Ka Nupepa Kuokoa, Volume XXXVI, Number 39, 24 September 1897 — UA HALA O MRS. HANNAH HALL I KE ALA HOI OLE MAI. [ARTICLE]

UA HALA O MRS. HANNAH HALL I KE ALA HOI OLE MAI.

Bke Kuokoa; Aloha oe: E oluolu mai oe e hookomo iho ma kekahi kolamu kaawale okou kino kilakila i keia mau hua e kau ae la mai luna; i ike mai ai hoi na kini aloha o ko makou mamai aloha nui ia. Ua hala o Mts. Hannah Hall i ke ala hoi oie mai ma ka hora 4 o ka wanaao j Poalua, lulai 20, 1897, ma Kainaliu, Kona Akau. Ao na hoomanao walohia ana me ka naau mokumokuahua, ua hekau iho ia maluna o makou kana mau keiki, ame na moopuna lehulehu i hooneieia i ke kupuna. Ua hanauia mai ko makou mama na Samuei Rice Amara me Hawaii (w) i ka la 16 o Oct., M. H. Ihl6, a ka "ua ahulu" o Waimea, Hawaii. He mau makahiki mahope mai, ua haalele aku la lakou I ka "ua apuupuu," a hoi loa mai la no Kailua, ' Kona Akau, a noho iho la malalo o ke alii Kuakini. A ma ka la 4 o lulai. 1839, ua hoohuiia ko makou mama me Charles Hall ma ka berita mare; a mai loko mai o ko laua puhaka na keiki he 11 ame na moopuna he 40. A ma ka la 9 o Maraki, makahlki ISBO, ua makee ko makou papa; a ua noho iho makou ka laua mau keiki me ka papa ole; aka, ua pumehana no nae ka home i ko makou mama i kona wa e ola ana, a i kona hala ana, he mea e ka wela hahana o ke kino e nohi nei i ke aloha makua, e hoona ae ana i kahi e pau ai. Auwe! walohia wale!! He wahi eha ma ka puu ka hoomaka ana, aua liele loa i ka mahuahua, a mamuli oia hoomahuahua ana; ua hiki oie ke moni aku i ka ai. Ua kii la ke kauka no ka palekana, eia nae. ua kii mai no ka make a lawe aku la. Ua malamaia na hana haipule e ka Revvv. W. N. Lono, i waena o na keiki. na moopuna. ame na hoa'loha he nui. 0 ka poe i ike a kamaaina i ko makou mama, aia me iakou ko makou mau waimaka. O makou no me ka paumaka, he mau keiki makua o)e. BECKIE WEEKS, G. HALL, BAMUEL HALL. Kainaliu, Kona Akau, Hawaii. Sept. 13, 1897. Ma ka hookuku kinipopo "kinketa" 1 malamaia al ma ka aolna la o keia Poaono aku nei, mawaena o na keik! Pelekane ame kekahi poe wae o Honololu nei. ua lilo ka lanaklla i na keiki au-kai.