Ka Nupepa Kuokoa, Volume XXXVII, Number 5, 4 Pepeluali 1898 — HE MANAO PAIPAI AKEA I NA POE KOHO, NA POE HOOKAA AUHAU AME NA POE NOHO O KA APANA ELUA O KA REPUBALIKA O HAWAII. [ARTICLE]

HE MANAO PAIPAI AKEA I NA POE KOHO, NA POE HOOKAA AUHAU AME NA POE NOHO O KA APANA ELUA O KA REPUBALIKA O HAWAII.

E na keonimana: —Ma ke ano he Lunamakaainana no ko oukou pana, ua hooholo no au e hana a koho ma na ninau nui e laweia mai ana i.oko o ka Ahaolelo elike me ka hiki ia'u, elike me ka olelo hooholo a ka hapa nui iloko o ko oukou Apana. Nolaila, ke noi haahaa aku nei au ia oukou pakahi e haawi i ka okou mau pane no nina umalalo iho nei; a e hoihoi mai hoi i keia mau palapala ia'u e'.ike me ka hikiwawe e loaa ana ia oukou. Ua loaa ia'u ka hanohano, Ka oukou kauwa hoolohe, WILLIAM C. ACHI. 1. Makemake anei oe e hooholo i kanawai e auhau ana i na loaa makahiki? Ina e pane ane oe, "Aole," e oluolu oe e hoakaka mai i kau mau kumu. 2. Makemake anei oe e hoomahuahua ia ka oihana Makai iloko o kou Apana? Ina pela, e oluolu oe e hoakaka mai i na hemahema e ku nei i keia wa. 3. Ina e waihoia mai ana kekahi Kanawai e haawiia i pono kaokoa no ka hoomoe ana i Uwea Moe Moana mawaena o Hawaii ame Amerika Huipia; me ka hoike ole ia o kekahi mau hoopaa e hoomoe io ana ka mea noi ma,i e makemake ana anei oe e haawiia ua pono kaokoa la i ka mea me-a noi mai? 4. E hoakaka mai i kekahi mau nr.ea au i manao ai he mea pono e laweia mai iloko o ka Ahao'.e'o. A keia pule ae hoakaka makou i ko makou mau manao malun;t o na kumuhana i ninauia ae la maluua. 4