o Hawaii," mai ka halepai mai o Ka Loea Kalaiaina, me keia mua kokoke iho

 

Ke mana ʻ o loa ia nei e lilo aku ana ia rM.J.L Kaulukoa ka noho Lunahoomalu no ka Hale o na Lumamakaainana, me keia kau o ka Ahaolelo a noho mai.  Maikai no.

 

Ua hanauia mai he keikikane mai ka puhaka mai o Mr. ame Mrs. Kapololu.  He maikai no ke ola kino. Ma Waimea. Hamakua, Hawaii, ma ka la 3 o Ianurai, M.H. 1898.

 

Ua waiho aku o Prof. Richard, kumun@i o ke Kula Kamehameha i kona noho kumu ana no ke Kula Kamehameha.  E komo aku ana paha oia ma ka oihana kahunapule ma keia mua aku.

 

Ma ka Poalua nei, ua haule o Dr. Mori mai luna mai o kona kaa, oiai ia e holo ana ma ke alanui o Palama.  Ua oleloia i hookuiia mai oia e ke kaa hapa-umi e holo mai ana mahope mai ona.

 

E haawi ana ka Hui Hawaii Imi a Huli Moolelo he aha haiolelo akea maloko o ka hale hui Y.M.C.A. ma keia ahiahi. Elua mau mea e haiolelo ana i keia po, ka Loio Paulo Numana ame Mr. Thos. G. Thrum.

 

ma ka Poaona aku nei, ua haule mai ia kekahi kii e kau ana maluna ae o ke pakaukau o ke kakauolelo Mr. Henry C. Myers, o loko o ke Keena Kalaiaina, a pa iho la iluna o kona poo. Aole no nae hoi i nui ka pilikia i loaa me @a ulia ana.

 

I keia kau kinipopo ae, e hoomaka i na ma ka la 9 o Aperila ae nei, ekolu wale no hui kinipopo e paahana ae ana.  Hui Regimena, Hui Uniona ame Honolulu. O ka paio mua e hookala ana, mawaena ia o ka Honolulu ame ka Uniona.

 

He mea pono i kela ame keia ohana ke loaa ona laau lapaau mama no na ma ʻ i o ka opu.  I laau lapaau puhili ole no ka "Moku ino loa a ka lepo" (Diarhea) Nahu, Unii, Kolera ame na ma ʻ i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer).  Ua lawelawe keia laau no na makahiki he kanalima, a ke hana mau ia nei i kela ame keia la, ma na aina apau o ka honua nei. O ka Hui Kuai Laau Lapaau o Hollister, ka Agena.

 

 

E nana ae i ka makou mau olelo hoolaha e puka aku nei ma ko makou pepa o keia la.

 

Ke lehulehu loa mai nei na hoolala kukulu hale-pohaku hou o Honolulu nei i keia mau la.

 

Ma ka Poalua nei i hala aku ai o Hamuku Brown no ka Mokupuni o Kauai, a e hoea hou ana paha oia no Honolulu nei ma keia la no (Poalima).

Ua lilo mai nei ia Mrs. Nakuina o Honolulu nei, ma ke kuai ka hale ai hau karaima o Mrs. Verriera ma Hilo, Hawaii.  He holomua keia.

 

Ma kekahi la o ka pule i hala, ua hoopomaikai hou ia mai ko Mr. R.W. Wilikoki kihapau hoolaupai lahui, ma o ka hanau ana mai o kana Aliiwahine Owana, he Kaikamahine.

 

He Aha Mele kai haawiia ae maloko a ka luakina o Kawaihao, ma ka po Pokahi nei, no ka pomaikai i kahi halepule o Kamooilili. Ua himeni ae o Miss Nolte Paulo Isenberg o Waialae ame kakahi poe puukani e ae.

 

Ma ka Poalua aku nei  o keia pule i malama ae ai kekahi poe koho balota o Hilo he halawaimakaainana no ke ao ana mai i ko lakou poe

lunamakaainanana ame na Senatoa no ka lakou mau hana e hana ai ma keia Kau Ahaolelo ae.

 

Ma ka Poalua nei, Feb. 1, i mareia ai o Miss Grace Richards, kaikuahine o Prof. Richards o ke Kula keikikane o Prof. Richards o ke Kula Keikikane  o Kamehameha, me Prof. Ralph F. Woodward.  Na Rev. Dr. C. M. Hyde i mahamaha ae ka leo pule.

 

Ua hanauia ma Lihue, Kauai, mai ka puhaka mai o Mrs. Kanehehena Maile, ka wahine a Mr. Maile, he kaikamahine mohaha maikai, ma ka hora 4 p.m. o Ianuari 26 aku nei.  O ka helu elua iho la ia o na moopuna a ko makou hoaloha Mr. W. H. Tell, e noho mai la i ka aina kaili la o Kauai.

 

Maloko o kekahi palapal hou loa mai nei, mai Wasinetona mai, Apana, o Columbia, i kakauia i kekahi hoaloha, ua hoike mai la o Mekia G. A. Studer i noho Kanikela Amerika ma Singapore, penei: "Oiai au ma Des Moines, ua kamaaina iho la ua i ka laau hamo i ikeia, ka Laau Hamo a Kamalena, a ua ike au he laau maikai loa ia no ka Ma ʻ i Rumatika, a pela nohoi no ka eha o ka umauma ame ka pu ʻ u, (ua maikai a oluolu ko ʻ u hanu ana). Aole loa au e ae e nele iki au ia laau."  E kuaiia ana e na poe kuai laau lapaau apau ame na poe kawili laau.  O Benson, Smith & Co., na Agena me Ko Hawaii Pae Aina. *

 

Ma Waiakea-kai, Hilo, Hawaii i make mai nei kekahi kanaka o Kaaiakea kona inoa. Ma ka Poaha o kela pule aku nei i make ai oia. Ua oleloia he 110 ona mau makahiki. Ua ike oia ia Kamehameha I. a ua hele pu oia me ia i ke kaua.  Ma ka wa i make ai o Kamehameha, ua hiki kona mau makahiki i ke kanakolu.

 

Ma ka hora 6 a oi o ka po Poakolu nei i loaa mai ai he lono telepona mai ka Mahiko mai o Ewa ae nei, ua kaawe ae kekahi Iapana iaia iho.  Ua loaa aku kona kino make e lewalewa ana ma kekahi kaula i nakiikiia ma ka o ʻ a o kona rumi i noho ai.  Aole i maopopo ke kumu o kona lawe ana i kona ola elike ae la me keia.

 

I kekahi mau la i kaahope ae nei, ua hookuuia mai la o Pua, kela kanaka lauoho loloa i noh ai ma Kaalawai, mai ka Halemai Pupule mai, no ka hoouluolu iki ana iaia, eia nae, ua ike ia no, aole i pau kona ano eepa, nolaila, ua hoihoi hou ia oia iloko o ka halemai.  Ua olelo kekahi poe e noho kokoke ana ma ia wahi, ua ike lakou ia Pua me ka laau ihe ma kona lima, me ka buke baibala ame ka puolo lole, a e noke ana i ke kamailio oia wale iho no.

 

Ke hopuh@pu mai nei ka Oihana Makai i na wahi Pake hoohamama ae i na wahi hale kuai mea ai i ka la Sabati i mea e pono ai ka lehulehu, he haihai kanawai ka ia, a i na poe kikipu hoi i na la Saati a pau, aohe o lakou hopuhopuia. He mau hana kapakahi keia a ka oihana malama maluhia io ke Aupuni.  Ina i makemake e hookapu i ka la Sabati, e hookapu i na mea apau i kue i ka maluhia o ke Sabati.

 

I keia la i hoea mai ai o Frank Sherwood, a o ka wa mua loa nohoi ia o kona ikeia ana mai, mahope iho o kona loohia ana i ka ma ʻ i kolera morbus. Olelo mai oia, ua holoia e ia maluna o ke kaa he kanakolu mile mahope iho o kona loohia ana i ua ma ʻ i la, a aneane oia e make.  Aka, mahope iho o keia, iaia i hele aku ai i kuaaina, a e lawe pu ana oia me ia i omole laau o ka Laau Ola a Kamalena no ke koera ame ka Hi. —Missouri Valley (Iowa) Times.  Ekuaiia ana e na poe kuai laau lapaau apau ame na poe kawili laau.  O Benson, Smith & Co., na Agena ma Ko Hawaii Pae Aina.

 

UNITED STATES SENATOR ALEXANDER STEPHENS CLAY.

Senator-elect Clay, of Georgia, was born on a farm.  He was a poor boy and has won success by pl@@@@ severance and hard work.  He was speaker of the Georgia House in 1889, has @@@@ senator and is a lawyer and a silver man.

 

O Senatoa Etephens Clay keia o Georgia.  He kanaka naauao no keia.  He loio kana oihana.

 

NO KA MOKUPUNI O HAWAII.

 

E noho ana ka Aha Euanelio o ka Mokupuni o Hawaii ma ka Luakini o Kohanaiki, Ekalesia o Kekaha, ke hiki aku i ka la 17 o Maraki, Poaha, 1898.

 

W.M. KALAIWAA,

Kakauolelo o ka Aha.

 

HANAU PUKOLU.

 

Ma ka po Poalua iho nei i hanau mai ai ka wahine a Ah Chong, ka Pake hookani bele o ka luakini o Sana Anaru, Honolulu nei, he mau keikikane ekolua. He maikai ke ola o ka makuahine ame ua poe keiki la i keia wa.

 

"KA LEI ROSE O HAWAII."

 

Mamuli o ka oluolu o Mr. Robert Hoapili BAker ka Lunahooponopono a ka nupepa nona ka inoa maluna ae nei, ua loaa mai la ia makou ka Helu 1 oia pepa.  He wahi mupepa keia e puka ana e elua manawa ilojo o ka mahina.  Ma ke la 1 ame ka la 15 o kela ame leia mahina. Ua like loa kona ano ame kona kulana me ko ka Nupepa "Ka Hoku o ke Kai," i puka ai i kahi mau makahiki i kaahope loa ae nei.  He 16 aoao ka nui. O kona uku he 15 keneta no ke hope hookahi, a he 25 keneta no ka mahina, ma ka hookaa mua.

Aole i maopopo loa ia makou e hookokoke mai ana paha ua "Rose" nei "o Hawaii" i ka Poai Kalai Aupuni o Hawaii, aole paha.  Aka, ma ka nana aku nae i na hoomaau hoomaka mua o kona Helu 1; i puka ae nei, ua ikeaia kekahi mau maawe manao hooheno pili Aupuni.

 

OLELO HOALOHALOHA.

 

Ia Mrs. H. Kamakahiki ame na keiki i hooneleia i ka makuakane ole, welina wale: —Oiai, "aole he wahi paa maanei, nolaila, ko ke Ao uwe ana" a oiai ua oluolu ia e ka Akua Keikie loa ka lawe ana aku i ka Uhane o kekahi o na makua o ka pono o ka olelo maikai a ka Haku me ka minamina nui ia ma ka po Poalua, Jan. 25, hora 9p.m. ma Kalaupapa nei, i ka Aina a ke Ehaeha; Nolaila

Hooholoia, O makou o na lala ame na oa o ka Ahahui Hooikaika Hana Karistiano o Kalaupapa, Molokai, ke haawi aku nei makou i ko makou aloha nui i ka ohana i hoonele loa ia i ka makua ole, ame ka makuahine i nele i ke kane ole, a nolaila;

E hooholoia, ke komo pu aku nei makou i ka u pu ana no ka mea i hala aku me ka aloha nui ia, a ke pule nei makou e hoomama ia mai ka naau kaumaha o ka ohana; o ko kakou ola ana, he mahu no ia i pu-a ae a noal iho.

Ma o

WM. NOTLEY,

Peresidena.

ROBT. M. KAAOAO,

Kakauolelo.

Kalaupapa, Molokai, Feb. 2, 1898.

 

PEHEA LA NA HAWAII HOOHUI AUPUNI?

 He mea na mokou i makemake nui, ka ike ana aku i na Hawaii i ku ma keia ao ao kalai Aupuni o kakou nei, e ku mai ana lakou me ka maloeloe a hoakoakoa ae ia lakou iho ma ke ano Ahahui Kalai Aupuni no lakou Hawaii ponoi.  E kukulu lakou i mau ahahui kalaiana no lakou iho.  E noho ana lakou me ka makaukau nui i na wa apau, no ka noonoo ana i na mea e pono ai lakou, ma ko lakou

 

ano Hawaii iho.  Ina paha e hui io ana kakou me Amerika Huiia, a hiki i ka wa e ninau mai ai ka Peresidena o Amerika Huiia i na kanaka Hawaii kupono ma Hawaii nei, no kekahi mau oihana Aupuni i manaoia ua kupono ke lawelaweia e na Hawaii maoli, alaila, i ka ahahui hea e hiki ai e ninauia mai ai keia mau ninau oiai ua nelena Hawaii Hoohui Aupuni i ka Ahahui Kalaiaina makaukau e noonooia ai ko lakou mau pono.

E kala kahiko no nae makou i pai mau aku ai i keia manao; aka, a hoea mai i keia wa, aole loa makou i ikeiki ua hoala mai na Hawaii i na aha hui o keia ano.

Ke paa nei na hoaloha ili-keokeo o kakou nei i na ahahui o keia ano, nokeaha? No ko lakou ike anei, he mau mea waiwai ole ia? Aole; aka, no ko lakou ike, aia maloko o na ahahui e loaa ai ia lakou na kaana pono ana i ko lakou mau noonoo ana ma na hana e pili ana i ke Aupuni.

 

Aia ke paia ana ane ka hoonohoia ana o ka Nupepa Hawaii "Ka Ahailono o Hawaii," me ke hale-pai o kekahi o na Nupepa Pukiki o Honolulu nei.

 

Ma kela Poaona aku nei, ua holo aku he 30 a oi aku kaikamahine o ke Kula Kaikamahine o Kamehameha no lalo o Manana, Ew ae nei, no ka hoohala manawa ana.

 

Ua oleloia he 800 ka nui o na poe makaikai i hoea aku ma ke kahua puhi ohe po mahina o ka po Poakahi nei.  Ua nui ka mahaloia o ka himeni ana a Miss Kanoho ma ia po.

 

HOOLAHA MANA @OOKLOKOOLO.

AHA  KAAPUNI O KA APANA KAApuni Elima o Ko Hawaii Pae Aina. Ma ka Hooko Kauoha.  Ma ke Keena. Me ka Hana o ka Waiwai o G.B. Meheula(k) o Anahola, Kauai.

Oiai, ua waihoia mai kekahi palapala i oleloia he Palapala Hoilina a Kauoha Hope Loa ia na G.B. Meheula o ANahole, Kauai, i make, ma ka la 31 o Ianuari, A. D. 1898, i ka Aha Hooko Kauoha, ame ka Palapala Noi e hookoia ua kauoha la, a e hoopukaia hoi na Palapala Hooko Kauoha is W. H. William, i waihoiea mai e Pupuawa (w), ka wahine kane-make a ke mea i make.

Ma keia, ua kauokaia o ka POAONO, la 12 o Maraki, A. D. 1898, ma ka hora 10 a.m. o ua la la ma ke Keena Hookolokolo o ua Aha la Lihue, oia kahi ame ka manawa e hooiaioia ai ua kauoha la, a e hooloheia ai ua noi la. Hanaia ma Lihue, Kauai, Ko Hawaii Pae Aina, ma keia la 31 o Ianuari 1898. Na ka Aha:

P.W.T. PURVIS,

2689-3t                              Kakkauolelo.

AHA KAAPUNI WLUA O KO HAWAII Pae Aina. ma ka hana o ka waiwai o Kamakala (k) o Paia, Makawao, Maui i make kauoha ole. Imua o Lunakanawai J.W. Kalua. He Kauoha Hoolaha no ke noi e mahele i ka aina.

Ma ka heluhelu ana ame ka wiahoia ana mai o ke noi a Koba Kamakala (k) o Makawao, Maui, e olelo ana ua make kauoha ole o

Kamakala (k) o Paia, Makawao, Maui,  ma Paia, Makawao, Maui, ma ka la 7 o Maraki, A.D. 1891, me ka waiho ana iho he waiwai la mawaena o ka poe kuleana ia waiwai.

Ua kauohaia o ka POALUA, la 15 o Maraki, A.D. 1898, ma ka hora 9 a.m., oia ka manawa i hookaawaleia no ka hoolohe ana i ua noi la, maloko o ke Keena Hookolokolo o keia Aha, ma Wailuku, Maui, a me is manawa a ma ia wahi e hele mai ai na poe a pua i pili i ua hana la a e hoike mai i kumu, ina he kumu ka lakou, no keaha la e ae ole ia ai ua noi la.

Na ka Aha:

      H. TALLANT,

Wailuku, Hope Kakauolelo Aha Kaapuni Mahele Elua.

Wailuku, Feberuari 4, 1898.

2689-3t

 

AHA KAAPUNI O KA APANA HOOkolokolo Elima o ka Hawaii Pae Aina. Ma ka Hooponopono Waiwai. Ma ka Hana o ka Waiwai o James Gilman o Eleele, Kauai, i make.

O ke noi ame ke hoike a ka Lunahooponopono Waiwai o ka waiwai i oleloia ae la, maloko a laila i nonoi ai oia e nanaia a e aponoia kana hoike no ka mahelehele ana i na waiwai e paa nei ma kona lima i ka poe i kuleana ia mau waiwai, a e hookuu ana hoi iaia mai @a koikoi mai apau oia ana Lunahooponopono.

Ua kauohaia, o ka Poaono, la 12 o Maraki ae nei, ma ka hora 12 a.m.,me ke Keena, ma ke Hale Hookolokolo ma Lihue, oia kahi i kohoia a o ka manawa nohoi no ka hoolohe ana i ua noi la ame ka hoike, a e hele ae na poe apau i kuleana i ua waiwai la ma ia wa a ma ia wahi, a e hoike mai i kumu, ina he kumu ka lakou, nokeaha la e ae ole ia ai ke noi.

Lihue, Ianuari 29, 1898.

Na ka Aha:

      R.W. PURVIS.

2688-3t

ILOKO I KA AHA HOOKOLOKOLO Kaapuni, Apana Ekahi o ko Hawaii Pae Aina. ma ka hana o ka waiwai O PELEKINI (w), o Waimanalo, Oahu, i make.

Oiai ua waihoia mai ka Palapala Kauoha a Hooilina Hope loa a ke mea i make i oleloia ae nei i ka Aha Hookolokolo i oleloia me ka palapala nonoi hoi no ka hookoia ana o ua Palapala Kauoha la a Hooilina hoi, a no ka hoopuka ana i na Palapala Hooko Hooilina ia KAAIAWAHIA (k), ma keia kahoolahaia aku nei, o ka POALIMA, MARAKI 11, 1898, ma ka hora 10 o ke kakahiaka, ma Aliiolani Hale, ma Honolulu, oia ka manawa i kohoia ai ame kahi e hooiaioia ai ua Palapala Kauoha la, a e hooloheia ai ua noi la, a ma ia wa a ma ia wahi no hoi e hele ae ai kela ame keia mea e hoike mai i kumu, ina he kumu ka lakou e ae ole ia ai ke noi o ua palapala noi la.

na ka Aha;

J.A. THOMPSON,

Kakauolelo.

Honolulu, H.I., Ianuari 27, 1898.

Kela ame Keia.

OLELO HOOLAHA HUI.

Ke hoolahaia aku nei ma keai, ua hoohui ae nei na mea no laua na inoa malalo iho nei, i keia la, malalo o ka inoa hui, "Klemme ame Juen," no ka lawalawe hana ana ma ka oihana kuai waiona ma Honolulu, Oahu.

Hanaia Feberuari 7, 1898.

H. KLEMME, Honolulu, K.H.P.A.

H.A. JUEN,

Honolulu, K.H.P.A.

2689-2t

 

NALOWALE, AEA A AIHUEIA PAHA

 

He lio eleele, me kahi kiko hokukeokeo ma ka lae, kuniia PC, ma ka uha hope. Eukuia aku no he uku mahana ke hoihoiia mai ia i ka mea nona ka ino malalo iho nei.

A. PERRY,

Hale Hookolokolo.

2689-3t

 

HOOLAHA HUI.

 

Ke hoolahaia aku nei ma keia, ua hoohui ae nei na mea no laua na inoa malalo iho nei, malalo o ka inoa hui

"Bergan ame Gorham," he Mau Mea Hana Aelike Laula, ma Honolulu, Mokupuni o Oahu, Republika o Hawaii.

M.W. BERGAN,

Honolulu, @@P.A.

W.G. GORHAM,

Honolulu, K.H.P.A.

Hanaia Feberuari, 7, 1898.

2689-2t

KUAI O NA HOOLIMALIMA AINA KOPE.

 

Mamuli o ke kauoha a na Kahu Waiwai o ka waiwai o B.P. Bishop, e kuai kudaia aku ana o James F. Morgan i na hoolimalima no ka manawa o iwakalua-kumamakahi (21) makahiki, i kekahi mau apana aina waiwai nui no ke kanu kope ame na huaai, e waiho la ma ka mahele o Keei 1 ame 2, Kona Hema, Hawaii.

E malamaia ana ke kuai ana ma ka Poakolu, Maraki 23, 1898, ma ka hora Umikumamalua o ke awakea, ma ka hale kudala o Morgan, Alanui Moiwawahine, Honolulu.

Eikeia no na Kii o na Aina ame ke ana o ka palapala hoolimalima, ma ke Keena Aina o ka Waiwai a B. P.

Bishop, Alanui Kalepa, Honolulu, a ma kahi o Mr. J.D. Paris, ma Napoopoo, Kona, Hawaii.

2689-td

 

OLELO HOOLAHA KUE.

 

O ka Hoolaha Kuai Kudala Aina a H.R. Rycroft i ka aina nona ka R.P. Helu 1009, e waiho nei ma Kalapana, Puna Hawaii, ke hiki aku i ka la 11 o Feberuari, 1898 nei, ma keia, ke

 

Vapo Cresolen He Laau Hoola.

Oiai no Oe e Hiamoa ana no ke

Kumu Kalea, ka Hano Kunu Ho, ka Nalulu Kau, ke Anu

 

Ma ka wa e hoopunohia ai ka uwahi o ke CRESOLENE maloko o ke keena o ka mea ma ʻ i, e loaa koke no ka oluolu. He ka mahao kona ikaika hoola, a ma ia wa hookahi nohoi e kaohiia aku no ka pahola ana mai o na ma ʻ i lele, ma o kona lili ana he laau kinai ma ʻ i, a he laau pilikia ole nohoi no na keiki. Ekuaiia ana e na poe hana laau.  E haawi wale ia no ka buke hoakaka.

HOLLISTER DRUG CO., Honolulu, H.I. na Agena.

 

hai mua aku nei au, mai koho kekahi i ua aina la, o poho oia a lilo i hana nui mahope aku, Oiai, ua paaia, malamaia, a hoomaluia

ua aina la e a ʻ u, no ʻ u iho no 20 makahiki a oi, me kekue ole ia mai iloko oia manawa.

A ua hoolaha aku au pela ma ka nupepa Aloha Aina i ka malama o Iune, M.H. 1897, ma na Helu 23, 24, 25, ame 26. J.K. KAWAIWAI.

Kaimu, Puna, Hawaii, Ian. 29. 1898.

HOAKAKA O KA BANAKO O HAWAII, KAUPALENAIA.

 

Ke koi nei ka Pauku 14 o ke Kanawai Banako 0 1884, ma ka Poakahi hope o Ianuari o kela ame keia makahiki, e hoike ai na Banako i ke kulana o ka lakou mau o ka lakou mau hana, ma ke ano no ka ka la 1 ia o Ianurai.

Eia iho ka Hoakaka o na Hana o ka Banako o Hawaii i Kaupalenaia, no Ianuari, 1, 1898:

I ke kumuwaiwai kumupaa o ka Hui he $450,000, i meheleheleia iloko o 4000 mahele kuleana, he $100 no ka mahele hookahi.

Ua auhauia hoi a loaa ka huina o $75 no ka mahele hookahi, a mamuil oia, ua loaa mai la he $300,000.

NA AIE—LIABILITIES.

Kumuwaiwai kumupaa i hookaaia                                           $300,000,00

Na dala i hoohuiia mai                                                                      93,712.59

Na Aie e ae ……………………………………………………             823.03

                                                                              _______________________

                                                                                    $394, 535.62

NA KUMU LOAA—ASSETS.

Na Bila Kikoo Dala i ko na

Aina E ame na Nota Aie.                                            $ 88,077.82

Dala ma ka lime…                                                $254,247.709

Na Bila Kikoo, &c.                                    5,601.44   259,849.14

 

Na mea hoopaa e ae ……………….                             46,608.66

________________________________________

 

                                                                                    $394,535.62

PC. JONES, Peresidena.

Honolulu, Poakahi, Ianuari 31, 1898.

Kakauinoaia a hoohikiia ma ka la

31 o Ianuari, 1898.

E.A. MOTT-SMITH,

notere no ka Lehulehu.

2688-3t

OLELO HOOLAHA I NA POE AIE.

Ke hoolahalaha aku nei na poe Luna

Hooko Kauoha, no lakou na inoa malalo

iho nei, malalo o ka Palalapala Kauoha a Jared K. Smith, M.D., o Koloa, Kauai i make,  i

ma na poe apau he mau koi ka lakou ma ka Waiwai o Jared K. Smith, i make, e waiho mai ia mau mea ia W.O. Smith, ma Honolulu, iloko o eono mahina mai ka la i hoolahaia aku ai keia hoolaha, a i ole ia, e hoole mau loa ia aku no ia mau ko.

WILLIAM O. SMITH,

EMMA C. SMITH,

A. JULIETTE SMITH,

Na Lunahooko Kauoha.

2686-4t

_______________________

Theo. P. Severin

(KA POLEMA MA).

He mea Pa ʻ i Kii Hooleleaka.

 

E hana ana oia i na kii nani loa ma Honolulu nei no ka uku haahaa loa. E paiia ana na Kii Ahaaina, Mare, Hoolewa, na Hale Noho, a pela aku.

 

E hoonuiia ae ana na kii mai na kii liiliii mai.

Alanui Nuuanu, ma keia aoao aku o ka Alanui Pauahi. Aia iluna.

2664-12ms

______________________

Makemake Makou

I ka Oukou Hana

Pa ʻ i ana ame Ka Humu ana I na Buke.

E HANAIA ME KA NOIEAU LOA.

Na Papa Keleawe Inoa me na Hua Kuni Wai Gula.

E hanaia no ia ma ko makou nei Keena a kulike me ka mea i makemakeia

 

KA HUI HAWAIIAN GAZETTE

Na Poe Hoolaha.

Hale Pohaku o Von Holt, Alanui Moi, Honolulu.