Ka Nupepa Kuokoa, Volume XXXVII, Number 2, 14 January 1898 — HE LEO MAI NA MOKUPUNI MAI O KE KAI. [ARTICLE]

HE LEO MAI NA MOKUPUNI MAI O KE KAI.

Rev. C. M. Hyde,— Aloha oe:—Ke hoouna aku nei au i keia leta Kikane no na mea hou. Eia ma ko'u mokupuni na hana a ke kanawai. e hoomalu ana i na kanaka ai-oolea. O ka poe inu rama, ame ka poe aihue ao, na ano hewa no apau, ke hoopaiia nei me na dala kekahi; o ka poe i loaa ke dala e hookuuia ana, a o ,ka poe aole '.oaa ke dala, e hoopaaia maloko 0 ka halepaahao me ka hana ma ka hana oolea. A pela pu aku na hoomaemae honua, ua ano loli iki ae ke au 1 keia mau la. Eia kekahi, ke kauoha nei ke kanawai e hana na kanaka i mau hale maikai no lakou. aole e moe malalo o ka lepo; a pela na hale auau, na hale liilii, a pe'.a aku, a ke hanaia nei ia mau hana i keia mau la. A o kekahi mea hauoli nui ia'u ko ke komisina Pelekane kokua nui ana mai e kukulu i mau luakini no ke Akua oiaio no na pega.na mai o a o. A pela pu no na kula hele la, ua nui ka paipaiia o na makua e hookuu i ka lakou mau keiki ka naauao, a o ka pilikia wale no i ikeia e a'u, aole e loaa na buke hoonaauao i na keiki. Aole hiki ke kuaiia na buke me na hua niu. 0 ka hookaa aie wale no ka mea i ae ia, oia hoi ka aie o ka !ahui holookoa, a ua lana ka manao e pau ana ka aie 0 Maiana nei i keia makahiki. Ina e kokua mai ka Uhane Hemolele i keia lahuikanaka, e lanakila ana. Eia ka mea i koe: 0 na hana a ka Haku ma ke kihapai. he oia mau no; aole no he holomua, he nee malie. 0 ke kumu no o ka nee malie. aole no 1 ikaika loa ka manaoio iloko o ka naau o na hoahanau; he ano like lakou me ka iahuikanaka o ka Iserae'.a, he hele imua a he hoi i hope. Nolaila, e pule nul e na haipuie o ka Pae Aina Hawaii no makou i haule mai ka mana o ka Uhane Hemolele e hoola i keia lahui. Owau no me ka haahaa. D. P. MAHIHILA. Maiana, Aug. 26. 1897. 4 .