Ka Nupepa Kuokoa, Volume XXXVII, Number 2, 14 January 1898 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA SABATI.

HAAWINA IV. - IANUARI 23.

Na Olelo Hoopomaikai. Matalo 5:1-12.

 

            Ike ae la o Iesu i ka nui o na kanaka, pii aku la ia i kekahi mauna: a noho iho la la, hele aku la kana mau haumana lo na la.

            2          Oaka ae la kona waha, 30 mai la oia ia lakou, i mai la.

            3          Pomaikai ka poe i haahaa ka naau; no ka mea, no lakou ke aupuni o ka lani.

            4          Pomaikai ka poe e u ana: no ka mea, e hooluoluia'ku lakou.

            5          Pomaikai ka poe akahai; no ka mea, e lilo ka honua ia lakou.

            6          Pomaikai ka poe pololi, a makewaf no ka pono; no ka mea, e hoomaonaia lakou.

            7          Pomaikai ka poe i aloha aku; no ka mea, e alohaia mai lakou.

            8          Pomaikai ka poe i maemae ma ka naau; no ka mea, e ike lakou i ke Akua.

            Pomaikai ka poe uwao: no ka mea, e iia lakou he poe keiki na ke Akua.

            10        Pomaikai ka poe i hoomaauia mai no ka pono; no ka mea, no lakou ke aupuni o ka lani.

            11        E pomaikai ana no oukou ke hoino mai kanaka ia oukou, ke hoomaau mai no hoi: a no'u nei e olelo wahahee mai ai ia oukou i na mea ino a pau.

            12.       E hauoli oukou,e olioli nui hoi; no ka mea, he nui ka uku no oukou ma ka lani; pela lakou i hoomaau aku ai i ka poe kaula mamua o oukou.

            PAUKU GULA. Mataio 5:14. O oukou no ka malamalama o ke ao nei.

            MANAO NUI. E pono no ke imi i ke kulana hoopono no na kamaaina ma ke aupuni o ka lani.

            OLELO HOAKAKA. Ua manaoia, oiai na pili koke keia haiolelo o Iesu i ka moolelo o kona kaahele misionari ana ma Galilaia, ua hoopukaia keia haiolelo ma ka waenakonu o ko Iesu wa oihana, Luka 6:17-26. Ua hanaia mamua iho na hana i oleloia ma na Mokuna 8-12 o ko Mataio Euanelio. Ua hoohui o Mataio i na hana a me na olelo o ke ano like me ka malama ole ana i ke au manawa. Mamuli o kekahi olelo waha ua hoopukaia keia haiolelo ma ka Mauna Hatina, kekahi ahuahua, nona 60 mau kapuai ke kiekie, he mau mile 7 ma ke komohana hema mai Kaperenauma aku, he mau mile elua mai ke kahakai mai. O na olelo hoopomaikai ehiku oia no ke pooolelo o ko Iesu haiao. O ke ano haahaa o ka manao oia no ke kahua. Mailoko mai o keia ua mahuahua na kulana ekolu ku i ke ano Akua, na kulana ekolu ku i ke ano kanaka.

            1.         Nui, - he hoailona o kon lanakila ma ka hoolaha ana i ka lono maikai o ke aupuni hou. Noho, - oia ke ano kamailio o na kumuao Iudaio. Ua ku ka poe haumana. 2. Oaka, - aole ka pono Karistiano he hana hoomana waie, aka nae ka hookomo ana i na manao hou e hoeueu ai a e hooikaika ai. 3. Haahaa, - aole pi'i keia ke ole ke kuonoono, aka nae ke ole ka manao hookiekie. Aole nae he hoopilimeaai, aole he kupelu wale ia. Lani, - no lakou no ke ano o ka manao e hoolako ai i ka pomaikai lani, Mat. 18:3. 4k. U, - uwe, no ka hoomaopopo ana i ka ino o ka hewa, Roma 5:3-5; Heb. 12:11; Hoik. 7:14. Hooluoluia, - aole e hoopau koke ia ana ke kaumaba, aka nae, e loaa ana ia lakou he mau kumu no ka hauoli ana. 5. Akahai. - ke ano hoolohe, aole nae me ka manao makau wale, aka, me ka aua ana i na manao huhu, hoeha, inaina aku. He hoailona o ka ikaika keia, aole o ka nawaliwali. Lilo, - e noho pomaikai maoli lakou, oiai o ka poe hoohuoi, paonioni, lili, ua hoeha nui lakou ia lakou iho. Pololi, - aole pili keia i na pilikia kino, aka, i ka imi loa ana i ka pono, elike me ka mea ai i ke kanaka pololi a me ka wai huihui i ka mea makewai. 7. Aloha aku, - lokomaikai i ka poe pilikia, eha, ma'i, me ke kokua ana ia lakou. Alohaia mai, - o ke aloha aku oia no ke kumu no ke alohaia mai. Pela no ka hua maikai i ikeia ma na ilio, na lio, na holoholona a me na kanaka. 8. Maemae, - elike me ka lilia e puka ana mailoko mai o ka nenelu. Ike, - ke ikemaka kakou pakahi mamuli o na ano okoa o na manao: no kekahi na mea haumia; no kekahi na mea maemae. 9. Uwao, - e hoolauiea ana i ka poe kue, aole makemake lakou i ka haunaele, ka hakaka, ka obumu. Keiki, - ua like lakou me ke Akua ma kona ano mau hana. Aole i hana ke Akua i wahi hana e hoeha ai, aka nae e pono ai kona mau hana a pau loa. 10. Hoomaauia, - in a paha ua hoowahawahaia a hoinoia ka poe e hana ana mamuli o ko Iesu oleloao, no lakou no hoi ka uku maikai mai ka lani mai, in a paha ua hoomaauia ikou no ka pono no na kumu pono ole. Aole nae no ka hoehaehaia no na kumu kupono, ka uku maikai e loaa'i. Ina paha ua hoowahawahaia kakou, e pono ke ninau. Heaha ke kumu o keia hana? Ua hewa anei au? Ua imi anei au i ka pono maoli? 12. Hauoli, - in a hoaoia oukou, a hoikeia ko oukou ano pili paa i ka pono. Oia mamuli o ke ano noho ma ka honua nei, kahi e paio mau ai ka hewa i ka pono.

            I.          Na olelo hoopomaikai i ka poe @@@@, 1-5. Heaha ke ano o keia huaolelo hoopomaikai? Ehia mau olelo ola ano ma keia haawina? Owai ka poe i kaakaa ka naau, ka poe ilihuno anet? Heaha ka uku no lakou? Owai ka poe e uwe ana i ole'ola, p. 4, ka poe luuluu paha no ko lakou mau hewa ino. 2 Kor. 7: y0? Heaha ke ano akahai. Ua pili anei keia ia Iesu ibo. Mat. 11:20? Ua loaa anei ia oe keia kulana? Heaha ke kumu no ko Iesu noho ana i kona wa i ao aku ai i kona poe haumana? IUa ku kaawale aku anei na lehulehu? Aia mahea ka mauna i oleloia ma ka pauku 1? Hiki anei i ka poe imi ole ke loaa ka pomaikai la@i?

            II.        Na olelo hoopomaikai i ka poe imi, 6-9. Owai ka poe pololi i ka ono? Heaha ko lakou nele? Heaha ko lakou pomaikai e loaa'i? Ua kaupalenaia anei keia uku? Ua noho lako loa anei oe io ka pono? Owai ka poe aloha aku i oleloia, p. 7? Ua haawi aku anei lakou i na moni dala me ka aua ole ana ia lakou iho? He lima o ke noi ma ka pule a ka Haku, Mat. 67:12? Hiki anei i ka mea oolea, kala o'i i ka hala, ke loaa ke kalabalaia. Iakokobo 2:13? Owai ka poe maemae i oleloia, p. 8? Hiki anei i kekahi ke noho me ka  haumia, a hoomau i kona ano maemae? Owai ka poe uwao. Pilipi 4:7; Epeso 2:14?

            III.       Na olelo hoopomaikai i ka poe i hoomaauia, 10-12. Ua mahalo nui anei na kanaka i kekahi mea i hoanoia? Heaha ka manao maa mau e pili ana i ka noho poino ana? Heaha ko Iesu manao e pili aha i ka poe i hoehaehaia no ka pono? Ma ke ano he aie i hookaaia anei keia uku o ka pomaikai i loaa i ka poe imi pono, Roma 4:4, 5? Ina paha ua hoowahawahaia oe, he hoailona anei ia o kou pili pono ana ia Iesu? E pono anei ke hoinoia oe no kekahi mau hewa? Ua mau anei ka oluolu o na lea'ea? E loaa anei ia oe ka nui o ke kulana maikai mamuli o ka nui o ka iini? Ia wai anei ka hanohano kupono, Na Sol. 3:34? Hiki anei i ka mea manaoio ke hauoli no kona mau hoehaehaia no ka pono o Iesu, Roma 5:3?

            MANAO PILI. 1.       Ina paha ua pili oe i ka Ekalesia, ua pili anei oe i ke aupuni o ka lani? 2. Ua hiopau anei ka Euanelio o Iesu i na ino o keia ao? 3. Ua lili anei oe i ka poe hewa a noho nanea wale? 4. Ua imi loa anei oe i ke ano like me Iesu? 5. Heaha ka uku hana au i imi ai ma ka imi ana i ka pono Karistiano?

 

HE LEO MAI NA MOKUPUNI MAI O KE KAI.

 

Rev. C. M. Hyde,

            Aloha oe: - Ke hoouna aku nei au i keia leta ma Kikane no na mea hou. Eia ma ko'u mokupuni na hana a ke kanawai, e hoomalu ana i na kanaka ai-oolea.

            O ka poe inu rama, ame ka poe aihue ao , na ano hera no apau, ke hoopaiia nei me na dala kekahi; o ka poe i loaa ke dala e hookuuia ana, a o ka poe aole loaa ke dala , e hoopaaia maloko o ka halepaahao me ka hana ma ka hana oolea. A pela pu aku na hoomaemae honua, ua ano loli iki ae ke au i keia mau la.

            Eia kekahi, ke kauoha nei ke kanakawai 1 hana nau kanaka i mau hale maikai no lakou, aole e moe malalo o ka leop; a pela na hale auau, nei ia mau hana i keia mau la.

            A o kekahi me hauoli nui ia'u ko ke komisina Pelekane Kolua nui ana mai e kukulu i mau luakini no ke Akua oiaio no na pegana mai o a o. A pela pu no na kula hele la, ua nui ka paipaiia o na makua e hookuu i ka lakou mau keiki ka naauao, a o ka pilikia wale no i ikeia e a'u aole e loaa na buke hoonaauao i na keiki. Aole hiki ke kuaiia na burke me na hua niu. O ka hookaa aie wale no ka mea i ae ia, oia hot ka ale o ka ' @ahui holookoa, a ua lana ka manao e pau ana ka aie o Malama nei i keia makahiki. Ina e kokua mai ka Uhane Hemolele i keia lahuikanaka, e lanakila ana.

            Eia ka mea i koe: O na hana a ka Haku ma ke kihapai, he oia mau no; aole no he holomua, he nee malie. O ke kumu no o ka nee malie, aole no i ikaika loa ka manaoio iloko o ka lahuikanaka o ka Iserae'a, he hele imua a he hoi i hope. Nolaila, e pule nui e na haipule o ka Pae Aina Hawaii no makou i haule mai ka mana o ka Uhane Hemolele e hoola i keia lahui. Owau no me ka haaahaa.

 

D. P. MAHIHILA.

 

Maiana, Aug. 26, 1897.

 

HOIK@ HUI O NA KULA SABATI O MOLOKAI.

 

Mr. Lunahooponopono o ke Kuokoa, -

Aloha Happy New Year Kaua:

            E oluolu oe e hookomo iho ma kabi kaawale o ka ipukukui uwila nana e hoomalamalama nei na kihi eha o ko kakou aina hanau i keia mau hunahuna mea hou malalo iho:

            Ma ka la 1 o Ianuari nei, ua malama ia ka hoike hui o na Kula Sabati o ka Mokupuni o Molokai nei maloko o ka lluakini o Kaluaaha.

            Ma ka hora 10 a. m. ua akoakoa mail na Kula Sabati apau maloko o ka luakini no lakou keia mau inoa: Kula Sabati o Kaunakakai Kula Sabati o Waialua me Honouli. Kula Sabati o Halawa, Kula Sabati o Wailau, Kula Sabati o Kaluaaha ame ke Kula Sabati o Kamalo.

            Ma ka wa i makaukau ai na kula apau maloko o ka luakini, ua lilo i ke Kula Sabati o Kaunakakai ka helu 1 o ke alakai ana i na hana o ka la hoike hui o na Kula Sabati apau ma ia la.

            Ua weheia na hana o ka la, me ka himeni hui 210 o ka Hoku Ao Nani, me ka pule a Rev. H. Manase.

            Himeni hui o na Kula Sabati aoao 33 o ka Hoku Ao Nani. Ua hoakaka mai ke Kahu Kula Sabati Nui, A. K. Laumauna, e lilo na hana mua na ke Kula Sabati o Kaunakakai, ma ia wa ua lilo io no ia Kaunakakai na hana alakai i na kula e ae apau ma ia ia. Nolaila, ua kahea mai ke Kahu Kula Sabati Nui he haiolelo ka mua mai ke kula mai o Kaunakakai, no ke kumuhana. "No ke aloha o ke Akua," a oia ka wa i oili aku ai o kekahi o na makua oia kula, ka mea nana e hoike mai i ka io a  me ka iwi oia kumuhana, oia no o Mr. Henry Peelua.

            I ka pau ana o kana haiolelo ana, ua ma uno kona ku ana a hiki i ka wa i pii aku ai na haumana o ke Kula o Kalaiokamanu, ua lilo ia i manawa e meha ana ke anaina mai a o.

            Nolaila, ua hoomakaia na hana me ka hoailona bele liilii e paaia ana e ke Kahukula N. S. Pahupu. He maikai na ninau ame na himeni i mele ia mai i ke anaina, a aohe mea a ka maka e loi ae ai.

            A o ke mea loheia i ka lehulehu, o Kaunakakai ka helu ekahi; ua pono no, no ka mea, he oi mau no o Kalaiakamanu i na makahiki apau (paipai), Manawa, 28 minute.

            Himeni Hui, Hoku Ao Nani. Kula O Waialua ame Honouli. He eleu no keia kula a he maikai no kekahi hapa o na ninau, a ma kekahi mau ninau, aole i like ka haina me ka ninau, a o kahi mea hilu nohoi elua nohoi elua no mahele o keia Kula Sabati. O kekahi mahele iluna ia o ka awai, oia ka mahele iaia na hana apau, a o ka lua o ka mahele i kahi no ia i noho ai, aohe mau ninau a ia mahele, ku wale no ia a hiki i ka pau ana o ko lakou manawa. O Mr. J. W. Leimakani ke kahu; alakai himeni, A. P. Paehaole. He eleu ma ka himeni, kohu leo no ka iiwi.

            Himeni Hui, Hoku Ao Nani aoai 115. Kula o Kaluaaha. Mahele mua na pokii ame na opio i noho alakaiia e ke kumukula wahine o Kaluaaha. Ma ka himeni ka nui, a ma na haawina aole no he nui loa, aka, ua kupono no ko lakou mau haawina i ka poe pepeiao lohe i ka olelo Beritania. Ka lua o ka mahele na makua, i alakaiia e Mr. J. K. Kaupu. Maikai no na himeni, oi no oe o ka mea e hula ana ke kuhi o na lima.

            Himeni Hui aoao 196 Hoku Ao Nani. Kula Sabati o Kamalo. Maikai no na ninau ame na himeni i meleia mai; paanaau no na haawina a he mau haiolelo kekahi o keia kula; a o ka mea nana e alakai, he wahi kaikamahine nona paha na makahiki 9 a of a emi mai paha i ke koho a kon mea kakau, Alakai himeni, Gei. Kekipi.

            Himeni Hui Hoku Ao Nani. Manawa lulu dala o na Kula Sabati. Nolaila, ua lilo hou no ia Kalaiakamanu ka helu kiekie o na lulu ana elike me ia i hoikeia malalo iho:

            Kula Sabati o Kaunakakai, $3.50; Kula Sabati o Halawa, $2.75; Kula Sabati o Waialua me Honouli, $2.65; Kula Sabati o Kamalo, $1.45; Kula Sabati o Wailau, na J. L. Wailiula, $0.75; Kula Sabati o Kaluaaha $1.80; na D. Himeni o Pelekunu mai, $1.00; mai na malihini mai, $1.35. Huina pau i luluia ma ia manawa, $15.25.

            Kula Sabati o Wailau. Eha haumana opio wahine o keia kula, o J. L. Wailiula no ke alakai. He eleu no i kupono no ka hoomanawanui ana mai i ka pali ame ka loa, aka, e aho no ia i ka la hana o na 'lii. Hooi hou e na pali hauliuli no keia makahiki ae.

            Himeni Hui Hoku Ao Nani. Kula Sabati o ka wai lele maopu o Moaula, nona kela hooheno -

            Lei Halawa i ka ua a ka Naulu.

            Lei hoi oe i ka ehu wai o Moaula.

            Moa unounoa no na haumana o keia ku'a i ka wa i hiki ai i ko lakou manawa, oiai o lakou ka hope o na hana hoike oia la. He maikai no na ninau ame na himeni, i noho alakaiia e A. P. Paehaole, ame elua alakai himeni, W. A. Kiha ame Solomon Kaalihikaua. He nani a he ku i ka nanahe na himeni mai ke alakai himeni W. A. Kiha mai. Ua hiki paha, oiai o kai'la hana ia; ua maikai aku la no auanei ia o ka papa hana a ua taata 'la. Manawa 38 minute.

            Pau keia kula, ua ku mai la ka lunahoomalu o na komite, oia o M. Kane a haawi mai la i ka lakou olelo hooholo i hoikeia mai la, oia hoi, ua like nae wale no na Kula Sabati apau i hoikeia, hookahi no helu. Mahaloia ka olelo hooholo, a oia ko'u wa i lohe aku ai i ka olelo a ke kahu o Pelekunu, "Helu ekahi no na kula o Molokai nei ua oi aku keia i ko Hana i hoike ai ma ka ia 25 o Dekemaba."

            Nolaila, ma keia hoike ana eha kahunapule, H. Manase, J. Kaalouahi, G. W. Kolopapela ame D. K. Kaumiumi. I keia manawa nae ke haawi nei na makana i na Kula Sabati apau mai ke kumukaia wahine haole mai o Kaluaaha, nana aku ia i\la e hoi ana kela ame keia me na puolo o na holoku, ame na muumuu; ko na kane hoi me na leia-i ame na lole nohoi. Ma ka hoike a ke komite he 204 haumana i biki mai ia la, a ke hui pu'me na makaikai kokoke no 400. A o ka mea oi loa aku o keia, oia no kela wahine kumukula o Kaluaaha, he nui kona kokua ma na hana Karistiano elike iho la me keia. Ma ia pau ana ua hookuuia na hana Kula Sabati me ka himeni Hawaii Ponoi.

            A ua eleu mai la ka lunahoomalu o ke komite hookipa i na Kula Sabati ame ka lehulehu, oia no o J. H. Mahoe, no ka hoopiha ana i ka lua o ka inaina a oia ka wa i ulele ai o Hanale ame Keonipulu a eha no ia Keonipulu.

 

PICTURE OF CHARLES PAGE BRYAN.

 

            Uncle Sam's new Minister to China is a Chicago lawyer. He was educated at the University of Virginia and the Columbia Law School and has been a member of the Colorado legislature.

 

            O ke kii keia o ke Kuhina Amerika ma Kina i keia wa. He loio keia no Kikako. Ua hoonaauaola oia ma ke Kula Kiekie o Virginia ame ka Kula Kanawai o Columbia, a he hoa iia no ka Ahaolelo o Colorado.

 

            Mahope iho o ka pau ana o ka paina ua kauoha hou mai ke Kahu Kula Sabati Nui e noho hon na kahunapule ame na Kahu Kula Sabati Apana, na Hope Kahu, no ka noonoo ana i na mea e pono ai o ka Ahalui Kula Sabati ame Lunakahiko e noho ai ma Halawa ma ka malama o Aperila, a ua hooholo io no na Kula Sabati no ia mau aha ke noho ma ia mahina.

            Ma ke Sabati ae, Ianuari 2, i malamaia ai ka ahaaina a k Hku e ka Rev. D. K. Kumiumi. Ma ia la i koho ia ai na luna o Kaluaaha no lakou keia mau inoua, S. K. Kupihea, D. Kailua, Kawainui, D. W. Aberahama, Geo. Kekipi, Jos. N. Uahinui, Henry Peelua, N. S. Pahupu.

            Me keia mau mea, ke hooki nei au i keia, a o ke aloha no kou e Mr. Lunahooponopono ame kou mau keiki.

Owau iho no me ka oiaio,

KIU HANU MEA HOU.

Kalaiakamanu, Ianuari 6, 1898.

 

MR. AARONA KAUKAU, UA HAALELE MAI I KEIA OLA ANA.

 

            Ma ka hora 1 o ka po o ka la 2 o Ianuari, A. D. 1898, i hookiia mai ai kona hanu hope loa ana. Ua hanauia o A. Kaukau ma Poniuohua, Waialua, Molokai, 1824, mai ka puhaka mai o Kaululaau (k) ame Hahakumakaokalani (w), oia nei wale no ka laua keiki i ola Ioihi mai, a piha na makahiki 73. Ua honaauaoia ma ke kula hanai a Laimana ma Hilo, 1845, a komo ma ke kula o Lahainaluna i ka 1846, puka mai ke kula mai o Lahainaluna 1850. Lilo i haiolelo no ka ekalesia o Kaanapali, mamuli o ka hoouna a ke kumu iaia, nolaila, ekolu makahiki o ka noho ana ma ia ekalesia; 1853 lilo i misiona no na Pae Aina o Nuuhiwa, noho malaila e lawelawe ana i kana oihana misionari no na makahiki he umi a oi aku. 1867 hoi mai no Hawaii nei a noho ma ka ekalesia o Waimea, Kauai, no na makahiki eiwa wale no; 1871 lilo i luna ohi auhau no ka apana o Waimea nei: 1873 lilo i lunahelu no Niihau; 1874 lilo i lunamakaainana mai ka apana aku nei o Waimea no ia Kau. Ua piha iaia na makahiki he 30 o kona noho ana ma Waimea nei. He keiki kane kana, Mr. Aholo Kaukau, he wahine mare, Mrs. H. Kaukau. Ua waiho iho ia laua me ka ohana. O Mr. Aholo o Lahaina i make oia kona pili koko ponoi loa. He makamaka nui o A. Kaukau no na mea apau ke hele aku i ona 'la, he puuwai hamama kona i piha me ka lokomaikai , aole haalele kona mau lima i ka hana, e kiai mau ana i ko lesu mau hana ma ka ekalesia, na ka make i hooki iho i kana mau kokua ana mai. Hala neia pouhana o ka Ekalesia o Waimea. Aloha kona leo hope loa maluna o ka laau moe. Ua makaukau au e lele a halawai aku me Iesu, aohe kaumaha, aohe kanalua, aka, he hauoli wale no, aohe makau i ka make, ma ka nana aku e liuliu ana no ka huakai hele a hoi mai no. Nokamea, ua hookokoke ia mai kona mau pono apau e hele ai, aia ma kona aoao kahi i waihoia ai. Ua malamaia he anaina hipule hope loa nona ma ka luakini, ua piha ka luakini i na hoaloha i hele mai. Ua moe aku la ia ma ke kahua Luakini o Lanakila. Ke komo pu aku nei iloko o na kaumaha ana me ke keiki i hooneleia me ka makua ole, ka wahine kane make i hooneleia i ke kane ole.

G. L. ….A.

 

NAWALIWALI.

 

Mamuli o ke ka-ia ana e ka ma'i ma

ka Puuwai oiai ma ke Alanui.

 

Pilikia loa ia o Mrs. Wamsley, ka wahine a Rev. c. E. Wamsley - He Kulana Kupilikii Kona.

 

Mai ka Nupepa New Era (Keauhou) mai, Greensburg, Ind.

 

            I keia wa koke iho nei, ke ola ana o Mrs. Wamsley, ka wahine a Rev. C. E. Wamsley, Greensberg, Ind., mai kekahi  ma'i kukonukonu mao'i o ke ano nuralagia ame ke ano lolo. Ua hele aku la kekahi mea kakau o ka Nupepa New Era e hui pu me Mrs. Wamsley, no ka hoomaopopo ana hoi i na mea e pili ana i kona ola ana. Ua olelo mai la o Mrs. Wamsley:

            "He '43 o'u mau makahiki, a ua nui ko'u mau manawa i loaa ai i ka ma'i, eia nae, ua maikai nohoi ko'u ola a hoea i ka wa he eono makahiki i hala ae nei, oia ka wa i hanau ai ka'u keikikane muli loa. Ia wa i hoomaka mai ai ka emi pu ana o ko'u ola kono, a hoea mai i keia wa, aole loa au i ola loa mai ia ma'i mai. Ua loaa ia au i ke anu ino, a nolaila, ua kupilikii maoli ko'u kulana. Loohia iho la hoi ko'u puuwai i ka pilikia, a iloko o ka wa pokole, ua nawailiwali maoli au. E ike mau ana au i ka eha konikoni ma kuu puuwai, a i kekahi wa, no ka nui loa o ka eha e uwe mau ana au. E pii mau mai ana ka ikaika o keia eha a ano lolo mai la ke kino. Ua waiho iho la au iluna o kahi moe, a he wa loihi loa i hala ae mamua o ka hiki ana ia'u ke haalele aku i kuu wahi moe. Aole loa hiki ia'u ke hoomanawanui i ke ano hoopioloke noonoo, oiai e oi loa aku ana ko'u ano e, a nui ino loa ka pi'ikia o kuu puuwai. E hoea mai ana nohoi kekahi mau eha welenia i kela ame keia wa o ka po ame ke ao. He mea o'e kahi a'u e hele ai, ina paha i ke kulanakauhale, a i kau hale no paha, e lilo ana au i mea palupalu loa ke loaa au i kekahi o keia mau umii ana a ka ma'i.

            "He ekolu mau kauka like ole o'u a ua hana nohoi ka'u kane i na hana apau no ko' pono, elike me ka hiki iaia. Ua lokahi like ka manao o na kauka apau ma ka ole'o ana, he ma'i nuralagia ko'u ma ka puuwai, a ua loaa mai keia ma'i mamuli o ka pilikia o na aa lolo o kuu kino, eia nae aole hookahi o lakou i hiki ke hana mai i kau wahi mea e loaa ai ke ola ia'u, koe wale no kahi hoopohala ae no ka manawa. Mahope mai, ike iho lau au he itamu iloko o ka New Era, e hoike ana, ua ola o Mrs. Evans, e noho ana ma West End, mai ka ma'i mai i like 'oa me ko'u, mamuli o kona ai ana i na Huaale Ulaula a Dr. Williams, nolaila, hoholo iho la maua e hoao au i ka ai ana i ua mau huaale la. Kuai aku la kuu kane hookahi poho, a homaka aku la au e ai. I kela kau haule lau aku nei keia. I ka pau ana o na huaale o ke poho mua, ua ike iho la au i ko'u ano maikai, a i ka ai ana i na huaale o ke poho elua, ike iho la no au i ko'u maikai. Olelo aku la au i ka'u kane, ua loaa ia'u kahi pono i ka ai ana i na huaale o na poho elua, me he mea la ke pau ia'u na huaale o na poho eono, o ko'u ola loa no ia. Nolaila, kuai aku la ia eono poho, a ai iho la nohoi au i na huaale elike loa me ke alakai ana o na olelo kuhikuhi, me ka manao paha noi e ike pono maoli i ko lakou hopena - he ola paha, he ola ole paha. E pii mau mai ana ka maikai o ko'u oia oiai au e hoomau ana i ka ai ana i ua mau huaale la. I ka pau ana o na huaale o ka hiku o na poho, ua ike iho la au i ko'u maikai, eia nae hoomau aku la no au i ka ai ana a pau na huaa'e o ka walu o ke poho, a ike iho la au he mea makehewa no'u ka hoomau loa ana aku i ka ai ana, oiai ua ike iho ia au, ua ola loa au, a ua olelo mai nohoi ke kauka pela. Ua maopopo ia'u, i loaa ko'u pono i na Huaale Ulaula a Dr. Williams. Ua ola loa au a palekana maoli mai na uluku mai a ka ma'i i poho ai ko'u manaolana a i kaumaha ai nohoi ka noonoo, a, me ka hauoli ke hoike nei au ia oe I ka'u mau mahalo ana no ia mau huaale."

            O ka mea i ikeia iloko o na makahiki i hala ae nei aole loa he mai i ulu mai mamuli o ke koko ino a mamuli paha o na aa lolo nawaliwali. I hiki ole i na Huaale Ulaula a Dr. Williams ke hoola me ka hikiwawe, a o ka poe i loohia ia ano ma'i, na oi ka pono ia lakou e lawelawe koke i keia kulana imi oia, a e loaa ana ia lakou ka pomaikai o ka lilo nui o'e ana aku o ka lakou mau dala no na lapaau ola ole, a pakele nohoi ke ola. E kii aku i na Huaale Ulaula maoli a olaio hoi a Dr. Williams i na wa apau, a mai kii i na Huaale hoohalikelike wale ia, i mea imi pomaikai no ka mea kuai laau. E ola ana ka ma'i i na Huaale Ulaula a Dr. Williams ke puhili na laau e ae. E kualia ana e na poe kuai laau lapaau a pau.

 

Ola Nawaliwali

MAMULI O KE

KOKO INO.

 

            E heluhelu iho i ka mea i hanais e ka Ayer Laau Sarasaparilla no ka Rev. Z. P. Wilds, he misionari kamaaina, loa maloko o ke kulanakauhale o @@@@@@ a hoahanau nohoi o Luna@@@@@@@ Wilds i make, he kanaka @@@@@@.

            "No na makahiki lehulehu he @@@@@ au na ka ma'i pa-palahu ame n ma'i aai e ae, i puka noloko mai o ke koko ino. Ono ole mai la ka'u ai, a nawaliwali mai ko'u nui kino apau. Mamuli o ko'u ike ana i ke ola ana o kekahi poe e ae no ko lakou inu ana i ka Laau Sarasaparilla @ Ayer, ua hoomaka iho ia au e inu i na laau la. A ua

 

ONA AE LA KA'U AI

 

mai ko'u inu mua loa ana mai no ia ua laau la; alaila, hoomaka mai ia ka maikai o ko'u ola. He haneri pa-kenets ka of o ko'u ikaika ae i keia w@, a ua loa mai keia mai ka LAAU SARASAPARILLA MAI A AYER, ka laau hoi a'u e hoike aku nei me ka olaio, oia ke pookela loa o na laau hoomaemae koko i ikets."

            No na ma'i apau i loaa noloko mai o ke koko ino e lawe i

 

            Ka Ayer Laau

Sarsapailla.

 

KA AYER HUAALE

Ka Laau Hools so ka Ma'I Awaawahia o ka O@@.

 

Ke pookela o na laau no ka malama

ana, ka hooulu ana me ka hoonani

ana i ka lauoho, oia ka

 

Ayer Laau Hooulu Lauoho.

 

            Aole e kepia ke poo, ola na ma'i puapuu, aole hoi helelei ka lauoho. I@@ maloohaha mai ka lauoho, hinawenawe a ano hina mai, alaila, na keia laau e ho'iho'i hou ae a kona ano mua, a hooulu lupalupa ae la i ka lauohe. Ma na wahi apau, o keie Laau Hooulu Lauoho a Ayer ke pookela, u ua @@ ia i punahele a i hoapili no na le@ ame na keonimana.

 

Ayer's Hair Vigor

 

I homakaukauia e

Dr. J. C. AYER, Lowell, Mass., U.S.A.

 

Na Medala Guia mai na Hoikeike Nui o ke A@

 

Hollister Drug Co Lt.

Na Agena ma ka Paeaina Hawaii.

 

Kakela Me Kuke.

Ka Halekuai Nui

 

-: O NA :-

 

Waiwai Like Ole

 

- O na Mea -

 

HANA KAMANA A PAU.

 

Na Lako Pili Hao Kukulu Hale,

Na Kepa bele,

Na Lei Iho,

Na Kaulahao Ilio,

Na Pahi,

Na Upa,

Na Kope Hula,

Na Pulupula

 

Na Palau Lio

 

Na

Mea Mahiai,

Na Au Ho, Na Au Koi,

Na kua bipi, Na lei bipi, Na kalaheo bipi,

Na uwea pa, Na kaa palala,

Na mea piula, Na

Ipuhao.

 

Makau Me Aho Lawaia

 

Na Iliwai                                             Na Pakeke

Na Kula                                                           Na Pakeke Hao

Na Hulu Pena                          Na Kapii Hao

Na Pulumi                                           Na Panda

Na Pena me Aila                                 Na Kukapaele

Na Kops                                              Na Uwiki, a me

Na Aila Mahu                         Na Ipaikaikai

 

Mikini Humuhumu Kaulana a

Wilcox & Gibbs

Hookahi Lopi,

 

KA REMINGTON, Elua Lopi.

 

            A me na ukana he nui wale @ kela a me keia ano.

 

Kakela me Kuke.