Ka Nupepa Kuokoa, Volume XXXVI, Number 27, 2 Iulai 1897 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Mea Huna Pohihihi

 

 

@ @ Ke Kilohana @ @ o ka lāhui Hawaii.

 

 

Mokuna XXIV

 

 

Ka lede Alamira-Ka Hoopakele i ka Wa popilikia

 

“Me he mea la o ka hapalua like paha keia wahi a kaua e ku nei mai Tereveliana Pa mai a hoea i kahakai.” wahi a Alamira i pane ae ai iaia huli hope ae ai a nana aku ia Tereveliana Pa.

 

He mau sekona kona o ka nana ana aku i ka home aloha a kona luaui makuakane i noho ai. aiaila. huli ae la ia a hoeu ae ia i kona lio. Iho aku la ia ma kela aoao o ke kiekiena ana  ku iho ai.

 

Aia ma ke kumu o keia wahi kiekiena hoo-ihona, e moali ana he wahi kahawai, nona hoi na wai e amio ikaika ana me ke kupikipikio ahiu, a e hoike ana hoi mamua ponoi aku o ke kumu o keia hoo-ihona, a hoea ma kela kapa mai o ua wahi kahawai la, he wahi uapo ano kahiko. A mai keia wahi uwapo aku, nona paha ka mamao he mau haeri anana e ku ana he wahi puu, a na ia wahi puu i alai mai i ka hiki ana I ka ike o na maka o ke kanaka e nana aku ana mai kahi uwapo aku, i ka mea e maalo mai ana ma kela huli mai o ua puu la.

 

I ka hoea ana’ku o Alamira am eke kauwa ma ua wahi uwapo nei, ua ike aku la o Alamira i na lala o kekahi kumulaau nui i hoohinafa e ka wai, e pili ana i ua wahi uwapo la, a ia wa i olelo ae ai oia:

 

“E Toma, e kali oe a kau au ma keia aoao, alaila, o kou wa ia e hele ae ai.”

 

O ka manawa no ia ana i hoeu ae ai i kona lio, eia nae ua ano hoololohe iho la ua wahi lio nei, me ka hoike ana ae o kona mau ano apau i kona makemake ole e hooko aku i ke kauoha a kona haku wahine; aka, mamuli o ka pakela hookikina o kona haku opio, ua lele aku la oia no mua.

 

He mea olaio, mamuli o keia lele ana a ua wahi lio nei a haule hou iho kona mau kapuai a kau maluna o ka uwapo me ka ikaika loa, ua loheia ae la kekahi uuina nui ana mai o a o o ka uwapo, a hiolo iho la ia me ka pokopoko liilii iloko o ka wai e hele uluulu ana me ka ikaika Iauna ole, a haule pu aku la o Alamira ame kona lio iloko o ka wai.

 

Auwe! Ua lilo anei o Alamira i ka hee-pue-wai?

 

Ma keia wahi i haule aku ai o Alamira ilalo. ua kahuli mai la na lala o ke kumulaau i pili ai ma kahi uwapo, a halao’a ae la ma o a maanei o Alamira, a he laki nui keia i loaa iaia.

Oiai, me ka noonoo hikiwawe i ulu ae iloko ona iloko oia hora o ke kupilikii, aia hoi, apakau koke ae la knoa mau lima me ka eleu nui e paa kekahi lala o ua kumulaau la. He mea oiaio, ua paa ae la iaia kekahi iaia o ua kumulaau la. a @ oia i paa iho ai.

 

O kona lio hoy keia ua koia aku la e ka wai, a oiai nae he ano maikai aku ia wahi o ka hele ana o ka wai, nolaila, aole no i hele inoino loa ke koai ia ana’ku o ua wahi lio nei.

 

No keia poino i loohia iho maluna o Alamira, ua hoopilikia loa ia o Toma kahi kauwa, a ua holoke ae la ola ma o a maanei o kapa o ke kahawai me ke pihoihoi nui. oiai hoy kona mau lima e puili ana ma ke alo i kahi wa. a e noke ana hoy i ke ka ma o a maanei me he pupule ia.

 

Me ka hoomanawanui, hooikaika ae la o Alamira e hoolana iaia iho mailoko ae o ka wai. mamuli o kona pilana’ku maluna o kekahi lala o ke kumulaau. Ua hooikaika ia me ke aumeume nui ana i keia wa a hiki i kona kau pono ana iluna o ua lala nei a noho iho la.

 

Ala hoy kahi kauwa o Toma ke ninau pihoi la:

 

“E kuu haku opio, heaha la auanei ka’u hana pono! Auwe no ka hoi e! Aole paha e hiki ana i kena kumulaau ke mau loa iho ma kona wahi au e noho mai la! Eia hoi au, he elemakule, a hiki ole nohoi ke au.”

 

“Mai pihoihoi oe, e Toma,”  wahi a Alamira i pane mai al, ola keia, e nana mai oe lua paha ua paa pono ke kume o keia kumulaau i kekahi pohaku ma ka pili kae kahawai, a I ole ia, malia paha he kumulaau nohoi keia aia ma la wahi kahi i paa ai kona mau aa.”

 

Ua hooko aku la o Toma i keia kauoha a kona haku opio, ua nee mai la ia a ma kahi e moe ana ke kumulaau a  nana iho la. a ike iho la ia he kumulaaa io no ia ma ia wahi kahi i ulu ai mamua, a e mau ana nohoi kapaa o kona mau aa, aka, ma keia wa nae, ke hoomaka mai o ko lakou mau wahi i kolo aku ai, a no ia mea. Ua hooho hou ae la ua wahi kauwa nei:

 

“Aole liuliu a hemo holookoa aku keia mau aa; Aia la! Ke hoomaka nei lakou e mokumoku i kea wa! Auwe no ka hoi ka poino o kaua e! Na kou kaumaha e kaomi la maluna o kahi au e noho la i kokua ikaika i ke ko ana a ka wai, a me he mea la iloko o elima minute e lilo holookoa aku ana keia kumulaau mai keia wahi aku, a o oe ka hoi ka mea aloha. E kuu haku opio.”

 

“Pela io no! Nolaila, e Toma. E holo koke aku oe me ka awiwi nui no ke kiiana’ku i kokua!”

 

“Kahaha! I hea la ka’u kokua e kii aku ai! Ina paha e holo loa ana au no kauhale, aole paha au e hoea aku iluna o keia puu a kaua i iho mai nei a o kou lilo no ia i ka wai, e kuu haku opio!” wahi a ke kauwa.

 

“Pehea; aole nae paha he hele kokoke mai ma keia wahi aku nei? Me he la, he puka-uwahi hoi ka’u e ike nei I uka o ke kahawai.”

“Ae-ae! He oiaio ka hoi ia,” wahi a Toma, “He kanaka io no ka hoi ko uka aku nei o keia wahi, a----“

 

Aole i pau  pono loa aku na mamala huaolelo hope a ua wahi Toma nei i manao ai e hoopuka mai, aia hoi, alawa ae la kona mau maka maluna o ka puu, mauka aku o kahi a Alamira e noho ana iluna o ka lala laau, ia wa oia I iko aku ai i kekahi hololio e oili mai ana maluna o ua wahi puu nei, a iho mai la ma keia aoao me ka holo hoomaha ole ana o kona lia.

 

Ua ike pu aku la nohoi o Alamira i ua hololio nei.

 

Aka, aole nae i liuliu, ua nalowale mai la ua hololio nei iloko o kekahi oawa, a i keia wa i hooho kohu pupule ae ai o Toma:

 

“E kuu haku! Ua pomaikai kaua, ua loaa ko kaua kokua! O kela kanaka a kaua i ike aku nei, aole ia he kanaka e ae, aka, o ka Haku Opio no ia o Rosevena, a’u i kamailio aku nei ia oe. Nolalla, e kuu haku, e hoomanawanui! Na ke Akua lokomaikai keia ola o Kaua.”

 

“Pela io  no paha; aka, aole nae au i ike pehea la auanei e hiki ai iaia ke hoopakele ia’u, oiai ke ike nei au, aole e hala he mau sekona hou aku e noho ai au penei, a lilio aku au i ka wai. Ina e hoea koke mai ana i keia wa, e aho paha ia. Aka, e Toma. E hele aku oe e kokua i kahi lio e hoao la e pae ma kapa o ka muliwai. E hooikaika oe e huki aku iaia a kau iluna.”

 

Hele aku la o Toma, elike me ke kauoha a kona haku, e kokua i ka huki ana mai i ka lio a kau i kula, a ma ia wa hoy, aia o Alamira ke noho la me ka noonoo nui ana nona iho. Ike lea iho la ia, ma ka wa e ahai aku ai ka waikahe i ke kumulaau ana e hau ana, oia kona wa e ka-lilo loa ia aku ai e ka wai a hoea i ka moana. Ike pu iho la ia, ke hoomaka mai la ke anu e homaeele hui i kona kino.

 

A ia wa i huli ae ai kona mau noonoo walohia no kona mau makua ame kona mau pokii kaikunane---ike iho la ia e apahu pu ia ana ka hoy ka hana ana i hooiki ai, oia hoi ka hana ana i hoohiki ai, oia hoy kona hookoo ana ma ka meheu pohihihi e ikea ai ka mea huna nana i hoopilikia i kona luaui makuakane.

 

Ma ia wa hanini iho la na waimaka ma kona mau papalina, a iaia i huli aku ai a nana i uka o ke kahawai ike powehiwehi aku la ia i kekahi waapa me ke kanaka maluna iho e holo mai ana, a lohe koliuliu aku la nohoi oia i keia mau huaolelo:

 

“E paa me ka hoomanawanui i ke kumulaau! Mai haalele oe i ka paa ana i ke kumulaau ma kona wa e lilo ai ka wai! Mai makau a hopohopo! Aole e liuliu a pili aku au ma ka aoao.”

 

Ka ume Mageneti ma ke ala o ka hoopakele---Ka waapa i na ale apiipii o ka waikahe ahiu. Hookahi oe, hookahi au, alo kaua i ka ehuehu.

                                                (A keia pule ae.)

 

 

Kaumaha Luuluu

 

 

Mr. Lunahooponopono,               ---

                Aloha oe:             Ua oluolu i ka Mea Mana Loa ka lawe ana aku i ka hanu o ka maua lei aloha he keiki, David Keliinui Kunukau ma ke ala o na mea apau a haalele mai la ia maua na makua ame ka Ohana apau ma keia ao mauleule me ka ehaeha.

 

Ua hanauia oia ma Kanalo, Honuaula, Maui, ma ka la 10 o Lulai, M.H. 1894, a ua piha iaia na makahiki elua, 11 malama ame 15 la, a hoy aku la ma ka poli o ka mea nana i hana. Minamina wale!

 

E hoonanila ka inoa o Iehova. Nana no i haawi mai, a nana no I lawe aku. O maua no me ka luu,

GEO. K. KUNUKAU,

EMILY K. KUNUKAU.

 

 

He mau tansani poe i konoia e hoao i ka Laau Kunu a Kamalena, ma ka heluhelu ana i na hana ana a ua laau la i kekahi poe e ae, a mamuli hoi o ko lakou hoao paka maoli ana no lakou iho, ua lilo lakou i poe hoaloha pumehana loa no keia laau i keia la. E kuai la ana e na poe kuai laau lapaau apau. O BENSON, SMITH & CO., na Agena ma Ko Hawaii Pae Aina.

 

He Moolelo No Ka

 

LEDE ISABELA

 

: KA MEA I KAPAIA :

 

Ka Anela Nani o ka Malamalama

 

MOKUNA III.

 

“O ke aha la ka palena o keia mea he ui?

 

“Heaha iho la hoy kona mea i manao ai e huna mai ia’u i keia hana oi kelakela loa a kona uhane lokomaikai i hana ai me ka puuwai hamama? Aka, ke ole nae au e kuhihewa, ua maopopo no ia’u ka mea nana i hana keia hana lokomaikai nui wale; a ua ane maopopo no ia’u kona kumu i huna ai mai a’u aku i kela hana.” Wahi a ka Lede Isabela me ka huli ana o kina mau maka nunui mohaha a kiola pau aku la i ka mageneti o kona mau onohi ooi noii maluna o na hiohiona olu waipahe o ka loio opio puuwai hamama. Me ke kali ole ua pane aku la ka ui i ka opio me na mino-aka kaili puuwai e haiamu ana ma kona mau

Papalina, oiai hoy ka opio i kela wau a hele kona mau papalina a haikea no ka mea, ua maopopo iaia, ua ahuwale ka noa i na maka noii o ka ui nohea:

 

                “E Mr. Koraile, ke hoomaopopo nei au, o oe ka anela maikai nana i hoopakele i ko’u luaui aloha mai na lima mai o ka poe lokoino, a nolaila, ke kulou aku nei au me ka kauwa haahaa mau malalo o kou mau kapuai wawae, oiai ua maopopo no ia’u aole loa e hiki ana ia’u ke hookaa aku a panai aku hoi i kela hana lokomaikai nui wale au ma o ko maua aoao la.”

 

“E kuu leke maikai a kiekie, e kala moi ia’u ma ka i ana’ku, aole loa ou aie ia’u, a aloe loa au e ae iki ana e kapa hou oe iaia oe iho he kauwa, oiai, ma na ano apau ua like oe ma ko’u puuwai me he onohi daimana la i pa tausani ia a oi  aku kona waiwai io! Eia wale no ka’u nonoi ia oe e kuu Haku Lede maikai, a ina oe e ae ana, alaila, aole lakou e kamailio hou no kela mea, oia hoi, e lilo oe i kaikuahine nou’u a i kaikunana hoi au nou, a iloko o kela ame keia sekona, e makaukau mau no au e molía i ko’u kino a me ko’u ola no kou pono a me kou maluhia i na la apau o kou ame ko’u ola ana. Aole a’u noi e ae mawaho oia, a ina e ae oluolu mai ana oe, alaila, aohe a’u mea hauoli e ae malalo iho o na kukuna o ka la!” wahi a ka opio.

 

“ O kau noi, e kuu hoalha maikai, he mea maalahi wale no ia ma ko’u aoao, a oiai akahi no kaua a launa, ua hiki loa ia’u ke ike, a ua maopopo ia’u, ua hike ia’u ke waiho aku i ko’u kino ame ka maemae o ko’u inoa iloko o kou lima me ka paulele me ko’u uhane holookoa.” Wahi a ka ui nohea, a ia wa ua hoomau hou aku la oia:

 

“ Ua nele au i na huaolelo kupono no ka panai ana’u i ka’u mau hoomai ma ko’u aoao; aka, na ke au o ka manawa e hoike aku eia oe ame kou kino holookoa ua kakiaia a paa ma kahi kuliu o ko’u ola ana.”

 

I kela mau olelo a ka ui nohea ua hiki ole i ka opio ke pane mai, aka, ua maopopo no nae iaia ke kaona o kela mau mamala olelo.

 

Ia wa ua pane koke mai ia ka makuakane:

 

“He mea e ko’u hauoli no kou manao maikai e kuu kaikamahine, oiai ua mapopo ia’u, aole paha ou makua maikai e ae mawaho ae o keia opio, a he mea e hoi ka maha o ko’u uhane ke ike e au mamua o ka lawe ana’ku o ke ike e au mamua o ka lawe ana’ku o Ke Akua i ko’u ola ua hipuuia olua iloko o ke kaakolu o ka verita maemae o ka mare.”

 

He mea e ke kahaha o ka opio no ka maalahi ame ka hikiwawe o ka ae ana o ka ui nohea ame kona makua alii e haawi mai nana kela pua aaia makamae nona ke kumukuai i oi pakeia aku i ko na momi.

 

(Mai ka aoao 1 mai.)

 

Ka lakou hoike ma keia Ahaolelo Kuikawa e noho nei. Ua manaoia o ke kulana e ku nei ke Komite ma keia ninau, he ewalu ma ka aoao apono a hoea ka heluna i ka eiwa.

 

OKALA NA HULU PEPEIAO O KA LIONA PELEKANE.

 

Ladana, Iune 23.—Ma ka la apopo, iloko o ka Hale o na Makaainana, e waiho aku ai o Ernest William Beckett, lunamakaainana kuokoa mai ka mahele koho balota mai o Whitby, o North Riding o Yorkshire, he ninau imua o ke Aupuni, elike me keia ke ano:

 

“Ua hoomaopopo anei ke Aupuni, ua hoohauleia ka Moiwahine Liliuokalani mai ka nohoalii aku e kekahi puulu kanaka uuku o na Amerika a he poe hoi i lawe ae i ka mana hoomalu Auouni maluna o HAwaii, ka poe hoi i nele i ke kulana ame ka pono ma ia hana ana; a i keia wa, i mea e hoopakele ai ia lakou iho mai ka inaina mai o ka lahui, ua nonoi aku la lakou i ke Aupuni o Amerika e hoohui aku ia Hawaii; a ua manao anei o Beritnia Nui e ae wale aku i keia wahi hoahu lanahu ano nui e lilo aku iloko o na lima o Amerika Huiia me ke kue ole aku?”

 

ONI HOU IA KINO OLA O KA HOOHUI AUPUNI.

 

Wasineton, Iuna 23.—Ua waiho mai nei o Luna Senate Mogona o Alebama he bila kanawai e hooponopono ana i ka hoohui ana mai ia Hawaii me Americka Hulia.

 

KEKAHI LONO HOU NO KA HOOHUI AUPUNI.

Ladana, Iune 16.—Ua hoomaopopoia ua hooholo loa ia ka Bila Kanawai Dute, a ua Waiho aku o Peresidena Ma Kinile imua o ka Ahaolelo he kuikahi e hoohui koke ana ia HAwaii me ke kaukai ole i na kumu aelike.

 

 

NA ME HOU MA KA MOKUAHI “PEKINA” MAI.

 

I ka laulaha ana ae o ka lono maloko nei o ke kulanakauhale, aia ka mokuahi “Kulanakauhale o Pekina,” mai ke komohana mai, ke hookokoke mai la i ke awa nei o Kou. Ua na holo awiwi aku la he heluna mahuahua loa o na kanaka o uka nei o ke hoolonolono ana o ka loaa mai he wahi mahuihui nuhou no ka mea e pili ana i ke kumuhana “Hoohui Aupuni mawaena o Hawaii nei ame Amerika Hulia.” Mamua hoy o ka hookomo loa ana mai o ka moku no loko nei o ke awa. Ua hoea e mai la kekahi o na kakauolelo o ka Hale Leta no uka nei o ka aina a hoike mai la, ua kakauinoia ke Kuikahi HoohuiAupuni e Kuhina Day, ma ka aoao o Amerika Huiia a o Kuhina Francis Haki, me Messrs. Lorring A. Thurston ame W. A. Kinney, ma ka aoao o ke Aupuni o Hawaii, a ma ka la 16 o Iune aku nei i hoouna aku ai o Peresidena @ iloko o ka Aha Senate. Ua koho koke ka Aha Senate e waihoia ua kuikahi ia i ke Komite o ko na Aina E. Ua noonoo koke kela Komite i ua kuikahi la, a ua apono lakou me ka hakalia ole a hoike aku la lakou imua o ka Aha Senate. Ma ka la 17 ae e koho ai ka Hale no ka hooholo loa i ua kuikahi la.

 

Ua hoikeia mai, he iono keia i loaa aku ma kekahi lono telegarma i loaa aku ma Iokohama mamua koke iho o ka wa i haalele aku ai ka mokuahi ia laila.

 

                NA LONO NUPEPA NO KE KUIKAHI HOOHUI AUPUNI MAI IA PANA MAI.

 

“Ua hoolaha ae ka nupepa Jiji Shimpo o Iune 19 i keia lono kukawa mai kona mea kakau mai Ladana mai, i kakauia ma ka la 17:--Ua kakauinoaia ke kukahi e ka Peresidena. A e hoouna koke ia aku ana i ka Aha Senate. Ua kue aku nei ke Aupuni o Iapana ia mea.”—Ua hoike ae nohoi ua nupepa la, ua kauoha aku ke Aupuni o Iapana i kona Kuhina Noho ma Wasinetona e kue aku i ke aponoia ana o ua kuikahi la, a ua kauoha pu mai nohoi ia i kona Kuhina e noho nei ma Hawaii nei, e kue mai no i ke aponoia ana o ua kuikahi la a hiki i ka wa e pau ai ka hooponoponoia ana o ka ninau hoopaelimahana e hoopaapaaia nei mawaena o Hawaii nei ame Iapana.

 

HOOIAIO LOA IA KE KAUINOA IA ANA O KEIA KUIKAHI E KE KUHINA IAPANA MA WASINETOMA.

 

Ua hoopukaia he nupepa “Panai” mai ka nupepa “Yomiuri” aku, ma ka la 18 o Iune, a maloko o laila ikeia ai keia lono telegarama i loaa aku i na luna Aupuni Iapana mai a Mr. Hoshi, ko Iapana Kuhina ma Amerika:

                “Ua kakauinoaia ke kuikahi Hoohui Aupuni a Amerika Hulia me Hawaii ma Washinetona, e na Komisina o na Aupuni elua, ma ka la 16 nei.”

 

NA KUMU I LILO AI KA LAAU OLA A KAMALENA I LAAU POOKELA NO KE NAHU, KOLERA AME KA HI.

 

1.        E loaa hikiwawe loa ana ka oluolu ke eha ka opu, ke nahu a loohia paha i ke cholera morbus.

2.        Oia wale no ka laau lapaau puhili ole ma na ma’i hi-koko a hi maoli i hele a ikaika loa.

3.        Oia wale no ka laau e ola ai ka hi kau loihi.

4.        Oia wale no ka laau e ola ai ke nahu haoa.

5.        Oia wale no ka laau e ola ai ka hi-koko laulaha

6.        Oia wale no ka laau hiki ke hilinaila ma ka wa e loaa ai i ke cholera infantum.

7.        Oia wale no ka laau puhili ole no na ma’i o ka opu.

8.        Aohe ulu mai na hopena ino mahope iho o kona inuia ana.

9.        He maikai a palekana nohoi ka inu ana.

10.    He oi loa aku na ola i hoopakeleia e keia laau i ko kekahi laau e ae ma kea o nei apau. E kualia ana e na poe kuai laau lapaau apau. O Benson, Smith & Co., n Agena ma Ko Hawaii Pae Aina.

 

 

He 57 ka nui o na poe make o Honolulu nei ma ka mahina aku nei o Iune. He 27 poe Hawaii, 9 Pake, 8 Pukiki, 8 Iapana, 1 Pelekane, 2 Amerika, a 2 no na lahui e ae. Ua like ka huina o na make o keia mahina ma keia, makahiki me ko ia malama no ma ka makahiki me ko ia malama no ma ka makahiki i hala , ame ka makahiki 1895.

 

 

Mahope iho o ka hala ana o na makahiki ekolu o ka loohia ehaeha ana o Mr. Isaaka Horner, ka ona o ka Hale Burton, ma Burton, W. V., a he kanaka hoi i kamaaina nui ia ma keia mokuaina, me ka ma’i rumatika, aia hoi ua hoolala oia. Olelo oia: --“Aohe i lawa ia’u na hua olelo e hiki ai ia’u ke hoike aku i ka nui o ko’u ehaeha, ua @ mai ko’u mau kauka, aohe a lakou mea e hana mai ai no’u; a ua ike pono nohoi ko’u poe hoaloha, aohe io no he mea kupono e loaa ai ia’u ka maha, aka o ka make wale no. Iloko o Iune, 1894, ua olelo aku la o Mr. Evans, e noho lawelawe kuai ana ma ka Hui Kuai Laau Lapaau o Wheeling, e hoao au i ka LAAU HAMO A KAMALENA. I keia wa, ua pehu ae la kuu wawae ame kuu lima a kohu opeope nunui, me he mea la i ka’u hoomaopopo iho e pahu maoli ae ana kuu wawai, aka, mahope koke iho o kuu hamo ana me ka Laau Hamo, emi iho la ka pehu, pau ka eha ame ka hu’i, a i keia wa ke manaoio loa nei au ua ola loa au. E kualia ana e na poe kuai laau lapaau apau. O BENSON, SMITH & CO., na Agena no Ko Hawaii Pae Aina.

 

HOOLAHA KUMAU.

 

Ola Nawaliwali

MAMULI O KE

KOKO INO

 

 

E heluhelu iho i ka mea i hanaia e ka Ayer Laau Sarasaparila no ka Rev. Z. P. Wilds, he misionari kamaaina loa maloko o ke kulanakauhale o @ @ a hoahanau nohoi o @ Wilds i make, he kanaka @.

 

“No na makahiki lehulehu he @ au na ka ma’i pa-palahu ame na @ aai e ae, i puka noloko mai o ke koko ino. Ono ole mai ia ka’u ai, a nawaliwali mai ko’u nui kino apau. @ o ko’u ike ana i ke oia ana o kekahi poe e ae no ko lakou inu ana i ka Laau Sarasaparila a Ayer, ua hoomaka iho la au e inu i ua laau la. A ua

 

                                                                                     ONO AE LA KA’U AI                                 

 

Mai ko’u inu mua loa ana mai no i @ laau la: alaila, hoomaka mai la ka maikai o ko’u ola. He @ @ @ ka oi o ko’u  ikaika ae i keia wa, a ua loa mai keia mai ka LAAU SARASAPRILA MAI A AYER, ka laau hoi a’u e hoike aku nei me ka oiaio, oia ke pookela loa o na laau hoomaemae koko i ikeia.”

 

No na ma’i apau i loaa noloko mai o ke koko ino e lawe i

 

KA AYER LAAU SARSAPAILA.

 

KA AYER HUAALE Ka Laau Hoola no ka Mai’i :-: Awaawahia o Ka @

 

 

Ke pookela o na laau no ka malama ana, ka hooulu ana me ka hoonani ana i ka lauoho, oia ka

 

Ayer Laau Hooulu Lauoho.

 

Aole e kepia ke poo, ola na ma’i puupuu. Aole hoi helelei ka lauohoh. @ maloohaha mai ka lauoho. @ nawe a ano hina mai, alaila, na @ laau e ho’iho’i lupalupa ae la i ka @. Ma na wahi apau, o keia Laau Hooulu Lauoho a Ayer ke pookela, a ua @ ia i punahele a i hoapili no na @ ame na keonimana.

 

Ayer’s Hair Vigor

 

I homakaukauia e

 

DR. J. C. AYER, Lowell, Mas., U.S.A.

 

Na Medala Gula mai na Hoikeike Nui o ke Ao

 

Hollister Drug Co. Lt.

 

Na Agena ma ka Paeaina Hawaii.

 

Kakela Me Kuke

 

Ka Halekuai Nui

 

-----O NA----

 

WAIWAI LIKE OLE

 

NA MEA

 

HANA KAMANA A PAU

 

Na @ pili hao kukulu hale,

    Na kepa,

        Na lei ilio.

            Na kaulahao @,

               Na Pahi,

                   Na upa,

                       Na kope @,

                         Na @.

 

PALAU LIO

 

Na mea @,

Na au @,

Na au koi,

Na koa @,

Na lei @,

Na kaulahao @,

Na uwea pa,

Na kaa palala,

Na mea @,

Na @.

 

Makau me Aho Lawaia

 

Na @

Na kaula,

Na @ peha,

Na @,

Na pena, me ka aila.

Na kopa, Na aila mahu

Na @

 

Na @,

Na kapuhao,

Na @,

Na @,

Na @,

Na @, a me

Na @.

 

Mikini Humuhumu aulana

 

Wilcox, & Gibs @ Lopa

 

ka Remington, Elua Lopi,

 

A me na ukana he nui loa o keia ano ame keia ano.

 

Kakela me Kuke