Ka Nupepa Kuokoa, Volume XXXVI, Number 29, 16 July 1897 — KA AHA APANA O HONOLULU NEI. [ARTICLE]

KA AHA APANA O HONOLULU NEI.

Ma ka Poakahi nei i noho ae ai o Mr. L. W. Wilcox i "kahu" a i "maku,i" no ka Aha Apana o Honolulu nei, ma kahi o Mr. De La Vergne i waiho aku. Ua loaa i keia Aha no nei wa he kanaka makaukau a kupono no na hana lehulehu wale e komo ana iloko o keia oihana waiwai nui o ke Aupuni. He kanaka keia i kamaaina loihi i ka lawelaweia ana o ka Oihana Kanawai ma ka Aha Kiekie o ko Hawaii Pae Aina. a ua lilo na aha hookolokolo kakau i mau halekula ao kanawai no keia kanaka. Aole paha e loaa he lua elike me keia keonimana i hoonohoia ae la ma keia noho hookolokolo, oia hookahi wale iho no ia i kona ano. Māloko o ka Hale Kaukanawai o keia Aupuni. * oia nohoi kekahi lima hana ikaika o loko oia hale, a ma ia ano ua kamaaina oia i na hoakaka ana ame na alakai naauao a na kanaka hohonu o ka ike i houluuluia malaila maluna o na ninau kanawai koikoi a ka hale i noonoo ai. Maluha ae o na mea apau, he puuwai kona i ake loa e hanaia ke kaulike maluna o na mea apau.