Ka Nupepa Kuokoa, Volume XXXVI, Number 53, 31 December 1897 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Mai a mahope aku o Iulai 5, 1895

Wili o Ewa K@ Ukana na la a pau koo ko Sabati Hiki I Waianae, na la apau. Hiki Wili o Ewa na la apau. Hiki Waianae, Poaono me Sabati wale wale no. Hiki Waianae na la apau. A.M. A.M. P.M. P.M. P.M. Haalele ia Mauana ­7:42 9:55 2:20 2:2 5:53 Haalele, Will o Ewa 8:10 10:19 2:49 2:49 6:14 Hiki I Waianae 10:34 3:24 6:49. Waianae na laa pau. Will o Ewa kau ukana na la a pau koo Sabati Waianae na laa pau. Will o Ewa na la a paul@ Waianae na Ponono mo Sabati. A.M. A.M. P.M. P.M. P.M.  Haalele ia Waianae 6:14 1:32 4:16 Haalele Will o Ewa 7:19 9:10 2:07 3:51 4:51 Haalele ia Manana 7:50 9:48 2:38 4:22 5:22 Hiki I Honolulu 8:23 10:30 3:11 4:55 5:55 E lawe ana na kaa ahi hali ukana I na kaa ohua o ka papa ekahi G.P.Denison, Luna F.C.Smith, Luna Kuai Palapala Holo

UN HOU HAWAII 

Hapenuia! Aloha Makahiki Hou!! 

Ua makakau ka Banako o Hawaii i kei awa no ka hana, malalo o na lawelawe ana a Mr. P.C. Jones. 

E akahele ka ai ana, ka inu ana ame ka hooheno ana i ka la apopo. 

Ke hoomakaia nei ke kanu laau loulu ia ana o kai ae nei o ka Makeke Hou. 

E holo aku ana o Lunakanawai Pere no Hilo i ka hapa mua o Ianuari ae nei no ka hoolohe ana i kekahi hihia ano nui malaila. 

Ua loaa mai nei ka lono ia nei, mai Kapalakiko mai, ua hoopauia ke komisina holo mokukaua o ka “manuwa” Piladelepia. 

Ua manao wale ia, ma ka la 5 o keia mahina ae (Ianuari), e haalele iho ai ka mokukaua Adams ia Honolulu nei a holo aku no Kapalakiko. 

Ua hoomanao mai ka Hui Kuai Papa o Lui ame Kuke i ka Lunahooponopono o keia pepa. Ma ka hoouna ana mai i kekahi buke hoomanao pōkole i hanaia me ka maiau loa. 

Poakahi ae nei, e loaa ai na “puka” I ka poe āpau he kuleana ko lākou @oko o ka Hui Hawaii Kuai Aina. E nanae ma a olelo hoolaha a ia Hui e puka aku nei ma ka pepe o kēia la.

Ma ke ahiahi Poakolu nei, Dek. 29,i hoohuiia ae ai ma ka berita mare o Miss Mary Harbottle me David Kanewanui, kekahi o na kumu o ke Kula Hanai o Hilo, ma kahi noho o Mr. W. Auld.

Ma na heihei waapa ana mawaena o na keiki o ka mokukaua Baltimore ame ka mokukaua Bennington, ma ka La Karikimaka nei, ua lilo ka eo apau o na heihei ana ekolu i na poe o ka mokukaua Bennington.

I keia Poalua ae, Ianuari 4, e ku ai ka mokuahi Australia mai Kapalakiko mai. Ma ia la hookahi no e ku mai ai ka mokuahi Moana, a ma ka la 18 aku nohoi ka mokuahi Coptic.

Ua hanau mai na ka wahine a Mr. William A. Henshall, kekahi o na lolo o Honolulu nei. Ma ka la Sabati aku nei, he keikikane. O kekahi keia o na loio ili-keokeo i awaiauluia me kekahi o na ohana lede opio a Mr. Afong.

Mamua koke iho o ka hora 5 o ke ahiahi poakolu nei, oiai kekahi poe Pake paahana e lele pupuāhulu ana mai luna aku o kekahi kaa, ma ke alo iho o ka halekuai papa o na Pake, mauka ae nei o leleo, aia hoi, ua hookui pu aku ia kekahi kaa e holo aku ana makai aku nei me kekahi Pake a hina aku ia ua Pake nei ilalo, me ka loaa ana hoy iaia he mau palapu.

Mahope iho o ka lohe ana o Curtis Fleck, o Anaheim, Kalaponi, i kona mau hoaloha e mahalo mau ana i ka Laau Ola a Kamalena no ke Nahu, Kolera ame ka Hi, ua kuai iho la ia he omole laau nona ponoi iho, a i kei awa, aole i kana mai kona haanou no ke kamahao o na hana a ua laau la. @ kuaiia ana e na poe kuai laau lapaau apau. O Benson, Smith & Co., na Agena ma Ko Hawaii Pae Aina

HOOKIPA A KA PERESIDENA.

E haawila ana he hookipa pili Aupuni e ka Peresidena o ke Aupuni, ma ka la apopo, maloko o ka Hale Oihana Hooko, mai ka hora 11 a ka hora 12:30 o ke awakea.

KUU KA LUHI.

Ma ka hora 2 a oi o ka wanaao Poakahi nei, Dek. 27. Ua hookuu mai la o Keliiholoholo (k) i keia oia ana ma keia ao, ma kahi noho o kana kaikamahine Mrs. E. Poepoe, ma Alanui Kuakini, i ka 100 a oi o kona mau makahiki. He kamaaina kahiko loa oia no Kohala Akau, Hawaii.

Ua haalele iho oia ma keia ao he elua mau kaikamahina me hookahi keikikane. Nakeia poe mai he umikumamalima keiki e ola, nei i keia wa. A na kekahi o keia poe keiki he eono poe keiki hou. Nolaila, ua moopuna a ua kua oia, ma ka hoolaupai ohana ana a hala aku la.

Ma ka Poakahi nei i aualoia aku ai kona “kinowailua” no ka Pa Ilina o Koula. Na Mr. H. H. Williams i lawelawe i na hana e pili ana i kona hoolewa. O ka ohana pili iaia kai hookaukoo aku ma kona huakai hoolewa.

He make elemakula maoli kona. Aole oia i ike i na ehaeha a ka ma’i, a pio wale ke kukui o kona hale. He makuahonowai oia no lunahooponopono o keia pepa.

MAI KEKAHI MISIONARI HAWAII MAI MA KA PAE AINA O NUUHIWA.

Rev. C. M. Hyde,-

Me ke aloha nui no:

Ma ka pule i hala, ua loaa ia’u kau leta, Aug. 1, 1897 nei. A ua hauoli nui no ko’u manao i ka heluhelu anai kau palapala a ike i na mea a pau ma ka Pae Aina Hawaii, ame kou manao e hele aku olua me kau wahine no Iapana e hoomaha a e imi i ke ola kino, i loaa ka ikaika hou o ke kino e hapai hou no ka hana nui e kau ana maluna ou. Na ka haku no e kokua, mai ia oe ma kau mau hana a pau.

Eia no makou,­ ko oukou mau hoahānau misionari e ola ana, a e noho anahoi ma na kihpkai a makou e noho nei, a e paahana ana hoi no ka Haku me ka mākaukau i loaa ia makou mai ka Haku mai. He ikaika no ka manao i ka Haku, aka, o ke kino ua palupalu no ia.

Hauoli no maua o Kauwealoha i ka lawe hou ana o ka Papa Hawaii ia Mr. Hapuku, elike me mamua, a ke noho kuikahi nei hoy makou. O ka pono maoli no ia.

Ua elemakule no maua o Kauwealoha i kei awa. 73 no mau makahiki (1824 wa hanau).

Ma 1847, hookuuia maua mai Lahainaluna mai. Ma Iuna 16 ia makahiki no. Ua mareia maua i na wahine. A komo koke no maua ma ka Oihana ao kula kamalii. A malama i na halawai pula Sabati a ma na la e ae nohoi o ka hebedoma.

Ma kahuku ko maua kihapai mua i paahana ai no ka Haku-kokua no Emekona. Mai 1847-1853, 6 makahiki i Kahuku. Ma ka makahiki 1853 ua kaheaia maua o Kauwealoha no ka hana misionari ma ka Pae Aina o Nuuhiwa.  Ua aelike maua me na wahine pu no ka leo kahea. He hihio kai hoikeia mai ia Paulo, he leo kahea mai Makedonia mai. He leo kanaka maoli hoy keia mai Fatuhiwa mai ma o matunui la, “I misionari e hele i Fatuhiwa.” A ae no e hele mai, elike me ka olelo a ka Haku, “Ua oluolu au e hoolilo aku a e hooliloia mai no ka pono o ka Kristo.” Pela o Paulo.

Ua loaa ia maua me ka’u wahine na makahiki he 50 ame 4 malama (maregula) o ka mareia ana. Eono makahiki ma Kahuku. Kanaha me 4 malama i Nuuhiwa nei. No Iehove mai no ke ola. Pela o Iona i puana ae ai. Pela nohoi o Paulo, ka misionari mua i ko na lahuikanaka e. Na ka Haku i hoopakele mai iaia mai kona mau pilikia a pau.

Ka hoomaikai aku nei­ maua i ka Haku ia Iesu Kristo i kona lokomaikai nui mai i ka malama mai i keia mau makahiki he 44 ma ka aina o Nuuhiwa nei pouli, naaupo a hele auwana wale. Nui wale na pilikia i kokoke mai ia makou mai na kamaaina mai o ka aina a kokoke no e laweia aku ke ola o ke kino; a nui wale hoy ke kolohe mai ma na mea ai, na mea i kanuia, a ma na holoholona kao, hipa, manu, a pela’ku. E aho no ke lilo aku ko ke kino mau pono a koe mai no ke ola o kino.

Ma ka makahiki 1890,  kahuliia ka waapa iwaena moana o Uahuna me Hivaoa nei, ma ka po pouli, no ka malama pono ole o ka mea hookele, aneane no au e palemo aku iloko o ka moana hohonu. Aka, ua hoopakele mai no nae ke Haku ia’u, a no ka Haku ko’u ola nei.

Ua elemakule no ke kino, aka, ua lana mau nae ka manao i ka Haku. Ke mau nei no ko makou mau halawai Sabati. 50 a oi ae, a i kekahi ua emi iho malalo o ke 30.

He makahiki malu iki i hala ae nei ma Nuuhiwa nei, ua ole ke hana rama wai niu, ua ole ke kuai opiuma me ka puhi ana, ua makau na kanaka no ka nui o na dala hoopai me ka hana oolea. Pono loa ia hana o na luna Farani.

Ke hana ikaika mai nei na kumu Pope i ka lakou Oihana Pope me ka maalea nui. Hana i mau ahaaina ai, kalua na puaa. Imi ka ia, hoomakaukau na poi ulu, na kulolo hana me ka wai niu. I kekahi la Sabati i oleloia, hele nui ma kamaaina me ka lakou mau mea ai a ma ke kahua o ka halepule, i mea hoi e nui mai ai ka poe hele no ka pule. Pela ma na wahi a pau i nohoia e na kumu Pope. Ke koi la mai nei na kanaka a pau e mareia e pono ai, e pakikoia hoy e maikai ai. Nui ka hana e pau na oihana a pau; oihana pule, oihana papekiko, oihana mare, oihana ao kula. O ka oihana kula he oihana Aupuni ia. O ka leo Farani kai aeia e ke Aupuni e aoia ma na kula kamalii. Ua hoi aku o Mr.­­ Sarran i Farani, ko makou kumu ao kamalii leo Farani, a ua nele makou ia haawina hana. Aole nae makou i papa ia mai no ke ao ana’ku i na mea a pau ma na wahi a pau o ka Pae Aina Nuuhiwa i ka olelo maikai a Kristo. Ua hauoli nui no makou ilaila.

Ke noho hoomalu nei no ko Farani ma ka Pae Aina Nuuhiwa nei a pau. Mai laila mai na kanawai, na kiaaina, birigadia, lunakanawai, lunaau, na mutoi Farani, a ua malu no. I ole keia mau luna mai Farani mai, aole no e maluhia iki ana ka aina.

A ke noho nei makou malalo o ka hoomalu ana a Farani, a ua maikai no. Me ka malama i ka makou oihana euanelio.

Ua lawa paha keia no keia manawa. Ehaaww i ko’u aloha nui i kau mau haumana o ke Kula Kahunapule. Paipai aku hoy ia lakou e pule nui i ke Akua no n@ misionari elemakula ma Nuuhiwa nei-no Kekela ma. Owai la e pani ma keia mau wahi o Kauwealoha ma.

E uwe aloha aku ia Paleka me ka makuahine; ia Binamu ma; Bihopa ma; na hoalauna haipule a pau ma Honolulu. Ka! Mai poina-e uwe aku i ka ohana keiki a pau a emekona, oia hoy o Kauka Emekona, O. P. Emekona, Samuela. E-ia ohana nui a pau.

O waialua ko makou aina hanau. O emekona ka’u kumu ma ka A, E, I, a pela’ku. Ma emekona au i hookomo i ke Kulanui o Lahinaluna ma ka makahiki 1838. O Emekona kai hookomo ia’u i ke Kula Huli Ano Akua ma ka makahiki 1843, a nano no i paipai e mare au me keia wahine (Naomi). Na Emekona i uo ia maua ma Wailuku i ka makahiki 1840. Na Emekona i imi i wahi kihapai hanano maua ma Kahuku, a pelu’ku.

Ke hui pu aku nei mauae uwe aloha ia olua me kau wahine, E pule nui i ke Akua no na elemakule nei.

J.KEKELA.

Puamau, Okatoba 18, 1897.

He mea pono’i keia ame keia ohana ke loaa ona laau lapaau mama no na ma’i o ka opu. I laau lapaau pūhili ole no ka “Moku ino loa o ka lepo” (Diarhea) Nahu, Umii, Kolera ame na ma’i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke hana mau ia nei i keia ame keia ia, ma na aina apau o ka honua nei. O ke Hui Kuai Laau Lapaau o Hollister ke agena.

@oolaha Mana @ookiokoolo.

            ILOKO O KA AHA KAAPUNI O KA Mahele Hookolokolo Kaapuni Eha o Ko Hawaii Pae Aina. Ma ka Hooponopono Waiwai. Ma ke Keena. Ma ka Hana o ka Waiwai o KAMALENUI (k), o Waimea, Kauai.

Ua waihoia mai ke palapala i oleloia he palapala Hooilina a Kauoha Hope Loa na Kamalenui (k) iloko o ka Aha Hooponopono Waiwai i oleloia ae nei, ma ka la 18 o Dekemaba, A. D. 1897, me ka Palapala Noi no ka hooko ana i ua palapala ‘ia, a no ka hoopuka ana hoy i na Palapala Hooko Kauoha ia Francis Gay ame F. Brandt, i waihoia mai e Iakona (k).

Ua kauohaia ma keia, o ka Poakahi, ia 31 o Ia 31 o Ianuari, A. D. 1897, ma ka hora 10 A. M. o ua la ‘ia ma ke Keena Hookolokolo o ua Aha la, ma Lihua, oia kahi ame ka manawa i hookaawaleia ai no ka hooiaio ana i ua Palapala Kauoha ‘la, ame ka hoolohe ia ana o ke Noi.

Hanaia Lihue, Kauai. K. H. P. A., Dekemaba 23, 1897.

Na ka Aha:

R. W. T. PURVIS,

2683-3t Kakauolelo.

ILOKO O KA AHA KAAPUNI APANA

Hookolokolo Ekahi o ko Hawaii Pae Aina. Ma ka Hooponopono Waiwai. Ma ka hana o ka waiwai o KEPOLA (w) o Honolulu, i make kauoha ole. No ka mea, ua waihoia mai e E. A. Williams. Ka mea aie, he palapala noi no ka Hookohu Lunahooponopono Waiwai no ka waiwai i oleloia, a e hoopuka ia aku ia palapala ia Mrs. C. H. Clark, nolaila, ma keia, ke hoolahaia aku nei i ka poe apau i kuleana ma ua waiwai la, o ka POALIMA, IANUARI 21, 1898. Ma Aliiolani Hale, Honolulu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu. Ina he kumu ka lakou e ae ole ia ai ke noi.

Honolulu. Dekemaba 21, 1897.

Na ka Aha:

GEORGE LUCAS,

2682-3t Kakauolelo.

AHA KAAPUNI O KA APANA HOOkolokolo Eha o ko Hawaii Pae Aina. Ma ka Hooponopono Waiwai. Ma ka hana o ka waiwai o MOKUOLA o Honokaa, Hamakua, Hawaii, i make.

Ma ka heluhelu ame ka waihoia ana mai o ke Noi ame ka hoike helu waiwai a ka Lunahooponopono Waiwai o ka waiwai o au mea la i make, a maloko o laila i noni mai ai oia e nanaia a e aponoia kana hoike helu, a e hoopukaia hoy ke kauoha hope no ka mahelehele ana i ka waiwai e waiho nei ma kona lima i ka poe i kuleana ma ia waiwai, a e hookuu ana iaia mai na ko’iko’i apau. Ma ke ano Lunahooponopono Waiwai.

Ua kauohaia. O ka POAONO. La 15 o Ianuari, A. D. 1898, ma ka hora 10 kakahiaka (a. m.), maloko o ka Hale Hookolokolo Aha Kaapuni ma Hilo, Hawaii, oia ka la ame kahi i hooholoia no ka hoolohe ana i ua Noi ia ame ka hoike helu. A e hele mai ka poe apau i kuleana ma ia hana, a e hoike mai i kumu, ina he kumu ka lakou, no keaha ia e ae ole ia ai ia noi.

Hanaia Hilo, Hawaii, i keia la 15 o Dekemaba, A. D. 1897.

Na ka Aha:

DANIEL PORTER.

2682-3t Kakauolelo.

AHA KAAPUNI O KA APANA HOOkolokolo Eha o ko hawaii Pae Aina. Ma ka Hooponopono Waiwai. Ma ka hana o ka waiwai o L. A. PARVIE o Hilo, Hawaii, i make.

Ma ka heluhelu ana a waihoia ana mai o ke noi ame ka hoike helu waiwai a ka Lunahooponopono Waiwai o ka waiwai o ua mea ia i make, maloko o laila i nonoi mai ai oia e nanaia ae aponoia kana hoike helu, a e hoopukaia ke kauoha hope no ka mahelehele ana i ka waiwai w waiho ana ma kona lima i ka poe i kuleana ma ia waiwai. Apau. Ma ia ano Lunahooponopono Waiwai.

Ua kauohaia. O ka POAONO, ia 15 o IANUARI. 1898, hora 10 kakahiaka (a. m.). ma Keena, maloko o ka Hale Hookolokolo Aha Kuapuni, ma Hilo, Hawaii, oia ka manawa ame kahi I kauohaia no ka hoolohe ana i ke noi ame ka hoike helu, a ma ia wa a ma ia wahi e hele mai ai ka poe apau i kuleana ma ia hana a e hoike mai i kumu, ina he kumu ka lakou. Nokeaha ia e ae ole ia ai ke noi.

Hanaia ma Hilo, Hawaii, ko Hawaii Pae Aina, i keia ia 16 o Dekemaba. A. D. 1898.

Na ka Aha:

DANIEL PORTER,

2682-3t Kakauolelo.

AHA KAAPUNI O KA APANA HOOkolokolo Eha o ko Hawaii Pae Aina. Ma ka hooponopono Waiwai. Ma ka Hana o ka waiwai o Kea (w), o Kukuihaele. Hamakua, Hawaii. Imua O E. G. Hitchcock. Lunakanawai Kaapuni.

Ma ka Heluhelu ana ame ka Waihoia ana mai o ke Noi a Pihana (w) ka makuahine o Kea (w) e olelo ana, ua make kauoha ole o Kea (w) o Kukuihaele, Hamakua, ma Hamakua, ma ka la eono o Okatoba, A. D. 1897, a e nonoi ana e hoopukaia aku na Palapala Lunahooponopono Waiwai iaia, ia Pihana (w) i olelo ae nei.

Ua kauohaia, o ka Poaono la 15 o Ianuari. A. D. 1898, ma ka hora 9 a. m. (kakahiaka) oia ka wa i hookaawaleia ai no ka hoolohe ana i ua Palapala Hoopii la imua o ka Lunakanawai Kaapuni, ma ke Keena Hookolokolo o keia Aha, ma Hilo, Hawaii, a ma ia manawa a ma iawahi e hele mai ai na poe apau i pili ma ua hana ia, a e hoike mai i kumu, ina he kumu ka lakou, nokeaha la e ae ole ia ai ua Noi la.

Na ka Aha:

DANIEL PORTER.

2681-3ts . Kakauolelo.

AHA KAAPUNI O KA APANA HOOkolokolo Elima o ko Hawaii Pae Aina. Ma ka Hooponopono Waiwai. Ma ke Keena. Ma ka hana o ka Waiwai o KAPALEHUA (k), o Wailua, Kauai, I make kauoha ole.

Ma ka heluhelu ana ame ka waiho ia ana mai o ke Noi ame ka hoike Helu Dala a C. H. Bishop, ka Lunahooponopoo Waiwai o ka waiwai I oleloia ae ia, e nonoi ana e aeia ka huina 0 $469.15 a e kakiia oia I $660.00, a e nonoi ana e nanaia a e aponoia ua hoike la, a e hoopukaia I kauoha hope uo ka māhelehele ana I ka waiwai e koe nei maloko kona lima I ka poe I kuleanama ia mea, a e hookuu ana iaia ame kona mau hope mai loko mai o na ko’iko’i āpau, ma ke ano Lunahooponopono Waiwai.

Ua kauohaia, o ka Poakahi, la 17 o Ianuari. A. D. 18998, ma ka hora 10 a. m. imua o ka Lunakanawai o ua Aha la ma ke Keena hookolokolo o ua Aha la, ma Lihue, Mokupuni o Kauai, oia ka manawa ame kahi no ka hoolohe ana i ua Noi ia ame ka Hoike Helu Dala, a ma ia wa e hele mai ai ka poe apau i kuleana ma ua hana la, a e hoike mai i kumu, ina he kumu ka lakou, nokeaha la e ae ole ia ai ia Noi, a e waiho mai noho i mea hoike no ka mea i kuleana i ua waiwai la.

Hanaia ma Lihue. I keia la 11 o Dekemaba, 1897.

R. W. T. PURVIS.

Kakauolelo o ka Aha Kaapuni o ka Apana Hookolokolo Kaapuni Elima. 2681-3ys.

ILOKO O KA AHA KAAPUNI APAna Hookolokolo Ekahi o ko Hawaii Pae Aina. Ma ka Hooponopono Waiwai. Ma ka hana o ka waiwai o JOHANN F. DREWES, o Honolulu, i make.

Oiai ua waihoia mai ka Palapala Noi ame ka Hoike Waiwai a ka Palapala Noi ame ka Hoike Waiwai a ka Luna Hooko Kauoha o ka waiwai o ka mea i make i oleloia ae ia, a ma ia palapala i nonoi mai ai oia e nana ia a e apono ia kana hoike waiwai a e hoopukaia ke kauoha hope loa no ka mahele ana i ka waiwai o koe nei ma kona lima i na poe i kuleana ma ia waiwai, a e hookuu ana iaia mai na ko’iko’i mai apau ma kona ano Luna Hooko Kauoha.

Ua kauohaia, o ka POALIMA, Ia 14 o IANUARI, M. H. 1898, hora 10 o ke kakahiaka ma ke Keena Hookolokolo. Aliiolani Hale, ma Honolulu, oia kahi ame ka manawa i kohoia no ka hoolohe ana i ua noi la ame ka Hoike Waiwai, a malaila a ma ia wa hoy e hele ae ai no kanaka apau i kuleana ma ia waiwai a hoike mai i kumu, ina he kumu ka lakou e ae ole ia ai ua noi la.

Hanalulu, Dekemaba 14, 1897.

Na ka Aha:

P. D. Kellett, JR.

2681-3ts Kakauolelo.

ILOKO O KA AHA KAAPUNI APANA Hookolokolo Ekahi o ko Hawaii Pae Aina. ELIZABETH LOPEZ kue ia DELPHINO LOPEZ.

Ka Repubalika o Hawaii. I ka Ilamuku o ke Aupuni. A i ole, i kona hope: Me ka mahalo.

Ke kauohaia aku nei oe e kii ia Delphino Lopez, mea hoopilia, ina e waiho mai ana oia i kana pane i kakauia iloko o na la he iwakālua mahope ho o ka hookoia ana o keia, e hele mai imua o ka Aha Kaapuni i hoikeia ae nei, ma ke Kau o Novemaba o ua Aha la, e malamala ana ma Honolulu, Mokupuni o Oahu, ma ka POAKAHI. La 1 o NOVEMABA ae ma ka hora 10 o ke kakahiaka, e hoike mai hoi i ke kumu e ae ole ia ai ke koi a Elizabeth Lopez, ka mea hoopii, e like me ka mea i hoakakaia iloko o kana palapala hoopii i pakuiia me keia.

A e hoihoi mai i ka palapala kii me ka hoike piha o kau mau hana no ia mea.

Ikea ka mea Hanohano Alfred W Carter, Lunakanawai Ekahi o ka (sila) Aha Kaapuni Apana Hookolokolo Ekahi, Honolulu, Oahu. I keia ia 14 o Sepalemaba, 1897. (Inoa) P. Dansson KE@TT, Jr.

Kakakuolelo.

Ke hoike aku nei au, o ka mea maluna ae he kope olelo ia o ka Palapala Kii ma keia hihia a ua kauohaia ua Aha ia e hoolahaia ia mea a e hoopaneeia ka hihia a ke Kau o Feberuari. 1898. e hiki mai ana o keia Aha.

GEORGE LUCAS.

Kakauolelo.

Honolulu. Novemaba 26th. 1897. 2679-6t

@oolaha @ooko Moraki

HOOLAHA HOOKO MORAKI

Mamuli o kekahi mana kuai i hoike ia maloko o kekahi palapala moraki i hana ia mawaena o Maria E. Galaspo me Eduardo A. Galaspo o ka aoao mua, ame Joseph P. Cooke o ka aoao elua, ma ka la 11 o Dec., 1894, i kakau kope ia ma ka la buke 151, aoao 279. 280, a i hooliloia ia L. L. Cooke. Kahu Waiwai, me ke kuleana o ka hooko ana, a mamuli o ka uhai ia ana o na kumu aelike o kela moraki, oia hoy, no ka uku ole ia o ke kumupaa ame ka ukupanee ma ka wa e oo ai, nolaila. Ke hoolaha ia aku mei e ka mea nona ka aoao elua o ua moraki nei, e hooko ana oia ia mana kuai.

A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoikw ia ma ia moraki no ke kudala ana, ma ke keena kudala o Jas. F. Morgas, ma Honolulu, ma ka la 8 o Ianuari, 1898, hora 12 o ia la.

Aia ma kahi o W. R. Kakela na olelo hoakaka no keia mea. Hanaia i keia la..0…………189..

W. R. CASTLE,

Loio no ka Waihona o ka Mea Moraki Mai.

Penei na aina e waiho ana ma ke Kulanakauhale Momi, i ikeia ka Apana Helu 7, Mahele Helu 1, o ka palapala aina o ke Kulanakauhale Momi, i aponoia e ka Hui Alahao ame Aina o Oahu, ka laula ma ke alo he 75 kp., ma First St., oia ka apana aina i hooliloia aku ia Eduardo Galaspo, ma ka palapala kuai a ua Hui la, i hanaia ma Mei 24. 1892, a i kopeia ma ke Keena Kakau Kope, maloko o ka Buke 136, ma na aoao 421 ame 422.

2681-3ts.

Hela ame keia.

NALOWALE.

Ma ke alanui mai Hoaeae a Waialua. Ua haule a anlowale he buke pakeke. E haawiia no he makana ke hoihoi ae ia   A. J. CAMPBELL.

2683-1t (Kimo Hoaeae)­­

HOAKAKA A KA BANAKO O HAWAII, I KAUPALENAIA, DEKEMABA 27, 1897. MAMUA O KA LAWELAWE HANA ANA.

I kūlike ai me ka Pauku 14 o ke Kanawai Banako o 1884, ke Kanawai hoy i kukuluia ai keia Banako, eia iho mahope nei ka hoakaka o kana mau hana. Dekemaba 27, 1897, mamua o ka hoomaka ana i ka hana. Kumuwaiwai Kumupaa $400,000 i maheleheleia iloko o 4000 mahele kuleana. He $100 no ka mahele hookahi. Ua auhauia hoi a loaa ka huina o $75 no ka mahele no ka mahele hookahi. A mamuli oia. Ua loaa mai la ka huina o $3000

NA AIE-LIABILITIES.

Kumuwaiwai kumupaa i hookaaia mai…………$300,000.00

Na Dala i hoahuia mai…..38,105.99

338,105.99

NA KUMU LOAA-ASSETS.

Na Bila Kikoo Dala i ko na Aina E ame Hoailona Pai no ia mea………….$60,450.00

Laikini ame Hoailona Pai no ia mea…………756.00

Dala Kuike ma ka lima…………276,890.99

$338,105.99

P. C. Jones. Peresidena.

Honolulu, Dekemaba 25, 1897.

Ke hooia nei au, ua pololei ka Hoakaka o ka Banako o Hawaii. Kaupalenaia. P. C. Jones. Peresidena.

Kakauinoaia a hoohikiia imua o’u i keia la 25 o Dekemaba, A. D. 1897.

E. A. MOTT-SMITH,

Notere o ka Lehulehu.

2683-3t

HOOLAHA.

Ma keia ke hoolahaia aku nei i na lala o ka Hui Hawaii Kuai Aina, e ukuia ana ka mahele puka he Iwakalua Pa-Keneta (20 per cent.) no ke dala hookahi no ka makahiki e pau ana ma ka la 31 o Dekemaba. 1897, ma ke keena o ke Kakauolelo, ma ka Poakahi. 10, 1897. J. K. KAHOOKANO.

Persidena.

ENOCH JOHNSON,

Kakauolelo.

Dec. 31, 1897.  2683-1t

HE HALE A HE AINA WAIWAI NO KE KUAI.

E kuaiia aku ana e Jas. F. Morgan ma ka Poalima, Dekemaba 31, 1897. Ma ka hora 12 o ke awakea, ke ole e hoolilo e ia aku ma ke kuai e ka mea nona ka inoa malalo iho nei.

He Aina me na Hale maluna iho, aia ma ka aoao Hikina o Alanui Puowaina ma Honolulu, makua iho o ka Halepule Pukiki, nona ka laula o mua he 71 kapuai make alanui a he @ kapuai ka hohonu ma ka aoao Hikina Hema. A he 72 kapuai ma ka aoao Komohana-Akau. He maikai ke kuleana.

Honolulu, e Dekemaba 27, 1897.

2683-4t W. R. CASTLE.

OLELO HOOLAHA I NA POE AIE.

Ke hoolahaia aku nei e ka mea nona ka inoa malalo iho nei, ka lunahooponopono waiwai o ka Waiwai o La Kahau-elua. I make. I ka Poe Aie. Ame ka poe no apau he mau koi ka lakou i ua mea la i make. E hoike mai ia mau mea. Me na palapala hooia hookaa, i loko o eono mahiua, mahope o ka puka mua ana’ku o keia olelo hoolaha, i ka lunahooponopono i oleloia ae nei, ma ka keena o kona loio i oleloia, oia o Gilbert F. Little, Hilo, Hawaii. Ina no ua hoopaaia ua koi ia ma o ka moraki ia maluna o ka Waiwai Paa, a i ole ia, e hoole mau loa ia aku no ua koi la, a mau koi paha.

Hanaia ma Hilo, Hawaii. Novemaba 24 A. D, 1897.

KAULULA (w).

Lunahooponopono waiwai o ka Waiwai o La Kahau-elua. I make.

AINA KOPE NO KA HOOLIMALIMA.

Ke haawi aku nei na Kahu Malama Waiwai o ka Waiwai o B. P. Bishop no ka hoolimalima no 21 makahiki, he poe apana aina i makemake nui ia, i kūpono no ke kanu ana, ma ke Ahupuaa o Keei, Kona. Hawaii, ma ka uku hoolimalima e nee ana mai ka $1 a ka $5 no ka eka. Ua maheleheleia na apana e W. A. Wall. ke Anaaina, a mai ka elima eka a ke kanaiwa-kuma-mawalu eka o ka apana. E haawila aku ke noi ia A. C. Lovekin, Kakauolelo Nui. Ma ke Keena Oihana Aina (Estate Office) e pili pu ia me ka Banako o Bihopa: a i ole, ia J. D. Paris, Napoopoo, Kona, ka agena no ka Waiwai o Bihopa, no ka Apana o Kona; nana hoi e hoike mai i ka poe noi apau i na palapala aina o na apana aina, no ka hoike ana i kahi i waiho ai me ka nui (size) o ua mau apana ia, ame ke ano o ka palapala hoolimalima. E kuaiia aku ana ma ke kudala akea i ka mea e koho mai ana i koho kiekie no ka hoolimalima. E hoolaha hou ia aku no, ka la e kuaiia aku ai.

Honolulu, Dekemaba 15, 1897.

2681-4ts.

OLELO HOOLAHA HOOKAPU LOKO AME KAI LAWAIA.

Ke hoikeia aku nei ka lohe ma keia o ka Hui nona ka inoa malalo iho nei, ke hookapu a ke papa aku nei i na poe apau, aole e hele maluna o ke kuapa o ka loko o Eo, aole hoy maloko o kona kai, a peia me ke kai o Waipio e pili ana i ua loko la. Mahope iho o ka hora 8 o ke ahiahi o na la apau. Koe wale no ka aeia ana e ka hui nona ka inoa malalo iho nei. Aole nohoi he kuleana o ka Hui e papa ai i ka heleia ana o ke alahele ma ke alanui hao e pili ia i ua loko la.

Honolulu, Dek. 9. 1897.

WONG LING & CO.

Ma Waipio, Oahu.

2680-5ts.

Theo. P. Severin

(KAPOLEMA MA@

He Mea Pa’i Kii Hooleleaka.

E hana ana oia i na kii nani loa ma Honolulu nei no ka uku haahaa loa. E paiia anana Kii Ahaaina, Mare, Hoolewa, na Hale Noho, a pela aku.

Ehoonuiia ae ana na kii mai na kii liilii mai.

Alanui Nuuanu, ma keia aoao aku o ke Alanui Pauahi. Aia iluna.

2664-12ms

Makemake Makou I ka Oukou Hana

Pa’i ana ame

Ka Humu ana

I na Buke.

EMANAIA ME KA NOIAU LOA.

Na Papa Keleawe Inoa me na Hua Kuni Wai Gola.

E Hanaia no ia ma ko makou nei keeu@ a kuiike me ka mea i makemakeia

KA HUI HAWAIIAN GAZETTE

Na Poe oolaha.

Hale Pohaku o Von Holt, Alanui Moi, Honolulu.

Vapo-resolene

He Laau Hoola. Oiai no Oe e Hiamoe ana no ke Kena Kalea, ka Hano, K@ Ho, ka Nalulu Kau, ke Anu

Ma ka wa e hoopunohuia ai ka uwehi o ke CRESOLENE ma loko o ke keena o ka mea ma’i, e loaa koke no ka oluolu. He ka mahao kona ikaika hooia a ma ia wa hookahi nohoi ekaohila aku no ka pahola ana mai o na ma’i lele, ma o kona lilo ana he laau kiaai ma’i, a he laau pilikia ole nohoi no na keiki. @naila ana e na poe h@au laau. E haaw wale ia no ka buke hoakaka.

HOLLISTER DRUG CO. Honolulu, H. I. na Agena.