Ka Nupepa Kuokoa, Volume XXXVI, Number 52, 24 December 1897 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO

Mai a mahope aku o Iulai 5. 1895

 

Haalele ia Mauana 7:40 9:58 2:25 2:28 5:38 Haalele Will o Ewa 8:10  10:19 2:49 2:24 6:14 Hiki i Waianae – 10:54 – 3:24 6:49 Waianae ua @ @ @ la a pau. @ @ @ @ Will o Ewa hiki i waianae ua la koe Sabati apau. Kaa Okana hiki i waianae na la apau. Na la a pau koe Sabati. Waianae na hiki will o Ewa na la a pau. Will o Ewa na la a pau. Hiki Waianae @ me Sabati wale no. Hiki i Waianae na poaono me Sabati. Hiki i Waianae na la a pau.

 

Nu Hou Hawaii

Aloha! Kalikimaka kākou!

 

Mea ia mai ana he kalua puaʻa Kalikimaka kau o ka la apopo. Alu kauwea, wela hao.

 

Ke makemake oukou i na puaa momona pale-waiu, kūpono no na papaahaaina, e kii ae oukou la W. C. Aki: a i ole, ia G. W. Kualaku.

 

Ma ka hora 12 o ke awakea o ka Poaha nei (Dek. 23) i holo aku ai ka mokuahi Kalaudina no na awa Kinau, ma Maui ame Hawaii.

 

Ua mele Kalikimaka ae kekahi mau kaa ma ka la ineihinei, ma ka helu 290. Ua huikau ae la he mau kaa a he mau lio, a ua loaa na P@oo ana, aka, he Kalaikimaka wale no a o ka pau no ia.

 

O sa bila aie apau i ka Oihana Alanui o Honolulu nei, e pono e waiho ia aku ma ia keena, ma ka la 4 o Ianuali, 1898, a mamua ae paha oia la.

 

Ua Makaukau ke keena o ka Papa Ola ma Honolulu nei e hookaa i na bila aie oia keena, ke waihoia aku ma ka la 5 o Ianurari, 1898, a mamua ae paha oia la.

 

Ua haawi ae o Mr. Monsarrat he wahi paina hoohanohano i ke Kamaliʻiwahine Kaiu lani ma Niu ae nei, ma ka Poaono o ka pule I hala, a ua maikai na mea I hoomakakauia malaila.

 

Ke haukawewe mai nei na leo kuau o loko o na halekuai like ole o Honolulu nei. He manuunuu noho i na poe mikiala kuau e hele nei. O na wahine Hawaii ame na wahine Pukiki paha ka oi aku.

 

O ka 11 o Apelila, 1898, oia hoi ka Poakahi, mawaena o ka hora 8 o ke kakahiaka ame ka hora 12 o ke awakea, e li ia ai o Kapea a me Kaio, ma ka amana li kanaka, ke ole e kapaeia ka olelo hoahewa e ke kiure, a he kumu okoa e ae paha e uila ana.

E nana ae I ka hoolaha a ka a ka Luna wai o Honolulu nei, ma ka mākou pepa o kēia la , mal alo o ke poo “Ma ke Kauoha.” Ke kaa ole ka uku wai ma ka la 15 o Februaru, a mamua ae hola oia la, e “okiia” no na piula wai oia ano.

 

Mahope iho o ka lohe ana o Cutis Fleck, o Anahelm, Kaleponi, i kona mau hoaloha e mahalo no ke Nahu, Kolera ame ka HI, ua kuai iho,a i kei awa, aole i kana mai kona haanou no ke kamahao o na hana a ua laau la. E kuauia ana e na poe kuai laau lapau apau. O Benson, Smith & Co., na Agena ma Ko Hawaii Pae Aina.

 

Ma kei aku hou ana mai o ka moku ahí Australia no Honolulu nei, ma i Kapalakiko mai, oia ka la 4 o Ianuali ae nei, e hō ʻea mai ai ka ogana hou no ka halepule hou o ke Kula Kamehameha i hoolaaia ma ka la Sabati aku nei.

 

Mamuli o ka huna o kekahi wahine, nona ka inoa o Kaaialii, he puudala māhuahua, mai kana kane mai, o pa u i ka ukauhaia e ke kane ma ka inu rama, ua hopuia na wahine la, mamuli o ka hoopii a ke kane ma ka inu rama, ua hopuia na wahine la, mamuli o ka hoopii a ke kane, aka, i ka maopopo ana i ka Ilamuku he hana maikai ka ua wahine la i hana ai, ua hookuuia. Owai hou ae ua wahine hana pono elike me keia?

 

Mamuli o ka hanu hoʻomaha ole o ka Ilamuku Brown o ke Aupuni, aia hoi, ua loaa aku la iaia ma kahi wa kokoke loa I hala iho la he halekuai Kepani I hoʻolako iaia iho me na kookoo, I hookomoia na pahi-o I loko. He 18 iniha ka loihi o ke kila o kela a me kēia pahi I hookomoia no I ke kūpono no na hana okikoi. Ua lilo kekahi mau kookoo, a o an mea i koe iho, ua paa ka lima o ka Ilamuku.

 

Ma ka la 12 iho nei o keia mahina i hoohuiia ae ai e Lunakahiko Aberaharna Fernandez ma Auwaiolimu. O Keawekolohe (k) ame Laa (w) ma ka hipuu maemae o ka materemonio. E mahaloia ka mare no na mea apau.

 

He heihei waapa ke malamaia ana e kekahi mau keiki hoe pukani o na mokukaua Baltimore a me Beninetona ma ka la apopo (Dek. 29). He umi hoe o ka waapa hookahi. Aia nae ka wai e kahe nei ma ka aoao o ka Beninetona.

 

Ke loheloia mai nei, he onawaliwali ka ko ka moiwahine kanemake i keia mau la iho la. Mai hala aku oia no Kailua, ma ka Mauna Loa o ka Poalua nei, eia nae, no ke ao a kona kauka, no ke kūpono ole iaia ke hele no laila, ua noho hou iho la pia.

 

He Keaka “paele” ko ka po o ka la apopo, ma ka Hale Mele Hou. O na keiki aukai o ka mokukaua Baltimore na poe na lakou e ulele guru hanahana mai ana ia mau hana. O ke mele kaulana loa a lakou e himeni mai ai ma ia po, oia o “Owau no, o ihu eke ana. “ (“I’m a rootin, shootin, shootin nigger beau.”)

 

Ua loaa mai ia makoe he palapala mai kekahi makamaka mai o makou ma Kaleponi. E hoike ana, ua lohe wale ia ma Kapalakiko, ua hoouna mai nei kekahi haole o kekahi hui himaeni puali Kawaihau o Honolulu nei no ka hele ana aku i ka hoikeike Nui ma Parisa. Aole nae i maopopo ka oiaio oia mea ia makou.

O ka Poakolunei, Dec. 23 oia ka la hoomanao no ka make ana o kekahi kanaka Farani kaulana loa nona ka inoa o Gile de Laval, Ilamaku o Retz, ma ka makahiki 1440. O keia ke kanaka i loaa mai ai i  kela moolelo i ka paia o “Umiumi Uliuli” (Blue Beard). He kanaka I mare I na wahine he nui, a I pau hoi I ka pepehia e ia.

 

He mea pono I kela ame kēia ohana ke loaa ona laau lapaau mama no me ma’I o ka opu. I laau lapau puhi ole no ka “Moku ino loa o ka lepo (Diarhea) Nahu, Umii, Kolera ame na ma’i apau o ka opu, aole he laau lapaau oi aku o ka maikai e like me ka PERRY DAVIS LAAU PENIKALA (Pain Killer). Ua lawelaweia keia laau no na makahiki he kanalima, a ke hana mau ia nei i kela ame keia la, ma na aiana apau o ka honua nei. O ka Hui Kuai Laau Lapaau O Hollister ka Agena.

 

NA POULI ANA O KA LA AME KA MAHINA.

 

Ma ka ike  a na poe olohe kilo lani, he eono ka nui o na pouli ana o  ka la a me ka mahina. A penei ka hoonohonohoia ana o keia pouli ana:

1. Pouli hapa, no ka Mahina, Ianuali 7. Aole nae e ikeia ana ma Hawaiii nei.
2. Pouli piha, no ka La, Ianuali 21. Aole no e ikeia ana ma Hawaii nei. Enee ana ana kona alahele ma Aferika Waena ame Inia Akau a pau ma Siberia.
3. He Pouli hapa,. No ka Mahina, ma Iula 3 Aole no e ikeia ana Hawaii nei.
4. He pouli makahiki, no ka La, ma iulai 18. Aole no e ike ia ma Hawaii nei: aka, e ikeia ana ma ka Pakipika Hema.
5. He pouli hapa no ka La, ma Dek. 12-13. Ma ka Pakipika Hema wale no e ikeia ai, ma ka Poai Anu Hema.
6. He Pouli piha, no ka Mahina, ma  dek. 27. Aole no e ike ia ma Hawaii nei

 

HOALOHAALOHA A KA EKALASIA O WAIANAE IA REV. JUDGE KEKAHUNA.

 

Me ka Walohia:

Oiai ke kehau o Kaala e inki hu’i ana i ka ili, a e māwehe ae ana ke alaula o ke kakahiaka, a olili mai la ka la maluna ae o na kualono aloha o ua Kaiaulu nei, e hoike mai ana i kona nani oikelakela ma na welelau o ka honua, a e hoonee ana ke sekona o ka wati i ka manamana kuhikuhi minute i ka hora eono, a o ka manamana kuhikuhi hora i ka hora ehiku, a oia no ka manawa i pahola mai ai ka lono hooikilele hauli i ke kikowaena o ke kalanakauhale o Waianae nei. O Mrs. Miriam Kekahuna ua pauaho mai la ola iloko o ka maluhia, ma ka wanao o ka la 9 o Dekemaba, M. H. me ka mokumokuāhua o ka naau i keia lono pili kaumaha i koikela mai. Auwe!walohia wlae! A pela iho la i hookola ai ka olelo: “O ke kanka i hanuia e ka wahine, he hapa kona mau la a ua piha me na popilikia.” Nolaila, e hoy ana ka lepo i kona wahi, a o ka uhane e hoy no ia i kona mea nana i hana : a “Pomaikai ka poe make ke make iloko o ka Haku.” Auwe, luuluu wale! Ae—

Luuluu aku la Hanalei i ka ua nui, Kaumaha i ka noe o Alakai, Akahi hoy la a ke aloha i hiki mai ai Ke hu’e nei i waimaka hanini mawaho.

 

Pulu aku la a’u mau lehua i Kaana e I laila la, ha’o e.

Nolaila, e hooholoia: O makou. O na hoahanau hoole pope o ka ekalasia o Waianae, ma o ko maku mau komike la, ke hoike aku nei i ko makou mau kaumaha lauluu me ka walohia ia oe e Rev. J. Kekahuna. Oiai, ma ka wanaao o ka la i hoikeia, ua oluolu i ka Haku mana loa ke kii ana mai a lawe aku i ka hana oia o kau aliiwahine i aloha nui ia. Mrs. Miriam kekahuna, a ua hookoe iho ia e noho kane-wahine-make ma keia aoao, ame na lei hanai a olua i hooneleia mai i ka makuahine hanai, a hanai, a ua hala aku la kou kokoolua o ko olua noho pu ana mai me makou iloko o na makahiki he 17 a oi, e hapai ana i ke ke’a o ka haku Iesu Kristo iwaena o keia ekalaseia, a ua ili iho maluna ou ka haawe luuluu o ke kaumaha, a o ka hoomanao waiohia ana ae iaia me ka manaonao, a e kumakena aku kakou nona me ke kanikau u ana.

 

E hoohololoia: Ke noi nei ka leo o ka makou pule i ka Mea Mana Loa e hoomama ae i ke kaumaha luluu a me ka ehaeha o kou naau i hoowalaniaia no kou mama aloha, a me makou pu hoy kekahi.

E hooholoia: I hookah kope o keia i ke kane wahine make, a i hookahi ii ka Nupepa Kuokoa: a o ke kumu o ka Palapala Hoalohaaloha i ka Ekalasia. O makou iho no me ka walohia.

J. N. HALUALANI,

S. W. KAAIHOLEI,

D. KEAUHULIHIA,

S. K HUI,

IAKOBO KAWEHE,

S. PAAKONIA.

Waianae, Dec. 13, 1897.

 

LUSELEMA

Ke ahulau. He au popilikia ana keia no ka aiana, oiai aia ma na ipuka o Peresia nei ke ku mai nei ke alii puuwai lokoino o ka hikina, oia o Mo, me na lehulehu o kona poe ikaika ma ke kaua, me ka makaukau loa e lele kaua mai maluna o Peresia nei, a e anai hoy iaia me he ahí la.

 

Nolaila, e na wahaolelo o na akua e paa nei  ko Persia nei hopena. Ke makemake nei au e hoike mai oukou i ka hopena o keia komohia ana aku o ko kakou aia@ iloko o na kakoko ana me keia enemi. Heaha ka hoike a na mea mana o ka lewa iluna ame ko ka honua nei, maluna o kona ili. Maloko o kona mau mahele apau, a ma lalo iho nei hoy o ka aina? He mea oiaia, aole loa e hiki i ke alii o Peresia nei ke hoohaahaa i kona nohoalii ma ka ae wale ana aku i ka enemi o ka iana e holapu mai iloko o kona mau palena- aole, aole: aka, e ka’ika’i ana ko Persia nei Moi i kana pahikaua ma kona lima akau, o kana pupuhi hoolalelale i kona poe koa puuwai wiwo ole e paa ana i ama kona lima hema, a imua no o ke kahua kaua kona alahele e nee aku ai me kuemihope ole. O na haawina hoopomaikai nae a na anela kiai o Peresia nei, oia ka’u i makemake ai e hookaukolo aku ma o oukou la. Nolaila, e ike ame ka noeau i waihoia iloko o na ipu alapata o Peresia nei Heaha ka olelo a o ka hoike hoy a ka po?”

I kela wa i meha pu iho ai ke anaiana mai o a o, aohe mea pane leo. Ua pilipu nohoai nohoi na mea apau, nokamea, ua ike a ua hoomaopopo lakou, ua hoea mai he poino nui a weliweli maluna o ko lakou aiana. Ua kulu nohoi na waimaka o kekahi poe no ke aloha i ka aina. Oiai ka hakanu lai malie e popoi ana maluna o na mea apau ia wa i ku mau i kekahi wahine ui, i oi aku kona ui i na wahine apau o Persia, a me ka hiehe o kona kulana, pane mai la ia:

“E ke alii o ka lahuikanaka o Peresia, ka mea nona ka nohoalii e haalulu nei imua o na lehulehu o Inia, a me oukou hoy, e na ipu alapaka o ka naauao ame ka noeau o na akua o ka lewa ka honua mea ka po. E haliu

Mai ko oukpu mau hoolona ana, a e haawi mai hoy i ko oukou mau pepeiao. Ano, i keia la i hanauia mai ai no Peresia, he kanaka i hoolawaia kona mau ano apau e na ano o ke kanaka, aka iloko o ka noeau o ke Akua i ka poiuiu o ka lani, ua haawi mai ia oia i hoailona  o ona mana, oia hoy, he kanaka ia o hookahi onohi. Aole  hoowahawaha ko kea o nei i kona wa i hanauia mai, a haawi aku iaia iloko o na eheu o ka noho ame ke ola maopopo ana: aka, ua pulamaia oia e kona mau luaui aloha. Ai keia la, he pukaua ikaika oia no na kihi apau o Inia. He koa, he olal a he ahikanana. Ua ike ke Akua i keia haawina hoouluaoa e hoea mai ana maluna o Persia: nolaila, i ka manawa ame ka hapa o ka manawa i kaa hope ae nei, aia hoy, haawi mai la oia i hoola no Peresia. He keiki oia i omiloia me na maawe lopi apau o ka nani ame ka ui, a o kona lauoho, he hoailona ia o ka maluhia ame ka lanakila, aka ua haakei ka naau o ke kauaka a ke Akua i haawi mai ai i puuhonua no keia aina. Auhea kela keiki? Owai hoy iwaena o na keiki hewa a Adamu  ike i kahi o keia keiki i hunaia ai? Ae- o ka manawa- he wa ia o 10 makahiki, a o ka hapa o ka manwa he 5 makahiki ia, no laila he 15 ka nui o na makahiki o kela keiki i keia wa. Ua hanauia mai no ka Moiwahine alohaia o Peresia nei he keiki: aka, ua kiolaia aku la i ama ka aina waoakua, aole hoy oia i ike hoi ia e na maka kanaka.

“No laila he hoopai keia popilikia na ke Akua i hookau mai ai maluna o ka nohoalii o Peresia.”

“E hoolohe mai, e kii aku ke alii i ke kanaka wahine nona ka inoa o @, e noho ana ma ke aloalii o ko Peresia Moiwahine, a nana e hoike mai i ka mea huna i hookaukoloia mai ai ka hoopai a ke Akua, no ka hew i hanaia maluna o ka makana hiwahiwa a ke Akua i haawi mai ai. Aia a hoea mai oia imua o ke alii ame keia anaina, a hoike mai hoy ooia no kekahi mau mea e pili ana i ke keiki lauoho hina o Peresia nei, a lila, e hoike aku au ma na hoailona lehulehu e hoopakeieia ai o Peresia nei.”

I ka hooki ana o keia wahine i kana mau olelo, ua hooho like ae la na poe apau me ka leo hookahi, ma ka olelo.

“E hoonani mau loa ia o Alaheke Akua. E laweia mai ke kahu keiki o ke lauoha hina. E ke alii e ola mau loa oe.”

(Mele Kalikimaka a keia pule ae Hapenauia kakou. Aole i pau.)

 

Hoolaha Mana Hookiokooio.

 

 

I LOKO O KA AHA KAAPUNI APANA Hookolokolo Ekahi o  ko Hawaii Pae Aiana. Ma ka Hooponopono waiwai. Ma ka hana o ka waiwai o Kepola (w) o Honolulu i make kauoha ole. No ka mea, ua waihoia mai e E. A. Williams, ka mea aie he palapala noi no ka Hookohu Lunahooponopono waiwai no ka waiwai i oleloia, a e hoopuka ia aku ia palapala ia Mrs. C. H. Clark, no laila, ma keia, ke hoolahaia aku nei i ka poe apau i kulena ma ua waiwai la, o ka POALIMA, IANUALI 21, 198, ma aliiolani Hale, Honolulu, hora 12 o ke kakahiakam oia kahi ame ka manawa e hele mai ai lakou, a e hoike mai i na kumu, ina he kumu ka lakou e ae ole ia ai ke noi.

 Honolulu. Dekemapa 21, 1897.

Na ka Aha:

        George Lucas

2682-3t Kakauolelo

 

AHA KAAPUNI O KA APANA HOOkolokolo Eha o ko Hawaiii Pae Aina. Ma ka hana o ka waiwai o Mokuola o Honokaa, Hamakua, Hawaii, i make.

Ma ka heluhelu ame ka waihoia ana mai o ke  Noi ame  ka hoike helu waiwai a ka Lunahooponopono waiwai o ka waiwai  o au mea la i make, a maloko o laila i nonoi mai ai ola e nanaia a e hooukaia hoy ke kaoha hope no ka mahelehele ana i ka waiwai e waiho nei ma kona lima i ka poe i kuleana ma ia waiwai, a e hookuu ana iaia mai na ko’iko’i apau, ma kea na Lunahooponopono Waiwai.

Ua kauohaia, o ka POAONO, la 15 o IANUALI, A. D. 19898 ma ka hola 10 kakahiaka (a. m), maloko o ka Hale Hookolokolo Aha Kaapuni ma Hilo, Hawaii, oia ka la ame kahi i hooholoia no ka hoolohe ana i ua Noi la ame ka hoike helu, e helemai ka poe apau i kuleana ma ia hana, a e hoike mai i kumu, ina he kumu ka lakou, nokeaha la e ae ia ai noi.

Hanaia Hio, Hawaii, i keia la 15 o ka Dekemapa, A. D. 1897.

Na ka Aha:

         Daniel Porter

2682-3t  Kakauolelo.

 

AHA KAAPUNI O KA APANA HOOkolokolo Eha o ko Hawaii Pae Aina. Ma ka Hooponopono waiwai Ma ka hana o ka waiwai o L.A. PARVIE o Hilo, Hawaii, i make.

Ma ka heluhelu ana waihoia ana mai o ke noi ameka hoike helu waiwai a ka lunahooponopono Waiwai o ka waiwai o ua mea la i make ,  ma loko o laila i nonoi mai oia e nanaia a e aponoia kana hoike helu, a e hoopuka ia ke kauoha hope no ka mahelehele ana i ka waiwai e waiho ana ma kona lima i ka poe i kuleana ma ia waiwai, lima i ka oe i kuleana ma ia waiwai, a e hookuuia oia mai na ko’iko’i mai apau, ma ia ano Lunahooponopono waiwai.

Ua kauohaia, o ka POAONO, la 15 o IANUALI, 1898, hola 10 kakahiaka (A.M.) ma ke Keena maloko o ka hale hookolokolo Aha Kaapuni, ma Hilo, Hawaii, oia ka manawa a me kahi i kauohaia no ka hoolohe ana i ke noi ame ka hoike helu, a ma ia wa a ma ia wahi e hele mai ai ka oe apau i kuleana ma ia hana a e hoike mai i kumu, ina he kumu ka lakou, nokeaha la e ae ole ia ai ke noi.

Hanaia ma Hilo, Hawaii, ko Hawaii Pae Aina, i keia la 16 o Dekemapa, A. D. 1898

Na Ka Aha:

Daniel Porter

2682-3t Kakauolelo.

 

 

AHA KAAPUNI O KA APANA HOOkolokolo Eha o ko Hawaii Pae aina. Ma ka hooponopono waiwai ma Ka hana o ka Waiwai o KEA (w), o kKukuihaele, Hamakua, HAwaii. Imua O E. G Hitchcock, Lunakanawaiwai Kaapuni.

Ma ka Heluhele ana ame ka Waihoia ana ma o ke Noi a Pihana (w) ka makuahine o kea (w) e olelo ana, ua make kauoha ole o Kea () o Kukuihaele, Hamakua. Ma Hamakua, ma ka la eono o Okakopa, A. D. 1897, a e nonoi ana e hoopukaia aku na Palapala Lunahooponopono Wai iaia, ia Pihana (w) i oleloia ae nei.

Ua kauohaia, o ka Poaono la 15 o Ianuali, A. D. 1898, ma ka hora 9 a.m. (Kakahiaka) oia ka wa i hookaawaleia ai no ka hoolohe ana i ua Palapala Hoepii la imua o ka Lunakanawai Kaapuni, ma ke Keena Hookoloia o keia Aha, ma hili, Hawaii, a ma ia manawa a ma ia wahi e hele mai ai na poe apau i pili ma ua hana ia, a e hoike mai i kumu, ina he kumu ka lakou, nokeaha la e ae ole ia ai ua Noi la.

Na ka aha:

Daniel Porter

2681-3ts. Kaukauolelo.

 

AHA KAAPUNI O KA APANA HOOkolokolo ELima o ko Hawaii Pae Aina. Ma ka Hooponopono Waiwai. Ma ke keena. Ma ka hana o ka waiwai o KAPALEHUA (k), o Wailua, Kanai, i make kauoha ole.

Ma ka Heluhelu ana ame ka waihoia ana mai o ke Noi ame ka Hoike Helu Dala a C. H. Bishop, ka Luna hooponopono waiwai o ka wai i oleloia ae la. E nonoi ana e aeia ka huina o $469.15 a e kakiia oia i $660.00 a e nonoi ana e nanaia a e aponoia ua hoike la a e hoopukaia i  kauoha hope no ka mahelehele ana i ka waiwai e koe nei maloko o kona lima i ka poe i kuleana ma ia mea. A e hookuu ana iaia ame kona  mau hope mai loko mai o na ko’iko’i apau, ma ke ano Lunahooponopono waiwai. Ua kauohaia, o ka Poakahi 17 o Ianuali, A D. 1898 ma ka hola A.m Imua ka ka Lunakanawai o ua Aha la ma ke Keena Hokolokolo o ia Aha la ma Lihue. Mokupuni o Kauai oia ka manwa ame kahi no ka hoolohe ana i ua Noi la ame ka hoike helu @, a ma ia wa e holo e hele mai ka poe apau i kuleana ma na hana la a e hoike mai i kumu ina he kumu ka lakou no keaha la e ae ole ia ai ia Noi, a e waiho mai nohoi i mea hoike no ka mea he kuleana i ua waiwai la. Hanaia ma Kihue i keia la 11 o Dekemapa 1897.

R. W. T PURVIS, kaukauolelo o ka Aha Kaapuni o ka Apana Hookolokolo kaapuni Elima. 2681-3ts.

 

ILOKO O KA AHA KAAPUNI APANA Hookolokolo Ekahi o ko Hawaii Pae Aina  Ma ka hooponopono waiwai. Ma ka hana o ka waiwai o JOHANN F. DREWES> o Honolulu i make. Oiaiua waihona mai ka Palapala Noi ame ka Hoike waiwai a ka Luna Hooko Kauoha o ka waiwai o ka mea ia make i oleloia ae la a ma ia palapal i noinoi mai ai oia e nana ia a e apono ia kana hoike waiwai a e apono ia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima i na poe i kuleana ma ia waiwai a e hookuu ana iaia mai na, ko’iko’i mai apau ma kona ano Luna Hooko Kauoha.

Ua Kauohaia, o ka POALIMA, la 14 o IANUALI. M. H. 1898. Hora 10 o ke kakahiaka ma kae keena Hookolokolo Aliiolani Hale, ma Honolulu, oia kai ame ka manawa i kohoia no ka hoolohe ana i ua noi la ame ka Hoike Waiwai. A malaila waiwai a hoike mai i kumu. Ina he kumu ka lakou e ae ole ia ai ua noi la.

Hanalulu Dekemapa 14, 1897.

Na ka aha:

P. D. Kkellett Jr.

2681-3ts Kakauolelo

 

ILOKO O KA AHA KAAPUNI APANA hookolokolo ekahi o ko Hawaii Pae Aina. ELIZABETH LOPEZ kue ia  DELPHINO LOPEZ. Ka lepukapalika o ka Hawaii. I ka Ilamuku o ke Aupuni a i ole, i kona Hope: Me ka Mahalo.

Ke Kauohaia aku nei oe e kii ia delphino Lopez, mea hoopiiia ina e waiho mai ana oia i kana pane i kakauia iloko o na la he iwakalua mahope hoo ka hookoia ana o kela, e hele mai imua o ka Aha Kaapuni i hoike ia ae nei, ma ke Kau o Novemapa o ua Aha la, e malamaia ana ma Honolulu, Mokupuni o Oahu, ma ka POAKAHi, la 1 Nowemapa o ua Ahala, e malamaia ana ma Honolulu, mOkupuni o Oahu, ma ka POAKAHI, la 1 o NAWEMAPA ae nei, ma ka hola 10 o ke kakahiaka, e hoike mai hoy i ke kumu a ae ole ia ai ke koi a Elizabeth Lopez, ka mea hoopii, e like me ka mea i hoakakaia iloko o kana palapala hoopii i pakuua me keia. A e hoihoi mai i ka palapala kii me ka hoike piha o kau mau hana no ia mea. Ikea Ka mea Hanohano Alfred W. Carter, Lunakanawai ekahi o ka (Sila) Aha Kaapuni Apana Hookolokolo Ekahi, Honolulu, OAHu, i keia la 14 o Kepakemapa, 1897. (Inoa) P. Dannsson Kellett. Jr. Kakauolelo.

Ke hoike aku nei au, o ka mea maluna ae he kope oiaio o ka Palapala Kii ma keia hihia, a ua kauohaia ua aha la e hoolahaia ia mea a e hoopaneeia ka hihia a ke Kau o Pepeuali. 1898, e hiki mai ana o keia aha.

George Lucas

Kakauolelo

Honolulu. Nowemapa 26th. 1897 2679-6t

 

 

Hoolaha hooko Moraki .

 

Hoolaha hooko Moraki.

 

Mamuli o kekahi mana kuai i hoike ia maloko o kekahi palapala mooraki i hana ia mawaena o Maria e. Galaspo me Eduardo A. Galaspo. O ka aoao mua, ame Jospeh P. Cooke o ka aoao elua, ma ka 11 o Dec. 1894, i kakau kope i ama ka buke 151, aoao 279, 280, a i hooliloia L. L. Cooke. Kahu Waiwai, me ke kuleana o ka hooko kumu aelike o kela moraki, oia hoy, no ka uku ole ia o ka kumupaa ame ka ukupanee ma ka wa e oo ai, nolaila, ke hoolaha ia kau nei e ka mea nona ka aoao elua o ua moraki nei, e hooko ana oia mana kuai.

A ke hoolaha hou ia aku nei, aia mahope aku na aina i hoike ia ma ia moraki no ke kudala ana, ma Honolulu, ma ka 8 o Ianuali, 1868, hola 12 o ia la.

Aia ma kah o W. R. Kakela na olelo hoakaka no keia mea.

Hanaia i keia la.. o 189 W.R. Castle, Lolo no ka waihona o ka mea Moraki Mai

 

Penei na aina I moraki ia: He apana aina e wwaiho ana mak e kulanakahale Momi, I keia ka apana Helu 7. Mahele helu 1, o ka palapala aiana  o ka kulanakauhale Momi, i aponoia e  ka hui Alahao a me Aina o Oahu, ka laula ma ke alii he 75. Kp., ma first st., a o ka ka hohonu he 150 kp., ia ka apana aina i hoololoia aku ia Eduardo Galaspo, ma ka palapala kuai a ua Hui la, i hanaia ma Mei 24, 1892, a i kopela ma ke keena Kakau Kope, maloko o ka Buke 136, ma na aoao 421 ame 422.

2681-3ts.

 

Kela ame Keia.

OLELO HOOLAHA I NA POE AIE.

Ka Hoolahaia aku nei ka mea nona ka inoa malalo iho nei ka lunahoopnopno waiwai o ka waiwai o  @ @ @ @ @ @ @ Hawaii, ina no ua hoopaaia ua koi la ma o ka moole ia e hoole mau loa ia aku no ua koi la a mau koi paha. Hanaia ma Hilo, Hawaii Nowemapa 24, A. D. 1897

Kaulula (w.) LunaHooponopono waiwai o ka waiwai o L. Kahau-elua i make.

 

 

AINA KOPE NO KA HOOLIMALIMA

 

Ke haawi aku nei na Kahu Malama Waiwai o ka Waiwai o B.P Bishop no ka hoolimalima no @ makahiki he poe apana aina i makemake nui ia i kupno no ke kanu kope ana. Ma ke Ahuapuaa o Keei, Kona, Hawaii ma ka uku hoolimalima e nee ana mai ka $1 a ka $5 no ka eka. Ua maheleheleia na apana e W. A. Wall, ke Anaaina a mai ka elima eka o ka apana. E hawaaiwa aku ke noi ia A.C Lovekin Kakau Olelo nui Nui ma ke Keena Oihana Aina (Estate Office) e pili pu ia  me ka Panako o Bihoopa: a i ole ia J. D Paris, Naopoopoo, Kona ka Agena no ka Waiwai o Bihopa. No ka Apana o Kona:nana hoy e hoike maii ka poe noi apau i na palapala aina o na apana aina no ka hoike ana i kahi i waiho ai me ka nui (size) o ua mau apana la ame ke ano o ka palapala hoolimalima. E kuaiia aku ana mai ana i kohe kiekie no ka hoolimalima. E hoolaha hou la aku no, ka la e kuaiia aku ai Honololo, Dekemapa 15. 1897.

2681-4ts.

 

OLELO HOOLAHA HOOKAPU LOKO AME KAI LAWAIA

 

Ke hoikeia aku nei ka lohe ma kela o ka hui nona ka inoa malalo iho nei, ke hookapu a ke papa aku nei i na poe apau, aole e hele papa aku nei i na poe apau, aole e hele maluna o kekupapa o ka loko o eo, aole hoy maloko o kona kai, a pela me ke kai o Waipio e pili ana i ua loko la, mahope iho o ka hola 8 o ke ahiahi o na la apau. Koe wale no ka aeia ana e ka Hui nona ka inoa malalo iho nei. Aole nohoi he kuleana o ka hui e papa ai i ka heleia ana o ke alahele ma ke alanui hao e pili la i ua loko la. Honolulu, dek. 9. 1897.

WONG LING & CO.

Ma Waipio, Oahu.

2680-5ts.

 

Theo. P. Severin

(Kapolema Ma@)

He Mea Pa’i kii Hoolele aka.

 

E hana ana oia i na kii nani loa ma Honolulu nei no ka uku haahaa loa. E paiia ana na Kii Ahaaina, male, Hoolewa, na Hale Noho, a pela wale aku.

E hoonuila ae ana na kii mai na kii liilii mai.

Alanui Nuaanu, ma keai aoao aku o ke alanui Pauahi, Aia iluna

2664-12ma

 

Makemake Makou I ka Oukou Hana

Pa’i ana me ka humu ana i na puke.

E hanaia me ka noiau loa.

 

Na Papa Keleawe Inoa me na Hua Kuni Wai Gula.

E hanaia no i ama ko makou nei keena a kaulike me ka mea i makemakeia.

 

Ka HUI HAWAIIAN GAZZETE

Napoe Hoolaha.

 

Hale Pohaku o Von holt. Alanui Moi Honolulu.

 

 

Vapo-Cresolene

 

MAMULI o ka haawiia ana o ka laau cresolene ma ka laau ana, oia le keehina hana palekana loa no ka lawelawe ana i na Ohe makani o ka puu. He kamahao launa ole ka holo pono kaua hoola ana i ke kunu kalea ame ke kunu ho. He laau maikai loa ia no ka pale ana kau i na ma’i lele, a pela aku, e loaa no na puke hoakaka me ke kumu kuai ole, i huipu me na palapala hoomaikai kuaiia e na pou kuai laau a pau.

HOLLISTER DRUGS CO.

Honolulu, HI., Agents