Ka Nupepa Kuokoa, Volume XXXVI, Number 50, 10 December 1897 — Page 3

This text was transcribed by:	Richard Tavares
This work is dedicated to:	In Memory of Richard Marlin

Ka Nupepa Kuokoa

KE KILOHANA POOKELA NO KA LAHUI HAWAII.

KA HUI ALAHAO ME AINA O OAHU

MANAWA HOLO.

Mai a Mahope aku o Iulai 5, 1895

Will o Ewa, kaa ukana na la apau koe ke Sabati.

Hiki i waianae na la apau.

Hiki Will o Ewa, ua la apau.

Hiki Waianae, Ponono me Sabati wale no.

Hiki i Waianae na la apau.

Haalele ia Manana 7:40 A.M. 9:58 A.M. 2:28 P.M. 2:28 P.M. 5:53 P.M.

Haalele Will o Ewa 8:10 A.M. 10:19 A.M. 2:49 P.M. 2:49 P.M. 6:14 P.M.

Hiki i Waianae ---- A.M. 10:@4 A.M. ------ P.M. 3:24 P.M. 6:49 P.M.

Waianae ua la apau.

Will o Ewa, Kaa Ukana Na la Apau Koe ke Sabati.

Waianae ua la apau.

Will o Ewa ua la a pau.

Hiki i Waianae ua nPonono me Sabati.

Haalele ia Waianae 6:14 A.M. ----- A.M. 1:32 P.M. ---- P.M. 4:16 P.M.

Haalele Will o Ewa 7:19 A.M. 9:10 A.M. 2:07 P.M. 3:51 P.M. 4:51 P.M.

Haalele ia Manana 7:50 A.M. 9:48 A.M. 2:38 P.M. 4:22 P.M. 5:22 P.M.

Hiki i Honolulu 8:23 A.M. 10:30 A.M. 3:11 P.M. 4:55 P.M. 5:55 P.M.

E lawe ana na kaa ahi hali ukana i na kaa ohua o ka papa ekahi.

G. P. DENISON.

Luna F. C. SMITH

Luna Kuai Palapala Holo

-----

NU HOU HAWAII

-----

He mau mea hou o ko na aina e ka makou o keia la.

-----

Ma ka Poalua nei i ku mai ai ka mokuahi Australia no Honolulu nei.

-----

Ke kokoke mai nein a la ho-uhenehene o ke Karimaka me Hape Nuia.

-----

O ka helu elima keia o na la o ka noho ana a ka Ahaolelo Nui o Amerika

-----

Ke hoohihimanu mai nein a halekuai i ko lakou mau nani like ole no na la “kulala” e hoea mai ana.

-----

Mai poina oukou e na Hawaii aloha aina i ka ahaaina o ka la apopo, ma Waikiki iho o Wasinetona Hale.

-----

Eia i Honolulu nei o Mr. John T. Baker (Keoni Beka) o Kauakanilehua. Oia mau no ke Konela John.

-----

Ua kapu ke kuapa am eke kai e pili la i ka loko o Eol, aole e hele ia mahope iho o ka hora 8 o kela ame keia ahiahi. E nana ae i ka olelo hoolaha.

-----

Eia i Honolulu nei i keia wa, he elua mmau kaa “baisikala” i nele i na kaulahao hookaa huila, elike me kea no o na kaa e ae. He ano hou keia.

-----

Ua hoomaha aku o Mr. W. H. Coney o ka Nupepa Adwvertiser ma na kaiaulu e ae o kakou aku nei, a he mea okoa ia e paahana nei ma kona wahi.

-----

O ka Poakahi, la 20 o keia mahina oia ka la e “hiuwai ai” na keikikula o Kamehameha – kane me wahine – no ka hoomanao ana ia Pauahi Alii.

-----

Ke manao wale ia nei, e hoea mai ana o Bihopa Willis ame Mrs. Willis no Hawaii nei, ma ka mokuahi Mariposa e ku mai ana ia nei ma ka la 16 ae nei.

-----

He hoonaue oiai kai ikeia ma ka Mokupuni o Kahoolawe ma mka Poalikma, Dekemaba la 3 aku nei. He ekolu Manawa o ka hoonaueue ana ae a ke olai.

-----

He anaina piha kanaka kol ka po Poaono aku nei ma Kuloloia ae nei, ma ke kahua Mere-Go-iu-Round. E nininau ana na lio, a e uwe hone ana hoi na hokeo kani a ka Bana Roiala Hawaii.

-----

Ma ka auina na la Poalima nei, o ka pule i hala, i make ai o David K. Koa, ka mea nana i hoala i kekahi pa hula mauka ae nei o Pelelua. He hana kahi umiumi kekahi hna maamaalea loa ana.

-----

Ma ka la Sabati nei i poluku ae ai kekahi haole i kekahi kanaka Hawaii o Liwai ka inoa, ma ka huina o na Alanui Puowaina me Moiwahine. Mahope iho o ka hina ana o ke kanaka ilalo, ua nlele hou niho nei haole a noke iho la i ke ku’i i ka mea i hina. Ua hele ka ihu o ke kan aka a ku i ka manaonao am pau kona mau maka me na papalina i ka polukuia.

-----

Ma kekahi la mo keia pule iho la i ikeia aku a kekahi haole e holo ae ana ma kekahi mau alanui o Honolulu nei, maljuna o na kamaa huila i hoopaaia aku i kona mau kapuai, elike no me na huila holohau. He ku no i ka noeau na hana. E pahee pono ana na nee ana, oia nae kahi pauku kino e ue-hai ana imua a i hope, me na wawae nohoi e kapeku ana i ka ilio ka lepo.

-----

He mea pono I kela ame keia ohana ke loaa ona laau lapaau mama no na ma’i o ka opu. I laau lapaau puhili ole no ka “Moku ino loa o ka lepo” (Diarhea) Nahu, Umii, Kolera amen a ma’i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelawela keia laau no na makahiki he nkanalima, a ke hana mau ia nei i kela ame keia la, ma na aina apau o ka honua nei. O ka Hui Kuai Laau Lapaau o Hollister, ka Agena

I keia pule ae e puka aku ai ka moolelo o ka Naita o ka Liona Gula o Bohemia. E hoomanawanui mai no.

-----

Ma ka la @ aku nei, i make ai o Mrs. Chas. H. Reeves, he oiwi ponoi no Hawaii nei i ka 21 o kona mau makahiki. Aloha!

-----

He manuunuu no na ulia poino e aim au mai nei i ke alanui pali o Nuuanu. He poe Iapana a he kanaka Hawaii nohoi.

-----

Ua hookohuia aku nei o Mr. W. A. Kinney i Hope Loio Kuhina. M a ka mea e pili ana i ka hihia pepehi kanaka o Kapea ame Kaio.

-----

Eia mai ko mea huna pohihihi. Eia nae, aohe pohihihi I koe, ua ikeaia ae la i kea o malamalama. O ka hopena aku, ka kakou e alualu aku nei.

-----

Ua maikai na hana no ka Aha Mele o Kaumakapili ma ka po o kela Poaono aku nei. Aka, aole nae i lehulehu loan a poe i maalo aku.

-----

E malamalama ana he heihei nui o na kaa “pakikala” ma ka la mua ae nei o keia makahiki ae, ma na ka pa heihei o Kewalo mawaena o kekahi poe maamaalea loa ma ia hana.

-----

O ka la 16 o keia mahina, oia keia Poakolu ae, e ku mai ai ka mokuahi Mariposa no Honolulu nei mai Kapalakiko mai. Aole nele ka loaa wahi mea hou mai o na aina e ia kakou nei.

-----

Ua huli hoi mai nei o Kauka Alvareza mai Europa ma. Oia ko Hawaii nei Komisina i ka Ahakuka o na kauka no ka m a’i lepera, i malamalama mai nei ma Geremania. Ke hialaai nui ia nei kana hoike.

----

Ua lauhala ae nei ka lono, e mare aku ana o Prof. Joseph W. Yarndley. Ke alakai o ka papa himini o “Kaukeano,” me Miss Cordelia Clymer o ke Kula Kaikamahine o Kamehameha.

-----

Mamuli o ka hoi ole ana mai nei o Loio Robikana mai Maui mai i keia pule iho la, nolaila, ua hoopaneeia ko ka Aha hoopuka ana i ka olelo hoopai maluna o Kapea ame Kaio. Ua kali hou ia ma hiki i ka hoi ana mai o ko laua loio.

-----

Ma ka haawiia ana o ke anaina puhi ohe, ma ka Ema Kuea, ma ka po Poakahi nei, na David Naone, i oniu ae i ka laau alakai himeni, me ka eleu nui. He hana hiki wale nohoi ha, i ka Hawaii.

-----

I keia la e hooloheia ai kela hihia hoeha o kela Pake kuke nana i uhau i ke poo o kekahi keiki Pake i kela la aku nei, imua o Lunakanawai Wilikoki o ka Aha Apana o Honolulu nei.

-----

Ma ka Poalima o kela pule aku nei, i hoea ae ai na koa marina o na mokukaua Baltimoa ame Beninetona, ma ke alo iho o ka hale-paikau o ke Aupuni, a malaila lakou i paahana iho ai me ka eleu nui.

----

E malama ana ka Ekalesia “Hoomana Kariatiano Naauao” he hoike Euanelio Hou, maloko o ko lako luakini, ma Kulaokahua ae nei, oia mo Kealaula o ka Malamalama, ma Koula, Honolulu, ma ka la 1 o Ianuari ae nei.

-----

Ma ke kakahiaka Poakolu nei i loohia ai kekahi keiki hapa haole paahana o ke ala-pali o Nuuanu, i kekahi uia poino, mamuli o ka pa ana o ka aoao o kona poo i kekahi pohaku kaka mailuna mai o ka pali, oiai oia e hana mana. Ua hoihoiia mai oia no ka Halemai Moiwahine.

-----

Ma ka auina la Poalua nei mawaho ae nei o Waikiki. i hakaka ae ai kekahi wahi keiki Pake ame kekahi Pake kanaka makua. He pahi ka ke keiki, a he noho ka ke kanaka makua. Ua uhauia ke poo o ke keiki i ka noho e kona hoa paio, a ua eha, Ua hopuia ka Pake makua. He kuke oia na Alex. Young. Ua belaia ka mea uhau noho.

-----

Ma ka auina la Poalua nei, ia Kaala i haalele iho ai i kona wahi i ku ai, a holo aku no kona “kelepa”mau, aia hoi, ua hookuiia mai la oia e ka mokuahi Lehua, a kapoo pu ana ka ihu o Lehua ma ka aoao o Kaala, a hamama nae hoi ko Lehua ihu, a hoonuu ana i ke kai me ka aiwiwi nui. Nui ka poe i hele aku i ka uwapo e makaikai ai i keia ulia poino.

-----

Mahope iho o ka lohe ana o Curtis Fleck, o Anaheim, Kaleponi, i kona mau hoaloha e mahalo mau ana i ka Laau Ola a Kamalena no ke Nahu. Kolera ame ka Hi, ua kuai iho la mia he omole laau nona ponoi iho, a i keia wa, aolem I kana mai kona haanou no ke kamahao o na hana a ua laau la. E kuaiia ana e na poe kuai laau lapaau apau. O Benson, Smith & Co., na Agena ma Ko Hawaii Pae Aina.

-----

Ua Manao loa ia e kukuluia aku ana kekahi ipukukui hoomalamalama po, maluna ponoi o ka lae o Lae-ahi. E hiki ana i ka malamalama o keia ipukukui ke ikeia mai ma kahi he 20 mile mai ka moana mai. Ua kauohaia na aniani o keia ipukukui i Parisa, a he hoea mai koe. O ka malamalama uwila ana ka mea e hoomalamalama aku ana.

-----

JOE GODDARD, THE BARRIER CHAMPION.

Goddard, the Australian boxer who is in America to meet Tom Sharkey, Joe Choynski and others, is said to be in excellent condition for a contest in the roped arena. He is training in California.

JOE GODDARD

O ke kii keia o kekahi o na puhi olali kuikui puupuu o Auseteralia e maau hele mai la i Amerika no ka ha koko pu ana me ko laila mau kaeaea. He kanaka Pelekane keia. Aia oia ma Kaleponi kahi i hoomaamaa ai.

-----

“Wela ka hao ea!” A ina pela, he “Alu aku koe o ka Uwea!”

-----

Ua nohoia ae nei ka hele kaawai hou ma ke kihi o na Alanui Beritania me Papu.

-----

Ma ka Poakahi nei i weheia ai ke kau kiure kuikawa no ka malama o Dekemaba nei imua o na Lunakanawai Perry ame Stanley.

-----

Nui ke kawakawa o keia wa e hoea mai nei. Eloaa ana he 3 i-a no ka 25 keneta. O ka amaama ka mea ano liilii loa i keia wa.

-----

Ua hoolaha ae nei ka nupepa Ahailono o Hawaii he mau palapala mai a Mr. D. Kalauokalani mai, e hoike ana. ua maikai no ka lakou huakai.

-----

E holo aku ana paha ka mokukaua Beninetona i Lahaina, Maui, no ka hoomaamaa ki-pu, ma keia pule. Ma ka la 20 ae nei, e holo aku ai ka mokukaua Baltimore ma ia ano hana hookahi no.

-----

He anaina mare hanohano kai malamaia lmaoko o ka luakini o Sana Anaru ma ka Poakolu nei. He mare kia mawaena o Miss Kathrine French Banks ame H. B. Price.

-----

Ua kakau mai nei o Mr. William Walsh o ka mahiko o Makaweli mamua, ia Mr. J. Q. Wood o keia kulanakauhale, me ka hoike ana mai, ua maopopo loa, e holo ana ke kuikahi hoohui Aupuni i keia Kau Ahaolelo.

-----

Ma ka hora 4 ponoi nei o ke ahiahi Poalima nei, ua holapu ae la he wahi ahi, ma kekahi hale ma Alanui Ema. Ua a ke ahi iloko o ka hale a hiki i ka hoea ana i waho, aka, laki no nae, aole i palahalaha loa aku kana mau hamu ana. No Mrs. Lilia Akina keia hale.

-----

Ma ka Poakahi nei, hora 5 a oi iki paha, ua haalele mai la o Mrs. Kaili Kaia i keia ola ana, a hala aku la ma o. ma Kapalama-kai ae nei. O keia ka luaui makuahine o Mr . Geo. K. Kaia o ka oihana hoonoho hua.

-----

Ua malamaia he ahaaina luau nui ma ka hale noho o Mrs. Mana o uka ae nei o Pauoa, ma ke ahiahi Poakolu aku nei, no ka pomaikai o ka Hui Keaka e paahana nei i keia wa ma Honolulu nei. Ua maikai na hana oia po.

-----

Ma ka wanaao o ka Poakolu nei, ua maau hele aku kekahi haole a luna o kekahi noho ie nui ma ka lanai o kekahi hale o na poe kuonoonoo o uka ae nei o Nuuanu, haule iho la hiamoe. Ua hele kona maka a okiloa i ka lepo am eke koko. Ua teleponaia mai ka oihana makai, ma ia wanaao, a ua kii ia aku ua haole la. a laweia mai la no kai nei. He kamaaina oia no na pi-pa uwapo ae nei.

-----

Makemake Makou I ka Oukou Hana

Pa’i ana ame

Ka Humu ana

I na Buke

E HANAIA ME KA NOIAU LOA.

-----

Na Papa K@eawe Inoa me ua Hua Kuni Wai Gula.

E hanaia no la ma ko makou nei Keena a kulike me ka mea mi makemakeia.

-----

KA HUI HAWAIIAN GAZETTE

Na Po Hoolaha.

Hale Pohaku o Von Holt, Alanui Moi, Honolulu.

-----

KELA PEPEHI WAHINE PAKE O MAUI.

----

Ma ke ku ana nei mai o ka mokuahi Mauna Loa ma ka Poalua nei. i huli hoi mai ai o Ilamuku Brown no Honolulu nei.

Ua loaa mai hoi ka lono, ua paa i ka hopuia ka mea nana I pepehi kekahi wahine Pake, i loaa aku ai ua make maloko o kona hale noho me kana kane. He wahi kuapuu keia. nona ka inoa o Kamalo. He kanaka maoli ia, he 23 ona mau makahiki. He maunu mua no oia na ke Kanawai. Ua manaoia, he aihue maoli i ked ala a o kekahi waiwai e ae paha o kela wahine ame kana kane. ke kumu nui o keia pepehi kanaka.

Ua hoike ae ka wahine manuahi a ua o Kamalo, he oiaio no. nana i pepehi i kela wahine Pake. a ua haawi aku nohoi oia i kekahi mau dala i loaa iaia mai kahi o ka Pake.

Aia Laua imua o ke kau kiure e noho mai nei ma Lahaina.

-----

HE MAU HUNAHUNA MEA HOU.

-----

Ua manaoia e haalele ana ka Moi Humebereto o Italia i ka nohoalii, a o kana keiki ke noho ae ma ia wahi. Aka, aia o Geremania ame Auseturia ke koi ikaika la iaia, e hoopau oia i kona manao hana pela.

Ke makaukau la o Amerika Huiia e hoouna aku i mokukaua i ka mokupuni o Hayti, e akeakea aku paha i na hana a Geremania e hana ae ai malaila.

Ua hoea ae he lono i Kapalakiko, aia na kanaka i hele aku i ke kahua eli gula o Aleseka (Alaska) ke hakoko la me ka weliweli nui, me ka wi i ka ai ole.

Ua hoea maalahi aku ka mokukaua kipi, nona ka inoa, o “Hope-ole” (Dauntless) me kana mau lako kaua no ka poe kipi, ma Cuba. He wahi olali keia ma nei hana.

Ua noi hou ia ae iloko o ka Ahaolelo o Geremania i haawina dala e lawa ai no ke kapili hou ana i elima mokukaua.

-----

Hoolaha Maua Hookiokooio.

ILOKO O KA AHA KAAPUNI APANA

Hookolokolo Ekahi o ko Hawaii Pae Aina. ELIZABETH LOPEZ kue ia DELPHINO LOPEZ.

Ka Repubalika o Hawaii. I ka Ilamuku o ke Aupuni, a i ole, i kona Hope; Me ka mahalo.

Ke kauohaia aku nei oe e kii ia Delphino Lopez, mea hoopiiia, ina e waiho mai ana oia i kana pane I kakauia iloko o na la he iwakalua mahope ho o ka hookoia ana o keia, e hele mai imua o ka Aha Kaapuni i hoikeia ae nei, ma ke Kau o Novemaba o ua Aha la, e malamaia ana ma Honolulu, Mokupuni o Oahu, ma ka POAKAHI, la 1 o NOVEMABA ae nei, ma ka hora 10 o ke kakahiaka, e hoike mai hoi i ke kumu e ae ole ia ai ke koi a Elizabeth Lopez, ka mea hoopii, e like me ka mea i hoakakaia iloko o kana palapala hoopii i pakuiia me keia.

A e hoihoi mai i ka palapala kii me ka hoike piha o kau mau hana no ia mea.

Ikea ka Mea Hanohano Alfred W. Carter, Lunakanawai Ekahi o ka (Sila) Aha Kaapuni Apana Hookolokolo Ekahi, Honolulu, Oahu,I kia la m14 o Sepatemaba, 1897.

(Inoa) P. DANSSON KE@TT, JR. Kakauolelo.

-----

Ke hoike aku nei au, o ka mea maluna ae he kope oiaio ia o ka Palapala Kii ma keia hihia, a ua kauohaia ua Aha la e hoolahaia ia mea a e hoopaneeia ka hihia a ke Kau o Feberuari, 1898, e hiki mai ana o keia Aha.

GEORGE LUCAS

Kakauolelo.

Honolulu, Novemaba 26 ^th , 1897.

2679-6@

-----

ILOKO O KA AHA HOOKOLOKOLO

Kaapuni, Apana Kaapuni Ekahi o ko Hawaii Pae Aina. Ma ka hana o ka Waiwai o Hope Kuuku (w) Waialua, Oahu, I Make.

Oiai, ua waihola mai ka Palapala Kauoha a Hooilina Hope Loa a ka mea i make i oleloia ae nei i ka Aha Hookolokolo i oleloia me ka palapala nonoi hoi no ka hookia ana o ua Palapala Kauoha ia a Hooilina hoi, a no ka hoopuka ana i na Palapala Hooko Hooilina ia Kuuku (k) ma keia ke hoolahaia aku nei, o ka Poalima, Dekemaba 24, 1897, ma ka hora 10 o ke kakahiaka, ma Aliiolani Hale, ma Honolulu, oia ka Manawa I kohoia ai ame kahi e hooiaioia ai ua Palapala Kauoha la, a e hooloheia ai ua noi la, a ma ia wa a ma ia wahi no e hele ae ai kela @ e hoike mai i kumu, ina he kuu a ka lakou e ae ole ia ai ke noi ua palapala noi la.

Honolulu, Novemaka 24, 1897.

Na ka Aha:

GEORGE LUCAS.

2678-3@ Kakauolelo.

-----

ILOKO O KA AHA KAAPUNI APANA

Hookolokolo Ekahi o ko Hawaii Pae aina. ERMINA QUITIGUA kue ia VICENTE QUITIGUA.

Ka Repubalika o Hawaii. I ka Hamuku o ke Aupuni, a i ole, i kona Hope: Me ka mahalo.

Ke kauohaia aku nei oe e kii ia Vicente Quitigua, mea hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Kaapuni i hoikeia ae nei ma ke Kau O Novemaba o ua Ahala, e malamaia ana ma Honolulu, Mokupuni o Oahu, ma ka POAKAHI, la 1 o NOVEMABA ae nei, ma ka hora 10 kakahiaka, e hoike mai hoi i ke kumu e ae ole ia ai ke koi a Ermina Quitigua, ka mea hoopii, e like me ka mea i hoakakaia iloko o kana palapala hoopii i pakuiia me keia.

A e hoihoi mai i ka palapala kii me ka hoike piha o kau mau hana no ia mea.

Ikea ka Mea Hanohano A. W. Carter, Lunakanawai Ekahi o (Sila) ka Aha Kaapuni Apana

Hookolokolo Ekahi, Honolulu, Oahu, i keia la 1 o Okatoba, 1897.

(Inoa) GEORGE LUCAS,

Kakauolelo.

-----

Ke hoike aku nei au o ka maluna ae he kope oiaio ia o ka Palapala Kii ma ia hihia, a ua kauohaia ua Aha la e hoolakaia ia mea a e hoopaneeia ka hihia a ke Kau o Febeuari, 1898, e hiki mai ana o kei Aha.

P. D. KELLETT, JR.

Kakauolelo.

Honolulu, Novemaba 2, 1897.

2675-6t

-----

Hoolaha Hooko Moraki.

-----

MANAO HOOKO MORAKI A KUAI AKU O KA MEA PAA MORAKI.

-----

Ke hoolahaia aku nei ma keia, mamuli o ka mana kuai i paa maloko o kekahi moraki i hanaia e M. Kalama ame kana wahine mare, o Maria Kalama, o Lihue. Mokupuni o Kauai, ia C. H. BISHOP, O Lihue i oleloia, ma ka Mokupuni o Kauai i oleloia ae nei, i hanaia ma ka la 9 Novemaba, 1895, a i kopeia maloko o ke Keena Kakau Kope Palapala, maloko o ka Buke 157, ma na aoao 306-7-8, ke makemake nei ka mea paa morakinei, no ka uha’iia ana o ke kumu aelike i paa maloko o ua moki la, oia: ka uku ole ia ana o ke kumupaa ame ukupanee.

Ke hoolahaia aku nei nohoi ma keia, e kuai kudala ia aku ana na aina, na mea apau i pili a maluna iho o ka aina, i hoakakaia maloko o ua moraki la, ma ka halekuai o ka mea paa moraki, i oleloia ae nei, ma Lihue i olelo ia, Kauai, ma ka la 28 o Dekemaba, 1897, ma ka hora 12 o ke awakea.

O ka waiwai i paa ma ua moraki la, oia no kela mau apana aina e waiho la ma Haiku, Apana o Lihue, Kauai, a i hoakakaia maloko o ka Palapala Sila Nui Helu 3667, maloko o laila he Ili o 1 Eka, 30 pereka, oi aku a emi mai paha, ame ka Palapala Sila Nui Helu 3699, maloko o laila he 1 Eka. 1 ruda, ame 14 pereka, ame ka Palapala Sila Nui Helu 3783, maloko o laila 1 Eka, 1 ruda ame 30 pereka, am eke kuleana nohoi o Kamakahiki (k), i make, maloko o ka Hui Kuai o Wainiha, i hooliloa mai i ka mea paa moraki mai (mortgagor) ma ka palapala kuai a J. W. Lota, Lunahooponopono Waiwai, a i kopeia ma ke Keena Kakau Kope ma ka Buke -----, aoao -----.

Na kumu: Kuike ke Dala. O na lilo palapala kuai i ka mea e lilo aku ai o ka aina.

C. H. BISHOP,

Mea Paa Moraki (Mortgager).

No na mea aku i koe, e ninau i ka mea paa moraki ma kona halekuai me Lihue, Kauai.

Hanaia Lihue , Kauai, Dec. 1, 1897.

2679-3t

-----

Kela ame Keia.

OLELO HOOLAHA HOOKAPU LOKO AME KAI LAWAIA.

-----

Ke hoikeia aku nei ka lohe ma keia o ka Hui nona ka inoa malalo iho nei, ke hookapu a ke papa aku nei i na poe apau, aole e hele maluna o ke kuapa o ka loko o Eo, aole hoi maloko o kona kai, a pela me ke kai o Waipio e pili ana I ua loko la, mahope iho o ka hora 8 o ke ahiahi o na la apau. Koe wale no ka aeia ana e ka Hui nona ka inoa malalo iho nei. Aole nohoi he kuleana o ka Hui e papa ai i ka heleia ana o ke alahele ma ke alanui hao e pili ia i ua loko la.

Honolulu, Dek. 9. 1897.

WONG LING & CO.

Ma Waipio, Oahu.

2680-5ts.

-----

HOOLAHA MAKEMAKE LAWE AINA.

-----

I ka poe apau e nana mai ana i keia:

E ike auanei oukou, mamuli o ka mana ame a kuleana i loaa i ka Hui Alahao a Aina Oahu, ma o kona palapala hoohui la (charter) me ke Aupuni, a mamuli hoi o ke Kanawai i aponoia ma ka la 11 o Sepatemaba, A. D. 1888, i kapaia “He Kanawai e Hoomana ana a e Hoohoihoi ana i ke Kukulu ana i na Kaa Mahu ma ka Mokupuni o Oahu” amen a mana e ae apau e kokua ana iaia ma keia hana, ke makemake nei e lawe mai a e hoohana aku no na hana o ke Alanui hao i kauohaia ai ia e hana aku, ame na hana e pili ana ia mea, i ka apana aini onaia e mka Repubalika o Hawaii, a i hokakaia penei:

E hoomaka ana ma ke kihi hema hikina o ke Kuleana 11,225, Palapala Sila Nui, 1879 ½; alaila, Hem. 71 degere, 39 minute. Kom, 471 @, ma ua Kuleana Helu 11,225 la: alaila, Hem. 31 degere, 30 minute. Hik. 25 kapuai: alaila, Hem. 64 degere. Kom. 84 kapuai: alaila. Hem. 35 degere, Kom. 118 kapuai; alaila, Hem. 11 degere. 50 minute, Hik. 25 kapuai; alaila, AK. 36 degere, 15 minute Hik. 175 kapuai; alaila. AK. 70 degere. 17 minute. Hik. 588 kapuai; alaila. AK. 18 degere. 21 minute. Kom. 54 kapuai i kahi i hoomaka ai, maloko o laila he area o 0.79 eka; e komo pu ana hoi me ka pono alahele mau o ka moku ma ke kai a ano moku a waa e ae paha o kela ame keia helu nui; maluna hoi o na aina a pau amen a wai i kuleana ai ka Repubalika o Hawaii,mawaena o keia apana I hoikeia ae la maluna, ame kona mau lihi apau am eke kai hohonu ma ke Awa o Honolulu, ame kona mau lihi apau.

OAHU RAILWAY & LAND CO.

Ma o S. C. Allen, Peresidena.

M. C. Robinson, Puuku

Honolulu, Novemaba 9, 1897.

2677-4ts

-----

HOOLAHA HOOPONOPONO WAIWAI.

-----

Ma ka Waiwai o E. W. Holdsworth, i make, ke hoike ia’ku nei ka lono i na poe apau he koina ka lakou ma kea no ua aie ka mea i make, e hoike mai lakou ia mau koina ia Mr. F. M. Swanzy, ma ke keena oihana o Messrs. Theo. H. Davies ma, ma Honolulu, Mokupuni o Oahu, iloko o na mahina eno mai keia la aku, o hole loa ia. A o ka poe i ale i ka mea i make e uku koke ae no lakou ia F. M. Swanzy, i oleloia.

Kakauia ma Honolulu, i oleloia, i keia la 12 o Novemaba, 1897.

EDITH M. W. HOLDSWORTH.

Luna Hooko o ka Palapala Kauoha a E. W. Holdsworth. i make.

-----

OLELO HOOLAHA.

-----

Oiai; ua hookohu pono ia na mea nona na inoa malalo iho nei, e Hn. J. W. Kalua, Lunakanawai Kaapuni, Apana Hookolokolo Elua, o ka Repubalika o Hawaii, i keia la 13 o Novemaba, 1897, ma kahi o W. H. Halstead i make, i mau Lunahooponopono no ka Waiwai o Fredrick Scholtz, no Wailuku, Maui, i make.

Ke kauoha ia aku nei na poe apau i aie i ka Waiwai o ka mea i make, e hokaa mai i na mea nona na inoa malalo iho, a pela hoi na poe a ka mea i make i aie aku ai, e hoouna mai i ka lakou mau koi me na hoolaio kupono iloko o na malama eono mai keia la aku.

Kakauinoaia.

S. KAPU,

EUNICE SCHOLZ,

Na Lunahooponopono o ka Wawai o Fredrick Scholtz.

Wailuku, Maui, Nov. 13, 1897.

-----

HOOLAHA HOOILINA WAIWAI.

-----

Ua makemakeia na hooilina o na ma’i lepera i make ma ke Kahua Ma’i Lepera, Molokai, no lakou na inoa malalo nei, e waiho ae ma ke Keena o ka Papa Ola, me na hooiaio kupono, i ka lakou koi no ke koena dala o ka waiwai o na mea i make iloko o na mahuina eono mai keia la aku, ai ole, e lilo loa no ia mau dala no ka pomaikai o ka Waihona o ke Aupuni.

Huaka (w), no Waiehu, Maui, nona na makahiki he 34, laweia i ke Kahua Ma’i Lepera, Molokai, Okatoba, M. H. 1888, make June 17, 1897.

John Honolulu (k), no Hueio, Maui, nona na makahiki he 30, laweia i ke Kahua Ma’i Lepera, Molokai, Novemaba, M. H. 1887, make Okatoba 15, 1897.

CHARLES WILCOX,

Kakauolelo o ka Papa Ola.

Honolulu, Nov 17, 1897.

2677-4t

-----

Theo. P. Severin

(KAPOLEMA MA).

He Mea Pa’i Kii Hooleleaka.

-----

E hana ana oia i na kii nani loa ma Honolulu nei no ka uku haahaa loa. E paiia ana na Kii Ahaaina, Mare, Hoolewa, na Hale Noho, a pela aku.

E hoonuiia ae ana na kii main a kii liilii mai.

Alanui Nuuanu, ma keia aoao aku o ke Alanui Pauahi. Aia iluna..

2664-2ma

-----

CURES WHILE YOU SLEEP

Vapo-Cresolene.

MAMULI o ka haawiia ana o ka laau CRESOLENE ma ka hana ana, oia ke lawe ana i na Ohe Makani o ka puu. He kamahao launa ole ka holo pono o kana hoola ana i ke aunu-Kalea am eke Kunu Ho. He laau maikai loa ia no ke pale ana aku i na ma’i lele, a pela aku. E loaa no na buke hoakaka me ke kumukuai ole, i huipu me na palapala hoomaikai. Kuaiia e na poe @ laau a pau.

HOLLISTER DRUG CO.,

Honolulu, H. I., Agenis. .