Ka Nupepa Kuokoa, Volume XXXVI, Number 38, 17 September 1897 — Na Moho Lunamakaainana. [ARTICLE]

Na Moho Lunamakaainana.

Mamuli o ka noho ana o ka Hui Nui 0 ka Aoao Uniona Araerika i ka po Poakolu nei, a koho na Elele Wae Moho i hoounaia mai e kela aine keia Apana koho balota o ka mokupuni, i na Moho Lunamakaainana no ka Mokupunl o Oahu nei, ua ikeia na poe Lunamakaainana i waeia e ia aoao, oia hoi mai ka Apana Eha mai, oia o Alatau T. Atkinson. A. G. M. Robertson ame A. V. Gear; a mai ka. Apana Elima mai, o J. L. Kaulukou, S. G. Wilder ame L. L. McCandless. Nolaila, ma ka hoomaopopp ana, e haawi ana na poe koho balota apau i hoopaa ia lkou iho ma ka Hui Uniona Amerika, i ka lakou mau kakoo ana me ko lakou mau balota no keia poe. f O keia poe eono ua haawi mai lakou 1 ko lakou mau hooia ana no ko lakou kakoo ana i ka Papa Alakai Hana i ! hooholoia e ka Ahahul Nui. No ko la-1 kou puka io ana a lilo i mau wahaolelo ma ka aoao o ka poe koho balota, iloko o ka Ahaolelo, na ka la koho balota ia e hoike maopopo mai; aka nae. ina o lakou wale no na moho e holo ana, aole hoi e komo hou mai he moho paonioni i keia mau la kokoke iho, he mea maopopo loa e hoopae laelae ia ana lakou apau ma ka papahele o ka Hale o na Makaainana iloko o ke Kau Ahaolelo o keia makahiki 1898 e hlkl mai ana. He wahi pahaohao noho ko m&kou i ka ike ana, aole hookahi kanaka Hawaii o loko o ka Apana Koho Balota Eha, aka, he poe "111 Keokeo" wale no ( apau ka poe a na Eiele a ia Apana ! wae ai. Minamina nui makou i ka haule ana o Mr. D. L. Naone. Ma ko makou hoomaopopo ana he "palapu" i nui keia i loaa i na poe koho balot& Hawali maloko oia Apana. Aole o makou kue l na inoa a ia aoao ! wae ai a i ikeia ae la. oiai ua manaoio no makou. he poe keonimana kupono maoli no lakou apau no ka Hale o na Makaainana. 0 Mr. Robertson, aohe olelo ana nona. Aka. o ka ikeia ana no nae he kanaka Hawaii kekahi mai ia Apana mai, he kulana kaana maikai i e pono ai e hanaia. Aka, o na poe koho balota nae oia Apana kai ike i ka | mea pono.