Ka Nupepa Kuokoa, Volume XXXVI, Number 17, 23 April 1897 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA SABATI.

 

HAAWINA V.-MEI 2.

 

? Pa?o h?naka an i ka mua o kana mau kaa? ? ?a? ana Ohana

12-3?

 

Ma? ? o ka ekaiesia, ma ane? ? mai haula a me na ku? o barenaba kekahi, a me Simeona ? ? N?, a n? Loukio no K? a n? Manaena i hanai pu ia m? H? ? kiaaina a me Saulo.

            2 ? i o lakou hoomana ana i ka Haku, a n? ka hookeai E hookaawale oukou ia ? laua me Saulo na’u, no ka ? ? i hea alu ai ia laua.

            3 Ala?a hookeai iho la lakou, pule ai ? ? kau iho la na lima maluna o l? a hookuu aku la ia laua.

            4 Na ka Uhan? Hemolele laua i hoouna ae e hele ae la laua i seleukia; a malaia aku laua i holo ai a hiki ? K?.

            5 A hiki laua i Salami, hai mai la laua, ka olelo a ke Akua maloko o na halehalawai o na ludaio; o Ioane ? hoi kekahi hoalawehana na laua.

            6 Kaahele aku la lakou i ka mokupuni a hiki i Papo, loaa ia lakou kekahi kilo, he kaula wahahee hoi ia, he ludaio o Bariesu kona inoa.

            7 Aia no ia me Seregio Paulo, ke kiaaina, he kanaka Akamai; a kii aku la oia ia Barenaba a me Saulo, makemake iho la ia, e lohe i ka olelo a ke Akua.

            8 Aka, o Eluma, ke kilo (o kona inoa ia i ka hoolike ana) ku e aku la oia ia laua, manao iho la e hoohuli i ke kiaaina, mai ka manaoio aku.

            9 Aka, o Saulo, (o Paulo no ia,) ua piha oia i ka Uhane Hemolele, haka pono mai la oia ia ia.

            10 I mai la, Auwe oe ka mea i piha i ka wahahee a me ka hewa a pau, he K? na ka diabolo, he enemi no ka pono a pau, aole anei e hooki oe i kou ? ana i n aoao pono o ka Haku?

            11 Eia hoi, ano la e kau mai ana ka lima o ka Haku maluna ou, a e makapo no oe aole e ike aku i ka la a hiki i kekah? Manawa. Haule koke mai la maluna ona ka pouli a me ka moowini. Hoohol? ae la ia e imi i mea alakai lima nona.

            12 Alaala ike ae la ke kiaaina i ke mea i hanaia mai ai, manaoio aku la ia me ka mahalo aku i kea o ana a ka Haku.

            13 Holo aku la o Paulo ma mai Paop a hiki mai i Perege no Pamepulia; a haal? o luane ia lana, a hoi aku la i Jerusalema.

            ? ? Mareko 16.15 E h? ak? ? ? ? aian apau, e hai aku i ka Kuanelio i ka kanaka apau.

            MANAO NEI. E pono i kela ame k? ia mea manaoio ke haiuanelio aku e hooko?ai i ko Iesu kanoha hope lea.

            OLELO HOAKAKA. Mamuli o ka olelo hoike Oihana 11.30, ua lawe mai o Barenaba ame Saulo i mau haawina manawaka mai ka Ekalesia o Anetioka aku i ka Ekalesia ma Jerusalema. A pau ke a hana, ua hoi hou aku laua ia Anetioka a lawe pu ia Ioane Mareko no ke kokua pu ana i ko laua haieuan? ana. Oih? 12.25 Ma keia haawina ?ala he olelo hoike e pili ana i k? ? ? o ko laua kaahele misionari ana. Aole i noho wale ka Ekalesia aka nae ua hele aku e kii i na kanaka auwana.

            ? Anetioka, malaila ka Ekalesia nui i kakuluia he mau makahiki he u? mamua iho. Kaula.-ua like koi a? ohana me ko ka poe haiolelo hoohulihuli, i keia mau la. Kumu.-na like ko lakou mau Oihana me na kahu ekalesia e kupene ana. Sime? nona ka moa Ltina Nigera. He mau inoa maa mau laua. Aole ? ? hoikeia he paele oia, oiai oia no kea no o ka inoa Nigera. O kona inoa m? oia no ka hunahuna ike wale no i loaa ai ia kakou e pili ana i keia hoahanau. Loukio.-oia paha ko Paulo mea pilikoke. Rom. 16.21. Kurene.-nolaila mai ka poe haieuanelio mua ma Anetioka. Oih? 11.19. 20. He mokuaina ia ma Aferika akau, ma ka ? komohana o Aigupita. Manaena.

            ? inoa Hebera keia, i kakauia Menahema, ma ke Kanoha Kahiko. 2 Nal. ? ? me kea no “hoona.” He keiki hanai oia no Herode Ka Nui. Kiaaina.

            ? hoonohoia e ka Empepera Roma maluna e Gahlaia, ame Perea, oia ka hapaha o ke Aupuni o kona makuakane o Herode Ka Nui. 2. Hoomana.

            ? a kekahi maa hana haipule, ku i ka wa. Hookeai.-he hana hoomana keia e ka poe ?mipono. Is. 58.6 7: Ma? ?29. Uhane E hoomoakaka ana i kona manao no lakou e hooholo ai oiai i oleloia kea no o keia hoike ana. Ke hoike nei oia i kona hooponopono ana maloko o ko kakou noonoo ma ka hoomaopopo ana i ka olelo a ke Akua, ma kekahi leo kahea maloko o ko kakou ouli, ma kekahi leo kahea mai ka Ekalesia mai, ma na ano hana he nui wale. Hookaawale.-e like me ko kakou poni ana i mau kahu ekalesia no ko lakou Oihana kaawale. 3. Kaa.-ma kekahi halawi pilikahi, me ka pule ame ka hookeai ana, ua kaulima ka Ekalesia i keia mao elele haleuaneho e lawelawe i keia oihana haieuaneilo ma na aina e. Aole hiki i ua Ekalesia la ma kea no holookoa ke hele aku. Ua lilo laua i mau panai no ka Ekalesia o Anetioka e lawe ae i ka makalua o ua ekaleeia la. ? Hoouna.-na ka Uhane Hemolele keia hana o ka Ekalesia ka mea paahana wale no. Seleukia.-ma ka aekai, ka au’a paemoku no Anetioka haawale mai ka nuku mai o ka muliwai Ononoiesa, he mau mile 4. mai Anetioka mai he mau miie 16. Kupero.-he mokupuni ma ke Kaiwaonahonua, 80 mau mile K. H. mai ia Seleukia aku. He mau mile 150 kona loa mai ka bikina a hiki i ke komohana: he mau mile 60 ka laula mai ke akau a hiki i ka hema. He one hanau ia no Barenaba. 5. Kalami.-he kulanakauhale alii o Kupero, ma ka aoao hikina. 6. Papo.-he kulanakauhale ma ka aoao komohana. Kilo.-akamai ma ka ike ana i na mea e hiki mai ana, mamuli o kona hoike hopunipuni: me ka mana nohoi e pale aku i na poino, e hoopaa i na pomaikai, ina paulele na kanaka i kona leo apiki. 7. Seregio Paulo.-ke kiaaina Roma, i hoonohoia e ka Senate Roma. 8. Eluma.-ka inoa Suria, like pu kea no me kilo. 9. Paulo.-ko Saulo inoa Latina. a mamuii o keia inoa ua moakaka kona kuleana. he makaainana Roma. 10. Diabolo.-e like me ko Iesu olelo, Ioane 8:44 like ole me kona inoa kamalii. Bariesu, oia hoi. ke keiki a Iesu. Keakea.-he hewa ano nui keia hoopaewa ana ia ka olaio e lilo ai i hei no na Uhane o na kanaka. 11. Haku.-o Iesu. ke Akua Mana Loa. Makapo.-aole hiki ke hoomaopopo i ke ao; ua like loa ia me ka po. Manawa.-pokole wale no ka wa hoopai. me he mea la ua paipai o Paulo ia ia e mihi e ola’i. 12. Manolo.-no ka hana mana ua hoalaia kona noonoo e nana pono ai i na oiaio hou o ka pono Karistiano. 13. Paulo.-mai keia wa aku ua lilo o Paulo i poo no ka huakai. Perege.-ke kulanakauhale o Pamepulia. he mokuaina ma ka hema o Aisa Uuku. Haalele.-no kekahi kumu pono ole. mamuli o ko Paulo manao, oih. 15:37. 38. Ua koho kekahi mea wehe wehe Balbala. ua loaa ia Paulo ka ma’i fiva no ka ea ino. a paa kona manao e hele aku i ka aina mauna. oiai ua hole o Mareko e hele pu aku.

I.     I hookaaualeaia e ka Uhane Hemolele. 1-3. Ehia mau makahiki mamua iho ua kukuluia ka Ekalesia ma Anetioka? Ua hookomoia anei na kanaka Judaio wale no? Heaha no Oihana okoa o na kaula ame na kumu ma ua ekalesia la? Owai o Barenaba? Owai kona inoa Hebera? Ua keakea anei ko Manaena hanaiia ana ma ko Herode hale alii i kona lilo ana ia haumana no Iesu? Mai na lahui ehia mail keia mau kahunapule elima? Heaha ko lakou mau hana i hana pu ai? Heaha ke koikoi o ka hookeai? Heaha ka olelo ao mai ka Uhane Hemolele mai? Ua poni hou ia anei laua? A i ole paha ua kohoia laua no kekahi hana ano hou? Heaha ka oiaio i hoailonaia e ka kaulima ana? Ua hookomoia anei laua i kekahi papa okoa, a i ole paha ua hookohuia anei laua no kekahi Oihana okoa? Heaha ka haawina oi aku ke koikoi, na dala kokua paha, na hoalawehana paha i hoounaia mai kekahi Ekalesia mai?

II. I hopanala’ku e ka Uhane Hemolele. 4-8. Ua hoouna aku anei ka Ekalesia ia Barenaba laua me Saulo? Ihea ko laua hele mua ana? Mahea o Seleukia? I ka la hookah mua ua holomoana aku laua ihea? Ehia mau mile ke kowa? Mahea o Salami? Ma na hale hea ko laua haieuanelio ana? O wai ka mea lawelawe no laua? Ihea ko lakou kaahele ana? Owai kekahi kilo Judaio malaila? He mau mea hoike oiaio anei na kilo? No keaha la ua paulele na kanaka i na hana apiki o keia mau kilo hoopunipuni? Ua hoikeia anei ko Seregio akeakamai ma kona kii ana ia Paulo laua me Bariesu? Heaha ka huaolelo Suria no ka mea hoakamai like pu me kilo? No keaha la kona keakea ana i ko Paulo hoike?

III.              I hoopihaia me ka Uhane Hemolele. 9-13. Ma ko Saulo haiolelo nui ana ia ko na aina e. owai kona inoa Latina maa mau? Heaha kea no hou i Ioaa ia Paulo ma ka halawai kino ana me ke kilo? Ua hiki i ke kanaka ke nana pono i ka naau o hai? A haka pono o Paulo i ke kilo hoopunipuni heaha kona olelo ao hooweliweli? Ua piha ke kilo i keaha? Pehea la ka poe epa na kamaeu na Satana? He olelo kakana wale no anei keia olelo o Paulo? Ua kue maoli anei o Eluma ia Barenaba laua me Saulo, a i ole paha. ka pono a me ka oiaio? Ua kau mai anei ka lima oia hoi ka mana hoopai, a Iesu maluna o ua kupua la. mamuli o ko Paulo kauoha wale ana aole paha? Heaha ka uku hoopai hooweliweli? Heaha ke kumu o ko ke Akua hoop?ana. Heaha ka hua maikai o keia poino mai ke Akua mai? Pehea i like ko Paulo hoopi ana ia Eluma me ko Iesu hoopai ana ia Paulo? Owai ka mea a Seregio i manaoio aku ai? A pau na hana ma Kupero ua holo aku o Paulo ma ihea? Mahea o Perege? Ua alakai anei ka Uhane Hemolele ia Paulo ma? Owai ka mea haalele hana ia wa? ua lokahi anei na manao o keia mau misionari mua? Hiki anei i na hoalauna hoopono ke paulele loa kekahi i kekahi ma ka hooholo ana i ka hana a ka Haku? Ua lilo anei o Mareko i kokoolua no Paulo. 2. Tim. 4:11 Kol. 4-10?

IV.              MANAO PILI. 1. E pono anei i ka Ekalesia ke noonoo i ka leo kahea o kekahi hoahanau e lawelawe i na Oihana laa? 2. Ua kupono anei e imi mau ma ka mea haiolelo i ko ka Uhane Hemolele hookohu ana. hoonoho ana. hoopiha ana ia ia? 3. Heaha kekahi mau kumu no ka hooholo loa ana i na hana misionari? 4. E pono anei ke palaueka no ko ka hewa kue ana i ka pono? 5. Ua kaheaia anei na hoahanau apau loa e hele aku me he mau misionari ala: a i ole pela. heaha ka hana kupono o ke koena i kahea ole ia e lawelawe i keia oihana?

                 He mea pono i keia ame keia Ohana ke loaa ona laau lapaau mama no na ma’i o ka opu. I laau lapaau puhili ole no ka “Moku ino loa o ka lepo” (Diarhea) Nahu, Umii, Kolera ame na ma’i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke hana mau ia nei i keia ame keia la, ma na aina apau o ka honua nei. O ka Hui Kuai Laau Lapaau o Hollister, ka Agena.

 

? M O E?

KEONIMAN? KEO.

                 KA EUEU PUUWAI WIWO OLE-KA HOOPAKELE O KA WELI HOI A KA POE HAIHAI KANAWAI-A O KA MOI O NA LUA ELI GULA.

 

MOKUHANA I.

                 Kau koke ae la au maluna o ka lio, a huli ae la hoi au nana i kea no o ka mea e hana ia mai ana maloko o ka hale. Ia wa, ua ike aku la au, ua ho-a la ae la na ipukukui nunui oloko o ka hale, a e maaloalo ana kekahi poe, nolaila, ua maopopo ia’u, ua ike ia ka pilikia e ka poe i koe, a e pioo ana lakou me ka holo ana ma o a maanei. Ua hoomaopopo iho la au, ua hololea ka’u mau mea i hana ai. Me ke kakali hou ole, ua hoohuli koke ae la au i ke poo o ko’u lio no ke alaloa. Ua ike hoi au, he alahele loihi ko’u e hele aku ai, a aole o’u pono ke halawai au me kekahi mea ma ke alanui mawaena o ka hale o Ward a me kahi hoolulu kaa ahi, nolaila, aole au i hahai ma ke alanui ponoi, ua holo aku la au ma ke kula, a hoea i ka ululaau, a me ka holo ikaiki ana ma ia wahi pauku aku o ke alanui, ua hoea aku la au ma kahi a’u i hoomaka mai ai e hele mai ko’u lele naaupo ana mailuna mai o ke kaa ahi. Ma ia wahi aku, ua hilo malie aku la ua ma ia wahi aku. Oiai he lio holo a ikaika lua ole ua lio la a’u e kau ana, ua hoea aku la au, ma ke kulanakauhale, kahi a’u i lapaau ai ia Ward. Oka hora eono ponoi ia o ke kakahiaka, a oiai o ke kau hooilo ia, e mau ana no ka pouliuli i ko’u wa i hoea aku ai.

                 Ua kipa ae la au, ma kekahi wahi hotele uuku ma ka pili waho o ke kulanakauhale, a mamuli o ka laki, ua loaa aku ia ia’u ka haku hotele, e holoholo ana ma kea lo o ka hale.

                 Ia wa, ua hoike aku la au i ua kanaka la, he makemake au e noho ma kona hotele no hookah la, me hookahi po, a e mālama pono ia hoi ko’u lio ma kona hale lio. Ua ae koke mai la ua kanaka la, a ia wa ua uku aku la au iloko o kona lima i na dala ma ke gula. He mea e ka hauoli o ua kanaka la, oiai he uku nui hewahewa loa kela a’u i haawi aku ai iaia.

                 Hoomaopopo koke iho la au, he kanaka kela a’u e hiki ole ai ke hilinai aku. O ke dala ka mea nui hookah i kona manao, a ua hoomaopopo au he hotele ia me kona mau moolele eleele ino loa.

                 Ia maua e ku ana ma ka lanai, ua kahea aku la na ona hotele la i ke kahu lio e kii mai e lawe aku i kuu lio e hanai, a e wehewehe hoi i ka noho am eke kaulawaha. I ka hoea ana mai o ua kahu lio la, ua hoomaopopo koke aku la au, he kanaka ia me kona mau moolelo eleele. I ka hala ana’ku o ua kanaka la, ua pane mai laua ona hotele la ia’u:

                 “Mai hopohopo oe no ka lio e kuu makamaka, oiai o kela kanaka kekahi o na kanaka akamai loa ma ka mālama ana i keia mea he lio. Oia ke kanaka hookah a’u i hilinai loa ai. Ina oe e makemake ana e hanaia kekahi mea ano nui, e hoike mai oe ia’u, a e hooko koke ia no kou manao me ka hauoli,” me ka imo ana iho o kekahi o kona mau maka elike no me kea no mau o ka poi kolohe.

                 “Eia wale no ko’u makemake: Ina e hele mai kekahi mea e ninau ia oe, a i ole, i kekahi paha o kou poe kanaka no kekahi malihini i hoea mai ma kou hotele nei, e hole aku oe, aohe mea i hoea mai, aka, e hoike aku nae oe, he kanaka aoo wale no kai kaalo ae mawaho o kou wahi nei i keia kakahiaka nui e hele ana no ke komohana maluna o kekahi hoki keokeo. E hoike aku oe i kela mea i kou poe kanaka. Pela hoi me ko’u lio, aole o’u makemake e ike iki ia kela lio e ka maka o kekahi poe mawaho ae o kela kahu lio ame kaua. Ina oe e mālama pono ana i keia kauoha a’u, a hiki i ko’u wa e haalele iho ai i kou hotele nei, e haawi makana no au ia oe me kou poe kahu i na apana dala gula he hookah aeko (umi dala),” wahi a’u ia kamailio aku ai i ua kanaka ia me ke kuoo, me ko’u nana pololei ana ma kona mau maka. Aole e hiki i ua ka naka ia ke nana pololei mai ia’u, no ia mea, ua hoomaopopo ioa iho la au he kanaka maikai ole loa keia, aka, ua ike no nae au o ke kala kona akua, a ua hiki loa iaia ke oki i ke kani-ai o kona hoaloha no keia mea he dala.

                 Me ka mino-aka hauoli ma kona mau papalina, ua pane koke mai ia oia:

                 “E mālama mailani ia kau kauoha e a’u ame ko’u poe kanaka, ina o ka Peresidena ke hele mai a ninau mai nou, aole loa e owaka iki ana ko’u waha. O ke kanaka e kue ana i keia kauoha a’u, e inu koke no ka maka o ka’u kila i ke koko o kona puuwai. Nolaila, e pono oe e hoi ma kou keena, a e hoouna koke aku no au i kekahi o na kuene me ona kiaha kope nou, me ona mau apana palaoa pulehu, a ma ka hora 8 e makaukau ai ko kaua paina kakahiaka.”

                 Lawe aku ia ua kanaka ia ia’u a hoea ma kekahi keena moe maikai a oluolu, i hoolakoia me na mea hoonani hale i ano like me ko na hotele nunui, la wa ua pane hou mai la ua kanaka la me ke kunou haahaa ana:

                 “Eia kou rumi, a e noho oe me he mea ia nou na mea apau. He keena keia a’u i hoomakaukau ai no ka poe keonimana wale no elike me kou ku I na. He kakaikahi loa ka nohoia o kela rumi. I kou wa e makemake ai no kekahi mea, e huki mai oe i keia poheoheo e pili mai ia ma ka paia ?me ke kuhikuhi ana o kona kima i kekahi poheoheo keokeo e kau mai ana ma ka paia o ua keena la, i like loa me ke poheoheo o ka pani-puka a e hoea koke mai no ona kauwa.”

                 Ia wa, ua haalele mai la ua kanaka la ia’u me ka helehelena piha hauoli, me kona kuhihewa paha ua paulele loa au ma kana mau olelo.

                 Iaia no a hala aku, ua wehewehe koke ae la au i ko’u paa lole e aahu ana, a wehe ae la au he paa lole ano mama noho hale mailoko ae o ko’u paiki lole, a mahope o ko’u pola kope wela me ka palaoa pulehu. Ua ai iho la au me ka ono i na mea i laweia mai. Mahope iho o ka hoihoi ana o ke kuene i na pa ame ke pola, ua hooluolu iki iho la au maluna o ke koki hooluolu.

                 Ua nana pono au i na paia o ua keena la me na wahi e ae apau. Ua uhiia ka papahele o ua keena la me ka moena huluhulu veleveta. Aia nae malalo o kekahi noho koki, ua ike aku la au he wahi maamaama iki, nolaila, ua hoonee koke ae la au i ke koki, a he mea e ko’u puiwa i ko’u ike ana he apana ua oki huina-haia, a aole nohoi i kakiaia ka apana huina-ha, aka, ua hoouhi wale ia iho la au he pani-puka huina-ha i hoopaaia me na ami am eke poheoheo no e lalau iho ai a hapai ae. He puka hoi e hiki ai ke komo ke kanaka me ka oluolu. I kuu wehe ana ae me ka houpo kapalili, ua hoomaopopo koke iho la au, he lua hohonu launa ole ke waiho hamama ae ana imua o ko’u mau maka, a o ka ea i pipii ae, he hauna a polopolona me he mea la he wahi i pepehi mau ia o na bipi ka hohono koko kahiko. Ua hoomaopopo koke iho la au he nui a lehulehu na kino kanaka i kiolaia ma kela wahi, a aole i ike iki hou ia lakou e ko lakou poe makamaka.

                 He mea oiaia, ua lohe wale no au mai kekahi poe kama’aina mai, ia’u ma ka halemai i kuu wa e lapaau ana ia Mr. Ward i na pule mamua ae, he nui na poe malihini i hele mai no keia kulanakauhale, aole nae lakou i ike iki ia. Ua haalele aku kekahi kanaka waiwai i kona wahi me ka hoike ana ia kona ohana ame kona poe hoaloha e hele ana oia no keia kulanakauhale, aka, i kona hele ana mai aole loa oia i hoea iki mai i kahi ana i makemake ai e hele mai. Ua kakali kona makamaka a hala ka Manawa, aole nae he hoea iki mai o kana malihini, nolaila, ua kakau aku oia me ka ninau ana i ka ohana o ua kanaka la, ina paha ua hele io mail oia, a ua hoikeia mai oia, ua hala mai oia elike me kana i hoike maa ai. He mea e ke?kahaha o ka ohana o ua kanaka la, ina paha ua hele io mai oia, a ua hoikeia mai oia, ua hala mai oia elike me kana i hoike maa ai. He mea e ke?kahaha o ka ohana o ua kanaka la ame ka makamaka ona ma keia wahi. Ua hoolimalima nui ia na makai kiu Akamai loa e huli, aole nae he loaa iki i ke kino, a me ka mea nana i pepehi kela kanaka a hoea i keia wa. Pela no hoi kekahi po e ae.

                 I kela wa, he kiekie ko’u mihi no’u iho, no ko’u hana ana i ka hana elike me kela kanaka ona hotele, oiai he kanaka no hoi au me na lima i paumaele me na koko he lehulehu wale o ka poe hewa ole. Ina he mea hiki ia’u ke hoola hou i ke ola kela poe, ua ae au me ka laelae am eke kanalua ole e molia i ko’u ola ih. Eia he pepehikanaka lapuwale imua o ko’u maka, a’u hoi e hiki ai ke haawi ae iloko o na lima o ke kanawai, a e hoohauoliia hoi na puuwai o na ohana he lehulehu wale, a e lilo no hoi au he mea kaulana a mahalo nui ia, aka, o ke kulana nae i loaa ia’u aole loa e hiki ia’u. He kanaka karaima au eike me keia ona hotele.

                 Mahope iho o ko’u uhi hou ana i ua puka la me ka pane hou ana i ka noho koki a ku ma kona wahi, ua noho iho la au ma ka noho me ka noonoo nui ana i ka’u mea e hana ai.

                 Ia’u e noonoo ana, ua kikeke mai la kekahi me mawaho o ko’u puka, ua hoomaopopo koke ae la no nae au, o ua ona hale ia no kela. Ia wa, ua ninau aku la au a hoike mai ia ua kanaka la e iho aku au e paina pu me ia ma ke keena paina. Me ka hook’ulua ole, ua puka aku la au me he la aole loa au ike i kekahi mea ano e o kona hale.

                 Noho iho la maua ma ka papaaina me ka hoonuu ana i na ono i hoolako ia. Ua hoonanea mai la oia hoolako ia. Ua hoonanea mai la oia ia’u me he la he keonimana oiaio la oia, aole hoi kekahi hiohiona o ka pepehikanaka maluna ona.

                 Oiai he makemake loa au e ike i kona ano maoli, ua pane aku la au, me ka ninau ana iaia me ko’u Makaala loa i kona hiohiona:

                 “He hanako malama dala no anei ko keia wahi e hiki ai ia’u ke waiho aku i na dala he umi tausani no keia po a hiki i kakahiaka?”

                 Ua ike koke au i ka huwila ano e ana ae kona mau maka e hoike ana i kona pihoihoi i ka lohe ana no keia huina he umi tausani dala. Me ka haikea ana ae o kona mau papalina, ua pane mai ia oia:

                 “He mea makehewa wale no kou lawe ana ia mea ma ka baneko i keia po wale no, oiai e uku aku ana oe he uku komisina mahuahua. Eia ae no kuu pahu hao nui, ua hiki loa ko dala ke waihoia malaila me ka uku komisina ole. He nui na poe malihini i hele mai ma ko’u no e mālama me ka auhau ole elike me na baneko.”

                 Eia ka’u o ka i ana iho iloko o’u iho i kona wa i kamailio mai ai: “Ae, he hikiwawe loa oe i ka olelo mai aohe uku komisina, oiai ua maopopo no ia oe aole loa kela kanaka e ike hou ana ia ua mau kala la, a aole hoi oia e ike hou ana i ka la o kekahi kakahiaka ae, no ka mea, he kupapau oia mamua ae o ke kani ana o ka hora 3 o ka wanaao oia po.”

                 Hoomaopopo koke iho la au he kanaka keia i lehia ma ia mea o ka powa. Aole loa e hiki ke ikeia kekahi nanaina pihoihoi maluna ona. Mai hoomaopopo ole no paha au ina aole au i ike mua i kela lua meki huna kino kanaka ana malalo o keia rumi i haawiia mai ai ia’u. Oia wale no ke kumu nana i hoala i ka hoohuoi iloko o’u, a pela iho la au i ike ai i kona helehelena pihoihoi i kinohi a’u i kamailio aku ai iaia no ke dala. Ina aole, aole loa au e hoomaopopo iki he kanaka ano e kela, oiai ma kana mau olelo ame kona ano, ne keonimana oialo oia.

                 Ia wa ua hoomaikai aku la au iaia me kuu i mua ana aku nae: “Aia a ahiahi, alaila, haawi aku au i kuu eke dala ia oe, oiai no keia Manawa e hele mua ana au e hoolilo i kekahi mau tausani elua a ekolu paha ma ka bila kikoo ma ka baneko. Maalahi maoli au no kou lokomaikai.”

                 “Ua hiki! Ua hiki! wahi a ua kanaka la me ka hauoli.

                 I ka pau ana o ka maua paina ana, ua hoi aku la au ma ko’u rumi a haule iho la au noonoo hou no ka mea kupono a’u e hana ai. Ia’u hoi e noonoo ana, ua loaa iho la ia u ka mea kupono a’u e hana ai no ka loaa pono ana o keia kanaka, a me kea no e hiki ai ke hopuia oia a paa ma kea no he pepehikanaka. Aole hoi he pepehikanaka ma kea no he hookahi wale no, aka, he hana nana i hana a kuluma. Ua akaaka iho nae au ia’u iho, oiai au e hoolala ana i keia mau hana, oiai eia au he pepehikanaka e holo malu ana mai na lima mai o ke kanawai, eia nae au ke noonoo nei no ka hopu ana i kekahi kanaka i like loa ke kulana me ko’u.

                 I kela wa, ua wehewehe koke ae la au i ko’u aahu, a komo iho la he aahu paa lole no a’u i hoolako mua ai, oiai e kala wale no i ulu ai na noonoo kepolo iloko o’u, aole hoi ma kea no he pephikanaka, aka, he makemake mua no au i ka hoololi i ko’u ano e hiki ole ai i ko’u mau hoaloha ke ike mai ia’u i ko’u wa e hele ai i ka “huki ulua,” a ia ka e hele loa aku ana au i ka lapa manu ole.

                 Mahope iho o ko’u kilohi ana ma ke aniani kilohi, he mea kupanaha, aole loa e hiki ia’u ke ike iho owau no keia. Ua like loa au me kekahi kanaka o kanalima a kanaono paha mau makahiki, me na umiumi keokeo loloa, a me ka lauoho hina i hele a moauakea, me na waihooluu ma ka ili o ko’u mau papalina ame ko’u lae me he la he minomino io no no ka ili elike loa me ko ka poe aoo. I ke kau ana ae hoi o na makaaniani, ua maopopo loa ia’u aole loa e hiki i ko’u makuahine ponoi ke ike mai o kana keiki ponoi no keia ina oia ma ia wahi kekahi iloko oia wa. Nolaila, ua mao popo loa a’u, aole loa au e ike iki ia mai ana e kekahi poe.

                 I ko’u makaukau ana, ua hele mua aku la au e hoomakakiu no ua ona la, a me kekahi poe e aku no noi, oiai aohe o’u makemake e ikeia mai au e puka aku ana mailoko aku o ka hotele. I ko’u maopopo ana ua mehameha ke keena nui waena o ka hotele, ame ka lanai no hoi e puka aku ai, oiai ua ike aku la au i na poe apau aia maloko o ke keena pahupahu ame inu rama, ua iho awiwi aku la au a puka iwaho me ka ike ole ia.

                 Ua hele pololei aku la au no ke keena o ka Oihana makai o ke kulana kauhale. I ko’u hoea ana aku, ua haawi aku la au i ko’u pepa inoa i ke keiki elele o ka oihana, me ko’u olelo ana aku iaia, he makemake au iaia ? lawe aku i ko’u pepa inoa i ke poo o ka oihana, Mr. Wiliama. Ua kakau hoi au ma ko’u pepa inoa me keia mau huaolelo: “Jas. H. Niwela, Makai Kiu o ke Kulanakauhale o Nu Ioka, Helu 201 Market Street.” He wa pokole, ua hoea hou mai ia ua wahi keiki elele ia, a me ka kunou haahaa ana, ua olelo mai ia oia ia’u e hahai aku mahope ona. Ua makemake loa ka liamuku e komo koke aku au. I ko’u komo ana aku e noho ana kekahi kanaka ano aoo iki no ma kekahi noho pulu nui ma ke aio o kekahi pakaukau kakau inoa. Ua ku koke ae ia oia, i kona ike ana mai ia’u, a me kona haawi ana mai i kona lima akau no ke aloha, me ka mino-aka oluolu ma kona mau papalina, ua pane mai ia oia:

                 “He mea e ko’u hauoli o ka ikemake ana ia oe e Mr. Niwela? He hanohano kiekie keia i loaa ia’u ma kou hele ana mai nei e ike ia’u. He lehulehu ko’u lohe ana i kou inoa me kau mau hana koa a wiwo ole ma ka hooikaika ana e lanakila ka maluhia ma kou kulanakauhale nui?”

(Aole i pau.)

                 Elua makahiki i hala ae nei, kuai iho la o R. J. Warren, he mea kawili laau ma Pleasant Brook, N. Y., he lako Laau Kunu a Kamalena. Penei kana hoike: “Ma ia wa aohe ikeia na waiwai ma keia hapa o ka aina; aka, i keia la he laau kaulana loa ka Laau Kunu a Kamalena.” Pela no ma na wahi ao kanaka apau. Ma na wahi i laulaha ai ka waiwai hoola o keia laau kunu a Kamalena, aole loa he kanaka makemake i na laau e ae. E kuaila ana e na poe kuai laau lapaau o na ano a pau. O Benson, Smith & Co., na Agena ma ko Hawaii Pae Aina.

 

Hoo’aha Kuma.

 

Ka Ayer Laau Kunu

 

                 No ke Anu. Kunu. Ma’i ma ka ?. Puu Eha. Anu ame ka Ma’i Ai Ak? ? maka hou. Aohe lua e loaa ?. Laau Kunu a Ayer. O keia k? kunu kaulana loa i ikeia ka holo? na lapaau ana maloko o ka Oihana ? paau, a ua apono loa na Kauka L? ma kela ame keia wahi. Ehoomaopopo ana ia ia ka aai ana ia ka pale lah? i pili aku ai ka ma’i, wawahi? ka ? paakiki e kunukunu a e maneo ai ? puu, hoopau i ke kunu ana, a loaa ? ka oluolu. Ma kea no laau pale pi? kokoke loa noloko o ka ohana ? AYER LAAU KUNU ka heiu ekahi. Aohe lua o keia laau no ka hoola ana ? ke Kunu Ho. Kunu Kalea. Puu E? ame na ma’i apau o ke Ake-mam? loohia mau ai ka poe opiopio. A? ohana i palekana, ke ole e loaa? kou

 

KA AYER LAAU KUNU

 

OIA HOI

 

KA AYER CHERRY PECTORAL,

I homakaukauia e

Dr. J. C. AYER & Co.

Lowell, Mass., U.S. A.

 

                 E makaala loa no na laau hooha? like kumukuai emi. Ka inoa o keia laau, oia ka AYER CHERRY PECTORAL. E ikeia ana keia inoa mawaho o ka wa’hi, a maloko nohoi o k? kino o kela ame keia omole.

 

                 Ke pookela o na laau no ka mālama ana, ka hooulu ana me ka hoonani ana i ka lauoho, oia ka

 

                 Ayer Laau Hooulu Lauoho.

 

                 Aole e kepia ke poo, ola na ma’i puupuu, aole hoi helelei ka lauoho. ? maloohaha mai ka lauoho, hinaw?nawe a ano hina mai, alaila, na keia laau e ho’iho’i hou ae la ia ka lauoho. Ma na wahi apau, o keia Laau Hooulu Lauoho a Wyer ke pookela, a ua lilo ia i punahele a i hoapili no na led? ame na keonimana.

Ayer’s Hair Vigor

I homakaukauia e

Dr. J. C. AYER, Lowell, Mass., U.S.A.

 

Na Medala Gula mai na Hoikeike Nui o ke Ao

 

Hollister Drug Co. Lt.

Na Agena ma ka Paeaina Hawaii.

 

KAKELA ME KUKE

Ka Halekuai Nui

 

O Na

 

WAIWAI LIKE OLE

Na MEA

HANA KAMANA A PAU

Na lako pili hao kukulu hale, Na kepa, Nalei ilio, Na Kaulahao ilio, Na Pahi, Na Upa, Na kope huiu, Na Palapala.

 

PALAU LIO

 

Na mea mahiai, Na au ?, Na au koi, Na kua bipi, Na lei bipi, Na Kaulahao bipi, Na uwea pa, Na kaa palala, Na mea pioia, Na ipuhao.

 

Makau me Aho Lawaia

Na Iliwai, Na kaula, Na hulu pe?a, Na pulumi, Na pena, me ka ailia, Na kopa, Na aila mahu Na pak?.

 

Na pakeke hao, Na kapu hao, Na pauda, Na kukaepele, N uwiki, a me Naipukukui.

 

Mikini Humuhumu aulana

 

Wilcox, & Gibbs Hookhi Lopa

 

ka Reminton, Elua Lopi.

 

A me na ukana he ? loa o kela ane a ? keia ano.

 

Kakela me Kuke