Ka Nupepa Kuokoa, Volume XXXVII, Number 2, 14 January 1898 — MR. AARONA KAUKAU, UA HAALELE MAI I KEIA OLA ANA [ARTICLE]

MR. AARONA KAUKAU, UA HAALELE MAI I KEIA OLA ANA

Ma ka hora 1 o ka po o ka la 2 o lanuari, A. D. 1898, i hookiia mai ai kona hanu hope loa ana. Ua hanauia 0 A. Kaukau ma Poniuohua, Waialua, Molokai, 1824. mai ka puhaka mai o Kaululaau (k) ame Hahakumakaokalani (w), oia nei wale no ka laua keiki 1 ola loihi mai. a piha na makahiki 73. Ua honaauaoia ma ke kula hanai a Laimana ma Hilo, 1545, a komo ma ke kula o Lahainaluna i ka 1846, puka mai ke kula mai o Lahainaluna 1850. Li!o i haiolelo no ka ekalesia o Kaanapali. mamuli o ka hoouna a ke kumu iaia, nolaila, ekolu makahiki o ka noho ana ma ia ekalesia; 1853 lilo i misiona no na Pae Aina o Nuuhiwa, noho malaila e lawelawe ana i kana oihana misionari no na makahiki he umi a oi aku. 1867 hoi mai no Hawaii nei a noho ma ka ekalesia o Waimea, Kauai, no na makahiki eiwa wale no; 1871 lilo i luna ohi auhau no ka apana o Waimea nei: 1873 lilo i lunahelu no Niihau; 1874 lilo i,lunamakaainana mai ka apana aku nei o Waimea no ia Kau. Ua piha iaia na makahiki he 30 o kona noho ana ma Waimea nei. He keiki kane kana, Mr. Aholo Kaukau, he wahine mare, Mrs. H. Kaiikau. Ua waiho iho ia laua me ka ohana. 0 Mr. Aholo o Lahaina i make oia kona pili koko ponoi loa. He makamaka nui o A. Kaukau no na mea apau ke hele aku i ona 'la, he puuwai hamama kona i piha me ka lokomaikai. aole haalele kona mau lima i ka hana, e kiai mau ana i ko iesu mau hana ma ka ekalesia, na ka make i hooki iho i kana mau kokua ana mai. Hala neia pouhana o ka Ekaleeia o Waimea. Aloha kona leo hope ioa maluna o ka laau moe. Ua makaukau au e lele a halawai aku me lesu, aohe kaumaha, aohe kanalua, aka, he hauoli wale no. aohe makau i ka make, ma ka nana akn e liuliu ana no ka huakai hele a hoi no. Nokamea r ua hookokoke ia mai kona maa pono apau e hele ai, aia ma kona aoao kahi 1 waihoia ai. Ua maiamaia he anaina hipa!e hope loa nona ma ka luakīni, ua piha ka luakini i na hoaloha i hele mai. Ua moe aku la ia ma ke kahua Luakini o Lanakila. Ke komo pu aku uei iioko o na kaumaha ana me kt keiki i hooneieia me ka makua ole. ka wahine kane make i hooneleia i ke kane ole. L. A.