Ka Nupepa Kuokoa, Volume XXXVI, Number 21, 21 May 1897 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA SABATI.

HAAWINA IX — MEI 30.

Na hana maikai, he mau hua o ka ma@ Iakobo : @3.

            @ E @ hanau o'u, heaha ka waiwai ke olelo kekahi @ kona. E @ ka @

            @ ko ke kaikaina @ paha, a i nele @

            @ oukou ia laua @ ka pomaikai a e hoo@ no hoi aole @ io aku ia laua i ka @ heaha la ka waiwai?

            17 Pela no hoi ka manaoio, ina oia wale no aole ana hana, ua make ia.

            18 A @ i mai kekahi, O ka manaoio k@ hoi ka hana ana; e hoike mai oe ia'u i kou manaoio me kou hana ole a ma ka'u hana ana e hoike @ au ia oe i kuu manaoio.

            19 Ke manao nei oe, aia hookahi A@ pono oe pela no ka dai@ manaoio ai, me ka haalulu hoi.

            20 E ke kanaka lapuwale, ke makemake nei anei oe e ike aku, ua make ka @ ke ole kana hana ana?

            21 Aole anei i hoanonoia mai o Abe@ ko kakou kupuna ma ka hana ana @ kona wa i mohai aku ai i kana keiki ia I@aka maluna o ke kuahu?

            22 Ke ike nei oe i hooikaika pu ka @ kana hana ana a ma ka hana ana @ono ai ka manaoio.

            23 @ ka palapala, i @ Ua manaoio o Aberahama i ke Akua, a @ i pono nona; @ iho la oia he hoaaloha no ke Akua

            PAUKU GULA. Iak. 2:18. Ma kau @ ana e hoike aku ai au ia oe i @ manaoio.

            MANAO NUI E pono ke ikeia ke ano maikai o ka manaoio ma na hana @ pono

            OLELO HOAKAKA. O keia haawina a me ka haawina mahope iho oia no he mau apana ma ka Episetole o Iakobo. Ua kakauia keia palapala e Iakobo, ke kaikaina o Iesu, Gal. 1:19. O keia ka palapala mua o ke Kauoha Hou Ua lilo o Iakobo i kahu no ka Ekalesia ma Ierusalema. Oih. 12:17 a me 15:13-21. Ua ike mehameha oia ia Iesu i kona wa i ala hou ai. 1 Kor. 15:7. Ua kapaia oia "ke kanaka hoopono kaulike." Ua kakau oia i keia palapala i ka poe manaoio Iudaio, oiai aole i hooko lakou i ka io o ka manaoio. Mamuli o kekahi kaao Iudaio, mamua iho o ka hailukuia ana o Ierusalema e na koa Roma, A. D. 70, ua hooleiia aku oia e ka aha haunaele mai ka wini mai o ka luakini, a pepehiia e ka newa. @ oia ma kona mau kuli no ka poe hoomainoino. Ua kakauia keia Episetole i mea e pale aku ai i na hoowalewale o keia ao, na hookohukohu, ka puni waiwai, ka imi lealea, a pela aku. Oiai ua hoike mai o Paulo i ka manaoio oia no ke aia hookahi e ola ai, aole hoole o Iakobo i ko Paulo olelo, aka nae ua hoike mai oia aole waiwai ke alahele ina paha aole hele kekahi ma ua ala 'la.

            14. Waiwai.—aole ma na dala, aka nae ma na loaa uhane. I aha keia manaoio? Olelo.—oia ke kalele o ka leo ma ka heluhelu ana, he olelo waha wale no, he hoike, he nanaina. Hana.—na hana kupono no ka mea manaoio, ke aloha palena ole i ke Akua, ke aloha kokua i na hoa kanaka. Manaoio.—ua hoike manaoio la. Hoola.—hookomo a hoomau i ke ola hou ma o Iesu la. Iaia oia ke kalele o ka leo, aole ma ka huaolelo manaoio. 15. Nele.—e mau ana ka ilihune, oiai e mau ana na hana hewa, aole i nohoalii a lanakila ka pono ma keia honua, aole lanakila i keia wa 16. Oukou.—ka poe hoike manaoio pakahi. Haawi.—he mea lapuwale ke aloha wale me ke kokua ole i ka mea pilikia. 17. Make.—pau ke ola, e like me na anoano i waihoia a maloo ma ka holopapa. 18. Hoike.—ina paha e hiki ana i ke keiki ke kamailio, e kamailio ana oia, aole e hana ana oia i mau peahi hoailona. 19. Akua.—aole i hoole paha oe iaia aka nae aole i lawelawe oe nona: nolaila, ua like a like ke Akua me ka mea ole ia oe. Daimonio. na anela ino. 20. Make.—aula, palakai, ponalo, mamuli o ke ano maoli o ka huaolelo Helene. 21. Hoaponoia.—a hanaia aku ma ke ano he kanaka hoopono, aole he mea lawehala. Ua kapaia o Aberahama ko ke Akua hoalauna no kona hooholo ana i ko ke Akua manao hooholo. Mohai.—oiai ua wanana mai ke Akua ma ua hoike la e loaa ana ka pomaikai i na lahui a pau loa. 22. Hana.—oia no na hua, oiai o ka manaoio oia no ka mole. 23. Hooiliia.—Kinohi 15:6, me he mea la ka hoopono oia no ka hooilina o ka manaoio. Aia ma ka malamalama o ka ipukukui ka wela pu, aole hiki ke hookaawaleia kekahi mai kekahi aku.

            i Ka hoike manaoio wale no, aole he mau hana ku i ka manaoio. 14-17. Heaha ke kumuhana o keia haawina Baibala? Ua loaa anei ia kakou ke ola hou ma o Iesu la, no ka pono o Iesu, a i ole paha no ka pono o ko kakou mau hana? Ua loaa anei ia kakou ke ola hou ma o Iesu la, ina paha ua moe panoa wale kakou me ka hooholo ole ana i ka hana kulike me ko Iesu? Ua lawa anei ka hookahakaha ana i ka inoa Karistiano, me ka hoike ole ana i ke ano Karistiano ma ko kakou mau hana? Pehea e pili pono ai ka hana i ka manaoio ? Heaha ka manaoio i oleloia ma keia mau pauku? Heaha ke kumu no ka nui o ka poe nele ma kela a me keia lahuikanaka? Ua lawa anei na huaolelo lokomaikai ina paha he panai lakou no no hana kokua? Ua lawa anei na manao maikai aole i hooholoholoia? Heaha ka manaoio e ola ai? Heaha ka manaoio make?

            II. @ 18-21. Heaha ka olelo o kekahi p 18? He manaoio maoli anei ko ka mea i oleloia aku? He @ hana, oia wale no, aole he manaoio anei ko ka mea e olelo ana? Heaha ka oiaio ano nui loa e manaoio ai? Hiki anei i na kanaka ke ike pono i ke Akua hookahi? Pehea e hoomaopopo ai? Ua maikai anei ka ae ana'ku i ke ano hookahi o ke Akua oiaio? Owai na daimonio? Ua akaka anei ia lakou ke ano hookahi o ke Akua oiaio? Ua lawa anei ka maka'u ana iaia? Ua pili anei i ka manaoio kupono ka hoolohe ana iaia me ke aloha ilihia? No keaha la ua kapaia ka mea kue i ka manaoio e ola ai "he kanaka lapuwale?" Pehea i panoa mau ai ka manaoio wale ana?

            III. Ka manaoio e hooko ana i ka pono. 22, 23. Nowai mai ka hana kumu hoohalike, p. 22? Heaha ko ke Akua olelo kahea ia Aberahama, Kinohi 12:1-4? Owai kana keiki hooilina? Aole anei ko Arabia, ko Edoma he poe mamo no Aberahama elike me ko Isaaka? Ina paha ua pepehi e o Aberahama ia Isaaka a make, pehea e hiki ai iaia ke lilo i hooilina nona, ka mamo e hoopomaikai ai i na lahui a pau loa? Pehea i hookoia ai ko ke Akua olelo wanana e pili ana i ko Aberahama mamo? Pehea i hoikeia ai ke ano piha pono o ko Aberahama manaoio? Ua kauoha anei ke Akua i kona poe ponoi e hapai i na hana hike ole i na kanaka ke hooholo loa? Owai ka inoa hanohano i loaa ai ia Aberahama no kona hooholo ana i ke kauoha o ke Akua?

            MANAO PILI. 1. Ina paha ua makemake oe i ko Aberahama pomaikai ma ka launa pu ana me ke Akua, heaha kou mau mea e hoike aku ai? 2. Heaha na hana maikai au e hana ai i mea e hoaponoia ai oe e ke Akua? 3. Heaha ka mea mana e loaa ai ka pomaikai uhane, ka manaoio paha, ka hana paha? 4. Ua pili anei ka manaoio i ka noonoo wale no, i ke aloha wale no, i ka mana koho wale no, a i ole paha i ke ano kanaka holookoa? 5. He manaoio maoli anei ka manaoio pili ole i na hana kulike?

 

HE HOALOHALOHA.

I ka makamaka maikai,

            Henry Waterhouse.

            Aloha nui oe.

            Ua oluolu i ka Makua Lani i ka lawe aka'ku i ka hanu hope loa o kau wahine i aloha nui ia mai keia ola ana;

            Nolaila, o makou, o ke Kula Sabati o Pukaana, ma Kona Hema, Hawaii, ma o ko makou komite la, ke komo pu aku nei me oe ame ka olua mau keiki i hooneleia i ka makuahine e u a e kanikau pu nona, a na ka Makua Mana Loa e hoomama mai i ko kakou mau manao kaumaha.

            O makou iho no ke Kula Sabati o Pukaana, ma o ko makou mau komite la.

            T. K. R. AMALU,

            JOHN. S. KAUWE.

            Hookena, S. Kona, May 10, 1897.

 

KA PAIKAU KOA AMERIKA.

            Ma ke kakahiaka Poalua nei i lele mai ai na koa marina ame kekahi poe luina o luna o ka mokukaua Adimarala Piledelepia ame ka mokukaua Mariona no ka hoomaamaa paikau i uka nei o ka aina. Ua maki aku lakou no ke kahua kinipopo ma Makiki. E alakaiia ana ka puali holookoa e ka Puali Puhi Ohe o ka moku Adimarala. I ka hoea ana i Makiki, ua malamaia na hana paikau me ka maikai.

            Oiai nae e paikau ana lakou, ua ulu ae la he wahi paio liilii mawaena o kekahi mau koa marina. Ua hehi a hooku'i mau aku kekahi koa marina me kona kapuai wawae i ke kuekue wawae o ke kanaka mamua iho ona, a no ia mea, ua piena hoi ke kanaka mamua iho no keia hana a huli ae la oia a hanai puupuu ae la i ke kanaka mahope. Ia wa hoi i hoala ae ai ke kanaka mahope i kana pu a uhau aku la i ke poo o ke kanaka nana oia i ku'i mai. Ua lawe koke ia ke kanaka i hoehaia me ka pu malalo o ka malama ana a ka puali kiai o na poe hoehaia, a o ke kanaka nana i awala i ka pu, ua hopu ia oia. O laua a i elua no luna o ka mokukaua Mariona.

 

O KA LAAU MAIKAI LOA NO KA RUMATIKA.

(Mai ka Nupepa Fairhaven Register mai o Nu Ioka.)

            Olelo mai o Mr. James Rowland o keia kulanakauhale, ua loohia kana wahine i ka ma'i rumatika no na makahiki he iwakaluakumamalima. He mau po aku nei i hala, ua eha loa ia iho la ia a aneane e pupule. Olelo aku oia ia Mr. Rowland e kii ia ona kauka, aka, ua heluhelu nae oia i ka Laau Hamo a Kamalena, a ma kahi o kona kii ana i ke kauka, hele aku la oia i ka halekuai a kuai iho la i omole. Aole makemake iki o ka wahine i kinohi no keia hana ana a Mr. Rowland, aka, ua hamo iho la no nae ia, a iloko o ka hora hookahi ua hiamoe aku la ia. Ke hamo mau nei ia i kela ame keia wa ana e ike ai ua loohia oia i ka eha, a e loaa mau ana nohoi ke ola. Wahi ana, aohe laau i loaa ai ka oluolu iaia elike la me keia. E kuaiia ana e na poe kuai laau lapaau apau. O BENSON SMITH & CO., na Agena ma Ko Hawaii Pae Aina.

 

MISS JULIA KAOAO UA HALA

            Nupepa Kuokoa, aloha oe:—E oluolu hoi oe e hoike ae i keia wahi puolo @luu, a oia hoi keia: Ma ka hora 7 a oi o ke ahiahi Poakahi, Mei @, ua ka mai la na lima palan@ o ke Akua i ka hanu o Miss Julia Kaaoao a lawe aku la i kana o ka uhane. A eia iho kahi moolelo e pili ana i keia kaikamahine.

            Ua hanauia oia ma ka la 7 o Ianuari M H. 1879, na Kaoao (k) ame Makaokalani (w). Ua hoonaauaoia oia ma ke Kula Katolika Roma o Wailuku mai ka wa kamalii mai a aneane 14 makahiki, a hookomoia i ke Kula Aupuni o Haiku, i noho poo ia e C. W. Baldwin. He aneane elua makahiki ma ia kula, a ua holomua ka ike o Julia ma na haawina kula. Ua hooikaika o C. W. Baldwin i ka papa kahu waiwai o ke kula o Maunaolu e noho o Julia ma ia kula, a ua aeia mai no mamuli o ka lokomaikai o ka makua G. E. Beckwith nana e kokua i keia kaikamahine, mamuli o ka nele o na makua. Ua noho o Julia i ke kula nui o Maunaolu iloko o na makahiki ekolu a oi, a mamuli o ka loaa ana i ka ma'i opulepule ma ua kula la, ua hookuuia mai no ka imi ana i ke ola Ua imiia ke ola, eia nae aole i loaa ka oluolu a hala wale aku la. Nolaila, ua make oia me ka manaolana ua make oia me ka poe pono, oiai he kulana haipule oiaio oia, aole i like me kona mau hoa kula e ae. Hookahi a'u mea minamina nui aole i hoomanaoia e na makua nana keia keiki e kii ia makua G. E. Beckwith ame C. W. Baldwin, na makua nana i kokua i keia kaikamahine i ke kula i kona la i make ai a kanu wale ia aku la no. He manaolana ko'u aole laua i poina i ka laua keiki i kau nui ai. O na kumu mai, oia no ka noho pouliuli no o keia ohana, a mamuli wale no o ko'u manao, ua kii ia ka makua Rev. P. Keaupuni e dele mai e malama i ke anaina haipule maluna o ke kino lepo, aka, ma na pilikia o ka makua ma ka uhane, ua hiki ole mai ia, a na'u ponoi no i kahoahoa ae i na mana lani. E Maunaolu e! Ua hala ia hoa luhi o ka imi naauao o oukou. Aloha ino. Minamina wale. Aole oukou e poina iaia, aka, e hui pu aku ana no kekahi o oukou me ia ma kela home lani ina kupaa oukou no Karisto. E hoomaikaiia ke Akua. Nana no i haawi mai a nana no i lawe aku. Me ka ohana ko'u aloha nui me ke kaumaha.

            Owau no me ka oiaio.

            J. P. KAPIHE.

            Pauwela, Mei 15, 1897.

 

ILOKO O KA HAUKIPILA—A MAHOPE MAI.

            "Eia, ua kuhihewa paha au," i hooho ae ai au ma ka wa o'u i hoolaunaia aku ai i kekahi kaikamahine ula ohelohelo o na papalina, kino puipui nepunepu, a kulana ola ma kai nohoi. Aka, hoike mai la nae o Miss Vitter, e noho ana ma Pleasant View Cottage, Hooe, kokoke i Ba@le, ua loohia ia oia i ka ma'i, a no ia mea ua hiki ole iaia ke haalele i ka hale.

            "Ua loohia au i ke anu ino loa," wahi a Miss Vitter. "He ekolu ae nei makahiki i hala. E loaa ana au ekolu manawa o ka la hookahi i ka ma'i kuhewa. Eha kuu kua ame kuu aoao. E anu mau ana ko'u mau lima ame na wawae, ina no au e noho ana mamua aku o kekahi ahi nui. E lelele mau ana no hoi ko'u oili no ka hakui mau o ko'u houpo. Hopohopo na mea apau no'u nei, me he mea la e make ana au. He nui ko'u poe kauka, a ua noho au ma na halema'i Hastings, Sana Leonards, a ua noho au ma East Sussex no eha mahina. Poho loa ko'u manao no ke ola. Ua hele au a nawaliwali loa, a e haalulu ana au ke pa ia mai ai au e kekahi wahi mea uuku loa, a e maule nohoi i kekahi wa.

            "Heaha kou mea i ola ai?" i ninau aku ai au, "oiai he maikai loa kou ola kino i keia wa.

            "Ae—aole paha he ola hou aku a'u i makemake ai mamua o keia. I ola hoi au i na Huaale Ulaula a Dr. Williams. Heluhelu mau kuu makuakane no ke ola ana o kekahi poe he nui i keia laau, nolaila, ua kuai oia a loaa he poho huaale no'u. I ke poho mua loa no, o ko'u ano maikai no ia. Ua ano hou ae la au. Ekolu no a'u poho o ka ai ana a pau ae la.

            O keia ae la ka moolelo kamahao i hoike waha ia mai a i hooiaioia e na nupepa nui apau no na hoola kamahao i hanaia e na Huaale Ulaula a Dr. Williams, ka lua ole o na laau hooikaika kino. E ola ana ke kapalili o ka houpo, ame na ma'i apau e ukali ana i ke anu nui, a mailoko mai paha o ke koko maemae ole, elike me ka anamia, nananakea o na helehelena, nawaliwali a malohi o ke kino, ono ole ka ai, hanu paupauaho, hu'i ke kua, nalulu, na ma'i wahine apau, lolo, rumatika, ame ka siatica. E kuaiia ana e na poe kuai laau lapaau apau, a e ka HUI KUAI LAAU LAPAAU O HOLLISTER MA ame ka HUI KUAI LAAU LAPAAU O HOBRON, na Agena ma Ko Hawaii Pae Aina.

 

            E makaala loa oukou e na kamalii Hawaii aole e lawe wale i na nupepa haole "Advertiser" e waihoia nei maloko o na pa-haole ame kekahi poe e ae i na kakahiaka apau, o pau oukou i ka hopuia e na kiu e kiai nei i ka poe e hana ana pela.

 

            Ua loheia mai o ka poe apau e makemake ana e komo i ka hookuku hukihuki kaula ma keia Poaono ae, he mea pono ke uku e ae i $5.00 ma ka lima o Mr. E. O. White, a me ka waiho ana hoi me ia i $20.00 hoopaa, no ke komo io ana oia puali ma ka wa e hukihuki ai, a ina e eo a eo ole paha ia puali ka huki ana, alaila, e hoihoiia mai no ka $20.00 hoopaa. Aka, ina e huki ole ia poe, a i ole ia, haalele honua wale paha i ka huki ana, alaila, ua lilo kela $20.00 i ka poe na lakou i hooulu i keia hana.

 

HE MOOLELO NO

KEONIMANA KEO.

KA EUEU PUUWAI WIWO OLE—KA HOOPAKELE O KA MEA NAWALIWALI—A O KA WELI HOI A KA POE HAIHAI KANAWAI—A O KA MOI O NA LUA ELI GULA.

MOKUNA I.

            I ko'u ninau ana aku, ua hoike mai la oia, oia ke kanaka waiwai i hele mai ai me ka manao e hooponopono i kekahi mau hana kuai aina ma kekahi kulanakauhale e aku ma ka hikina aku nei o keia, aka, i kona hoea ana mai ma keia hotele, ua manao oia e hoomaha iki a ma kekahi la ae alaila hele loa oia no kona pahu hopu. Iaia nae i moe ai ma ua po la, a i kona ala ana ae, ike iho la ia he pio oia maloko o keia keena. He lehulehu na wa a na kanaka ona hotele la i koi mai ai iaia e kakau aku oia i bila kikoo dala ma kekahi haneko no na dala he elima haneri tausani alaila hookuuia oia, aka aole loa oia i ae iki a hoea wale i kona loaa ana aku ia'u. Ua lilo au i ua kanaka la me he anela hoola la i hoouna ia mai mai ka lani mai. Ua hoike koke ia ka lono i ka ohana o ua kanaka la.

            Ua hookipa maikai ia oia e Ilamuku Wiliama ma kona home, a malaila oia i noho ai a hiki i ka la i hookolokolo ia ai o ke kanaka ona hotele ame kona poe kauwa. Aole he wahi kahua o ua ona hotele la e hiki ai ke pale iaia iho, oiai ua ahuwale kana mau karaima apau i hana ai.

            Mamuli o ko'u hooponopono ana me ka Ilamuku, ua wehe hou ia mai la ka'u mau dala mailoko mai o ka pahuhao waiho dala a ua ona hotele la. He hookahi la mahope mai o ka hoopaiia ana o ua ona hotele la, oia hoi, e kauia oia ma ka amana li-kanaka a hiki i kona make ana, a o kekahi hoi o na kauwa, ke kanaka kahu lio ame ke kupakako, he iwakalua mau makahiki ma ka halepaahao.

            Ia'u e nanea ana ma ia ahiahi ma lanai o ko'u wahi noho hou ma kekahi hotele okoa ae, ua hoea mai la kekahi kanaka opiopio a kanaka maikai imua o'u, a mahope o kona hoolauna ana mai iaia ma ke ano o ke keiki ponoi ia a ke kanaka ona miliona a'u i hoopakele ai, ua haawi mai la oia i kekahi wa-hi leta nui i kakauia mawaho: "Na ka makai-kiu, ka mea nana i hoopakele ke ola o kekahi makua ohana nui."

            He mea e ko'u puiwa i ko'u wehe ana ae, a ike koke iho la au ua piha pono me na bila dala nona ka huina hekanalima tausani dala, ame kekahi mau wahi lalani huaolelo pokole, e haawi mai ana oia i na hoomaikai kiekie ana no'u, ame ko ka ohana mau manao hoomaikai pu ana ia'u, a ma kekahi mau mamala olelo e ae malalo loa o ua wa-hi leta la, he mea e ko'u hoonaukiuki ino no'u iho, oiai o ko'u wa keia e lilo ai i kanaka nui a ko'iko'i ina hoi aole au i hopuhopualulu e i ka lawe ana i ke ola o kela kanaka maikai. Eia ua mau wahi olelo la: "Na ka lokomaikai o ke Akua e hapai ae ia oe e ka opio puuwai wiwo ole ma ke anuu o ke kiekie ame ka hanohano me ka hooloihi ana i kou mau la a kanikoo."

            Mahope iho o ka haalele ana mai o ka opio malihini ia'u, me kela mau dala nui ma ko'u poli, i hui pu ia me ka'u umi tausani mua, ua ike iho la au he kanaka waiwai loa au i kela wa, aka, mamuli nae o ko'u kulana he pio e holo hele ana mai na lima uahoa mai o ke kanawai, ua hoopiha nui ia ko'u naau me ka hoonaukiuki no'u iho. Ike pono iho la au, aole o'u enemi e ae owau ponoi iho no ko'u enemi ino loa. Nolaila, me ko'u hoike ole aku i kekahi mea, ua haalele koke iho la au ia kulanakauhale no na mokuaina o ke komohana nei, maluna o ke kaa-ahi e holo ana ma ia ahiahi molehulehu.

            Malalo o na hoololi ano e hou ana ia'u iho ma ke ano he mea hanai holoholona no kekahi o na mokuaina komohana, ua nalo ko'u hele ana me ka hoomaopopo ole ia e kekahi mea i kamaaina ia'u. I ka hoea ana o ke kaa-ahi ma ke kulanakauhale o Loko Paakai, ka hi o ka poe o ka hoomana mamona, ua hooholo iho la ko'u naau e noho iki au malaila, ame ko'u manao no nae e haalele koke no ia wahi ke hoea hou mai ke kaa-ahi no Kapalakiko, aka, aole nae pela ka mea i hoana e ia no'u.

            He wa pokole ua loaa ia'u na hoaloha he lehulehu wale, a iwaena o lakou ke alakai nui o ka poe mamona Beregani Iana.

            He elua mahina mahope iho o ko'u hoea ana mai malaila, ua mare iho la au i kekahi kaikamahine ui opiopio, a he ekolu mahina mahope mai ua mare hou iho la au he wahine hou, he wahine ia i oi ae na makahiki imua o ka'u wahine mua, a he wahine kane make hoi oia. Mai kela wa mai ua ano maikai ole ko makou noho ana, oiai o kuu wahine hou aohe ona makemake e hoi a noho pu me kuu wahine mua, aka, e noho mau wale aku no au me ia, nolaila, ua ulu mau ka hakaka mawaena o'u ame ua wahine hou la a'u.

            Ma kekahi la a maua e hoopaapaa ana ua pii ino loa ko'u huhu, ame ke kakali ole ua hili aku la au ma ke poo o ua wahine la me kekahi pauku laau, a mamua o ko'u hoomaopopo lea ana, aia hoi, ua make loa iho la ua wahine la a'u.

            O ka pepehi o ke kane i kekahi o kana poe wahine a make, oia kekahi o na kanawi ikaika loa ma kela wahi, a aole loa e kokua iki ana ka ekalesia i kela kane, a o kona hopena he li koke ia ma kekahi kumulaau e loaa koke ana me ka hooka'ulua ole.

            Me ka hoike ole aku o'u i kekahi wahine a'u, ua awiwi koke ae la au i na mea e loaa ana ia'u o ko'u mau wahi aahu pilikino, ame na dala apau i loaa koke ia'u, ua haalele aku la au i kela wahi ma ia po no maluna o kekahi o ko'u mau lio ikaika loa.

            He elua pule mahope mai ua hoea mai la au ma kekahi wahi kauhale uuku ma ke komohana loa o Nevada. He wahi eli dala kela, a mamuli o ko'u eleu ma ke kuu ana i ka'u oopalau (alelo) ua loaa ia'u he hoaloha maikai, he kanaka aoo i kamaaina nui i kela wahi. Mai iaia mai ua hoolaunaia au me ke poo o ua wahi la, ka luna nui a hapa ona o ka lua eli dala. Oiai i kela wa ua nele oia i ke kakauolelo, a ua hookohuia au ma ia wahi.

            Mamuli nohoi o ko'u akamai, ua lilo au i mea paulele nui ia e ua kanaka aoo la. Ua waiho loa mai la oia i ka hookele ana o na hana ma ko'u lima. He mea e ko'u laki ma ia lawelawe ana @ ua paluaia ka nui o na loaa o ka lua eli dala mai ko'u wa i hoomaka ai e lawelawe.

            Mahope mai, ua haalele iho la ua kanaka la ia'u me na kanaka ma kela wahi, @ holo aku la oia no Kapalakiko ma ke kaa-ahi no ka hoohala ana i kekahi mau la, ma kona manao, e mau aku ana no ka maikai o ka'u mau @ ana a hiki i kona wa e hoi hou mai ai.

            I kona hala ana'ku ua hoomaka koke @ ka p@p@ piliwaiwai ma ua wahi la, me ka lu ia ana o na dala he nui. Ua komo pu aku la au iloko o kela mau hana, me ke kuupau ana i na dala o ka waihona o ka oihana.

            Iloko nae o kela wa, ua hoea mai la malaila he kanaka opiopio akamai lua ole i keia mea he piliwaiwai. Mamua o ko'u hoomaopopo ana, ua hoea aku la ka nui o ko'u lilo mawaena o elua a ekolu haneri tausani dala, mailoko mai hoi o na dala a ua kanaka ona lua eli dala la.

            I ka hiki ana i na la e kokoke mai ai no ka hoi ana mai o ua luna nui la, ua hoomakaukau iho la au e haalele i kela wahi me ka ike ole ia, koe wale no he elua mau kanaka, oiai ua noke ia laua i ke koiia e a'u e hui pu makou ma ka hele ana no ka powa ana i na kaa lawe ohua ame lawe leta mawaena o na wahi kuaaina o Kaleponi, ame na hana powa e ae. O keia iho la ko'u hoomaka ana e lilo maoli i powa o ka oihana hae eleele.

            I ko makou haalele ana, o kahi mua a makou i hoea ai, oia no o "Puu Ulaula," he wahi eli gula no kela kanaka a kaua e hele nei e hoao e powa.

            Nolaila, ke hoike aku nei au ia oe me ke pololei loa e Keoni, aole kela he kanaka e, aka, o Hale Ma@ina no kela!

            "O Hale Ma@ina? Auwe! O ka opio waiwai no ka kela i hoohoka mau ai ia oe ma kela po au i hoao ai e lawe i kona ola?" wahi a kona kokoolua i ninau mai ai me ka puiwa ino loa.

            "Ae, oia no kela. Ua hookolo hele mai kanaka ia'u mai kela wahi loa mai. No na makahiki he umi kona hookolo hele ana mahope o ko'u meheu, aka, he nui na hana kaulana ana i hana ai, aka, o ka panepoo nae o kona iini o ko'u loaa pono iaia. Nolaila, e hele kaua me ke akahele loa, a ina e make ana oia ia kakou, alaila, he kanaka lanakila au ma keia hope aku. Oia hookahi wale no ka mea i hoomaopopo loa na'u i powa ke ola o Mr. Ward ame ka lehulehu iho o loko o ka hale ma kekahi po okoa mai. Koe wale no nae o Helena, ke kaikamahine a Ward, a kaikuahine hoi o ua opio la," wahi a ua Kole Iana la.

            I kela wa, ua hoomaka hou aku la na powa o ka po e hele no kahi noho o Kimo Paka ka aoo. Me he la, o ka hora ekolu ia o ka wanaao.

            I ko laua hoea ana'ku, ua mehameha na mea apau, a e halii ana ka meha ma na wahi apau.

            Ku iho la o Kole lana me kona hoa ma ka hakala o kahi hale, me ka hoopili ana o ko laua mau pepeiao ma ka paia o ka hale no ka hoolohe ana i ka nakeke o loko, aka, he meha wale no. Ia wa, ua pane aku la o Kole Iana i kona kokoolua:

            "Me he la, ua kaia loa ia laua iloko o ka hiamoe, a o ka wa pono no keia e——"

            Aole i pau pono ia mau mamala olelo a Kole Iana, aia hoi, elike me ka anapu ana a ka uwila, ua paa koke ae la na lima o Kole Iana i ka puliki ia me ka opea ia mahope o ke kua, a nakeke ana na kupee @ kila, a pela nohoi me kona kokoolua. A me ka loea hawanawana me ke @oo nae, ua pane koke aku la ka mea nana kela mau hana kohu uwila, me he la, mai lalo ae o ka honua kona hoea ana ae, oiai aole loa i ikeia a loheia hoi mahea la oia i hoea mai ai:

            "Aha! He nui na makahiki o ko'u huli hele ana ia oe e Hale Kole, aka, nau no nae i hele mai nei a komo iloko o ka upena i kuu ia nou! E komo koke olua iloko o keia hale!"

            "E Mr. Paka! E wehe mai oe i ka puka no makou?" wahi a Keonimana Keo i kahea aku ai i kona kamaaina.

            He manawa ole ua lilo koke iho la o Kole Iana ame kona kokoolua i pio malalo o Keonimana Keo.

            Ia po no, mamuli o ke alakai ana a Kole Iana, mamuli hoi o ke kauoha a Keonimana Keo, ua pau loa iho la na hoa powa o Kole Iana i ka hopuia me ka nui o ko lakou kahaha i ka eueu hookahi o na kula mehameha o Kaleponi, Keonimana Keo.

            I ke kakahiaka ana ae, he mea e ke kahaha o na poe apau o Awawa Dala i keia mau hana a ka malihini: aka, i ko lakou hoomaopopo ana nae oia @ o ko lakou haku oiaio no ka keia, ka mea nona ia wahi.

            Ia Keonimana Keo e nanea ana me Kimo Paka ame na poe e ae o laila, ua hoea mai la he lede i uhiia kona mau maka me ka uhi maka. Me ka leo nahenahe, ua ninau mai la oia, auhea la ka mea i kapaia o Keonimana Keo.

            Ua kuhikuhi koke ia ae la oia e Kimo Paka. Aka, i ko Keonimana Keo lohe ana nae i ka leo o ka lede, ua hoopiha koke ia oia me ka puiwa, ame ka hawanawana malu koke ana ae i kekahi mea e noho ana ma kona aoao, ua ninau aku la oia, owai la ua lede la, a ua haiia mai la oia, o Fane Piliwaiwai kela.

            Mamua nae o ka pau ana ae o ko Keonimana Keo kahaha, ua pane koke mai la ka lede iaia:

            "Ke ole au e kuhihewa, o Hale Matina no keia, ke kaikunane o ke aloha oiaio?" me ka wehe pu ana ae o ua lede la i kona uhi-maka a ike aku la o Keonimana Keo i ka helehelena ui nohea o Helena Ward.

            "Auwe! O oe no anei keia e Helena?" i hooho ae ai o Keonimana Keo, a i ole, o Hale Matina, ke kaikunane hoomanawanui.

            "Ua hookoia ka iini o ko'u puuwai, oiai, ua loaa ka mea nana i powa ke ola o ko kaua makuakane aloha," wahi a Keonimana Keo.

            Ma ia wa, ua hoounaia he mau elele no ka @ ana i na mea hou ma ke kulanakauhale nui o Kapalakiko, no ka hoouna ana mai i kekahi puali makai no ka lawe ana aku i na pio no laila, ame ka hoihoi loa ana ia Hale Kole no kona aina ponoi, a malaila oia e hookolokoloia ai no kana mau karaima i hana ai me ka lokoino.

            He mau mahina mahope mai, ua ike hou ia o Hale Matina ma kona kakela nani ma ka hikina loa o Amerika, a pela hoi me Helena Ward. Pau loa ko laua ikeia ana ma na wahi mehameha piha karaima o na mokuaina komohana. (Ka Hopena.)

 

Hoolaha Kumau.

 

Ka Ayer Laau Kunu

            No ke Anu, Kunu @ Puu Puu @maka @ laau K@ laau kunu kaulana @ o na lapaau @ Lapaau, a ua @ ma kela a@ ana ia i ka @ i pili aku ai @ paakiki e k@ puu, hoopau i k@ ka oluolu. Ma k@ kokoke loa @ ka AYER LAAU KUNU @kahi. Aohe lua o keia laau no ka @ i ke Kunu Ho Kunu Ka@ Eha, ame na ma'i apau o ke @ i loohia mau ai ka poe opiopio. Aohe @ i palek@ lakou.

KA AYER LAAU KUNU

OIA HOI

KA AYER CHERRY PECTORAL,

I hoomakaukauia e

DR. J. C. AYER & CO.,

Lowell, Mass, U. S. A.

            E makaala loa no na laau hoohalikelike kumukuai emi. @ o kela laau, oia ka AYER CHERRY PECTORAL @ ana kona inoa mawaho o ka @ o ke kino o k@ keia @

Ke pookela o na laau no ka malama ana ka hooulu ana me ka hoononi ana i ka lauoho, oia ka

Ayer Laau Hooulu Lauoho.

            Aole @ k@pio ke poo, ola na m@ puupuu, aole hoi helelei ka lauoho @na maioohaha mai ka lauoho @wenawe a ano hina mai, alaila, na keia laau e ho'iho'i hou ae a kena @ a hooulu lupalupa ae la i ka lauoho. Ma na wahi apau, o keia Laau Hooulu Lauoho a Ayer ke pookela, a @ ia i punahele a i hoapili no na lede ame na keonimana.

Ayer's Hair Vigor

I homakaukauia e

DR. J. C. AYER, Lowell, Mass., U.S.A.

Na Medala Gula mai na Hoikeike Nui o ke Ao

Hollister Drug Co. Lt.

Na Agena ma ka Paeaina Hawaii.

KAKELA

ME

KUKE

Ka Halekuai Nui

O NA

WAIWAI LIKE OLE

NA MEA

HANA KAMANA A PAU

@ lako @o kukulu hale,

Na @,

Na lei ilio,

Na kaulahao ilio,

Na Pahi,

Na Upa,

Na kope huiu,

Na Pulupulu.

PALAU LIO

Na mea mahiai,

Na au @

Na au koi,

Na kua bipi,

Na lei bipi,

Na kaulahao bipi,

Na uwea pa,

Na kaa palala,

Na mea piula,

Na ipuhao.

Makau me Aho Lawaia

Na Iliwai

Na kaula,

Na hulu pena,

Na pulumi,

Na pena, me ka aila,

Na kopa,

Na aila mahu

Na pakeke

Na pakeke hao,

Na kapu hao,

Na pauda,

Na kukaepele,

Na uwiki, a me

Na ipukukui.

Mikini Humuhumu aulara

Wilcox, & Gibbs Hookhi Lopa

ka Remington Elua Lopi

            A me na ukana he nui loa o kela ano @ me keia ano.

Kakela me Kuke