Ka Nupepa Kuokoa, Volume XXXVI, Number 52, 24 December 1897 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

Aku imua ona. E hooko ana ola i kana mau kauoha apau.

E hele pu aku ana au me oe. Maiuna o ke kea, ma kou wa e haalele iho ai ia nei.” Wahi a alamira i pane mai ai i ka haku opio. “ Me he mea la. Ke kau mai la no ua maka o kua kupunakane o ko’u hoy aku, a oiai o kou alahele aku nohol ia e hele ala loaa ke alanui e hoea aku ai i kahi noolulu kaa ani. No laila, aole hewa owau kau ohua e lawe aku ai. A loaa nohol he kenikeni ka uku kaa, a laila nau no oe e uku aku ma ka wa pono.

Ua aka ae la o alamira no keia mau mamala olelo hookolohe ana i hoopuka ae ai, a aka pua e la noho i ka Haku Rosevena.

“Aohe hewa oia, oiai ua makemake loa au e ike i kou hoea pono ana aku imua o ka Haku Tereveliana mamua o ko’u haalele ana ia oe.” Wahi a ka haku opio i pane aku ai. “Aole hiki ia’u ke hele aku a hiki i ko’u ike ana ua palekana oe.

” I keia wa. Lawe mai la ka wahine malama hale i na mea ai, no ka aina kakhiaka ua ikeia aku ke kaa o ka Haku Tereveliana e holo mai ana no ka hale kakela.

“Ina pela.” Wahi a alamira i pane ae ai. “ua hoouna mai la kuu kupunakane i kaa no’u. ia ike no au, ua makemake loa ola e hoy aku au i Tereveliana Hale. Aka, e kuu Paulo mai kai, e ae mai oe. Nau e ninini aku i kope no kou hola mamua o kuu haalele ana ino ia oe. Aole paha au e ai pu ana me oe e ke aloha auwē hewa ae la paha au a hoy aku au no Tereveliana Pa.

I kela wa noho iho la laua ma ke pākaukau , a hoomaka aku la ua lede opio nei, me ka hiehie nui, e ninini i ke kope i ke hola o ka haku opio, me ka hiehie nui, me he mea la nohoi oia ka wahine o loko o ka hale kakela. Aia hoy na onohi maka o ka haku opio ke ana pono la i na helehelena ame na hiohiona apau o ka lede alamira.

Ma kei awa, kamailio hou aku la o Alamira i ka haku opio:

“Ea, no ka hiki ole ia’u ke umi iho i ka ono o kau ai ana, na laila, e ai pu no kaua. A o kau mau huaolelo mua i hoopuka mua ae nei, e hoihoi hou ia mai no lakou ia’u.

Alaila, hoomake iho la laua e ai me ka hialaai nui ame ka hauoli. Oiai laua ma ka papaaina ia wa i olelo mai ai ka Haku Rosevena ia alamira, he mea pono iaia ke hoihoi aku i ke kaa o ka Haku Tereveliana i hoohua mai ai, a ma kona kaa ponoi no laua e hele aku ai, a ma ia wa koke no i loheia aku ai kekahi nakeke niu ma ka rumi nui o waho a lohe pu ia aku la hoi ka leo o ka Haku Tereveliana, e kauaoha ana elawe koke ia aku oia imua o kana moopuna hanai, oia hoi o Alamira.

MOOKUNA XXXI.

Na Manaolana ame no Manao Hopo-hopo.

I kela wa nohoi, ku ae la Haku Rasevena me ka awiwi nui hele aku la a wehe mai la i ka puka. Aia hoy, e ku mai ana ka makuisa Tereveliana mawaho, e kalele aha mamua o kona kookoo.  I kona ike ana mai i ka haku opio ua hahuli koke ae ia la kona hele helena me ka hikiwawe loa. Oia hoy mai ke ano hoomakue a ke ano mohala maikai a me ka oluolu loa pane ma la ia:

E ka Haku Rosevena, ua loaa mai la’u ka lono e hoike ana eia la nei kuu hanai.  E oluolu oe e lawe aku iau imua ona.”

Ua wehe ae la hoy ua elemakule la i kona papale mai kona poo ae, ma kona wa i kamailio ma ai i ka aku Rosevena.

Ia wa pane aku la ka Haku opio: “Eia o Miss Arevalo maanei, e kuu Haku.  E komo mai.”

Kunou mai la ua Haku nei.  Ia wa hoi me ka piha pīhoihoi a ulukū o na noo ana. Ku ae la o Alamira i luna, a hele aku la ma ka puka oiai kona kupunakane i komo mai ai, a ku iho la, me he mea la e mihi ana oia i ka hewa o kana hana.

“Heaha ke ano o kela hana, e Alamira?”  i ninau mai ai ka haku Tereveliana me ke kuoo me ka hoomau ana i ka olelo ana mai:

“I ka po nei, pii aku la au i kou keena, mamua o ka huli hoy anaku o ka Haku Adelo i Ladana, aia hoy loaa iho la iau he palapala i kakpula kou inoa ma ka wahi. Ike iho la au. U haalele oei kou keena a no laila ua konoia au e huli ia oe. Ua haalele ai ia Tereveliana Pa i ka po nei a

 

 

HOOLAHA MANA HOOKO

NA AINA AUPUNI

Ma ka poakahi, Ianuari 19, 1898 ma ka hora 12 awakea ma ke alo iho o ka hale Hookolokolo Honolulu, e kuai kudala ia aku ai he wahi apana aina Aupuni uuku ma ke awawa o waianae, Oahu nona ka nui he 99-100 eka.

Kumukai maluna aku o $100.

Kuike ke dala ma ke dala gula o Amerika Huna.

Na na mea aku i koe, e ninau ma ke keena aina, Honolulu.

J.F. BROWN,

Agena o na Aina Aupuni.

Hanaia Dekemaba 18. 1898

2682-td

HOOLAHA WAI.

I kūlike al me ka pauku i o ka mokua xxvi. O na kānāwai o 1886:

Ke haawiia aku nei ka lohe i na poe apau he pono wai ko lakou a e uku ana hoy i ka uku wai e hookaaia ana ma Iune 30 1898 ma ke keena i ka Oihana wai o Honolulu, ma ke la i o Ianuari 1898.

O na pono wai apau e hookaa ole ia ana ma ka la 15 o Feberuari 1898 e hiki no e o okila me ka hoolaha hou ole ia aku.

E hookaaia na uku wai ma ke keena Oihana wai o Honolulu ma kapuaiwa hale. ANDREW BROWN,

Luna o ka Oihana wai o Honolulu.

Honolulu, Dek. 17, 1897.  2682-3t

 

 

KA

NUPEPA KUOKOA

No ka Makahiki…. $2.00

No Eono Mahina…. 1.00

Kuike ka rula.

Puka 123456

Ana. Pule Pule Pule Pule Pule Pule

Iniha $1.50 $2.00 $2.50 $3.00 $3.50 $4.00

2 Iniha 2.00 2.75 3.50 4.00 4.50 5.00

3 Iniha 2.50 3.50 4.50 5.00 5.50 6.00

4 Iniha 3.00 4.00 5.00 6.00 6.75 750

5 Iniha 3.504.75 6.00 7.00 8.00 9.00

Iniha 4.00 5.50 7.00 8.00 9.00 10.00

O na olelo hoolaha a pau e hoounaia mai aua no ka hoolaha maioko a o keia Nupepa, e hoouna pu mai me ka auhau a aina aole, aohe hookomo ia.

 

 

HAWAIIAN GAZETTE CO.

C.G. BALLENTYNE, Luna Nui.

JOSEPH M. POEPOE, Lunahoo.

Ponopono.

Honolulu, Oahu.

Poalima……Dekemaba 24, 1897

 

Ka Ninau Hoohui Aina.

Ma na lono hope loaa mai nei ia mākou, aia na hoaloha I kēia nīnau ke manao la e hoihoi a kona noonooia ana iloko o ka nohona hooko a ka aha senate o lākou wale iho no, me ke kapaeia o na poe e ae.

No laila, he mea maopopo loa, e hapaiia mai ana na kūkai kama ʻ ilio ana a na aoao elua maluna ponoi o ke kuikahi. A ke hoike mai nei nohoi keia lono, aole loa i loaa iki he hopohopo ma ka aoao o na hoaloha o ke kuikahi no ka loaa ole ana he lanakila ma ko lakou aoao.

Ina hoy elike me ka huina helu o na poe a makou i hoike aku ai ma kela pule akunei ola na poe i akaka maoli ko lakou mau aoao i ku ai i keia wa, a laila aole poe i ku kanalua o loko o na Senatoa, no ka mea e pili ana i ke kuikahi. Aka hoi, ina e like me ka hoike ana a kekahi mau nūpepa e ae, he 55 wale no poe kokua i ke kuikahi a he 30 ma ka aoao kue, a laila, he poe kekahi o na Senetia i ku ma ka aoao kanalua oia hoy he 6 poe oia ano; a ina e lilo keia poe eono i koe, i ku kanalua, ma ka aoao kokua i ke kuikahi, a laila, e loaa ana la aoao he huina o 61 hoa, alaila, o ka loaa no ia o ka huina o elua hapakolu o na Senatoa, a o ka lanakila no ia o ke kuikahi.

Ua hoola mai nei ke kuhina Hawaii ma Wasinetona, oia mau no ka manaolana o na hoaloha o ke kuikahi no kona hooholoia ana; aka, aole nae ia i nele me ka halawai ana aku me na na kue ikaika ia.

E hoomana oia, ua hoounala mai la ua lono mua i hoikeia ae la, ma ka la 11 aku nei, a me he mea la ma ia wa no paha i hoounaia mai ai ka ke kuhina palapala i Hawaii nei, a i ole i kahi wa no paha e aneane ana i laila nolaila, mai ka la 11 mai a hoea i keia la, dek.24 ua like me 13 la okoa, e hakoko ai na aoao elua ma keia ninau. Ua komo aku hoy ka palapala kue a na Hui Aloha Aina o Hawaii nei, ma ka la 9 aku nei, no laila, aohe mea e kaulua hou ai na hana a ka Hale.

Nolaila ma ko makou hoomaopopo ana, i na aole i hoopaneela ka hale no na la nui nei. Alaila ua komo maoli na pūkaua o na aoao elua i loko i na paio ana me ka ikaika a me he mea lla i kei awa ua mākaukau loa lakou no ka hoea aku i ka hopena.

Manoa makou, he alahele naauao loa keia ana hoaloha o ke kuikahi e lawe ai, ma ka hooilio ana i ke kino maoli o ke kuikahi oia ke kahua e paio ai.  No ka mea ma ka hana ana pele e hiki ole ai i ka aoao kue ke hoao e hoopaneenee wale i ka noonoo ana. O ka noho ana ma ke ano Aha Hooko oia ka noho ana o ka hale a loaa ka olelo hooholo hope.

Aia ma loko o ka palapala Hoopii a na Hui Aloha Aina i wai ho ia aku ai imua i ka hala ua i keia he 21,269 poe i kakau inoa he 10,200 poe wahine a he 160 haole. Ua like keia me 21,109 ua poe hawaii maoli a hapa hoy. E lawe i ka huina o 10,300 poe wahine no loko mai o 21, 109, koe he 10,809 na kane.

Aia ma kela Palapala Memoriala, i hooholo ia ai ma ke kuea pa Alii, ua olelo ia ma kona Pauku i he poe i kūpono i ke koho balota na poe i ka kau inoa malalo o ua memoriala la a oia na poe mai Hawaii a Kauai. No laila e hoohui i keia olelo kuahaua o kamemoriala me kela huina kakauinoa he 21,109 no loko mai hoy oia hui na he 10,300 he puulu wahine ua maopopo i kei awa i ka Aha Senate, ua keu na inoa wahine he 10,300 i ka olelo o ka memoriala, oiai, aole i loaa i na wahine ma Hawaii nei ka pono koho balota.

E lawe hou kakoa i keia mau puu huahelu a ho ʻ okaulike pu me na puu huahelu I ikeia ma ka papa helu kanaka o 1896 aku nei. A e ike ana kākou penei:

Ka nui o na wahine Haawaii maoli ame hapa he 18.856; na kane he 20,638. Aka aia iloko o keia heluna, he poe kane opiopio kekahi a he poe wahine opiopio kekahi. A penei ka hoike helu a ka papa Helu Kanaka:

Na Hawaii malalo o 15 makahiki, he 15,108.

Na Hawaii mai ka 30 makahiki ke 45, he 7 004.

Na Hawaii mai ke 45 makahiki a ke 60. He 3818.

Na Hawaii mai ke 60 makahiki a ke 75, he 2278.

Na Hawaii maluna aku o ke 75 makahiki he 640.

Nilaila, aole I maopopo ehia la kamalii I kūpono ole I komo iloko o kēia puu huahelu o 10809. Ua lawa loa no kela huina a oi wale aku i ka huina o 15,018 o na keiki malalo o 15 makahiki, aka manao nae mākou aole paha kela poe kāne ne poe kamalii wale no o 15 makahiki.

Aia ma ka papa hoike helu kanaka, ua ikeia ma ka la 1 o Ianuari o keia makahiki (1897) he 7,928, ka nui o na haumana kula, ma ka aoao o na Hawali maoli, a he 6,095 no na lahui e ae. E lawe i ka huina o 7,928 hele kula, noloko mai o ka huina o 15,018, na keiki malalo o 15 makahiki, e kue ana he heluna o 7,093 kamalii hele kula ola, hui pu me na bebe, a pela aku.  Aole anei o keia poe kekahi? He papa inoa hoopahaohao no keia i laweia aku la imua o ka Aha Senate O Amerika Huiia.

A ke ole makou e kuhihewa, e lilo ana kela papa inoa i mea e holo loa ai ke kuikahi.

E kamailio hou aka ana makou ma keia papa helu kanaka i keia pule

 

 

Mai Ke Kuhina Hawaii mai ma Wasinetoa.

 

Ma ke ku ana mai o ka mokuahi Aorangi ma Honolulu nei. Ma ka poakolu nei. I loaa mai ai he palapala ma ko hawauu nei kuhina noho ma Wasinetoa oia o Francis M. Hatch, aole loa i loli iki ae ke kulana ikaika o ka aoao kakoo no ka hooholo loa ia ana o ke kuikahi. O ka poe na lakou e onou la i ke kuikahi me ka ikaika, ua paa loa ko lakou manao e hooholoia ana, a ua ike nohoi lakou e halawai aku ana no ka lakou mau hooikaika ana me ke kueia ana mai.  Aohe i loli ae ke kulana a na senatoa i ikeia ai mai ka helu mua i hoikeia mai ai. Aka ua ikeia aku nae ke ano kūlanalana o hookahi a elua o ka aoaoa o na Senate I ku kānalua.  Aole nae I akaka ka aoao e lele ai.

 

Ka La Karikimaka.

 

O ka la apoapo oia ka la 25 i Dekemaba nei, a oia ka La Karikimaka.  He la kaulana keia ma na aina Karistiano apau.  He la keia I hoomanaoia e ka hapanui loa o na aina Karistiano, ma ke ano, oia ka la i hanau ai ka hoola o ke ao nei ma Betelehema, ma ka aina o Iudea.

He la haipule keia no kekahi mahele o na Karistiano, a mawawena hoy o kekahi poe. He la Kiulaia hoi.  Mawaena o na la Kiulaia Aupuni ma Hawaii nei o keia la kekahi i helula.  Ua maopopo paha i kekahi poe ka moolelo o keia la, ma na moolelo kahiko, eia ka mea i loaa ia makou:

Ua manaoia ua hoomaka mua loa ia ka hoomanaoia ana o keia ia mamuli o na olelo kauoha a Teleshorus.  Ma ke au e noho ana o Antonius Pius he Bihopa no roma. Mai ka AD 138-161. Aka o na maoli maopopo loa nae no ka hoomanaoa ana o keia la.  Aia no ia ma ka wa e nono Emperea ana o Commodus.  A.D 180-192. Ma ke au hoy i noho alii ai o Diocterian. A.D 284-395 oiai kona aloalii e noho ana ma Nicomedia loha iho la ia e hoakoakoa ana he lehulehu wale o na wale o na Karistiano maloko o ua kūlanakauhale la no ke hoomanao ana i ka la hanau o Iesu, nolaila na haawi ae la ua Empera la i ke kauoha e paniia na puka o ka halepule oiai na Karistiano malaila, a malolo o kana Kauoha. Ua puhi ia kela luakini i ke ahí, a ua lilo na poe Karistiano e hoomana ana maloko o keia luakini i poe moepuu na ka inaina o kela Empera.  Ma na moolelo kahiko o ka Ekalesia.  Aole no i kuikahi like loa lakou ma ka wa e malama ia ai na hoomanao ana no ka la hanau o ka Haku, mawaena o na Ekalesia kahiko.  Kekahi poe Ekalesia, malama lakou i keia la hoomanao no ka Hanau ana o ka Haku, ma ka malamaia ai na hoomanao ana no ka la hanau o ka Haku, mawaena o na Ekalesia kahiko. Kekahi poe Ekalesia malama lakou i keia la hoomanao no ka hanau ana o ka Haku, ma ka malama o mei; kekahi poe Ekalesia. Ma ka malama o Aperila; a o kekahi poe Ekalesia hoy, ma ka malama ae nei o Ianuari.

Aka ma ka hapanui loa o na Ekalesia Karistiano, ua lilo ka la 25 o Dekemaba nei i la hoomanao no ka hanau ana o ka Haku o ke ao nei.

O ke ano o ka huaolelo”Karikimaka” oia no keia.  Ka Alana a Karisto.  Ua manao ka hapanui o ka poe naauao, aole o ka la 25 o Dekemaba nei ka la i hanauia mai ke keiki a ke Akua, no ka mea ma ka aina o Iudea, ma kei awa o ka makahiki, oia ka wa haule nui o ka ua, a he wa hoy ia e hanai ole ai na kahu hipa i ka lakou poe hipa ma na kula i ka po. Aka oiai e kapae ana kākou i keia mau manao like ole o na poe naauao hookahi a kākou mea nui e hoomaopopo ai, oia hoy, e loaa ia kākou na hauoli Karikimaka ana me ka ulumāhiehie nui.

Aloha Karikimaka oukou apau e ka poe heluhelu i ke kilohana pookela no ka Lahui Hawaii.

 

PUKA KA OLELO HOOHOLO A KA AHA NO KA PEPEHI KANAKA O KAUAI.

 

 

Ma ka poakahi nei, Dek. 20, imua o ka aha kaapuni Ekahi, ma Honolulu nei, i hoopuka mai ai o Lunakanawai Kaapuni pere i ka olelo hoopai a ka aha maluna o kapea ame kaio, na mea i ahewaia e ke kiure ma keia Kau Hookolokolo Kiure i hala aku la, ma ka pepehi ana e lawe ana me ka manao ino i ke ola Kauka Kamika o Kauai.

Ma ka Hapalua hora eiwa i laweia aku ai na pio a ke kanawai a ku ana imua o ka noho hookolokolo e noho ia ana e lunakānāwai Pere.  Ua ninau mua hoy ka Aha i ka loio o na mea i hoopii ia oia hoi o Alez G M Robikana ina paha he mea kana pane ai imua o ka Aha ma ka aoao o kona mau haku ia wa i pane aku ai kaloio o na mea hoopiiia no kona kue ana i ka hoopukaia ana o ka olelo hoopao a ka Aha maluna o kona mau haku malalo o ke kumu aole mana o ka aha e kaohi ai i ka olelo hoopai mai kekahi Kau Kiure mai a hoopuka ia olelo hoopai ma ke Kau Kuikawa.

Ua pane hoy o Mr. W. A. Kineey ma ka aoao o ke Aupuni oia ke kumu a ka loio pale i waiho ae ai imua o ka Aha, he kumu kahiko loa no ia i hoopuka mua ai ka aha i kona manao.

Ma ka manao o ka Aha wahi a Lunakanawai Pere , i hoopuka mai ai, ua loaa no ka mana i ka Aha e hoopuka a e hookau i ka olelo hoopai ma kekahi Kau Kuikawa ina ua ahewaia na mea hoopiiia ma ke Kau Kiure mau o ka Aha.

N keia pane a ka aha, ua hoohalahala kumu ka loio o na mea i hoopiiia. Alaila, kamailio mai la ka Aha imua o Kapea, ma o John E. Bush la ka mahele olelo penei:

E kapea he olelo anei kekahi au e hoike ai, no ke aha la e hoopuka ole ia aku ai ka olelo hoopai a ka Aha maluna ou?”

Ua pane ka mea hoopiiia ua ahewaia oia no ka hewa pepehi kanaka make degere mua, aole pololei oia ahewa ana iaia. W lawe ana ia i ka hoohalahala no ia olelo hooholo i ahewaia ai oia.

Oia ninau hookahi no kai ninauia aku ia Kaio, a o kana pane nohoi, e hoohalahala ana oia i ka olelo hooholo.

I kei awa i puana mai ai o Lunakanawai Pere I ka olelo hoopai, penei:

O oe e kapea ua ahewaia oe e ke jure o ka lāhui hookahi me oe no ke karaima pepehi kanaka, ma ka degere ekahi. Kekahi hoi o na karaima weliweli loa e hanaia ana e ke kanaka: ao oe e kaio ua ahewaia oe e ke jure o ka lāhui hookahi me oe no ka hewa kōkua hewa mamua o ka hanalo ana o ka hewa oia hoi ke karaima pepehi kanaka ma ke degere ekahi. Nolaila, o kou hewa ma ka manao o ko kakaou mau kānāwai , a pēia nohoi ko’u manao ma ka nana ana I ke kulana hoopono maoli ua like no a like ke koikoi me ko ke karaima I hana maoli ia e Kapea. Nolaila. o ka’u hana. oia ka hookau ana’ku maluna o kela ame kia o olua i ka olelo hoopai weliweli a ka Ahaoleio i kau ai.

“O ka olelo hoopai a keia Aha. oia keia: O oe. e Kapea. e laweia aku oe mai ia nei aku a i ka halepaahao o Oahu. maloko o ke kulanakauhaie nei o Honolulu. Mokupuni o Oahu. a malaila oe e hoopaa loa ia ai a hoea aku I ka Poakahi elua. iloko o ka malama ae nei o Aperila. ma ka makahiki o ko kakou Haku 1898. oia hoi. ka la 11 o ua mahina la. a ma ua Poakahi la. mawaena o ka hora S o ke kakahiaka am eke hora 12 o ke awakea. malalo o ka pa o ka halepaahao, e li ia ai oe ma ka a-i a hiki I kou maka ana. A na ke Akua e aloha mai i kou uhane.”

Alaila. kamailio ae la oia (ka Luna kanawai ia Kalo:

 

“O ka olelo hoopai a keia Aha. oia keia: E laweia aku oe e Kalo. mai keia wahi aku a i ka halepaahao o Oahu nei. a malaila oe e hoopaa loa ia ai a hoea aku i ka Poakahi elua o Aperila, ma ka la 11 o us mawaena o ka hora S o ke kakahiaka ame ka hora 12 o ke awakea, maloko o ka pa o ua halepaahao la, e li ia ai oe ma ka a-i, a hiki i kou maka ana. A na ke Akua e aloha mai I kou uhane.”

Aole i ikeia aku na helehelena o ke kaumaha e hoike mai ana maluna o Kaio, ka makuakane, ame Kapea. ke keike, ma ka wa i puka mai ai na olelo hoopai o ka Aha maluna o laua. Ua lawe ko laua loio i ka hoohalahala i ka Aha Kiekie.

Ua hoihoiia hoi na pio ma ka halepaahao ma Kawa.

HE POINA WELIWELI.

LOLO NA LIMA AME NA WAWAE.

Halawai o Edwin R. Tripp o Middle field Centre, N. Y., me Kekahi Poino Weliweli a Lilo Oia i Luahi na ka Lolo.

(Mailoko mai o ka Nupepa Coopers town, N. Y., Repubalika.)

Ua loohia o Mr. Edwin R Tripp. ka luna leta me Middlefield Centre, N. Y., i keia wa aku nei, i kekahi ma’I weliweli, i hoolilo iaia i luahi na ka lolo. Ua hele e ka pili o na mea paahana o kona kino, a ua hopohopoia, aole loa paha e loaa hou ana ke ola maikai o kona kino iaia. ma ke kamailio pu ana me kekahi mea kakau nupepa o ka Repubalika. No ka mea e pili ana iaia. hoike mai la o Mr. Tripp:

“Iloko o Maraki, 1892, ua loohiaia iho la au me ka ma’I  nona ka inoa i ha’iia mai ai mahope mai, oia hoi, he locomotor ataxia, a hiki ole ia’u ke hele, a i kela ame keia wa, e ko-komo aku ana au iloko o ka pilikia, a hoea waie i ka lolo ana o ko’u mau lima. He elua mau kauka akamai i lapaau ia’u, eia nae, aohe loaa ia’u ka oluolu; ua hoao nohoi au i ka hana ana me ka uwila (galvanic battery). ua oi loa aku la no hae ka pono ole, a hai mai la na kauka ia’u aohe hiki ia laua ke lawelawe lapaau hou ia’u. Iloko keia o Mei ame Iune, 1892. Ua pau loa ko’u manaolana no ka loaa hou ana o ka ikaika i o’u mau laia, a manao iho la au, aole paha e loihi ana ko’u mau la o ka ola ana aku. Aole hiki ia’u ponoi iho ke komo a ke wehe ae hoi I ko’u mau aahu, aole hiki ke hoea aku ma kekahi wahi o ka hale. aia no a hooneeia au ilaila maluna o ka noho.

“Manao au, iloko o Iune, i heluhelu ai au no kekahi kanaka ma Saratoga, Nu Ioka, i like loa kona ma’i me ko’u. Ua ai hoi oia i na Huaale Ulaula a Dr. Williams, ma kea no panama-iki, i hoohuihuiia ai na laau apau e loaa ai ke ola hou ana ame ka ikaika o ke koko, a hooikaika hou ae hoi i na aalolo I hele a nawaliwali, ua loaa iaia ke ola ma ka ai ana i ua mau huaale la.

“Ua ai iho la au i ua mau huaale ia, me ka hoomau ana, a ua loaa ma’i ia ia’u ka ono o ka ai. Alaila, kauoha hou au i eha mau poho hou, a mamua o ka pau ana o na huaale o ua mau poho la, aia hoi, ike mai la au i ka mehana ma kuu mau wawae amen a kapuai, mamua aku, he anu wale no.

“He lala au no ka Papa Kulanakauhale ia kau makalii, a maluna wale no au o ke kaa e hele ai i na halawai, a o ka mea maopopo maoli, ua lolo maoli no au, a ua ike ko’u poe makamaka ia mea. Iloko mai o Augate, ua hiki ia’u ke hele iloko o ka hale ma ka paa ana i ka noho a hooneenee aku. Ua pii mau mai la ko’u oluolu. a hiki ke hele ma o a ma o. a hiki i ke kau koho balota oia makahiki. Ua hiki ia’u ke hele me ke kookoo i kahi koho balota. he mamao iki nohoi mai ko’u home aku. Hoomau no au i ka ai ana i na Huaale Ulaula a Dr. Williams, a hiki I ka pau ana o na huaale o na poho he umi-kumamawalu i ka ai ia e a’u. Ua hiki ia’u ke hele ma o ma o. a i keia la. i ka hale leta aku la au a hoi mai la, he mamao kela o hapaha mile, ekolu manawa i ka la; a lawelawe i ka’u mau hana ma kea no Iune leta.

“Ma ke kau kupulau o 1893, ua kohoia au he kakauolelo kulanakauhale. a ua noho au ma la oihana no ekolu makahiki, a mamua aku hoi. he lunakanawai, a mamua aku hoi. he lunakanawai hoomalu au no kanakolu kumamalua makahiki. I keia wa he 70 o’u makahiki. a au noho au ma keia kulanakauhale no aneane kanaha-ku-mamaono makahiki. Manoa loa au, o ko’u ola hou ana, no ka’u ai ana no ia i na Huaale Ulaula a Dr. Williams.

EDWIN TRIPP.

Kakauinoaia a hooikila imua o’u i keia la 23 o Iune, 1897.

HOMER HANNAH

Notere no ka Lehuiehu.

E kuaila ana e na poe kuai laau lapaau apau.  

Column 6

Ke Kuikahi Hoohui Aina

Iloko o ke Senate.

Hooko ana o ka Hale

Huaalaloa na Olelo Hooholo Nui ma ka Halle o na Makaainana.

Na Poe Aloha Aina Kakauinoa. he 21,269-He 10,300 poe wahine-He 160 poe o ko na aina e.

Me ka hauoli Karikimaka makou o panee aku nein a lono i loaa mai ia makou. ma ka mokuahi Aorangi i ku mai ai ma ka Poakolu nei. no ka mea e pili ana i ke Kumuhana Hoohui Aupuni e noonooia mai la e ka Aha Senate  o Amerika Hulia.

O la lono hope loa e pili ana i keia kumuhana. ua hoonaia mai ia mai Wasinetona mai. ma ka po o ka la 11 o Dekemaba iho nei. a I ka nupepa ka Papa Pa’I Hui Associated Press. a penei na olelo:

“Ua hooholo iho nein a noaloha o ke Kuikahi Hoohui Aupuni Hawaii. E noenooia keia ninau ma ka noho ana hooko o ka Hale. I mea e hiki ai ia lakou ke hana pela. alaila. e pono lakou e lawe mai i ka noonoola ana o ke kuikahi. aole hoi i ka olelo hooholo hui no ka hoohui Aupuni.”

Eia hoi kekahi lono i loaa mai ma ia wa hookah no:

“O ke Kumuhana Hoohui Aupuni o Hawaii, ua laweia mai ia imua o ke Komite o ka Hale o na Makaainana.  Ma na ano he nui. He Bila Kanawai ka Mr. Sulzer, e hoolilo ana ia Hawaii i panalaau (territory) me ka lawe ana ae o Amerika i ka aie nona ka huina o $4,000,000. me ke kohoia ana o elima lala o ke kulana o ke komisiua. no ka hoolala ana I ke kulana o ke Aupuni e ku ai. He bila kanawai nohoi ka Mr. King o Uta oia ano hookah no. Waiho mai o Hawaii i Mokuaina (State) iloko o Amerika Huiia, me hookah lunamakaainana i ka Ahaolelo Nui, no keia wa nae.”

Ma ka la 9 aku. Ua waiho mai la o senetoa hoar o makakuseta he palapala hoopii nui hewahewa iloko o ka aha senate. Mai na kanaka Hawaii maoli mai, e kue ana i ka hoohulia ana mai o ko Hawaii Pae aina me Amerika Huiia o keia palapala hoopii he mau haneri pepa loloa i paa i ke kakauinoaia a ua hoounaia mai la e Enoka Johnson ame Lilia Aholo na kakauuolelo o ka Hui Aloha Aina a na wahine, a na laua i hoolalo mai ua oiaio na kakaulima apau. Noloko o na poe i Kakauininoa he 21,269. He 10. 300 poe wahine a he 160 haole. Ua palia ka palapala hoopii kue ma ka olelo Beritania ame ka olelo Hawaii.

 

UA MAKE O S. ROTH

Ma ka hora 3 a oi o ka wanaao poakolu nei, Dekemaba 22, i kaililia aku ai ke ola o kekeahi o na Kanaka kuonoonoo o Honolulu ned. Ola o S. Roth. He humu lole kana Oihana kamaaina ma Honolulu nei, a ua kaulana loa oia ma ia hana.

Ua hoea mua mai oia i Honolulu nei ma ka makahiki 1861. A no kekahi wa, ua haalele oia ia anei a holo aku no Amerika Hema, a no kona makemake ole ia wahi, ua hoi hou mai la oia ia nei, ma ka makahiki 1864. A mai ia wa mai kona noho ana ia nei. He kanaka oia no Hunegaria. Nolaila, he makainana oia no ke Aupuni o Auseturia.

Ua haalele iho ola he wahine ame na keiki ma keia ola ana e kanikau aku ana nona.

He kanaka kuonoono oia, a he lawelawe akahele ma kana hana.

 

KA PAPA OLA.

Mawena o na hana ano nui a ka papa I noonoo ai ma ka  auina la poakolu nei, ola kekahi palapala mai ka Hui Anela mai o Kalaupapa, e nonoi ana I ka Papa ola e lilo na ka Papa ola e auamo I na dala lilo no ka uku ana I na poe eli luakupapau no na poe o ka Hui I make a na ka Hui Anela hoi  e auamoi na lilo hoolewa. Ua kauohaia ke kakauolelo o ka Papa. E pane aku I ka poe na lākou ke noik, aole ae ka Papa e hana kapakahila na rula I paa I kēia wa ola ka rula e hana aku ai. Eia nae. Ina aohe ohana a makamaka paha o ka mea I make alaila bna ka Papa e uku na lilo āpau no ke kanu ana.

Ma ka Poakolu nei I ku mai ai no Honolulu nei ka mokuahi Aorangi mai Vanakaouwa mai, a hala loa aku la no na Panalaau Bertania ma ka hema.

Ma ka la 9 o kēia mahina I kii mai an ka anela o ka mako i ka hanu ola o Miriama Kekahuna, ma Pokai, Waianae, a lawe aku la. Me kanu kane i hookaumaha nui la, oia o Rev. J. Kekahuna, ko makou makamaka hoaloha a makua nohoi, ko makou u pu ana.