Ka Nupepa Kuokoa, Volume XXXVI, Number 29, 16 July 1897 — Untitled [ARTICLE]
I ke komo ana o ke kuikahi hoohui Aupuni a Hawaii iloko o ka Aha Senate. mai ka Mana Hooko aku o ke Aupuni o Amerika Huiia, o ke kani ana ia o ka moa kuakahi; o ka hooholo ana o ka Aha Senate e waihoia ke kuikahi iloko o ke Komite o ko na Aina E, o ke kani ana ia o kā moa kua-lua; a hoihoi ke Komite o ko na Aina E i j ka hoike iloko o ka Hale, oia ke kani ana o ka moa kua-kolu; a ma ka wa j e koho ai ke Senate no ka lanakila a no ka lanakila ole paha o ke kuikahi, j o ke olowalu ana ia o ka moa. Aia no! ke Kuokoa m'a ke alahele pololei. Elua I moa i lolieaia na kani ana; o ka moa kua-kolu koe a hehi aku i ke olowalu ana, a o ka hoea no ia i ke ao Hoohui Aupuni.