Ka Nupepa Kuokoa, Volume XXXVI, Number 39, 24 September 1897 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA SABATH

HAAWINA I.-OKATOBA 3.

Ko Paulo kaabeie hope loa ana ia Jerusalema. Oihana 21:1-15.

            A i ko makou kaawale ana aku, mai o lakou aku,ee àku la makou, a holo pololei mai la i Ko. a ia la ae, i Rode, a malaila mai i Patara.

            2 A loaa is makou kekahi moki e holo aku la.

            3 A ike aku la makou ia Kupero, haalele aku la makou ia wahi ma ka lima hema, a holo aku la makou i Suria, a pare makou ma Turo: no ka mea, malaila e hooleiia'i ka ukana o ka moku.

            4 Loaa ia makou kekahi mau haumana, noho iho la makou ilaila i na la ehiku; olelo mai la lakou ia Paulo, na ka Uhane, i pii ole oia i Jerusalema.

            5 A i ka pau ana o keia mau la. haalele iho la makou ia wahi a hele aku la; uka@ aloha mai la lakou a pau, a me na wahine, a me na keiki ia makou. a hiki mawaho o ua kulanakauhale la; kukull iho la makou ma kahakal, pule aku la.

            6 Hono ae la makou i kekahi i kekahi, ee aku la lakou i ko lakou wahi.

            7 A pau ko makou holo ana ma ka moku, mai Turo mai, hiki makou i Petolemai, honi aku la i na hoahanau, a noho pu iho la me lakou, hookahi la.

            8 A ia la ae, hele mai la makou ka poe me Paulo a hiki i Kaiserala; a komo aku la iloko o ka hale o Pilopo, o ke kahuna euanelio, oia kekahi o na hiku, a noho pu iho la makou me ia.

            9 Eha ana mau kaikamahine puupaa i wanana mai la.

            10 Noho iho la makou ilaila i na la he nui, a iho mai la kekahi kaula mai Iuden mai, o Agebo ka inoa.

            11 A hiki mai la ia io makou la, lawe iho la ia i ko Paulo kaei, nakinaki iho la i kona mau lima a me na wawae ona iho, i ae la, Ke i mai nei ai na Iudalo ma Jerusalema i ke kanaka nona keia kaei, a e haawi aku ia ia i na lima o ko na aina e.

            12 A lohe makou i kela mau mea, noi ae la makou a me kolaila poe ia ia, i pii ole la i Jerusalema.

            13 I mai la o Paulo, Heaha ka oukou e hana'i pela, me ka uwe mai, a nahae ko'u naau? No ka mea, ua makaukau no wau, aole e nakinaki wale no, aka, e make no hoi kekahi ma Jersualema, no ka inoa o ka Haku Jesu.

            14 Aole loa ia i ae mai, oki ae la makaou, i iho la, E hookola no ko ka Haku makemake.

            15 a mahope iho o keia mau la, hoomakaukau iho la makou, a pii aku la i Jeruusalema.

            PAUKU GULA. Oih 21:13. Ua makaukau no wau, aole e nakinaki wale ia no, aka, e make no hoi kekahi ma Jerusalema, no ka inoa o ka Haku o Jesu.

            MANAO NUI. E pono ke manao i mau keakea i ka pono, oia no he inau anuu no kakaou e pii ai iluna.

            OLELO HOAKAKA. A pau ko Paulo maii olelo hoalohaloha i ko Epeso ma Mileto, ua holo moana aku oia i Ko. he mokupuni liilii, 40 mile mai Mileto aku ma ka hema. Mai Ko aku ua holo hou aku i Rode, he mokupuni 50 mile mai Ko aku, ma ka hikina-hema. Mai Rode aku ua holo ka moku i Patara. ke kulanalauhale o ka mokuaine o Lukia, ma ka aoao hema o Asia Uuku. Ua hekauia ka moku i kela a me keia po, no ka mea ua pa ka makani ma ke ao mai ka akau mai, a halulu i ka po. Mai Patara aku ua holo ar o Paulo ma ma kekahi moku hou i Turo, e maalo ana ia Kupero. Ua liuliu lakaou malaila he mau ia ehiku, a pau ka hoopae ana i na ukana malaila, ua holo aku lakou i Pitolemai, he kulanakauhale kahiko nona ka inoa mua o Ako. Mai laila aku ua hele wawae he 40 mile a hiki i Kaisareia. Ma Kaisarela ua noho o Paulo me Pilipo, kekahi o na diakona mua ehiku. Malaila ua wanana kekahi kaula, o Agebo kona inoa, i ko Paulo lawe paahao ia ma Jerusalema. Nolaila, ua ka-ua na makamaka ia Paulo e waiho aku i kona manao e hele ilaila. Aole pela kona makemake, ua paa kona manao e hooko i kona olelo mua e pii aku i Jerusalema me na dala manawalea i mea e hoopau ai i na manao lili a me ka hoohuoi o ko Jerusalema.

            1. Kaawake,-ma ka huaolelo Helene, mahope o ka hoopohole ana iaia iho. 2. Poinike,-ka mokuaina ma ka aekai ma ka akau o Palesetina. 3.Suria,-ka inoa pili laula o ke panalaau ma ka aoao hikina o ke Kaiwaenahonua. 4. Loaa,-mahope o ka huli ana. 5. Kukuli,-a pule kela makamaka keia makama no ka pono o ka @isionari i aloha nui ia. 6. Honi,-na kane kekahi mamuli o ka hana maa mau ma na aina hikina. 7. Hoahanau,-ua mahele nui ia na Ekaleaia mua no ka nui o ko aloha hoahanau. 8. Kai@arela,-kahi i noho ai ke kiaaina Roma. Pakolu kela noho ana o Panlo maiaila, O@h. 9:30 a me 18:23. 9. Kaikamahine,-he poe vilikini lakou i laa i ka hana a ka Haku. Wanana,-haieuanelio, i papaia ma Korineto. 1 Kor. 14:34. a me Ep@so, 1 Tim. 2:12 i aeia a hooholaia maloko o na Judaio. I kaupalena ole ia na hana oia ano i na wahine. 10. Noho,-no ka mea, ua holo mama e o Paulo ma; aole i malamaia ka Ahaaina Penetekota a pau na la ehiku. 11. Nakinaki,-ma keia hana kumu hoohalike ua hoike mai oia i na manao huhu o na judaio a me ko lakou manao paa e hoomainoino ia Paula. 12. Noi,-elike me ko Jesu mau haumana i jo lakou Haku. Mat. 16:42, e hooka loa ai i ka manao o ke Akua. 14. Oki,-ua paoa ke noi, a nui ae la ko Paulo kaumaha, a hoomapopo lakou aole ka wanana e kaohi ia Paulo, aka nae. e lo@ii e oia. 15. Hoomakaukau,-ma ka huaolelo kahiko o ka Baibala Enelani ua lawe pu aku lakou i ka lakou mau ukana pilikino.

            I. Na mea e oluolu ai ka misionari kaahele, 1-7. Aia mahea o Paulo ma ka haawaina Baibala hope loa o ka hapaha mamaua iho? A haalele o Paulo ma ia Mileto, ua hele lakou ihea? Mahea o Ko? A mailaila aku ua holo lakou ihea? Mahea o Rode? A mai Rode aku ua holo aku lakou ihea? Mahea o Turo? A mai laila aku ua holo aku iakou ihea? Mahea o Pitolemai? Ua holo mau anei lakou i ke ao, i ka po, a i ole paha ua hekau anei lakou i kela a me keia po? Mahea kahi i hoopae ai ka moku i na ukana? Heaha ka manao o ko Turo ia Paulo? Ua kuhihewa anei lakou e pili ana i ka nanao o ka Uheane helmolele? Heaha ko lakou mau hana hoalohaloha, p. 5? Ua komo pu anei na kamalii? Ma ka hoomaopopo pono ana i ko Paulo poino e hiki mai ana, ua makemake anei ka Uhane Hemolele e papa is Paulo, Mai pii aku oe i Jerusalema? Pehea i like loa ai ko kakou wa ola me ka holomoana ana? Ua pau anei ka wa hana o ka mea manaoio i na wa hoopae ukana o ka moku? E pono anei ke huli i na hoahake launa ole me na hoahanau malihini?

            II. Na poino imua o ka misionari kaahele, 8-11. Pehea i hele aku ai o Paulo ma mai Pitolemai aku, ma na wawae paha, ma ka moku paha? Mahea kona nono ana? Owai o Pilipo? Ehia mau kaikamahine a Pilipo? Heaha ko lakou oihana Ekalesia? No keaha la ko lakou mare ole ana? Oi aku anei ke ano haipule o ka poe i mare ole ia mamua o ka poe i mareia? mamua o kona pii ana'ku i Jerusalema? Heaha ka ahaaina nui ma Jerusalema a Paulo i makemake nui ai e malama pono ia malaila? Owai kekahi kaula i hiki mai ai i Kaisareia? Pehea kona ike ana i ka hoohalua ana o na Judaio e hoomainoino ia Paulo? Pehea kona hoomoakaka ana i jeia poino ia Paulo?

            III. Ka hana e hokie mai ai i ko Paulo kuhao, 12-15. Pehea i hoaoia ai ko Paulo mahui i ka pono a me kona laa ia Jesu, ke Akua. Hoolapanai no ko ka honua a pau loa, p. 12? Pehea i hoike ia ai ko Paulo aloha hoahanau? Heaha kona olelo mamuli o ka pauku gula, p. 13? He manao anei k@a o ka mea kuanui? Heaha ka hana o na makamaka? Ua pono anei ke hooki i ka pule in paha ua moakaka ka manao o ka Uheane Hemolele? Ua manao anei ka Uhane Hemolele e papa i ko Paulo pii ana'ku i Jerusalema? Ma ka olelo o na makamaka, ua ae aku anei lakou i ko Paulo manao onipaa, a i ole paha ua maopopo lakou i ke ano hiki ole ke paleia keia hana o Paulo?

            MANAO PILI. 1. Ua kupono anei no na kamalii e komo i na hana o na halawai pule? 2. Ua paipai anel ka Baibala e papa i ka hai euanelio ana o na wahine? 3. O na akeakea e alalai ana, he mau kumu anei lakou no ko kakou hooki ana i kekahi hana kupono? 4. Ua hookele anei ke Akua i na hana o kela kanaka keia kanaka? 5. Heaha ke keakea ano nui ae imua o ko Jesu poe lawaehana, ka hoopuiwa ana paha, a i ole, ka hoomaloka paha?

 

UA HALA O MRS. KALEIPU-A KANOA

            Ma ka auina la Poalua aku nei i hookuu mai ai o Mrs. Kaleipu-a Kanoa i keia ola ana a hala aku la ma kela aoao. Ua make no oia ms kona wahi noho ma kahi kokoe i koula.

            He wahine o Kaleipu-a i piha me na haawina oluolu ame ka lokomaikai i na malihini kipa ma ko laua home me kana kane i hala e aku i ka make. He makamaka maikai oia no lakou ke hoea ma Niumalu, Kauai.

            Ua hala oia ma o, a ua waiho iho nae oia he mau hoomanao poina ole no kana mau hana lokomaikai i na poe he nui.

            Aloha nui oe, e Kaleipu-a Kanoa!

 

PAKELE NA KAMALII KUNU HO

            Seaview, Va.-Holopono ka makou a ke hele mai nei na poe kuai i o makou nei mai na wahi mamao mai a kokoke mai nohoi, a ke mahalo kiekie mai nei iakou no ia mea. Nui ka poe i olelo mai, mai make ka lakou poe keiki liilii i ka ma'i kunu Ho @na aole i hoohainula aku ka Laau Kunu a Kamakena ia lakou.-Kellam @ Ourrea. E kualla ana e na poe kuai laau apa@. O Benson, Smith & Co. na Agena @o ko Hawaii Pae Aina.

 

HE MOOLELO NO KA

LEDE ISABELA,

KA MEA I KAPAIA

Ka Anela Kani o ka Malamalama.

            "Alaila. ua piepiepele mai la keia makua i kana kaikamahine no ke daia. Ina oia ka mea oiaio. alaila, he mea oiaio. e like me ka oiaio owau keia e kamailio nei imua ou e kuu kaikunane, he wa no e ino ai o ko olua noho ana ma keia mua aku, ke oiaio nae, ua haawi mai kela ui nohea i kona kino ia oe no ka manao o oe ka mea i pakele ai o ko luau mau waiwai mai ka lilo ana aku ia hai. A ina pela io, alaila, eia wake no ka'u ao ia oe e kuu kaikunane a'u i aloha nui ai. He mea pono e nonoi koke aku oe e wehe ia kela aelike hoopalau mawaena o olua, a e ano no e noho wahine ole oe, mamua o ko'u ike ana aku ia oe iloko o na manao kaumaha ma keia mua aku. Oiai, ua ike no oe aohe ou hemahema iki ma ka'u mau hoomakaukau ana no kou mau pono kino, a ke ole no paha au e kuhihewa, ua oi aku no ka'u mau lawelawe ana mamua o kekahi poe wahine a kekahi poe kane-aole anei pela?"

            "He mea oiaio e kuu kaikuahine, he nui ko'u haaheo nou a me kau mau hana maikai fa'u. Ua maopopo no hoi ia'u, he nui ka hemahema o kekahi poe kane mamuli o ka hemahema o ka mea whine ole. Ke ole nae au e kuhihewa, aole paha i makemake mai o Isabela ia'u mamuli o ko'u hookaa ana i ko lauau mau aie, aka, i ko'u nana aku, ua makemake maoli mai no oia ia'u ma o o'u ponoi la no. U3. nui hoi kona haaheo ana no'u oiai ma kekahi po a maua i hele ai ma ka ahaaina a kaHaku Harisona, maloko o kona kekahi nani, ua papahi ia mai au me na hoohanenano ana he nui mai ia Haku Abedina mai, ke Kuhina Nui o ke aupuni, a me na lunakanawai kiekie loa o ka aha kiekie a me ke kaulike o ke aupuni. Oia hoi kekahi mea nana i hooi loa ae i ka makemake iloko o ko Lede Isabela puuwai no'u. Ua hai mai ka Lede Harisona ia'u i kela mea me ka i ana, ua hai aku ka o Isabela iaia, akahi no a ike oia i keia mea he aloha oialo i ke kane."

            "Ina oia ka mea oiaio, alaila, aohe o'u hopohopo i koe nou e kuu kaikunane, a ina pela, he mea pono e haawi aku oe i kau ae ana me ke kanalua ole."

            Me ia mau huaolelo, ua puliki aku la i Helena ma ka a-i o kona kaikunane, a me kona mau onohi maka e nana pono ae ana me a piha i na hiohiona o ke aloha, ua kulou iho la kona kaikunane, a honi iho la ma na papalina o kona kaikuahine. Me ha la, e i ae ana ko Helena mau noonoo: "He wahine ka mea nana e puili a e hono aku ana i kou mau lehelehe ma keia hope aku!

            Ua hoohalaia kela mau la e ke kaikuane ame ke kaikuahine me ka oluolu ame ka maikai. Ua hoomaemae hou ia hoi ko laua home, oia hoi ke pena hou ia ana o ka hale ame ka pakui hou ia ana he ololo hou me ka nani ma ka aoao hikina o ka hale. I ka nana aku ua nani maoli no ka home okeia mau opio, ame he la, he kakela maoli no. Oiai keia mau mau hoomakaukau ana no ka home nani o ke keiki loea kanawai a lalawai hoi o Uwesa Lina, aia no hoi kela Francis Levisona ke hana la i kana mau hana maalea iwaena o ka poe ana i maopopo ai he hilinai ka Haku Vine.

            E hoomanao oe e ka mea heluhelu, elike me ka mea i hoikeia maloko o na helu i hala, no ka hoomaka ana o ua Levisona la e hoino i ko Karaile kulana imua o ka Haku Abedina.

            "Mai manao oe e Sir Francis Levisona he malihini au i ko Mr. Karaile kulana-aole loa! He opio oia a Enelani holookoa nei e pono ai e haaheo me ka naau hauoli, a he mea oiaio, e hoea mai ana no ka la n na alii hanau o Enelani nei e kulou haahaa aku ai inua ona. Nolaila, mai manao oe e hiki ana ia oe ke hoikeike mai ia'u i kekahi mea maikai ole e pili ana no kela opio. Ua like oia me he momi makamae la imua o na maka apau o na alakai aupuni o Enelani nei, a he ipukukui hoi no na aha hookolokolo o ka aina nei," wahi a ka Haku Abendina i kamailio aku ai ia Francis Levisiona.

            He mea e ko Francis Levisona hoonaukiuki i kona lohe ana i kela mau kona enemi ino aka aole nae ia he mea a kona naau e hoopau ae ai no kana mau hana ino a ake hoino no Karaile.

            He mau la mahope mai o kela ahaina nui, ua hele pinepine aku o Francis Levisona i ke kakela o ka Haku Vine. Aole nae oia i maopopo eia ke halawai mau nei ka Lede Isabela me Fanny Morse, ke kaikamahine a ua Levisona la i hoohaumia ai me ka puuwai lokoino, a kiola ae me he puu opala la.

            Mamuli o na hoikeike a Fanny ia Isabela no ka Levisona hana, ua maopopo lea iho la iaia, he kanaka ino loa ka keia kaikunane hanauna ona, ka mea hoi ana i aneane ai e haawi i kona puuwai. Aole o Fanny Morse hookahi wale no ka Francis Levusona i hoopoino ai, aka he nui a lehulehu na lede opio kulana maemae ana i hoopuniehei ai, a i ka lawa ana o kona mau iini ispuwale, ua kapae ae oia ia lakou me he mea ia he mea nana i walea wale a paku-a.

            O ka hapanui o keia poe kaikamahine he poe keiki mai loko mai o na ohana maikai a kuonoono, aka mamuli hoi o ka poino ana (hapai i ke keiki), ua haaleie aku i ko lakou mau home me ka maopop ole i kahi mea aia la ihea kahi i hele ai.

            Ua hoolahaia maloko o na nupepa e na makua o kela poe kaikamahine, a ua hoolimalimaia na maki kiu e hull, aka aole loa nae he loaa iki.

            Nolaila, he lehulehu na makua mea keiki i kanikau no ka I@kon mau kaikamahine me ka manao na make, a ua lawe aihue ia pahe e kekahi poe o na puali hana keaka. No ka mea, o keia poe ui a nani maoli wale no ko lakou kulana.

            He mea ehaeha nae, oiai na makua e kanikau ana, eia no kela poe kaikamahine ke noho pee nei mamuli o ka hilahila ame ke kamuaha o ko lakou mau naau.

            Ua kuhi nae kekahi o keia poe kaikamahine oia wake no keia e anamo nei i keia puoio luuluu me ka manao ole ae he mea e ae no kekahi i loohia i keia poino mamuli o ka hana a kela kanaka hookahi.

            Pela o Fanny Morse i manao ai oia hookahi wale no la ka Francis Levisona i hoowalewale ai a poino, aka, iaia nae e ku ana ma ka puka aniani o kona keena moe, ua ike aku la oia i kekahi kaikamahine opiopio a ui palena ole me na onohi maka uliuli lipolipo e hekauia ana e na hiohiona o ke kaumaha ma ka lanai o ka hale e ku mai ana ma ke kna mai o ko Fanny hale no noho ana, a ma kona uha e hii ana he wahi pepe me he mea la aole paha i anahulu na la iwaho.

            I ko Fanny ike ana i keia mea, ua haupu wale ae la no oia malia paha ua like ka haawina i loaa i kela wahine opiopio elike me ka haawina i loaa iaia. Ua hoomaopopo koke aku la no oia he kulana kaumaha ko kela lede opio, oiai aole loa kekahi kahoaka o ka hauoli ma kona helehelena; nolaila, ua ake nui loa iho la ko Fanny naau e launa oia me kela wahine opio.

            Nolaila, ma ia ahiahi, ua hoohele holoholo aku la o Fanny maloko o ke kihapai mea kanu mahope o kona hale e noho ana, oiai ua pili kokoe loa mai ka hale o ua wahine opio la e noho ana me ka pa mahope o ko ia nei wahi e noho ana.

            Ia Fanny e holoholo ana, aia hoi, ua oili mai la ua wahine opio la me ka hii pu no i kana pepe a noho iho la ma kekahi noho ma ka lanai.

            I ko Fanny kokoke loa ana aku. ua ike aku la oia he oi loa aku keia o ka wahine ui. I kela wa ua ea ae la na maka uliuli poniponi o ua wahine la a nana mai la ia Fanny me ka mino-aka pu ana iho. Na kela mino-aka i hoopau loa ae i ko Fanny hopohopo, a me ke kakali hou ole, ua pane aku la oia:

            "E kela mai ia'u e ka lede maikai he nawaliwali anei kau pepe?"

            "Ae, he ano omaiai oia ioko o keia mau la," wahi a ua lede opio a i pane mai ai me ka mino-aka pu ana mai.

            Iloko o kela mau ahi huaolelo kakaikahi a ua wahine malihini ai pane mai ai ia Fanny Morse, ua hoopiha kroke ia ko Fanny puuwai me ka makemake ame ka hoohihi no keia lede malihini; olaila, ua pane hou aku la o Fanny:

            "He kauka no nae paha ko ka pepe nana e lapaau nei?"

            "Ae, aka, ua olelo mai nae oia ia'u he pomaikai paha ke ola. Aole no nae he ano paupauaho e ehaeha o ka pepe, aka', o ke ano emi mau mai o ka ikaika i kela wa kela wa,, a ke hoomaopopo nei nae au e oiaio ana no paha ka ke kauka olelo," i pane mai ai ka lede opio malihini.

            Na keia mau olelo a ka lede malihini i hoopau loa ae i ko Fanny mau i ko na wahine oia wahi. Hoomaopopo pu iho la no hoi oia, aole keia wahine he kamaaina no keia mau wahi, aka, he malihini. e pee ana mamuli o ka laau hoopai a ke satana hoowalewale.

            Mahope mai o kela wa ua haiawai pinepine ua mau ledo opio ia i kela a me keia la, a i kekahi kakahiaka nui, ua hoohikileleia ko Fanny noonoo mamuli o ka ike ole ana aku o kona mau maka i ka holoholo mai o kona hoalauna ma ka lani o kona hale. Nolalila, ua hele kino aku la oia ma ka hale o ka lede malihino, a i kona ninau ana aku i kekahi poe malaila, ua naiia mai la aia no ka lede opio maloko o kona keena moe. olai ua loohia ia oia me kekahi haawaina kaumaha loa, oia hoi, ua make ia kana wahi pepe.

            I keia lohe ana o Fanny i keia mea, ua komo koke oia iloko o ka hale, a hele polo@ei aku la no ka rumi o ka lede i hookaumahaia, oiai ua hoopiha ia kona naau me ke aloha no kona hoalauna oia mau la pokole.

            I ka @ke ana mai o ka lede opio ia Fanny, ua hookipa mai la oia iaia mei me ka pumehana, oiai no na kahoaka o ka luuluu e hekau ana maluna o kona mau maka, a me ka leo nawaiiwaii ua pane mai la oia ia Fanny Morse:

            "He mea oiaio, ke ike nei au i ka lokomaikai o na lani."

            "O ka lokomaikai anei ia o ka lawe aku i kau mea hookaihi i aloha nui ai?" i ninau aku ai o Fanny.

            "Ina oe e kuu hoaloha maikai e lobe ana. a e hoomaopopo ana i ko'u moolelo, aole e nele ana kou olelo mai elike me ka'u i puana ae uei," wahi a ua lede ia.

            "Pela io paha: aka, he keu nae a ka mea hoehaeha naau o keia kallila ana aku o kau mea i aloha ai mai kou poii aku," wahi a Fanny.

            "He oiaio kela, aka, ina nae kaua e nana pono ana me ka naau akahele e ike no kaua ua hana ke Akua i kana mau mea apau e ku ai no ka pono o kekahi mea. Neiaiia mamaua o ko kaua hoonui wale ana i keia mau kamailio ana iloko o ka pouliuli o kou naau no ko'u kulana. he mea pono e hoomalamalama iki aku au ia no na mea e pili ana ia'u, a oia eia: He keiki au na na makua kuonoono a hanohano no hoi o ka aina, a hanai ia au me ke akahele ame na hoonaauao maikai ia ana.He hookahi wake no au a ko'u mau makua, no ka mea, ua maopopo no ia'u, ua oi aku ko laua aloha ia'u mamua o ko laua manao no laua iho.

            "Nolaila, ia'u i ulu ae ai a nui me ka hookipa mau ia ma na wahi o na makamaka maikai, ua komo aku la au iwaena o na anaina lealea o kela ame keia ano ma na lealea maikai, oia hoi na anaina hulahula, a pela wale aku, a iwaena oia mau anaina ame na lealea o kela ame keia, ua launa aku la au me kekahi kanaka opio nona na helehelena a'u e hiki ole ai ke hoohalike ae i ka ui; aka, i keia wa nae ua like me ko ka nahesa hueloawa, a ua lilo oia i hoa lealea no'u ma na wahi apau a'u e hele ai, a e loaa ana no hoi a pela aku ko maua launa ana a hiki wale i ko'u ike ana iho ua lilo au mai ko'u poo a hoea i ko'u mau wawe i kauwa na ke aloha, oia hoi, ua aloha au me ko'u uhane apau i ua opio la. Aole loa nae au i hoike aku iaia i kela mea, a ma ka;u hoomaopopo aku no hoi, me he mea la ua ike au oia no hoi kekahi i aloha ia'u aka he mau kuhihewa wale no nae kela o'u, no ka mean. he kaa kela na iala i lele a kamaaina, oiai o kana hana ia o ka hoowalewale i na poe elike me ko'u ano.

            "He mau mahina mahope mai, ua haawi aku la au ia'u iho ma ke ano he wahine hoopalau na ua aloha la a'u. Nolaila, mai ia wa mai ua hele mau au me ia ma kela ame keia wahi ana e makemake ai e lawe ia'u. Ua hoohauoli ia na naau o ko'u mau makau, a ua pau ko laua. hopohopo no'u ke hele pu me ua ipo la a'u. I ka hala ana o kekahi mau pule mahope mai, a mamuli no hoi o ko'u paulele palena ole i ua ipo la a'u, a mamuii no hoi o kona koi pinepine mai, aole e hiki iaia ke kakali a hiki i ko maua wa e mareia ai, ua ae aku la au i kana koi, a o ka hopena oia ua ike iho la ua hapai ia au i ke keiki.

            "Ia wa no hoi ua hoea aku i ka wa i hooholoia ai no ko maua wa e mareia ai, aka, ua nonoi mai la nae ua kane la a'u e hoopanee i ka mare ana no hookahi mahina, oiai aole aia i makaukau pono. A i mea hoi no maua e mare joje ia ai, ua hapaila au, he mea pno e mare joje ia maua, i ole ai e lona ka mea a kekahi poe e kamailio ai mahope aku no ka loaa koke o ke keiki iloko o na mahina pokole loa o ka noho mare ana. Nolaila, ma kekahi ahiahi, ua hele aku la maua a noho malalo o ka malu o kekahi kumulaau oka nui, a malaila ua hoike aku la au iaia.

            "I kona lohe ana i kela mea, ua pii ae la ka haikea ma kona mau papalina, a me na maka i like me ko ka iliohae ua ku ae la oia iluna a huli mai la me ka nana popolei ana ia'u, ame ka leo i ano like me ko ka hekili, ua pane mai la oia:

            "E manao ana anei oe e mare aku ana au e oe e ka wahine moekolohe?"

            I ko'u lohe ana i keia may huaolelo ua hooiia ae ia ko'u inaina, oiai owai aku auanei ka'u i moekojohe ai, kai no hol ola wale no: nolaila, ua pane aku ia an me ka wiwo ole:

            "Aole a'u mea e aku i kolohe ai o oe wale no, a pehea la oe i kapa mai ai ia'u he wahine moekohole?"

            E ka wahine! Mai kela ia aku, mai kapa hou oe ia'u he kane nau! Aole loa au e ae iki ana e mare me kekahi wahine i ae i kona kino e hoohaumia mau ia e kekahi kane mamua o ka hoopaaia ana malalo o ka berita o ka mare ia ana elike me ke kanawai o ka aina. Nolaila, he wahine moekohoo oe imua o ko'u mau maka. a imua o na maka o kekahi poe e ae, a o ke keiki e loaa mai ana mai a oe mai, he hua ia no kau mau hana moekohohe. Aole o ko'u ae ana ku e mare ia oe iho ia kou kuma e ae wale mai ai i ka'u koi. He hoao keia a'u ia oe i ike ai au i kou kupaa ame kou oie. Nolaila, i kou wa i haawi mai ai i koi kino ia'u ua like pu ioa no hoi ia me kou haawi hou ana aku i kou kino i kahi mea okoa aku mahope iho o ko mare ia ana. Nolaila, o ka mea oiaio, he makemake maoli no oe i kela hana o ka moekohoe? E nana eo. Mahope mai o keia wa, o oe no ka mea oi loa o ka makemake i kela mea. Noiaila, mai kela ia aku e pau ana kou iko ana ia'u a pela hou an ia oe."

 

CONSTANTINSOPLE AND THE ROSPHORUS.

            O ke kii ae keia e hoike ana i ke ke kai o Bosepora, e pili ana i Asia. Kaua no Konekakinopela, alaila. ma 17 mile a hoea i ke kulanakauhale. aku ai, ailaila, ma ke kowa aku o ke o marmora, he aneane 150 mile. Kulanakauhale o Konekakinopela ame Ina ma Rusia e nee ai ai na aumokuke Kai o Bosepora e komo mai ai, he ina hoi ma ke Kaiwaenahonua e nee adanela e komo ai, a hoea i ke Kai

 

@oolaha Bumau

Ola Nawaliwali

MAMULI O KE

KOKO INO.

            E heiuhelu iho i ka mea i hanaia e ka Ayer I aau Sarasaparila no ka Rev. Z. P. Wilds. he misionari kamaaina loa maloko o ke kulanakauahle o Na loka a hoahanau nohoi o Lunakanawai Wilds i make. he kanaka kaulana:

            "No na makahiki lehulau he inahi au na ka ma'i pa-palahu ame na ma'i aai e ae, i puka noloko mai o ke koko ino. Ono ole mai la ka'u ai. a nawaliwali mai ko'u nui kino apau. Mamuli o ko'u ike ana i ke ola ana o kekahi poe e ae no ko lakou inu ana i ka Laas Sarasaparila a Ayer. ua hoomaka iho la ay e inu i ua laau la. A ua

           

ONO AE LA KA'U AI

            mai ko'u inu mau lea ana mai no i ua laau ia: alaila. hoomaka mai ia ka maikai o ko'u ola. He haneri pa-kene-ta ka oi o ko'u ikaika ae i keia wa., a ua loa mai keia mai ka IAAI SARASAPARILA MAI A AYER. ka laau hoi a'u e hoike aku nei me ka oiaio, ois ke pookela loa o na laau hoomaemae koko i ikeia."

            No na ma'i apau i iosa noloko mai o ke koko ino e lawe i

Ka Ayer Laau Sarsapailla.

 

KA AYER HUAALE

Ka Laau Hoola ao ka Ma'i

Awaaeahia o ka Opa

 

            Ke pookela o na laau no ka maiama ana, ka hoolulu ana me ka hoonani ana i ka lauhoho, oia ka

 

Ayer Laau Hooulu Lauhoho.

            Aole e kepai ke poo, ola na ma'i puapuu, aole hoi heleiei ka lauoho. Ina maloohaha mai ka lauoho. hinawa uawe a ano hina mai, aiaiia, na keia laau e ho'iho'i hou ae e kona ano mau, a hoolulu lupalupa ae ia i ka lauohoi Ma na wahi apaii, o keia Laau Hoolulu Lauoho a Ayer ke pookeia, a ua it@@ ia i punahele a i hoapili no na le@2 ame na keonimana.

           

Ayer's Hair Vigor

I homakaukauia e

DR. J. C. AYER, Lowell, Mass., U.S.A

Na Medaia Guia mai na Hoikeike Nui o ke A@

Holiister Drug Co. Lt.

Na Agena ma ka Paeaina Hawaii.

 

KaKela Kuke.

Ka Halekauai Nui

-:O NA :-

Waiwai Like Ole

-:- -:- O na Mea -:- -:-

HANA KAMANA A PAU.

 

Na Lako I'ili Hao Kakulu Hale,

Na Kepa bela,

Na Lai Iho,

Na Kanalahi Ilio,

Na Pahi,

Na Upa,

Na Kaope Hulu,

Na Pulupulu

 

Na Palau Lio

Na

Mea Mahiai,

Na Au Ho, Na An Koi,

Na kua bipi, Na lei bipi, Na kalahao bipi,

Na nwea pa, Na kaa palala,

Na mea piula, Na

Ipuaho.

 

Makau ME Aho Lawaia

Na Liiwai        Na Pakeke      

Na Kula           Na Pakeke Hao

Na Hulu Pena             Na Kapa Hau

Na Pulaumi     Na Panula

Na Pena me Ails         Na Knkaepele

Na  Kopa        Na Uwiki, a me

Na Aila Maha  Na Ipakaokui

 

Mikini Humuhumu kaulana a

WIlcox & Gibbs

Hookahi Lopi,

Ka REMINGTION, Elua Lopi.

            A me na ukana he nui wake o lela a me keia ano.

 

Kakela me Kuke.