Ka Nupepa Kuokoa, Volume XXXVII, Number 2, 14 January 1898 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

 

 

Ka Nupepa Kuokoa

KE KILOHANA POOKELA NO KA LAHUI HAWAII.

Ka Hui Alahao Me Aina O Oahu

Manawa Holo

Mai a Mahope aku o lulai 5, 1895

 

Will o Ewa Hiki I Waianae Hiki I wili o Hiki I Waianae Hiki I Waianae

Kaa Ukana na la a pau Ewa na la apau na poaouo uio na la apau

Na la a pau Sabati walo no.

 

A.M. A.M. P.M. P.M. P.M.

 

Haalele ia Honolulu 6:40 9:15 1:15 1:45 3:10

Haalele ia Manana 7:40 9:35 2:28 2:28 3:33

Haalele WIll o Ewa 8:10 10:19 2:49 2:49 6:14

Hiki i Waianae ----------- 10:34 ------- 3:24 4:49

 

Waianae na Will o Ewa Waianae na Will o Ewa Iki i Waianae

la a pau. Kaa Ukana la a pau na la a pau. nae ua Poao

Na la a pau no me Sabati

Koe Sabati

 

A.M. A.M. P.M. P.M. P.M.

 

Haalele la Waianae 6:44 ---------- 1:32 --------- 4:16

Haalele Will o Ewa 7:19 9:10 2:07 3:51 4:51

Haalele la Manana 7:50 9:48 2:35 4:22 5:22

Hiki i Honolulu 8:23 10:30 3:11 4:55 5:56

 

E lawe ana na kaa ahi hali ukana i na kaa ohua o ka papa ekahi.

 

G. P. Denison

Luna. F. C. Smith

Luna Kual Palanala Holo.

 

NU HOU HAWAII

 

            Peresidena-Eia ka lawelaweia ana o ka Oihana Peresidena o ke Aupuni i keia wa i ke Kuhina o ko na Aina E.

            Alemanaka 1898 -  He wahi Papa Alemanaka ka makou o leia la.  E loaa ana ia ia kela ame keia mea lawe i ke Kuokoa.

 

            Heihei au - Ua hoopaneeia ka heihei au mawaena o Kimokeo ame Renear, mai kela Poaono mai a hoea i ka 22 ae nei, oia ka Poaono o keia pule ae.

 

            La Kiulaia Aupuni-He la kiulaia Aupuni ka Poakahi ae nei, Ianuari 17. E lele waki ana na keiki o na Keena Aupuni ma ia la. Sanoe ma ia la Samsu Poalima.

 

            Regimena Ekahi - E paikau hookahakaha ae ana ka Reginena Ekahi o Honolulu nei ma ka ha 17 ae nei, malalo o na lawelawe ana a Lutanela Konela McLeod.

 

            Paipu Hoomaemae Kulanakauhale- Ua hoea aku na lilo i manaoia no ke paipu hoomaemae mea ino o Honolulu nei i ka hapalua millona dala. Wela ka hao!

 

            C. W. Akepoka-Ua manao wale ia, ma keia ku hou ana mai o ka mokuahi Australia ma Honolulu nei, mai Kapalakiko mai,  e hoea ma ai o C. W. Ake-Poka.

 

             Luna Nui Hou ma Kalawao-Ua lilo o Wm. Feary i luna nana o ke kahua hoomalu ma'i lepera ma Kalawao. oini hoi o Friend Ambrose Hutchinson i waiho aku ai i ka hana.

 

            Hui kuai Aina-Ma ka Poakahi iho nei i kaanaia ae ai na puka o na dala kumupaa a ka poe i komo iloko o keia Hui holomua a na Hawaii.  "ola ia kini ke a mai la ke ahi.'       

 

            La  la, la-Ma ka la i kau aku ai o Kauka La. maluna o ka mokuahi Peru, oia ka la i kau aku ai ka Peresidena o ka Repubalika o Hawaii. O ua la la oia ka la Sabati aku nei.

 

            Lae o Upolu-Aia ka mokuahi Lae o ((Upolu" iluna o ke alahuki moku kahi i lapaauia ai.  Ku mai oia no Honolulu nei ma ka Poaono aku nei mai Hawaii mai: a ma ia la no kau i ka lele hoomaemae.

 

            Konohi Lo! Hai Le!! Konohi Lo!!! Mea ia mai ana e hoomaka ana na oehu mua ana o keia la kaulana o na keiki o ka Aina Pua. ma ka Poalima.  Ianuari 21. o keia pule ae. Happy New Year o Kina.

 

            Iapana-Ma ke ku ana mai o ka mokuahi Peru i Honolulu nei. ma ka la Sabati aku nei. mai ke komohana mai, i hoea hou mai ai no Honolulu nei, he heluna muu mokaki o  na Iapana he 275.

 

            Pa Hale "puka Uliuli"-Ua lilo ae nei ia Mrs. Kahanuu Meek o Honolulu nei kela pa-hale i ikeia ma ka inoa "Puka Uliuli" (Blue Gate). oia nohoi ka pa-hale o Haawi naaupo mamua. He kulana holomua keia.

 

            Chas. H. Eldredge- Ua make emoole loa o Chas. H. Eldredge ma kona wahi noho mauka ae nei o ke awawa o Nuuanu. ma ka hora 10 o ka po Poalna nei. He 17 a 18 paha ona mau makahiki i Hawaii nei.

 

            Lilo o Mokuleia-Ua lilo ae nei ka aina o kela Pukiki waiwai nui o Mokuleia, Waialua, oia o Gaspar Sylva, ma ke kuai ia Henry Waterhouse. no ka huina o $150,000.  Ke manaoia nei e kukululu ana he mahiko hou ma ia wahi.

 

            Pakele na wawae mai muumuu-Ma ka auina la Sabati aku nei. oiai kekahi wahi uuku e ku ana ma kahi kokoke loa i ke alapii hoio-papa o ka mokuahi Peru. a ma ka wa i komo ai na alaplii Ia. ua paa aku la ka wawae o ua wahi keiki la.  Pakele oia i ka loheia ana o kona uwe ana. oiai ua holo aku na kanaka a kaikai ae i ke alapii.

 

            Pilikia-Ma ka auina la o kela Poaono aku nei ua loohiaia iho la o John Phillips i kekahi ulia p;oino mamuli o kona haule ana mailuna aku o kona kaa ma Alanui Moi. ma kahi o Dr. Shaw ma o ka puiwa ana o ka ilo a kaiehu pupuahulu aku la i ke kaa.

 

            Bebe i make i ke ahi-Makai ae nei o Kakaako. ma oko o ka Hale Waapa o ke Alii "Kaulilua-i-ke-anu-o-Waialeale-o ka-Maka-halaia-ka-Lehua Makanee-lihilihi-ku-o-Aino." i pau ai i ke ahi he wahi bebe o 2 makahiki me 0 malama i kekahi ia o ka pule i hala. Ma ka Poalima mai. make oia maloko o ka Haukipila.

 

            Opiuma-Ua loaa ia Jack McVeigh. maloko o elua pahu lole o kekahi mau ohua Pake o ka mokuahi Peru i ku mai ai ia nei ma ka la Sabati nei, he 60 tini opiuma.  Ua loaa keia mau tini malalo ae o na pahu.  Ua hanaia ma ia wahi he "keena" i hoopihaia me keia mau tini.

 

            Moku ili-Ua loaa mai he lono mai Punaluu mai, Kolauloa, e hoike ana. ua ili ae la ka moku kuna Heeia ma na ka-a-au o Punaluu, mamuli o ka pa onoonouia ana e ka makani uluuluku o kela mau la aku nei. ame ka nele ana nohoi i ka mea hookaumaha moku.   Ua hoopaa poho ia keia wahi moku ma ka huina o $1500.

 

            Miss Shaw- E himeni ku-pakahi ana o Miss Rosina Shaw, kekahi o na haumana o ke Kula Kaikamahine o Kamehameha. maloko o ka luakini o Kaumakapili i ka po o ka la apopo, ma ka Aha Mele e weheia ana e ka Hui Himeni Kawaihau. He 16 ka nui o na kaikamahine oia kula e kokua ae ana i ka Aha Mele.

 

            Waiho o Bihopa i ka hana - Ua waiho mai nei ka Mea Hanohano C. R. Bishop (Bihopa) i kona noho kahu malama waiwai ana no ka waiwai o ke Alii Pauahi, a ua lilo ae la ia wahi ia Mr. S. M. Damon.  Ua aponoia keia waiho ana mai o Hon. C. R. Bishop e ka Aha Kiekie. a pela nohoi ko Mr. Damon hookohuia ana.

 

            Ki-Pa- Ma ke awakea Poalua nei i hopuia ai kekahi puulu "ki-pa" (che-fa) mauka ae nei o Kaakopua. Ua loaa pu aku he $60 me na pepa nane. O ke kanaka laki oia kuuna ana iho, mamua o ka hopuia ana, oia o Hiilani, he $15.75 ana dala. O kekahi mau hua i puka, oia o "Welakahao." "Pihaikekolohe," "Auheaiamoa." O ka mea Banako, oia o Wm. Manaole.

 

            Kakaa i ka Pali-Ma ke kakahiaka Poaha o kela pule aku nei, ua kakaa aku la kekahi kaa lawe pohaku ame lepo o ke alanui hou o Nuuanu ae nei ma kekahi aoao o ka pali.  He 50 paha kapuai i holo-a-ia ia e ua "kekake" la me ke "kaa."  Ua pilikia loa ke kaa, a ua mahunehune hoi ka "ekake." Aole ola i pilikia.

 

                        Ina hiki ole ia oe ke hiamoe no ka nui o ke kunu, alaila, e inu oe i ka Laau Kunu a Kamalena.  He ola hikiwawe ka pilikia i na wa apau e inuia ai ia.  He laau maikai loa ia no ke anu nohoi, oiai e kokua ana ia i ka hoohemo ana i ka male me ka maikai, e hooluoluia ana ke akemama, a e akeakea ana ia i ka loohia ana mai i ka mai numonia.  E kuaiia ana e na poe kuai laau lapaau  apau.   Benson & Smith. i Kaupalenaia. na Agena Kuai nui no ko Hawaii Pae Aina. *

 

            Kela Manao o Kakina-Eia ma ko makou pepa o keia la e ikeia ai kekahi mahele o na manao hoakaka o Mr. Kakina e noho mai la i Amerika Huiia no ka mea e pili ana i kana mau hoakaka no na kumu kue no ko Hawaii nei hoohuiia ana aku me Amerika Huiia.  Ma keia pule ae e puka aku ai na Hoakaka Kanawai a ka Aha Kiekie o Amerika Huiia no ke kue ole o ka hana hoohui Apuni (aina) i ke Kumukanawai.

 

            Kawaihau ma Kaumakapili-Ke ole e nahaha na pani-wai o Kulanihakoi i ka la apopo, a muumokaki iho nakulu paka ua iluna o na alanui ulikalika o Honolulu nei, alaila, e loaa pono ana na poe puni himeni i na leo-uhe-uhene ana a ka Hui Himeni Kawaihau, ma ke ahiahi o ka Ia apopo, maloko o ka Hale Aha Mele mau ia (Kaumakapili).

 

            Pau ka Mama i ke ahi-Ma ka auina la o kela pule aku nei, pakele kekahi wahine mahope aku o ka luakini o Kaumakapili, mai pau i ke ahi, mamuli o ka holo ana o kana wahi keiki uuku, me ke ahi koe e a ana, mai waho mai o ka hale a hoea iloko o ka hale, a kiola aku la iluna o ka paku, a a ia ae la. Lele aku ia ka makuahine e kinai i ua ahi la, aia hoi, a ia mai la kona lole, a i ole na lima kokua e ae, pakele ai oia.  E makaala loa ia kela wahi keiki e pono ai.

 

            Ua olelo ae o Mr. Elisha Bay o keia wahi, aole ana laau i ike ai kona oia hikiwawe ana mai ka mai rumatika mai elike la me ka Laau Ola o Kamalena.  Ua lilo oia i luahi na ka eha ame ka hu'i mai kona papakole mai a hoea i ke kuli. a hiki nae i kona wa i hamo ai i keia Iaau hamo, ua loaa koke iaia ke ola.-B. F. Baker. mea paipai a kawili laau.  E kuaiia ana e na poe kuai laau lapaau apau. Benson, Smith & Co., Kaupalenaia, na Agena Kuai Kukaa no ko Hawaii Pae Aina nei.

 

A PUNI KE AO.

 

MAIUU LIONA MA ASIA

 

            Ladana, Dekemaba 27.-O ka ikaika kana moana o Beritania Nui, i keia wa ma na kai ooloku o Kina. he aumoku kaua no ia. i heluia ma ka papa elua o ka ikaika, ke hoohalike ia ae me na aumokukaua Beritania ma ke kowa o Beritania ame ke kai-waenahonua. He 19 ka nui o keia mau mokukaua e haulani la ma na kai o Kina, a ua lako lakou apau me na mea paahana kaua o ke ano hou loa o keia au holomua e nee nei. E pili kokoke ana ia lakou, ke aumokukaua Beritania o na kai o Auseteralia.  He 14 ka nui oia poe moku.  He elima la holo wale no mai laila ae a hoea lakou i Kina.  Ua lako nohoi keia poe moku me na mea kaua hou loa o keia au.

            Aia ka noho mana ia ana o ke aumokukaua ma Korea malalo o Hope Adimarala Sir. A. Butler. a o kona moku lawe hae.  oia no ke Ceneturiona.  Mahope aku ona. o Ria Adimarala Oxley, maluna o ka mokukaua Grafton.

 

HAALELE HONUA PAHA ALUNEI

O KUHINA SHERMA

 

            Wasinetona, Dekemaba 30.-Ua manao wale ia. ma keia makahiki ae paha, me he mea la ma ka hoomaka mua ana oia makahiki, e waiho mai ai o Kuhina Sherman i kona noho Kuhina Nui ana.

            Ke manaoia nei, he mea pono ke loaa ona kanaka ma ia wahi i hiki ke hoonee i na keehina hana upuni ma na mea e pili ana i na ooloku e ikeia aku nei ma Kina.  Ua manaoia o Konela Hay ke kanaka kupuno loa ma keia wahi, oiai ua kamaaina oia i na hana ma ka Hikana.

 

KE KULANA MA KA HIKINA O KA

HAPA POEPOE HIKINA

 

            Berelina, Dekemaba 30.-Ua kukala ae kekahi nupepa Geremania no na mahina lehulehu loa i hana malu ai o Rusia ame Kina i na hana kuikahi.   Ma ka malama aku nei o Okatoba i ae ai o Kina e o-u ae o Rusia me kona mau mokukaua ma Port  Arhtur, no ka manawa, a i ka lohe ana o Enelani i keia mea, ua nonoi koke aku la ia e haawiia mai iaia he mokupuni ma Honokaona, he wahi apana aina oolowi ia ma keia aoao aku o Kow Loon ame ka nuku o ka muliwai o Canton, aka. i ko Enelani ike ana o Farani kekahi mea makemake e loaa ona panai aina ia ana mai, nolaila, ua olelo ae o Enelani, e lawe no ia i kahi mokupuni o Hai Nau.

            Ua hoike ae hoika nupepa Tageblott, e hele aku ana ke Keikialii Henry o Perusia e ike i ka Mikado o Kina, ame ka Moi o Korea.  A e hoike ana hoi kona mea kakau mai Keil mai, e hoonee hou ia aku ana kekahi poe koa marina no Kina ma ka malama ae nei o Ianuari.

            Ua olelo ae hoi ka nupepa Neuste Nachrieten o Leipsic. ua hoole loa ke Keikialii Bisimaka, ma ke ano aole nana i holala ke kumuhana a Geremania e lawelawe nei ma Kina, aka. ua olelo ae nae ia. ua apono loa ia i ua kumuhana la, a ua makemake hoi ia e onouia aku ia kumuhana me ke oolea. i mea e hoopaipai ia aku ai o Rusia.

 

Koolaha Mana Hooklokoolo.

 

I KA AHA KAAPUNI O KA APANA           Hookolokolo Eha o Ko Hawaii Pae Aina. Ma ka Hooponpono Waiwai.   Ma ka Hana o ke Kahu Malama o Keo Puni. he kanaka pupule. He Noi na ke Kahu Malama e hoolimalima, e kuai aku i ke kuleana iloko o ka Waiwai Paa.

            Ua wahoia mai ke Noi a Emily Dushalsky. Kahu o Keo Puni, he kanaka pupule, nonoi ana e hoopuka keia aha i kauoha e ae ana i ka mea noi e kuai lilo aku i na pono apau ame ke kuleana o Keo Puni i oleloia, maloko o kekahi apana aina e waiho la ma Hilo, Hawaii.  Ke hoolahaia aku nei ma keia o ka Poaha, Ianuari 20, A. D. 1898. ma ka hora 9 a. m. (kakahiaka), maloko o ka Hale Hookolokolo, Hilo Hawaii. oia ka manawa ame kahi e hooloheia ai ua Noi la, a oia kahi ame ka manawa e hele mai ai na poe apau loa a hoike mai hoi i kumu, ina he kumu ka lakou, nokeaha la e ae ole ia ai ia noi.

            Hilo, Dekemaba 28. A. D. 1897.

            Na ka Aha:

            DANIEL PORTER, Kakauolelo

            2684-3t

           

ILOKO O KA AHA HOOKOLOKOLO Kaapuni.  Apana Hookolokolo Elua o ko Hawaii Pae Aina.  Ma ka Hana o ka Waiwai o William H. Daniels. i make.

            Ma ka wahoia ana mai ame ka heluhelu ana i ka palapala hoopii a A. N. Kepoikai, lunahooponopono waiwai, e nonoi ana e haawiia aku ka olelo kauoha e aeia oia e kuai hoolilo i kekahi waiwai paa o ka mea i make, a e hoike ana i na kumu ku i ke kanawai no ia mea:

            Nolaila. ua kanohaia e hoikeia aku ka lono i na pilikoko oka mea i make. ame ka poe e ae i kuleana i ua waiwai la, e hele ae. ma ka Poaha, la  10 o Feberuari, 1898. hora 10 kakahiaka, ma ke keena hookolokolo o ua aha la, ma Wailuku, Mokupuni o Maui, malaila e hoike mai ai i na kumu no keaha ia e ae ole ia ai ua noi la.

            Na ka Aha:

            HENRY SMITH.

            Kakauolelo o ka Oihana Hookolokolo.

            2684-4t

 

ILOKO O KA AHA KAAPUNI O KA

            Mahele Hookolokolo Kaapuni Eha o Ko Hawaii Pae Aina.  Ma ka Hooponopono Waiwai.  Ma ke Keena.   Ma ka Hana o ka Waiwai o KAMALENUI (k), o Waimea. Kauai.

            Ua waihoia mai he Palapala i oleloia he Palapala Hooilina a Kauoha Hope hoi i na Palapala Hooko Kauho ia Loa na Kamalenui (k) iloko o ka Aha Hooponopono Waiwai i oleloia ae nei, ma ka la 18 o Dekemaba,  A.D. 1897. me ka Palapala Noi no ka hooko ana i ua palapala 'la, a no ka hoopuka ana Francis Gay ame F. Brandt, i waihoia mai e Iakona (k).

            Ua kauohaia ma keia, o ka Poakahi. la 31 o Ia 31 o Ianuari, A. D. 1897. ma ka hora 10 A. M. o ua la 'la, ma ke Keena Hookolokolo o ua Aha la, ma Lihue, oia kahi ame ka manawa i hookaawaleia ai no ka hooiaio ana i ua Palapala Kauoha 'la, ame ka hoolohe ia ana o ke Noi.

            Hanaia Lihue, Kauai, K. H. P. A.,

            Dekemaba 23, 1897.

            Na ka Aha:

            R. W. T. PURVIS, Kakauolelo

            2683-3t.

           

PRESIDENT SIMON SAM.

 

            Germany's demand of $80,000 damages from Hayti. for an alleged outrage upon one Lueders. has caused President Simon Sam of Hayti to appeal to the United States for fair play.   Hayti wants to arbitrate the dispute.

            O ke kulana keia o ka Peresidena o ka Mokupuni o Hayti.  Ua koi ae o Geremania iaia e uku pohi aku kona Aupuni i $80,000 no ka hana ino ia ana o kekahi kanaka Geremania o  Lueders ka inoa.  Ua nonoi keia ia Amerika Huiia, e lilo i lunakanawai koho no keia ninau.

 

Hoolaha Hooko Moraki.

 

HOOLAHA HOOKO MORAKI

 

            Mamuli o kekahi mana kuai i hoikeia maloko o kekahi palapala moraki i hanaia mawaena o Kaehuwahanui (w) ame H. Kuihelani, kana kane, o Honolulu, Oahu, o ka aoao mua, ame H. A. Widemann, ma ke ano kahu no Lokalia Kaninau o Honolulu i oleloia, o ka aoao elua, ma ka la 10 o Feberuari, 1892, i kakau kope ia maka buke 129, aoao 480, i hooliloia ia Eben P. Low, i hanaia Maraki 31, 1897, kopeia ma ka buke 129, aoao 480, a mamuli o ka uhai ia ana o na kumu aelike o kela moraki oia hoi no ka hookaa ole ia ana o ke kumupaa ame ka ukupanee ma ka wa e oo ai, nolaila, ke hoolahaia aku nei e ka  mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 31 o Ianuari, 1898, hora 12 oia la.

            Aia ma kahi o W. R. Kakela na olelo hoakaka no keia mea.

            Hanaia i keia la 5 o Ianuari, 1898.

            EBEN P. LOW.

            Waihona o ka Moraki.

 

            Penei: na aina i morakiia:

            1.  Kela apana aina apau e waiho ana ma Kapaau, Kohala, Hawaii, oia hoi khi hapa o ka aina i hoakakaia ma ka Palapala Sila (Aina Aupuni) 1547 ia Naihe, a oia ka aina i hooliloia e W. Lanz ia Kaehuwahanui (w) ma ka Palapala Kuai i hanaia Ianuari 15, 1892 a i kopeia ma ka buke 135 aoao 114. Maloko o laila he Area o 2 86-100 Eka, oi aku a emi mai paha.

            2.  Kela apana aina e waiho la ma Papaa, Kauai, oia nohoi ka aina i hooliloia aku ai ia Kaehuwahanui (w) i oleloia, ma ka Palapala Kuai a H. A. Widemann ame kana wahine, i hanaia Feb. 16, 1867, a i kopeia maloko o ka buke 23, aoao 122, a i hoakakaia penei: E hoomaka ana ma ka pohaku ma ke kihi (point) akau o ke kaikuono, Papaa, alaila, holo aku Ak. 63 deg. Kom. 9.71 kaul., Hem. 47 1/2 deg. Kom. 15.61 kaul., Hem. 60 deg. Hik. 3 75 kaul.; Ak. 72 1/2 deg. Hik. 7.57 kaul.; Hem. 41 1/2 deg. Hik. 12.42 kaul.; Ak. 72 1/2 deg. Hik. a hoea i ka lihikai papau (low water mark); alaila, ma ka lihikai papau aku ma kahakai; alaila. Hem. 47 1/2 deg. Kom. a i kahi i hoomaka ai.  Maloko o laila he Area o 19 Eka, oi aku a emi mai paha.  2684-4t

 

HOOLAHA HOOKO MORAKI.

 

            Mamuli o kekahi mana kuai i hoikeia maloko o kekahi palapala moraki i hanaia mawaena o Lebeka Kapuahilani Nakea ame D. I Nakea, kana kane, no Honolulu, Oahu, o ka aoao mua, ame William R. Castle, kahu, no Honolulu i oleloia, o ka aoao elua, ma ka la 23 o Novemaba, 1891, i kakau kope ia ma ka buke 129, aoao 343, a mamuli o ka uhaiia ana o na kumu aelike o kela moraki, oia hoi ka uku oie ia o kumupaa ame ka ukupanee ma ka wa i oo ai, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku. alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 31 o Ianuari, 1898, hora 12 oia la.

            Aia ma kahi o W. R. Kakela no olelo hoakaka no keia mea.

            Hanaia i keia mea

            WILLIAM 4. CASTLE, Kahu Mea Moraki mai.

            Penei na aina i morakiia:

            O na aina i hoakakaia na palena penei, oia hoi:

            1. Kela pa hale me na hale maluna iho ame na mea paa apau i kukulula maluna iho. e waiho ana ma ke Alanui Kuakini. ma Honolulu i oleloia.  Maloko o ua apana la he 6160 kapuai kuea.  Oia nohoi ka apana aina i kuaiia mai ia Lebeka K. Nakea, ma ka Palapala Kuai a Rev. S. E. Bishop, hanaia ma Sept. 17, 1891, i kopeia ma ka buke 133, aoao 405.

            2.  Mau aina ma laie, Koolauloa, Oahu, i hoakaka piha ia penei:

            (A) Ekolu apana aina no lakou ka Palapala Sila Nui 2915 ia Keawe.  He  1 69-100 Eka.

            (B) Apana 1 2 ame 3 o ka Papapala Sila Nui 2916 ia Kanakanui.  He 2 7-10 Eka.

            (C) 4 Apana, oia na apana maloko o ka Palapala Sila Nui 3008 ia Kaialohia Maloko o laila he 1 4-100 Eka.

 

HOOLAHA HOOKO MORAKI.

 

            Mamuli o ka manaetaoinshrdiuuuu

            Mamuli o kekahi mana kuai i hoikeia maloko o kekahi palapala moraki i hanaia mawaena o D. Kamai (w) ame J. A. Makanui, kana kane, no Hauula, Koolauloa, Oahu, o ka aoao mua, ame Wm. R. Castle, Kahu, no Honolulu, Oahu, o ka aoao elua, ma ka la 5 o Sepatemaba, 1889.  i kakau kope ia ma ka buke 120, aoao 58, a mamuli o ka uhaiia ana o na kumu aelike o kela moraki, oia hoi ka uku ole ia o ke kumupaa ame ka ukupanee, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 31 o Ianuari 1898, hora 12 oia la.

            Aia ma kahi o W. R. Kakela na olelo hoakaka no keia mea.

            Hanaia i keia la 5 o Ianuari, 1898.

            WILLIAM R. CASTLE, Kahu. Mea Moraki mai.

            Penei na aina i morakiia:

            Kela mau apana aina apau e waiho la ma Hauula ame Kaipapau, Koolauloa, Oahu. i hoakakaia penei:

            1.  Ka aina nona ka Palapala Sila Nui 1317. Kuleana 8591, ma ka inoa o Koekoe.  Maloko o laila he aneane 4 35-100 Eka.

            2.  Aina nona ka Palapala Sila Nui (Aina Aupuni) 1802 ia Kaupea ame Kamai.  Maloko o laila he 133 33-100 Eka.  Ma ia aina he kuleana ko Kamai i oleloia ma ke ano oia wale no ka hooilina oia aina.

            3.  Aina nona ka Palapala Sila Nui 1312. Kuleana 3700 ia Mokulama. Maloko o  laila he 13 Eka a oi, i hooliloia mai i na Mea Moraki mai, ma ka Palapala Kuai a Cecil Brown, i kopeia ma ka buke 118, aoao 477: a

            Pela nohoi me ke kuleana o Kamai i oleloia ma ka waiwai o J. W. Kahuila o Kaneohe. Oahu.

 

Kela ame Keia

 

KUAI A KE KAHU (GUARDIAN) I

KA WAIWAI PAA.

 

            Ua kauohaia mai au e Nicholas Peterson o Honolulu.  Kahu o ka Waiwai o Mary Puaokaleihuia Apoe. he mea oo ole, i kulike ai me ke kauoha a Honorable W. L. Stanley, Lunakanawai o ka Aha Kaapuni Ekahi. e kuai kudala akea aku. ma kuu Keena Kudala, ma Honolulu.  ma ka Poakahi. Feberuari 7, 1898. ma ka hora 12 o ke awakea, i keia aina i hoakakaia penei:

            Kela apana aina apau e waiho la ma Waiaula, Hanalei Mokupuni o Kauai. i hoikeia na palena penei:

            "E hoomaka ana mawaenakonu o ka muliwai o Waiaula, e kahe la a komo i ka muliwai o Hanalei. holo Ak. 8 55-166 kaulahao ma ka lihi o ka muliwai o  Hanalei a hoea i kekahi apahu; alaila, Hem. 72 Kom. 9 25-166 kaulahao a kau ma kela kapa o ka lokoi'a o Kanoa a hoea i kekahi apahu: alaila, Hem. 70 Hik. 8 57-100 kaulahao. a kau ma kela kapa o ka lokoia o Kanoa i oleloia. a hoea i ka apahu ma ke kuaio o ka auwai o Waiaula; alaila. Ak. 71 Hik. 8 4-10 kaulahao ma ka uakee o ua auwai la a hoea i kahi i hoomaka ai. Maloko o laila he Ili o 7 Eka. 2 ruda ame 30.5 kaulahao. elike me ia 1 hoakakaia maloko o ka Palapala Kuai mai a Anton Brooks mai a ia Koka. hanaia ma Maraki 2. 1872. a i kopeia ma ke Keena Kope Palapala ma Honolulu. maloko o ka Buke 34, aoao 297.

            E kauaua aku ana keia aina no ke kumukuai oi aku maluna o ka makou kumukuai oia hoika Ewalu Haneri Dala.

            Dala Kuike. Dala Gula o Amerika Huiia.

            O na lilo palapala a i ka mea kuai mai no ia.

 

            JAMES F. MORGAN. Luna Kudala.

            Honolulu. Ianuari 12, 1898.

            2685-ts

           

HOOLAHA HUI.

 

            Mamuli o ka aelike ana, i keia la. ua unuhi aku o Mr. Theodore F. Lansing iaia iho mai ka Hui aku o Mr. Phillips.  E hoomauia aku ana ka hana elike me mamua ae nei e Mr. Marks Green, Mrs. Sarah Phillips ame Mr. Mannie Phillips, o lakou na poe o loko o ka Hui i keia wa.

 

            M. PHILLIPS, ame na Hoa Hui.

            Honolulu. K. H. P. A. Dekemaba 31, 1897

            2684-2t

 

HOAKAKA A KA BANAKO O HAWAII. I KAUPALENAIA. DEKEMABA 27, 1897. MAMUA O KA LAWELAWE HANA ANA

 

            I kulike ai me ka Pauku 14 o ke Kanawai Banako o 1884, ke Kanawai hoi i kukuluia ai keia Banako. eia iho mahope nei ka hoakaka o kana mau hana, Dekemaba 27, 1897. mamua o ka hoomaka ana i ka hana.   Kumuwaiwai Kumupaa $400,000 i maheleheleia iloko o 4000 mahele kuleana, he $100 no ka mahele hookahi.  Ua auhauia hoi a loaa ka huina o $75 no ka mahele hookahi. a mamuli oia. ua loaa mai la ka huina o $3000.

 

NA AIE- LIABILITIES.

Kumuwaiwai kumupaa i hoo

            kaaia mai                                              $300,000.00

Na Dala i hoahuia mai                                        38,105.99

                                                                           __________

                                                                            $338,105.99

 

 

NA KUMU LOAA-ASSETS.

Na Bila Kikoo Dala i ko na

            Aina E ame na Nota Aie                    $60,450.00

Laikini ame Hoailona Pai no

            ia mea                                                            765.00

Dala Kuike ma ka li                                        $276,890.99

                                                                           _________

 

                                                                           $338,105.99

 

            P. C. JONES, Peresidena.

            Honolulu. Dekemaba 25, 1897.

 

            Ke hooia nei au, ua pololei ka Hoakaka o ka Banako o Hawaii, Kaupalenaia.

            P. C. JONES, Peresidena.

 

            Kakauinoaia a hoohikiia imua o'u i

keia la 25 o Dekemaba. A. D. 1897.

            E. A. MOTT-SMITH.

Notere o ka Lehulehu

2683-3t

 

THEO P. SEVERIN

(KAPOLEMA MAI)

 

He Mea Pa'i Kii Hooleleaka.

           

            E hana ana oia i na kii nani loa ma Honolulu nei no ka uku haahaa loa.  E paiia ana ka Kii Ahaaina, Mare, Hoolewa, na Hale Noho, a pela aku.

 

            E hoonulia ae ana na kii mai nakii liilii mai

 

            Alanui Nuuanu,ma keia aoao aku o ke Alanui Pauahi.  Aia iluna.

            2664-12ms

 

Makemake Makou

Ika Oukou Hana

 

Pa'i ana ame

Ka Humu ana

I na Buke

 

E HANAIA ME KA NOIAU LOA.

 

Na Papa Keleawe Inoa me'na Hua Kuni

Wai Gula.

 

            E hanaia no ia ma ko makou nei Keena a kulike me ka mea i makemakeia.

 

KA HUI HAWAIIAN GAZETTE

 

Na Poe Hoolaha.

 

Hale Pohaku o Von Holt, Alanui Moi.

Honolulu.

 

 

 

Vapo-Cresolene

He Laau Hoola Oiai no Oe e Hiamoe ana no ke

Kunu Kalea, ka Hano, Kunu Ho, ka Nalulu Kau, ke Ana

 

 

Ma ka wa e hoopunohuia ai ka uwahi o ke CRESOLENE maloko o ke keena o ka mea ma’i, e loaa koke no ka oluolu. He kamahao kona ikaika hoola, a ma ia wa hookahi nohoi e kaohila aku no ka pahola ana mai o na ma’i lele, ma o kona lilo ana he laau kinai ma’i a he laau pilikia ole nohoi no na keiki. Ekualia ana e na poe hana laau. E kuawi wale ia no ka buke hoakaka.

HOLLISTER DRUG CO., Honolulu, H.I. na Agena.