Ka Nupepa Kuokoa, Volume XXXVII, Number 2, 14 January 1898 — Ka Manao Akea o Kakina. [ARTICLE]

Ka Manao Akea o Kakina.

Ma ko makou pepa o keia la e ike ai ko makou poe heluhelu i ka mahele hoakaka mua o na manao naauao o keia keiki ponoi o ke one o Hawaii. e noho mai la i Amerika Huiia i keia wa, ma ka aoao kokua i ke kumuhana Hoohui Aupuni. E ikeia ana, ma Heia hoakaka, ua lawelawe maoli o Amerika Huiia i ka hana hoohui "aina" a hoohui Aupuni hol ma ka moana Pakipika nei. Ke kuhikuhi nei o Mr. Kakina i kumu alakai imua o Mr. Hoar ame kona poai kue kuikahi Hoohui Aupuni hui maoli ana aku i ka Mokupuni midhui haoli ana aku i ka Mokupuni Mid\vay, e ku ana ma'oko o ka Moana Pakipika Akau, ma kahi he 1,200 mile mai Honolulu aku nei, a he 3,500 mile i ia mai Kapalakiko mai. A wahi a ka Loea Kalaiaina o Hawaii, Mr. Kakina. ke olelo nei oia., ina hiki ia Amerika ke "hoohui aina" ae i ka pewa hiu o ka lalani mokupuni o ka Pae Aina 0 Hawaii, ma kona welau komohana, nokeaha hoi e lilo ai kona hoohui ana aku i ke poo o ua lalani mokupuni la i mea. kue Kumukanawai? 0 Hawaii (ailana) oia ka mokupuni ma ke poo o kela lalani pae moku. Oia ma ka welau hikina a o Midway "Ailana" ma ke komohana. Ke kuhikuhi hou nei o Mr. Kakina 1 ka mokupuni o Alentia i na mokupuni lepo manu maloko nei o ka Pakipika i lilo i mau waiwai aina no ke Aupuni o Amerika Huiia. He 57 ka nu! g keia mau mokupuni maloko nei o ka Pakipika i hohuiia aku me Amerika Huiia. He 13 mokupuni ma ke Kai Karebiana i lioohuiia ae me Amerika Huiia. Ua ulu mai keia mau hoakaka ana a Mr. iKakina, no ka olelo ana a ka aoao kue, he hana kue Kumukanawai ka hoohui ana mai i na aina i kaa loa aku mawaho o na palena aina o Amerika Huiia. E hoopuipui ana i ka ikaika o keia manao hoakaka o Mr. Kakina, ke kuhikuhi nei oia ia Alaska, ma ke ano he aina ia, i kaawale loa mai ke kino akoakoa hookahi o Amerika Huiia, nokamea, e okiia ana kona pili ana mai i na lihi o keia kino akoakoa o na mokuaina huiia o Amerika, e ke kalana aina nui hewahewa e paa ia nei e Beritania, oia hoi o Beritania Amerika, ame na wai o ka moana Pakipika akau. Aka, ua ae no nae o Amerika Huiia e lawe mai i keia aina kumamao loa mai iaia aku ma ka aina a ma ke kai, a lilo kela wahi i kalana aina nona. Ma keia hana ana a Amerika Huiia, ua ikeia, aole i kue ka hana hoohui aina a Aupuni palia i ke Kumkanawai o Amerika Huiia. Ke kuhikuhi hou nei ia i ke kanawai i kauia e ka Ahaolelo Nui o Amerika Huiia ma ka la 18 o Augate, 1856, i haawiia ai ka maua i kekahi kanaka Amerika e lawe mai i kekahi mokupuni lepo manu maloko o ka Pakipika nei a hooMlo iaia i kalana aina Amerika. Pehea la; ina pau ka lepo o ka manu i ka laweia i mea hoomomona i Amerika, mai luna aku o kekahi o na mokupuni o ka Pakipika nei i hoohuiia aku me Amerika, a pau hoi ka hoi ana o na manu ilaila e hoolue ai ia kumu makemake ia e Amerika Huiia, koe ka mokupuni, alaila, pau anei ko Amerika kuleana ma ia mokupuni, mamuli 0 ke kumu, o kona paa ana i ka lepo maoli o ka aina—ka manu, ke a, ke one, a pela aku—he mea ia e kue al 1 ke Kumukanawai o Amerika Huiia, oiai, ua lilo maopopo iho la ia hana ana, he hana hoohui aina. Ma keia puka hou ana aku o keia manao, e ikeia ai na o'.elo hoakaka a wehewehe kanawai a ka Aha Kiekie o Ameiika Huiia no ka mana i loaa ia Aupuni, maloko o kona Kumukanawai, e hana i ka hana hoohui aina a Aupuni hoi. ' A.