Ka Nupepa Kuokoa, Volume XXXVI, Number 31, 30 Iulai 1897 — NU HOU HAWAII [ARTICLE]

NU HOU HAWAII

Aha Mele ma Kaumakapili i ka po o ka la apopo. Ke manao nei kekahi poe mahiko e hookomo mai iloko o ko Hawali nei mau mahiko i na limahana paele. Ma ke kakahiaka Poaha nei i ku mai ai ka mokukaua lapana "Kiei" mai Kapaiakiko mai. He moku ao kaua keia no na lapana opio. Ma ka la apopo e komo ai ka luakini o Rev. J. Kekipi, ma Kulaokahua ae nei. He nui ka poe i konoia e nee aku no keia hana hoolaa luakini. Ma ka Poakahi ae nei e weheia ai ke Kau Kiure o ka Mokupuni o Oahu nei. E Ulo ana keia kau kiure malalo o ka noho kahu ana o Lunakanawai Perry. Ma ka auina la Poakolu nei i holo hoomaamaa ae ai na poe hoe waapa o na hui Matala, Healani ame Leilani. He mau hooliuliu ana keia no na la "hiu-wai" o keia mua aku. Ma ka ulele kinipopo ana mawaena o ka Hui Sana Lui ame ka Hui Regimana, ma ka auina la o ka Poaono aku nei, ua lilo ka eo i ka Hui Sana Lui. He 7 puni a ka mua ia 3 a. ka hope. He wa pokole wale no koe a hoea mai no Honolulu nei he elua mau moku heihei helu ekahi. Hookahi o keia mau moku aia ma Hongkong, Kina, kahi i kapiliia ai ia, a no Mr. Henry Waterhouso ia moku. Poakolu, lulai 2, ku mai ana no Honoiulu nei ka mokukaua Beritania "Penquin" mai na kai hema mai. A ma ka Poalua nei i ike pili Aupuni aku ai kona poe aiiimoku kiekie i ka Peresidena o ka Repubalika o Hawaii. Ke holomua nei no ke paiia ana o ke Kanawai Kivila Hou m& ka Olelo Hawaii maloko o ko makou halepai nei. Ke hooponoponoia nei na hana o kela buke e Mr. J. A. Thompson, kekahi Kakauolelo o ka Aha Kaapuni o Oahu nei. me ke kokua pu ia ana e ka Lunahooponopono o keia pepa. Ua lono lauaheaia ae e waiho aku ana paha o Lunakanawai Wiiikoki i ka noho kahu ana no ka Apana o Honolulu nei a e iilo ana ia wahi ia Mr. C. Fred. Peterson i huli hoi mai nei mai Amerika mai me ka piha makaukau i ka ike kanawai. He paina la hanau kai haawiia ma kahi noho o na makua o Mrs. E. N. Voelier, ma Alanui Kuakini, ma ke ahiahi Poaono nei. Malaila ae kekahi poe nllimoku o ka Piiedelepia ame na poe e ae he nui kahi i luana ai iloko o na hauoli ulumahiehie. Mawaena o ka hora 2 ame 3 o ke k&kahiaka Poakolu nei ua loheia ke kanl ann o keKahi pu no elua manawa tna kekahi hale ma ke kihi o na Alanui Alakea ame Moiwahine. O ke kumu, ua olelo ka mea nana i ki i ua pu la. ua ike oia i ka lima o kekahi Pake e hapapa ae ana ma ka puka aniani, & ua paa nohoi iaia ua Pake nei, aka, no kona ikaika ole paha, ua hemo a lilo k& Pake.