Ka Nupepa Kuokoa, Volume XXXVI, Number 40, 1 October 1897 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoolaha Mana Hooko

            I keia la i hookohuia aku ai o REV. SAMUEL KAPU i Komisina ala Liilii ame Pono Wai no ka Apana o Wailuku, Mokupuni o Maui.

J.A. KING,

Kuhina Kaiaiaina.

Kaena Kalaiaina. Sept. 6, 1897.

2668-3t

 

KA

Nupepa Kuokoa

No ka Makahiki          $2.00

No Eono Mahina         1.00

Kuike ka Rula.

 

 

Pukai               1          2          3          4          5          6

Ana@        Pule   Pule   Pule   Pule   Pule   Pule

1 Iniha      $1.50  $2.00  $2.50  $3.00  $3.50  $4.00

2 Iniha      $2.00  $2.75  $3.50  $4.00  $4.50  $5.00

3 Iniha     $2.50   $3.50  $4.50  $5.00  $5.50  $6.00

4 Iniha     $3.00  $4.00   $5.00  $6.00  $6.75  $7.50

5 Iniha    $3.50   $4.75   $6.00   $7.00  $8.00  $9.00

6 Iniha    $4.00   $5.50   $7.00   $8.00  $9.00  $10.00

 

            @ O na Olelo Hoolaha a pau e hoouna ia anai aua no ka Hoolaha maioko o keia Nupepa, o hoouna pu mai me ka auhau, a ina aole, aohe hookomo ia.

HOOPUKAIA E KA

HAWAIIAN GAZETTE CO.

C.G. BALLENTYNE, Luna Nui

JOSEPH M. POEPOE, Lunahoo ponopono

Honolulu, Oahu.

 

POALIMA     SEPATEMABA 24, 1897

 

Na Lunamakaainana

            Ma ke koho balota ana o ka Poakolu nei, ua hoohanau mai ia ka “pahu balota” I na poe I lilo I mau Wahaolelo Luhui no ka Mokupuni o Oahu nei.  Ua haawi mai la ka Apana Koho Eha I kona poe kanaka I hilinaiia, oia hoi o Alatau T. Atkinson, A. V. Gear ame A. G. M. Robertson.  Ua haawi mai la hoi ka Apana Koho Elima I kona poe kanaka I hilinaiia, oia hoi o J. L. Kaulukou, L. L. McCandless ame S. G. Wilder.

            O keia poe apau, o lakou na Wahaolelo Lahui a ka Mokupuni o Oahu nei, I hoolaa ai no ka paio ana no na pono lahui ilokop o ke Kau Ahaolelo e noho mai ana ma ka malama o Feberuari o keia makahiki ae.  Aia maluna o na hokua o keia poe ke koikoi am eke kaumaha o ka auamo ana I na hana apau e loaa ai na kawai amen a hooponopono ana e puiamaia ai ka nohona holomua, ka nohona pomaikai ame ka nohona maluhia o na kanaka apau ma keia Pae Aina.

            Aia iloko o keia poe I waeia ae la I poe na lakou e kiai na pono lahui o na kanaka, he elua loio, oia hoi o A. G. M. Robertson ame J. L. Kaulukou; he elua mau lunahooponopono nupepa, oia o Alatau T. Atkinson ame A. V. Gear; a he elua o lakou ma na hana mikiala e ae.

            He elua o keia poe ua noho mua iloko o na hana kau kanawai, a o na poe e ae he eono, o ko lakou wa mua ioa paha keia e lawelawe aku ai ma ia hana, aka, mamuli nae o ko lakou kulana naauao a makaukau hana maoli, e hiki ana no ia lakou ke hooko me ka holopono I ka hana lahui I hookauia aku maluna o ko lakou mau hokua.  Aole o makou aoao iho, ke pahola aku nei makou I ko makou lima akau o ke aloha imua o na “keonimana” I hoolaaia I mau “pukaua” no ka na i ana na pono lahui o na kanaka apau o keia Pae Aina, a o ka oi aku no nae, oia na pono o na Oiwi Ponoi o ka Aina.

 

Ke Hoi Hou ke Aupuni Moi Owai na Kuhina?

            I ko makou kamailio ana malalo o kekahi ninau alakai, elike me kela e kau ae la maluna nei, aole ia he mea no makou e “bapetizoia” mai ai e na Repubalika o Hwaii nei, aia makou ma ka aoao kokua i ka hoihoi hou ana mai i ke Aupuni “Moi,” elike me ka “bapetizoia” ana o Mr. J. K. Kaulia e kekahi poe Roialiti noonoo papa’u, he kokua o Mr. Kaulia i ka hana hoohui Aupuni, a “hoohui aina” paha, no kona lilo ana, ma kea no oia kekahi mea nonoi aku ia Senatoa Morgan e kamailio akea mai ma ka ninau hoohui Aupuni amen a ukali e pili ana ia ninau.  aka, ua makemake makou e hoike aku i ko manao oiaio maoli no ka pahu hopu oiaio e hoea aku ai na Roiai@ ma ka wa e hookoia ai ka lakou mau koi.  Oiai, o ka lakou koi a makou e ike nei, oia ka hoihoiia mai o ke “aupuni Moi” ma kona statu ouo, elike me ia e ku ana ma kona wa i auhulihiaia ai.

            Nolaila, mamuli o keia kulana o ke koi hoihoi “Aupuni Moi” a na Roialiti i hooulu ai makou i ka ninau, Ke hoi mai ke Aupuni Moi Owai na Kuhina?

            O ka mea maopopo, ina he Aupuni naaupo o Amerika Hulia, alaila, e ae mai ana la e hoihoi ma i ke “Aupuni Moi,” elike me ke koi a ka lahui Rolaliti i keia ia.  Aka, aole nao o ko Amerika naaupo ka makou e kamailio ai ma keia kumuhana, kea e oia i ke noi a na Roialiti.  O ka makou i makemake ai e kamailio, ola ke kulana Kuhina ma ka wa e hoi mai ai ua Aupuni ia.

            Ina e hoi io mai ke “Aupuni Moi” a ku hou elike me kona ku ana ma ka wa mamua iho o kona auhulihia ana.  I hooko pino ia ai hoi ka manao oia mea he “statu quo,” alaila, o na Kuhina e noho hou ana maioko oia Aupuni, oia no o Samuel Parker, W. H. Cornwell ame Keoni Kolobana (John F. Colburn), a hookah hakahaka e hoopihaia aku ai, oia hoi ka Oihana Loio Kuhina.  Aole hiki in a “Roialiti” o keia wa kea lo ae mai ka hookui pu ana aku me keia hopena, oia hoi, ke hoihoi hou ia mai ka waa Aupuni Moi o Hawaii nei, e kau hou ae ana no na hookele waa i paiahuli mua ai ka waa.  Ma ke Kumukanawa o 1887, aoie hiki i ke “Poo Nui” o ke Aupuni, elike me ka “Moi,” ke hoopau wale i kona Aha Kuhina elike me kona makemake iho; aka, o ka mana kaukanawai auanei ka mea nana e kau ka olelo hooholo no ka hoopau ana i ka Aha Kuhina (holookoa); nolaila, e kaa hou ana no ka mana o ka noho Kuhina ana maialo o Keoni Kolobana ma.  No keia poe, na lakou ponoi i hoohiolo i ke Aupuni kumukanawai o 1887, ka pomaikai a na poe “Roialiti” e hoopapau ne ii ka hooikaika i keia mau la.  A ke olelo nei makou, elike no me ka nawaliwali o keia poe ma ka wa i pahlahuli ai ke Aupuni “Moi,” pela no ka nawaliwali o ua poe la ma ka wa e hoihoiia mai ai ua Aupuni ia, a ua hiki loa in a Repubalike Hawaii ma ka aoao kue aku ia lakou ke hooholo-a-ia hou ia lakou iloko o ke kai o ka Moana Pakipaki iloko o 24 hora.

            Nolaila, ke ike ae la no aukou e na Roialiti i ke kulana Kuhina o ke Aupuni a oukou e noke aku ne ii ke koi hoopaakiki.  O keia pae Kuhina auanei ke kau hou mai ana maluna o oukou, aka, o na Repubalika oiaio o Hawaii, aole loa lakou e ae e noho alakai hou ia lakou e na poe i ikeia ko lakou kulana nawaliwali ma ke alakai Aupuni.  Makemake na Repubalika oiaio o Hawaii ne ii poe kanaka iwi kuamoo ma ke kalai Aupuni, poe hohe ole, elike me ka poe i aa aku in a pukuniahi o Iapana i hele mai nei a hoi wale aku la, ka poe hoi e ku ana e hakoko me ka ikaika, ka naauao ame ka makau ole ma ka hookele ana i ka “waa Aupuni Repubalike” o Hawaii nei.

            Aole makou i hapai ma ii keia kamailio akea ana, ma kea no pilikino maoli, aka, ma ko kakou kulana, kalai Aupuni, e ku nei makou a kamailio aku, oiai ua manaoio no makou ma ke kulana pili makaainana maoli, u akaupaonaia o Keoni Kolobana, Samuel Parker ame W. H. Cornwell he poekoikoi maoli maloko o ka ain nei.  He hoa kula o Mr. Samuel parker no makou, a o Mr. Colburn hoi, he hoaloha no oia ma ka makou nana’ku iaia, a koe aku no nae kana.

 

Keoni Kolopana (John F. Colburn.)

            Ua ike makou maloko o ka nupepa “namu” Independent e hoopukaia e ka hale Pa’i o kekahi Oiwi o ka Aina, oia hoi ka Hale Pa’i Makaainana, he manao akea i kakauinoaia e ka mea nona ka ikoa a makou e hoikeike ae la maluna nei.  Oia ka nupepa i puka ai ma ka Poalua nei, Sept. 28.

            I ko makou nana ana i ua palapala hamama la a ua mea la nona ka inoa a makou i hoike ae la, ua hiki loa ke hoomaopopoia me ka hoohewahewa ole, oia no o “Kenoi Kolobana” i noho Kuhina Kalaiaina ai no ke Aupuni “Moi” o Hawaii nei, a mamuli o ka “hupo” ame ka “ike ole,” i hui pu ia me ka “nawaliwali o ka iwi-kuamoo,” ua palahuli iho la ke Aupuni, elike me ka waa maikai e hookeleia ana e ka poe makaukau ole i ka hookele waa, a i ka loaa ana i kekahi aui nalu o ka lana ae la no ia o na “auwae,” a kuhikuhi aku la ka make ia waho.

            Heaha ana la ia e lapa ae ne ii keia wa? E makemake ana anei ia e lilo i alakai no ka lahui “Roialiti,” e nohoalii ia nei ke alakaiia ana e Mr. J. K. Kaulia ame Mr. D. Kalauokalani?  Aole anei o ka hiki ole ana iaia ke hoomau aku i ke ku ana o ka.  “Waa Aupuini Alii.” ana in oho ai oia kekahi hookele waa, ma kona kulana oni-paa ma ia wa mai a hoea ma ii keia wa, he kumu kupono loa ia e haawi ai na Roialiti naauao apau i ka hoopailua e lilo oia i alakai no lakou.

            Ma kona kulana hoa makaainana hookah me makou iloko nei o ka aina, manao makou oia kekahi e heluia ma kea no, he hoa makaainana koikoi ia iloko nei o ka aina.  He kuonoono kona, he dala kana, he lako kona, he waiwai kona, a he honua ilalo a he lani no iluna, ua lawa oia me ia.  Aka, ma kona ano e ku mai oia a hoao e lilo oia, i alakai lahui, me ka manao e lawe ae in a noho hanohano e paaia nei e Mr. J. K. Kaulia ame Mr. D. Kalauokalani, ke hoike aku nei makou me ka makau ole ame ka wiwo ole, no ka pono o ka lahui mai o a o, me ko makou nana ole i ka nui o ko “Keoni Kolobana” waiwai, ulakolako, nui o ked ala kohu pi-pi-pi, ai-alii paha, a pehea aku la, aole loa oia he alakai lahui kupono.  No keaha? Eia: Iaia no ka Waa Aupuni “Moi” o Hawaii nei, a ka-ia ia iho ai kakou apau i ka pohuehue, a lana like ana na auwae o kakou apau i ke kai o ka “mihi.”

            Aka, ina ma kea no i alakai oihana kalepa oia no ka lahui “Roialiti,” manao makou ua kupono loa oia ma ia hana.  Aole o makou hoohalahla.

            Ma ko makou pepa o keia pule ae, e unuhi ai makou i ka palapala a keia kanaka kumakaia i ke “Aupuni Moi o Hawaii,” a e ike iho ana no kakou apau i kona ano ma ua palapala ia.

            E. Mr. J. K. Kaulia, Peresidena o ka Huii aloha Aina, ame oe e Mr. D. Kalauokalani, Peresidena o ka Hui Kalaiaina, e paa oiua a paa i ko olua mau kuiana nohona Peresidena no ko olua mau ahahui.  Aole e ae e lilo aku ko olua mau kulana noho aimoku ana maluna o na Roialiti apau o Hawaii ne i kahi poe e ae.  O olua na lii ola aoao, a e paa olua i ko olua mau kulana “Alii.”

            Ma keia hope aku, e kappa mau aku ana ke Kuokoa ia oiua, na “Moi” a o na “Alii” o na “Roialiti” apau o Hawaii nei-ili-keokeo, melemele, uliuli, eleele a ulaula hoi.

            O ka poe “Roaliti” apau e kue ana ia olua oia ka poe i makemake e hoohiolo i ko olua mana hoomalu no ka “Poai Roialiti” o Hawaii nei.

 

Ka Halawai Makaainana Nui

Senatoa John T. Morgan ka Mea Haiolelo.

 

Ke Noi a na Aoao Kalai Aupuni Like Ole.

Mr. Kaulia ka Loea Kalaiaina Kaulike.

Ka Pane a Senatoa Morgan.

            Ma ka po ne ii weheia ai he Halawai Makaainana Nui maloko o ka luakini o Kawaiahao, ma ka hora 7:30 minute o ke ahiahi.

 

            A oiai, aole i loaa ia makou he wa pono e hookomo a ii ka moolelo o na hana o keia halawai, i puka ai ia ma ko makou pepa o keia la, nolaila, e hooka’ulua ana makou i ka makou hoike no ia halawai a ma ko makou pepa o keia pule ae.

            Mai ka wa i hiki mai ai o Senatoa Morgan ma na kaiaulu o Honolulu nei a hoea i ka la 24 o ka mahina i hala, ua nui ka makemake o na Hawaii o loko nei o keia kulanakauhale e lohe i ka leo o keia kanaka kaulana o ka Aha Kaukanawi o ke Aupuni o Amerika Hulia, maluna o ka ninau pookela hookah e hoomahaeia nein a noonoo ana o ka lahui Hawaii, oia hoi, ka Ninau Hoohui Aupuni, i oleloia i kahi wa, ke Kumuhana Hoohui Aupuni.  A oiai hoi, he ninau pili lahui ia maluna o na oiwi apau o Hawaii ne, noiaila, ua nonoi aku la kekahi poe Hawaii maoli ma ka la 24 o kela mahina aku nei, ma kekahi palapala noi, ia Senatoa Morgan, e ae mai oia e haiolelo akea imua o kekahi anaina halawai makaainana, e weheia aku ana e ka poe nana oia i poloai aku.

            Eia iho kea no nui o ka palapala no ii waihoia aku imua ona, amen a inoa o ka poe na lakou oia i noi aku:

“Honolulu, Sept. 24, 1897.

“Ia Senatoa John T. Morgan, Kulanakauhale:

            “O makou, o na poe Hawaii maoli i kakauinoa malalo iho nei, ua iini nui loa makou e lohe ia oe, ma kekahi haiolelo akea, maluna o na mea e pili ana i ke kulana pili aupuni mawaena o Hawaii ame Amerika Huiia, a ua iini maoli nae e lohe i kou mau manao no ke kulana o na hawaii maoli ame ka nohona pili aupuni a lakou e noho iho ai, maialo o na launa pili kokoke loa ana me Amerika Huiia.

            “Nolaila, ke poloai aku nei makou ia oe, e haiolelo akea mai oe imua o na Hawaii iloko o keia kulanakauhale, ma ka wa pono ia oe, maluna o na kumuhana i hoikeia ae la, a ina ae oe, e hoomakaukau no makou in a mea apau e hiki ai e malamaia ona halawai.

            “Me ka mahalo loa,

“D. L. Naone,

“J. Kalua Kahookano,

“J. M. Poepoe,

“R. W. Wilcox,

“John Lot Kaulukou,

“James K. Kaulia,

Peresidena Hui Aloha Aina.

“S. M. Kaaukai.”

            Ma ka la 26 mai i kakau ai oia (Senatoa Morgan) i kana oleloa pane, a ma ka Poakahi ae hoi, Sept. 27, i loaa mai ai ia Mr. D. L. Naone ua pane la.  A oia keia malalo iho ne:

“Honolulu, Sept. 26, 1897.

            “E na keonimana:- Ua loaa ia’u ka hanohano o ka ae ana’ku i ka oukou poloai oluolu, no ka haiolelo ana’ku imua o na kanaka Hawaii maoli, maluna o na kumuhana i pili ano nui loa ia lakou ame a’u nohoi.

            “Ke hoakaka aku nei au, o keia ahihai Poaha ae, la 30 o Sepatemaba, ka Manawa e hooholoia ai no ka halawai, ma kahi a oukou e hoike mai ai.  Me ka mahalo nui.

“JOHN T. MORGAN.

“Messrs. D. L. Naone, R. W. Wilcox, Jos. K. Kaulia ame kekahi poe e ae, Komite.”

            Ua noi mai hoi o Mr. Kaulia, ma ka palapala i kakauia ma ka la 25 o Sepatemaba, a i loas mai hoi i ka Lunahooponopono o keia pepa, a hoa nonoi pu ia Mr. Morgan, ma ka Poaha nei, Sept. 30, ma ke keena hooponopono o keia pepa, e weheia ae ka inoa oihana ona a koe kona ano makaainana.  Eia iho ua palapal nei:

“Honolulu, Sept. 25, 1897.

“J. M. Poepoe, Esq.,

            “Aloha oe:- Ke hoike aku nei au ia oe, o ko’u kakauinoa ana ma ka Palapala Noi ia Mr. Mogana ma kea no Peresidena no ka Hui Hawaii Aloha Aina, ke noi nei au e unuhila ae ia kakauinoa ana ma ko’u ano he Peresidena, aka, koe ma kea no makaainana.

“Me ke aloha,

“James K. Kaulia.”

            Nolaila, mamuli o keia noi, ua hoopukaia ka Olelo hoolaha Nui no ka “Halawai Lahui,” penei kea no:

Halawai Lahui.

            E weheia ana he Halawai Makaainana Nui maloko o ka Luakini o Kawaiahao ma ka hora 7:30 o keia ahiahi, Sepatemaba 30, 1897.  Ma ia wahi e haiolelo mai ai o Senatoa Morgan o ka Mokuaina o Alabama, Amerika Huipuia imua o na Hawaii maoli maluna o keia mau Kumuhana ano Nui Loa i pili i ko ke kanaka Hawaii kulana Nohona aupuni a nohona lahui:

            1—Ke kulana pili-Aupuni e loaa ana i ke kanaka Hawaii ke hoohuiia o Hawaii nei e Amerika Huiia.

            2—Ke kulana pilii i ka ninau Hoohui Aupuni e ku nei.

            Aole o ka hele ole ana ae a hele ae paha o ke kanaha Hawaii e hoolohe i keia haiolelo a kekahi o na loea kalai Aupuni kaulana loa o Amerika Huiia, maluna o na kumuhana i hoikeia ae la, oia kona mea e lilo ai he kanaka hoohui aupuni; aka, o kona lohe ana in a olelo hoakaka mai keia loea kakaolelo mai o ka Aha Senate o Amerika Huiia, he mea ia e hoakeaia ae ai ko noonoo kaulike iloko ona, a hiki oia ke kaupaona ewaewa ole iloko iho ona, no la aoao ana e haawi a i kana olelo hooholo.

            Ua noa keia halawai in a aoao kalaiaina apau.

            Ma ke kauoha a na poe na lakou i noi aku ia Senatoa Morgan.

D. L. Naone,

J. Kalua Kahookano,

J. M. Poepoe,

James K. Kaulia,

John Lota Kaulukou,

R. W. Wilcox,

S. M. Kaaukai.

KA PEPEHI KANAKA MA KAUAI.

Kiia o Dr. J. K. Kamika i ka Pu a Make Loa.

            Ma ke kakahiaka Sabati nei, Sept. 19, 1897, i loaa mai ai ka iono no ka pepehiia ana a make loa o Kauka J. K. Smith o Koloa, Kauai, ma ka ipuka ponoi no o kona hale noho, ma ka hora 10 o ka po PPoalima.  A mai ia wa mai a hiki i ka wa i haalele aku ai ka mokuahi Mikahala in a awa o Kauai, aole loa he wahi moali o ka loaa o ka meheu o ka mea pepehikanaka.

            Ma na palapala i hoea mai, ua hoomaopopoia iho, o ka mea i make ame kona kaikuahine, e u noho like ana no laua ma ka rumi hookipa a hiki i ka hora 9:30 o ka poo Poalima, a oia ka wa i hoi aku ai o kona kaikuahine ikolo @ kona rumi e moe ai.  ua noho iho no ke kauka iloko o ua rumi la no kekahi mau minute, a oia kona wa i hoi aku ai a kona rumi ponoi, wehe ae la i kona kuka, a noho iho la kakau i kekahi leia.  Ua kakau aku ua kauka ne ii ka leia a o ke kokoke aku nohoi ia e pau, a e kuhi ana ka manamana kuhikuhi hora i ka hapaha i koe kani ka hora 10, ua lohe aku ia ia i kekahi kikeke ma ka puka mamua o ka hale.  No kona lohe ana i keia kikeke, ua kahea aku ia ia; Owai kela? Eia nae, aohe i paneia mai no kekahi minute mahope iho, a oia pu no hoi ka wa i lohe aku ai o Miss Kamika i kekahi mea e kunu ana ma ka ipuka, a lohe pu no hoi oia ia wa i kona kaikunane i ka haalele ana iho i ka rumi no ka hele ana aku e nana owai ia keia.  A la wa, ua lohe aku la oia i ka nakeke o ka hemo ana aku o ke olepelepe am eke kani ana o ka pu panapana a pa-hu iho ia kona kino ilalo.  I kona wa i holo aku ai ua halawai aku la me ka ike a kona maka kona kaikunane e moe ana me ke kalele ana o kona lima maiuna o kona umauma, a he sekona mahope iho ua make loa aku ia oia.

            Mahope koke iho no o ke kani ana o ka pu, ua lohe koke aku ia oia i ke kamumu o na kapuai o kekahi lio e holo ana ma ke alanui.  Me he mea ia paha he elua mea na laua i hana i keia karaima, aka, oiai oia ua pihoihoi loa no ke kulana o kona kaikunane, aole loa ia i hoomaopopo hou aku no kekahi mea e ae.  Ua hoike koke ia aku ka lohe in a poe apau, a peia hoi i ka makai nui ame kona mau paalalo, aka mamuli o ka pouli panopano loa oia po, ua hiki ole ke loaa ka meheu e hookolo aku ai mahope o ke alahele o ka limakoko.

            Ua komo mai ka poka ma ka aoao hema a puka pu aku la ke akemama ame ka puuwai a paa mawaena o ke akemama o ka aoao akau.  ma kahi o ka puka poka, iluna hoi o ka palule, he mau maawe o ka pauda ke kau ana, aka, o ka lole nae aole i pau i ke ahi. Mamuli o na ike o kekahi poe loea mamuli o kekahi pepehikanaka i hookoia mai nei ma Kaleponi ano koke mai nei no, ua oleloia ae, i ka wa i kani ai o ka pu, aole loa i kaawale aku ka mea limakoko no ekolu kapuai ka mamao mai kahi aku o ka pepehikanaka, a e ku kokoe mai ana no oia me ke kali ana no ka wa kupono e hooko a ii kana hana limakoko, a i hoea koke ae ai nohoi i ka wa a Miss Kamika i hoi ai e ome.

            A he mea oiaio no hoi, u a hooikaika oia e nalo me ka ike ole ia e Miss Kamika, a oia ke kumu o kona holo awiwi a kau iluua o kona lio amhope iho o ka pio ana o ke kukui o Miss Kamika, a oiai hoi oia i anao mai ua moe oia, oia kona wa i kikeke mai ai ma ka puka.  A oiai na heiheiena me he mea la he mea oia i kamaaina lea loa i kela ohana, oia ke kumu o kona pane ole ma ii kona wa i ninauia aku ai, a i kunu mai ai hoi i wahi no Kamika e ike mai ai aia no oia mawahe kahi i kali ai.  Aoie loa he mau hiona iki na kekahi Hawaii keia hana limakoko.  O kela kunu ma ka ipuka aole loa e hiki ke alelo ia na kekahi Hawaii.

 

ANAINA HOOKIPA HOOLAUNA.

 

            Ma ke ahiahi o ka Poakolu ne ii mamalamaia ai he anaina hookipa hoolauna e Mr. ame Mrs. Ballou, ma ko laua home nani mauka ae nei o Puunui.  Ua malamaia keia anaina no ka hanohano o Senatoa Morgan ame kana mau kaikamahine.

            He nui ka poe i akoakoa aku ma ia ahiahi.  Ua malamaia hoi he mau lealea Europa, a ua nui na poe i laulima ae ma ia mau lealea.

 

MAKE O MANLEY HOPKINS

 

            Ua loaa mai nei ka lono i Hawaii nei, e hoike ana ua make o Manley Hopikins, i noho Kanikela Kanerala Hawaii ai no kekahi mau makahiki lehulehu loa ma Ladana.  Ua manaola he 88 ka nui o kona mau makahiki a hookuu mai la oia i keia ola ana.

            Ua loohia no oia i ka nawaliwali mamua ae o kona haalele kino maoli ana mai la i keia ola ona, a nolaila ua hookohu aku la ia i kana keiki o Cyrll Hopkins i Hope Kanikeia Kenerala i kahi mau mahina i kaa hope ae nei.  He makuakane hoahanau kela no Mr. Charles L. Hopkins, kekahi Hawaii kamaaina nui ia mawaena o kakou nei.

 

OLA HIKIWAWA KE KUNU HO.

            Mountain Glen, Ark., --E hoehaehaia ana ka maua keiki me ka ma’i kunu ho ma ka wa i loaa mai ai ia maua ka omole Laau Kunu a Kamalena.  Ua loaa ke ola hikiwawe.  F. A. Thornton.  E kualia ana keia laau kauiana e na poe kuai laau lapaau apan.  O Benson, Smith & Co. na Agena o ko Hawaii Pae Aina. 

HE NINAU.

Mr. Lunahooponopono, --

            Aloha oe:--Ua loaa ia’u he Manawa kupono maikai e noi aku a ii kou oluolu, no kekahi manao a’u i makemake ai e hoike mai oe ia’u, no ka mai ua hilinai au maluna ou e loaa mai ai ka pane oia manao ia’u, a oia keia a’u e ninau aku nei ia oe, ina nae ia he mea nou e oluolu mai ai.

            O James R. Holt, he Agena Kula oia no ka Apana o Waianae nei, ua hoohiki anei oia i keia aupuni e ku nei!  A ina ua hoohiki oia, ua loaa anei iaia ka mana e haawi i ka Oihaua Makai Kula i kekahi kanaka i lawe ole i ka hoohiki?

            Ua manao ua e waiho aku i keia ae la maluna i kumuhana i ka Manawa e noho ai ka halawai a na lala o ka Papa Hoonaauao ke loaa mai kau pane no keia mau ninau, oiai o o eke kanaka a’u i manao ai ua ike oe i ka nui o na poe i lawe i ka hoohiki o ka Mokupuni o Oahu nei.

            Ke hooki nei au i keia.

                        Kou Oiaio,

            Waianae, Sept. 28, 1897.

            [I keia wa, aole i loaa la makou ka pane no kau ninau, aka, e loaa ana no nae ma keia mua iho. L. H.]

 

OMAMALU NA OA KAUA

            Ladana, Sept. 18—Ua lilo i mea kamailio nui ia ka hoounaia ana’ku ho 10 mau batari pu-kaa hukila e na lio amen a pu kuniahi aina maoli no luia iloko o na malama o Sepatemaba amo Okatoba.  Ma na wa e ae, iloko o keia mahina e hookuu hoomaha ia ai na mahele pukaa eha i keia wa ma inia; aka, ua kauoha hou ia aku nei lakou e nehe hou aku no ma.  Inia, a nolaila, aole auanei e liuliu a hoea no ma na palena kuwaho o ka aina he 14 mau mahele pukaa, ame kekahi pualikoa nui.

            Oiai nohoi, i keia wa, ua lawa ka ikaika o ka pualikoa Pelekane e ku kiai ia ma na palena kuwaho, e hiki ai ke ulupa in a hoala hoohaunaela apau, nolaila, o ka hoouna hou ia ana’ku o keia ikaika hou, ua manaoia ua loaa in a luna Aupuni he lono no kekahi kulana pilikia loa.  O ka olelo i hoopukaia aku e ka Oihana Kaua ma ka Poakahi aku ne ii ka agena kaiepa o ka Moi ku’i’o Afeganikana ma Ladana, e papa ana aole e aeia kekahi mea paahana kaua a mikioi hana lako kaua paha e haalele iho in a palena aina Pelekane oiai e mau ana ku pioo, ua ano kanalua ke Aupuni Beritania i ke kulana hana o ua Moi ku’i la, a ua oleloia, ua hoomaopopo loa la, ela ola ke hoomakaukau ne ii ke kkaua, oiai nae ia e olelo ana he hoalohaia no Enelani.

 

            O ka ia ekahi keia o Okatoba.  Mai keia wa aku a hoea i ka malama o Dekemaba, oia ka wa a kakou e kali a ii ka olelo hooholo hope loa no ka mea e pili ana i ke kuikahi hoohui Aupuni.

           

            O ka poe apau i manao aole e ola ka hi mau, e pono e heluhelu i ka Mr. P. E. Grisham, o Gaars Milis, La., i olelo ai no ia mea, ola hoi: “He inai au na ka ma’i mau, mai ka wa kaua mai, a ua hoao nohoi au in a ano laau lapaau apau no ua ma’i la.  A mahope nae, loaa iho la ia’u ka laau lapaau e oia ai ia ma’i, a oia ka laau Ola a Kamalena no ke Nahu, Koleia ame ka Hi.”  Ua hiki loa ke hilinaila keia laau no ke ola o ke oahu, ehol@ morbus, hi-koko ame ka hi maoli.  He oluolu ka inu ana, a he uphill ole hoi ma ka hoola ana.  E kualia ana e na poe kuai laau lapaau apau.  Benson, Smith & Co., na Agena ma ko Hawaii nei Pao Aina.