Ka Nupepa Kuokoa, Volume XXXVI, Number 27, 2 July 1897 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

           

Hoolaha

 

 

 

W. R. KAKELA.

 

Loio a he Kokua ma ke Kanawai

 

HE LUNA HOOIAIO PALAAPLA.

 

2370

 

 

 

LYLE A. DICKEY.

 

 

Loio a he Kokua ma ke Kanawai.

 

Alanui Kaahumanu, Helu 14. Tel. 082.

 

 

 

Iloko o ke Keena o ka Loio Kuhina mamua, a he Loio Hoopii ma ka Aha Apana, o Honolulu.

 

 

 

E hookoia na hana pili kanawai apau mai na Mokupuni mai.

O. A. F. Tavares, Kakauolelo a Maheleolelo.  1yr.

 

 

 

Hoolaha Kumau

 

 

 

 

PAPA!  PAPA

 

 

AIA MA KAHI O

 

 

Lewers & Cooke

 

 

(LUI MA)

 

 

Ma ke kahua hema o Alanui Papa me Moi.

 

 

E LOAA NO NA

 

 

 

PAPA NOUAIKI

 

 

 

O kei a me keia ano.

 

 

Na Pani Puka, na Puka Aniani, na Olepelepe, na Pou, na O’a, na Papa Hele, na Papu Ku, me na Papa Moe he nui loa

 

 

 

 

NV PILI HALE O NA ANO A PAU

 

A me na

 

WAI HOOHINUHINU NANI

 

O na ano a pau loa.

 

 

 

Na Balaki o na Ano he Nui Wai.

 

 

Ke hai ia aku nei oukou e na

 

Makamaka a pau, ua mākaukau

 

Keia mau makamaka o oukou

 

Hoolawa aku ma na mea a pau

Ili ana ma ka laua Oihana no ka

 

 

Uku Haahaa Loa.

 

 

E like me ka mea e holo ana mawaeo

O Laua a me ka Mea Kuai.

 

 

Hele Mai a Wae no oukou iho.

 

8896-a

 

 

 

 

 

 

 

 

 

 

 

 

 

 

 

 

 

 

 

 

 

 

 

HWAII ME AMERIKA

 HUIIA.

 

 

 

Hehi ke Kuikahi Hoohui

Aina ma ka Papahele o

 ka Aha Senate.

 

 

 

Aia Hawaii I ka Aneane.

 

 

 

Hoike o Liliu I kona Manao.

 

 

 

Hoonaue o Iapana ia Amerika.

 

 

 

Okala Paha Auanei na Hulu o ka Liona Pelekane.

 

 

 

Ke Hone ae nei no i ke Kumu o ka Hana.

 

 

 

Wasinetona, Iune 16.-Ma ka māwaewae pono ana i ke kulana o na koho ana a ke Senate ua ikeia e hooholoia ana ke Kuikahi Hawaii, ina e hoea aku ma ka wa e koho ai, e kekahi heluna nui uuku o na Senate. Ua manaoia, he lehulehu loa na Luna Senate i manaoia e kua ana i ke kuikahi, e komo mai ana ma ka aoao kokua i ka hooholo ana i ke kuikahi ma ka wa e noonooia ai. O ka pilikia nui, oia ka loaa ana he kohoia ana e na Senate ma keia kau kūikawā, oiai ua ake loa kela ame keia Senate e huli hoy aku no ko lakou mau home iho ma ka wa pono mua loa e loaa ana. Aka, oiai nae e noonooia ana no ka Bila Kanawai Dute i kei awa, e loaa auanei he manawa pono e paioia ai ke kuikahi. O ka manao nui o ka hookomo awiwi ia ana o ke kuikahi iloko o ke Senate e hookoia ana ia. Oia hoi, ke ākeakea ana aku i ke alahele a Iapana e hana mai nei ma Hawaii, ka hana hoi i lilo ae nei i kei awa he keehina hana ku i ka pilikia.

            Eia ka hoike o na kulana o na koho ana o na Senate:

            Ma ka aoao kakoo i ka Hoohui Aupuni, 39; Manaoia e kokua ana i ka Hoohui Aupuni, he 22; huina 28.

            Ka huina balota e holo ai ka Hoohui Aupuni, he 60.

            Eia na Luna Senate ma ka aoao kokua i ka Hoohui Aupuni:

            Allen (Populiki), Allison (Repubalika), Baker (Repubalika), Burrows (Repubalika), Cannon (Repubalika Dala Keokeo), Chander (Repubalika), Cullom (R), Davis (R), Reboe (R), Elkins (R), Fairbanks (R), Frye (R), Gallinger (R), Hanna (R), Hawley (R), Hansbrough (R), Jones o Nevada (Populiki), Kyle (P), Mantle (Repubalika Dala Keokeo), McBride (R), Morrili (R), Morgan (D), Penrose (R), Pettus (Demokarata), Pratt o Un Ioka (R), Proctor (R), Pritchard (R), Quay (R), Rawlins (D), Sewell (R), Shenp (R), Spooner (R), Stewart (P), Thurston (R), Turner (R), Warren (R), Weimore (R), Wilson (R), Huina, 39.

 

 

 

 

 

 

 

 

 

 

 

 

 

Ke Kuikahi Hoohui Aupuni.

 

 

 

Mawaena o Hawaii ame Amerika Huiia.

 

 

 

Ke Kani nei ka Moa Kuakahi, Lohea ka Wawalo i na Pae Moku.

 

 

 

            Malalo iho nei e ike ai ko makou poe heluhelu i ke kino maoli o ke Kuikahi Hoohui Aupuni iloko o ka Aha Senate o Amerika Huiia i kei awa, elike me ka makou i wānana mua aku ai:

            O ke Aupuni o Amerika Huiia ame ke Aupuni Repubalika o Hawaii, mamuli o ka hoomaopopo ana eia ke kukai ana oia Pae Aina maluna o ka aina, a ma ka hana mai a na makaainana o Amerika Huiia i kanu ai i ka anoano o ka mālamalama Karistiano, ka loihi o ka hoomauia ana o ko lakou mau launa kalepa panailiki ana, a ma ia mea i ulu nui ai ia mau pono alakai a ano nui i loaa ia Amerika Huiia ame ko lakou mau makaainana iloko o na hana hooulu, mikiala ame kalepa ana o ua mau Pae Aina la, a o ka oi nae ma o ka makemake maoli o ke Aupuni o ko Hawaii Pae Aina e hoohui mai i ua Pae Aina la me Amerika Huiia, ma ke ano he apana ponoi a malalo o ko lakou noho Aupuni ana, i mea e hoomakaukau ai no ame ka hooia ana aku i ke kupaa ame ka holomua o ua mau Pae Aina la, nolaila, ua noonoo na aoao hana kuikahi e hoopaa i keia manao nui ma ke kuikahi no ko laua mau pomaikai like ame ka mau loa.

            I mea e hooholoia ai keia kumuhana, ua haawi aku na aoao hana kuikahi i ka mana piha maluna o ko laua mau Elele Kuhina pakahi i hookohuia penei:

            O ka Peresidena o Amerika Huiia; ma o JOHN SHERMAN, Kuhina Nui o Amerika Huiia.

            Ka Peresidena o ka Repubalika o Hawaii; ma o FRANCIS MARCH HATCH, LORRIN A. THURSTON ame WILLIAM A. KINNEY.

PAUKU II.

            Ke haawi a ke hoolilo loa aku nei ke Aupuni o ko Hawaii Pae Aina ia Amerika Huiia I ke kuleana kuokoa ame ka noho ona ana maluna o na waiwai Aupuni apau, na Aina Aupuni a Leialii, na Hale Aupuni a mau hale e ae, na Awa Ku-moku, na Kaikuono, na Papu Kaua, na Lako Kaua Aina ame Mokukaua, ame na waiwai Aupuni e ae o kela ame keia ano I kuleaneia e ke Aupuni o ko Hawaii Pae Aina, me na pono apau ame na kuleana e pili ana.

            O na kanawai o Amerika Huiia e ku nei I keia wa, I pili I na Aina Aupuni, aole ia e pili maluna o na aina ma ko Hawaii Pae Aina, aka, na na Ahaolelo Lahui o Amerika Huiia e kau I mau kanawai kuikawa no ka hooponopono ame ke kaana ana; ina nae o na dala loaa apau, a I ole, o na pomaikai oia mau aina, koe na wahi e hoohana a e nohoia aku ana no kekahi mau oihana Aupuni Kivila, Koa Aina ame Mokukaua o Amerika Huiia, a e hooliloia aku ana paha no ka hoohana ana o ke Aupuni kuloko, e haawi kaokoa ia no ka pomaikai o na makaainana o ko Hawaii pae Aina no hana hoinaauao a mau mea e ae paha.

                        PAUKU III.

            A hiki I ka wa e hooholo ai ka Ahaolelo Lahui I na kanawai no ka hooponopono ana i ua mau mokupuni la, e haawiia no na mana kivila apau, mana hookolokolo ame ka mana Oihana koa e lawelaweia nei e na luna Aupuni o ke Aupuni e ku nei ma ua mau mokupuni la, i kekahi kanaka a poe kanaka paha, a e lawelaweia hoi ko ka Peresidena e hoopau ai i ua mau luna Aupuni la a hoopiha ia mau hakahaka i hoohakahakaia ma ia ano.

            Mai keia wa aku e hoopauia na kuikahi e paa nei mawaena o ko Hawaii Pae Aina me na Aupuni e ae, a e hoopaaia iho ko lakou mau wahi e na kuikahi paha e paa nei I keia wa, e holoholoia aku ana paha ma keia hope aku, mawaena o Amerika Huiia ame ia mau Aupuni e Aina, aole nae e hooholo no ka hooko ana I na kuikahi I hoopauia,a I kue hoi I kēia kuikahi e paa nei o Amerika Huiia, a hiki I ka wa e hooholo ai ka Ahaolelo Lahui o Amerika Huiia ma kekahi ano e ae. A hiki I ka wa e holoholoia ai he kanawai dute ame na hoʻoponopono oihana dute ana o Amerika Huiia ma ko Hawaii Pae Aina, e mau no na kanawai dute o ko Hawaii Pae Aina I kēia wa me Amerika Huiia ame na Aupuni e ae, aole e hoololiia.

                        PAUKU IV.

            O na aie Aupuni āpau o ko Hawaii Pae Aina, ma ka wa e kukaiia ai na hooiaio o ke kuikahi, ke huiia pu ia me na dala aie i ka poe hoahu dala iloko o ka Baneko Hale Leta, ke ae nei ke Aupuni o Amerika Huiia e lawe nana e hookaa; aka, o ka aie a Amerika Huiia e lawe nei, aole ia e oi aku mamua o $4,000,000. Eia nae, elike me ka loihi o ka lawelawe hana ana o ke Aupuni e ku nei ame na launa kālepa ana o ko Hawaii Pae Aina, elike me ia i hoikeia mamua, na la Aupuni no e hookaa i ka ukupanee o ua aie la.

PAUKU V.

            Aole e hoopae hou ia mai na Pake iloko o ko Hawaii Pae Aina, koe wale no mamuli o na kumu I aela I kēia wa a e aela aku ana paha mahope aku nei e na kānāwai o Amerika Huiia, a aole hoi e aela kekahi Amerika Huiia mai ko Hawaii Pae Aina mai.

PAUKU VI.

            E hoʻokohu no ka Peresidena I elima Komisina, a mailoko ae oia poe, aole hoi e emi malalo o elua he mau kanaka e noho ana ma ko Hawaii Pae Aina, na lākou, ma ka wa pono e hiki ana, e waiho mai I ka Ahaolelo Lahui I na kānāwai e pili ana I ke Aupuni Panalaau o Hawaii (Territory of Hawaii) elike me ka lākou I ike ai he pono.

PAUKU VII.

            E aponola kēia kuikahi e ka Peresidena o Amerika Huiia, ma ke a o ame ka ae ana mai o ka Aha Senate ma kekahi aoao, a na ka Peresidena o ka Repubalika o Hawaii, me ke a o ame ka ae ana mai o ka Aha Senate, elike me ke Kumukanawai o ua Repubalika la, ma kekahi aoao, a o ke aponola ana o keia e kukaiia no ia ma Wasinetona elike me ka hikiwawe e loaa ana.

            I hoike no keia, ke kakau pakahi nei na Elele Kuhina i ko lakou mau inoa malalo o na pauku maluna ae a hoopili pu i ko lakou mau sila.

            Hana papalua ia ma ke kūlanakauhale o Wasinetona ma keia la umikumamaono o Iune, makahiki hookahi tausani ewalu haneri ame kanaiwa-kumamahiku.      

            JOHN SHERMAN, (Sila),

            FRANCIS MARCH HATCH, (Sila),

            LORRIN A. THURSTON, (Sila),

            WILLIAM A. KINNEY, (Sila),

            Na Luna Senate kue i ka Hoohui Aupuni:

            Bate (D), Caffery (D), Chilton (D), Faulkner (D), Harris o Tenesi (D), Jones o Arkansas (D), Lindsay (Dmokarata Dala Gula), Mills (D), Pascoe (D), Pettigrew (Repubalika Dala Keokeo), Tiliman (D), Vest (D), White (D). Huina, 15.

            Na luna Senate I maopopo ole:

            Bacon (D), Butler (P), Cockrell (D), Daniel (D), Gorman (D), Harris o Kansas (P), Heitfeld (P), Masen (R), McEnery (D), Mattory (D), Perkins (R), Roach (D), Walthall (D), Wellington (R). Huina 15.

            Na luna Senate I hoole I ka hoike ana I ko lākou aoao I ku ai:

            Carter (R), Clay (D), Gear (R), Hoar (R), Kenney (D), Martin (D), Murphy (D), Mitchell (D), Nelson (R), Platt o Konetikuta (R), Turpie (D). Huina, 11.

            Na luna Senate I haalele I ke kūlanakauhale:

            Clark (R), George (D), Hale (R), Lodge (R), McMillin (R), Teller (S R), Wolcott (R), Smith (D). Huina, 9.

            Na papa hoʻonohonoho o an poe Senate I hoike ole I ko lākou mau manao pili I ke kuikahi ame na Senate I haalele iho I ke kūlanakauhale, no na aoao a lākou I ku ai, elike me na mea I manaoia a I hooiaia mai e ko lākou poe hoaloha:

            Kokua I ka Hoohui Aupuni: Daniel (D), Gorman (D), Harris o Kansas (Pop), Heitfeldt (P), Masen (R), Perkins (R), Roach (D), Wellington (R), Carter (R), Gear (R), Hoar (R), Aldrich (R), Martin (D), Platt o Konetikuta (R), Clark (R), Hale (R), Lodge (R), McMillan (R), Teller (S R), Wolscott (R), Smith (D). Huina, 22.

            Kue I ka Hoohui Aupuni: Bacon (D), Butler (P), Cockett (D), McEnery (D), McLaurin (D), Mallory (D), Walthall (D), Clay (D), Kenny (D), Mitchell (Demokarata Gula), Nelson (R), Turpie (D), George (D). Huina, 13.

 

KE KAKAUINOAIA AA O KE KUIKAHI HOOHUI AUPUNI.

            Wasinetona, Iune 16.-Ua kakauinoa ia ke kuikahi ma ka hora 9 a oi o kēia kakahiaka ma ke keena o ke Kuhina Nui. Ma ka aoao o ke Aupuni o Amerika Huiia, o Kuhina Nuia Sherman, a ma ka aoao o Hawaii, o Kuhina Haki, Lorrin A. Thurston ame W. A. Kinney. Na ko Hawaii poe Komisina hana kuikahi ka peni qula I kakaupulima ai na poe āpau I kakauinoa malalo o ke kuikahi.

 

HOOUNAIA KE KUIKAHI ILOKO O KA AHA SENATE.

            Wasinetona, Iune 16.-Ma ka hora 5 o kēia la, hoea aku la ke Kuikahi Hoohui Aupuni iloko o ka Hale o na Senate. Ua noho koke ka Aha Senate ma ka Aha Kukamalu me ka paniia ana o na puka o ka hale. Ma ka wa i paa ai na puka, ua heluheluia ka palapala a ka Peresidena i hele pu mai ai me ke kuikahi.

            Ma kekahi aoao o ke Keena Senate he puulu o na Luna Senate i makemake ole loa e apono i ke kuikahi, a mawaena oia poe oia o Luna Senate Gray, Mills, Pasco, White, Caffery, Pettigrew ame McEnery.

            Mahope iho o ka pau ana o ka heluheluia ana o na palapala elua, ua noi mai o Luna Senate Davis, Lunahoomalu o ke Komite o ko na Aina E. e hoolaha akea ia ka palapala a ka Peresidena ame ke kuikahi. Ua kueia keia noi e Luna Senate Gray.

 

KA IAPANA KUE I KE KUIKAHI.

 

            Wasinetona, Iune 16.-Mamua o ke kakauinoaia ana o ke kuikahi. Ua waihoia mai la imua o ke Kuhina Nui he olelo kue mai ke Aupuni mai o Iapana, ma o kona Keena Kuhina la maanei, no ka hooholo loa ia ana o ke kuikahi. Ua hookahuaia keia kue ana mamuli o ka manaoia ana, ina e hoohui io ia ana o Hawaii me Amerika. Alaila, e hoopilikia ia auanei na pono kuikahi i loaa ia Iapana, mamuli o na kuikahi e paa nei mawaena o Hawaii ame Iapana.

 

KA LEO O LILIUOKALANI.

 

            Wasinetona, Iune 16.-He umikumalima haneri kanaka na lakou e haawi nei i kuu aina. Aole makemake o na kanaka o kuu aina e hoohuiia me Amerika Huiia. Aole nohoi makemake na kanaka o Amerika Huiia i ka hoohui Aupuni. He hana kēia na 1500 poe kanaka. A o ka hapanui he poe Amerika I noho ma Hawaii. Mailoko ae o kēia heluna I hānau ole ia ma Amerika nei, he poe makua Amerika ko lākou. Aole hookahi o ko’u poe kanaka I makemake I ka hoohui ana mai I na pae aina. O ka huina lāhui ma na mokupuni, he 109,000. Mailoko ae o kēia heluna he 40,000 poe kanaka Hawaii maoli. O ke koena aku he poe Amerika, Geremania, Pukiki, Iapana, Pake, Pelekane, a he heluna nui uuku hoy mai na aina e mai. O 1500 poe Amerika o lakou na poe i ku ai ka hilihili o ka hewa no ka hana i hanaia iho i keia la, o lakou no ia e hooponopono mai la i na hana ma ka Pae Aina.

            Aole haawina o loko o keia kuikahi i hanaia no’u/ Maloko o ke kuikahi a Harisona ua aela e loaa ia’u i $20,000 no ka makahiki, aka, aole nae i hooholoia kela kuikahi. Aole loa i loaa iki mai ia’u hookahi dala mai a Amerika mai. Aohe mea nana I kiai I ko’u mau pono ma ka wa I hoomakaukauia ai kēia kuikahi. Eia nae, ua makemake loa ko’u lāhui, o lākou hoi kahi hapa nui o ka lahuikanaka o ka pae aina, e hanaia ka mea pono (kaulike) no’u nei.

 

NOONOOIA KE KUA A IAPANA.

 

            Wasinetona, Iune 23.- Ua lilo ke kuikahi hoohui Aupuni o Hawaii I mea noonoo nui ia e ke Komite o ko na Aina E o ka Aha Senate ma kona noho pōkole ana I kēia la. Ua heluheluia ke kuikahi ame na pepa I waiho pu ia mai me ia a ua waihoia I ke Komite kōkua, oia o Luna Senate Perkins, Davis ame Morgan, me ke kauoha e noonoo lākou I kēia nīnau a e waiho mai I hoike imua o ke Komite piha. Mawaena o na palapala I heluheluia, o ka olelo kue kekahi a Iapana no ka hoohui Aupuni. Ua lauaheaia ae, ua lilo keia kue a Iapana i mea ano nui loa ma ka noonoo ana a ke Komite, a no ia mea aole ae ke Komite e hoolahaia ka lakou mau noonoo ana. Mo he mea la o ke ano maopopo o keia kue a Iapana, e papa maoli mai ana no ia aole e hooholoia ke kuikahi.

            E lilo ana ke Komite kokua (Komite wae) o loko o ke Komite o ko na Aina E e noonoo i na ninau apau i pili i ke kumuhana hoohui Aupuni. A no ia mea e kuekaaia ana e lakou na kuikahi apau o Hawaii me na Aupuni e ae. Nolaila, e hala ana he manawa loihi no keia hana. Aole ke Komite piha e hoomaka ana i kana hana a hiki i ka wa e loaa pau pono mai ai ka hoike a ke Komite kokua: nolaila, ua manao wale ia, aole paha e hiki ana i ke Komite holookoa ke mai i

 

 

 

(E nana ma ka aoao 4.)