Ka Nupepa Kuokoa, Volume XXXVI, Number 20, 14 May 1897 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXXVI. HELU 20. HONOLULU. POALIMA, MEI 14, 1897 NA HELU APAU 2650

 

Hoolaha @olo.  @

 

@@KELA.

 

@ @ ke Kanawai.

 

@ @o PALAAPLA.

 

@ @ @KEY.

 

@ he Kokua ma ke

K@

@ @ Helu 14. Tel.682

 

@ ke keena o ka lolo Kuhina @ he loio hoopii ma ka aha @ Honolulu

 

@ koia na hana pili kanawai apau @ Mokupuni mai. @ Tavares. Kakauolelo a Ma 1yr.

 

@oolaha @umau.

PAPA! PAPA!

@A MA KAHI O

Lewers & Cooke

(LUI MA)

@ @ hema o Alanui Pap@ me Moi

E LOAA NO NA

PAPA NOUAIK@

@ ke@ a me kela ano

Na@ Puka, na Puka Aiani,

@ @pelepe, na p@, na O’a

@ Papa Hele, na Papu Ku,

@ @ Papa M@ he nui @

@ HALE O NA A PA@

A me na

A@ HOOHINUHINU NANI

O na @ pa@ @oa

Ke ha@ la aku nei oukou e na makamaka a pau, ua mākaukau keia @ makamaka o oukou hoolawa aku ma na mea a pau @ @a ka laua @ihana no k@

U@ Haahaa Loa

@ @ @ @ holo @ua maw@ @ @ ka mea @nai

Hole Mai Wae no Oukou iho

@@@6-0

KA MEA HUNA POHIHIHI

@ @ @ @ Hawaii

MOKUNA XXI

Hoohuaiia ma ka manamanallma

Ma ka wa i komo mai ai ka haku Adelo, oia ka wa a ka Lede Beatirisia i lalau ae ai kona lima i paa ole i ka mikinilima i kona uhi-maka, a oia nohoika wa a ka Haku Adelo i komo mai ai a kaa pono ae la ma ke mua o ke pani-puka a ma ke alo ponoi aku hoy o Beatirisia.

 

Ua paa iho la ka uhi-maka o ua Ui Hoopahaohao nei o Hametona kakela mamua o ka hiki ana i ka Haku Adelo ke ike pono loa aku i na helehelena aka. Ma kana hoomaopopo mai nae, he wahine helehe;ena aoo keia e k uku ana ma kona alo. A ma ia manawa hookahi hoi ike mai la oia i ka lima o ua wahina nei, he lima ia no kekahi wahine o ke kulana ui a opiopio. Na keia mau hiohiona like ole ana i ike mai ai maluna o keia wahine i hoala ae iloko o kona houpo i na manai manao hoohuoi ; nolaila. ma ka wa a ua wahine nei i lalau aku ai i ke kuau o ka papa-ki o ka puka, ia wa i kaulona hou aku ai na maka o ua Haku Adelo nei ma kahi a ua lima la i kau aku ai, a ike aku la nohoi ia me ka maopopo loa i ka polinahe o na manamanalima ame ka nopu

mahiehie ana a ka nani maluna o ua lima la. a ia wa i lele ae ai kekahi manao iloko ona, ma ka hoomaopopo ana iho, aole ana wahine e ae ma ladana a puni ana i ke ai he mau manamanalima hoi i like ka nani me ko keia wahine malihini a kulana ;uahine ana e ike nei i keia ahiahi, aka o ka Lede Beatirisia wale no.

 

ma ka wa i paa aku ai ke kuau o ka papa-ki o ka puka oia ka wa i huli mai ai ua Ui hoopahaohao nei o Hametona Kakela a kunou mai la i ka Haku Tereveliana a puka aku la.

 

 Oiainae ia i haalele iho ai, he mau manao poluluhi a pioo ke hana la iko o ka Haku Adelo. Ku iho la ua Haku nei me keia mau manao poluluhi iloko ona. A ua ka-liloloa ia hoy kona noonoo e ia mau manao. Me ka hoopoina ana ae hoy i ka hoomaopopo ana. Aia oia ke ku la imua o kona makuakāne hoahānau. Oia ka Haku Tereveliana, ame kekahi Lede opio: aka me ka puiwa nae ua mohala hou ae la na hoomaopopo ana iloko ona no keaia mau mea. nolaila. me ka awiwi nui aea la kona poo iluna. a haawi mai la ola i kona aloha ia Alamira a pela nohoi i ka Haku Tereveliana me ka oluolu loa, alaila, hele malie aku la ia a noho iho la maluna o kekhi noho e pili ana ma ka puka-aniani e huli pono ana i ke alanui. Ia wa ninau mai la oia i ka Haku Tereveliana ma hope iho o kona kiei anaku ilalo o ke alanui:

 

“Owai hoy kela lede? He hoaloha hou iho nei paha keia ou. Aole o’u manao iki ua ike au iaia mamua.”

 

“O kela lede, oia no ka luaui makuahine o kuu hanai nei” i pane aku ai ka Haku Tereveliana me ka hoomau ana’ku nohoi, “o ke Kauna-wahine kela o Arevalo.”

 

Ua ano e ae la na helehelena o ka Haku Adelo ia wa. a me ia hiohiona e uhi ana maluna one. puana mama ae la oia i kekahi mau huaolelo:

 

“Kupanaha! O ka makuahine io ka keia o keia kaikamahine! Aole o’u manao pela! Ke ole au e kuhihewa, me he mea la. o ka Lede Beatirisia no kela, oiai ua hoomaopopo loa aku nei au ma ke ano o ka manamanalima. a@”

 

I kela wa kaha-maha koke iho la ua Haku Adelo nei i kana mau olelo liilii ana iaia iho, a huli hou aku la ia nana ilalo o ke alanui. Ike lihi aku la ia i ka pulelo ana mai o ka hu’a o ka lole o kekahi wahine i kau aku iluna o ke kahikaa aniani. a emoole hoy holo alu la ua kaa nei me ka awiwi nui. o keia wahine ana i ike aku ai e kau ana iluna o ke kaa, ma kana hoomaopopo iho ola no ka wahine malihini ana i ike ai ma ka wa ana i komo mai ai iloko o ka rumi, alaila, hull hou mai la kona alo iloko, kua e la a hele mai la a noho iho ia maluna o ka noho a ka Lede Beatirisia i noho ai. a ia wa hoy ua pane ae ia ia:

 

“O ke kauna-wahina kela o Arevalo! He inoa mai@hini los kela ia’u He wahine pelekane anei kela?”

 

“He wahine Pelekane keia a na ma@ oia i kekahi kanaka Sepania ko’iko’i. O ka hana nae a kēia lede, oia ka wahina alakai o loko o kekahi o na hale opera helu ekahi o Ladana nei.”

“He oiaio ka hoy ia. Aole loa no nae au i lohe i kekahi inoa elike me ia ke ano.” wahi a ua Adelo nei i pane mai ai imua o kona inani, me ka leo ano pāhenehene a me he mea ia e hoonaukiuki ana ia ia Alamira.

 

Pane aku ia hoi ka Haku Tereveliana imua ona:

 

“O kela ka inoa ponoi o kela lede. a oiai oia mawaena o na poai o na anaina o na hale opera he inoa okoa no kona a ua ike no oe ia mea e Adelo. Aole no paha makemake o kela lede e lilo kona inoa maoli iho i mea paa hele ia e ka waha o kela ame keia kanaka, a oia ke kumu o kou lohe ole ana i kela inoa, a e hoomaopopo pu iho nohoi oe, he ewalu ae nei ou mau makahiki o ka noho ana ma Inia a ola kekahi kumu o kou lohe ole ana i keia inoa.”

 

“Pela io no.” i pane mai ai o Adelo, me ke ano hoihoi ole, ame ka hoomau ana mai nohoi i ka olelo ana: “He lede kulana hiehie maoli keia, ma ka’u hoomaopopo ana a he lede ano pahaohao nohoi nokamea, ma kona mau maka, e hoike mai ana ia ua aoo loa kona ano, aka, o kona mau lima nae, e hoike mai ana ia i ke kulana opiopio. I ko’u ike ana I kela mau manamanalima ko lakou ano ka maiau o ka lakou ano, ka maiau o ko lokou malama ia ana a me ka mohaha maikai o ka @, ua like loa ia mau manamanalima me ko kekahi lede a’u i kamamaaina loa ai. O ka’u e haohao nei, oia keia,pehea ia i ulu ae ai he mau manamanalima opiopio a ka launa ole maluna o ka oiwi kino i hele a lu’alu’a kona ano, elike me ka hoike a kona helehelena?”

 

I keia wa i huli ae ai ua Haku Adelo nei a nana aku ia ia Alamira eia nae ua huli aku ia kona aio i kahi e, nolaila, aole hiki iaia ke ike aku i na helehelena o ua lede opio la aole nohoi e hiki iaia ke ike aku i ke ano e ana ae o kona kino.

 

Aka o ka Haku Tereveliana ka mea i h@noe ioa ia no keia mau olelo a ka Haku Adelo a kamailio mai ia ia:

 

“E Hale” @o kekahi inoa keia o Adelo “he @ keia o na ia ano e loa a’u e ike nei, na la hoi a oukou e olelo ai he mau ia keia i nohoalii ia e ka holomua-ae-he mau ia kamehai loa keia, oiai i keia mau ia i ike ai au i ka hiki ana i kela mea ame keia mea nuku waha-a ke nema i ke ano o kekahi wahine ma ke ano o kona mau manamanalima, ke kulike ame ke kulike ole me kona helehelena. O keia iho ia paha ka naauao i loaa ia oe mai na ululaau ahiu mai o Inia? manao au, o keia iho ia ke ano o na poe maka hanohano o Inia. Aka, e Hale Adelo, aole o’u makemake iki i keia mau hana maikai ole au. A A e kuu haku.” makeia wa i oluolu iho ai ka leo o ua elemakule ia. “o Miss Aravalo aia oia malalo o ka’u malama ana, oia ka’u moopuna hanai, a nolaila, o kela ame keia ano olelo e pili ana i ke ano nemanema iaia a i kona ohana, e lilo no ia mau olelo, ma ka’u mau hoomaopopo ana, he mau olelo pili kina o ka hoino. Lohe oe?

Me ka hookamani nui, pane awiwi aku ia oia imuna o ka Haku Terevliana e kal aku iaia no kana mau olelo. oiai nae oia e akaaka henehene ana iloko iho ona.

 

Ma keia wa haalele iho ia o Alamira ia loko o ka rumi hookipa a hoi aku ia oia no kona rumi. Ma ka wa hoi aku ia oia no kona rumi. Ma ka wa hoi Alamira i pani ai i ka puka mahope aku ona, hull ae ia ka Haku Adelo a pane aku ia i ka Haku Tereveliana:

“He wahine ui maoli no keia Lede opio e noho pu nei me oe. O kou makemake maoli io no anei ia, e hookama @ keia kaikamahine i kaikamahine @nai nau, a i ole ia, I moopuna hanai paha nau, e kuu haku?”

 

“Makemake au e malama iaia, oiai kona mau la e noho pu ana me a’u e like me kona makemake.” i pane aku ai ka Haku Terevliana me ke kuoo me ka hoomau ana ku nohoi i ka olelo ana: “Ma ka ia apopo e hane ai au i  kekahi haawina nona. I ke kakahiaka o ka ia apopo e lawe mai ai kuu loio i kuu palapala kauoha no ko’u kakauinoa ana’ku.”

Me ka helehelena i halilia iho e ka hiohiona inaina, pane mai ia ua Haku Adelo nei:

“He keu o Miss Arevalo a ka lede opio laki nui wale. He mea maopopo e haawi ana oe iaia he wahi puu @ala māhuahua iki nohoi-aole anei pela?”

 

“E hooili ana au maluna ona he huina o 60,000 paona ($300,00).” I pane malie aku ai ka Haku Tereveliana.

 

Hoike maopopo loa lai ia ko Adelo mau helehelena i ke ano e, a e hoike ana ia mau helehelena ano e ona i ke kupilikii o kona noonoo oiai ke ike ia ia aia kona makuakane hoahanau ka mea i pili iaia ma ka iwi a ma ke koko ke haawi ia he puu @ala nui hewahewa i kekahi kaikamahine e loa ka mea hoi ana i hoomaopopo ai aole ia he pilikana i ka ohana Tereveliana.

O Adelo ka mea nana i hookaulana he kanaka pi ka Haku Tereveliana oia ka mea nana i pekapeka i ua haku Tereveliana la he keiki ino loa o Geofere Tereveliana- a oia no ke kumu nui

o ka poino ana o Geofere a lilo ai ia i enemi ino loa no ka Haku Tereveliana.

O Adelo ka mea nana i hookaulana he kanaka pi ka Haku Tereveliana oia ka mea nana i pekapeka i ua Haku Tereveliana la he keiki ino loa o Geofere Tereveliana a oia no ke kumu nui o ka poino ana o Geofere a lilo ai ia i enemi ino loa no ka Haku Tereveliana.

 

Oiai hoy e paila ana ka hoonaukiuki ame ka inaina iloko o ka houpo o ua Haku Adelo nei ia wa i pane mai ai oia imua o ka Haku Tereveliana:

 

“Kupanaha maoli! Ke haawi nei oe he 60,000 paona (300,00) i kekahi malihini. E papa, manao au, ua alakai hewa loa ia kou noonoo e kekahi wahine maalea elike me keia.”

 

“Pehea?” i ninau aku ai ua Haku Tereveliana nei me ka inaina e okoko ana iloko o kona houpo. “Ea! E akahele loa oe, e Hale, no ke ano o kau mea e kamailio ai, no ka meaa’u i aloha ai, a o ka mea hoy nona ka inoa i lilo i mea na’u e malama ai me ka makamae! Nolaila ke hai aku nai @ ia oe e malama loa oe ia oe iho.”

“Aka.” wahi a Adelo i pane mai ai “@a olelo mau mai oe ia’u no ia mea he hana me ke kaulike alaila he hana kaulike anei keia au e hana nei, oiai hoi, na manaoio loa au e loaa ana ia’u mai a oe mai he haawina hooilina elike me keia puu dala nui hewahewa au e kiola nei i kekahi mea i pili ole mai i kaua ohana.”

 

“Heaha la kou kuleana maluna o ka’u mau dala ponoi i hookaawale liilii ia ai e a’u i kela ame keia wa, mailoko mai o na loaa o ko’u mau waiwai?”

 

“Pela no; aka, e hoomanao oe he makemake au, owau kekahi mea makemake i nei mea he dala. Ma ka wa i loaa mai ai ko’u mau aina, ua pau no lakou i ka morakiia. A iloko o keia mau makahiki i hala ae nei ua nana mau mai ko’u mau onohi maka malunao ka wai wai o ka ohana Tereveliana au e paa nei i keia wa, ma ke ano o ko’u wahi auanei ia e maha ai a pau ae hoi ko’u mau pilikia. Ua olelo mauaku au i ka poe a’u i ale aku a@ he mea pono lakou ke kali a hoea mai ia wa pomakai. Nolaila, ke ike mai la no oe, aole o’u huna i ko’u manao imua ou. Ua manao loa au o na dala au i houluulu ai mailoko mai o na loaa o ka waiwai o ka ohana Tereveliana oia la na dala e pau ai ko’u mau moraki i ka hookaaia. He pupule maoli paha ka manao ana e haawi i kila puu dala hewahewa i kekahi kaikamahine opiopio au i moeuhane ole al iloko o hookahi mahina i hala ae ne@.”

 

“Owau ka haku nana e noonoo ia mea: aole na kahi mea e ae.” wahi hehena.”

 

“Alaila, e olelo mai auanei ko ke ao nei apau ua loaa oe i ka ma’i hehena.”

 

“Heaha ko’u nana i na olelo a ko ke ao nai?”

 

“E akaaka mai ana hoi kou poe hoaloha ia oe me ka piha henehene.”

 

“Alaila, o ka poe apau e hana pela aole lakou he poe hoaloha no’u a no ia mea aole loa au e kapae ana i ka hooko io anaku i keia manao o’u i mea e hoohauoli ia ai na noonoo ana o ko’u poe hoaloha aiai na ike au he hana keia na’u ponoi i makemake a e hooko aku ana no au.”

 

“Aka.” Papa e noonoo mai hoi paha oe no ko’u mau aie.”

 

Me ka helehelena hoonaikola e kilihehe ana ma na hiohiona o na elemakule ne@ pane aku ia oia:

 

“E hoomanao iho oe i na makahiki a’u i noho mehameha ai, owau wale iho no: ka wa hoi au i hele ole mai ai e ike ia’u. E hoomanao iho oe i na makahiki au i kakau palapala ole mai ai ia’u me he mea la aole au he makuakane nou. E noonoo iho nohoi oe i ke ano o keia noi awahua au e noi mai nei ia’u. Nolaila mai kamailio mai oe ia’u elike me keia ke ano. Aole hiki ia’u ke hoomanawanui me kou ano alunu a makee waiwai hoi @a paa loa ko’u mano e hana au i hookahi hana maikai loa mamua o kuu make ana. Aole hiki ia oe ke hooloii i kuu manao o ka mea a’u i hooholo ai ua paa ia a o ka hooko wale aku no ka mea i koe.

 

“Ua ike anei oe i keia Kauna Arevalo?” i ninau mai ai ka Haku Adelo.

 

“Manao loa au, aole loa he kanaka e ola nei ma Ladana nei ma keia inoa. A o kela kaunawahine i hele mai nei ia nei i keia po aole ia o ka makuahine o keia lede opio. O ko’u manao he mea huna pohihihi ka makuahine o keia kaikamahine: a ua make hoi kone makuakane.”

 

“Pehea i maopopo ai ia oe keia mea?” i ninau aku ai ka Haku Terevleiana me ka helehelena haohao.

 

“Aole i maopopo maoli ia’u keia mea. He manao koho wale no keia o’u. Ua makapo anei oe, e Papa? Aole anei ou hoomaopopo i na onohi maka uliuli o keia kaikamahine he mau onohi ia i like loa me ko kekahi mau onohi maka i kamaaina mua ia oe? Aole anei hoi ou ike i kona ano apau, ua like no ia me he mea ia aia he koko o ka ohana Tereveliana iloko ona? Pehea la i @ona ai i keia kaikamahine kela mau onohi maka o geofere Terevelina?”

 

“Aole au i ike ia mea” i pane aku ai ka Haku Terevliana a me ka ninau ana aku nohoi. “E Oremona (o kekahi inoa keia o Adelo) heaha ke ano o kau olelo?”

 

“Eia maoli ko’u manao.” i pane mai ai o Adelo me ke okalakala kunahihi o kona ano apau “Manaoio loa au o keia Alamira Arevalo he kaikamahine oia na Geofere Tereveliana i hanauia mai e kekahi wahine i maopopo ole ia’u kona inoa mamua o ka mahuka ana aku o ua keiki lima koko nei au i Berezila.”

 

I keia wa i haka pono loa aku ai na maka o ua Haku Terevliana nei maluna o Adelo, alaila, huli ae ia kona mau maka i khi e, me ka palulu ana ae o kona lima. A noho iho laua me ka pane leo ole no kekahi manawa. A liuliu pane hou mai ia ka Haku Adelo:

 

“Ua pupuahulu loa aku nei paha ka’u mau olelo imua ou, no ko’u olelo ana aku nei ia oe aole he kanaka e ola nei i kela inoa o Kauna Arevalo. Malia paha aia io no he kauaka ma ia inoa i keia wa maloko o Ladana nei, he wahine hoi kana ame na keiki: aole nae ia he mea no kaua e olelo iho ai o Alamira nei he kaikamahine ia na laua. Malla paha ua hookamaia keia keiki e laua, a i ole ia, ua hoo@malima ia paha laua e malama i keia kaikamahine.”

 

Aole nohoi i kama@o aku ka Haku tereveliana iaia: aka ke hoike la nae na helehelena o ua elemaku ia i kekahi mau helehelena ano e, i hiki loa ia Adelo ke hoomaopopo mai aia he hana nui ka loko o ua elemakule la e hana ana: nolaila, aole oia i pupuahulu hou mai ma ke kamailio ana mai aka ua noho hamau loa iho ia oia no kekahi wa loihi me ka nana pono ana hoi i ka Haku Tereveliana. I ka hala ana o kekahi wa loihi huki ae la ua Haku Adelo nei i kona noho me ke ano e hoonakeke ae i mea no ka Haku Tereveliana e lohe mai ai.

 

(Aole i pau.)

 

Ua hoolaha ae ka nupepa Westfield News i kela manao e pili ana i kekahi kamaaina kahiko oia wahi: “Penei ka olelo a Frank McAvoy, i noho hana ai me L. N. A. & C. Ry., maanei: “Ua inu au i ka LAAU OLA A KAMALENA no ka Lepo paa, Kolera ame ka HI, no 10 makahiki a oi-aole loa he kaawale aku oia laau mai ko’u ohana aku. Manao au, o ka laau pookela loa ia i hana ia. Ke hauloi nei au i ka hoola ana’ku ia mea. He laau kupono maoli ia no na ma’i o ka opu. E kua@a ana e na poe kuai laau lapaau apau. O BENSON, SMITH & CO., na Agena ma Ko Hawaii Pae Aina.