Ka Nupepa Kuokoa, Volume XXXVI, Number 26, 25 Iune 1897 — KA NINAU HOOHUI AUPUNI Ke Hone ae Nei i ke Kumu o ka Hana. Lohea na Upoipoi Eheu o ka Moa Kuakahi. O ke Kani ae koe a Wawalo na Pae Moku. "Haehae ka Manu ke Ale nei ka Wai." [ARTICLE]

KA NINAU HOOHUI AUPUNI

Ke Hone ae Nei i ke Kumu o ka Hana.

Lohea na Upoipoi Eheu o ka Moa Kuakahi.

O ke Kani ae koe a Wawalo na Pae Moku.

"Haehae ka Manu ke Ale nei ka Wai."

Maialo iho nei e ike al ko makou po€ heluhelu i na nuhou i hoea mai i o kakou nei no ka mea e pili ana i ke kuipuhana Hoohui Aupuni. E hoomaopopoia ua loaa mai keia lono i Kapalakiko mai Wasinetona pololei mai. ma ka la 15 o lune nei. A eia iho: Wasinetonff, lune 15. —E hoounaia aku ana ke kuikahi no ka hoohui ana mai i ko Hawaii Pae Aina me Amerika Huiia i ka Aha Senate e Peresidena McKinley ma ka la apopo, ke ole nae e hoololiia na mea i hoolalaia i keia \ra. Ua hoikeia aku imua o ka poe i pili kokoke me ka mana hooko ame kekahi poe e ae hoi i komohia ma ka hoonee ana aku i ka Bila Kanawai Dute. e hoounaia aku ana ke kuikahi i ka Aha Senate i ka la apopo. Ua oleoia, aole e noonooia ana ka

pauku e pili ana i ke kuikahi panailike Hawaii iloko o ka Bila Kan.awia Dute, a hiki-i ka wa e loaa aku ai ke kuikahi. 0 ka mea ano nui o loko o ke kuikahi, i okoa loa ae hoi mai ke kuikahi i hoolalaia e Kuhina Foster iloko o ke au hooponopono Aupuni o Harisona, oia ke kapaeia ana aku o ka haawina dala no ka Moiwahine Liliuokalani (i pau) ame ko ke Kamaliiwahine Kaiuīani. Ma ke kuikahi mua (kumu) ua hoikeia e uku aku no ke Aupuni o Amei'ika Huiia i ka Moiwahine (i pau) i ka huina o $20,000 ma ke kuike, a oia liuina hookahi nohoi e ukuia no i kela airie keia makahiki, ma ke ano uku hoomau. no kona (ko Liliu) wa e ola ana, Ina nae e noho mai ana oia mamuli o ka manao maikai malalo o ke Aupuni o Amerika Huiia ame ke Aupuni e ku ana ma ka Pae Aina. E loaa ana hoi i ke Kamaliiwahioe Kaiulani, oiai oia ka lua maioko o ka lalani koko alii, he uku maoli ma ke dala kuike, nona ka huina o $150,000. aole nae ona uku hoomau, malalo nohoi o ke kulana i hoikeia ae la elike me ko ka Moiwahine i pau. Ua hoomaopopoia hoi, o ke kumu akeakea i manaoia no ka holopono ana o ka hoohui ana mal i na mokupuni. ua ku no ia maluna o ka huina mahuahua loa o napoe limahana Asia e noho nei i keia wa maloko o ko laila lahuikanaka, eia nae, ua hoopauia nae keia ma o ka hookomoia ana o kekahi pauku e papa ana i ke komo ana mai oia ano paahana iloko o ko Hawaii Pae Aina, aole hoi oia wale no, aka, e papa ana i ka hele ana mai o na Pake mai laila ritai a i kahi Va e ae o Amerika Huiia hei. Ma ke noi a Luna Senate Allison, na hoopanee na Senate i ka noonoo ana i ka pauku iloko o ka Bila Kanawai Dute, e pili ana i ke kuikahi Hawail.