Ka Nupepa Kuokoa, Volume XXXVI, Number 22, 28 Mei 1897 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU
MANAWA HOLO.
Mai a Mahope aku o lulai 5, 1895

 

Wili o Ewa  Kaa Ukana  Na ia apau, koe ke Sabati    

Hiki i Waianae,  na ia apau    

Hiki Wili o Ewa, na ia apau

Hiki Waianae  Na Poaouo me Sabati wale no.

Hiki i Waianae, na ia apau.

 
    A.M. A.M. P.M. P.M. P.M.

Haalele ia Manana 7:4@ 9:58 2:28 2:28 3:33
Haalele Wili o Ewa 8:10 10:19 2:49 2:49 6:14
Hiki i Waianae --------10:34 ----- 3:24 6:49

Waianae na ia a pau.

Wili o Ewa  Kaa Ukana  Na ia a pau   Koe Sabati 

Waianae na  ia a pau.
Wili o Ewa na la a pau 

Hiki i Waianae  na  Poaono me Sabati
                     
A.M. A.M. P.M. P.M. P.M.

Haalele ia Waianae 6:44 ---- 1:32 ----- 4:16
Haalele Wili o Ewa 7:19 9:10 2:07 3:51 4:51
Haalele ia Manana 7:50 9:48 2:38 4:22 5:22
Hiki i Honolulu 8:28 10:30 3:11 4:55 5:55

E lawe ana na kaa ahi hali ukana i na kaa ohua o ka papa ekahi.

G. P. Denison
Luna. F. C. Smith
Luna Kuai Palanala Holo.

 

NU HOU HAWAII

 

 Mai poina i ka hele ana ae e nana i ka hukihuki kaula o ke ahiahi o ka la apopo.

 

 He aha hulahula Europa ka ka Puali @ i haawi ai ma ka po Poakolu nei maloko o ka Hale Paikau hou.

 

 Ua waiho mai o Rev. J. K. Iosepa o Hap@ i kona hookohu agena no ka Papa Ola ma Hana, Maui.

 

 Ma ka anina ia Poalua nei i haalele mai ai ka mokukaua Pelekane "Nene Ahiu" ia Honolulu nei, a holo aku la no Esquimault.

 

 Ma ka Poalua nei.  Poakolu ame Poaha i malamaia ai ka halawai makahiki a na kauka o Hawaii nei maloko o ka Hale Hui Opiopio o Honolulu nei.

 

 Ua akoakoa mai nei kekahi mau Kahu Ekalesia mai na Mokupuni e mai no ka noho ana ae ma ka Aha Euanelio Nui e malamaia ana i keia mahina ae.

 

 O kela haole o Kau, Hawaii, i hoopiiia ai no ka "lomilomi" ana paha i kekahi wahine Iapana, ua huukuuia o, na kiure haole ma ka Poalua nei.  He elua nae kiure kue.

 

 Ma ka paani kinipopo ana a ka Hui Sana Lui me ka Hui Regimena ma ka auina la o kela Poaono aku nei, ua lilo ka eo i ka hui hope.  He 6 puni ana i ka 4 puni a ka mua.

 

 Ma ka Poalua nei i lele hou mai ai na koa marina ame na luina o na mokukaua Piledelepia me Mariona no uka nei o ka aina e hele aku la iwaho o Kulaokahua e paikau ai.

 

 Ua iilo aku ma ke kuaiia hookahi poo-leta Hawaii o ka makahiki 1851, no ka huina o $3,500.  O  F. W. Ayer ka mea nona keia poo-leta Hawaii.  He mea hoiliili poo-leta ia e noho mai la i Bangor, Me.

 

 Ua nui ka mahaloia o na hana o ka Aha Mele i haawiia ai maloko o ka Hale Hui Opiopio (Y. M. C. A.) e kekahi poe puukani o Honolulu nei ame na haumana liilii o kekahi mau kula Aupuni o Honolulu nei malalo o ke alakai ana a Mrs. Tucker.

  Ma ka Poalua nei i holo mai ai kekahi kaa pio, e kalaiwaia ana e kekahi Hawaii maoli, ma Alanui Kalepa, a me ke kumu kupono ole ua hina iho la ka lio ilalo a moe lakee ana.  Mamuli o ka nui o na lima kokua ua loaa hou iaia ka palekana.

 

 E haawiia ana he "Ahaaina Luau" maoli, ma ka la 5 ae nei o Iune, e na Kahu o ka Hale Hoohanau Keiki Kapiolani, no ka pomaikai o ua hale la.  He ahaaina "kemu keia.  Ua manaoia, eono ana pakaukau Hawaii, hookahi a elua paha pakaukau mea ai haole, ame na pakaukau e ae nohoi.

 

 He hookuku hukihuki kaula ke malamaia ana ma ka auina la Poaono ae nei, maloko o ka halau hale e ku nei ma ke kihi Waikiki o na Alanui Alakea ame Beritania.  Ua loheia mai e komo ae ana ma keia hukihuki ana he elua mau puali Hawaii - he poe Poola a he poe no ka hale hana hao o "Ulakoheo" ae nei.

 

 Ma ka Poakolu, Iune 2, e malamaia@ni ka halawai nui a na Ahahui Opiopio o Hawaii nei maloko o ka luakini o Kawaiahao.  O Rev. J. M. Monroe, o ka Ekalesia Karistiano, ka mea haiolelo ma ka Olelo Beritania: a o Rev. S. L. Desha, o Hilo, ma ka Olelo Hawaii.

 

 I ka wa a kekahi kaa hapaumi i holo mai ai mai Waikiki mai ma ke awakea Poakahi nei, ma Alanui Moi, a hoea pono ma ke alo o ka hale o Kale Kulika, ua pakika iho la kekahi  o na hoki kauo a hina iho la ilalo, me ka manao loa ia ua pii aku la na huiia o ke kaa malunao ua hoki ia, aka, ua alo ae la, ia poino.  He nui na ohua o ke kaa ia wa, aole nae he mea i poino.

 

 Mamuli o ka lilo ana o ka la 5 o Iune ae nei he ia ahaaina no ka pomaikai o ka Home Hoohanau Keiki Kapiolani, nolaila, ua hoopaneeia mai ka hookipa anaina Hawaii maluna o ka mokukaua Adimarala Piledelepia, i manaoia ai e malamaia ana ma ia la.  E malamaia ana ia hana ma ka la 12 o Iune.  Ua makemake nui ia na kanaka  Hawaii e hoea aku ma ia anaina hookipa.  Maluna o na waapa o ka Piledelepia e laweia aku ai me ka uku ole.

 

HAUOLI KOMO HALE MA KEANAE.

 

 Mr Lunahooponopono o ke Kilohana Hookela@ o ka Lahui Hawaii, aloha oe: Ke hoouna aku nei au i ka moolelo pokole no na mea nili ana no kela komo hale ma Keanae i hoik@ia maloko  o Keia @ kono a oiai he kulana ia ma @ ano ke mea hou ma ke Koolau nei o @ nolaila, e heluheluia keia misiona makaponi me ke akahele.

 Ma ka ia @ iho nei o Mei nei i komo @a ka hale nani o ke duke hao o ka wai kau o Keanae nei, Mr. James Kahalepapu Saunders.  Iloko o na mahina 4 a oi o ka hanaia ana e kona kamana, ka mea i mahaloia Mr. J. B. Kanamu o ka Ualoku o Hanalei.  Ua hoomakaukauia na mea apau no ka oluolu ma ka ai ana ame ka ma-u hoi ma ka inu ana.  I ka pakika pono ana ae o ka manamana kuhi minute e hoike mai ana o ka hora 1 ia, ua akoakoa mai la na mea apau no ka rumi aina, a piha pono, a komo iloko o ka lanai lole i hoomakaukauia.  I ka noho pono ana iho o ke anaina iluna o na noho, ua ku mai la o Mr. D. W. Kawahamae he keiki papa no ka Makani Apaapaa, a kanaenae ae la i na mana lani.  Pau ke kanaenae ana, hookomo ko waho i na rumi liilii o Haloa (opu)..

 Pananaiki na malihini i hiki mai, a no lakou iho keia mau inoa:  Mr. Tom Pa. o Peahi i Kaluanui, Mr. Pahio, Mrs. A. Kaimi o Waihee i ka pakikakika, Mr. ame Mrs. Mary Kaiwi o ka lai o Wailuku, Miss Capt. Pu o Kaimilani Sloop, a he nui wale aku i paa ole ma keia hoonohonoho ana a ka'u peni.

 Na kamaaina hanohano:  Mr. D. W. Napihaa, ka Moi o Keanae, o na pali nihoniho o ke Koolau nei ame kana lede.  Mr. J. B. Kanamu me kana lede ame ka alua lei Miss K. Kanamu, Miss K. Napihaa, Mr. E. Kuehu, Mr. Joseph Halemano, a he nui wale aku, aole i paa ma keia ulele ana a ka makapeni.

 I na malihini me na kamaaina e haluku nei i ka loku a ka ua nui, e pii ana ka akau a e iho ana ka hema, oia ka wa i poha mai ai ka leo mai ka ona mai o ka home no keia la hoomanao hauoli.  A e heluhelu iho e Mr. Mea Heluhelu me ke akahele, penei:

 E na leda ame na keonimana ame na hoaloha o'u i akoakoa mai nei i keia la, ke waiho aku nei au imua o ko oukou hanohano he wahi konane na ko oukou noonoo e kaana pono mai, a penei:  Ua makemake au e haawi i $4 i ka mea a mau mea paha nana e koho mai i ka inoa pololei o kuu hale ame ka pa, a e imi oukou mai keia manawa aku a hiki i ke kani ana o ka hora 3, oia ka wa e nanaia ai na inoa i loaa mai ia'u mai ka oukou mau pepa mai, a eia maloko o keia wa-hi leta ka inoa o ka hale ame ka pa.

 I ka pau ana o na hoakaka ana, oia ko'u wa i ike aku ai i ka lehulehu i ka hanalaoa iluna o ka apana pepa.  A hiki i ke kupalaka ana ae o ka manawa i ka hora 3, oia ka wa i maluhia ai ke anaina me ka maikai, e hoolohe ana i na hoakaka no na pepa inoa i waihoia aku imua o ka ona hale, a oia hoi kana i hoike mai ai imua o ke anaina penei:  Ua kaa ka eo i ka hai pono ana mai i ka inoa o ka hale i na inoa malalo iho nei:  Mr. D. W. Kawahamae, "Hale Aloha;"  Mr. John Mailou, "Home Aloha."

 I ka pau ana o na hoakaka ana, ua panaiia aku la ka laua mau dala ma ka pa-lua dala pakahi.

 No ka inoa o ka pa, aole he mea i loaa, nolaila, koe no kai ala, a ua maopopo aku la ia e ka mea heluhelu, elua poo a he hookahi no nae alelo.  A o ka manawa no ia i ku mai ai ka mea nona ke kakela a hoike mai la i ka inoa o ka pa, oia keia, o "Lanikila."

 I ka pau ana o ka paina ame na hana e pili ana i ke koho inoa, ua hoomaha ke anaina no ka manawa.  A i ke koele pono ana ae o ka manawa o ka wati i ka hora 5, ua hapaiia mai la he mau nanea himeni, na ka puukani o ka Ualoku o Hanalei, Mrs. Luluhipolani Kamanu.  Mahope iho o ka pau ana o na nanea himeni, ua hoike hou ia mai la he nanea hou, oia hoi, he hulahula Europa, malalo no o na alakai ana a ua iwa kiani la o ke one kani o Nohili.  Nani a maikai keia i ka'u ike aku, ke hele la a

 "Niniu Molokai,

 Poahi Lanai."

O na nanea Hawaii nohoi ia mea nani okoa aku:  hele kela a

 "Huai ka Ulu o Lele

  I ka Makani."

O ka mea oi loa i ko'u mahalo, oiai ka nui o na lealea, oia no ka maluhia a hiki i ka pau ana o na lealea o ka la, a hoi aku la kela ame keia ma ko lakou mau home, a o ka hapanui iho ua moe iho la no ma na rumi kaawale o ua kakela nei.

 Ma ka la 7 ae, ke mau la no na hauoli ana no ka la i hala.  He wahi paina liilii i kakahiaka a pela i ke awakea. A i ka pau ana oia paina ana, ua hooholo iho la ke Duke Hao ame ka Moi o Keanae nei e nee aku ke anaina ma ka home o Mr. D. W. Napihaa, ka puuwai hamama o na pali kalali o Keanae.  Nani na mea apau, a ku kilakila na hana a ua makamaka heahea la.  Hora 7. noho ma ka papaaina a ua makaukau na mea apau, me he mea la he 2 a 3 paha ia i hoomakaukauia e ia ai; aka, aole pela kela moto kaulana a ke aiwaiwa o ka "lokahi."  O ka manao nui no keia akoakoa ana, oia hoi he kanaenae no Mr. J. B. Kanamu ame Mrs. L. Kanamu no ko laua huli hoi no Honolulu ma ka mokuahi Calaudine i ka la 8 ae, oiai ua noho aloha laua me na kamaaina o ke Koolau no na mahina 4 a oi.  Aloha no.

 Ma ka la 8 ae, ua ku kakahiaka nui mai la ka mokuahi Claudine ma ka hora 5 a oi iki a ua piha ke awa i na kanaka.  Aloha olua.

 He nui na hoaloha i konoia aku no ka hauoli pu ana, eia nae ka lakou pane ma ke telepona, ina i ka Poaono e komo ai ka hale, alaila, hiki aku makou, oiai o ko makou ia kaawale ia, a ina ma ka Poaha, alaila, aole makou e hiki aku, oiai he hana ka makou.  Nui ko lakou ka-ua mai e kali a ka [[ ]]

 

MANLIO  GARIBALDI.

 

 Young Garibaldi, who recently left America to fight for Greece, is a son of the Famous Italian liberator.  He is 24 years old and more than six feet tall, bearing a stricking resemblance to his distinguished father.

 

MANLIO GARIBALDI.

 

 O ke kii ae keia o Garibaldi opio.  Oia nei ke keiki a kela kanaka kaulana loa o Italia nona ka inoa o Garibaldi.  He 24 ka nui o na makahiki o keia keiki, a he 6 kapuai a oi kona kiekie, a ua like loa no kona helehelena me ko kona luaui makuakane.  Ua haalele oia ia Amerika a ua holo aku no Helene e kaua ai i na Tureke.

 

[[ Poaono, aka, malalo o kekahi kumu, ua hiki ole ke hoopanee, a ua hala aku la ka puulena aia i Hilo.

 E Mr. Lunahooponopono, e kala mai ia'u no keia.  Owau no a hiki hou aku. Me ke aloha nui.

 G. W. KALAIOKEANAE.

Waianu, Keanae, Mei 8, 1897.

 (He mea maikai ke kakau pokole mai ma na mea ano nui. L. H.)  ]]

 

Hela ame Keia.

Hukihuki Kaula!

 

MA KA HALAU HALE MA KE KIHI O NA ALANUI BERITANIA A ME ALAKEA.

 

Makana mua,  $200.00

Makana elua.   100.00

 

 E hoomaka ana ka hukihuki ana ma ke ahiahi Poaono, Iune 5, 1897, ma ka hora 7:30 minute.

 E haawiia na hoopaa inoa ana o na poe e komo ana ma keia hana ma ke Keena Kuai Buke o Taramu, ma Alanui Papu.  A e paniia ana ma ka la 1 o Iune.

 

Makemake Makou 

 @ I ka Oukou Hana

 

Pa'i ana ama

Ka Humu ana

I na Buke.

 E HANAIA ME KA NOIAU LOA.

 

Na Papa Keleawa Inoa me na Hua Kuni Wai Gula.

 

 E hanaia no ia ma ko makou nei Keena a kulike me ka mea i makemakeia.

 

KA HUI HAWAIIAN GAZETTE

 Na Poe Hoolaha.

 

Hale Pohaku o Von Holt, Alanui Moi, Honolulu.

 

KUAI MAKEPONO.

 

 E paniia ana ka Halekuai hou e pili pu ana me ka Hale Tela o Tregloan ma Alanui Papu, a nolaila, e kuaiia aku ana na mea apau me ke emi i keia pule a i keia pule ae nohoi.

 O keia ko oukou wa hope loa e loaa ai na waiwai no ke kumukuai i haule malalo iho o ka hapalua o ke kumukuai mau.  Mai hoohala.

 C. V. STURDEVANT

426 Alanui Papu.

 Poalima, Mei 28, 1897.  2562-1t

 

ILOKO O KA AHA KAAPUNI O KA Mahele Hookolokolo Kaapuni Ekahi, Repubalika o Hawaii.  Ma ke Kaulike. J. M. Peenahele, Lunahooponopono o ka Waiwai o B. Kahewahewanui vs. D. Toomey, Hui o Grinbaum, kaupalenaia, ame Mana Makiha.

 I kulike ai me na olelo hooholo no ka hooko ana ame ke kuai ana'ku i hanaia ma ka hihia maluna ae e ka Aha. ma ka la 30 o Maraki, M. H. 1897, ke hoolahaia aku nei ma keia, e kuai kudala akea ia aku ana ka waiwai i hoakakaia malalo iho nei, ma ke Keena Kudala o Jas. F. Morgan, ma ka Helu 33 o ke Alanui Moiwahine, ma Honolulu, Mokupuni o Oahu, Ko Hawaii Pae Aina, ma ka la 21 o Iune, 1897, hora 12 o ke awakea.  Kuike ke Dala.  Na ka Aha Kaapuni hoi e apono i ua kuai la.

 KA PAPA INOA O NA WAIWAI.

 O na waiwai apau ma ka Apana o Hana, Maui, i paa maloko o ka Palapala Sila Nui Hela 3069B me 4931, he elua apana, a maloko o laila he 28 3/4 me 2 3/4 eka, o ua mau apana la.

J. M. PEENAHELE.

Lunahooponopono Waiwai o B. Kahewahewanui.

 Honolulu, Mei 25, 1897.  2652-3t

 

HOOAHA A KA LUNA HOOKO KAUOHA.

 

 Ua hookohuia ka mea nona ka inoa malalo iho nei e ka Aha Hooko Kauoha Mahele Kaapuni Ekahi i Luna Hooko Kauoha no ka Palapala Kauoha hope loa a Kailikea (w) i make ma Maemae, Honolulu, Oahu, ma ka la 13 o Aperila, M. H. 1896, nolaila, ke hoolahaia aku nei ma keia i na poe apau he mau koi ka lakou i ua waiwai la, e waiho mai i ua mau koi la iloko o eono mahina mai keia la akua ma kona wahi noho ma Maemae, Honolulu, Oahu, a i ole ia, e hoole mau loa ia aku no ia mau koi.  A o ka poe apau i aie i ua waiwai la, ke kauohaia aku nei ma keia e hookaa mai.

 LULIA WAIANUHEA,

 oia no o

 LULIA KALAUKOA.

Luna Hooko Kauoha no ka Palapala Kauoha a Kailikea (w) i make.

2652-3t

 

OLELO HOOLAHA AKU.

 

 E ike auanei na kanaka apau, ma keia Hoolaha, ke haiia aku nei ka lohe i na poe apau e nana mai ana i keia, aole e hele, komo a hana ino paha i na pono o makau ma kela mau apana aina o makou, i ikeia ma ka inoa o S. W. Makaike ma Honuaino, N. Kona, Hawaii, i lilo ia Vitorino Ohera i ka hoolimalima, a i lilo mai ia'u ma ka hoolimalima.  Ke haiia aku nei hoi oukou e ka poe mea Holoholona iloko o ka aina o S. W. Makaike, e pono ia oukou e kii koke a lawe iwaho o ka aina: a he 10 la i haawiia ia oukou; a ina ehala he 10 la, alaila, e hopu, hoopaa, a laweia no ia ka Pa Aupuni ua mau holoholona la.

 He oiaio keia hoolaha.

 Hanaia Mei la 17, 1897.

JUN  HEE.

 Kainaliu, N. Kona, Hawaii.

2652-2t

 

OLELO HOOLAHA.

 

 Ua kapu ka paakai o Aliapaakai, Moanalua, aole e lalau kekahi mea: mai na Pake, kanaka a mea e ae. O na paakai i hoopuupuuia, e waiho aole e lawe.   J. I. Dowsett.

(Kimo Pelekane.)

Honolulu, Mei 21, 1897.

2652-1t

 

OLELO HOOLAHA NO KA MAKEMAKE LAWE AINA.

 

 I ka poe apau e nana mai ana i keia:

 E hoomaopopoia, ke makemake nei ka Hui Alahao a Aina o Oahu, mamuli o ka mana i haawila a i hoonohoia iloko ona e kona Palapala Hoohui a e ke kanawai i aponoia ma ka la 11 o Sepatemaba, A. D. 1888, i kanaia "He Kanawai e hoomana ana a e hoohoihoi ana i ke kukulu ana i na Alanui Kaa Mahu ma ka Mokupuni o Oahu," ame na mana e ae i loaa iaia ma keia ano e lawe a e hoohana aku no ka pono o ke Alanui Hao i hoomanaia ai ia e kukulu aku, a no ka pono hoi o na hana e pili ana ia oihana, i na apana aina i hoakakaia penei:

 E hoomaka ana ma kekahi wahi o ke alanui hao o ke Alahao o Oahu 100 kapuai ma ke komohana mai ke kahawai mai o Waikele: alaila, holo aku ma ke kaha mawaenakonu o kekahi alahao holo aoao a hoea i ka Mahiko o Oahu, elike me ia i hoeilonaia ai ma ua wahi la, e na apahu i kakiaia, a penei: holo kmohana@ ma ke kuleana alanui o ke Alahao o Oahu, alaila, holo akau ma ke kuleana 6545, e noho kuleanaia nei e Loo Ngawk, a i hoolimalimaia ia Tong Sung Wai Co.: alaila, holo akau ma na apana aina 5, 4, 3 ame 2 o ka Aina Aupuni o Pauhala a ma ke Kuleana 5663, i kuleanaia e Kaikainahaole, a i hoolimalimaia ia Kauhane@ alaila, holo komohana ma ke Kuleana (Aina Aupuni) 150, i kuleanaia e ka Misiona Katolika, a i hoolimalimaia ia Sam Wo Wai: alaila, ma ke Kuleana Helu 1613 B aku, e kuleanaia nei@ e S. K. Kane, a i hoolimalimaia aku ia Ah Kui: alaila, holo akau ma ke Kuleana 8597 aku, i kuleanaia e Kaikainahaole, a i hoolimalimaia aku ia Ah Kui: alaila, holo akau ma ke Kuleana 1022 aku, i kuleanaia e Mrs. Martha Liwai, a i hoolimalimaia aku ia Ah Kui: alaila, holo akau ma ke Kuleana 891, i kuleanaia e S. K. Kane, a i hoolimalimaia aku ia Ah Kui: alaila, holo akau ma ke Kuleana 1576, i kuleanaia e Kauhane, a i hoolimalimaia aku ia Ah Kui; alaila, holo akau ma ke  Kuleana 880, i kuleanaia e Kahikina, a i hoolimalimaia aku ia Ah Kui, alaiia, holo akau ma ke Kuleana @ Aina @ni@ 126, i kulleanaia e S. K. Kane, a i hoolimalimaia aku ia Ah Kui, alaiia, holo akau ma ke' Kuleana 122 i kuleanaia  M. R. Robinson ma alaiia holo akau.hikina ma ke Kuleana 888, i kuleanaia e @ ia aku ia Ah Kui, a ma ke K@a 1@20 ia Akaaka @  Ap @ i kul@  hoolimalimaia  @ Ah Kui, @ holo hikina @ komo i ke@  312: maloko @ laila @  akea, a he 29 kapuai ma kela ame keia aoao o ke kaha kaena-konu ma ke alanui.

HUI ALAHAO AME AINA O OAHU.

 Ma o Kona Hope Peresidena ia

 J. B. Atherton.

Ma o kona Kakauolelo la:

 W. G. Ashley

2650-4t

 

I KA AHA KAAPUNI MAHELE KAapuni Eha.  Mokupuni o Hawaii, Repubalika o Hawaii.  Ma ka Hooponopono Waiwai.  Ma ka Hana o ka Waiwai o Ohumakini, i make.  Ka Olelo Hoolaha a ka Lunahooponopono Waiwai i na Poe Aie.

 Oiai, ua hookohuia mai ka mea nona ka inoa malalo iho nei i Lunahooponopono Waiwai no ka waiwai o Ohumakini.. o Hilo, Mokupuni o Hawaii, Repubalika o Hawaii, i make, a ua loaa iaia ka mana elike me ke kanawai, ma keia ke hoolaha aku nei, ua kauohaia na poe apau e noho aie ana i ua waiwai la e hookaa koke mai, a o na poe he mau koi ka lakou i ua waiwai la, e waiho mai ia mau koi i ka mea nona ka inoa malalo iho nei, i ka Lunahooponopono Waiwai, ma ke Keena o G. F. Little, ka loio, ma Hilo, Hawaii, a ua hooiaio pono ia hoi ua mau koi la i hiki ai ke hooponoponoia.

 Hanaia ma Hilo, May 13, 1897.

 NUALOLO (w.)

Lunahooponopono Waiwai o ka Waiwai o Ohumakini i make.

2651-3t

 

HOOLAHA HOONOHO HOPE.

 

 E ike na kanaka apau:  Ua haawi au, a ua hoonoho, a ua hookohu aku au me kuu hilinai ia K. M. Koahou, o Hilo, Hawaii, ma ke ano oia no ko'u hope oiaio i ku i ke kanawai, a iaia ka mana piha apau e hooponopono i ko'u mau waiwai apau e waiho ana iloko o keia Aupuni, me ka loaa pu o ka mana e kakau i ko'u inoa.

 NAHAKU (w).

Kalaupapa, Molokai, April 8, A. D. 1897.  2651-3t

 

MA KE KAUOHA.

 

 E halawai ana ka Papa Kakau Inoa Koho Balota no Maui, Molokai, Lanai ame Kahoolawe, no ka hoopaa ana i na inoa o ka poe koho balota, ma Lahaina ma ka la 17 ame 18 o Mei, 1897, a ma Pukoo, Molokai, ma na la 21 ame 22 oia malama hookahi no.  Mai ka hora 9 kakahiaka a ka hora 4 ahiahi.

 FREDERIC W. HARDY.

 A. N. KEPOIKAI.

 F. WITTROCK.

Maui, Mei 8, 1897.  2650-3t

 

Hoolaha Mana Hookiokooio.

 

ILOKO O KA AHA KAAPUNI O KA Mahele Kaapuni Eha.  Ko Hawaii Pae Aina.  Ma ka Hooponopono Waiwai.  Ma ka Hana o ka Hoonoho Kahu ana no Kaaumoana (k), he keiki ole.  He Kauoha no ka Hoolaha ana i ke Noi no ka Hoonoho Kahu ana.

 Ma ka heluhelu ana ame ka waihoia ana mai o ke Noi a Keahi Liilii o Wainaku, Hilo, e olelo ana ua make kauoha ole o Malia (w) o Hilo, Hawaii, ma Hilo, Hawaii, ma ka la -- o --- M. H. 189--, a e nonoi ana e hoopukaia na Palapala Hoonoho Kahu iaia.  Keahi-liilii, no ke kino ame ka waiwai o ua keiki oo ole nei, oia o Kaaumoana (k).

 Ua kauohaia o ka POALIMA, la 25 o Iune, M. H. 1897, ma ka hora 9 A. M. oia ka wa e hooloheia ai ua Noi la maloko o ke Keena Hookolokolo o keia Aha ma Hilo, Hawaii, a ma ia manawa a ma ia wahi e hele mai ai na poe apau i pili i ua hana la a hoike mai i kumu, ina he kumu ka lakou, nokeaha la e ae ole ia ai ua Noi la.

 Hanaia ma Hilo.  Ko Hawaii Pae Aina, Mei 22, M. H. 1897.

 E. G. HITCHCOCK.

Lunakanawai Kaapuni o ka Aha Kaapuni Mahele Eha.

Ikea:  DANIEL PORTER.

Kakauolelo o ka Aha Kaapuni Mahele Eha.  2562-3t

 

 ILOKO O KA AHA KAAPUNI O KA Mahele Kaapui Elima.  Ko Hawaii Pae Aina.  Ma ka Hooponopono Waiwai.  Ma ke Keena.  Ma ka Hana o ka Waiwai o Anakalea Kaia (k), o Hanalei, Kauai.  Imua o Lunakanawai Hardy.  Kauoha no ka Hoolohe ana ame ka Hoolaha ana no ka Hooko ana i ka Palapala Kauoha.

 Oiaia, ua waihoia mai he Palapala i oleloia, he Palapala Kauoha na Anakalea Kaia (k), i make, ma ka la 19 o Mei, M. H. 1897, i ka Aha Hooko Kau oha i oleloia ae la, ame ke Noi no ka Hookoia ana o ua Kauoha la, ame ka hoopuka ana i na Palapala Hooko Kauoha ia Milaka Kaia (w) ame John Kailianu Kaia, i waihoia mai e John Kailianu Kaia i oleloia.

 Ma keia, ua kauohaia o ka POAHA, la 24 o Iune, M. H. 1897, ma ka hora 10 A. M. o ua la 'la, ma ke Keena Hookolokolo o ua Aha la ma Lihue, oia ka manawa ame kahi i kohoia no ka hooiaio ana i ua Palapala Kauoha ia a hoolohe ana hoi i ua Noi la.

 

 Ua kauoha@a nohoi e hooiahaia no ekola @ pule ka @ke ma @ o ka "Kuokoa," he nupepa @ a ma Honolulu a o ka k@  ina aoi@  o ka manawa i ho@  ka wa @ hooloheia ai

 Han@ K@  K  Hawaii Pae Aina @

@

 

@ O KA AHA @ O KA  Mahele Kaapuni P@ K. Hawaii Pae Aina  Ma ke Keena  Ma Ka Hooponopono Waiwai.  Ma ka Hana o ka Waiwai o Samuela K@ (k) o Kahimano,  Hilo Hawaii, i make kauoha ole  Imua o Lunakanawai  E. G. Hitchcock.  He Kauoha no ka hoolaha ana i ke N@   Hooponopono Waiwai.

 Ma ka heluhelu ana ame ka waihoia ana mai o ke Noi a Emma Laeha ka wahine-kane-make a Samuel Kawaihae, e olelo ana ua make kauoha ole o Samuel Kawaihae o Kahimano, Hilo, Hawaii, ma Kahimano, ma ka -- o ---, M. H. 1897, ma ka waiho ana iho he waiwai maloko o Ko Hawaii Pae Aina i kupono he hooponoponoia, a e noi ana e hoopukaia na Palapala  o Luna Hooponopono Waiwai ia Emma Laeha, a e hookohuia hoi eia i Kahu no na hooilina oo ole ma ke kanawai.

 Ua kauohaia o ka POALIMA la 23 o Iune, M. H. 1897, hora @ A. M. ma ka wa no ka hoolohe ana i na Noi la ma ke Keena Hookolokolo o keia Aha ma Hilo, Hawaii, a ma ia manawa a ma ia wahi e hele mai ai na poe apau i pili i ua hana la a hoike mai i kumu, ina he kumu ka lakou nokeaha la e ae ole ia ai ua Noi la

 Hanaia Hilo, Ko Hawaii Pae Aina, Mei 20, M. H. 1897.

 E. G. HITCHCOCK

Lunakanawai o ka Aha Kaapuni Mahele Kaapuni Eha

Ikeia:  DANIEL PORTER.

Kakauolelo o ka Aha Kaapuni Mahele Eha.  2562-3t

 

AHA HOOKOLO KAAPUNI.

 Apana Elua o ko Hawaii Pae Aina. Ma ka Hooponopono Waiwai  Ma ka hana o ka waiwai o Kilanakea (w). no Waiehu, Maui, i make kauoha ole. Ma ke Keena, imua o Hon. J. W. Kalua.

 Ma ka heluhelu ame ka waihoia ana mai o ka Palapala Noi a Kaholokai (w), ka wahine mare a Kaahu (k) i make, kekahi o na keiki ponoi a Kilanakea, e hoike ana na make kauoha ole o Kilanakea i oleloia aia Waiehu ma ka la -- o --. a e noi ana o hooholo ia ka waiwai i na hooilina

 Ua kauohaia, o ka POAHA ka la 17 o Iune, M. H. 1897 ma ka hora 10 kakahiaka, oia ka manawa i kohoia no ka hoolohe ana i ua noi ia imua o ua Lunakanawai la, ma ka Hale Hookolokolo ma Wailuku, a ma ia manawa a ma ia wahi no e hele mai ai na mea apau i pili e hoike mai, ina paha he kumu ka lakau e ae ole ia ai ua noi la.

 Kakauia ma Wailuku, Maui, Ko Hawaii Pae Aina, Mei 21, 1897

 Ma ke kauoha a ka Aha

 G. ARMSTRONG.

2652-3t  Kaukauolelo.

 

 LOKO O KA AHA KAAPUNI O KA Apana Hookolokolo Ekahi o Ko Hawaii Pae Aina.  Ma ka Hooponopono Waiwai.  Ma ka hana o ka waiwai o J. P. KUIA, o Makawao, Maui, i make.

 Oiai, ua waihoia mai ka Palapala Noi ame ka Hoike Waiwai a ka Lunahooponopono Waiwai o ka waiwai o ka mea i make i oleloia ae la, a ma ia palapaal i nonoi mai ai oia e nanaia a @ aponoia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima i na poe i kuleana ma ia waiwai, a o hookuu ana iaia mai na ko'iko'i mai apau ma kona amo Lunahooponopono Waiwai.

 Ua kauohaia, o ka POAKAHU, la 14 o Iune, M. H. 1897, hora 10 o ke kakahiaka, ma ke Keena Hookolokolo ma Aliiolani Hale, ma Honolulu, oia kahi ame ka manawa i kohoia no ka hoolohe ana i ua noi la ame na Hoike Waiwai, a malaila a ma ia wa no hoi e hele mai ai na kanaka apau i kuleana ma ia waiwai a hoike mai i kumu, ina he kumu ka lakou e ae ole ia ai ua noi la.

 Honolulu, Mei 13, 1897.

 Na ka Aha

P.D. KELLETT, JR.

2650-3t  Kakauolelo

 

 Apana Hookolokolo Ekahi o Ko Hawaii Pae Aina.  Ma ka Hooponopono Waiwai.  Ma ka hana o ka waiwai o S. N. P. HANAIA, o Honolulu, i make.

 Oiai ua waihoia mai ka Palapala Noi ame ka Hoike Waiwai a ka Luna Hooponopono Waiwai o ka waiwai o ka mea i make i oleloia ae la, a ma ia palapala i nonoi mai ai oia e aponoia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma@ona lima i na poe i kuleana ia waiwai, a e hookuu ana iaia mai na koikoi mai apau ma kona ano Luna Hooponopono Waiwai.

 Ua kauohaia, o ka Poakahi ia 14 o Iune, M. H. 1897, hora 10 o ke kakahiaka, ma ke Keena Hookolokolo, Aliiolani Hale, ma Honolulu oia kahi ame ka manawa i kohoia na ka hoolohe ana i na noi la a me ka Hoike Waiwai, a malaila a ma ia wa hoi e hele ae ai na kanaka apau i kuleana ma ia waiwai a hoike mai i kumu, ina he kumu ka lakou e ae ole ia ai ua noi la.

 Honolulu, Mei 12, 1897

 Na ka Aha.

 T. D. KELLETT  JR.

2650-3t  Kakauolelo.

 

CURES WHILE YOU SLEEP

 Vapo-Cresolene.

MAMULI o kahaawiia @ kala@ CRESOLENE ma ka @ ke keehina hau a paleka@ loa no ka lawe ae @i na Ohe Makaia o ka puu. He konahau @ole ka holo po@o o ka@ hoola mau i ke @ ke Kuau Ho  He laau maikai a ia @o ke pala ana aku i na ma'i lele a pela @ loaa @o na buke koakaka me ke kumu@ ole i huipa me na palapala hoomaikai. @ na poe kua laau a pai:

 HOLLISTER DRUG CO.,

Honolulu, H I., Agents