Ka Nupepa Kuokoa, Volume XXXVI, Number 47, 19 November 1897 — Page 4
| This text was transcribed by: | Cornella Nicholson |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
KULA SABATI.
HAAWINA IX.—NOVEMABA 28.
Ka oleloao e pomaikaiai 1 peter @:1-8
Ua eha o lesu ma ke kino no kakou, nolaila, e hoomakaukau no oukou i manao like; no ka mea, Ina e eha kekahi ma ke kino, ua hookaawaleia oia i ka hewa;
2 I ole oia e noho hou aku i kona manawa e koe ma ke kino, mamuli o ke kuko kanaka, aka, mamuli o ko ke Akua makemake.
3 No ka mea, o ka manawa i hala o ka kakou ola ana, ua nui ia e hana aku ai i ka make make o ko na aina e, i ko kakou hahai ana i ka makaleho, a me ke kuko, a me ka pakela inu waina, a me ka ahaaina hooipoipo, a me ka aha inu, a me ka malama kii e howahawahaia’i.
4 Ke kahaha nei no lakou me ke kuamuamu ana mai i ko oukou holo pu ole ana me lakou i ka hoomaunauna ino.
5 E hoike auanei lakou ia lakou iho, i ka mea i makaukau e hookolokolo mai i ka poe ola a me ka poe make.
6 Nolaila hoi i halla’ku ai ka olelo maikai i ka poe i make , i hoohewala lakou e kanaka ma ke kino, a i hoalaia hoi lakou e ke Akua ma ke Uhane.
7 Ua kokoke mai no ka hopena o na mea a pau; nolaila, e kuoo oukou, a e kiai ma ke pule.
8 Eia ka mea oi mamua o na mea a pau, o ka pumahana o ke aloha iwaena o oukou; no ka mea, o ke aloha ka mea e uhi ai i na hewa he nui loa.
PAUKU GULA. 1 Petero 4-7. E kuoo oukou, a e kiai ma ke pule.
MANAO NUI. E pono ke noonoo i na hopena okoa o na aoao okoa no ka hooponopono ana i ko kakou wa ola.
OLELO HOAKAKA. Ua hoolahaia ka lono e pili ana i ko Nero hoomaau ana i ka poe Karistiano ma Roma. Ua hoomakaia na hana like ma na panalaau okoa. Ua lohe o Petero i ka nui o ka hoomalnoino ana i ka poe manaoio ma na mokuaina akau o Asia Uuku. Ma kona Episetole ua paipai oia ia lakou e hoomanawanui a lanakila. Ua haalele lakou i na hana ino ka poe hewa; noalila, ua huhu kekahi poe a hoohenehene la lakou no ka noho pono. Eia nae, e hookolokoloa kela poe imua o ke Alii Nul o ka Pono. No ka wa pokole e pono ke kiai a pule a hoomau i na hana aloha. Ma keia ano noho e hiki ana ia lakou ke lanakila ma ke aloha pumehana, a loaa ia lakou ke kalahala mmai ke Akua lokomaikai mai.
1. Eha,-- oia no ke alahele i ka lanakila. Ma ko Iesu kaulia ana ma ke kea ua lanakila oia a loaa no kona mau eha, k pomaikai nui hoi no kakou. Nolaila, e pono no i ka poe manaoio ke makaukau no na eha a hiki i ka make. Oia no na mea e hoomakaukau i ka pomaikai, aole nae e hoemi mai ai. Ua hookaawaleia ka hewa, a maemae ka noho oluolu ana. 2. Kuko,-- ua lilo keia mau kuko i mau mea ino mahope o ko Adamu hewa. Aole i hoomaluia lakou e ka noonoo pono. Ua ae wale ka hapa nui o na kanaka i ke alii ana o na kuko ino. Aole pela ka makemake o ke Akua ma kona hana i ke ano kanaka. Eia ka noonoo, oia ka mea e alii ai, aole na kuko; mamuli o ko ke Akua hooponopono ana. 3. Makaleho ,-- aole hiki ke hai lea aku i ke ano haumia o ka poe hoomanakii i ka wa kahiko. Ua pau ae ia. Aole paha i hookomola i na manao o na opio i keia mau la na haumia o ka wa kahiko. Ua lawa lakou no ka wa i hala. Ma keia wa hou e hapai ana kakou i na hana hou. 4. Hoomaunauna.—aole i hoomalula a i malama pono ia na kuko, aka nae ua hoaaia lakou a hooholoia i ka nenelu poho. 5. Hookolokolo. – eia ka mua o ka oleloao aku. E noonoo ana ke Akua Hookolokolo ina paha aole e malama ana na kanaka i ka pono o ka lakou mau hana mamuli o ka noonoo naauao. 6. Holiala, -- Eia ka lua o ka oleloao. Ua hiki mai ka Euanelio. Ua haiia’ku ka olelo maikai, no ka poe mihi ke kalahala. 7. Kokoke, -- Eia ke kolu o ka oleloao. “E hemo ana na mea hoonaueueia i mau hoi na mea e hoonaueue ole la.” No ka manawa wale no ka hewa. Maloko ona na anoano o ka make. E lanakila koke ana ka pono a mau loa aku. Kuoo.—Eia ka ha o ka oleloao, o pono ke malama, ke hoomalu, ko aua la kakou iho, me ka pule no hoi, oia no me ka hoomaopopo ana aole hiki ke lanakila ke ole ka pili paa ana i ka mana o ke Akua. 8. Aloha – eia ka mea oi. Mai makau i ka pakela o ke aloha. Oia ka pomaikai e imi mau ai, ke aloha pumehana a oi. Oia no ke ahi e hoopau ai a uhi ai i na hewa he nui loa, a nalowale loa iakou.
I. Ka wa i halo, @. Owai ke kumu hoohalike no ka poe manaoio e hoomahui ai! No keaha la ua hoehaia o Iesu! Peha o loaa ai ia kakou ka manao ano like! Ina paha ua hookaawale ia ka hewa, pehea e hiki ana anei i ka poe manaolo ko hana hou aku i ka hewa! Heaha ke alil hou no ka me manaolo! Ua loaa anei i ka pow hewa he wahi pomaikai kumau! Heaha na hewa ekolu pilikino pllikahi! Heaha na hewa ekolu pili pu i na hoahana! Ua koikoi anei ka poe hewa kekahi i kekahi e hewa aku! E hoemila anei ka ona ina paha e hoopaula ana na hale inu rama! Ua makau anei na kanaka i ka hoohenehene ana o ko lakou mau hoa, ina paha e makemake ana lakou e haalele loa i ka hewa, a hooholo i ka pono!
II. Ka wa o hiki m@i @, 5, 6. Ina paha ua hooheneheneia ka poe imi pono, owau ka poe nana e hookolokolo i ka poe hoomau hewa! Ua hoopoina anei ke Akua i kona poe ponoi? E hooponopono ana anei ke Akua i na mea kaulike ole o keia ao? Ua hoahewa anei ka Euanelio i ka poe hewa? Heaha ka pomaikai ano nui e loaa mai ana ma ka hoolohe ana i ka Euanelio?
III. Ka @ ano, 7, 8. Ua kokoke mai anei ka hopena o keia ao? Ua manaolana anei o Petero ma e hoi hou maiana o Iesu i ka wa koke? Pehea, ua hookukuia anei ke koo a me ka makaleho? Pehea ka hookukuia ana o ke kiai me ka aha inu waina? Pehea i hookukuia ai ka pule me ka hooipoipo o ka hoomanakii? Ua koikoi ae anei ke aloha mamua o ka pule? a i ole paha ua waiwai ole na hana maikai ma o lakou iho wale no, eia nae ka mea e koikoi ai lakou oia no ka manao aloha? Ua pakela aku anei ko aloha Karistiano? Penea, e uhi ana anei ke aloha i na hewa lehulehu,. Na. Sol. 10:9? Ua kupono anei ke hoike aku i na hewa o hai? Ua pili anei keia uhi ana i na kanaka paha, a i ole, i ke Akua paha? Heaha ka mea hookahi hiki ke uhi i na hewa imua o ke Akua.
MANAO PILI. 1. Mamuli anei o ka makemake o ke Akua kou inu an i na waiona? 2. Ua hoopau loa anei oe i na hana hewa o ka wa i hala? 3. Ua makaukau anei oe e ku imua o ke Akua Hookolokolo? 4. Ina paha ua aloha oe ia hai, e alakai hewa ana anei oe iaia? 5. Ua pule pu anei oe no na mea e ae aole nou wale iho no?
MOOLELO O KA AHAHUI KULA
SABATI O MAUI, MOLOKAI
AME LANAI.
La Hana 1.
Poalima, Oct. 29, 1897, halawai ka Aha elike me ka hiipanee ana mai ke kau o Mei, 1897, Halepuke Kaahumanu, ma. Wailuku, hora 10 a. m.
Rev. S. Kapu, Peresidena ma ka noho.
M. P. Waiwaiole, kakauolelo mau.
Weheia na hana ma ka himeui, Hoku Ao Nani, aoao190 ame ka pule a ka Peresidena. Kohoia O Rev. O. P. Nawahine, J. Kalino ame Hon. J. W. Kalua, komite nana e nana pono i no hookohu o na kahukula sabati apana ame na elele. Hoike mai ke komite penei: O na hookohu Kahukula Sabati Apana o Wailuku ame ko Waihee, ame ko na Elele Kula Sabati o Paihiihi, Haiku, Kaikapu, Wailuku, Waihee, Wainee ame Halawa, ua apono ku komite. A o na hookohu Kahukula Sabati Apana o Paihiihi ame Haiku, ua hooholo kou komite e hoihoiia e hooponopono hou; aponoia ka hoike a ke komite. Hoomaopopoia na lala o ka aha. Mrs. Kauhimahu, Elele no Wailuku; W. S. Maule, Kahukula Sabati, R. J. K. Nawahine, Elele no Waihee; Paihiihi, David Murry, Elele; Haiku, J. P. Kapihe, Elele; Waikapu, Mrs. Brown, Elele; Wainee, M. Lutera, Elele; Halawa, A. P. Paehaole, Elele. Na Kahu ekalesia; O. Nawahine, J. Kalino. Na Kahukula Sabati Nui; S. W. A. Kaleihoa. Hoa mau; Hon. J. W. Kalua. O Keia na lala o ka Aha i hiki mai.
1. Komite o na hoike Kahukula Sabati Nui; A. P. Paehaole, J. P. Kapihe ame M. Lutera.
2. Komite o na hoike Kahukula Sabati Apana: J. Kalino, R. J. K. Nawahine ame D. Murry
3. Komite o na hoike Elele; W. S. Maule, D. Murry ame M. Lutera.
4. Komite o na Palapala Hoopii; J. Kalino, O. Nawahine ame A. P. Paehaole.
5. Komite o na Hana Hou; J. kalino, A. P. Paehole ame R. J. K. Nawahine.
Na hana o ka la.
Hoike Kahukula Sabati Nui, aole. Hoike Kahukula Sabati Apana; Na Maule ko Waihee, aponoia. Hoike Elele; Na ke Kakauolelo i ko Paihiihi; na R. J. K. Nawahine ko Waihee, waihoia i ke komite.
Ma ka noi a Hon. J. W. Kalua ua hoomaha ka Aha a noho hou ma ka hora 1:30 p. m. Hookuuia Himeni Hoku Ao Nani, aoao 12 ame ka pule a O. Nawahine.
Halawai hou ka Aha hora 1:30 p. m. Heluheluia ke koena o na hoike Elele Na A. P. Paehaole i ko Halawa, waihoia i ke komite. Hoolaha mai ka Peresidena, o ka hoike a ke Kakuolele ame ka Puuku oia ka hana mua a keia Aha ma ka la hana 2, hora 10 a. m. Heluhelula ka moolele o ka halawai a ke Komite Hooko a keia Aha i noho ai ma ka la 24 o May, 1897, aponoia.
Hoike hapa a ke komite o na Hana Hou.
1. Hapaha hora haipule.
2. Na Kula Sabati e hooko ole ana i na dala kokua no ka Luakini o hana.
3. Na Kula Sabati e holo ole ana i Hana i ka wa hoolaa Luakini.
4. Na komite i ka Ahahui Nui ma Honolulu.
(a) Komite o na hana a keia Aha.
(e) Komite o na hoike kihapai.
5. Hoike a ke Komite Hooko o keia Aha.
6. Na Kula Sabati i kooko ole i na dala kokua no ka waihona o keia Aha.
LORRIN A. THURSTON
Mr. Thurston is one of Hawaii’s most talented statesmen and had much to do with drafting the Hawaiian anexation treaty. He was born in Hawaii, but his parenets were American missionaries.
LORRIN A. THURSTON.
O ke kii keia o kela keiki Hawaii kaulana loa i ka ike kalaiaina. Oia nei no ka luaui o ke kumuhana hookui Aupuni. O hawaii nei no kona one hanau. Aloha Kakina. Aole i pau ka pono Kakina i ka lae o ka Laau.
7. Na Haawaina Kula Sabati no ka hoike hui ma Hana.
Aponoia ka hoike a ke komite.
Kumuhana 1. Na J. Kalino ame D. Murry e malama i ka hapaha hora haipule. Kumuhana 2, 3, 4, 5, 6 ame 7, ua hoopanee ia a akoakoa mai na lala o ka Aha I koe. Ma ke noi a R. J. K. Nawahine ua hoopanee ia ka halawai a noho hou ma ka Poaono. Oct. 30, hora 10 a. m. Hookuuia ma ka himeni, Hoku Au Nani, aoao 251 ame ka pule a J. Kalino.
La Hana 2.
Poaono, Oct. 30 halawai ka Aha elike me ka hoopanee ana.
Malama ia ka hapaha hora haipule e J. Kalino ame D. Murry. Mahope o ka pau ana o ka hapaha hora haipule, ua noho ka Peresidena ma ka noho. Kahea inoa ia na lala o ka Aha. Heluheluia ka moolelo o ka halawai I hala, aponoia. Hapaiia na hana o ka la. Ka hoike a ke kakauolelo ame ka puuku, ma ke noi a A. P. Paehaole, ua waihoia keia mau hoike I kekahi komite wae, oia A. P. Paehaole, W. S. Maule ame R. J. K. Nawahine, aponoia.
Hoike Kahukula Sabati Nui; Na D. H. Kahaulelio I ko Maui komohana, na ke Kakauolelo I ko Makawao akau, ma ke noi a Hon. J. W. Kalua, ua waihoia keia mau hoike ma ka papa a pau pono mai na hoike Kahukula Savati Nui, hooholoia. Kumuhana 7. Ma ke noi a Hon. J. W. Kalua, ua waihoia I na Kahukula Sabati Nui oia ke komite nana e mahelehele i na Haawina hoike hui, a hoike mai imua o keia Aha, o ka Peresidena o keia Aha oia ka Luna Hoomalu, hooholoia
Ma ke kapae ana I na rula, ua heluhelu mai o J. Kalino I ka hoike e pili ana I na hookohu Kahukula Sabati Apana ame ko na Elele I hiki mai, a waiho ia I ka Aha. Noi mai o Hon. J. W. Kalua e hapai hou ia ka hoike a ke komite o na hookohu I aponoia I hala e noonoo hou ia, rula ka Aha a haule ke noi. Lawe A. P. Paehaole I kela noi, oia hoi, o ka hoike I hala I aponoia e hapai hou ia mai a e noonoo pu ia me keia hoike I keia wa, aponoia.
Ma na kuka ana, ua lawe mai o Rev. S. Kapu he olelo hooholo ma ka noho hoomalu ana mai a W. S. Maule, Hope Peresidena, aponoia.
Ma ke noi a Hon. J. W. Kalua ua hoopanee ka Aha a noho hou ma ka Poakahi, Novemaba 1, 1897 hora 9 a. m. Hookuuia ma ka himeni Hoku Ao Nani, aoao 287 ame ka pule a J. Kalino.
La Hana 3.
Poakahi, Novemba 1, halawai hou ka Aha elike me ka hoopanee ana.
Malamaia ka hapa hora haipule e J. Kaalouahi ame M. Kane. Oiai aole i hiki mai ka Peresidena ame ka Hope ame ke kakaolelo ua koho ka Aha ia M. Kane i Luna Hoomalu, A. P. Paehaole i kakauolelo no ka manawa. Oiai e makaukau ana no ka hoonee i na hana o ka Aha imua, ua hiki mai ka Peresidena ame ke Kakauoleloi kela manawa. Noi mai o Hon. J. W. Kalua, e hoomaopopo hou ia na lala o ka Aha a e hookomo aku hoi i na inoa o ka poe i hiki hou mai nei iloko o ka papa inoa o na lala o keia Aha, hooholoia. Eia na lala o ka Aha i hiki hou mai. Na Kahukula Sabati ame Elele, Paia, J. Kaluna ame Mrs. Kalei, Elele; Keawakapu, J. M. Napulou ame Mrs. Napulou, Elele; Kaanapali. W. E. Saffery, Kahukula Sabati; Wananalua, J. K. Keaonui, Elele; na Kahu Ekalesia. J. K. Hihio, J. Kaalouahi ame A. Pali. Na Kahunapule, D. K. Kaumiumi. Na Lunakahiko, W. B. Keanu ame M. Kane. Na Kahukula Sabati Nui, D. H. Kahaulelio ame A. K. Laumauna. Hoomaopopoia na lala ma ke kahea inoa ana. Heluheluia ka moolelo o ka halawai i hala, aponola.
Hapaiia ke koena o na Hoike Kahukula Sabati Nui. Na A. K. Laumauna i ko Molokai, waihoia i ke komite. Na koena hoike Kahukula Sabati Apana. Na ke Kakauolelo ko Kalaupapa. Ma ke noi a J. K. Hihio ua waihoia a hiki i kahi o na Palapala Hoopii, a pela ko Haiku, Honouliwai ame Waialua, na J. Kaluna ko Paia, W. E. Saffery ko Kaanapali, na A. P. Paehaole ko Halawa, waihoia i ke komite.
Na koena hoike Elele. Na Mrs. Kalei ko Paia, na Mrs. Kauhimahu ko Wailuku a na E. M. Kalama ko Honokohau, a waihoia i ke komite.
Ma ke noi a R. J. K. Nawahine ua hoomaha ka Aha a noho hou ma ka hora 1:30 p. m.
Hapai hou ia ke koena hoike Elele. Na M. Lutera ko Wainee, na J. K. Keaonui ko Wananalua, waihoia i ke komite.
Na palapala Hoopii. Hapaiia ka noonoo ana i kekahi hapa o ke hoike Kahukula Sabati apana o Kalaupapa, e pili ana i ka ae ole o ka Papa Ola i ke Kahukula Sabati Nui o Molokai e komo aku iloko o ka panalaau o Kalaupapa, a waihoia i kekahi komite wae, J. Kalino, J. K. Hihio ame A. K. Laumauna. Na A. P. Paehaole ka hoike a ke komite wae e pili ana i ka hoike a ke Kakauolelo ame puuku, aponoia. Na S. Kapu i ka hoike e pili ana i ka mahelehele ana i na Haawina Hoike Nui ma hana, aponoia. Na J. Kalino i ka hoike e pili ana i ke koena o na kumuhana—oia hoi 8 ka hoike hui o na Kula Sabati ma Hana, Dec. 24; 9 na kokua o na Kula Sabati no na Luakini i maopopo ka pilikia; 10 ka hoike hui o na Apana Kula Sabati ma kahi e noho ai ka Ahahui Kula Sabati; 11 na Kula Sabati i hooko ole i ka lakou kokua no ka luakini o Wainee; 12 lulu dala o na hoa o ke ia Aha; 13 ka buke “Ka Hoahana;” 14 koho ana i na Luna Nui; 15 kahi ame ka manawa e hui hou ai keia Aha, aponoia.
Kumuhana 4. Ma na kuka ana ua kohoia o A. P. Paehaole , komite o na hana a keia Aha. R. J. K. Nawahine, no na hoike kihapai.
Koho ana i na Elele i ka ahahui nui ma Honolulu; Mrs. Kauhimahu, Mrs. Kalei, Keaonui Saffery, Paehaole ame Nawahine. Kumuhana 2 ame 3, ua waihoia na na Kahukula Sabati Nui e hooponopono i keia.
Hoopanee ka Aha a noho hou Novemaba 2, hora 9 a. m. Hookuuia ma ka himeni, Hoku Ao Nani, ame ka pule a W. S. Maule.
La Hana 4.
Poalua, Novemba 2, halawai hou ka Aha elike me ka hoopanne ana. Malamaia ka hapaha hora haipule e J. K. Keaouni ame W. E. Saffery. Kohoia o J. K Hihio i Luna Hoomalu, no ka hiki ole mai o ka Peresidena ame ka Hope. Kahea ia na inoa o na lala o ka aha. Heluheluia ka moolelo o ka halawai i hala, aponoia, me na hooponopono. Hiki mai ka Peresidena.
Hapaiia ke koena Hoike Elele. Na Mrs. Napulou ko Keawakapu, waihoia i komite.
Hoike a na komite mau. Na Paehaole i ka hoike a ka hapanui e pili ana i ka hoike a na Kahukula Sabati Nui, ma ke noi ua waihola ma ka papa, a lawe ia mai ka hoike a ka hap uuku, hooholoia.
Hapaiia ke Kumuhana 14. Ua kohoia o S. Kapu, Peresidena; M. Kane, Hope Peresidena; M. P. Waiwaiole, Kakauolelo; W. S. Maule. Puuku; Hon. J. W. Kalua. Hoakuka. Kumuhana 12. Ua loaa $5.05. Hoomaha ka Aha a noho hou ma ka hora 1 p. m.
Hapaiia ke Kumuhana 9. Ua aponoia, nolaila, na lawe Hon. J. W. Kalua $50.00 M. Kane ma ka aoao o ka Ekalesia o Halawa $150.00, a o koena e kauia maluna o na Kula Sabati. Ma Ke noi @a waihoia keia koena dala i kekahi komite wae, na ia komite e mahelehele, oia a J. W. Kalua, W. S. Maule ame A. K. Laumauna.
Ma ke kapae ana I na rula, ua heluhelu mai o W. S. Maule i ka hoike a ka hapa uuku e pili ana i na hoike Kahukula Sabati Nui, a waihoia a hiki i ka manawa no na koike a na komite mau o ke ia Aha, hooholoia. Na W. S. Maule no i ka hoike e pili ana i ka mahelehele ana i keia keena dala i na Kola Sabati, penei:
1. Maui Hikina $40.00
2. Makawao Akau 50.00
3. Makawao Hema 30.00
4. Maui Waena 50.00
5. Maui Komohana 50.00
6. Molokai 30.00
Kumuhana 13. Ua hooholoia e hoomau aku i keia kumuhana. Hapaila na hana i hoopaneeia, oia ka hoike a ka hapanui ame ka hapa uuku e pili ana i ka hoike a na Kahukula Sabati Nui. Ma ke noi a Mrs. Kalei, ua apono loa ia.
Na olelo hooholo. Na S. Kapu, he olelo hooholo, aponoia. Na R. J. Ka Nawahine, he olelo hooholo, me ke noi ua aponoia ka hapa mua, a o ka hapa hope ua kapae ia, nolaila, ua aponoia ka olelo hooholo, a waihoia keia olelo hooholo na ka Hope Peresidena e heluhelu aku imua o ka Ekalesia o Wailuku.
Kumuhana 6. Ma na kuka ana ua lawe mai o A. P. Paehaole he olelo hooholo, a aponoia, Na R. J. K. Nawahine he olelo hooholo hou, aponoia. Na W. S. Maule i ka hoike e pili ana i na hoike Elele, a waihoia ma ka papa.
Hoopanee ka Aha a noho ma ka hora 8 a. m. Nov. 3 Hookuuia ma ka himeni, Hoke Ao Nani, ame ka pule a A. Pali.
La hana 5.
Poakolu. Novemaba 3, halawai hou ka Aha.
Malamaia ka hapaha hora haipule e A. Pali ame A. K. Laumauna. Noho ka Peresidena ma ka noho. Kohoia o J. Kaalouahi i Kakauolelo no ka manawa. Oiai ua kokoke loa ka manawa e noho ai ka Ahahui Lunakahiko, nolaila, ua noi mai o A. Pale e hoopanee ka halawai a noho hou ma ka Poalima ma ka hora 3 p. m., hooholoia. Hookuuia me ka pule a ka Peresidena.
La hana 6.
Poalima, Novemaba 5, halawai hou ka Aha e like me ka hoopanee ana.
Peresidena ma ka noho. Ka Hapaha hora haipule e malama ia mahope o na hana a keia Aha a mamua ae o ka hoopanee ana o keia Aha.
Kahea ia na inoa o na lala o ka Aha. Heluheluia ka moolelo o na halawai i hala, aponoia. Na hana o ka la—Na ka Peresidena i ka hoike Kahukula Sabati Apana o Keanae, a eaihoia me na hoike e ae i apu. Hapaiia ka noonoo ana no na mea i koe e pili ana i ka hoike hui o na Kula Sabati ma Hana elike me ia i hoholoia e ka Aha.
Ma ke noi a M. Kane ua waihoia i ke komite hooko e hooponopono ai i na hana apau e holopono ai na hana o ka la hoike hui, ma Hana. Malamaia ka hapaha hora haipule ma na pule ame na manao paipai mai na hoa mai. Heluheluia ka moolelo, aponoia. Ma ke noi a Hon. J. W. Kalua ua hoopanee ia ka halawai a noho hou ma ka Poalima hope o aperila, 1898, maloko o ka Luakini ma Halawa, Molokai, hora 10 a. m. Hookuuia ma ka himeni, Hoku Ao Nani aoao 115, ame ka pule a M. Kane.
MOSES P. WAIWAIOLE, Kakauolelo.
Wailuku, Novemaba 13, 1897
Ma ka Poalima o kela pule aku nei, imua o ka Aha Apana o Ewa, i hoopaiia ai ka haole luna alanui o Ewa, no ke komohewa ana maluna o ka aina o Joe Manuel ma Waiau, Ewa, ae nei. O ka pilikia o kela hoopaiia ana, o ka uuku loa, he $5 wale no. Ua hoohalahala hou ka aoao hoopii imua o ke Klure. No Honolulu aku nei na loio, ma ka aoao hoopii a ma ka aoao hoopiia noho!.
O Miss Kanoho, he kaikamahine opio Hawaii ia, e aoia nei e Mr. Berger, alakai o ka Bana Puhi Ohe Aupuni, ma ka himeni. He leo maikai kona ame ka maemae. Oia kekahi mea i kokua nui i na hana hoohauoli o ka po aha mele i haawiia ai e ka Hui Opio Hawaii ma ke ahiahi Poaha o kela pule aku nei.
Ma ke ahiahi poalua nei, ua haawiia he hah mele manawalea e ka Hui Opiopio Imi Pono Karistiano (haole) maloko o ko lakou hale halawai mau, a ua maikai na hana i lawelaweia ma ia po. Aole paha eiiuliu loa mai keia wa aku, a haawi hou no keia ahahui he aha mele oia ano hookahi no.
“O ke anu kukonukonu loa i loaa la’u, ua ola ia i ka Laau Kunu a Kamalena” I kakau mai ai o W. H. Norton, o Sutter Creek, Cal. “Ua haalele iho keia anu iloko o’u he junu ana, a e noke mau ana nohoi au i ke kunu. Aka, ua oia nae au i keia Laau, a na makemake au i ko’u poe hoaloha apau i loohia i ke kunu ame ke anu e inu i keia laau, aiai e loaa ana ka pono ia lakou ma ia hana ana. E kualia ana e na poe kuai laau lapaau apau. Bensou, Smith & Co., na Agena no Ko Hawaii Pae Aina.
Hoolaha Kumau.
Ola Nawaliwali
MAMULI O KE
KOKO INO
E heluhelu iho i ka mea i hanaia e ka Ayer Laau Sarasaparila no ka @ Z. P. Wilds, he misionari kamaaina loa maloko o ke kulanakauhale o Na loka a hoahanau nohoi o Lunakanawai Wilds i make, he kanaka kaulana.
“No na makahiki lehule@ he luahi au na ka ma’i pa-palahu ame na ma@ aai e ae, i puka noloko mai o ke koko ino. Ono ole mai ia ka’u ai, a nawaliwali mai ko’u nui kinu spau. Mamuli o ko’u ike ana i ke ola ana o kekahi poe e ae no ko lakou inu ana i ka Laau Sarasaparila a Ayer, ua hoomaka iho la au e inu i ua laau la A ua
ONO AE LA KA’U AI
mai ko’u inu mua loa ana mai no i ua laau la; alaila, hoomaka mai la ka maikai o ko’u ikaika ae i keia wa, a ua loa mai keia mai ka LAAU SARASAPARILA MAI A AYER, ka laau hoi a’u e hoike aku nei me ka olaio, oia ke pookeia loa o na laau hoomaemae koko i ikeia.”
No na ma’i apau i loaa noloko mai o ke koko ino e lawe i.
Ka Ayer Laau Sarsapailla.
KA AYER HUAALE
Ka Laau Hoola no ka Ma’i @ Awaawahia o ka Op@.
Ke pookela o na laau no ka malama
ana, ka hooulu ana me ka
hoonani ana i ka lauoho, oi ka
Ayer Laau Hooulu Lauoho.
Aole e kepia ke poo, ola na ma’i puupuu, aole hoi helelei ka lauoho. Ina maloohaha mai ka louoho, hinawenawe a ano hina mai, alaila, na keia laau e ho’iho’i hou ae a kona ano mua, a hooulu lupalupa ae la i ka lauoho. Ma na wahi apau, o keia Laau Hooulu. Lauoho a Ayer ke pookela, a ua lilo ia ia punahele a i hoapili no na lede ame na keonimana.
Ayer’s Hair Vigor
I homakaukauia e
DR. J. C. AYER Lowell, Mass., U.S.A.
Na Medala Gula mal na Hoikelike Nui o ke A@
Hollister Drug Co. Lt.
Na Agene ma ka Paeaina Hawaii.
Kakela ME Kuke.
Ka Halekuai Nui
-:O Na:-
Waiwai Like Ole
O na Mea
HANA KAMANA A PAU
Na Lako Pili Hao K@kulu Hale,
Na Kepa Bele,
Na Lei Ilio
Na Kaulahao Ilio
Na Pahi,
Na Upa,
Na Kope Hulu,
Na Pulupulu.
Na Palau Lio
Na
Mea Mahiai,
Na Au Ho, Na Au Koi,
Na Kua bipi, Na lei bipi Na kalahao bipi,
Na uwea pa, Na kaa palala,
Na mea piula, Na
I puhao.
Makau ME Aho Lawaia
Na Iliwai
Na Kula
Na Hulu Pena
Na Pummi
Na Pena me Aila
Na Kopa
Na Aila Mahu
Na Pakele
Na Pakeke Hao
Na Kapa Hao
Na Panda
Na Kukaepele
Na Uwiki a Me
Na Ipukukui
Mikini Humuhumu Kaulana a
Wilcox & Gibbs
Hookahi Lopi,
KA REMINGTON, Elua Lopi.
A Me na ukana he nui wale o kela a me keia ano.
Kakela m Kuke.