Ka Nupepa Kuokoa, Volume XXXVI, Number 49, 3 December 1897 — HE MOOLELO NANI NO Lubiana Kasimila KA NAITA O KA Liona Gula o Bohemia. A I OLE Ka Hui Naita Eleele o ka Lima Ulaula. [ARTICLE+ILLUSTRATION]

HE MOOLELO NANI NO Lubiana Kasimila KA NAITA O KA Liona Gula o Bohemia. A I OLE Ka Hui Naita Eleele o ka Lima Ulaula.

MOKUNA XII. Ke Kakela o Valesebuga. Ma ka wa i haalele iho ai o Ariadane i kahi pupupu hale, ua hele aku la ia a ma kekahi kuono kipapali, e kokoke ana i ke ana e hoopaaia ai na lio kaua o Mamiona ma. Ma keia wahi noho iho la ia no kekahi mau minute pokole. laia e noho ana. ike aku la ia i ka pu-pua mai a kekahi' laau hihi, elike me ke kowali, ma kekahi wahi, aole no i mamao loa mai kahi ana e noho ana, nolaila, ku ae la ia iluna a hele aku la no kahi o keia mau pua ana i ike aku ai e pua. mai ana.

Aka nae, i kona hoea pono ana aku malaila. ike iho la ia. aole i loa ke ano o ua mau pua nei. Ua. pau kekahi mau pua i ka mokumoku, a ano maemae nohoi kekahi. A oiai. aia ka makemake ame ka hoohihi iloko ona no nei mea he pua, ua huli ae la ia a nana aku la ma kekahi'wahi okoa aku. ma kahi e hiki ai iaia ke ike aku i kekahi laau hihi e pua. mni ana i na pua. a ano pua e ae paha. Aia hoi, ike aku la ia i kekahi laau hihi, me kona mau pua, ma. kahi mamao iki mai kahi ana e ku ana, nolaila, ua kamoe pololei aku la kona mau kapuai no ia wahi.

Aia keia wahi ma kekahi aoao mai o ka ohuku pali e komo ana iloko o ka ululaau, a ua mamao le/: nohoi ia wahi mai kahi pupupu hale mai.

Nolaila, i kona hoea ana aku ma keia wahi, ike iho la i ka maikai o na pua. a ua hoopihaia kona naau e ka hauoli, oiai, ua ike iho la ia i ka "opiopio" maikai o ua mau pua la. Nolaila, ako iho la ia i ua mau pua la, a i ka hele ana hoi a lawa na mea ana i makemake ai. ua huli ae la ia i hope no ka hoi ana aku i kahi pupupu hale. I keia wa i hoopuiwaia ae ai oia, i kona lohe ana aku i kekahi nakeke. a i kona huli ana ae a nana aku hoi ma kahi ana i lohe ai i ka nakeke, ike ku la ia he elua mau kanaka e hele mai ana ma kahi ana e ku ana, Ma kona wa i ike aku ai i ua mau kanaka la, ua hoomopopo koke iho la ia i ko laua ano, nokamea, ua ike mau oia i na kanaka oia ano ma ka Hale Kakela o Mauna Eleele. Ua ike nohoi oia. lie poe kanaka lakou e liele pu ana me Frankenstein ma kana mau huakai uhai holoholona He mau aahu ili ko laua e komo ana, a o ko laua mau onohi maka, ua like loa ia mau mea, me na onohi maka o ka popoki ahiu. A mamua o ka hiki ana iaia ke haawi ae i leo hoopuoho, aia hoi, ua paa mai la oia i kekahi kanaka, a panlia ae la kona waha, a he sekona wale no mahope iho. upa hoouhiia iho la kona poo me kekahi uhi manoanoa. Hapaiia ae la ia a laweia aku la. He mea oialo» ua hoao ae la oia me kona ikaika apau e hemo ae mai ka mea nana oia e paa ana, aka, he makehewa wale no nae ia hoao ana. I kela wa nohoi, noonoo ae la oia no kana ipo aloha, no Lublana, pela pu hoi me ka Naia Mamiona. ame ka elemakule Manafereda. A me he mea la, i kela wa e uhi paa ia ana kona poo © kela uhi i hoopulouia iho ai maluna ona, me na pukapuka makalii ma kona mau aoao, ua ike aku la oia i kekahi Naita Eleele e maaio ana iloko o kekahi ulu* laau hihi-pea, me ka hiehie nui, a e kainoe ana hoi kona alahele ma kekahi aina i ike mua ole ia e la» a me he mea la e maau hele ana ola ma ia kukuhi o ka honua no ka hooko ana I kekahi hana ano nui loa. A o ka ho* pena o keia hihio kuloko i loaa iaia, oia kona ike ana i kekahi lede opio 1 like loa kona helehelena me kona, e ku ana ma ka aoao o Luhiana. iloko

o na kahiko alii apau o Bohemia; a i keia wa i hikllele ae ai ia, a hoomaopopo iho la, aia oia ke auamoia la e na lima o ke aloha ole.

A hala ae Ia paha hookahi hora okoa 0 ko lakou hele ana. aia. hoi. ike iho la kona mau papalina i ka pa kolonahe ana mai a ke kaiauiu makani noho waolaau. a hoomaopopo iho la ia, ua puka lakou mawaho o ka ululaau. Maanei, ike iho la ia i ke kn ana o ka mea nana oia e ka ika'i ana, a ma ia manawa hookahi nohoi lohe ae la ia i kekahi mau leo hou e kamailio ana. Hookuiiia iho la oia ilalo, a o kona wa ia i paaia iho ai e kekahi mau lima oolea. Weheia ae la hoi ka pulo'ulo'u e uhi ana i kona poo, a i kona nana ana ae ma o a maanei, ike ae la ia ua uhi mai na eheu o ka po. E ku : ana ia ma ia wa malalo o kekahi umalu paii, a e hoopuni ana hoi iaia he heluna lehulehu loa o na kanaka, a e ku ana he poe lio. 1 Ma ia wa, ike aku la ia i ka hele \ ana mai o kekahi kanaka i paleia ! kona umauma me ka paleumauma nani, a he aahu koa nohoi kona e aahu ; ana. I kona kokoke ana mai iaia, ua | haawi mai la oia i kona aloha. lke aku | la hoi ia, o ua kanaka la oia no ke ! kapena o na koa o ke Kauna Valese- | buga, a o kona inoa, oia o Walese- ! tona.

Pane mai la oia imua o ka lede opio: "E ka lede maikai, e ae mal oe ia'u e pahola aku au Imua ou y no kou hoea palekana ana mai la ia nei. O ka hua-

kai au i hele mai la, aole o'u kanalua iki, he huakai ia i piha me na haawina i hoehaehaia ai kou puuwai; aka, ke hooia aku. nei au imua ou, i keia wa, eia oe mawaena o na kanaka i lilo i poe hoaloha nou, a e kiai ana hoi no kou palekana. Nolaila. e ka lede, mai hopohopo i ka haawi ana mai ia oe iho iloko o ko'u lima. & mai ho&liila hoi kou naau e ka hopohopo ame ka maka'u." Ua ike nohoi o Ariadane o keia kanaka e kamailio mai nei imua ona, he kanaka lawelawe oia malaio o ke Kauna Valesebuga, a he kauwa hoi oia nana, a he mea maopopo e hoolohe ana oia i na kauoha mai kona haku akn; aka. ma ke ano nae o kana mau oielo ame kona kulana imua ona, na hoike mai ia i kona ano keonimana, a noonoo holoholona ole hoi. (Aole i pau.)

Mai konoia oukou e kuai i na laau hamo i loaa ole ke kaulana no ke ola, oiai. aoie i oi aku ke kumukuai e lilo ana no ka Laau Hamo a Kamalena, a ua ikea hoi ka oiaio o kana mau hooia ana> ma na hoaoia ana iloko o na makahiki iehulehn i kaahope ae nei. O na leta elike me keia i loaa mai al mai aIQ. Bagley mai. o Haeneme. Cal., e ioaa mau mai ana no ia makou: '«O ka laan pookela loa no ka eha (hui) a'n i lawelawe ai. oia ka Laau Hamo a Kamalena, a ke olelo nei au pela, mahope iho o ko'u hoohana ana mawaena o ko*u cdjana no na makahiki lehulehn. E ola ana iaia ka mmaika, ke kikala haneenee, na ma-ui ame na pe* ha. E knaiia ana e na poe knai Uan lanaan apau. O Renson. Smith & na. Ageoa ma Ko Hawali Pae Aiua» *

BOOKER T. WASHINGTON. 0 ke kii keia o kekahi o na kanaka hapa negero o Amerika i kaulana loa no ka naauao. No kana hana hoonaauao inawaena o kona lahui iho, ua loaa iaia ke degere hoohanohano mai Kulanui mai o Havada, oia hoi, he M. A. O keia kekahi o na kanaka naauao loa mawaena o na ili eleele o Amerika. A o kona wahi i hoonaauaoia ai, maloko no ia o ke Kula a Limaikaika ma Hampton. Aia malalo o kana alakai ana i keia wa he kulanui o 900 haumana paele, he 70 kumuao. E onaia ana e ke kula he 2,400 eka aina me 38 hale, a ua hiki ka waiwai io i ka $250,000 oia mau mea apau.