Ka Nupepa Kuokoa, Volume XXXVI, Number 26, 25 June 1897 — Page 4

HE MOOLELO NO KA

 

LEDE ISABELA,

 

KA MEA I KAPAIA

 

Ka Anela Nani o ka Malamalama

 

MOKUNA III.

 

“O ke aha la ka palena o kela mea he ui?

 “Kei no o ka ui ia a ko‘u mau maka i ike a@@

“Eia ka ua oi aku a ua like me he anela la o ka mālamalama!”

“E hooko no au i kau kauoha. Aka, pehea la oe i manao ai he mea kūpono ole keia mea maikai no ka hoike ana aku iaia, no ka mea, aole loa au i huna iki i kekahi mea ma@ iaia mai no na mea e pili ana i ko maua noho ana. Oiai i kona mau la opiopio loa, oiai o la e pepe ana no, ua haalele mai la kona makuahine anela i ko keia ola ana, a ua hanai au iaia mai kela wa mai a hiki i kela wa, a ua hiki ole ia‘u ke kaohi i kekahi mea mai iaia mai. Aka, elike hoy me kau noi, e pono paha au e hooko,” wahi a ka haku.

“Ua hiki no ia oe ke hoike aku iaia ua kaa kou mau aie, a e hoolilo aku ana oe i kou mau waiwai apau maluna ona, aka, mai ole hoy oe a hai iki iaia na‘u aku ke dala, no ka mea, ua maopopo ia‘u, ina ola e ike ana i kela mea e lilo ana kela i pa-ku nana e hookaawale i kona launa maikai ana mai me a‘u. No ka mea, aole o‘u makemake iki e komo ka manao iloko ona ua hana au i kekahi hana kokua iaia. ‘Oiai, ua ike au i kela mea, a he hoi i kuluma iloko o na poe koko alii āpau o ke ao nei, aole loa o lākou makemake iki e lilo na kekahi kanaka o ke kulana haahaa e kōkua iaia,” wahi a ka malihini opio.

“Ea! Mai ko‘u hanauia anan mai a hiki i kela wa, a ua elemakule au i kei awa, aole loa au i halawai mua iki me kekahi kanaka a kulana keonimana oiaio elike me oe. He makema ke nui loa kela ame keia mea i hanaula mai mailoko mai o ka pūhaka o ka wahine e loheia ka lakou mau hana lokomaikai mai kela pea a keia pea o ka aina!” wahi a ka haku.

“He mea oiaio kela e ka haku maikai, ke haawiia me ka manao haakei, aka, ua hoakaka kela Haku o na Haku ma kona mau olelo ao imua o kana poe haumana penei: ‘O ka mea a kou lima akau e haawi ai, mai ole kou lima hema e ike!@”

I kela wa ua kani mai la ka @ele e kahea ana ua mākaukau ka paina o ka hora 4 o ke ahiahi o ke kakela, a ia wa ua kono aku la ka Haku Ela i ko Mr. Koraile oluolu e paina pu me ia ame kana Kaikamahine ma ko laua papaaina.

Ua ae koke aku ia ka opio, oiai o kona @@ni nui ia o ka ai hoonuu aku o kona mau onohi maluna o na hiohiona nani kelakela a nohea o ka Lede Isabela, ka p ua nani aala o Pelekane, ka ui waipahē hoy nana e hoohialaai ana ma maka o na opio o na kulana alii o Enelani.

Aole i liuliu iho, ua hoea mai la ke kauwā nui o ke kakela no ka hele ana mai e hoike mai i ka Haku Ela Vineti, aia ka Lede Icsabela ke kakali ma i la ma ke keena paina. I kela wa ua hele like aku la ka Haku Vineti me kana malihini maikai opiopi.

I ke komo ana‘u o ka haku me ka opio, ua hookipa mai ia ka ui Isabela i ka opio me ka oluolu ame na huaolelo i kūlike me kona kulana he @ede oiaio. Me ua minoaka e haiamū ana ma kona mau papalina, ua hoonoho iho la oia i ka malihini ma kekahi aoao mai o ke pākaukau e hu@@ pono mai ana hoy imua o kona a@o.

Ua hoohaiaia kela hora me na kuka oluolu ana a iwaena oia mau kuka ana ua pane aku la ka Haku Eia i kana kaikamahine oiai na hiohiona hauoli e hekau ana maluna o kona mau hiohiona. No ka mea, he mau la i hala ae ua hoomaopopo mau ke kaikamahine i na helehelena kaumaha o kona luaui a ua maopopo no hoy iaia ke kumu, aka, i kei awa nae akahi no oia a ike i ka mohala maikai a piha hauoli o kona luaui aloha; nolila, ua ano pahaohao oia,aka, ua manao nae oia no ka ike paha i kana malihini ke kumu; eia mae aohe a laua ai ana e nele ai me kekahi malihini, aka he oi aku nae ka hoihoi a me ka hauoli o ka haku i keia malihini opio mamua o na malihini e ae i kia aku i ko laua ka-keia. Nolaila, is lakou e kamailio ana. A e hauoli ana no hoy, aia kela haohao iloko o ka umauma o ka Ui Isabela I kela wa ua pane aku la ua haku la:

“E kuu kaikamahine, he makemake au e hoike aku ia oe i kekahi mea hou au e hauili nui ai!”

“Aohe a‘u mea hauoli e au mamua o ka lohe ana I kekahi mea maikai mai kou mau lehelehe mai e kuu makua!” wahi a ka Ui Isabela.

“”E hai aku ana no au ia oe me na huaolelo pōkole, a ola kela: Ua pau ko kaua mau aie! Nolaila, ua lanakila oe mai na hoehaeha ana a ko keia ao.” Wahi a ka haku.

I ko Isabela lohe ana i keia mau mamala olelo, ua huli ae la ola me ka nana pololei ana maluna o ka opio, me he mea la e i maolo aku ana no kona mau onohi maka, “nau keia mea i hana!”

Ua ano hiki ole i ka opio ke nana pono aku i keia mau onohi maka no@@ o ka ui e Ka@@ona pololei mai ana iaia.

I ka hala ana o kekahi mau minute, ua huli ae la ka Lede Isabela a me na hiohiona pahaohao, ua pane aku la oia i kona luaui makuakāne me ka leo ano hikilele:

“E kala mai oe e kuu makua ia‘u ma ka ninau ana ku ia oe @ai hea mai ke kokua i loaa mai ai ia kaua?”

“Mai na mana lani mai!” wahi a ka pane a ka haku.

“He mea oiaio no kela, aka, owai ka anela maikai ma o ke kino kanaka la nana i haawi kela kokua nui?”

“E kuu keiki, e kala mai oe ia‘u, oiai ua haawi aku au i ko‘u hooia paa i ka mea nana kaua i kokua mai aole loa au e hoopuka iki i kona inoa no kekahi mea e pili ana no keia mea, nolaila, e ahonui oe e kuu kaikamahine, aia no a hiki i kona wa e manao ai oia ka wa kūpono ana e hoiki ai ia oe, a nana ponoi no e hoike aku ia oe me kona mau lehelehe ponoi.”

 

KA MEA HUNA POHIHIHI

 

Unuhiia e Hooulumahiehie no “Ke Kilohana Pookeia o ka Lahui Hawaii.”

 

MOKUNA XXIV.

 

Ka Lede Alamira-Ka Hoopakele i ka Wa Poopilikia.

 

Ano, e ka makamaka heluhelu, e haalele kaua ma kēia wahi i ke kamaʻilio ana no Adelo, a e huli ae kaua a nana ia Alamira.

Oiai ua lede opio nei e holo ana me ka hauoli nui maluna o ka makana hiwahiwa i loaa mai iaia mai kona kupunakane mai, aia hoy kona mau onohi maka ke nana la ma o a maanei o ka aina me ka hialaai nui, a ma ia wa hookai nohoi lele ae la ka halialia manao iloko ona:

“Manao au o ka papa wahi no paha keia e holoholo ai i kona mau la opio! Ke noho la no paha oia ma Ever Green Home me na hoomanao aloha ana no keia mau puu e kuku mai nei ame na oawa nani uliuli e kuono mai la ma na alo o keia mau puu. O na wahi a‘u e ike aku nei, o kana mau wahi no ia i ike ai a i kamaaina ai hoy. O! E Papa! Pehea la ka loihi o ka manawa i koe mai keia la aku a kiei hou kou mau maka ma keia mau kaiaulu nani a‘u e ike nei.”

I ka hala ana o kekahi manawa loihi o kona holo ana me ka lupeaia ana hoi o kona noonoo e na hoomanao aloha ana no kona luaui makuakāne, aia hoy, kaohi mai la ia i kona lio a hele malie aku la. Alaila huli ae la ia hope no ke kanaka i hoounaia mai ai i ukali nona, a peahi aku la e holo mai a loaa mai ia. Aole nohoi i liuliu, hoea mai la ua kanaka la. He kanaka keia i loaa na makahiki aoo, a he helehelena kuoo kona me ka maikai, a he malihini nae kona mau maka ia Alamira.

I ka holo ana mai o ua elemakule la a kokoke mai ia Alamira. Oia no kona wa i kamailio aku ai imua ona (elemakule).

“Ea, he malihini loa kou maka ia‘u. Aole loa au i ike iki ia oe mamua aku nei ma Tereveliana Hale, a I kakahiaka nei wale iho la no ko‘u iki ana‘ku ia oe. O oe anei kekahi o na kauwā hou?”

“Ae; aka, he kauwā kahiko no nae hoy au.” Wahi a ua elemakule nei I pane mai ai, me ka hoomau ana mai nohoi I ke kamaʻilio ana: “O Tumase ko‘u inoa. Ua noho hana kahiko loa au ma Tereveliana Hale, mai ko‘u wa kamalii mai a kanaka makua, a ma ka wa i haalele iho ai o Geofere Tereveliana ia Tereveliana Hale, o ko‘u wa nohoi ia i haalele ai ia laila a hoy aku la au i ka Oihana mahiai. Iloko o na makahiki elima i hala ae nei, ua noho pu au me ka‘u kaikamahine i mare i ke kane, a i kela la aku nei ane, hoounaia ae ana au e ka Haku Tereveliana e hoi hou mai au me ia e noho ai elike nohoi me ko‘u ano o ka wa mamua.”

“Alaila, ua ike oe ia Geofere Tereveliana?” @ ninau aku ai o Alamira i ua elemakule @a.

“Ae; ua ike au iaia. He kii onohi haule ole ia na ko‘u mau maka e hia@aai nui ai. Na‘u ponoi nei no i a‘o iaia i ka holo lio. Lehulehu wale na manawa i holo lio pu ai maua ma keia alanui nei no a kaua e holo nei a hoea i kahakai. He nui loa na manawa a maua i hele ai i ka uhai holoholona. Ma ke@a wahi a puni, aohe loaa kona lua ma ke akamai I ka holo lio, ma ke kīpū pololei, ma ka eleu ame ka piha hoihoi, a oia nohoi ke kanaka opio ui o kēia wahi, aohe loaa kona lua. Aka, e kuu lede, e kala mua mai oe @a‘u, no ko‘u olelo ana‘ku ia oe, o kou mau onohi maka a‘u e ike nei, ua like loa no ia me kona mau onohi maka; aohe wahi lilo. Ae aka, ua make nae kela kanaka opio nona na onohi maka au e halihali nei ma ka aina malihini, a ua lilo hoy kona make ana i mea poina ole ia‘u. O kuu naau ame kuu puuwai apau aia no me ia.”

“O oe iho la ka lua o na kauwa  a‘u i lohe ai i ua manao mahalo nona, “wahi a Alamira@ “aka, ua manaoio loa nae ka Haku Tereveliana, ua hoao o Geofere e lawe i kona ola.”

“Pela no; ua manaoio no ka Haku Terevelian pela; aka, o makou nae o na kauwa, aole loa o makou manaoio iki ia mea. O ko makou manao maoli, he hana apuhi menemene ole kela i hooiliia aku maluna ona. Manao no makou, he okoa loa ka mea nana i hana i kela karaima; aole na Geofere@ O kekahi hoy, he enemi loa ka Haku Adelo iaia, a e noke mau ana ia i ka hooulu i na manao ino a inaina iloko o ka Haku Tereveliana nona (Geofere).”

I keia awa i hoeu ae ai o Alamira i kona lio e holo, oiai nohoi na manao poluluhi no kona luaui makuakāne e pūnohu ana iloko o kona noonoo; aka, i ka hale ana ae he mau minute o ka laua holo ana, ua nalohia ae la ia mau manao mailoko aku o kona mau noonoo ana.

E kamoe pono ana kona holo ana no kahakai, a oiai ia e hookokoke aku ana ilaila, aia oia ke ike mau la i na pa kōaniani hu@@ui ana mai na eaea kai, a lilo ae la ia mau owili Malanai oluolu i mea e mohala maikai ai kona o@a kino.

Hilo aku la ia a ku iho la ma ke kuemaka o kekahi wahi puu, a ia wa i huli aku ai kona mau maka a ike aku la i ka moana kai uliuli e waiho mai ana he mau mile ka mamao mai iaia aku. Ike aku la ia i na ohuku nalu uakea e kakaa ana maluna i ka opu lipolipo o ka moana. I kona huli ana ae hoy ma keahi aoao o ka aina, ike aku la ia i ke ku mai o kekahi hale kiai, i oili ae mai kekahi hale kulana hiehie, a aia hoy maluna o ka moana kai uli kai lipolipo ana i ike aku ai, ike. Ike aku la ia he wahi waapa uuku, nona na pe‘a e hoopiha pono ia ana e na onou makani o ka moana.

I ka pau ana ae o kona hoohialaai ana iaia iho me na hiona kamahao o ka moana, hoohuli ae la i kana nana ana ma kekahi lae kahakai. Ike aku la ia ma ia wahi he hale kakela nani, a e hulali mai na kona mu puka aniani me he mau onohi daimana la, mamuli o ka pa-pa pono ana iho a na kukuna o ka la.

I nei wa hāwanawana iho la ua lede opio nei iaia iho:

“Ua like loa nohoi kela hale kākela me kekahi o na hale kakela o ka wa kahiko a‘u i heluhelu ai ma na buke moolelo. He jeu paha kela o kahi oluolu nui wale o ka noho ana. Aia na kolonahe Malanai makani mai ka moana mai ke ani peahi la ma kona mau paia, a o ka hoene o na owe ana a ke kai, ua like ia me na melodia oluolu e ne-hone ana i ka po lai.”

Alaila, huli ae la ia i ke kanaka kauwā, a ninau aku la:

“E Tumasa, he wahi kahiko loa paha kela?”

“Manao au, he hookahi haneri makahiki paha ke ku ana o kela hale kakela ma kela wahi; ua oi aku paha. Ua kapaia kela wahi, o ka Maka o ka Aeto, a o kekahi kela o na home noho o ka ohana alii o Rosevena. He ohana alii haaheo loa keia. O keia wahi nae, no kekahi wahine ui ia o wale, ua mare oia i kekahi o keia ohana alii. I kela ame keia hanauna, e hoomaemae a e hana hou ia ana kela hale. Ina e hiki oe ilaila, e ike ana oe i na mala nani, na loko wai nani ame na mea nani no apau i pili i nei mea he poe alii.”

“Pehea; he nui loa aku no ka paha na wahi noho o keia poe?” i ninau aku ai o Alamira.

“Ae. He poe waiwai loa keia, ka poe Rosevena. Ua mare wahine ia no lakou āpau I na wahine opio I lilo I poe hooilina no kekahi mau waiwai nui hewahewa. Ma na kau makalii e hele mai ai kēia poe i keia wahi. Aka, I keia wa iho nei nae, ma ka wa I make ai ka haku aoo I kela kau hāule lau aku nei aole o lākou hele pinepine mai ia nei. O ka mea e noho nei I keia wa oia ka Haku opio.”

‘Auhea kona ohana?” i ninau aku ai o Alamia.

“Aia no lakou ma na wahi e ae. Oia wale no koonei. He kanak opio wale no keia. He kanaka ui@ a he keonimana ma na ano āpau. I kela ia aku nei ike au iaia ma ke kūlanakauhale o Tereveliana. He kanaka akamai I ka holo lio; ua like loa no kona kulana ame kona akamai hololio me ko Geofere. He akamai nohoi I ke kīpū ame ka hoe waapa. A ma na wa āpau e hiki ole ai i na poe lawaia o keia wahi ke holo I ka moana no ka maka‘u i ka nui o ke kai, e hiki e hiki loa ana no i keia kanaka opio ke holo e paani maluna o na ohuku ale.”

Kokoke hui o Alamaira me ka ume mageneti pahaohao o Maka-o-ka-Aeto.

(Aole i Pau)

Ua loaa kau palapala e Mr. Jno. Alanapo o Kona Hema, Hawaii, e hoike ana i kekahi mau mea pili nohona kuee a hakaka mawaena o kekahi ohana, a no ke ano pilikino loa o na olelo, ua kapaea e makou i kau, oiai aole ka makou pepa he pākaukau no na olelo “laipilia.” E hoouna mai oe i na mea hou maikai, aole auanei e ole ka uwilaia aku ma na kolamu o ke Kilohana Pookela o ka Lahui, Hawaii.

 

IUBILE DAIMANA.

 

(Mai ka aoao ekahi mai.)

 

Moiwahine e komo ana I kekahi lole nona ka hu‘a lole ula kai ina e hii hoomahalaia ana e ewalu wahine, I aahuia me na lole keokeo. Alaila, na wahine mai o ke aloalii me ko lakou mau hu‘a loloa e welo ana i hope. Alaila, he poe wahine pa-haahaa mai me na hu‘a lole hooluu @olu e wewelo ana i hope. I kona hoea ana mai mamua pono o ka Haku Bihopa i aahuia me kona aahu O ihana hīhīmanu, ua ku iho la ia. A puili ae la kona mau lima mamua o kona alo, a hanu ae la ia, me he mea la e hoomaha ana. I kei awa i kani iho ai ka ogana me ka ikaika launa ole, me he kuina la ma ka leo o ka hekili, a hoowawalo ae la ia loko o ka hale. A kani ae la ka leo mele, “Hauoli Au i ko lakou olelo ana mai ia‘u: e komo kākou i ka hale o Iehova.: He wa keia no ka ilihia, aohe waimaka paa iho mawaena o na mea apu. Ua hoo ni ae la ka haalulu ilihia i na mea apau. Ua manaoia, e hiki ole ana la i ka Moiwahine opio ke hoomau aku i ke ku ana, mamuli o ke koikoi launa ole o ke poipu ana iho o ka ilihia maluna o na mea apau. Aka. Ikeia aku la nae ka pii ana‘ku o ka Moiwahine a hoea i kahi i hookaawaleia nona ma ke Kuahu, a malaila kukuli iho la ia, paa ae la kona mau lima i kona mau maka a pule iho la. I kei awa i hoolai iho ai ka meha pu mai o a o, o ka hale, a e loheia ana ke koele o ke kuipine ke haule iho. Ma ka wa i pau ai na pule hoolaa ana a ka Aki Bihopa, ua hookauia iho la ke karaunu maluna o ke poo o ka Moiwahine, a me ke sekona mua loa i pa iho ai ua karaunu ia maluna o kona poo, oia ka wa i hoonaueue ai na leo kani makolokolo kupnai o na pūkuniahi i ke kūlanakauhale o Ladana kani ae la na leo o na pu puhi, a puia ae la o loko o ka hale poni Moi i n a leo hooho huro o na kanaka. A iloko o keia mau hooulu ahiu ana o na leo o na pu, na o-le ame ko na kanaka, e ku ana ka Moiwahine opio me ka oni ole, me he mea la, he kia hoomanao nani ia i makia ia iho ma ia wahi.

O keia ka moolelo hiwahiwa o ke Alii nona ka la; he nui aku no paha, aka, o na mea ano nui no nae keia a makou e panee aku nei imua o ko makou poe heluhelu. E ike pu ana oi ko makou pepa o keia la i ke kii o ua Moiwahine kaulana loa nei o ke ao nei ame kana ohana keiki.

 

NA HEIHEI LA IUBILE DAIMANA.

 

Oiai he haiki loa ke kowa i koe o ka makou pepa o keia la, nolaila, ke hoopuka aku nei makou i na lealea heihei moku, waapa ame waa i malamaia ai ma Honolulu nei, ma ka Poakolu iho nei, Iune 23.

Mamua ae o ka hoea ana aku i ka hora 8 o ke kakahiaka o keia la, ua lehau ae la na pipa uwapo o Honolulu nei, pela nohoi o luna o na puu papa, na moku pili aina, ame na waapa i na poe makaikai.

Hora ewalu me kanakolu minute, hoomaka na hana ma ka heihei ana o na moku Liilii. O ka heihei mua loa nohoi ia. Ma ka hora 3 a oi o ka auina la, akahi no a huli hoy mai keia puulu moku. Ua lilo ka eo ia “Hoopakele” (Rescue), moku o C. Johnson. O ka helu elua  Edith L. Ua hooaapaaia nae ke kuleana ole o ke komo ana o “Hoopakele” ma keia heihei, oiai he moku ia no ka heihei papa ekahi. A o keia heihei i malamaia no na moku ia o ka papa elua.

2. Heihei waaa, eono hoe. Makana mua $20; makana elua $10. Holo mai kahi mai i hoolana ai na unakanawai o ka la, mamua mai o ka pa hooili pipi, a hoea i ka “boe pahu hao” mua loa ma ka muku o ke awa, alaila, huli hoy mai. Eia na waa i komo: Puukolo, Hauola, Waikiki, Kauaheahe, Piledelepia, Healani ame Kakaako. Eo ka makana ekahi ia Kakaako, manawa holo 7 minute ame 8 sekona; eo ka makana elua ia Waikiki, manawa holo 7 minute 20 sekona.

3. Heihei waapa, eono hoe, noho paheehee. Mai ka pahu holo aku a hoea i ka “hoe oni apiki,” alaila, huli hoi. Makana $50/ Eia na waapa I komo: Alice M. (Hui Matala); Carl W. (Hui Healani). Eo keia heihei ia Alice M. Manawa holo 15 mintue ame 21 sekona.

Heihei waapa huelo “boti.” Makana mua, $50; makana elua, $20. Kahi e holo ai. Like me ka heihei ekolu. Na poe i komo: Kahilu. He poe maka‘I malalo o Kapena Parker Waipa na poe hoe: Lawehala. Na keiki Uwapo , ame ko ka “manua” Amerika Mariona. He heihei ohohia nui ia kēia, oini ua maikai like na nee ana a na waapa o na keki kamaaina me ko na keiki malihini. I ke kaalo iki ana nae o na waapa o na keiki uwapo ame ko ka Mariona mawaho iki aku o ka hale ipukukui, oiai hoi ka waapa o na “kaiko” e pahee ana I ka welowelo me ka maikai, ua huikau ae ia na hoe a kēia mau waapa ma hope nei, a huihui ae la na makau a ka lawaia I Wailua. He hoopaapaa ko laila. Ua lilo ka eo helu ekahi I na kaiko iloko o 20 minute me 30 sekona. Ua hoopaapaaia ka mea I eo ai ka helu elua. Ua kauoha hou na lunakānāwai e heihei hou na keiki “alamihi” o ka uwapo me na keiki ili-pua-kea o ka mokukaua Mariona. Ma kēia heihei ana. Ua kakaiapolaia na keiki aukai e na pāpai alamihi o ka uwapo ae nei. Ua lilo ka eo ia lākou iloko o 20 minute me 30 sekona. Like loa keia manawa holo o na keiki “alamihi” me ko na “kaiko.” (E pono olua e heihei hou.)

5. Heihei waapa. Umi hoe. Makana, $50. Kahi e holo ai, like me na heihei mua ae la. He heihei keia na ka poe “manua” wale no. Oia ka Piledelepia ame ka Mariona. O “Aloha” ka waapa o na poe o ka Mariona. A o Hanakeoki ko ka Pilidelepia. Ma keia heihei ana ua kaa ka lanakila i ka poe o ka Mariona. Manawa holo o ka Mariona he 28 minute: Piledelepia he 29 minute.

6. Heihei waapa moku. Makana mua he $30: makana elua, $15. Na waapa @ komo: Mokolii. Kinau ame Lavinia. O ka waapa hope na na “alamihi” o ka uwapo i hoe me ka eleu haule hope. Lilo ka eo ia Kinau. Manawa holo, 18 minute; Mokolii 18 minute me 30 sekona.

 

Hoolaha Loio

 

W.R. RAKELA.

 

@oio a he Kokua ma ke Kanawai@

 

HE LUNA HOOIAIO PALAAPLA.

 

@@@@

 

LYLE A. DICKEY.

 

Loio a he Kokua ma ke Kanawai

 

Alanui Kaahumanu. Helu 14. Tel 682

 

Iloko o ke Keena o ka Loio Kuhina mamua, a he Loio Hoopii ma ka Aha Apana o Honolulu.

E hookia na hana pili kanawai apau mai na Mokupuni mai.

O.A.F. Tavares, Kakauolelo a Maheleolelo. 1yr.

 

1yr.

 

Hoolaha kūmau

 

PAPA! @ PAPA

 

AIA MA KAHI O

 

Lewers & Cooke

 

(LUI MA) @

 

Ma ke kahua hema o Alanui Papa me Moi.

 

E LOAA NO NA

 

PAPA NOUAIKI

 

O keia a me keia ano.

 

Na Pani Puka, na Puka Amani,

 

Na Olepele, na Pou, na O’a,

 

Na Papa Hele, na Papu Ku,

 

Me na Papa M@e he nui i a

 

NV PILI HALE O NA ANO A PA@

 

A ME NA

 

WAI HOOHINUHINU NANA@

 

O na ano a pau loa.

 

Na Baiaki o na Ano he Nui Wai.

 

Ke hai ia aku nei oukou e na makamaka a pau, ua mākaukau keia mau makamaka o oukou e hoolawa aku ma na mea a pau e @i ana ma ka laua oihana no ka

 

Uku Haahaa Loa,

 

E like me ka mea @ holo ana maukau o Laua a me ka Mea Kuai.

 

Hele Mai e Wae no Oukou iho.

 

@@@@@@

 

Hoolaha kūmau.

 

Ka Ayer Laau

 

Hoomaemae Koko.

 

(SARSAPARILLA.)

 

E hoomaemae oe i kou koko me ka Ayeer Laau Hoomaemae Koko (Sarsaparilla). O keia ka laau pahu‘a ole o kona ikaika hoola. Kupono maoli keia laau no ka ma‘i Alaaia. ma‘i Hehe. Puha. ma‘i Aai. ma‘i Kuapuhi. ma‘i Puupuu oolohu. ma‘i Kane pōhaku, ame na ma‘i no apua e ulu mai ana mailoko mai o ke koko ino. He kūpono loa nohoi keia LAAU HOOMAEMAE KOKO A AYER no ka ma‘i nalulu (catarrh), rumatika ame ka rumatika pehu.

Ma ke ano he laau hooikaika kino ia. Aohe ona lua. E kokua ana ia i na mea paahana o ka opu ma ka hoawali ana i ka ai. hooikaika i ka hana ana a ke ake-paa nawaliwali pu hoi i ke kino i hele a nawaliwali mamuli o ka luhi ame ka hoomailo ana a ka ma‘i Ua ike na kauka lapaau ma na wahi apau. He laau maikai loa keia laau Hoomaemae Koko a Ayer. He laau keia i loaa no loko mai o ka pa‘ipa‘i ame ke kawili a hoohuihui naauao ia ana o na laau hoomaemae koko a hooikaika kino ikaika loa. Aohe laau hoomaemae koko elike me keia, a i makemake nui ia nohoi elike me keia.

 

Ka Ayer Sarsaparilla

 

Hoomakaukauia e DR. J.C. AYER & CO.,

 

Lowell, Mass., U.S.A.

 

Oia ka Ma‘I Awa awahia o ka Opu I na Huaale a Ayer

 

No Keaha i HOOKAWELEWELE LOA AKU AI OE I KELA

 

ANU, KUNU AME PUU EHA?

 

Ua kaulana loa ka LAAU KUNU A AYER (Ayer’s Cherru Pectoral) iloko o na makahiki he aneane 60, ma ka hoola ana i na Ma‘i o ka Puu ame ke Akemama, ke Anu, he Kunu, ka Ma‘i La Grippe, ame ka Ma‘i Mala o ka pale Akemama. He ono keia laau ma ka inu ana, a he oiaio ke ola.

 

AYER’S CHERRY PECTORAL

 

Na Medala Gola mai na Hoikeike Nui o ke Ao

 

Mai Lawe i na Laau Emi i Hoohalikeia me keia

 

Hollister Drug Co. Lt.

 

Na Agena ma ka Paeaina Hawaii.

 

KAKELA ME KUKE

 

Ka Halekuai Nui

O NA

 

WAIWAI LIKE OLE

 

NA MEA

 

HANA KAMANA A PAU

 

Na lako pili hao kukulu hale, Na kepa, Na lei ilio, Na kaulahao ilio, Na Pahi, Na Upa, Na kope hulu, Na Pulupulu.

 

Palau Lio

 

Na mea mahiai, Na au h@, Na au koi, Na kua hipi, Na lei hipi, Na kaulahao hipi, Na uwea pa, Na kaa palaia, Na mea piaia, Na ipuhao.

 

Makau me Aho Lawaia

 

Na Iliwai Na kauia, Na hulu peua, Na pulumi, Na pena, me ka aiia, Na hope, Na aila mahu Na pakele Na pakeke hao, Na kapu hao, Na pauda, Na kukaopolo, Na awiki, a me Na i pakuk@@.

 

Mikini Humuhumu aulana

 

Wilcox, & Gibbs Hoo@@i Lopa

 

Ka Remington, Elua Lopi.

 

A me na ukana he @oi loa o këia ano a me këia ano.

 

Kakela me Kuke