Ka Nupepa Kuokoa, Volume XXXVI, Number 44, 29 ʻOkakopa 1897 — Page 3
| This text was transcribed by: | Debbie Tom |
| This work is dedicated to: | Maili Tom |
moopana, nolaila. ua hauoha ae la ia e hanaua ka moku "alii" e kapilila nei nona. ma ke kuuhoohalike me ko ka moku o ka moopuna.
SENATOA MORGAN.
E hoike ana ka nupepa Call o ka la 20 o o Okatoba penel: Ma ka la inehinei i huli hoi ma ai o Senatoa John S. Morgan mai Hawaii mai, me ka manao i hooiaio loa ia no ka pono e hoohuiia nai o Hawaii me nei.
Na lehulehu loa na pule o kona noha ana ma Hawaii, ma ka mokupuni nae o Oahu, a oia manawa apau ma ke kulanakauhale ia o Honolulu. O kana mau kaikamahine nae, o Misses Mary E ame Cornelia I. Morgan, na mea i ukali aku i ko laua luaui. ua hele laua e makaikai i kahi mau mokupuni e ae o ka Pae Aina, e luakaha ana i na hiohiona nani oia mau wahi, a e makaikai ana hoi i na mahiko ame na kihapai kanu kope.
Ma Honolulu, ekolu mau anaina hookipa nui i haawiia no ka hanohano o Senatoa Morgan-hookahi na ke Kuhina Amerika, hookahi na Mr. Ballou. kahi ana i noho ai ma ke ano malihini kipa, a hookahi na Peresidena Dole. a oia ke anaina i aneane 3000 kanaka a oi aku i hoea ak malaila.
Eia lakou ma ka Hotele Occidental a malaila lakou e noho ai a hoea i ka Poaono a La Saabati paha. alaila, huli hoi loa aku lakou no Selma. Alabama. E kipa aku ana lakou ma Sana Diego ame Sana Lui.
Ua olelo ae o Senatoa Morgan no ka hopena o na mea ana i ike ai ma Hawaii:
"O ka hoohui Aupuni, oia ka mea maikai loa no kakou a no Hawaii no hoi. Ua hiki loa ia Hawaii ke malama i lahuikanaka o 2.000.000 ka nui. me ka nele ole o kehahi o lakou i ka mea e ola ai."
KINA
Tacoma, Oct. 17.-Ua loaa mai ia Li Hung Chang mai ka Emepera mai o Kina, he aeia ana, e waiho aku oia i kana mau hana Aupuni, ma ke ano Kuhina Nui o ka Ahakuka Aupuni Kuloko ma Pekina, mamuli o kona onawaliwali. No elua a ekolu malama i hala ae nei i pii mahuahua loa mai ai ke oolea o na aaki ana a ka ma'i rumatika ame na ma'i e ae i hawele iho maluna ona, a i keia wa, ua makemake loa ia e hookuu loa aku i kona lawelawe oihana Aupuni ana, a e waiho aku i na hana hoomaemae a hooponopono hou i kekahi kanaka kalaiaina opiopio.
Ua hoikeia ae e na nupepa "oiwi" ma Pekina, e hoomano aku ana o Li Hung Chang i ke noi ana i ka Emepera e hookuu loa ia mai oia mai na hana mai apau o ke Aupuni, a hiki i ka wa a ka Emepera e ae mai ai iaia e noho loa oia ma kona home ma An Hin.
Ua pii mahuahua loa ae nei ke ala ana o ka poe kipi ma na apana aina o Huan ame Kuangsi. Ua hoike mai na kiu Aupuni i hoea ma i Canton. aia he puali nui o ka poe kipi. i hiki aku i ka 15,000, ke holapu la ma ia mau apana aina, a e hana ana hoi i na hana apau e kahuli ai ke Aupuni e ku nei. Iloko o ka malama aku nei o Augate, ua wawahiia aku la e na kipi na pa pohaku pale o Kwong Yang. a ua pau i ka luku mainoinoia he mau haneri poe kanaka oia wahi.
KA HUI ALOHAO ME AINA O OAHU
MANAWA HOLO
Mai a Mahope aku o lulai 5. 1895
@
E lawe ana na kaa ahi hali ukana i ua kaa ohua o ka papa ekahi.
G. P. Denison, Luna
F. C. SMITH, Luna Kuai Palanala Holo
NU HO HAWAII
Mai poina oukou e ka poe puni pa'i kii i ka hele ana ae ma ka Maile Hale Pai Kii ia Mr. Polena. Ilaila ka nani o na kii.
Ua loheia mai ua waiho aku ko makou makamaka Mr.S. K. Pua i ka noho lunahooponopono ana no ka nupepa "Ka Ahailono." A mea ia mai ana nae, ua nonoiia aku o Joel K. Kamakea e noho ae ma ia noho.
Ua lilo ae nei ia Mr. Towse, ka lunahooponopono mua iho nei o ka nupepa "Star," ka noho lunahooponopono o na manao pili kuloko o ka nupepa "P. C. Advertiser," ma kahi o Mr. J.T. Stacker i waiho mai. a lilo aku la hoi i luna hooponopono no ka nupepa Herald o Hilo, Hawaii.
Hihimanu na mea kuai o loko o ka halekuai o Dimond me Paris e ku nei ma Alanui Moi. E alawa iho oe, e hulali ae ana ke aniani lihilihi; a ke nana iho oe, e mamaka ae ana na pa waihooluu like ole. Oka wa pono keia e mi-alaa ae ai ilaila i loaa na mea nani hoohiwahiwa nohona home.
Ke puapuai mai nei ka lono. aia na "Roialiti" o ka mokupuni o Maui ke hooliuliu la ia lakou iho no ke keho ana i ekolu mau kanaka mai waena ae o lakou iho no ka hoouna ana i poe elele "Roialiti" i Wasineiona. O na inoa i loheia mai no ke ohohiaia ma keia papa konane. oia o E. Kaiue. Keoni Likikini ame "Bila Aila."
Ma ka mokuahi Malulani o ka Poalua nei i kau aku ai o Mr. ame Mrs. W. H. Tell ame Mrs. Hanaike, a holo aku la no ka mokupuni "kaili la" o Kauai. Ua hoihoi aku la na luaui o Mrs. Hanaike iaia ame kana lei mua loa, oia hoi, kana keikikane "hiapo." no ka home o kona luaui ma Lihue. i kahi nona ka oleloia ana-
Nani wale Lihue i ka lai,
I ka noe a ka ua Pau-pili
He mea pono i kela ame keia ohana ke loaa ona laau lapaau mama no na ma'i o ka opu. I laau lapaau puhili ole no ka "Moku ino loa o ka lepo" (Diarhea) Nahu, Umii, Kolera ame na ma'i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima , a ke hana mau ia nei i kela ame keia Ia ma na aina apau o ka honua nei. O ka Hui Kuai Laau Lapaau o Hollister, ka Agena.
Ma ka Poaha o kela pule aku nei i hopuia ai kekahi haole o King ka inoa, he haole mahuka oia mai luna mai o kekahi o na kakahi o na moku i ku mai i Honolulu nei mai na aina e mai i kahi wa i hala ae nei. O kahi i hopuia ai keia haole, ma ka hale noho no ia o Mr. Spreckels ma Waikiki. O ke kumu ua hoolilo keia haole i ua hale la i punana nona e noho ai, me he mea la oia ka ona waiwai. O kana mea paahana hoomake kanaka e paa ana ia wa, he pahi; aka. he mea ole nae ia i ka mana o ke kanawai. a ua noho oia i Kalakaua Hale.
MAKE I KA LAAU A KE KAHUNA
Ma ke kakahiaka o ka la Sabati i hala, i make ai kekahi wahi keiki uuku nona na makahiki 3 ame 5 mahina mauka ae nei o Kapalama. Ua oleloia e na hoike i ninaninauia ai ma ke Keena o ka Hope Ilamuku. ma ka Poakahi nei, ua make ua keiki la, no kekahi ma'i ma ke akemama, i hooolalelale hikiwawe loa ia mamuli o ka inu ana i kekahi apu laau i haawiia aku e kekahi kahuna, o Kanui kona inoa.
E HEA KE KANAKA E KOMO MALOKO; E HANAI AI A HEWA AE KA WAHA; EIA NO KA UKU LA -O KA LEO.
Okatoba 30, 1897, ma ka luakini o Kaumakapili e loheia ai na leo nani, mai ka nanahe aku a hiki i ka ikaika ana; a oia ka makou uku nui e haawi aku ai ia oukou e o makou mau hoaloha ame na kini o makou. E ike ia kakou hoa kanaka, o kipa hewa auanei ka ike i ka ilio. Mai nana aku i ka niniu poahi a ke kaa hehiwawae. E hoomakaia ana na hana ma ka hors 8 p.m. ponoi, ae e hamama ana na puka ma ka hora 7.
Ua makaukau na Kalabu Himeni o na Kula o Kamehameha Kane ame Kaikamahine e hooani aku i ko lakou mau leo me ka oluolu a nanahe elike me ke kahuli leo lea o Lanihuli. A o na pomaikai apau e loaa ana, no ke kokua ana no ia i ka hale halawai hou o Kapalama.
Mahalo nui ia na keiki e kokua ana i na p;ilikia o ka hana e hooholomua ai i na hana pono iwaena o ko lakou mau kihapai.
Ua makaukau na Kalabu malalo nei no ke kokua pu ana me na keiki o ke Kula Kamehameha.
Kalabu Himeni o Kapalama: E mele ana lakou i na mele a ka pepeiao e lohe ai me ka oluolu. a ku no i ke aloh ke loheia ko lakou mau leo like ole.
Kalabu Himeni Likolaulani: E mele ana lakou i na mele nani e ono ai o ka puu i ka poke oio, halele ke kai. E hui pu ana lakou me na leo o na bila e hoene ana.
He Himeni SOLO: E meleia ana ia e kekahi lede opi ome ka maikai ame ka nanahe, a e kokuaia ana hoi e ka leo hoene o ka piano.
Uku komo: He kanalima (50) whai keneta wale no. E au. e wiki. o pau e auanei ka poke oil i nahi poe.
-----
He mau hehedoma i haia ae nei, ua loohia iho la ka lunahooponopono me kekahi anu ikaika loa, a na ia mea i hookomo aku iaia iloko o kekahi kulana kupilikii. He mea maopopo loa. he ma'i la grippe inoino loa keia, a i kona ike ana i ka pilikia ua lawelawe koke oa i na keehina apau e loaa ai ke ola koke ana. Mamuli o na olelo hoolaha no ka LAAU KUNU a KAMALENA, ame na olelo hoomaikai he nui i komo ma ia mau olelo hoolaha, ua hooholo iho ia makou e hoao mua i ua laau la. O ka olelo ana aku ua loaa io mai la na hopena aku ua loaa io mai la na hopena maikai mailoko mai oua laau la. he olelo malani wale no la no kona waiwai io. Ua hoohana kamahao loa keia laau, a o ka hopena ua loaa ke oia palekna a mau loa hoi. Aohe o makou kanalua ma ka hoaiai ana'ku i keia Laau Kunu maikai loa i kela ame keia mea i loohia i ke kunu. The Banner of Liberty, Libertytown, Marylanl. E kualia ana e na poe kuai laau lapaau apau. O Benson, Smith & Co. na Agena ma Ko Hawaii nei Pae Aina.
KA HANA MANA KUPUA
Ma ka po Poaha o kela pule aku nei i haawi ae ai kekahi lele. nona ka inoa o Mrs. Edwards. he hoikeike "mana kupua" maloko o ka hale o ka Hui Imi Pono Karistiano o Honolulu nei. Aole no i mahuahua loa na poe i akoakoa aku ma ia anaina. O na hana I hoikeikeia mai e ua leda ia. he ku no ke pahaohao ame ke kupaianaha.
O ka hana pahaohao mua ana i hoikeike mai ai. oia ka laweia ana mai o kekehi mau papa-pohaku he eono ka nui. a he elima hoi helu i kakauia ma kela ame keia papa. oia hoi. mai ka helu ekahi a ka elima. pau ia papa. a pela aku ana. Ua haawiia keia mau papa ia eono poe o loko o ke anaina, me ko lakou kauohaia ana e kakau iho i na huaolelo a lakou i makemake ai ma kela ame keia huahelu. me ka hahiia mai nae o ua mau huaolelo la iaia. elike me ko lakou ano ku ka'i lalani ana ma ua mau papa la mai ka 1 a ke 30; alaila, e hai paanaau, aku oia mai ka ino ekahi mai a hoea i ke 30, a hoi hope aku hoi mai ke 30 a hoea i ka helu mua. Pau ia, ua hahaiia mai la na huaolelo elike me ka makemake o kela ame keia mea e paa ana i ka papa, a na Mrs. Edwards e hai aku i kela ame keia helu i ku ai ka huaolelo i haiia mai.
O kekahi, ua nakiikiiia oia a paa i ke kaula e Rev. V. H. Kitcat, George ame Albert Gear, a noho iho la hoi o A. St. Martin Mackintosh maluna o kekahi noho e kokoke ana i ka pahuhale i nakiikiiia ai ua wahinee la a paa i ke kaula, o na lima ame na wawae. Aole nae i liuliu ua ikeia aku la ke kikoni ana mai o ka lima o ua wahine la i ke poo o Mackintosh, a i ka weheia ana'ku o ka paku o kahi ana e noho ana, ikeia aku la ua hemo oia mai ka paa i hahuoaia aku ai maluna ona a e komo ana hoi oia i ke kuka o Mackintosh.
Mahope iho o keia, he mau ihoiho kukui. O ka hana a ua mau ihoiho kukui nei. oia ka pane ana i na haina o na ninau ana e ninau aku ai ia Mr. Mackintosh, a o ke ano o ka pane ana a ua mau ihoiho kukui la, mamuli ia o ko laua hookuikui ana ae i kahi ame kahi. Ua ninau mai la ua wahine la ia Mr. Mackintosh ina paha ua maa oia i ka hoike ana i ka mea oiaio ole i kahi wa, ua pane aku ka mea i ninauia mai, "ua hoao oia e hoomaamaa iaia iho e walea iia ma ia hana, aka, no ka ikaika loa nohoi oia wahi mea, aole hiki iaia ke malele loa mai kona mau aweawea mai." I kela wa i kimo-kimo ae ai na wahi ihoiho kukui. He nui aku na hana maamaalea kamahao a ua lede nei i hoike mai ai.
-----
OLA HIKIWAWE KE KUNU HO.
Mountain Glen. Ark..-E hoehaehaia ana ka maua keiki me ka ma'i kunu ho omole Laau Kunu a Kamalena. Ua loaa ke ola hikiwawe. F. A. Thornton. E kuaiia ana keia laau kaulana e na poe kuai laau lapaau apau. O Benson, Smith & Co. na Agena o ko Hawaii Pae Aina.
-----
KOOLAHA MANA KOOKLOKOOLO.
ILOKO O KA AHA KAAPUNI O KA
Apana Hookolokolo Ekahi o ko Hawaii Pae Aina. Ma ka
hana o ka hana o ka waiai o Mary Puaokaleikuia Apoe (w).
he keiki oo ole.
No ka mea, ua waihoia mai he Palapala Hoopii e ke Kahu Malama Waiwai Nicholas Peterson, e nonoi ana e kuai kudala ia na aina o ke keiki oo ole e waiho la ma Waiaula, Hanalei, Kauai, no ke kumu penei: e hoomahuahuaia na loaa makahiki no ka pomaikai o ke keiki oo ole.
Nolaila, ma keia, ke haiia aku nei ka lono i na poe apau i kuleana. o ka POALIMA, la 26 o NOVEMABA. 1897. hora 10 kakahiaka. ma Aliiolani Hale. Honolulu, Oahu oia kahi ame ka manawa e hooloheia ai o ua palapala hoopii la. a e hoike mai lakou no ke aha la e ae ole ia ai ke noi a ke Kahu Malama Waiwai.
Honolulu. Okatoba 27, 1897
Na ka Aha:
P. D. K ELLETT, JR
26743t Kakauolelo.
-----
AHA KAAPUNI APANA HOOKOLOKOLO Kappuni Elima o ko Hawaii Pae Aina. Kauoha no ke Kau Kuikawa.
Mamuli o ka mana i haawiia mai ia'u e ke kanawai, mamuli hoi he mea kupono ia no ka hooholo ana i ka pono, ma kei ke.
Ke kauoha aku nei au e weheia ana ke Kau Kuikawa no ka Aha Kaapuni o ka Apana Elima, ma ka Aha Kaapuni o ka Apana Elima, ma ka Hale Hookolokolo ma Nawiliwili, Lihue, Mokupuni o Kauai, ma ka Poakolu, ia 10 o Novemaba. 1897 ma ka hora 10 a. m. (kakahiaka)
JACOB HARDY
Lunakanawai Kaapuni Apana Elima.
Lihue. Okatoba 16, 1897
Aponoia:
A. F. JUDD
Lunakanawai Kiekie Aha Kiekie 2673-3t
-----
AHA KAAPUNI, APANA KAAPUNI
Eha o ko Hawaii Pae Aina. Ma Ka Hooponopono Waiwai.
Ma ka Hana o ka Waiwai o Ikaika (k) o Puuohai, Hilo
Akau, Hawaii.
Ua waihoia mai ke noi e Mrs. Mary Eaton, ma o Lloyd Eaton la, e kukala ia na hooilina o Ikaika i make. a e hooiaioia ka waiwai i na poe hooilina i kukalala ma ia ano.
Ke hoolahaia aku nei ma keia. o ka Poalua. Novemaba 16. A. D. 1897. ma ka hora 9 a. m. (kakahiaka). maloko o ke Keena Hookolokolo o Hilo, Hawaii. oia ka manawa ame kahi no ka hoolohe ana i ua Noi la. a ma ia wa a ma ia wahi e hele mai ai kela ame keia mea i kuleana. a hoike mai i kumu. ina he kumu ka lakou. nokeaha la e ae ole ia ai ke noi a ka mea hooopii.
Hilo. Oct. 16. 1897.
Na ka Aha:
DANIEL PORTER.
2673-3@ Kakauolelo
AHA KAAPUNI O KA APANA HOOkolokolo Elua o Ko
Hawaii Pae Aina. Ma ka Hooponopono Waiwai. Ma ka
Hana o ka Waiwai o Holoka o Pauwela. Makawao. Maui.
Imua o Hon J. W. Kalua.
Ma ka heluheluia ana ame ka waihoia ana mai o ke Noi a Wahia (k) o Pauwela. Apana o Makawao, Maui, maloko o laila i nonoi mai ai oia, e hoopukaia ona kauoha hope e kukala ana i na hooilina o ka waiwai o Holoka (k) o Pauwela, Maui, i make.
Ua kauohaia. o ka POAHA, la 16 o Novemaba. A. D. 1897. ma ka hor 10 A. M. imua o ka Lunakanawai o ua Aha la ma ke Keena Hookolokolo o un Aha la ma Wailuku, Mokupuni o Maui, oia ka manawa ame kahi e hooloheia ai ua Noi la, a ma ia wa a maia wahi hoi e hele mai ai na poe i kuleana ma ia hana, a hoike mai i kumu. ina he kumu ka lakou. nokeaha la e ae ole ia ai ia noi, a waiho mai hoi i hoike no ka poe i kuleana i ua waiwai la.
Hanaia ma Wailuku, i keia la 4 o Okatoba, 1897
G. ARMSTRONG,
Kakauolelo Aha Kaapuni Apana Kaapuni Elua 2671-3t
HOOLAHA HOOKO MORAKI
HOOLAHA HOOKO MARAKI
Mamuli o kekahi mana kuai i hoike ia maloko o kekahi palapala moraki i hanaia mawaena o Kuanalewa Namokueha ame Namokueha, kana kane, no Honolulu, Oahu, o ka aoao mua, ame W. R. Castle, Kahu. o Honolulu, Oahu, i oleloia, o ka aoao elua, ma ka la 10 o Okatoba, 1891, i kakau kope ia ma ka buke 129, aoao 307, a mamuli o ka uhai ia ana o na kumu aelike o kela moraki, oia hoi, no ka hookaa ole ia o ka ukupanee ame ke kumupaa ma ka wa e hookaa ai, nolaila, ke hoolahaia aku nei e ka mea nona ka aoao elua o ua moraki nei , e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku. alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu. ma ka la 8 o Novemaba, 1897 hora 12 oia la.
Aia ma kahi o W. R. Kakela na olelo hoakaka no keia mea.
Hanaia i keia la 14 o Okatoba, 1897
W. R. CASTLE, Kahu
Mea Moraki mai.
Penei na aina i morakiia:
1. Kela apana aina apau e waho la ma Kewalo, Pawaa. Honolulu. oia ka Apana 3 o ka Palapala Sila Nui 1219, Kuleana 1556 ia Kaka.
2. O ka aina apau i hooililoia aku ia Kaka i oleloia, ma ka Palapala Kuai mai a Naopae ame Kaiaino aku, i hanaia Okatoba 19, 1860, kopeia ma ka buke 19, aoao 296, a he hapa ia o ka aina i hoakakaia ma ka Palapala Sila Nui Helu 1218, Kuleana 314A ia Namokueha, e waiho la ma Kewalo i oleloia.
3. O kela apana aina apau e waiho la ma Kewalo i oleloia i hooliloia aku ia Kaka ma ka Palapalaa Kuai mai a Kaiaino aku, i hanaia ai i Maraki 11, 1880, kopeia ma ka buk 73, aoao 414, he hapa ia no ua Palapala Sila Nui la Helu 1218. Oia mau apana aina lehulehu, ua hooliloia aku ia Kuanalewa (w) i oleloia ma ka Palapala Kuai a ua Kaka la, i hanaia Mei 23, 1885, kope ia ma ka buke 94, aoao 187.
4. O kela apana aina apau e waiho la ma Iwilei, Honolulu. i hoakakaia ma ka Palapala Sila Nui Helu 7505, Kuleana 2737. Mahele 2, Pauku 1, ia W. Harbottle, he 5.782 eka, oi aku a emi mai paha.
5. O kela apana aina apau e waiho la ma Kapiiwai. Pauoa, i hoakakaia ma ka Palapala Sila Nui Helu 1804. Kuleana 5843 ia Kahoowaha no Koohonua, a oia ka apana aina i kuaiia aku ia Kak i oleloia ma ka Palapala Kuai maia Eleele aku, hanaia Aug. 28, 1878, i kopeia ma ka buke 55, aoao 443.
6. O kela apana aina apau i hooliloia aku ia Kaka i oleloia ma ka Palapala Kuai a Kaliko i hanaia Aperila 11, 1882, i kopeia ma ka buke 73, aoao 415, a he hapa ia o ka aina i hoakakai ma ka Palapala Sila Nui Helu 1207, Kuleana Helu 3685B ia Koina.
7. O kela apana aina apau i hooliloia aku ia Kaka, ma ka Palapala Kuai a Moekolohe, i hanaia ma Iune 2, 1887, i kopeia ma ka buke 109. aoao 8.
2672-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hanaia mawaena o Lam Tom (ch) i kamaainaia o Kimo Pake, no Hawi, Kohala, Hawaii. o ka aoao mua, ame W. R. Castle, Kahu, o Honolulu, Oahu, o ka aoao elua, ma ka la 30 o Maraki, 1891, i kakau kope ia ma ka buke 138, aoao 156, a mamuli o ka uhaiia ana o na kumu aelike o kela moraki, oia hoi, no ka hookaa ole ia o ka ukupanee ame ke kumupaa ma ka wa e hookaa ai , nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F Morgan, ma Honolulu, ma ka la 8 o Novemaba, 1897, hora 12 oia la.
Aia ma kahi o W. R Kakela na olelo hoakaka no keia mea.
Hanaia i keia la 14 o Okatoba, 1897
W. R. CASTLE, Kahu
Mea Moraki mai
Penei na aina i morakiia:
1. He apana aina ma Halawa, Kohala, Hawaii. i paa ilok o ke Kuleana S114. Palapala Sila Nui 4241. ia Halauwai, maloko o iaila he 15,600 kapuai kuea. oi aku a emi mai paha. i paa maloko o ka palapala kuai a Kaluapalaoa. Buke 112. aoao 147.
2. I eka ma Pahoa. Kul. 10911. Palapala Kuai a Keaweamahi. i kopeia ma ka buke 113, aoao 464. ame na pono apua i pili.
3. He apana aina ma Halawa, nona ka Palapala Sina Nui 4271. Palapala Kui a T. K. R. Amalu. I kopeia maka buke 111, aoao 411. ame na pono apau i pili.
4. 5. eka ma Kahei, nona ka Palapala Sila 7242 ia Nuhi, ma o ka Palapala Kuai a Keallina. i kopeia ma ka buke 119 aoao 9. ame na pono nohoi apau i pili.
5. Aneane 2 eka ma Pahoa. Palapala Sila Nui-. Kuleana 10611 ia Umi na o ka Palapala Kuai a John Brodie. i kopeia ma ka buke 125, aoao 319.
2672-4t
HOOLAHA HOOKO MORAKI
Mamuli o kekahi mana kuai i hoike ia maloko o kekahi palapala kuai i hania mawaena o Nakeke (w) ame Kau See (k) o Honolulu. Oahu. o ka aoao mua, ame W. R. Castle. Kahu. no Honolulu i oleloia. o ka aoao elua ma ka la 30 o Iune. 1891. i kakau kope ia ma ka buke 131, aoao 226. a mamuli o ka uhaiia ana o na kumu aelike o kela moraki. oia hoi. no ka hookaa ole ia o ka ukupanee ame ke kumupaa ma ka wa e hookaa ai nolaila ke hoolaha ia aku nei e ka mea nona ka aoao elua o ua moraki nei. e hooko ana oia ia mana kuai.
A ke hoolaha hou ia aku nei. aia mahope aku o na pule ekolu mai keia la aku. alaila. e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan. ma Honolulu. ma ka la 8 o Novemaba. 1897, hora 12 oia la.
Aia ma kahi o W. R. Kakela na olelo hoakaka no keia mea.
Hanaia i keia la 14 o Okatoba, 1897.
W. R. CASTLE. Kahu
Mea Moraki mai.
Penei na aina i morakiia:
1. He 1.38 eka aina. ma Manoa, Oahu. i hoakaka piha ia na palena maloko o ka Palapala Sila (Aina Aupuni) Helu 27, ia Kailiulaula, me na hale ame na mea apau i pili i laila.
2. He apana o 3.67 eka ma Palolo. Oahu. oia kahi hapa o ka APana 32 o ke Kuleana Helu 8559B, ia W. C. Lunalilo. i hooliloia mai ia Kanepuu i oleloia ame na poe hana moraki i olelo ia, ma o ka Palapala Kuai i kopeia ma ka buke 73, aoao 96, i lilo kaokoa loa hoi ke kuleana apau i ka poe Hana Moraki. ma o ka Palapala Kuai la a W. R. Castle i kopeia ma ka buke 122, aoao 349. me na hale ame na pono apau i pili i ua apana aina la 2672-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hanaia mawaena o Sam Haomana o Lahaina. Maui. o ka aoao mua. ame Wm. Dean, i make., no Honolulu. Oahu. o ka aoao elua, ma kala 9 o Novemaba, 1885, i kakau kope ia ma ka buke 99, aoao 250. a mamuli o ka uhaiia ana o na kumu aelike o kela moraki, oia hoi, no ka hookaa ole ia o ka ukupanee ame ke kumupaa, nolaila, ke aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku,alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, maka 8 o Novemaba, 1897. hora 121 oia la.
Aia ma kahi o W. R. Kakela na olelo hoakaka no leia mea.
Hanaia i keia la 14 o Okatoba. 1897.
W.R. CASTLE
Lunahooponopono o ka waiwai o Wm. Dean, i make. Mea Moraki mai.
Penei na ain i morakiia:
Kela apana aina apau e waiho la ma Pauoa, Oahu, i hoakakaia ma ka palapala kuai a E. B. Mikalemi ia Elena, kana wahine, i kopeia ma ka buke 71, aoao 1897, maloko o laila he 34-100 o ka eka 2672-4t
HOOLAHA HOOKO MORAKI
Mamuli o kekahi mana kuai i hoike ia maloko o kekahi palapala moraki i hanaia mawaen o Lono (k) ame Perkelo. no Honolulu, Mokupuni o Oahu, o ka aoao mua, ame Wm. Dean, i make, no Honolulu no, o ka aoao elua, ma ka la 18 o Feberuari, 1884, i kakau kope ia ma ka buke 85, aoao 344, a mamuli o ka uhaiia ana o na kumu aelike o kela moraki, oia hoi, no ka hookaa ole ia ana o ka ukupanee ame ke kumupaa i ka wa e hookaa ai. nolaila, ke hoolahaia aku nei e ka mea nona ka aoao elue o ua moraki nei, e hooko ana oia ia man kuai.
A ke hoolaha hou ia aku nei, aia mahope aku o na pule ekolu mai keia laaku, alaila, e hoola haia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honlulu, ma ka la 8 o Novemaba, 1897, hor 12 oia la.
Aia ma kahi o W. R. Kakela na olelo hoakaka no keia mea.
Hanaaia i keia la 14 o Okatoba, 1897.
W. R. CASTLE
Penei na ain i morakiia:
1. Kela wahi apau ma Malukikepa, Waikiki-waena, Oahu. i lilo mai ia Lono i oleloia, ma ka Palapala Kuai a Iwahaauau. i kopeia ma ka buke 73. aoao 367, maloko o laila he 1/4 o ka eka.
2. O kela mau wahi apau ma Maulukikepa. i lilo mai la Pekelo i oleloia. ma ka Palapala Kuai a Iwahaauau. i kopeia ma ka buke 58, aoao 339, maloko o laila he 75-100 o ka eka.
2672-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hanaia mawaena o Mrs. Mikahala Kaeo ame Sam K. Kaeo, kana kane mare. no Waikiki, Oahu. o ka aoao mua, ame Wm. A. Bowen. o Honolulu, Oahu. o ka aoao elua ma ka la 10 o Mel, 1883. i kakau kope ia ma ka buke 82, aoao 42 a mamuli o ka uhalia ana o kumu aelike o kela moraki, oia hoi, no ka hookaa ole ia ana o ka ukupanee ame ke kumupaa ma ka wa e hookaa ai, nolaila, ke hoolahaia aku nei e ka mea nona ka aoao elua o ua moraki nei. e hooko ana oia ia mana kuai.
A ke hoolaha hou ia aku nei. aia mahope aku o na pule ekolu mai keia la aka. alaila. e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan. ma Honolulu. ma ka la 8 Novemaba. 1897. hora 12 oia la.
Aia ma kahi o W. R. Kakela na olelo hookaka no keia mea.
Hanaia i kela ia 14 o Okatoba. 1897.
W.M. A . BOWEN
Mea Moraki mai.
Penei na aina: i morakiia:
Kela apana aina apau e waiho ia ma Waiaka. Oahu. i keia na Apana I me @ ame IV. i hoakakaia ma ka Palapala SIla Nui 4184. Kuleana 9001 ia Kahakai. maloko o laila he 2.96 eka. No Mikahala Kaeo ke kuleana ma ua aina la. oiai oia ka hooilina o Kahakai. a he kuleana nohoi ko Sam K. Kaeo malaila. oiai oia ka mea i lilo ma ai na kuleana o Hosia Kaia ame Hookana kekahi mau hooilina e ae o Kahakai. ka mea nona ka Palapala Sila. 2672-4t
Kela ame Keia
HOOLAHA HOOHUI.
Ma keia ke hoolahaia aku nei. o S. T. Alexander ame W. M. Alexander o Oakland. Ca.. ame H. P. Baldwin ame J. P. Cooke o Haiku. Maui, i keia la ua hoohui ae nei ia lakou no ka lawelawe halekuai ana ma Kahului ame Wailuku. Maui. Ko Hawaii Paeaina. malalo o ka ino Hui o ALEXANDER & BALDWIN COMPANY.
Honolulu, Okatoba 19, 1897.
HOOLAHA HOOPONOPONO WAIWAI.
Ua hookohuia ka mea nona ka inoa malalo iho, he lunahooponopono no ka waiwai o Alexander Moore. i make me ke kauoha ole, nolaila, ke hoolahaia aku nei ma ke akea. ina he koina kakela me keia mea. e pono e waiho mai mamua o ka pau ana o na malama eono mai keia la aku, o hoole loa ia.
DAVID DAYON.
Lunahooponopono o ka waiwai o Alex. Moore.
Honolulu. October 18. 1897
2673-5t
HOOLAHA HOOPAU KUAI AINA.
E ike auanei na kanaka apau ma keia palapala hoolaha. owau o P. Palea (k) o Waiea, Kona Hema, Hawaii, mamuli o na kumu i hoikeia a i hoopaaia hoi maloko o kekahi Palapala Hoolilo Kuai Aina e hoolilo loa ana i ko'u kuleana 1-3 (hapa-kolu) iloko o ka Ahupuaa o Waiea. Kona Hema, Hawaii, ia Meleana Davis kuu moopuna, ma ka malama o Mei. 1897, a e kokoke ana paha ilaila.
Ke hoolaha aku nei wau ma ke akea, ua hoopau wau a ke hoopau nei i ua palpala hoolilo kuai aina la a'u i hana ai no Meleana Davis i oleloia. Nokamea. aole ona malama ia'u ame ka'u wahine i na mea e ola ai maua iloko o elua mahina i (kaahope) hala ae nei, a aole hoi i kekahi mea e loaa ai ko mau ola.
Na'u no me ka oiaio.
(Sig.) P. PALEA.
Waiea, Kona Hema, Hawaii, Oct. 14, 1897
2673-2t
OLELO HOOLAHA A KA LUNAHOOPONOPONO.
O ka poe apau he koi ka lakou i ka waiwai o W. H. H. Halstead i make, ke kauohaia aku nei ma kela. e waiho mai i ka lakou mau koi i ka mea nona ka inoa malalo iho neei ma Wailuku, Maui, iloko o eono malama mai ka hoolahaia ana aku o keai ,, a o ka oe hoi i aie i ua waiwai la, e hooaa koke mai.
L. M. BALDWN,
Lunahooponopono i kohoia no ka manawa i keia la 7 o katoba, 1897, e J. W. Kalua, Esq. Lunakanawai Kaapuni Mahele Elua. 2672-4t
I KA POE APAU E IKE MAI ANA.
Ke hoikeia aku nei ka lohe ma keia, ua hohui ae nei na mea no laua na inoa malalo iho nei no Honolulu, Ko Hawaii Pae Aina laua a elua, ma kekahi Hui no ka lawelawe ana i ka oihana kalepa maloko o keia kulanakauhale, malalo o ka inoa Hui o W. W. Dimond & Co.
Kakauinoaia. W.W. DIMOND,
KAKAUINOAIA. GEO. H. PARIS.
Honolulu, Oct. 1, 1897 2672-36
THEO. P. SEVERIN
KAPOLEMA MAI
He Mea Pa'i Kii Hooleleaka.
E hana ana oia i na kii nani loa ma Honolulu nei no ka uku haahaa loa. E paila ana na Kil Abaaina, Mare, Hoolewa, na Hale Noho. a pela aku.
E hoonuila ae ana na kii mai na kii liilii mai
Alanui Nuuanu, ma kei aoao aku o ke Alanui Pauahi. Ala Iluna. 2664-12m@
VAPO-CRESOLENE
MAMULI a ka haawiia ana o ka laau CRESOLENE ma ka hana ana oia ke keehina hana palekana loa no ka lawelawe ana i na Ohe Makani o ka pau. He kamahao lauua ole ka holo pono o kana hooia ana i ke Kunu Kalea ame ke Kunu Ho. He laau maikai poa ia no ke pale ana aku i ua ma'i lele, a pela aku. E loaa no na buke hoakaka me ke kumukuai ole. i huipu me ua palapala hoomaikai. Kuaila e na poe kaui laau a pau.
HOLLISTER DRUG CO.,
Honolulu. HI., Agents.