Ka Nupepa Kuokoa, Volume XXXVI, Number 46, 12 November 1897 — NA KULA SABATI. [ARTICLE]

NA KULA SABATI.

I na Kula Sabati o Maui Hikina, mai Kawaikau e ne ana i ke Kuluaumoe o Keanae a Kauapeepahohaku a Kaupo: Aloha: —He leo keia i hele a kamaaina ia oukou. ke poloai aku nei me ke aloha ia oukou, e ku iluna, e hawele na kamaa, e kahei i ka oukou mau pahikaua ma ko oukou mau puhaka. e ikaika a e koa hoi, no k& mea, e hoea mai ana he la hooilikaua nui, a o ka mea i lako a makaukau ma ia la, e loaa auanei iaia ka lanakila. He la i ike ole ia mai mua mai a mahope aku. a he la hoi nou e Maui Hikina e haaheo ai ke ku kakou a naue Hke me ka manao lokahi na wawae me na lima. na puuwai hamama e heahea ana, "E hea i ke kanaka e komo maloko, eia no ka uku he leo." Nolaila, e liuliu, hoeueu a e «tla e na keiki o "Kauapeepohaku o Kaupo" e kui-lima pu mai hoi me na keiki o "Kamakani kaili aloha o Kipahulu," e wehe i ka oukou mau hokeo kani, a e haawi i ko oukou mau lima kokua no ka la e hiki mai ana. Aohe a'u olelo ana nou e "Kalanihaahaa," aia oe ke oni ae la, ke lele ala, "oni e lele Kauiki i ka malie, me he umauma 'la no ka manu noio o ka moana." e lele like me ka lok&hi e paa i ka pahu hae o ka lanakila.

Pehea hoi oe e na keiki o na pall hauiiuli o Koolau, nona hoi ka wai kaulana "Kawaikau o Keanae," hapal ia ka papale mahiole o ka manaolana me na hipuu paa f ka lima o ke aloha. a e kahiko !ho kakou a pau me ka aāhu keokeo o ka lanakila, e o ana hoi i kela mau huaolelo "ka oioi o Maui Hikina." Me ka lana o kuu manao, e hoolohe ana kakou i kela leo aloha e hea. mai nei mai ke kea mai, "E hele mai oukou e ka poe i luhi a me ka poe i kaumaha, a na'u oukou e hoomaha aku." Me ke aloha ia oukou a nui loa. Owau iho no me ka haahaa, JAS. H. S. KALEO, Kahu Kula Sahati Nui o Maui Hikina. Kahaluu. Kona Akau. Hawaii, Oct 28, Im.