Ka Nupepa Kuokoa, Volume XXXVI, Number 40, 1 October 1897 — Keoni Kolopana John F. Colburo.) [ARTICLE]

Keoni Kolopana John F. Colburo.)

Ua ike makou maloko o ka nupepa "namu" lndependent e hoopukaia e ka Hale Pa'i o kekahi Oiwi o ka Aina, oia hoi ka Hale Pa'i Makaainana, he manao akea i kakauinoaia e ka mea nona ka inoa a makou e hoikeike ae la maluna nei. Oia ka nupepa i puka ai ma ka Poalua nei, Sept 28. I ko makou nana ana i ua palapala hamama la a ua mea la nona ka inoa a makou i hoike ae la, ua hiki loa ke hoomaopopoia me ka hoohewahewa ole, oia no o "Keoni Kolohana" i noho Kuhina Kalaiaina ai no ke Aupuni "Moi" 0 Hawaii nei, a mamuli o ka "hupo" ame ka "ike oie," i hui pu ia me ka "nawaliwali o ka iwi-kuamoo," ua palahuli iho ia ke Aupuni, eiike me ka waa maikai e hookeleia ana e ka poe makaukau ole i ka hookele waa, a i ka loaa ana i kekahi aui nalu o ka lana ae ia no ia o na "auwae," a kuhikuhi aku la ka make ia waho. Heaha ana la ia e lapa ae nei i keia wa? E makemake ana anei ia e lilo 1 alakai no ka lahui "Roia\iti," e nohoalii ia nei ke alakaiia ana e Mr. J. K. Kaulia ame Mr. D. Kalauokalani? Aole anei o ka hiki ole ana iaia ke hoomau aku i ke ku ana o ka "Waa Aupuni AUi." ana i noho ai oia kekahi hookele waa, ma kona kulana oni-paa ma ia wa mal a hoea mai i keia wa, he kumu kupono loa ia e haawi ai na Roialiti naauao apau i ka hoopailua e lilo oia i alakai no lakou. Ma kona kuiana hoa makaainana hookahi me makou iloko nei o ka aina, manao makou oia kekahi e heluia ma ke ano, he hoa makaainana koikoi ia iloko nei o ka aina. He kuonoono kona, he dala kana. he lako kona, he waiwai kona, a he honua ilalo a he lani no iluna, ua lawa oia me ia. Aka, ma kona ano e ku mai oia a hoao e lilo oia i alakai lahui, me ka manao e lawe ae | i na noho hanohano e paaia nei e Mr. J. K. Kaulia ame Mr. D. Kalauokalani. ke hoike aku nel makou me ka makau ole ame ka wiwo ole, no ka pono o ka lahui mai o a o, me ko makou nana ole i ka nui o ko "Keoni Kolobana" walwai. ulakolako, nui o ke dala kohu pi-pi-pl, ai-aUi paha. a pehea aku la, aole loa oia he alakai lahui kupono. No keaha? Eia: laia no ka Waa Aupuni "Moi" o Hawaii nel, a ka-ia ia iho ai kakou apaa i ka pohuehue, a lana like ana na auwae o kakou apau 1 ke kai o ka "mihi." Aka, ina ma ke ano i alakai oihana kalepa oia no ka lahui "Roialiti." manao makou ua kupono loa oia ma ia hana. Aole o makou hoohalahala. Ma ko makou pepa o keia pule ae. e unuhf ai makou 1 ka paiapala a kela kanaka kumakaia i ke "Aupuni Moi o Hawaii/' a e ike iho ana no kakou ap&u i kona ano ma ua palapala la. E. Mr. J. K. Kaulia, Peresidena o ka Hui Aloha Aina, ame oe, e Mr. D. Kalanokalani. Peresid«ia o ka Hui Kalaialna, e paa ohia a paa 1 ko olua mau kulana nohona Peresi(iena no ko olua mau ahahui. Aole e ae e lilo aku ko olun man kulana noho aimoku ana raaluna o na HoialUi apau o Hawaii nei 1 kahi poe e ae. O olua na 1U ola I aoao. a e paa olua i ko olua mau kulaua "AIU." Ma keia hope aku, e kapa mau aku ana ke Kuokoa la otua T na "Moi" a o na "AUi" o na 'Hoial iU" apau o Hawali nel—ili-keokeo, melemele, uliuli, eleele a ulaula hoi. 0 ka poe "RoiaHU" apau e kue ana ia olua oia ka poe i makemake e hoohiolo i kō olua man& hoooialu no k& "Poai Roia)iti" o Hawaii nel.