Ka Nupepa Kuokoa, Volume XXXVI, Number 27, 2 July 1897 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

Mai a Mahope aku o Iulai 5.1895

 

Will o Ewa, Kaa ukana.na la apau, koe ke Sabati. Hiki i waiamai, na la apau. Hiki Will o Ewa, na la apau. Hiki Waianae, Poaono me Sabati wale no. Hiki i Waianae, na la apau. A.M.A.M.P.M.  P.M. Haalele ia Manana  7:10 9:58 2:25 2:28 5:53 Haalele Will o Ewa 8:10 10:19 2:19 2:49 6:14 Hiki i Waianae 10:54 8:24 6:49

Waianae na la a pau. Will o Ewa kaa ukana na la a pau Koe Sabati. Waianae na la a pau. Will o Ewa na la a pau. Hiki ia Waianae na Pononomo Sabati. A.M. A.M. P.M. P.M. P.M. Haalele ia Waianae 6:44 1:32 4:16 HaaleleWill o Ewa 7:19 9:10 2:07 3:51 4:51 Haalele ia Manana 7:50 9:48 2:38 4:22 5:22 Hiki I Honolulu 8:23 10:30 3:11 4:55 5:55 E lawe ana na kaa ahi hall ukana I na kaaohua o ka papa ekahi. G.P. DENISON, Luna. F.C. SMITH, Luna Kuai Palapala Holo

 

 

NU HOU HAWAII

 

Mea ia mai hoi, eia i Honolulu nei ke ahí o Wailuku. Ae. Ua hui iho la.

 

“Hui aku, hui mai,” ka moto ulumāhiehie o kela au.

 

Aloha Ke Aloha Aina. Hewa anei kaua ke hoohui?

 

I keiaPoakahiae e ku hou mai ai ke Kinau no Honolulu nei.

 

  Aloha Ka Makaainana. Hoohui ia kaua. Hewa ia la?

 

Owai kou hoa e hui ai? O ka ili puakea o Maleka e o mai oe.

 

Ua lili ae nei ka noho Lunahooponopono o ka nūpepa P. C. Advertiser i kela wa ia Mr. W. H. Wini.

 

 Mai poina i ke ahiahi o ka la apopo. Oia ka wa e kauluwela ai o Kou ae nei i na kukui.

 

Ma ka mokuahi Kinau o ka Poalua nei i hoi aku ai o EpikopoGulekana no Maui ame Hawaii.

 

Ma ka mokuahi Kalaudina o ka Poalua nei i huli hoy aku ai o Mrs. J. W. Kalua no Wailuku.

 

Ma ka auina la Poakolu nei i hookiae ai ka Papa Hoopaa Inoa Koho Balota o Oahu nei.

 

Lonoia mai ana he pepehi wahine ma ka Poakolu nei ma uka ae nei o Peleula. Pela anei?

 

Ua huli hoi aku o Rev. Kivini L. Desha ma ke kinau o ka Poaluanei no kono kīhāpai i ka Ua Kanilehua o Hilo. Oia ame kana mau keiki ekolu.

 

Aloha Ka Loea Kalaiaina. Maanei mai kākou ma ka mehana. Hoohui aku, hoohui mai, a hookahi no wai o ka like. He hewa ia la?

 

Australia ke hoea aku oe i ka Ipuka Gula o Kaleponi , mai poina oe i ke ani peahi wale ae i kuuCecillaKealoha e noho mai la i Santa Cruz. Aloha oe!

 

Heaha kahi mea hou?He Annex.U-hu! Ke ahi aku ia kena o Aneki, ke hele ia a wewelo ka aulama I ke alo pali. He hui ia.

 

Ke holomua loa nei ka nee ana o na hohanaia ana o ka alanui oki hou mai ke Alanui Papu aku a hoea I ke Alanui Nuuanu. O kahi hapa kēia o ke Alanui Vineyard.

 

E haawiana ka Bana Puhi Ohe Lahui he anaina aha mele ame puhi ohe maloko o ka luakini o Kaumakapili ma ke ahiahi o ka Poaono, Iulai 10. Me kahi kemu e ike aku ai.

 

 Aloha Ka Ahailono o Hawaii. I ke anu no anei oe e pupue ae, haalele ia mai ka mehana i ka poli o ke hoa? Hoohui kau weiau me ke kiko waena e manaoae ka hookuina o ke hoa i ke Kuokoa nei ia. Hui kaua.

 

Ma ka hora 4 o ke ahiahi Poakolu nei i haalele mai ai ka mokuahi Australia ia Honolulu nei a oni aku la i ke kai halai lana malie o ka Pakipika no ka IpukaGuia o Kapalakiko.

 

 Ua huli hoi mai nei o Lunakanawai De La Vergne mai ka mokupuni mai o Kauai, a ma ka Poakahi nei i hoau hou ae ai ola i ka noho lunakānāwai apana ana no Honolulu nei.

 

Mamuli o ke ku ana mai nei o ka moku Iolani no keia awa, ua hoopauia ka pilikia nele aila mahu o Honolulu nei, mamuli o ke koe uuku loa ana o ma unialla ma ka hale hoahu o ke Aupuni.

 

Hepauahi ka ko Kikihale ma ka wanaaoPoaha nei.

 

E hele ana oe I hea? I ka Hoohui hoi paha. Hui aku, hui mai, hui kākou. Pau ae la kēia.

 

Ma ka mokuahi Malulani o ka la Sabati nei i huli hoi mai ai o Mrs. P. P. Kanoa mai ka mokupuni kaili la mai o Manikaianipo.

 

Ua manaoia he 2500 ka nui o na owili ahí kao e hooleleia ana ma ke ahiahi o ka la apopo, a mawaena o keia mau ahí kao he ekolu mau ahí ano hou loa. Oia hoy ka Wailele o Niagara, ka hae Amerika ame ka hae Hawaii.

 

Ma ke ahiahi Poakahi nei i mareia ai o Mr. David Dowsett, keiki a J. I. Dowsett, me Miss Addie Crowningberg, maloko o ka luakini o Sana Anaru. Aia lāua I ka lae olu o Makapuu kahi I lualai ai no na la ohiki mua. Mahalo a nui.

 

Ma ke ku ana mai o ka mokuahi Noeau ma ka Poalua nei mai Hawaii mai, i loaa mai ai ka lono, aoheoiaio o ka mea i loheia mai ai maluna o ka mokuahi Kinau no ka pii ikaika hou ana o ke ahí ai honua a ka wahine o Kilauea.

 

Ma ke kinau o ka Poalua nei i haalele mai ai o Mr. Wray Taylor ia Honolulu nei a holo aku la no Hilo, Hawaii, maluna o ka mokuahi Kinau I holo aku nei ia e hoau I ka ogana hou o ka halepule haole o Hilo. Ma ke ahiahi o ka la apopo e malamaia ai he aha mele.

 

Ua hala aku nei o Albert Cunha maluna o ka mokuahi Australia o ka Poakolu nei no Kapalakiko no ke a’o ana i ka ikekanawai ma kekahi Kula Kanawai o loko oia kūlanakauhale. Ekolu paha ona makahiki e a’o ai a puka oia mailoko mai oia kula.

 

He maikai maoli ka hanaia ana o ke alanui e holo ana mai Kamoiliili aku a hoea i Waialae. He aneane paha he hapalua mile, a he mile okoa no paha o ke alanui mai Kamoiliili aku nei i paa i ka uhau papaakea ia, a ke nee la no nae ka hana no mua.

 

Ua hoopiiae nei o Adolph Spreckels o Kapalakikom, ma o Kini ame Ballou, kona mau loio, ia Konela A. G. Hawes o Kapalakiko ame George Lycurgus, no kekahi wahi lihi aina e ku nei ka Hotele Sana Suci. O ka nui o keia wahi e koiia nei he 128 kapuai ka laula, a e holo ana hoi mai ke alanui Aupuni aku a hoea i ka lihi kai.

 

Imua o ka Aha Apana o Honolulu nei, ma ka Poalua nui, i hoopaiia ai o OtagoIsogohoko, he luina noluna o ka mokukauaNaniwa, e Lunakanawai De La Vergne, no ka hewa hoeha maluna o Miss West. O ka hoopai he $35 me na koina.

 

Ma ka hora 6 o ke ahiahi Poakolu nei i haalele iho ai ke Kulanakauhale o Pekina i ke awa o Kou ae nei a holo aku la no Kapalakiko? Australia anei, o ka Pekina paha?

 

Ma ka paani kinipōpō ana o ka Hui Hoku me ka Hui Regimana. Ma ka auina la o kela Poaono aku nui, ua lilo ka lanakila i ka Huli Regimana. O ke kumu o kela pau ana o na kukuna o ka hoku i ka helelei, mamuli ia o ka ha’ukeke o ke kahua paani i ke anu.

 

Ma ka la 1 nei o keia mahina i holo aku ai noluna o ka mokukauaNaniwa na hoa o ka Hui Opio haole o Honolulu nei. Ma ka la S ae nei e pinana aku ai lakounoluna o Tantalus. Ma ka la 15 aku e hoea ai lakou no ka Hale Hoikeike o Kamehameha; a ma ka la 22 aku e pau nui ai i ka hololio i Makapuu.

 

Ma ka hora 6 a oi o ke ahiahi o ka Poalua nei, Iune 29, ua ikeia e kekahi maka’i kiu ku huina he lalapa ahí ma ka hale maluna o ka halekuai o Hoffscharger, e ku nei ma ka aoao makai o ke Alanui Moi, ma Ewa iho o ka halepohaku i noho ia iho nei e na lolo S.K. Kane, J. L. Kaulukou, J. M. Kaneakua ame ka Lunahooponopono o keia pepa. O ke kumu o ke ahí, mai kekahi kapuaiaiia mai ia no ka hoomo’a mea ai ana. Pakele mai loaa ona pauahi nui hou ma Honolulu nei.

 

He mea pono i kela a me kela ohana ke loaa ona laaulapaau mama no na ma’i o ka opu. I laaulapaaupuhill ole no ka “ Moku ino loa o ka lepo: (Diarhea) Nahu, Umil, Kolera ame na ma’iapau o ka opu, aole he laaulapaau oi aku o ka maikaielike me ka PERRY DAVIS LAAU PENIKILA (PainKiller). Ua lawelaweiakeiakaau no no makahiki he kanalima, a ke hana mau ia nei i keia ame keia ia, ma na aina apau o ka honua nei. O ka Hui Kuai LaauLapaau o Hollister, ka Agena.

 

 

LA PO KIULAI.

 

La Kuokoa o Hawaii Hou.

 

Ko AmerikaHoipuia La Kuokoa.

 

Na Hooulumahiehie o ke Ahiahi Poaono, Iulai 3.

 

Kauluwela ke Awa o Kou i ka Lama Ahí o ka Po.

 

E hoomaka ana na hana ma ka hora 7:30 minute o ke ahiahi o ka la apopo (Poaono). He mau hoolele kao ahí ame na huakai kukui a na waapa maloko ae nei o ke awa ame na hoomalamalama kukui o na moku a me na Hawaii.

 

NA MAKANA.

 

1.        O ka moku kalepa, a i ole ia. O ka moku pili aina. I lilo i helu ekahi ma mālamalama kukui ana, iaia ka makana ekahi, $10; ka makana elua, $5.

2.        O ka waapa mokuahi helu ekahi ma ka hoomalamalama kukui ana, lilo iaia ka makana helu ekahi, $25; makana elua, $15.

3.        O ka waapa “lana” (barge) aole emi na hoe malalo o ka eono, i lilo i helu ekahi ma ka hoomalamalama kukui ana, iaia e lilo ai ka makana helu ekahi, $20; makanelua, $10.

4.        O ka waapa moku o eha hoe i lilo i helu ekahi ma ka hoomalamalama kukui ana, iaia ka makana ekahi, $15; makana elua, $10.

5.        O ka waapa hoe pukahi (eluahoe), i helu ekahi ma ka hoomalamalama ana, iaia ka makana ekahi, $10;makanaelua, $5.

6.        Ka waa helu ekahi ma ka hoomalamalama kukui ana, iaia ka makana ekahi, $10; ka makana elua, $5.

7.        Ka waapa holopapa (float) i helu ekahi ma ka hoomalamalama kukui ana, iaia ka makana helu ekahi, $15; makana elua, $10.

8.        Ka waapacatamarana i helu ekahi ma ka hoomalamalama kukui ana, iaia ka makana helu ekahi, $15; makana elua, $10.

Ma ka hora 12 o ke awakea o keia la (Poalima) e pau ai ka aeia ana o na komo ana no na paio ma na hana i hoikeiaae la. O kahi e houluuluia ai keiamau komoana, aia ma ka halekuai buke o Sopa (Hawaiian News Company). O na waapa ame na waa i komo iloko o keiahookukuhoomalamalama kukui ana, e houluulu ana lakou ma Kakaako, ma ka hale waapa o ka Hui Matala, ma ke ahiahi o ka la apopo (Iulai 3), hora 7:30 minute. Alaila mai ia wahi mai e neehuakai mai ai lakou a hoea i kahi e lana ana na Iunakanawai maluna o ko lakouwaapa. A poaiae a huli hou aku no kahi i nee mai ai.

 

IULAI  5-POAKAHI.

 

Kakahiaka nui Kipa aloha.Hora 9 kakahiaka Kai Huakai o na KaaPaiKikala ame na kaa e ae.

E hoomaka ana ka nee ana o ka huakai ma ke alo mai o ka puka pa o ka Hale OihanaHooko, ma ke Alanui Moi, a iho ma ke Alanui Kalepa a hoea I ke Alanui Papu, a pii a hoea I ke Alanui Hotele, huli aw a hele a hoea I ke Alanui Alakea, alaila, pii a hoea I ke Alanui Ema, a pii a hoea I ke Alanui Kula, a hele a hoea I ke Alanui Papu, iho I kai a hoea I ke Alanui Moi. Alaila, hoi a hoea I ka Hale OihanaHooko. He mau makana no kekahi e loaa ana I nalaaheluekahi, elua, ekolu, eha a hoea I ka helu eono. E komo ana nakaa nunui Kikane, I hoohiwahiwaia, na kaa lawe pipi, na kaapi’o, ame na kaa e ae.

 

Ke ANAINA HAIOLELO.

 

E malamaia ana he anaina haiolelo no ka la 4 o Iulai maloko o ka “Hale Mele Hou,” ma ka hora 11:30 minute. Penei ka Papa Hoonohonoho: Pule: Rev. J. J. Monroe. Himeni: Mele Hui o 20 poe himeni. Heluhelu ana i ka OleloKukalaKuokoa: Prof. J. L. Howard. Himeni: Mele Hui o 20 poe hīmeni. Haiolelo: Harold M. Sewall, Kuhina Amerika. Himeni: America Pule Hoomaikai: Rev. D. P. Birnie. E kōkua ae ana ka Bana Puhi Ohe o ka mokukauaPiledelepia I na hana o ke anaiua.

 

Ma ka hora 12 o ke awakea,  he kipu aloha. Ma ka hora 1:30 o ka auina la, e malamaia ana he mau heihei o na kamalii ma ke kahua kinipōpō. Hora 3 aku, peani kinipōpō ka Hui Hoku me ka Hui Sana Lui. Ma ke ahiahi iho, he aha hulahula ma “Paka Kuokoa” (Independence Park).

 

 

THE CRUISER BROOKLYN AND CAPTAIN COOK.

The Brooklyn, which will represent America at Queen Victoria’s jubilee, is the largest and most formidable protected cruiser in the navy. She cost over $5,000,000 and has a crew of nearly 600 men. Before she was launched he cruiser New York was the pride of the navy, but the New York has been compelled to take second place. Some naval wit has dubbed the Brooklyn “the GresterNewYork.”

 

O ke kii kēia o ka mokukauaAmerika I hala aku no Enelani ma ka la Iubile o ka Moiwahine Victoria. O ka mokukaua nui loa keia o ke aumokukaua a Amerika. O kona lilo apau no kona hanaia ana he $5,000,000. O ka nui o kona poe kanaka he aneane 6,000.

 

HEIHEI KAA-PAIKIKALA

 

Ke ole e loaa na kula ma ka auina la o ka la apopo, alaila, e malamia ana ke heihei o na Kaa-paikikalaihoopaneeia ai mai k ala Iubile Daimana mai nei o ka Moiwahine Victoria. Ua ikeia ka maikai o ke alanui o Kapiolani Paka no ka hooholomua ana i na hana o keia heihei.

 

NA POE KAKAUINOA  KOHO BALOTA

 

A hoea i ke awakea o ka Poalua nei, ua hoea aku ka nui o na poe i hoopaa i ko lakou mau inoa no ke koho balota ana ma ka malama o Sepatemaba i ka 779. O ka huina o ka poe koho ma ke kau koho Balota i hala, he 1,947. Ma ka wa hoi o ke Aupuni Moi, he 3,000 ka nui o ka poe koho.

 

KA OIHANA KUHINA AMERIKA MA HAWAII NEI.

 

Ua lilo ae nei i ke Kuhina Amerika Sewall kela hale nani o Mr. Peacock ma Waikiki.I hale nona e noho ai, a malaila nohoi e lawelawe ai oia I na hana o ka Oihana Kuhina America ma Hawaii nei. Ma ka Poalua nei i nee aku ai ua Kuhina la mailoko aku nei o ke kūlanakauhale a no ua hale la.

 

KA MOKUAHI “KULANAKAUHALE O PEKINA.”

 

Hora 6 o ke ahiahi Poalua nei ku mai la ka mokuahi “Kulanakauhale o Pekina” no Honolulu nei. Haalele oia ia Hongkong. Iune 9; Amoy, ma ka la 10: Shanghai, la 12;Kobe, la 17; Iokohama, la 20; a ku i Honolulu nei la 29. Ua lawe mai oia no keia awa he 1700 tonawkana ame 5000 mau tabu “sake.”

 

E HAALELE MAI ANA IA HAWAII NEI.

 

Ua laulaha ae ka lona ma Hawaii nei i kela mau la i hala koke iho la, e haalele mai ana o “ Komisina” Akiyama o Iapana ia Hawaii nei a huli hoy aku no Iokohama, ma ka mokuahi Rio Janeiro e kumaiana no onei nei mai Kapalakiko mai i ka la apopo. A ua laulaha hou aenohoi ka lono e huli hoy hou mai ana ia no Hawaii nei ma ka mokuahi “ Coptic” o ka la 15 o Augate ae nei.

 

KE ALANUI MAI KOHALA A WAIMEA.

 

Ma ka Poalua nei I wehe ai ke Kuhina Kalaiaina I na koho hana alanui a na poe I haawi mai I ka lākou mau koho ana no ka hana I ke alanui mai KohalaAkau aku a hoea I Waimea, Hawaii. He umi ka nui o na koho I ikeia. No ka hana ana I na mahele 1, 2 ame 3 o ua alanui la, ua lilo ia Mr. Nalhe, ina nae e loaa ana kona mau hope hoopaa bona kūpono. A ina e nele ana ola i na hope kupuno, alaila, e lilo ana ka hana ana o ka mahele 1 ia James F. Wood, a o na mahele 2, 3 a me 4 ia J. A McGuire.

 

HEIHEI WAAPA MAWAENA O KA PILEDELEPIA AME KA MARIONA

 

Ke ole e loaa na kuia, e heihei ana na waapa  na mokukauaPiledelepia  ame Mariona, ma ke la apopo (Poaono). Manawa: Hora 10 kakahiaka. Kahi e holo ai: Elike no me ka la Iubile aku nei (Poakolu, Iune 23). Na Lunakanawai : E waeia ana mai waena mai o na ‘Ilimoku o kela ame na kia waapa: Hermann o ka Pile keiamoku.depepia, ame ka McLade o ka Mariona. Na poe kolu: Na poe no i hoe mua ai ma ka la 23 aku nei. Ka uku makana: Ka “na” o ke kuakoko. 

 

KA BANA LAHUI HAWAII

 

E haawi ana ka Bana Lahui he Aha Mele maloko o ka luakini o Kaumakapili ke hiki aku i ka po o ka la 10 o Iulai ae nei (Poaono), malalo o ke alakai ana a ko lakoualakai, Samuel Kamakaia.  Ua manaoia o keiapoPoaono iho, Iulai 3, lakou e paani ai malaila, aka, mamuli o na hana Ahí Kao Lele o loko ae nei o ke awa ia po, nolaila, ua hoopaneeia aku a kela Poaono aku, la 10 Iulai, a no ka pomaikai no ia o ka puaii. Aole wale o lakou wale no ke paani ana ia po, aka, he mau opio ui e ae no kekahi, a he mau kahuli leo lea e ae no hou kekahi e kokua mai ana ia lakou. A ke pule nei au (S. K. K.) e ukaliia ka lakou Aha Mele e na pomaikai mai luna mai. Eia iho ka lakou mau balota ma na lima o kekahi mau keonimana i hilinaiia, a he 50 keneta wale no hoy ka uku komo. Nolaila, e aloha i kou hoalauna elike me kou aloha ia oe iho. Ano ka mea, nawai la e hookaawale aku i kela rula gula o ke aloha hoalauna mai ko’upuuwai aku? Na ka hoohui aina anei? Na ka ilihuna anei? Aole! Aole! Aole loa!!! Oi hoy ha! He 50 keneta wale no!!

 

E hele huli oe a puni ke ao nei, aole loa e loaa ia oe kekahi laaulapaauelike me ka Kamalena Laau Ola no ke Nahu, Kolera ame ka Hi no na ma’i o ka opu. He oluolu a palekana ka inu ana, a he hiki nohoi ke hilinai ia. E kuaiia ana e na poe kuai laaulapaauapau. Benson. Smith &Co..na Agena ma Ko Hawaii Pae Aina.

 

“ I kela kau makalii aku nei, loohia ia iho la kekahi o ka maua poe moopuna i ka ma’i, he nahu ikaika loa ma ka opu.” Wahi a Mrs. E. G. Gregory o Frederickstown, Mo. “Puhili na laau a ko maua poe kauka, alaila, hoao iho la maua i ka Kamalena Laau Ola no ke Nahu, Kolera ame ka Hi, a o ke ola koke no ia. E kuaiia ana e na poe kuai laau lapaau apau. Benson, Smith & Co., na …gena ma Ko Hawaii Pae Aina.

 

“ No ekolu makahiki aole loa makou i hoonele ia makou iho me ka Laau Hoola Nahu, Kolera a Hi a Kamalena i iloko o ka hale,” Atkins & Co., Indianapolis, Ind., “a ma ka manao o ka’u wahine, ina ia e nele i keia laau, ua like ia me kona nele ana i ka paiaoa iloko o ke kau makalii. U ainu maua ame ekolu o ka maua mau keiki i keia laau, a, aole i ikeia kona ola ole ana aole wale no he hoomaha ae i ka eha, aka, he hoola maoli no. He laau palekana loa keia. A e ike ana ka mea e hoao ana i ua laau ia i ka oiaio o keia.” E kuaiia ana o na poe kuai laau lapaau apau. O BENSON, SMITH & CO., na Agena no Ko Hawaii Pae Aina.

 

 

Hoolaha Mana Hookolokolo

 

ILOKO O KA AHA HOOKOLOKOLO Kaapuni, Apana Kaapuni Ekahi o Ko Hawaii Pae Aina. Ma ka hana o ka waiwai o Joseph Lazarus, o Honolulu, i make. Oiai, ua waihoia mai ka palapala Kauoha a Hooilina Hope Loa a ka mea i make i oleloia ae nei i ka Aha Hookolokolo i oleloia, me ka palapala nonoi hoy no ka hookola ana o ua PalapalaKauoha la o Hooilina hoi, a no ka hoopuka ana i na Palapala Hooko Hooilina ia John S. Walker, ma keia ke hoolahaia aku nei. O ka POALIMA. IULAI 30, 1897, ma ka hora 10 o ke kakahiaka, ma Alilolani Hale, ma Honolulu. Oia ka manawa i kohoia ai ame kahi e hooiaioia ai ua Palapala Kauoha la. A e hooloheia ai ua noi la. A ma ia wa a ma ia wahi no hoi e hele ae ai kela ame keia mea e hoike mai i kumu. Ina he kumu ka lakou e ae ole ia ai ke noi o ua palapala noi la. Honolulu, Iune 30, 1897. Na ka Aha: GEORGE LUCAS, Kakauolelo. 2857-3t

 

AHA KAAPUNI EHA O KO HAWAII

Pae Aina. Ma ka Hooponopono Waiwai. Ma ka Hana o ka Waiwai o Kea (w), he keiki oo ole,no Hamakua, Hawaii. Ma ka heluhelu ana ame ka wahola ana mai o ke Noi ame ka hoike helu waiwai a T. K. Lalakea, ke kahu o ka waiwai ame ke kino o Kea (w). he keiki oo ole, a ua nonoi mai oia e aela aku oia i ka huina o $279.47. a e kakiia oia me $ 300.00. a nonoi mai hoy e nana ia a e aponoia ua hoike la, a e hoopuka ia ke kauoha hope loa no ka mahelehele ana i ka waiwai e paa anama kona lima i no poe i kuleana ia waiwai, a e hookuu apa iaia ame kona poe hope mai na koikoi mai apau o ka noho kahu ana. Ua kauohaia. O ka POALIMA. la 30 o Iulai. M. H. 1897. Ma ka hora 9 A. M. (kakahiaka). Imua o ua Lunakanawai la, ma ke Keena, ma ka Hale Hookolokolo ma Hilo. Oia kahi i hookaawaleia a me ka manawa no ka hoolohe ana i ua Noi la ame ka Hoike Waiwai, a ma ia wa e hele mai ai na poe apau i kuleana ma ia hana a hoike mai i kumu ina he kumu ka lakou. A hoike mai hoi i ka poe i kuleana i ua waiwai la. Hanaia, Hilo, Ko Hawaii Pae Aina, i keia la 15 o Iune, M. H. 1897. Na ka Aha Daniel Portal. 2656-3t Kakauolelo.

 

 

Hela ame Keia.

 

HOOLAHA HUI.

 

Ma ka la 8 o Iune. 1897, ua hoohio pono ia ae la kekahi Hui i ikeia o ka Hui o Wing Hing Loy, no ke kuai ana i ka lole ame na waiwai o kela ame keia ano, ma Honolulu, Mokupuni o Oahu, ma ko lakou wahi han ama Alanui Nuuana, mawaena o na Alanui Hotele ame Moi. O na inoa ame na wahi noho o na lala o ua Hui la, eia no ia: Yip Quon, Ung Hin, Lin Sun, Kong Tin, Chu Quon, Kong Hee, Mun Chon ame Kong Lum, ma Honolulu lakou apau e noho ai. 2657-2t

 

 

HOOLAHA LUNA HOOPONOPONO.

 

Ua hookohuia mai ka mea nona ka inoa malalo iho nei e Hon. E. G. Hitchcock, Lunakanawai Kaapuni Ap. 3, H. P. , i Luna Hooponopono no ka waiwai o Honokoa (k) i make kauoha ole, ma Moaula, Kau, Hawaii. Iuanuari, 1897. Nolaila, ke hoolaha aku nei i na poe apau he mau koi ka lakou i ka waiwai o Honokoa (k) i oleloia. E waiho mai iloko o eono malama mai keia la aku, a i ole, e hoole mau loa ia aku no. A o ka poe i aie mai ia Honokoa (k) e hookaa koke mai i ka Luna Hooponopono Wai Wai.

J. IKAAKA, Luna Hooponopono Waiwai o Honokoa. Pahala, Kau, Hawaii, Iune 21, 1897. 2656-4ts

 

 

OLELO HOOLAHA.

E ike auanei na kanaka apau i keia, owau o L. Y. Aiona Pake. E noho ana ma Makaalae, Hana. Ke papa aku nei au i na mea halekuai o keia ame keia ano, aole e hoaie i ka’u wahine mare, ia L. Wainee, ina oukou e hoale iaia, alaila, maluna no o oukou e hoale iaia, alaila, maluna no o oukou poho. No ka mea, ua haalele kumu ole mai oia ia’u ame ko maua wahi moe, a ua hoi aku oia i ka poli o na makua, a ke noho mai nei oia ma na Pali Koolau o Maui. Owau iho no.

2653-4t L. Y. AIONA.

 

Makemake Makou I ka Oukou Hana

Pa’i ana ame ka Humu ana I na Buke.

E HANAIA ME KA NOIAU LOA.

 

Na papa Kaleawa Inoa me na Hua Kuni Wai Gula.

E hanaia no i ama ko makou nei Keena a lulike me ka mea i makeia.

KA HUI HAWAIIAN GAZETTE

Na Poe Hoolaha.

Hale Pohaku o Von Holt, Alanui Moi, Honolulu.

 

Vapo-Cresolene

He Laau Hoola Oiai no Oe e Hiamoe ana no ke Kuoo Kalei, ka Hano, Kunu Ho, ka Nalulu Kau, ke Aoo

Ma ka wa e hoopunohuia ai ka uwahi o ke CRESOLENE maloko o ke keena o ka mea ina’i, e loaa koke no ka oluolu. He kamahao kona ikaika hoola, a ma ia wa hookahi nohoi e kaohiia aku no ka pahola ana mai o na ma’i lele, ma o kona lilo ana he laau kinai ma’i, a he laau pilikia ole nohoi no na keiki. Ekualia ana e na poe hana laau. E haawi wale ia no ka buke hoakaka. HOLLISTER DRUG CO, Honolulu, Hi. I. na Agena.