Ka Nupepa Kuokoa, Volume XXXVI, Number 53, 31 December 1897 — HOIKE KULA SABATI. [ARTICLE]

HOIKE KULA SABATI.

Malamaia ka Hoike Hapaha o na Apana Knla Sabati o Koolau. Kauai Hikina, ma ka luakini o Poni Moi ma ke Sabati la 19 o Dekemaba f 1897, malaio o ka hoomalu ana a W. Huddy, ke Kahu Kula Sabati Apana o Koolau. Hoomaka na hana ma ka hora 11 kakahiaka. ma ke mele ana ma ka aoao HOo ka Hoku Ao Nani, ame ka pule a J. K. Apolo. Eia na Kula Sabati i hiki mai: Anahola, Koolau. ame Kilauea. Himeni aoao 197 o ka Hoku Ao Nani. Malama ia ka lulu o na Kula Sabati elike me ka mea maa mau. Eia na mea i loaa: Kula Sabati o Anahola, $1.55; KooJau, $2.70: Kilauea, $3.00; Makaikai, $1.70. Huina, $8.95. Himeni aoao 210 o ka Hoku Ao Nani. Kaheaia ke Kula Sabati o Anahola. Ka nui o na haumana he 21; Pilipo Migell ke alakai. Ka loihi o ko lakou manawa he 15 minute. Himeni aoao 164 o ka Hoku Ao Nani. Kula Sabati o Koolau, he 34 haumana; Kane ke alakai. He 19 minute ka manawa. Himeni aoao 88 o ka Hoku Ao Nani. Kula Sabati o Kilauea., 13 haumana; Mrs. K. Huddy ke alakai. He 14 minute ka manawa. Himeni aoao 184 o ka Hoku Ao Nani. Mahope iho o keia he Papa Kula Sabati Kuikawa i waeia mai waena mai o na makaikai, no lakou ka huina he 10, a e noho alakaiia ana e J. K. Apolo. Ko lakou manawa he 5 minute. Mahope o keia he mau manao paipai raai a J. K. Apolo, Rev. S. Kaulili ame ke Kahu Kula Sabati Apana W. Huddy, a o ka hope ia o na hana o ka la. Hookuuia na hana ma ke mele ana ma ka aoao 190 o ka Hoku Ao Nani ame ka pule a Rev. S. Kaulili. Mahope iho o keia ua noho iho na Kula Sabati e ai i na mea i hoomakaukauia no ia la. G. W. MAHIKOA, Kakauolelo. Kilauea, Dekemaba 23, 1897.